Category: news_sub

ආණ්ඩුව හෙළි නොකරන පාස්කු ප්‍රහාරයේ මහමොළකරුවා කවුරුන්ද යන්න පිළිබඳව මාර්තු මස 31 වනදා රටට හෙළිකරන බව පිවිතුරු හෙළ උරුමයේ නායක, නීතිඥ උදය ගමන්පිල මහතා පවසයි.

අද (16) කොළඹ දී පැවති මාධ්‍ය හමුවකට එක්වෙමින් ඒ මහතා මේ බව සඳහන් කළේය.

වසර එකහාමාරක පමණ කාලයක් පුරා පර්යේෂණයක් සිදු කර ‘පාස්කු ප්‍රහාරයේ මහ මොළකරු සොයායාම’ නමින් පර්යේෂණ ග්‍රන්ථයක් සකස් කළ බවත් එය එළැඹෙන මාර්තු මස 31 වනදා සවස 3.30ට සම්බුද්ධත්ව ජයන්ති මන්දිරයේ දී එළි දැක්වීමට බලාපොරොත්තු වන බවත්  උදය ගමන්පිල මහතා මෙහිදී වැඩිදුරටත් පැවසීය.

එහිදී වැඩිදුරටත් අදහස් දැක්වූ පිවිතුරු හෙළ උරුමයේ නායක, නීතිඥ උදය ගමන්පිල මහතා,

”පාස්කු ප්‍රහාරය වසර 7ක් සිට විකුණුවා.. ආණ්ඩු හැදුවා ආණ්ඩු පෙරලුවා කිසිම පදනමක් නැතුව රණවිරුවන්ට හිංසා පීඩා කරන්න පාස්කු ප්‍රහාරය යොදා ගත්තා.. දැන් මේ ප්‍රෝඩාවට තිත තියන්න කාලය ඇවිත්” 

පවතින අර්බුදය හමුවේ ජනතාව විසින් අරපිරිමැස්මෙන් යුතුව ඉන්ධන පරිභෝජනය කරන්නේ නම් QR ක්‍රමයක් අවශ්‍ය නොවන බව කර්මාන්ත හා ව්‍යවසායකත්ව සංවර්ධන නියෝජ්‍ය අමාත්‍ය චතුරංග අබේසිංහ මහතා පවසයි.

අද (16) පැවති ජන හමුවක් අමතමින් නියෝජ්‍ය අමාත්‍යවරයා මේ බව පැවසීය.

එහිදී ඔහු වැඩිදුරටත් පැවසුවේ මෙම ගැටලුව මෙරටට පමණක් නොව ලොව පුරා බලපා ඇති ගැටලුවක් බවය.

එබැවින් හැකි පමණින් බලශක්ති පරිභෝජනය අඩු කරන්නැයි නියෝජ්‍ය අමාත්‍යවරයා ජනතාවගෙන් ඉල්ලීමක් කරයි.

“මේ වෙලාව, අපේ රටට විතරක් නෙමෙයි මුළු ලෝකෙටම අපහසු තත්ත්වයක්. මීට කලින් තිබුණේ මේ රට බංකොළොත් වෙච්ච හින්දා අපිට බලශක්තිය අහිමි වෙච්ච තත්ත්වයක්. දැන් තියෙන්නේ අපි කොච්චර ශක්තිමත් වුණත් ලෝකයෙන් තෙල් ලබාගැනීමේ අර්බුදයකට පත්වෙලා තියෙනවා. ඒ නිසා අපි අරපිරිමැස්මෙන් කටයුතු කරන්න ඕනේ. මේ ව්‍යාපෘතිය වඩා වැදගත් වෙන්නෙත් ඒකයි. අපි කොහොමද අරපිරිමැස්ස සහිත සමාජයක් බවට ගොඩනැගෙන්නේ. මේ අර්බුදයට, අනාගතයට මුහුණ දෙන්නත් අපිට හොඳ තත්ත්වයක් තියෙනවා. පුළුවන් නම් විදුලි පරිභෝජනය අඩු කරගන්න, ගමන් බිමන් අඩුකර ගන්න පොදු ප්‍රවාහනය පාවිච්චි කරන්න පුළුවන් තරම්. අපිට පුළුවන් අපෙනුත් දායකත්වයක් දෙන්න. ගිය මාසේ අපි තෙල් ලීටර් 40ක් පාවිච්චි කළා නම් මේ මාසේ අපි ඒක 30ක් කරගන්න මොකක්ද කරන්න ඕනේ.  ආණ්ඩුවෙන් QR දාන්න ඕනේ නෑ. ජනතාව තෙරුම් ගන්න ඕනේ  QR කියන්නේ තාක්ෂණයක්. ජනතාව ස්වයං පරිභෝජනය අඩුකරා නම් QR අවශ්‍ය වන්නෙත් නෑ. තාක්ෂණය නෙමෙයි වැදගත්. QR ක්‍රමයට දෙන්නත් පුළුවන්, සලාකා ක්‍රමයට දෙන්නත් පුළුවන්, කූපන් ක්‍රමයට දෙන්නත් පුළුවන්. තාක්ෂණය අනුව වඩාත්ම ගැලපෙන එක QR ඒක.  දැන් අපට සිදු වෙනවා තියෙන ඉන්ධන ප්‍රමාණය අත්‍යාවශ්‍ය කාරණාවලට ලැබෙමින් අත්‍යාවශ්‍ය නොවන කාරනා වලදී අඩුකර ගන්න. ඒක ජනතාවගේ අතේ තමයි තියෙන්නේ. 

මොන වැඩපිළිවෙල ගෙනාවත් ජනතාව වෙනස් වෙන්නේ නැතුව අපේ රටේ තෙල් පරිභෝජනය අඩු කරගන්න බෑ. ගිය මාසේ අපේ තෙල් පරිභෝජනයෙන් 20%ක් අපි සමාජයක් විදියට  ඉතුරුකර ගන්න ඕනේ. ඒක තමා අරමුණ වෙන්නේ. එහෙම නැතුව ආණ්ඩුවෙන් ගේන තාක්ෂණයවත් ආණ්ඩුවෙන් ගෙන ප්‍රතිපත්තියවත් නෙමෙයි.  අපි ඒක භාර ගන්න ඕනේ සමාජයක් විදියට.  අපි ගොඩනගපු මහජන ආණ්ඩුව අපි ගොඩනගපු ආර්ථිකය ඉස්සසරහට එන ආර්ථිකයට මේ අවස්ථාවේ අපිටත් මොකක්ද දෙන්න පුළුවන් දායකත්වය. බලශත්කි පරිභෝජනය තාවකාලිකව අවම කර ගන්න ඕනේ. මාස දෙකෙත් එහාට මොකක් වෙයිද දන්නේ නෑ.  

එහෙම ලෝකේ කාලෙන් කාලෙට අර්බුද එනවා. අපේ රටේ හේතුවක් හින්දා නෙමෙයි මේක එළියෙන් ආපු අභියෝගයක්. නමුත් සමාජයක් විදියට මුහුණ දුන්නොත්  මාස දෙක තුනක් ඇතුලත අපිට හිටපු තත්ත්වයට එන්න පුළුවන්. අපි ඒ කැප කිරීම කරන්න සූදානම් නැතිනම් අර්බුදය අපිට කලින් එනවා. ඒ තත්ත්වයට මුහුණ දෙන්න අපිට අවශ්‍යතාවයක් නෑ. අත්‍යාවශ්‍ය දේවල් තියෙනවා . සෞඛ්‍ය, ආරක්ෂක අංශ, පොදු ප්‍රවාහනය , නිෂ්පාදන කර්මාන්ත මේවා අඛන්ඩව දුවන්න ඕනේ. අපි පුරවැසියන් විදියට අපි දෛනිකව පරිභෝජවය අපි අඩු කරගන්න ඕනේ.”