අයිස් මත්ද්රව්ය සහ හෙරොයින් කිලෝග්රෑම් 200ක් පමණ ප්රවාහනය කළ ලොරි රථයක් පොලීසිය විසින් අත්අඩංගුවට ගෙන තිබේ.
පොලීසිය පැවසුවේ තංගල්ල ප්රදේශයේදී මෙම මත්ද්රව්ය ප්රවාහනය කරමින් තිබියදී මෙම ලොරි රථය පොලිස් භාරයට ගත් බවය.
Category: breaking_news
Breaking News
යෝෂිතට එරෙහි නඩුව යළි කැඳවීමට දිනයක්….
මුදල් විශුද්ධීකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතාට එරෙහිව නීතිපතිවරයා විසින් ගොනුකර තිබෙන නඩුව ඔක්තෝම්බර් මස 15 වන දා කැඳවන ලෙස කොළඹ මහාධිකරණය නියම කර තිබේ.
මෙම නඩුව කැඳවූ අවස්ථාවේදී විත්තිකරුවන් වශයෙන් නම්කර සිටින යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් අධිකරණයේ පෙනී සිටියේය.
ඉන් අනතුරුව නඩුව ඔක්තෝබර් මස 15 කැඳවීමටද නියම විය.
රුපියල් මිලියන 73 කට ආසන්න වත්කම් හා දෙපොළ අයථා ලෙස අත්පත් කර ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකළේ යැයි චෝදනා කොට නීතිපතිවරයා විසින් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට එරෙහිව මෙම නඩුව ගොනු කර තිබේ.
ශෂීන්ද්ර රාජපක්ෂ තවදුරටත් රිමාන්ඩ්….
අල්ලස් කොමිසම මගින් දූෂණ චෝදනාවක් සම්බන්ධයෙන් සැකපිට අත්අඩංගුවට ගෙන මේ වන විට රිමාන්ඩ් භාරයට පත් කර සිටින හිටපු රාජ්ය අමාත්ය ශෂීන්ද්ර රාජපක්ෂ මහතා ලබන 30 වනදා දක්වා තවදුරටත් රක්ෂිත බන්ධනාගාර ගත කිරීමට කොළඹ මහේස්ත්රාත් අධිකරණයේ නියම කළේය.
ඔහුගේ ඇප ඉල්ලීම ප්රතික්ෂේප කරමින් කොළඹ ප්රධාන මහේස්ත්රාත් අසංක එස් බෝදරගම මහතා විසින් අද (22) මෙම නියෝගය නිකුත් කර ඇත.
ශෂීන්ද්ර රාජපක්ෂට අයත් බව කියන ශ්රී ලංකා මහවැලි අධිකාරියට අයත් සෙවණගල, කිරිඉබ්බන්වැව ප්රදේශයේ පිහිටි ඉඩමක අනවසරයෙන් ඉදිකර ඇති ගොඩනැගිල්ලක් ඇතුළු දේපොළ, 2022 වසරේ මැයි මස 09 වනදා ඇති වූ අරගලයේදී හානියට පවත්ව ඇත.
එකී දේපොළ සඳහා වන්දි ගෙවීම ප්රතික්ෂේප කර තිබියදී ඊට පටහැනිව හානිපූර්ණය සඳහා වන කාර්යාලයට අනුයුක්තව කටයුතු කළ ඇතැම් රජයේ නිලධාරින්ට තම නිල බලය භාවිත කරමින් බලපෑම් සිදුකර වන්දි ගෙවීමට බලපෑම්කර ඇති බවට ඔහුට එරෙහිව චෝදනා එල්ල වී තිබේ.
එහිදී රු. 8,850,000ක් (ලක්ෂ 88) වන්දි ලබාගැනීම තුළින් ‘දූෂණය’ නමැති වරද සිදුකිරීම සහ මහවැලි අධිකාරිය සතු දේපොළක් සාපරාධී සාවද්ය පරිහරණය තුළින් පොදු දේපොළ පනත යටතේ වරදක් සිදු කළේ යැයි සැකපිට මෙම අත්අඩංගුවට ගැනීම සිදුකර ඇත.
සම්පත් මනම්පේරි වළ දැමූ බවට සැකකරන ගිනිඅවි හා උණ්ඩ කිහිපයක් හමුවෙයි….
මිද්දෙණිය ප්රදේශයේ නිවසක් පිටුපස තිබී සම්පත් මනම්පේරි විසින් වළ දමා තිබූ ගිනිඅවි සහ උණ්ඩ කිහිපයක් සොයාගෙන තිබේ.
ඒ සම්පත් මනම්පේරි සහ බැකෝ සමන්ගෙන් සිදුකළ ප්රශ්න කිරීම් හමුවේය.
එම ප්රශ්න කිරීම් හමුවේ අනාවරණය වූ කරුණු අනුව එම නිවසේ පිටුපස වළ දමා තිබියදී රන් පැහැති මැගසින් 02ක්, 9mm පිස්තෝලයක්, අත්බෝම්බයක් සහ T-56 උණ්ඩ 115ක් මෙලෙස සොයාගෙන ඇත.
පොලීසිය පැවසුවේ මෙම ගිනිඅවි සහ උණ්ඩ මීට මාස 02කට පෙර බැකෝ සමන් විසින් සම්පත් මනම්පේරිට ලබා දී ඇති බවට මේ වනවිට කරුණු අනාවරණය කරගත් බවය.
පසුව සම්පත් මනම්පේරි නැමැත්තා සිය හිතවතියකගේ නිවසක පිටුපස මෙම ගිනිඅවි සහ උණ්ඩ වළ දැමූ බවද මේ වන විට සිදුකළ ප්රශ්න කිරීම් හමුවේ කරුණු අනාවරණය වී තිබේ.
කම්කරු අමාත්යාංශයේ ජංගම සේවා සතිය අද සිට….
කම්කරු අමාත්යාංශය විසින් සංවිධානය කරන ජංගම සේවා සතිය අද (22) සිට ආරම්භ වීමට නියමිතව තිබේ.
එම අමාත්යාංශය පැවසුවේ ඒ අනුව මෙහි සමාරම්භක වැඩසටහන අද පෙරවරු 9.00 සිට කම්කරු නියෝජ්ය අමාත්ය මහින්ද ජයසිංහ මහතාගේ ප්රධානත්වයෙන් යාපනයේදී ආරම්භ වීමට නියමිත බවය.
අමාත්යාංශය පැවසුවේ අද ආරම්භවන සමාරම්භක වැඩසටහනින් පසු දිවයින පුරා මෙම ජංගම සේවා සතිය ආරම්භ කිරීමට මේ වන විට සැලසුම් කර ඇති බවය.
සේවක අර්ථසාධක අරමුදලේ සාමාජිකයින්ගේ ගැටලු විසඳීම, රැකියා පොළ හරහා රැකියා අවස්ථා ලබා දීම, නීති උපදෙස් සහ මග පෙන්වීම ඇතුළු කම්කරු අමාත්යාංශයට අයත් බොහෝ සේවාවන් මේ තුළින් ලබා ගත හැකි බවද එම අමාත්යාංශය පැවසීය.
පුරාවස්තු සොයා කැණීම් කළ තරුණියක් අත්අඩංගුවට…..
ඇතිමලේ පොලිස් වසමේ ගැමුණුපුර ප්රදේශයේදී පුරාවස්තු සෙවීමේ අරමුණින් කැණීම් කරමින් සිටි සැකකාරියක් කැණීම් උපකරණ ද සමග අත්අඩංගුවට ගෙන තිබේ.
ඇතිමලේ පොලිස් ස්ථානයේ නිලධාරීන් කණ්ඩායමකට ලද තොරතුරක් මත මෙම වැටලීම සිදු කර ඇත.
මෙලෙස අත්අඩංගුවට ගෙන ඇත්තේ වයස අවුරුදු 29 ක් වන ගැමුණුපුර, ඇතිමලේ ප්රදේශයේ පදිංචිකාරියකි.
කෙසේවෙතත් එම ස්ථානයේ සිටි තවත් සැකකරුවෙකු පලාගොස් ඇති අතර ඔහුට අයත් බවට සැකකරන යතුරුපැදියක් ද පොලීසිය සිය භාරයට ගෙන තිබේ.
පලාගිය සැකකරු අත්අඩංගුවට ගැනීමට ඇතිමලේ පොලීසිය වැඩිදුර විමර්ශන සිදු කරයි.
ජනපති අද අමෙරිකාවට….
ජනාධිපති අනුර කුමාර දිසානායක මහතා අද (22) දිනයේදී අමෙරිකාව බලා පිටත්ව යාමට නියමිතව තිබේ.
එක්සත් ජාතීන්ගේ මහා මණ්ඩලයේ 80 වන සැසිවාරයට සහභාගිවීම සදහා ජනාධිපතිවරයා අද රාත්රී දිවයිනෙන් පිටත්ව යාමට නියමිත බව ජනාධිපති මාධ්ය අංශය සදහන් කළේය.
ජනාධිපතිවරයා ලබන 24වනදා එරට වේලාවෙන් පස්වරු 3.15ට එක්සත් ජාතීන්ගේ මහා මණ්ඩලය ඇමතීමට ද නියමිතය.
මෙම සංචාරයේදී ජනාධිපති අනුර කුමාර දිසානායක මහතා එක්සත් ජාතීන්ගේ සංවිධානයේ මහලේකම්වරයා සහ රාජ්ය නායකයින් කිහිපදෙනකු සමඟ ද්විපාර්ශ්වික සාකච්ඡාවලට එක්වීමට ද නියමිතව ඇත.
එමෙන්ම ජනාධිපතිවරයා අමෙරිකාවේ වෙසෙන ශ්රී ලාංකිකයින් සමඟ හමුවකට ද සහභාගී වීමටද නියමිතව තිබේ.
ජනාධිපති අනුර කුමාර දිසානායක මහතා සමඟ මෙම සංචාරය සඳහා විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා ද එක් වීමට නියමිතය.
විදුලිබල සැපයීම අත්යාවශ්ය සේවාවන් කරමින් අතිවිශේෂ ගැසට් පත්රයක්….
විදුලිබල සැපයීම සම්බන්ධ සියලු සේවා අත්යාවශ්ය සේවාවන් බවට ප්රකාශයට පත්කරමින් ජනපති නියමයෙන් අති විශේෂ ගැසට් නිවේදනයක් නිකුත්කර ඇත.
1979 අංක 61 දරන අත්යාවශ්ය මහජන සේවා පනතේ 2වන වගන්තිය ප්රකාරව ජනාධිපතිවරයාට පැවරී ඇති බලතල අනුව ජනාධිපති අනුර කුමාර දිසානායක මහතා අද (21) මේ සඳහා අත්සන් තබා ඇත.
සාමාන්ය ජනජීවිතය පවත්වාගෙන යාම සඳහා අත්යාවශ්ය වන බව සහ එකී සේවාවන්ට අවහිරයක් හෝ බාධාවක් විය හැකි බව සැලකිල්ලට ගනිමින් මෙම ගැසට් පත්රය නිකුත්කර තිබේ.
ඊට අදාළ ගැසට් පත්රය පහතින්,
2024 වසරේ වත්කම් හා බැරකම් ප්රකාශන ලබානොදුන් පිරිස 42ක්….
2025 වසරේ මාර්තු 25 වනදා වනවිට 2024 වසරේ වත්කම් හා බැරකම් ප්රකාශන ලබානොදුන් රාජ්ය නිලධාරීන්ගේ ලැයිස්තුවක් අල්ලස් හෝ දුෂණ චෝදනා විමර්ශන කොමිෂන් සභාව සිය වෙබ් අඩවියේ පළ කර තිබේ.
ඒ, අතරට හිටපු අමාත්යවරයෙක්, හිටපු පළාත් ආණ්ඩුකාරවරුන් සිව්දෙනෙක්, හිටපු රාජ්ය අමාත්යවරුන් 6 දෙනෙකු, හිටපු තානාපතිවරුන් 29 දෙනෙකු සහ අභියාචනාධිකරණ විනිසුරුවරුන් දෙදෙනෙකු ඇතුළත් වේ.
එලෙස වත්කම් හා බැරකම් ප්රකාශ ලබානොදුන් හිටපු අමාත්යවරයා වන්නේ හිටපු ධීවර අමාත්ය ඩග්ලස් දේවානන්දා මහතාය.
හිටපු ආණ්ඩුකාරවරුන් වන මාර්ෂල් ඔෆ් ද එයාර් ෆෝස් රොෂාන් ගුණතිලක, සෙන්තිල් තොන්ඩමන්, නවීන් දිසානායක, විලියම් ගමගේ යන පිරිස වත්කම් හා බැරකම් ප්රකාශ අදාළ දිනය වනවිට ඉදිරිපත් කර තිබුණේ නැත.
එමෙන්ම හිටපු රාජ්ය අමාත්යවරුන් වන ලොහාන් රත්වත්තේ, තාරක බාලසූරිය, ශාන්ත බණ්ඩාර, කාදර් මස්තාන්, සිවනේසතුරෙයි චන්ද්රකාන්තන් සහ සුරේන් රාඝවන් යන පිරිස ද එලෙස වත්කම් සහ බැරකම් ප්රකාශ ඉදිරිපත් කර නොතිබූ ලැයිස්තුවට අයත් වේ.
ශ්රීමත් අනගාරික ධර්මපාල තුමන්ගේ 161 වන ජන්ම දිනය නිමිත්තෙන් නුවරඑළිය අනගාරික ධර්මපාල පිළිරුවට පුෂ්පෝපහාර පිදීමේ හා රුක් රෝපන වැඩසටහනක් .
බෞද්ධ සාසනික උන්නතිය වෙනුවෙන් මහඟු සේවාවක් සහ
අනගි බවනිය මෙහෙවරක් ඉටුකළ ශ්රීමත් අනගාරික
ධර්මපාල තුමන්ගේ 161 වන ජන්ම දිනය නිමිත්තෙන්
නුවරඑළිය ජාත්යන්තර බෞද්ධ මධ්යස්ථානය අබියස පිහිටි
ශ්රීමත් අණගාරික ධර්මපාල තුමන්ගේ පිළිරුවට
පුෂ්පෝපප්රහාර පිදීමේ වැඩසටහනක් හා රුක් රෝපණ අද
(21) උදෑසන සිදු කෙරිණ ,
මෙම වැඩසටහන නුවරඑළිය දිස්ත්රික් සාසනාරක්ෂක බල
මණ්ඩලයේ පූර්ණ මග පෙන්වීම හා අනුශාසනා මත සිංහල
වීරවිතාන සංවිධානයේ සහ අනගාරික ධර්මපාල පදනම
විසින් සංවිධානය කර තිබිණ ,
මෙම වැඩසටහන් මාලාව සඳහා නුවරඑළිය නගරාධිපති
උපාලි වනිගසේකර මහතා නාගරික මන්ත්රීවරුන් ව්යාපාරික
හිමිකරුවන් සහ දහම් පාසල් දුවා දරුවන් ගුරුභවතුන්
ඇතුළු ප්රදේශවාසි විශාල පිරිසක් සහභාගි වී සිටියහ .
නුවරළිය – ආර්.එෆ්.එම්.සුහෙල්
