දෙදින නිල සංචාරයක් සඳහා මෙරටට පැමිණ සිටින ඉන්දීය උප ජනාධිපති සී. පී. රාධක්රිෂ්ණන් මහතා අද (19) පස්වරුවේ හුණුපිටිය ගංගාරාම විහාරය වැඳපුදා ගැනීමට එක්විය.
Category: breaking_news
Breaking News
වයෝවෘද්ධ පුද්ගලයෙකු තල්ලුකර මුදල් කොල්ලකෑ මත්ලෝලියා කොටුවෙයි….
සමාජ මාධ්ය ජාලාවල සංසරණය වූ, දෙහිවල ප්රදේශයේදී වයෝවෘද්ධ පුද්ගලයෙකු තල්ලුකර බිමදමා මුදල් කොල්ලකෑමේ සිද්ධියට සම්බන්ධ සැකකරු දෙහිවල පොලිස් ස්ථානයේ අපරාධ අංශය මගින් අද (19) අත්අඩංගුවට ගෙන ඇත.
පසුගිය අප්රේල් 17 වැනිදා දෙහිවල, වෛද්ය පාරේ ගමන් කරමින් සිටි 74 හැවිරිදි පුද්ගලයෙකු තල්ලු කර බිම දමා, ඔහුගේ කමිස සාක්කුවේ තිබූ රුපියල් 2,100ක මුදලක් කොල්ලකා සැකකරු පළා ගොස් තිබුණි.
මෙලෙස කොල්ලකා ඇත්තේ එම වයෝවෘද්ධ පුද්ගලයා කුලී වැඩකර උපයාගත් මුදලක් බව පැවසේ.
මෙම අමානුෂික ක්රියාව දැක්වෙන වීඩියෝ දර්ශන සමාජ මාධ්ය ඔස්සේ සංසරණයවීමත් සමග පොලීසිය පුළුල් විමර්ශනයක් ආරම්භ කරන ලදී.
ඒ අනුව දෙහිවල පොලිස් අපරාධ අංශය මගින් සිදුකළ මෙහෙයුමකදී සැකකරු අත්අඩංගුවට ගැනීමට හැකිව ඇත.
ඒ වනවිට ඔහු සන්තකයේ තිබී අයිස් මත්ද්රව්ය මිලිග්රෑම් 5,200ක්ද පොලිස් භාරයට ගෙන තිබේ.
සැකකරු වයස අවුරුදු 23ක් වන ඔපන් පෙදෙස, දෙහිවල ප්රදේශයේ පදිංචිකරුවෙකු බව පොලීසිය පවසයි.
අත්අඩංගුවට ගත් සැකකරු හෙට (20) ගල්කිස්ස මහෙස්ත්රාත් අධිකරණය වෙත ඉදිරිපත් කිරීමට නියමිතය.
දෙහිවල පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
ග්රෙගරි වැවේ සංචාරකයන් රැගත් බෝට්ටුවක් පෙරළෙයි…
නුවරඑළිය ග්රෙගරි වැවේ ධාවනය වූ ජෙට් ස්කී යාත්රාවේ වේගයත් සමඟ ඇති වූ රළ පහර හේතුවෙන් ඒ ආසන්නයෙන් ධාවනය වූ සංචාරකයින් රැගත් බෝට්ටුවක් අද (19) පස්වරුවේ පෙරළි ගොස් අනතුරක් සිදුව තිබේ.
එම අවස්ථාවේදී වහා ක්රියාත්මක වූ නුවරඑළිය පොලිස් ජීවිතාරක්ෂක ඒකකයේ නිලධාරීන් විසින් සංචාරයින් පිරිස බේරා ගැනීමට කටයුතු කර ඇත.
සිද්ධිය සම්බන්ධයෙන් අදාළ යාත්රා පැදවූ පුද්ගලයන් දෙදෙනා පොලීසිය විසින් අත්අඩංගුවට ගෙන තිබේ.
සැකකරුවන් හෙට (20) නුවරඑළිය දිස්ත්රික් අධිකරණයට ඉදිරිපත් කිරීමට නියමිත බව සඳහන් වේ.
ස්වර්ගස්ථ වු කැමිලස් ප්රනාන්දු පියතුමන්ගේ අවමංගල්ය කටයුතු 22වෙනිදා….
ස්වර්ගස්ථ වු මෙරට කතෝලික සභාවේ සිටි විද්වත් ගෞරවනීය පූජා ප්රසාදීන් වහන්සේනමක් වූ ගරු ආචාර්ය කැමිලස් ප්රනාන්දු පියතුමන්ගේ අවමංගල්ය කටයුතු එළඹෙන 22 වෙනිදා සිදුකිරීමට නියමිතයි.
එදින පස්වරුවේ කළුතර කුඩා පයාගල සාන්ත මරියා දේවස්ථාන සුසාන භූමියේදී සිදුකිරීමට නියමිත බව දැනුම් දී තිබේ.
උන්වහන්සේගේ දේහය හෙට (20) පෙරවරුවේ කොළඹ අගරදගුරු මැදුරේ තැන්පත් කිරීමට නියමිතව ඇත.
උන්වහන්සේ ස්වර්ගස්ථ වුයේ අද (19)පෙරවරුවේ දීය.
ඉන්දීය උප ජනපති, ජනපති හමු වෙයි…
මෙරට දෙදින නිල සංචාරයක නිරත ඉන්දියානු උප ජනාධිපති ශ්රී සී.පී. රාධක්රිෂ්ණන් මහතා සහ ජනාධිපති අනුර කුමාර දිසානායක මහතා අතර ද්විපාර්ශ්වික සාකච්ඡාවක් අද (19) පෙරවරුවේ ජනාධිපති කාර්යාලයේදී පැවැත්විණි.
ජනාධිපති කාර්යාලය වෙත පැමිණි ඉන්දීය උප ජනාධිපතිවරයා ජනාධිපති අනුර කුමාර දිසානායක මහතා විසින් උණුසුම් ලෙස පිළිගනු ලැබූ අතර ඉන්දියානු උප ජනාධිපති ධුරයට පත්වීම පිළිබඳවද ශ්රී සී.පී. රාධක්රිෂ්ණන් මහතා වෙත සිය සුබපැතුම් එක් කළේය.
ශ්රී ලංකාවේ සිදු කරන තම ප්රථම නිල සංචාරය මෙය බව මෙහිදි සඳහන් කළ ඉන්දියානු උප ජනාධිපතිවරයා ශ්රී ලංකාවේදී හිමි වූ විශේෂ පිළිගැනීම සහ ආගන්තුක සත්කාර පිළිබඳවද සිය ස්තූතිය පිරිනැමීය.
අනතුරුව, නායකයන් අතර ද්විපාර්ශ්වික සාකච්ඡා ආරම්භ කෙරණු අතර ඉන්දියාව සහ ශ්රී ලංකාව අතර පවතින දිගුකාලින මිත්රත්වය සහ සහයෝගීතාව තවදුරටත් වර්ධනය කර ගැනීම පිළිබඳ එහිදී දීර්ඝ ලෙස සාකච්ඡා කෙරිණි.
ආර්ථික, අධ්යාපන, සෞඛ්ය, සංචාරක, ආයෝජන සහ වෙළෙඳ ක්ෂේත්රයන්හි මෙන්ම විශේෂයෙන් බලශක්ති සුරක්ෂිතතාව සහ වරාය සංවර්ධනයට අදාළ දෙරට අතර සහයෝගීතාව තවදුරටත් ශක්තිමත් කර ගැනීමට අපේක්ෂා කරන බව ඉන්දීය උප ජනාධිපතිවරයා මෙහිදී සඳහන් කළේය.
ඉන්දීය රජයේ සහාය ඇතිව මෙරට ක්රියාත්මක නිවාස ව්යාපෘති මෙන්ම දිට්වා සුළි කුණාටුවෙන් පීඩාවට පත් ප්රදේශ වෙනුවෙන් ලබා දුන් ඇමෙරිකානු ඩොලර් මිලියන 450ක පැකේජය යටතේ ක්රියාත්මක වන ව්යාපෘති පිළිබඳව මෙහිදී පුළුල් ලෙස සාකච්ඡා කෙරිණි.
හදිසි අවස්ථාවලට අමතරව පසුගියදා තමා ඉන්දියාවේ සිදු කළ නිල සංචාරයේදී මෙන්ම නරේන්ද්ර මෝදි අගමැතිතුමා මෙරට සිදු කළ සංචාරයේදීද ඇති කරගත් අවබෝධතාව අනුව ඉන්දියාව මේ වන විට ශ්රී ලංකාවට ලබා දෙන ආර්ථික සහ සමාජයීය ආදී සෑම ක්ෂේත්රයකම සහයෝගීතාව පුළුල් වී තිබෙන බවත්, ඒ අනුව දැනට වැඩසටහන් රැසක් ක්රියාවට නංවා ඇති බවත් මෙහිදී පෙන්වා දුන් ජනාධිපතිවරයා ඒ තුළ ඉදිරියේදී දෙරට අතර සහයෝගීතාව තවදුරටත් ශක්තිමත් වනු ඇති බවද සඳහන් කළේය.
එමෙන්ම දිට්වා සුළි කුණාටුව හමුවේ ඉන්දියාව ශ්රී ලංකාවට ලබා දුන් සුවිශේෂි සහාය මෙහිදී අගය කළ ජනාධිපතිවරයා ඉන්දියානු අයවැයෙන් ශ්රී ලංකාව වෙනුවෙන් මුදලක් වෙන් කිරීමද කෘතවේදීව අගය කළේය.
එසේම, මැදපෙරදිග යුදමය තත්ත්වය සමඟ ඇති වූ බලශක්ති අර්බුදය හමුවේ ඉන්දියාවෙන් ඉන්ධන මෙට්රික් ටොන් 38,000ක් මෙරටට එවීමට ගත් පියවරද ජනාධිපතිවරයා කෘතවේදීව සිහිපත් කළේය.
තාක්ෂණික වශයෙන් ඉන්දියාව අත්පත් කරගෙන තිබෙන සුවිශේෂි ජයග්රහණ මෙහිදී සිහිපත් කළ ජනාධිපති අනුර කුමාර දිසානායක මහතා එම ක්ෂේත්රයන්හිදී ඉන්දියාව සමඟ සහයෝගයෙන් කටයුතු කිරීමට ශ්රී ලංකාව අපේක්ෂා කරන බවත් විශේෂයෙන් මානව සම්පත් සංවර්ධනයේදී සහ රාජ්ය අංශය ඩිජිටල්කරණය කිරීමේ වැඩපිළිවෙළෙහිදී ඉන්දියාවේ සහාය අපේක්ෂා කරන බවත් පැවසීය.
ධීවර ගැටලු කෙරෙහිද මෙහිදී විශේෂ අවධානය යොමු කෙරුණු අතර දෙපාර්ශ්වයම සහයෝගීතාවයෙන් කටයුතු කර ඒ සඳහා දීර්ඝකාලීන ස්ථිරසාර විසඳුමක් සෙවීමේ අවශ්යතාවද සාකච්ඡාවට ලක් විය.
ඉන්දියානු දූත පිරිස නියෝජනය කරමින් ධීවර, සත්ව පාලන සහ කිරි නිෂ්පාදන රාජ්ය අමාත්ය මහාචාර්ය එස්.පී. සිං බාගෙල්, පාර්ලිමේන්තු මන්ත්රීවරුන් වන ආචාර්ය කේ. ලක්ෂ්මන්, ආචාර්ය මේධා විශ්රම් කුල්කර්ණි, විදේශ කටයුතු අමාත්යාංශයේ විදේශ ලේකම් වික්රම් මිස්රි, ශ්රී ලංකාවේ ඉන්දීය මහ කොමසාරිස් සන්තෝෂ් ජා යන මහත්ම මහත්මීහු ඇතුළු පිරිසක් සහ ශ්රී ලංකා රජය නියෝජනය කරමින් විදේශ කටයුතු, විදේශ රැකියා සහ සංචාරක අමාත්ය විජිත හේරත්, කම්කරු අමාත්ය සහ මුදල් හා ක්රමසම්පාදන නියෝජ්ය අමාත්ය අනිල් ජයන්ත ප්රනාන්දු, ජනාධිපති ලේකම් ආචාර්ය නන්දික සනත් කුමනායක, ජනාධිපති ජ්යෙෂ්ඨ අතිරේක ලේකම් රෝෂන් ගමගේ, මුදල් හා ආර්ථික කටයුතු පිළිබඳ ජනාධිපති ජ්යෙෂ්ඨ අතිරේක ලේකම් සහ බලශක්ති අමාත්යාංශයේ ලේකම් ජී.එම්.ආර්.ඩී. අපොන්සු, විදේශ කටයුතු, විදේශ රැකියා සහ සංචාරක අමාත්යාංශයේ ලේකම් අරුණි රණරාජා, විදේශ කටයුතු, විදේශ රැකියා සහ සංචාරක අමාත්යාංශයේ අතිරේක ලේකම් එම්.ආර්.කේ. ලෙනගල යන මහත්ම මහත්මීහු ඇතුළු පිරිසක් මෙම අවස්ථාවට සහභාගී වූහ.
ජනතාවගේ නොසැලකිල්ල නිසා නිකරුනේ ජීවිත හානි සිදුවෙනවා – අස්ගිරි පාර්ශවයේ අනුනාහිමි…..
ජනතාවගේ තිබෙන නොසැලකිල්ල හේතුවෙන් නිකරුනේ ජීවිත හානි සිදුවන බව අස්ගිරි පාර්ශවයේ අනුනායක නාරම්පනාවේ ආන්නද හිමි පවසයි.
පොලිස්පති නීතිඥ ප්රියන්ත වීරසූරිය මහතා අද (18) පෙරවරුවේ උන්වන්සේව බැහැදැකීමට පැමිනි අවස්ථාවේදී පසුගිය දින කිහිපයේදී දියේ ගිලි සිදු වූ ජීවිත හානි සම්බන්ධයෙන් අදහස් දක්වමින් උන්වහන්සේ මේ බව පැවසුවහ.
මාධ්ය මගින් සිදුවන අනතුරු සම්බන්ධයෙන් ජනතාව කෙතරම් දැනුම්වත් කළද ඒ සම්බන්ධයෙන් කිසිදු තැකීමක් නොමැතිව ජනතාව කටයුතු කරමින් අනතුරුවලට ලක් වන බව උන්වහන්සේ වැඩිදුරටත් ප්රකාශ කළහ.
එහිදී පොලිස්පති නීතිඥ ප්රියන්ත වීරසූරිය මහතා අස්ගිරි පාර්ශවයේ මහා නායක වරකාගොඩ ශ්රී ඥානරතන නාහිමි, මල්වතු පාර්ශවයේ මහා නායක තිබ්බටුවාවේ ශ්රී සුමංගල නාහිමි සහ මල්වතු පාර්ශවයේ අනුනායක දිඹුල්කුඹුරේ විමලධම්ම හිමි ද බැහැදැක ආශිර්වාද ලබා ගත්තේය.
එහිදි අදහස් දැක්වූ පොලිස්පති නීතිඥ ප්රියන්ත වීරසූරිය මහතා පැවසුවේ ආරක්ෂක අංශවලින් යොදවා ඇති ජීවිතාරක්ෂක නිලධාරීන් ද පසුගිය දින කිහිපයේ දී දියේ ගිලි සිදුවීමට ගිය ජීවිත හානි රැසක් වළක්වා ගැනීමට කටයුතු කර ඇති බවය.
රාගම ප්රදේශයේ කාන්තාවකට අඩත්තේට්ටම් කළ ප්රධාන සැකකාරිය ඇතුළු පිරිස රිමාන්ඩ්…
රාගම ප්රදේශයේ වෙළෙඳසැලක් තුළ කාන්තාවකගේ හිසකෙස් කපා අඩත්තේට්ටම් සිදු කිරීමේ සිද්ධය සම්බන්ධයෙන් අත්අඩංගුවට ගත් ප්රධාන සැකකාරිය ඇතුළු සැකකරුවන් 5 දෙනා එළැඹෙන 20 වැනි දක්වා රක්ෂිත බන්ධනාගාරගත කර තිබේ.
අත්අඩංගුවට ගත් අදාළ පිරිස අද (18) වැලිසර වැඩබලන මහේස්ත්රාත්වරිය වෙත ඉදිරිපත් කිරීමෙන් අනතුරුව මෙම නියෝගය ලබා දී තිබේ.
මෙලෙස රිමාන්ඩ් කර ඇත්තේ ප්රධාන සැකකාරිය වූ අවුරුදු 27ක් වූ රාගම ප්රදේශයේ පදිංචිකාරියක් සහ අවුරුදු 20,21,22 සහ 23 වන වයස්වල පසුවන රාජාංගනය, කඩවත, රාගම සහ ත්රිකුණාමලය චීන වරාය ප්රදේශයේ පදිංචි පුද්ගලයින් සිව්දෙනෙකි.
සමාජ මාධ්ය ඔස්සේ ප්රචාරය වූ වීඩියෝ දර්ශන පදනම් කරගනිමින් ක්රියාත්මක වූ රාගම පොලීසිය වින්දිත කාන්තාවගෙන් ප්රකාශ සටහන් කර ගැනීමෙන් අනතුරුව ඇයව වෛද්ය පරීක්ෂණ සඳහා රාගම ශික්ෂණ රෝහල වෙත යොමු කර තිබූ අතර සිද්ධියට සම්බන්ධ සැකකරුවන් අත්අඩංගුවට ගෙන තිබුණි.
සංවිධානාත්මක අපරාධකරුවෙකු වන සමන්කොල්ලාගේ ගෝලයෙකු අත්අඩංගුවට…..
හෙරොයින් ග්රෑම් 120ක් සමග සැකකරුවෙකු අම්බලන්ගොඩ, මාදම්පාගම, දේවගොඩ අල්ලිය දේවාලය අසල නිවසක දී අත්අඩංගුවට ගෙන තිබේ.
ඇල්පිටිය කොට්ඨාස දූෂණ මර්දන අංශයේ නිලධාරින්ට ලැබුණු තොරතුරකට අනුව මෙම වැටලීම සිදු කර ඇත.
අත්අඩංගුවට ගත් පුද්ගලයා විදෙස්ගතව සිටින ඉඩන්තොට අගම්පොඩි සජිත් ප්රියන්ත නොහොත් ”සමන්කොල්ලා” නැමති සංවිධානාත්මක අපරාධකරුගේ ගෝලයෙකු බවට අනාවරණය වී තිබේ.
අදාළ සැකකරු මාදම්පාගම දේවගොඩ පදිංචි වයස 23ක් වන විවාහක පුද්ගලයකු වන අතර ඔහුව වැඩිදුර විමර්ශනය සදහා අම්බලන්ගොඩ පොලීසිය වෙත භාර දී ඇත.
නීතිවිරෝධී ධීවර කටයුතු කළ 41ක් නීතියේ රැහැනට…..
නීති විරෝධි ක්රම භාවිතයෙන් ධීවර කටයුතු සිදුකළ පුද්ගලයන් 41දෙනෙකව, ඩිංගි යාත්රා 11ක් සහ ට්රැක්ටර් රථ 2ක් සමඟ ශ්රී ලංකා නාවික හමුදාව, වෙරළාරක්ෂක දෙපාර්තමේන්තුව සහ ධීවර හා ජලජ සම්පත් දෙපාර්තමේන්තුව එක්ව සිදුකළ මෙහෙයුම් මගින් අත්අඩංගුවට ගෙන තිබේ.
මෙම පුද්ගලයින් අත්අඩංගුවට ගෙන ඇත්තේ, ත්රිකුණාමලය චෙම්මලෙයි, චෙඩ්ඩිපලයාම්, එලිසබෙත් දූපත, ෆවුල් පොයින්ට්, ක්ලැපන්බර්ග් පොයින්ට්, උප්පුරාල්, නන්දිකඩාල් කලපුව, අලම්පිල්, අලියා දූපත, පුඩුවකට්ටු, පුත්තලම උච්චමුනෙයි සහ යාපනය කොමාර් පොයින්ට් වෙරළ හා මුහුදු ප්රදේශ ආවරණය වන පරිදි මෙමස පළමුවනදා සිට 15 වෙනිදා දක්වා සිදුකළ මෙහෙයුම් වලදීය.
අත්අඩංගුවට ගත් සැකකරුවන්, මුහුදු කුඩැල්ලන්, වාණිජ පුපුරණ ද්රව්ය, තහනම් ධීවර ආම්පන්න, ට්රැක්ටර් රථ සහ ධීවර යාත්රා ඉදිරි නීතිමය කටයුතු සඳහා මුලතිව්, කින්නියා, කොඩ්බේ, ඊච්චලම්පත්තු, කලවංචිකුඩි, කිලිනෝච්චිය, පුත්තලම යන ධීවර හා ජලජ සම්පත් දෙපාර්තමේන්තු කාර්යාලයන් වෙත සහ පුල්මුඩේ විශේෂ කාර්ය බලකාය වෙත භාරදී ඇත.
දකුණු පාතාලය සෙලවුණු SF රාජුගේ අත්අඩංගුවට ගැනීම….
මිනී මැරුම්, කප්පම් ගැනීම්, අවි ජාවාරම් සම්බන්ධයෙන් පොලිසියට අවශ්ය කර සිටි දරුණු ගණයේ අපරාධකරුවකු වන සෝබනහන්දි සනත් ද සිල්වා හෙවත් එස්. එෆ්. රාජු මේ වනවිට පොලිස් මධ්යම අපරාධ විමර්ශන කාර්යාංශයේ රඳවාගෙන ප්රශ්න කරමින් තිබේ.
ඒ, පැය 72ක කාලයකට ලබාගත් රැඳවුම් නියෝග මතය.
ඉන්දියාවේදී අත්අඩංගුවටගත් සැකකරු ඊයේ (18) රාත්රියේ දිවයිනට රැගෙන එනු ලැබීය.
සෝබනහන්දි ජයලත් ද සිල්වා හෙවත් කරන්දෙණියේ සුද්දාගේ සහෝදරයා වන සෝබනහන්දි සනත් ද සිල්වා හෙවත් එස්.එෆ්. රාජු ඉන්දියාවේ නවදිල්ලි ගුවන්තොටුපොළේදී පසුගියදා අත්අඩංගුවට ගනු ලැබීය.
ඒ පොලිස් මධ්යම අපරාධ විමර්ශන කාර්යාංශයේ පොලිස් පරීක්ෂකවරයෙකුට ලද තොරතුරකට අනුව ශ්රී ලංකා පොලිසිය ඉන්දිය බුද්ධි අංශ වෙත ලබාදුන් තොරතුරකට අනුවය.
එස්.එෆ්. රාජු ඉන්දියාවට පැමිණ ග්රිසියට හෝ ඉතාලියට පලායාමට සූදානමින් සිට ඇති බව එම තොරතුරේ සඳහන්ව තිබී ඇත.
ඒ අනුව එස්.එෆ්. රාජු කටුනායක ගුවන්තොටුපොළින් ඊයේ රාත්රියේ මෙරටට රැගෙන එනු ලැබීය.
සැකකරු වැඩිදුර විමර්ශන සඳහා භාරදෙනු ලැබුවේ පොලිස් මධ්යම අපරාධ විමර්ශන කාර්යාංශය වෙතයි.
එහි අධ්යක්ෂ ජ්යෙෂ්ඨ පොලිස් අධිකාරී කමල් ආරියවංශ මහතා ඇතුළු නිලධාරීන් කණ්ඩායමක් විසින් ඊයේ රාත්රියේම ඔහු රැගෙන එනු ලැබීය.
පොලිස් මධ්යම අපරාධ විමර්ශන කාර්යාංශය භාර ජ්යෙෂ්ඨ නියෝජ්ය පොලිස්පති රන්මල් කොඩිතුවක්කු මහතාගේ සෘජු අධීක්ෂණයෙන්, නියෝජ්ය පොලිස්පති චන්දන කොඩිතුවක්කු මහතාගේ මෙහෙයවීමෙන් සැකකරු පිළිබඳ වැඩිදුර විමර්ශන සිදුකරමින් සිටියි.
එස්.එෆ්. රාජු පොලිස් විශේෂ කාර්ය බලකායේ සිට පසුව යුද හමුදා විශේෂ බලකායේ සෙබළෙකු ලෙස කටයුතු කර තිබේ.
තම සොහොයුරා වන කරන්දෙණියේ සුද්දා සමග එක්ව හිත හොඳ දොස්තර ඝාතනය කිරීමත් සමග මොහු පාතාලයට අත්පොත් තබා ඇති බව පොලිසිය පැවසුවේය.
කරන්දෙණියේ සුද්දා ලබා ගන්නා කොන්ත්රාත් ඝාතන බහුතරයක් මොහු මෙහෙයවා ඇති බවද වාර්තාවේ.
එමෙන්ම මිනී මැරුම්, කප්පම් ගැනීම්, අවි ආයුධ ජාවාරම් කිරීම් හා පාතාල ක්රියාදාම මෙහෙයවීම සම්බන්ධයෙන් ද මොහුට චෝදනා එල්ලවී තිබේ.
අකුරේගොඩදී පසුගියදා නීතීඥවරයෙකු සහ ඔහුගේ බිරිඳ ඝාතනය කිරීම මෙහෙයවා ඇත්තේ ද SF රාජු බවට සැක කෙරේ.
කරන්දෙණියේ සුද්දාගේ කල්ලිය දකුණු පළාතේ මේ වන විට ක්රියාත්මක දරුණුතම අපරාධ කල්ලියක් වන අතර මොහු අත්අඩංගුවට පත්වීමත් සමග දකුණේ අපරාධ රැසක් පාලනය කරගැනීමට හැකිවනු ඇති බවට පොලිසිය අපේක්ෂා කර ඇත.