Breaking News
දිවයින පුරා ඇති සියලුම තැපැල් කාර්යාලවල සේවකයින් අද (30) මධ්යම රාත්රියේ සිට සංකේත වැඩ වර්ජනයක් ආරම්භ කරන බව තැපැල් හා විදුලි සංදේශ නිලධාරීන්ගේ සංගමය පවසනවා.
ඒ අනුව අද (28) මධ්යම රාත්රියේ සිට එම සංකේත වැඩ වර්ජනය ක්රියාත්මක කරන බවයි මාධ්ය හමුවකට එක්වෙමින් එම සංගමයේ සභාපති ජී.ජී.සී. නිරෝෂණ සඳහන් කළේ.
එසේම කොළඹ මධ්යම තැපැල් හුවමාරුවේ සංකේත වැඩ වර්ජනය අද සවස 4.00ට ආරම්භ කරන බව විදුලි සංදේශ නිලධාරීන්ගේ සංගමය වැඩිදුරටත් ප්රකාශ කළා.
තද සුළං සහ රළු මුහුද පිළිබඳ අනතුරු ඇඟවීමේ රතු නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබෙනවා.
සක්රීය වී ඇති නිරිතදිග මෝසම් කාලගුණ තත්ත්වයේ බලපෑම හේතුවෙන් හලාවත සිට පුත්තලම මන්නාරම හරහා කන්කසන්තුරය දක්වා වෙරළට ඔබ්බෙන් වන මුහුදු ප්රදේශවල සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැ.කි.මී. 60-70 පමණ දක්වා වැඩිවිය හැකි බවත්, එම මුහුදු ප්රදේශ විටින් විට ඉතා රළු විය හැකි බවයි එම දෙපාර්තමේන්තුව සඳහන් කළේ.
මෙම මුහුදු ප්රදේශවලට නැවත දැනුම්දෙන තුරු යාත්රා නොකරන ලෙසට නාවික හා ධීවර ප්රජාව වෙත කාලගුණ විද්යා දෙපාර්තමේන්තුව දැනුම් දෙනවා.
එසේම හලාවත සිට කොළඹ හරහා ගාල්ල දක්වා මෙන්ම, කන්කසන්තුරය සිට මුලතිව් හරහා ත්රිකුණාමලය දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැ.කි.මී. 50-60 පමණ දක්වා වැඩිවිය හැකි අතර, එම මුහුදු ප්රදේශ ද විටින් විට රළු විය හැකි බව සඳහන්.
මේ සම්බන්ධයෙන් නිකුත් කළ නිවේදනය පහතින්.
Miss World තරගාවලියේ Multimedia Challenge තරගයේදී අවසන් වටයට තේරී පත්වීමට ශ්රී ලංකාව නියෝජනය කරමින් ඉදිරිපත් වී සිටින අනුදි ගුණසේකර සමත් වී තිබෙනවා.
ඒ අනුව මෙම තරග අංශය නියෝජනය කරමින් ශ්රී ලංකාව අවසන් වටයට තේරීපත් වූ පළමු අවස්ථාව මෙයයි.
මෙම ජයග්රහණයත් සමඟ අනුදි ගුණසේකර fast-track අවස්ථා තුනකම අවසන් වටයට තේරී පත්ව ඇති අතර, මේ හේතුවෙන් ඇයට Miss World තරගාවලියේ ඉහළ ස්ථානයකට පත්වීමට ඇති හැකියාව ඉහළ යනු ඇති බවයි සඳහන් වෙන්නේ.
මෙම ජයග්රහණය සඳහා Facebook, Instagram සහ Miss World යෙදුම යන සෑම අංශයක් සඳහාම ශ්රී ලාංකිකයින්ගෙන් ලැබුණු සෑම like, comment සහ share එකක්ම ඉවහල් වූ බවයි අනුදි ගුණසේකර වැඩිදුරටත් සඳහන් කර ඇත්තේ.
රාජගිරිය ප්රදේශයේ ව්යාපාරික ස්ථානයක අද (27) දහවල් ගින්නක් හට ගෙන තිබෙනවා.
ගින්න පාලනය කිරීම සඳහා ගිනි නිවීමේ රථ 03ක් පිටත් කර යවා ඇති බවයි ගිනි නිවීමේ දෙපාර්තමේන්තුව සඳහන් කළේ.
ව්යාජ ලියකියවිලි සමග දේශසීමාව හරහා යාමට උත්සාහ කළ ශ්රී ලාංකික පුරවැසියන් තිදෙනෙකු ඇල්බේනියාවේ කෝර්සා හිදී දේශසීමා පොලිසිය විසින් අත්අඩංගුවට ගෙන තිබෙනවා.
ඔවුන්ගේ ගමනාන්තය ඉතාලිය වන බවත්, ඔවුන් ව්යාජ ලියකියවිලි භාවිත කරමින් ‘කාෆේ තානේ’ දේශසීමා හරහා ගමන් කිරීමට තැත් කර ඇති බවයි විදෙස් මාධ්ය වාර්තා කරන්නේ.
අත්අඩංගුවට ගෙන ඇති සැකකරුවන් අවුරුදු 57, 51 සහ 36 හැවිරිදි වියේ පසුවන ශ්රී ලාංකිකයින් වන අතර, ඔවුන් සම්බන්ධයෙන් වැඩිදුර විමර්ශන සිදු කරනවා.
මෙරට ළමා සහ තරුණ ප්රජාවගේ මානසික සෞඛ්යය නගා සිටුවීමට හා සමාජ සුභසාධනය සඳහා ජාත්යන්තර සිංහ සමාජයේ සහාය ලබා දෙන බව ජාත්යන්තර සිංහ සමාජයේ සභාපති සිංහ Fabrício Oliveira ප්රකාශ කර තිබෙනවා.
ජනාධිපති අනුර කුමාර දිසානායක සහ ජාත්යන්තර සිංහ සමාජයේ නියෝජිතයන් අතර ජනාධිපති කාර්යාලයේ අද (26) පැවැති සාකච්ඡාවේ දී ජාත්යන්තර සිංහ සමාජයේ සභාපතිවරයා මේ බව සඳහන් කර ඇති බවයි ජනාධිපති මාධ්ය අංශය සඳහන් කළේ.
ජාත්යන්තර සිංහ සමාජය විසින් මේ වන විට ශ්රී ලංකාවේ සිදු කරමින් තිබෙන ආහාර සුරක්ෂිතතා වැඩසටහන්, විවිධ ආපදාවන්ට පත්වූවන් වෙනුවෙන් ක්රියාත්මක සහන වැඩසටහන් සහ අධ්යාපනික ව්යාපෘති අඛණ්ඩව ඉදිරියට පවත්වාගෙන යාමටද සභාපතිවරයා මෙහිදී ජනාධිපති අනුර කුමාර දිසානායක හමුවේ සහතික වී ඇති බවයි වැඩිදුරටත් සඳහන් වෙන්නේ.
මේ සම්බන්ධයෙන් නිකුත් කළ නිවේදනය පහතින්.
මැයි 09 වැනිදා සිට 24 වැනිදා දක්වා දිවයින පුරා ක්රියාත්මක කළ විශේෂ මදුරු මර්දන වැඩසටහනේ දී මදුරුවන් බෝවිය හැකි ස්ථාන සහිත පරිශ්ර 30,000කට වැඩි සංඛ්යාවක් හඳුනාගෙන ඇති බව සෞඛ්ය අමාත්යංශය පවසනවා.
එම විශේෂ මදුරු මර්දන සතිය තුළ පරිශ්ර 128,824ක් පරික්ෂාවට ලක් කර ඇති අතර, එහිදී මදුරුවන් බෝවිය හැකි ස්ථාන 31,145ක් හඳුනාගත් බවයි එම අමාත්යංශය සඳහන් කළේ.
මදුරු කීටයන් සහිත පරිශ්ර 6,777ක් මෙහිදී හඳුනාගෙන ඇති අතර, මදුරුවන් බෝවන පරිදි පරිශ්ර පවත්වාගෙන ගිය 3,916ක් සඳහා රතු නිවේදන නිකුත් කර තිබෙන බවත්, තවත් පරිශ්ර 1,470කට එරෙහිව නීතිය ක්රියාත්මක කිරීමටද පියවර ගෙන ඇති බවයි සෞඛ්ය අමාත්යංශය වැඩිදුරටත් සඳහන් කර සිටියේ.
බිංගිරිය වයඹ ජාතික අධ්යාපන පීඨයේ දෙවන වසරේ සිසුවියක් සියදිවි හානි කරගැනීමේ සිද්ධිය සම්බන්ධයෙන් අධ්යාපන අමාත්යංශය කඩිනම් විමර්ශනයක් ආරම්භ කර තිබෙනවා.
බිංගිරිය වයඹ ජාතික අධ්යාපන පීඨයේ දෙවන වසරේ සිසුවියක් පසුගියදා නේවාසිකාගාරය තුලදී සියදිවි හානි කරගෙන තිබුණු අතර, මානසික ආතතියක් මෙම සියදිවි හානිකර ගැනීමට හේතු වී ඇති බවයි පවුලේ ඥාතීන් සඳහන් කර තිබෙන්නේ.
අදාළ සිදුවීම සම්බන්ධයෙන් විවිධ පාර්ශව විසින් කඩිනම් විමර්ශනයක් සිදුකරන ලෙස ඉල්ලා තිබුණා.
***ඔබ යම් සිත් තැවුලකින් පසුවන්නේ නම් 1926 අමතා ජාතික මානසික සෞඛ්ය ආයතනය හරහා පැය විසිහතර පුරා ඔබට සහනයක් ලබාගත හැකියි.***
මෙරට රෝහල්වල පවතින ඖෂධ හිඟය සම්බන්ධයෙන් සෞඛ්ය නියෝජ්ය අමාත්ය වෛද්ය හංසක විජේමුණි පැහැදිළි කිරීමක් සිදුකර තිබෙනවා.
ඒ අනුව ඖෂධ වර්ග 180ක් හිඟ බවට පැවසුවද සත්ය වශයෙන්ම රෝහල්වල හිඟව පවතින්නේ ඖෂධ වර්ග හතලිස් ගණනක් බවයි මාධ්ය වෙත අදහස් දක්වමින් නියෝජ්ය අමාත්යවරයා සඳහන් කළේ.
පසුගිය වසරේ සියලුම ඖෂධ මිලදී ගැනීමට යොමුකළ මුදලටත් වඩා වැඩි මුදලක් මෙම වසරේ යොමුකර ඇති බවත් පවතින ගැටලුව විසඳීමට හැකි ක්රමය වන්නේ මධ්යම බෙහෙත් ගබඩාව තුළ ආරක්ෂිත තොගයක් පවත්වාගෙන යාම බවද නියෝජ්ය අමාත්යවරයා ප්රකාශ කළා.
ඉක්මන් මිලදී ගැනීමක් ලෙස මාස තුනත් හයත් අතර ආරක්ෂිත තොගයක් ලබාදෙන ලෙස රජයට යෝජනා කර ඇති බවත් එය ඉතාමත්ම නීත්යානූකූල ආකාරයෙන් සිදු කරන බවයි නියෝජ්ය අමාත්ය වෛද්ය හංසක විජේමුණි වැඩිදුරටත් සඳහන් කළේ.
නවසීලන්ත නියෝජ්ය අග්රාමාත්ය සහ විදේශ කටයුතු අමාත්ය වින්ස්ටන් පීටර්ස් මහතා මෙරට නිල සංචාරයක් සඳහා දිවයිනට පැමිණ තිබෙනවා.
ඒ අනුව අද (25) අලුයම දිවයිනට පැමිණි නවසීලන්ත නියෝජ්ය අග්රාමාත්යවරයා විදේශ කටයුතු නියෝජ්ය අමාත්ය අරුන් හේමචන්ද්ර විසින් පිළිගෙන ඇති බවයි සඳහන් වෙන්නේ.
විදේශ අමාත්යවරයාගේ මෙම නිල සංචාරය අතරතුරදී ජනාධිපති අනුර කුමාර දිසානායක, අග්රාමාත්ය හරිනි අමරසූරිය සහ විදේශ අමාත්ය විජිත හේරත්ද හමුවීමට නියමිතයි.
