Breaking News
උණුසුම් කාලගුණ තත්ත්වය පිළිබඳව අවවාදාත්මක නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබේ.
ඒ අනුව බස්නාහිර, සබරගමුව, දකුණ සහ වයඹ පළාත්වලත් මොනරාගල, මන්නාරම, අනුරාධපුර සහ වවුනියාව දිස්ත්රික්කවලත් ඇතැම් ප්රදේශවල උණුසුම් දර්ශකය මිනිස් සිරුරට දැනෙන ‘අවධානය යොමු කළ යුතු’ මට්ටමක පවතිනු ඇත.
මේ සම්බන්ධයෙන් සැලකිලිමත්ව සිටින ලෙසට කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි.
මින් ඉදිරියට පොලීසියේද මැදිහත්වීමෙන් ඉන්ධන පිරවුම්හල් මගින් QR ක්රමය යටතේ පමණක් ඉන්ධන ලබාදීම සිදුකරන බව ලංකා ඛනිජ තෙල් නීතිගත සංස්ථාව දැනුම්දෙයි.
එහි සභාපති ඩී. ජේ. රාජකරුණා මහතා අද (15) පස්වරුවේ විශේෂ ප්රවෘත්ති සාකච්ඡාවක් පවත්වමින් මේ අදහස් පළ කළේය.
“අපේ ඇනවුම් ඒ විදියටම ලැබෙමින් පවතිනවා. ඒ නිසා ලබන මාසේ අවසන් වෙනකම් ඒ පිළිබඳ ගැටළුවක් නෑ.” QR කේත ක්රමය අද සිට ක්රියාත්මක වෙනවා ගැටලුවක් තියෙන්න ඇති ජනතාවට. ඒ නිසා පෝලින්වල ඉදලා ඉන්ධන ලබා ගත්තා. නමුත් දැන් ඉදලා පෝලින්වල ඉදලා තෙල් ගහගන්න ඕනේ වෙන්නේ නෑ. මොකද සාමාන්ය ලෙස තෙල් පරිභෝජනය කරන අයගේ මේ වන විට තෙල් ප්රමාණය නිෂ්චිත කරලා ෂෙඩ්වල ඉතුරු කරලා තියෙනවා. මොකද සතියකට අවශ්ය තෙල් කෝටාව තීන්දු කරලා තියෙනවා ඒ තෙල් ප්රමාණය ඕනෑම මොහොතක ගහගන්න පුළුවන්. ආපහු පොලින්වල ඉදලා ගහගන්න ඕනේ නෑ…”
“අද උදේ ෂෙඩ්වල සහ වෙබ් අඩවිවල යම් තාක්ෂණික ගැටලු ටිකක් මතු වෙලා තිබුණා. මේ වන විට ඒ සියල්ල සකසලා තියෙන්නේ. රටේ තියෙන සියලුම පිරවුම්හල්වලට QR කේත ක්රමය යටතේ ස්කෑන් කරලා තෙල් දෙන්න පුළුවන්. ඒ නිසා රටේ කිසිදු කෙනෙකුට QR ක්රමයෙන් පිට තෙල් ගසා ගැනීමට අවශ්යතාවක් නෑ. පෝලින්වල ඉන්න ඕනේ නෑ. ඒ සඳහා පොලීසිය මැදිහත් වෙවී. අනවශ්ය ලෙස පොලින්වල ඉදලා තෙල් ලබාගන්න අයට මින් ඉදිරියට ඒක ලැබෙන්නේ නෑ….”
“එමෙන්ම පිරුවුම්හල්වල අයටත්, QR එකෙන් කොච්චර ගිහින්ද, අපි ලබා දුන්න තොගය කෙච්චරක්ද ඒ දෙක අතර යම් වෙනසක් තියෙනවා නම් ඒකට දැඩි ක්රියා මාර්ග ගන්නවා. ඉස්සර වගේ නෙමෙයි බලපත්රය අහෝසි වෙන්න පුළුවන්…”
“මගී ප්රවාහන බස් රට වලටත් CTBඑක හරහා දෙන්වා කලින් දුන්නා වගේ. කෙටි කාලයක් අතුළත ඒ අයට ගමන් මාර්ගය අනුව කොච්චර තෙල් ප්රමාණයක් අවශ්ය වෙනවා ද දවසකට කොච්චර දුවනවාද කියලා. ඒ අනුව ආය QR කේතය වෙනස් කරලා ලබා දෙනවා. ධීවර සහ ගොවිතැන් කිරීම සඳහා අවශ්ය ඉන්ධනද නිසි ආකාරව ලබාදීමට කටයුතු කරනවා…”
මැදපෙරදිග මතු වී ඇති යුදමය තත්ත්වය හමුවේ අත්යවශ්ය සේවාවන් නිසි පරිදි පවත්වාගෙන යාමේදී මතු වී ඇති ගැටලු පිළිබඳව ජනාධිපති අනුර කුමාර දිසානායක මහතා සහ අමත්යංශ ලේකම්වරුන් ඇතුළු ආයතන ප්රධානීන් අතර සාකච්ඡාවක් අද (15) ජනාධිපති ලේකම් කාර්යාලයේදී පැවැත්විණි.
මෙහිදී විශේෂයෙන් සෞඛ්ය, අධ්යාපන, කර්මාන්ත, කෘෂිකර්මාන්ත, ධීවර ආදී ක්ෂේත්රයන් පිළිබඳව අවධානය යොමු වූ අතර එක් එක් ක්ෂේත්රය තුළ යාවත්කාලීන ඉන්ධන අවශ්යතා ආදිය පිළිබඳ මෙහිදී එක් එක් අමාත්යංශ ලේකම්වරුන් විසින් ජනාධිපතිවරයා දැනුවත් කිරීම මෙහිදී සිදු විය.
මතු වූ කරුණු පිළිබඳව සලකා බැලූ ජනාධිපතිවරයා ප්රකාශ කළේ සෞඛ්යය වැනි ක්ෂේත්රයන් වෙනුවන් අත්යවශ්ය ඉන්ධන සංචිත ප්රදේශීය පවත්වාගෙන යාමේ හැකියාව තවදුරටත් සොයා බලන ලෙසයි. එසේම නිවසේ සිට රාජකාරී සිදු කිරීමේ හැකියාව පිළිබඳ තවදුරටත් සොයා බලා කරුණු වාර්තා කරන ලෙස ජනාධිපතිවරයා ලේකම්වරුන්ට මෙහිදී උපදෙස් ලබා දුන්නේය. ඉදිරියේදී මතු විය හැකි තත්ත්වයන් පිළිබඳ පූර්ව උපකල්පන ඉදිරිපත් කළ නොහැකි බැවින් ඉදිරියේදී මතු විය හැකි ඕනෑම තත්ත්වයකට මුහුණ දීම සඳහා පෙර සූදානමක අවශ්යතාවයත්, ඒ වෙනුවෙන් තවදුරටත් දැනට හදුන්වා දී ඇති ඩිජිටල් කේත ක්රමය විධිමත් කිරීමේ අවශ්යතාවයත් ජනාධිපතිවරයා මෙහිදී පෙන්වා දුන්නේය.
මෙහිදී දැනට හදුන්වා දි ඇති ඩිජිටල් කේත ක්රමයේ පවතින අඩුපාඩු හැකි ඉක්මනින් නිවැරදිව සකස් කර යාවත්කාලීන කරන ලෙසද ජනාධිපතිවරයා උපදෙස් ලබා දුන්නේය. එසේම මතු වන නව තත්ත්වයන් පිළිබඳ නිරන්තර අධීක්ෂණයෙන් සහ අවධානයෙන් සිටිය යුතු බවත්, එක් එක් අංශයන් වෙනුවෙන් වෙන් වෙන්ව තීන්දු තීරණ ගැනීම වෙනුවට සමස්තයක් ලෙස සලකා බලා පවතින අභියෝගයට අදාළ විකල්ප ක්රමවේදයන් හඳුනාගෙන ඒවා ක්රියාත්මක කළ යුතු බව අවධාරණය කළ ජනාධිපතිවරයා ඒ වෙනුවෙන් අන්යෝන්ය අවබෝධයෙන් යුතුව යුහුසුළුව මැදිහත් වන ලෙසද උපදෙස් ලබා දුන්නේය.
මේ අවස්ථාව සඳහා විදේශ කටයුතු, විදේශ රැකියා හා සංචාරක අමාත්ය විජිත හේරත්, කර්මාන්ත සහ ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ, ජනාධිපති ලේකම් නන්දික සනත් කුමානායක, ජනාධිපති ඩිජිටල් ආර්ථික උපදේශක හාන්ස් විජේසූරිය, ජනාධිපති කාර්යය මණ්ඩල ප්රධානී ප්රභාත් චන්ද්රකීර්ති, කර්මාන්ත හා ව්යවසායකත්ව සංවර්ධන අමාත්යංශ ලේකම් තිලකා ජයසුන්දර, අධ්යාපන, උසස් අධ්යාපන සහ වෘත්තීය අධ්යාපන අමාත්යංශ ලේකම් නාලක කලුවැව, රාජ්ය පරිපාලන, පළාත් සභා හා පළාත් පාලන අමාත්යංශ ලේකම් ආලෝක බණ්ඩාර, සෞඛ්ය සහ ජනමාධ්ය අමාත්යංශ ලේකම් අනිල් ජාසිංහ, ඩිජිටල් ආර්ථික අමාත්යංශ ලේකම් වරුණ ධනපාල, ධීවර, ජලජ සහ සාගර සම්පත් අමාත්යංශ ලේකම් කෝලිත කමල් යන මහත්ම මහත්මීන් සහ ආයතන ප්රධානීන් පිරිසක් එක්ව සිටියහ.
අද (15) දින සිට දිවයින පුරා පවතින සියලුම ඉන්ධන පිරවුම්හල්වල ඉන්ධන නිකුත් කිරීම සඳහා QR කේත ක්රමය අවශ්ය බව බලශක්ති අමාත්යාංශය පවසනවා.
ඒ අනුව, අද උදෑසන 06.00 සිට මෙම ක්රමවේදය ක්රියාත්මක වනු ඇති.
මෙම නව ක්රමවේදය යටතේ QR කේතය ලබාගත හැකි ආකාරය පහත පරිදි වේ:
පෙර ලියාපදිංචි වී සිටි සහ විස්තර වෙනස් නොවූ පාරිභෝගිකයින්: 2026 මාර්තු 14 මධ්යම රාත්රියේ සිට https://fuelpass.gov.lk/ වෙබ් අඩවිය ඔස්සේ තමන්ට හිමි කේතය භාගත කරගත හැකිය.
විස්තර වෙනස් වූ හෝ අලුතින් ලියාපදිංචි විය යුතු පාරිභෝගිකයින්: වාහනයේ හිමිකාරිත්වය හෝ දුරකථන අංකය වෙනස් වී ඇති පාරිභෝගිකයින් සහ මින් පෙර ලියාපදිංචි නොවූ පාරිභෝගිකයින් 2026 මාර්තු 15 උදෑසන 6.00 සිට එම වෙබ් අඩවියේ නැවත ලියාපදිංචි විය යුතුය.
අමාත්යාංශය විසින් එක් එක් වාහන කාණ්ඩ සඳහා සතියකට හිමිවන ඉන්ධන ලීටර ප්රමාණයන් ද ප්රකාශයට පත් කර තිබෙනවා.
ඒ අනුව මෝටර් සයිකල් සඳහා ලීටර් 5ක්, මෝටර් රථ සඳහා ලීටර් 15ක් සහ ත්රිරෝද රථ සඳහා ලීටර් 15ක් ලෙස සීමා පනවා තිබෙනවා.
එසේම, රටේ අත්යවශ්ය සේවා සහ නිෂ්පාදන කාර්යයන් සඳහා වෙනම විශේෂ ක්රමවේදයක් ක්රියාත්මක කෙරෙනු ඇති.
ඒ අනුව, පෞද්ගලික මගී ප්රවාහන බස් රථ සඳහා ශ්රී ලංකා ගමනාගමන මණ්ඩලය මගින් ඉන්ධන ලබාදීමට කටයුතු යොදා ඇති බව ද අමාත්යාංශය වැඩිදුරටත් සඳහන් කරනවා.
එම සවිස්තරාත්මක නිවේදනය පහතින්,
රජයේ ආයතනවල සිදුවන විෂමාචාර සම්බන්ධයෙන් මූලික විමර්ශන සිදු කිරීම සඳහා නව විමර්ශන නිලධාරී සංචිතයක් පිහිටුවීමට රජය කටයුතු කර තිබේ.
රාජ්ය පරිපාලන, පළාත් සභා සහ පළාත් පාලන අමාත්යාංශයට අයත් ආයතන පද්ධතිය තුළ සිදුවන විෂමාචාර සම්බන්ධයෙන් මෙන්ම රාජ්ය සේවා කොමිෂන් සභාව, පාර්ලිමේන්තු ගිණුම්කාරක සභාව සහ පාර්ලිමේන්තු ව්යවසාය කාරක සභාව වැනි ආයතනවලින් ලැබෙන පැමිණිලි සම්බන්ධයෙන් මූලික විමර්ශන සිදු කිරීම එම අමාත්යාංශයේ විමර්ශන ඒකකය වෙත පැවරී ඇත.
කෙසේවෙතත්, රජයේ ආයතන ගණනාවකින් පැමිණෙන පැමිණිලි සංඛ්යාව ඉහළ යෑමත් සමඟ එම ඒකකයේ සේවය කරන විමර්ශන නිලධාරීන් 20 දෙනෙකු පමණක් වීම හේතුවෙන් සියලුම පැමිණිලි සම්බන්ධයෙන් විමර්ශන සිදු කිරීමට ඇති ධාරිතාව ප්රමාණවත් නොවන බව සඳහන් වේ.
එම හේතුවෙන්, රාජ්ය පරිපාලන අමාත්යාංශයේ මැදිහත් වීම මත විවිධ අමාත්යාංශ, දෙපාර්තමේන්තු, රාජ්ය සංස්ථා හා මණ්ඩලවලින් අයදුම්පත් කැඳවා නිලධාරීන් තෝරාගෙන, වෙනත් ආයතනවල සේවය කරන රාජ්ය නිලධාරීන්ගෙන් සමන්විත මූලික විමර්ශන නිලධාරීන් සහ පැමිණිල්ල මෙහෙයවන නිලධාරීන්ගේ සංචිතයක් පිහිටුවීමට තීරණය කර තිබේ.
මෙහි ප්රධාන අරමුණු වන්නේ එම නිලධාරීන් සේවය කරන ආයතනවලට මනා පුහුණුවකින් යුත් විමර්ශන නිලධාරීන් පිරිසක් ලබාදීම සහ බාහිර ආයතනවලින් රාජ්ය පරිපාලන අමාත්යාංශයේ විමර්ශන ඒකකයට යොමු කෙරෙන ඉල්ලීම් සම්බන්ධයෙන් කටයුතු කිරීම සඳහා මෙම නිලධාරීන් යොමු කිරීමයි.
ඒ අනුව ලැබුණු අයදුම්පත් අතරින් තෝරාගත් නිලධාරීන් 150 දෙනෙකුගෙන් යුත් සංචිතයක් පිහිටුවා ඔවුන් කණ්ඩායම් තුනක් ලෙස වෙන් කර එක් කණ්ඩායමකට දින 14ක පුහුණු වැඩසටහනක් පැවැත්වීමට කටයුතු කර ඇත.
එහි පළමු කණ්ඩායම සඳහා පුහුණු වැඩසටහන 2026 පෙබරවාරි 05 දින ආරම්භ කළ අතර එය සාර්ථකව අවසන් කළ නිලධාරීන් 42 දෙනෙකු සඳහා සහතිකපත් ප්රදානෝත්සවය රාජ්ය පරිපාලන, පළාත් සභා සහ පළාත් පාලන අමාත්යාංශයේ නියෝජ්ය අමාත්ය රුවන් සෙනරත් මහතාගේ ප්රධානත්වයෙන් නාරාහේන්පිට නිල මැදුරු ශ්රවණාගාරයේදී පැවැත්වුණි.
වයස අවුරුදු 3 සිට 5 දක්වා දරුවන් සඳහා මාර්ගගත (Online) ක්රමය ඔස්සේ ඉගැන්වීම අධ්යාපන මනෝවිද්යාවට සහ ළමා සංවර්ධන මූලධර්මවලට පටහැනි බව කාන්තා හා ළමා කටයුතු අමාත්යාංශය පවසයි.
නිවේදනයක් නිකුත් කරමින් අමාත්යාංශය සඳහන් කරනුයේ පෙර පාසල් සහ ප්රාථමික අංශයේ දරුවන් ඉලක්ක කර ගනිමින් වර්තමානයේ ක්රියාත්මක වන මාර්ගගත සම්මන්ත්රණ සම්බන්ධයෙන් කරුණු රැසක් මේ වන විට අනාවරණය වී ඇති බවය.
අධ්යාපන මනෝවිද්යාවට අනුව වයස අවුරුදු 3-5 අතර පසුවන දරුවෙකුගේ ඉගෙනුම සිදුවිය යුත්තේ ක්රියාකාරකම් පාදක කරගත් සහ සමාජීය අන්තර්ක්රියා සහිත පරිසරයක බවත් පෙන්වා දෙන අමාත්යාංශය සඳහන් කරනුයේ තිරයක් දෙස බලා සිටිමින් අධ්යාපනය ලබන දරුවන්ගේ සමාජීය කුසලතා වර්ධනය අඩාල වීම, අවධානය රඳවා ගැනීමේ හැකියාව හීන කිරීම සහ නිර්මාණාත්මක චින්තනයටද බාධා පමුණුවන බවය.
ඒ අනුව රජයේ සහ කාන්තා හා ළමා කටයුතු පිළිබඳ අමාත්යාංශයේ ළමා සංවර්ධන ප්රතිපත්තිවලට අනුව පූර්ව ළමාවිය සංවර්ධනයේදී දරුවා සජීවීව පරිසරය සමග ගනුදෙනු කළ යුතු බවත් කුඩා දරුවන් අධික ලෙස තාක්ෂණික මෙවලම්වලට නිරාවරණය කිරීම ඔවුන්ගේ මානසික හා කායික සෞඛ්යයට විශේෂයෙන් මොළයේ වර්ධනයට අහිතකර බැවින් එවැනි වයස් කාණ්ඩ සඳහා මාර්ගගත පන්ති පැවැත්වීම අනුමත නොකරන බවද අමාත්යාංශය සඳහන් කළේය.
වාණිජ පරමාර්ථයෙන් සංවිධානය කරනු ලබන මෙවැනි සම්මන්ත්රණ මගින් දරුවාගේ අධ්යාපනික ප්රමිතිය ඉහළ නොයන බවත් ඔවුන්ගේ ස්වභාවික වර්ධනයට එය බාධාවක් බවත් කාන්තා හා ළමා කටයුතු අමාත්යාංශය දෙමාපියන් වෙත දැනුම්දීමක්ද සිදුකර තිබේ.
ඒ හේතුවෙන් දරුවන්ගේ මානසික සෞඛ්ය පිළිබඳව සලකා බලා මෙවැනි ක්රියාකාරකම්වලට යොමු කිරීමෙන් වැලකී සිටින ලෙසත් ඉල්ලා සිටින අමාත්යාංශය දෙමාපියන්ගෙන් වැඩිදුරටත් ඉල්ලා ඇත්තේ දරුවෙකුගේ හොඳම ගුරුවරයා පරිසරය සහ සජීවි අත්දැකීම් මිස ඩිජිටල් තිරයක් නොවන බවය.
ඒ අනුව දරුවන්ගේ මානසික හා කායික සෞඛ්යය සම්බන්ධව දෙමාපියන් ලෙස දැඩි අවධානය යොමු කරමින් කටයුතු කරන ලෙස අමාත්යාංශ දෙමාපියන්ගෙන් ඉල්ලීමක් ද සිදුකර තිබේ.
ලෝක ආර්ථික දත්තයන්ට අනුව ශ්රී ලංකාව 2025 වසරේදී ඉහළ වර්ධනයක් ළඟා කරගෙන ඇති බව වෙළඳ, වාණිජ සහ ආහාර සුරක්ෂිතතා පිළිබඳ නියෝජ්ය අමාත්ය ආර්. එම්. ජයවර්ධන මහතා පවසයි.
අමාත්යවරයා මේ බව ප්රකාශ කළේ, බඩල්කුඹුර ප්රාදේශීය ලේකම් බල ප්රදේශයේ පිහිටි මාළිගාතැන්න මංසන්දියේ සිට 11 කණුව මඩුගහපිටිය දක්වා මාර්ගය කාපට් අතුරා සංවර්ධනය කිරීමේ ආරම්භක අවස්ථාවට එක්වෙමිනි.
බංකොලොත් රට මේ වනවිට ක්රමානුකූලව සංවර්ධනය වෙමින් ඉදිරියට ගමන් කරමින් සිටින බව ද ඔහු කීය.
“රට ස්ථාවර කරමින් ලෝක ආර්ථිකය අභියෝගයන්ටද මුහුණ දෙමින් ඉලක්කගත වැඩ පිළිවෙලක් තුලින් රට ඉදිරියට ගෙනයනවා. ආර්ථික වර්ධන වේගය අනුව සියලු ක්ෂේත්රවලින් ඉදිරියට ගොස් තිබෙනවා.
ඒ අතරතුර පසුගියදා ඇතිවූ දිට්වා ව්යසනයෙන් කෝටි ලක්ෂයකට වැඩි පාඩුවක් අපේ රටට සිද්ධවුණා. රටේ සංවර්ධනයට යොදන්න තිබූ සල්ලි එම හානි වෙනුවෙන් යොදවන්න වෙලා තියෙනවා. දැනටමත් දිට්වාවලින් හානිවූ විශාල ප්රමාණයකට වන්දි ගෙවීම් සිදු කරමින් රට යථා තත්ත්වයට පත් කිරීමට කටයුතු කර තිබෙනවා.
ලෝකය පිළිබඳ අවබෝධයෙන් හා වංචා දූෂණ නැතිව, මහජන මුදල් නාස්තියෙන් තොරව, පෞද්ගලික වරප්රසාද කප්පාදු කර ගනිමින් ‘පොහොසත් රටක් ලස්සන ජීවිතයක්’රටේ ජනතාවට ලබාදෙන්න අපි රජයක් විදියට කැපවෙනවා.”
ප්රවාහන, මහාමාර්ග සහ නාගරික සංවර්ධන අමාත්යංශය මගින් ක්රියාත්මක කර ඇති ග්රාමීය මාර්ග සංවර්ධන ජාතික වැඩසටහන යටතේ දෙවන ඒකාබද්ධ මාර්ග ආයෝජන වැඩසටහනේ වැඩ කටයුතු අද (14) ආරම්භ කෙරුණි.
ඒ අනුව ආසියානු සංවර්ධන බැංකුවේ (ADB) මූල්යාධාර මත ක්රියාත්මක වන දෙවන ඒකාබද්ධ මාර්ග ආයෝජන වැඩසටහනට අනුව (i-Road Project) ඌව පළාතේ මොණරාගල දිස්ත්රික්කයේ තවත් මාර්ගයක් සංවර්ධනය කරනු ඇත.
බදුල්ල – මොණරාගල (A-22) ප්රධාන මාර්ගයට සහ පුස්සැල්ලාව මාර්ගයට කඩිනමින් ප්රවේශය ලබාගත හැකි මෙම 11 කණුව මඩුගහපිටිය මාර්ගය සංවර්ධනයට රුපියල් ලක්ෂ 600 ක මූල්ය ප්රතිපාදන වැය කෙරේ.
මාර්ග සංවර්ධන අධිකාරියේ සේවා යෝජකත්වයෙන් තරගකාරී විනිවිද ප්රසම්පාදන ක්රියාවලිය යටතේ තෝරාගත් දේශීය ඉදිකිරීම් ආයතන මගින් මාර්ග සංවර්ධන කටයුතු ක්රියාත්මක කිරීමට නියමිතය.
ශ්රී ලංකාවේ ප්රමුඛ පෙළේ සංචාරක සමාගමක් වන Connaissance De Ceylan ආයතනයේ සම්බන්ධීකරණයෙන් සංචාරක ප්රවර්ධනය සඳහා මෙරටට පැමිණි 11 දෙනෙකුගෙන් යුත් ජපාන නියෝජිත පිරිසක් අද (14) පෙරවරුවේ ජනාධිපති කාර්යාලය නැරඹීම සඳහා පැමිණියහ.
ශ්රී ලංකාවේ ජන ඉතිහාසය, බුදුදහමේ ආගමනය සහ විකාශනය, පාරම්පරික සංස්කෘතිය, ආයුර්වේදය, සම්ප්රදායික චාරිත්ර වාරිත්ර, ආහාර රටාව, ආර්ථික බෝග ආදිය සම්බන්ධයෙන් අධ්යයනය කර ඒ පිළිබඳ අවබෝධයක් ලබා ගැනීම මෙම දූත පිරිසේ අරමුණ වී තිබේ.
එමගින් දෙරට අතර සංචාරක කර්මාන්තය වැඩිදියුණු කර ගැනීම සඳහා සිදු කළ හැකි මැදිහත්වීම පිළිබඳව මෙහිදී සාකච්ඡා කළ ඔවුහු, තමන් ලබා ගත් දැනුම ජපානයේ ජනතාව සමඟ බෙදාහදා ගැනීමට කටයුතු කරන බවද පැවසූහ.
එසේම, ජපානය තුළ ශ්රී ලංකාව ප්රමුඛපෙළේ සංචාරක ගමනාන්තයක් ලෙස ප්රවර්ධනය කිරීම, කොළඹ, අනුරාධපුරය, සීගිරිය, මහියංගණය සහ මහනුවර යන ප්රදේශයන් කේන්ද්ර කර ගනිමින් ශ්රී ලංකාවේ සංස්කෘතික උරුමය ජාත්යන්තරයට ගෙන යාම ආදී කරුණු පිළිබඳවද මෙහිදී සාකච්ඡා කෙරිණි.
මෙම අවස්ථාවට ජනාධිපති ජ්යෙෂ්ඨ අතිරේක ලේකම් රෝෂන් ගමගේ මහතා ඇතුළු ජ්යෙෂ්ඨ නිලධාරීහු පිරිසක් සහභාගි වූහ.
මෙම දූත කණ්ඩායම ජනාධිපති කාර්යාලයට අමතරව, සපුගස්කන්ද පුරාණ විහාරය, මිහින්තලය, අනුරාධපුරය, සීගිරිය, දඹාන, මල්වතු මහා විහාරය, වරාය නගරය ඇතුළු තවත් සුවිශේෂී ස්ථාන රැසක්ද නැරඹීමට එක් වූහ.
විදේශ අමාත්ය විජිත හේරත් මහතා සහ ඉරාන විදේශ කටයුතු අමාත්ය සෙයිද් අබ්බාස් අරග්චි අතර දුරකථන සංවාදයක් ඊයේ (13) සිදුකර තිබේ.
ඉරාන විදේශ කටයුතු අමාත්යංශය සිය එක්ස් ගිණුමෙහි සටහනක් තබමින් මේ බව ප්රකාශ කළේය.
එම සංවාදයේදී අමෙරිකාව සහ ඊශ්රායලය සිය රටට එරෙහිව සිදු කරනු ලබන හමුදා මෙහෙයුම්වල වත්මන් තත්ත්වය සම්බන්ධයෙන් විජිත හේරත් මහතාට දැනුම්දුන් බව ඉරාන විදේශ අමාත්යවරයා සඳහන් කර ඇත.
IRIS Dena නෞකාවේ සිටි නාවිකයන් මුදා ගැනීම සහා මිය ගිය අයගේ මළ සිරුරු නැවතත් සිය රටට ලබාදීම සම්බන්ධයෙන් ද සෙයිද් අබ්බාස් අරග්චි ශ්රී ලංකාවට සිය කෘතවේදය පළ කළ බව අදාළ සටහනේ දැක්වෙයි.
රක්ෂිත බන්ධනාගාර ගත කර සිටින ශ්රී ලන්කන් ගුවන් සේවයේ හිටපු ප්රධාන විධායක නිලධාරී කපිල චන්ද්රසේන මහතාට අල්ලස් කොමිසමේදී බලපෑමක් සිදුව ඇතැයි ඔහුගේ නීතිඥවරයා පවසයි.
ඒ සම්බන්ධයෙන් කරුණු දැක්වීමට අවස්ථාව ලබාදෙන ලෙස ඉල්ලා කපිල චන්ද්රසේන මහතා වෙනුවෙන් ජනාධිපති නීතිඥ රියෙන්සි අර්සකුලරත්න මහතා කොළඹ ප්රධාන මහේස්ත්රාත් අධිකරණය හමුවේ අද (13) පෙරවරුවේ මොසමක් ගොනු කළේය.
කෙසේ වෙතත් එම කරුණු සලකා බැලූ කොළඹ අතිරේක මහේස්ත්රාත් ලහිරු සිල්වා මහතා නඩුව කැඳවීමට නියමිත එළඹෙන 19 වනදා අදාළ ඉල්ලීම අධිකරණය හමුවේ සිදුකරන ලෙස ජනාධිපති නීතිඥවරයාට දැනුම් දුන්නේය.
2013 වසරේ ප්රශ්නගත එයාර්බස් ගනුදෙනුවේ ගිවිසුම් සැදීමට සම්බන්ධ වූ එකල ශ්රී ලංකා පාලන තන්ත්රයේ ප්රධාන පුද්ගලයින් කිහිප දෙනෙකු පිළිබඳ ශ්රී ලන්කන් ගුවන් සේවයේ ප්රධාන විධායක නිලධාරී කපිල චන්ද්රසේන අල්ලස් කොමිසම හමුවේ අනාවරණය කළ බව විමර්ශන නිලධාරින් කොටුව මහේස්ත්රාත් අධිකරණය හමුවේ සඳහන් කළේය.
කෙසේවෙතත් කපිල චන්ද්රසේන වෙනුවෙන් පෙනී සිටි විත්තියේ නීතිඥවරයා සඳහන් කළේ අල්ලස් කොමිසමේ ප්රකාශ ලබාදීමේදී සිය සේවාදායකයා බලපෑම්වලට නතුවී ඇති බවය.
2013 වසරේදී ශ්රී ලන්කන් ගුවන් සමාගමට එයාර්බස් A-330 ගුවන් යානා 06ක් සහ A- 350 වර්ගයේ ගුවන් යානා 08 ක් මිලට ගැනීමේදී, අමෙරිකානු ඩොලර් මිලියන 02ක මුදලක් අල්ලස් ලෙස ලබාගත්තේ යැයි එවක ශ්රී ලන්කන් ගුවන් සේවයේ ප්රධාන විධායක නිලධාරී කපිල චන්ද්රසේනට සහ ඔහුගේ බිරිඳ වන නියෝමාලි විජේනායකට චෝදනා එල්ල විය.
අනතුරුව ඊට අදාළව අපරාධ පරීක්ෂණ දෙපාර්තමේන්තුව විසින් මුදල් විශුද්ධිකරණ පනත ප්රකාරව විමර්ශනයක් ආරම්භ කර 2020 වසරේදී සැකකරුවන් අත්අඩංගුවට ගෙන කොටුව මහේස්ත්රාත් අධිකරණයට ඉදිරිපත් කිරීමෙන් පසු ඇපමත මුදාහැර තිබේ.
කෙසේ වෙතත් එම විමර්ශනයේදී අල්ලස් පනත සහ දූෂණ විරෝධි පනත යටතට ගැනෙන වරද අනාවරණය වී තිබූ බැවින් ඒ සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාවද විමර්ශනයක් ආරම්භ කළේය.
ඒ අනුව එම විමර්ශනයට අදාළව ප්රකාශයක් ලබාදීමට ඊයේ (12) අල්ලස් කොමිසමට කැඳවා තිබූ කපිල චන්ද්රසේන මහතා පැය 7කට වැඩි කාලයක් ප්රකාශ ලබාගැනීමෙන් පසු අත්අඩංගුවට ගන්නා ලදී.
අත්අඩංගුවටගත් සැකකරු කොටුව මහේස්ත්රාත් ඉසුරු නෙත්තිකුමාර මහතා හමුවට ඉදිරිපත් කෙරුණේ ඊයේ (12) රාත්රී 8ට පමණය.
එහිදී අල්ලස් කොමිසමේ විශේෂ විමර්ශන ඒකකය වෙනුවෙන් කරුණු දැක්වූ පොලිස් පරීක්ෂක දිලුම් දුෂාන්ත මහතා කියා සිටියේ, 2013 වසරේ සිදුවී ඇති ප්රශ්නගත එයාර්බස් ගනුදෙනුවේදී, එයාර්බස් සමාගම විසින් කපිල චන්ද්රසේනගේ බිරිඳ වන නියෝමාලි විජේනායකට අමෙරිකානු ඩොලර් මිලියන 2ක අල්ලසක් ලබාදී ඇති බවය.
“ස්වාමිනි, නියෝමාලි විජේනායක නැමැත්තිය තනි අධ්යක්ෂ ධුරයක් දැරූ බෘෘනායි රාජ්යයේ බිස් සොලූෂන්ස් නම් සමාගමකට අයත් සිංගප්පූරුවේ ගිණුමකට 2013.12.27 වන දින එයාර් බස් සමාගමේ මව් සමාගම විසින් මෙකී අමෙරිකානු ඩොලර් මිලියන 02ක අල්ලස් මුදල බැර කර තිබෙනවා. ප්රශ්නගත ගනුදෙනුව සඳහාම ගනුදෙනුවට ආසන්න කාලයේ මෙම ගිණුම විවෘත කර ඇති අතර මෙම ගනුදෙනුව හැර වෙනත් කිසිදු ගනුදෙනුවක් අදාළ ගිණුම හරහා සිදුවී නැහැ. පසුව එම මුදල් කපිල චන්ද්රසේනට අයත් ඕස්ටේලියාවේ කොමන්වෙල්ත් බැංකුවේ ගිණුමකට සහ සිංගප්පුරුවේ සහ ශ්රී ලංකාවේ වෙනත් ගිණුම් දෙකකට කොටස් වශයෙන් බැරවී තිබෙනවා. ඒ අනුව මෙහිදි අල්ලස් පනත සහ දූෂණ විරෝධි පනත යටතේ වරදක් අනාවරණය වන බැවින් සැකකරුට සහ බිරිඳට අල්ලස් කොමිසමට පැමිණ ප්රකාශ ලබාදෙන ලෙස දැනුම් දුන්නා. නමුත් බිරිඳ කොමිසම හමුවට පැමිණියේ නැහැ. කොමිසම හමුවට පැමිණි මෙම සැකකරුගෙන් ප්රකාශ ලබාගැනීමෙන් පසු අත්අඩංගුවට ගත්තා. “
මෙහිදී කොමිසම හමුවේ ප්රකාශ ලබාදෙමින් මෙතෙක් මෙම විමර්ශනයට අදාළව අනාවරණය නොවූ සුවිශේෂි කරුණු රැසක් කපිල චන්ද්රසේන අනාවරණය කළ බව විමර්ශන නිලධාරියා කරුණු දක්වමින් කියා සිටියේය.
“ස්වාමිනි, මේ ප්රශ්නගත ගනුදෙනුවේදී ගිවිසුම් සැදීමට සම්බන්ධ වූ එකල ශ්රී ලංකා පාලන තන්ත්රයේ ප්රධාන පුද්ගලයෝ කිහිපදෙනෙක් ගැන මේ සැකකරු කොමිසම හමුවේ අද සිදුකළ ප්රකාශයෙන් අනාවරණය කර තිබෙනවා. නමුත් මේ සැකකරුගේ ජීවිතයට තර්ජනයක් වියහැකි නිසා මෙම අවස්ථාවේදී අපි ඒවා අනාවරණය කරන්නේ නැහැ. “
එම කරුණු දැක්වීමත් සමඟ කොටුව මහේස්ත්රාත්වරයා සහ විත්තියේ නීතිඥවරයා අදාළ අනාවරණය පැහැදිලිව නම් සහිතව සිදුකළ අනාවරණයක්ද, එම නම් මොනවාදැයි ප්රශ්න කළා.
ඊට පිළිතුරු දුන් විමර්ශන නිලධාරියා කියා සිටියේ සැකකරුගේ ජීවිතයට තර්ජනයක් ඇතිවිය හැකි බැවින් මෙම අවස්ථාවේ වැඩිදුර වාර්තාවෙන් ඒ පිළිබඳ සඳහන් නොකළ අතර ඉදිරියේදී ඒ පිළිබඳ විස්තරාත්මකව කරුණු දැක්වීමට බලාපොරොත්තුවන බවයි.
අනතුරුව සැකකාර කපිල චන්ද්රසේන වෙනුවෙන් පෙනී සිටි ජනාධිපති නීතිඥ රියෙන්සි අර්සකුලරත්න මහතා අධිකරණයේ කරුණු ඉදිරිපත් කළේය.
“ස්වාමිනි, මෙම සිදුවීම සම්බන්ධයෙන් මුදල් විශුද්ධිකරණ පනත යටතේ පවත්වාගෙන යනු ලබන විමර්ශනට අදාළව මාගේ සේවාදායකයාට ඇප ලැබී වසර 6කට වැඩි කාලයක් ගතව තිබෙනවා. අල්ලස් කොමිසමේ දැන් ඉන්න අධ්යක්ෂ ජනරාල්වරයාමයි එවකට කොටුව මහේස්ත්රාත්වරයා ලෙස ඇපලබා දී තිබෙන්නේ. ඉතිං ඇප ලැබීමෙන් පසු ගතවූ කාලය තුළ ඔහු අධිකරණය මගහැරීමක් සාක්ෂිකරුවන්ට බලපෑම් කිරීමක් සිදුකර නැහැ. එබැවින් මෙම අවස්ථාවේදීද ඔහු ඇපමත මුදාහරින්න කියා මා ඉල්ලා සිටිනවා.”
මෙහිදී අල්ලස් කොමිසම විසින් සිය සේවාදායකයාගෙන් ප්රකාශ ලබාගැනීමේදී ඔහුට තර්ජනාත්මකව බලපෑම්කර ඇති බවටද ජනාධිපති නීතිඥවරයා කරුණු දක්වා සිටියේය.
“ස්වාමිනි, මගේ සේවාදායකයා අල්ලස් කොමිසමේ ප්රකාශ දෙමින් සිටියදී අතරමඟ ඔහුව අධ්යක්ෂ ජනරාල් හම්බවෙන්න එක්කන් ගිහින් තියෙනවා. එහිදී මෙම සිදුවීම සම්බන්ධයෙන් යම් යම් නම් සඳහන් කරමින් තර්ජනාත්මකව එම නම් මොහුගේ කටින් ගැනීමට උත්සාහ දරා තිබෙනවා. ළගදි එක්කෙනෙක් බොරු කියන්න ගිහින් බෙල්ලේ වැල දාගත්තා ඔබටත් ඒ දේමයි වෙන්නේ කියලා කියා තිබෙනවා. ඉතිං මේ සිදුවීම ගැන මගේ සේවාදායකයාට ඔබ හෝ මේ නඩුව තියෙන මහේස්ත්රාත්වරයා ඉදිරියේ කඩිනමින් ප්රකාශයක් කරන්න ඕනේ. ඒ සඳහා හෙටම ඔහුට අවස්ථාව සලසන්න කියා මා ඉල්ලා සිටිනවා.”
කෙසේ වෙතත් මෙහිදී අල්ලස් කොමිසමේ විමර්ශන නිලධාරින් කියා සිටියේ සැකකරුගෙන් ප්රකාශ ලබාගැනීමේදී විත්තිය පවසන ආකාරයේ බලපෑම් කිරීමක් සිදු නොවූ බවය.
දෙපාර්ශ්වයෙන් ඉදිරිපත් වූ කරුණු සලකා බැලූ කොටුව මහේස්ත්රාත් ඉසුරු නෙත්තිකුමාර මහතා සිය නියෝගය ප්රකාශයට පත් කළේය.
“සැකකරුට එරෙහිව ඇති වරදේ ස්වභාවය, ඉහළ මූල්ය වටිනාකම සහ විමර්ශනයේ සංකීර්ණභාවය හේතුකොටගෙන සැකකරුට මෙම අවස්ථාවේ ඇප ලබාදීම ප්රතික්ෂේප කරනවා. ඔය කියන විශේෂ කරුණු අනාවරණය සහ බලපෑම් කළා කියන සිදුවීම ගැන ඉදිරි දිනයේ ප්රධාන කොළඹ මහේස්ත්රාත්වරයා හමුවේම කරුණු ඉදිරිපත් කරන්න.”
ඒ අනුව සැකකාර කපිල චන්ද්රසේන මාර්තු 19 වනදා දක්වා රක්ෂිත බන්ධනාගාරගත කිරීමට කොටුව මහේස්ත්රාත් ඉසුරු නෙත්තිකුමාර මහතා නියෝග කළේය.
