සිංහල හා දෙමළ අලුත් අවුරුදු සමයේ ගම්බිම් බලා ගොස් ගාල්ල සහ මාතර සිට මාකුඹුරට පැමිණෙන මගී ජනතාවට මාර්ගත ක්රමය ඔස්සේ ප්රවේශ පත්ර ලබාගත හැකි බව ප්රවාහන, මහමාර්ග සහ නාගරික සංවර්ධන අමාත්යංශය පවසයි.
සමාජ මාධ්ය සටහනක් තබමින් අමාත්යංශය සඳහන් කරන්නේ, එහි ඇති QR කේතය ස්කෑන් කිරීමෙන් සිය ආසනය වෙන් කරගත හැකි බවය.
එසේ නොමැති නම් www.busticket.gov.lk හෝ 011 200 1266 යන ක්ෂණික දුරකතනය අංකය හරහා ප්රවේශ පත්ර වෙන් කරගත හැකි බව ප්රවාහන, මහමාර්ග සහ නාගරික සංවර්ධන අමාත්යංශය සඳහන් කරයි.
සමගි ජනබලවේග පාර්ලිමේන්තු මන්ත්රී මුජිබුර් රහුමාන් මහතා ඇතුළු එම පක්ෂයේ කිහිප දෙනෙකු අද (13) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළේය.
ගල්අඟුරු ටෙන්ඩරය ඉදිරිපත් කිරීමේදී සිදුව ඇතැයි කියන අක්රමිකතාවක් සම්බන්ධයෙන් විමර්ශනයක් කරන ලෙස ඉල්ලා මෙම පැමිණිල්ල සිදුකර තිබේ.
ඒ අදාළ ටෙන්ඩරය ලබා දීමේදී ජනාධිපතිවරයාට හිතවත් අයෙකුට ලබා දීමට ක්රියා කළ ආකාරය හඬපටයකින් හෙළිවී ඇති බව කියමින් මන්ත්රීවරයා ඇතුළු පිරිස මෙම පැමිණිල්ල අපරාධ පරීක්ෂණ දෙපාර්තමේන්තුව වෙත ඉදිරිපත් කර ඇත.
“යම් හඬපටයක් නිකුත් වෙලා තිබෙනවා. ඒක ඇහුවාම අපිට තේරෙනවා එතනත් වංචාවක් සිද්ධ වෙලා තියෙනවා කියලා. ජනාධිපතිවරයාගේ ළඟම ඉන්න හිතවතෙක්ට මේ ටෙන්ඩරය ලබා දෙන්න ඕනේ, ලබා දිය යුතුයි කියන සාකච්ඡාවක් සම්බන්ධව මේ හඬපටය නිකුත් වෙලා තිබෙනවා. ඒ සම්බන්ධව තමයි අපි අද ආවේ අපරාධ පරීක්ෂණ දෙපාර්තමේන්තුවට පැමිණිල්ල දාලා මේ ඕඩියෝ එක සම්බන්ධව යන මේ සාකච්ඡාව සම්බන්ධයෙන් වහාම පරීක්ෂණයක් පවත්වන්න කියලා. මේ ඕඩියෝ එකේ යන සාකච්ඡාවෙදි ජනාධිපතිතුමාගේ නම එනවා ජනාධිපතිතුමාගේ ළඟම ඉන්න ව්යාපාරිකයින්ගේ නම් එනවා මේක තුළත් පැහැදිළිවම වංචාවක් සිද්ධ වෙලා තිබෙනවා.”
මෙරට ලියාපදිංචි කිරීමට නොහැකි රුපියල් කෝටි 02කට ආසන්න වටිනාකමකින් යුත් අධිබලැති යතුරුපැදි පහක් එකලස් කරමින් සිටි ගරාජ් හිමියෙකු අත්අඩංගුවට ගත් බව පිළියන්දල පොලීසිය පවසයි.
එම ස්ථානයේ එකලස් කර තිබූ එක් යතුරුපැදියක් රුපියල් ලක්ෂ 65කට ආසන්න වටිනාකමින් යුත් එකක් බව පොලීසිය සඳහන් කරයි.
පිළියන්දල පොලීසියේ ස්ථානාධිපති චමින්ද කුලසිංහ මහතාට ලද තොරතුරකට අනුව ප්රජා පොලිස් ඒකකයේ නිලධාරීන් ඊයේ (12) සවස පිළියන්දල විකල්ප මාර්ගයේ ගරාජයක් වටලා මෙම අධිබලැති යතුරුපැදි සමඟ ගරාජ් හිමියා අත්අඩංගුවට ගෙන තිබේ.
අත්අඩංගුවට ගත් ගරාජ් හිමියාගෙන් සිදුකළ ප්රශ්න කිරීමේදී පුද්ගලයන් සිව් දෙනෙකු මෙම යතුරුපැදි කොටස් තමන් වෙත ගෙනවිත් දුන් බවත් ඒවා එකලස් කිරීම පමණක් තමා සිදුකළ බවත් ප්රකාශ කර ඇත.
ඒ අනුව වැඩිදුර විමර්ශන සිදු කරන බව පිළියන්දල පොලීසිය පවසයි.
ප්රබල පාතාල කල්ලි සාමාජිකයෙකු වූ ගනේමුල්ල සංජීවගේ ආධාරකරුවෙකු ඉන්දියාවේදී අත්අඩංගුවට ගෙන ඇතැයි වාර්තා වේ.
ගම්පහ ප්රදේශයේ පදිංචි “උඩුගම්පල අලයා” නැමැත්තා මෙලෙස ඉන්දීය ආරක්ෂක විසින් අත්අඩංගුවට ගෙන ඇති අතර ඔහු මත්ද්රව්ය ජාවාරම් කරුවෙකුද වේ.
ඉන්දීය ආරක්ෂක අංශ විසින් අත්අඩංගුවට ගැනීම මේ වන විට තහවුරු කර තිබේ.
සැකකරු සම්බන්ධව ඉදිරියේදී ශ්රී ලංකා පොලීසිය වෙත දැනුවත් කර මෙරටට යොමු කිරීමටද නියමිත බවද සඳහන් වේ.
ශ්රී ලංකාවට අවශ්ය ඕනෑම අවස්ථාවකදී උපකාර කිරීමට චීනය නිරන්තරයෙන් බලාපොරොත්තු වන බව ශ්රී ලංකාවේ චීන තානාපති ෂී ෂෙන්ග්හොන්ග් මහතා පවසා තිබේ.
අකුරණ බානාගල චීන භාෂා මධ්යස්ථානය විවෘත කිරීම ශ්රී ලංකාවේ චීන තානාපති ෂී ෂෙන්ග්හොන්ග් මහතාගේ ප්රධානත්වයෙන් ඊයේ (13) සිදුකෙරුණි.
එම අවස්ථාවට සහභාගී වෙමින් එතුමා මේ බව ප්රකාශ කර තිබේ.
ශ්රී ලංකා චීන බෞද්ධ සංස්කෘතික හුවමාරු මධ්යස්ථානයේ අධ්යක්ෂ මානාගල පුරාණ විහාරාධිපති පූජ්ය පරණගම ඥාණවිමල නාහිමියන්ගේ මෙහෙයවීමෙන් ශ්රී ලංකාවේ චීන තානාපති කාර්යාලයේ අනුග්රයෙන් අකුරණ බානාගල චීන භාෂා මධ්යස්ථානය විවෘත කර ඇත.
මේ අතර, එහිදී ප්රදේශයේ ජනතාව සඳහා රුපියල් ලක්ෂ 20ක වටිනාකමින් යුත් වියළි ආහාර බෙදා දීමද මෙහිදී සිදුවූ අතර ශ්රී දළදා මාලිගාවේ දියවඩන නිලමේ ප්රදීප් නිලංග දෑල මහතා ඇතුළු පිරිසක් මෙම අවස්ථාවට එක් වී තිබේ.
එහදී අදහස් දැක්වූ ශ්රී ලංකාවේ චීන තානාපති ෂී ෂෙන්ග්හොන්ග් මහතා,
“ඔබ හැමෝම දන්නවා චීනය සහ ශ්රී ලංකාව වසර 2000ක පටන් සමීප සබඳතා පවත්වන කල්යාණ මිත්ර රටවල් දෙකක්. ලාංකිකයින් මුහුණදෙන ඕනෑම දුෂ්කරතාවයකදී චීනය මුලින්ම ඉදිරිපත්වෙලා ඒ තත්ත්වයෙන් ගොඩ එන්න උදවු කරනවා.වත්මන් යුදමය තත්ත්වයත් එක්ක ලාංකිකයින්ට ඉන්ධන හිඟයක් ඇතිවුණත් විශ්වාසයි චීනය තමයි මුලින්ම ඉන්ධන විශාල ප්රමාණයක් පරිත්යාග කරන්න ඉදිරිපත් වුණ රට. දිට්වා කුණාටු සමයේදීත් විනාශ වූ පාලම් වැනි දෑ ඉදිකිරීම් සිදුකරලා චීනය සහයෝගය ලබාදුන්නා. ඒ වගේම චීනය බලාපොරොත්තු වෙනවා ලාංකිකයින්ට නිරන්තරයෙන් උදව් උපකාර කරන්න.”
සමාජ මාධ්යවල සංසරණය වන තමා සහ ලංකා ගල්අඟුරු සමාගමේ සාමාන්යාධිකාරී සහ ගල්අඟුරු සැපයුම්කාර සමාගමේ නියෝජිතයෙකු අතර ඇතිවූ බව කියන දුරකතන සංවාදය පිළිබඳව ලංකා ගල්අඟුරු සමාගමේ සභාපතිවරයා නිවේදනයක් නිකුත් කර තිබේ.
එමගින් ඔහු සඳහන් කර ඇත්තේ තමා ලංකා ගල්අඟුරු සමාගමේ සභාපතිවරයා ලෙස ගල්අඟුරු සැපයීම සඳහා කැඳවන ලද ටෙන්ඩර් මණ්ඩලය හරහා නිසි සුදුසුකම් ලත් මෙන්ම ඒ වනවිටත් කැබිනට් අනුමැතියද සහිතව කොන්ත්රාත් ප්රධානය කර තිබූ සැපයුම්කාර සමාගමේ දේශීය නියෝජිතයා අමතා ඊට අදාළව බැංකු විසින් නිකුත් කරන කාර්යය සාධන ඇපකරය එය අදාළ බැංකුව විසින් නිකුත් කරන ලද දිනය යන මාර්තු 25 දිනැතිව ලබාදෙන ලෙස කළ දැනුම්දීමක හඬපටයක් විවිධ අර්ථ ගැන්වෙන අයුරින් විකෘති කොට සමාජ මාධ්ය ජාලතුළ ප්රචාරය කර ඇති බවය.
දිවයින පුරා පිහිටි සියලුම රෝහල් පැය 24 පුරාම සිය සේවාවන් ලබා දීමට කටයුතු කරන බවත් ඒ සඳහා විශේෂඥ වෛද්යවරු, වෛද්යවරු හා රෝහල් කාර්ය මණ්ඩලය රෝගීන් වෙනුවෙන් කැපවීමෙන් කටයුතු කරන බවත් වෛද්ය නිලධාරීන්ගේ සංගමයේ සහකාර ලේකම් වෛද්ය චමිල් විජේසිංහ මහතා පවසයි.
මාධ්ය හමුවකට එක්වෙමින් වෛද්යවරයා පැවසුවේ අවුරුදු කාලය තුළ තමන්ගේ ආරක්ෂාව මෙන්ම සෞඛ්ය ආරක්ෂාව පිළිබඳව ද දැඩි අවධානයක් යොමු කළ යුතු බවය.
විශේෂයෙන්ම ගිනිකෙළි ආශ්රිත ක්රියාකාරකම්වලදී දැඩි අවධානයකින් යුතුව කටයුතු කරන ලෙසත් කුඩා දරුවන් සම්බන්ධයෙන් ද අවධානයෙන් පසුවන ලෙසත් ඒ මහතා වැඩිදුරටත් දැනුම් දී ඇත.
ජනවාරි මාසයේ දී මෙම ගිනිකෙළි ක්රියාකාරකම් හේතුවෙන් සිදුවන අනතුරුවල යම් අඩුවීමක් දක්නට ලැබුණ අතර එය මෙම උත්සව සමය තුළ ද අපේක්ෂා කරන බව වෛද්ය චමිල් විජේසිංහ මහතා පැවසීය.
එමෙන්ම උත්සව සමය තුළ රිය අනතුරුවල වර්ධනයක් දැකගත හැකි අතර තමන්ගේ ආරක්ෂාව සම්බන්ධයෙන් දැඩි ලෙස සැලකිළිමත් වෙන ලෙසද මෙහිදී වෛද්යවරයා දැනුම් දී තිබේ.
එහිදී වැඩිදුරටත් අදහස් දැක්වූ වෛද්ය නිලධාරීන්ගේ සංගමයේ සහකාර ලේකම් වෛද්ය චමිල් විජේසිංහ මහතා
”ඒ වගේම අධික වේගයෙන් යන්න එපා… අධික වේගය මාරයා වෙත ඔබ ළං කරයි…ඒ වගේම මත්ද්රව්ය භාවිතා කර කිසිම හේතුවක් මත වාහන ගෙනියන්න එපා…අධික වෙහෙස නිදිමත මේ අනතුරුවලට තවත් හේතුවක් මේ නිසා මේ පිළිබඳ අවධානය යොමු කර ගමන් බිමන් යන්න… ඒ වගේම මේ අවුරුදු සමය තුළ පිරිසුදු ආහාර පමණක් ආහාරයට ගන්න.. අපි වෙළඳුන්ටත් උපදෙස් දෙනවා අපිරිසිදු ආහාර අලෙවි කරන්න එපා.. ආහාර සැකසීමේ දී ගුණාත්මක අමුද්රව්ය යොදා ගන්න.. වියළි කාලගුණය සමඟ පානීය ජලය පිළිබඳ ප්රශ්නයක් තියෙනවා.. මේ පිළිබඳව දැඩිව අවධානය යොමු කරන්න.. පිරිසුදු ජලය පමණක් භාවිතා කරන්න.. හැකිතාක් උණු කර නිවාගත් ජලය පානය කරන්න.. දීර්ඝ කාලීන රෝගවලට ප්රතිකාර ගන්න පුද්ගලයෙක් නම් ඖෂධ ගන්න අමතක කරන්න එපා. මේ අවුරුදු සමය තුළ පැණි රස ආහාර වැඩිපුර ගන්නවා ඒ වගේම පරිභෝජන රටාව වෙනස් වෙනවා.. ඒ නිසා දීර්ඝ කාලීන ලෙඩ රෝග තියන අය ඒ කියන්නේ දියවැඩියාව, හෘදයාබාධ, වකුගඩු රෝග තියන අය බෙහෙත් බොන්න.. මොකද උත්සව සමය අවසන් වූ පසු රෝහලට එන ප්රමාණය වැඩිවෙනවා.. මේ නිසා ආහාර රටාව පිළිබඳ දැඩි අවධානයක් යොමු කරන්න”
කළුතර බණ්ඩාරගම මාර්ගයේ දී සිදු වූ රිය අනතුරකින් තරුණයෙකු ජීවිතක්ෂයට පත්ව තිබේ.
බණ්ඩාරගම දෙසට ධාවන වූ යතුරු පැදියක් පැදිකරුට පාලනය කර ගැනීමට නොහැකිව ඊට ප්රතිවිරුද්ධ දෙසින් පැමිණි ත්රිරෝද රථයක ගැටීමෙන් මෙම අනතුර සිදුව ඇත.
අනතුරින් තුවාල ලැබූ පැදිකරු හා පසුපැදිකරු නාගොඩ රෝහලට ඇතුළත් කර ඇති අතර එහිදී පසුපැදිකරු මිය ගොස් තිබේ.
මෙලෙස මියගොස් ඇත්තේ වයස අවුරුදු 17ක් වන වාද්දූව ප්රදේශයේ පදිංචිකරුවෙකි.
මොරොන්තුඩුව පොලීසිය සිද්ධිය සම්බන්ධයෙන් වැඩිදුර විමර්ශන සිදු කරයි.
සිංහල දෙමළ අලුත් අවුරුද්ද වෙනුවෙන් බන්ධනාගාර ගත රැඳවියන්ට විවෘත අමුත්තන් බැලීම සඳහා විශේෂ අවස්ථාවක් ලබාදීමට බන්ධනාගාර දෙපාර්තමේන්තුව පියවර ගෙන තිබේ.
එහි මාධ්ය ප්රකාශක බන්ධනාගාර කොමසාරිස් ඒ.සී. ගජනායක මහතා සදහන් කළේ අද (13) සහ හෙට (14) යන දෙදින තුළ එම අවස්ථාව ලබාදී ඇති බවය.
ඒ අනුව බන්ධනාගාර දෙපාර්තමේන්තුව මගින් නිකුත් කර ඇති උපදෙස්වලට අනුකූලව සියලු බන්ධනාගාරවලට අදාළව මෙම විශේෂ අවස්ථාව ලබා දී තිබේ.
රැදවියන්ගේ ඥාතීන් විසින් රැගෙන එන ආහාර හෝ රස කැවිලි පාර්සලයක් සහ සනීපාරක්ෂක ද්රව්ය අඩංගු පාර්සලයක් එක් රැදවියෙකුට ප්රමානවත් පරිදි ලබාදීමට අවසර ලබා දී ඇති බව ද බන්ධනාගාර මාධ්ය ප්රකාශක ඒ.සී. ගජනායක මහතා සදහන් කළේය.
හන්තාන කඳු පන්තියේ “කටුසු කොන්ද” තරණය කිරීමට ගොස් අතුරුදන්ව සිටි පුද්ගලයෙකු බේරාගැනීමට යුද හමුදාව සමත්ව තිබේ.
අද (13) පෙරවරුවේ සිදු කළ විශේෂ මෙහෙයුමකින් ඔහු බේරගත් බව යුද හමුදාව සඳහන් කළේය.
මෙම මෙහෙයුම සඳහා යුද හමුදාවේ 111 වන පාබල බලසේනාවට අයත් 2 (ස්වේච්ඡා) ශ්රී ලංකා සිංහ රෙජිමේන්තුවේ භට පිරිස් එක්වූහ.
මහනුවර පොලීසිය වෙතින් ලද තොරතුරකට අනුව ඊයේ (12) පස්වරු 06:40 ට පමණ යුද හමුදා නිලධාරීන් දෙදෙනෙකු සහ සෙබළුන් අට දෙනෙකුගෙන් සමන්විත කණ්ඩායමක් මෙම දුෂ්කර ගලවා ගැනීමේ මෙහෙයුම ආරම්භ කරන ලදී.
දැඩි අන්ධකාරය හා මීදුම් සහිත පරිසරය මධ්යයේ රාත්රී කාලය පුරාම සෝදිසි මෙහෙයුම් අඛණ්ඩව සිදු කළ බව යුද හමුදාව සඳහන් කරයි.
ඒ අනුව, අද (13) පෙරවරු 07:45 ට පමණ අතුරුදන්ව සිටි පුද්ගලයා නිරුපද්රිතව සොයා ගැනීමට යුද හමුදා භට පිරිස් සමත් වූහ.
