Breaking News
ප්රවීණ රංගන ශිල්පී නලීන් ප්රදීප් උඩවෙල මහතා අද (23) උදෑසන 5.45ට පමණ ජීවිතක්ෂයට පත්ව තිබේ.
ඒ මහරගම අපේක්ෂා රෝහලේ දැඩි සත්කාර ඒකකයේ ප්රතිකාර ලබමින් සිටිය දීය.
මියයන විට ඒ මහතා 56 වන වියේ පසුවු අතර, ඔහු දෙදරු පියෙකි.
නලීන් ප්රදීප් උඩවෙල මහතා, වේදිකාව, සිනමාව මෙන්ම ටෙලිනාට්ය තුළින් ද සිය රංගන හැකියාවන් ලාංකීය ප්රේක්ෂකයාට උරුමකර දුන් දක්ෂ කලාකරුවෙකි.
2021 දී මෙරට දරුණුතම පාරිසරික ව්යසනයට හේතු වූ එක්ස්ප්රස් පර්ල් නෞකාව ගිනිගැනීමේ සිද්ධියෙන් ඇතිවූ පාරිසරික මෙන්ම ආර්ථික හානිය වෙනුවෙන් නියම කළ අමෙරිකානු ඩොලර් බිලියනයක වන්දි මුදල ගෙවීම X-Press Feeders නෞකා සමාගම විසින් ප්රතික්ෂේප කර තිබේ.
ප්රංශ පුවත් සේවය (AFP) සමග පැවති සංවාදයකදී එක්ස්ප්රස් ෆීඩර් සමාගමේ ප්රධාන විධායක නිලධාරී, ෂුමෙල් යෝස්කොවිට්ස් පවසා ඇත්තේ, මෙම වන්දිය ගෙවීමක් කළහොත් එයින් පවතීන සමුද්රීය සම්මුතීන්ට දැඩි බලපෑමක් ඇති කරන බවය.
එමෙන්ම සමුද්රීය වෙළෙඳාම්, නැව්ගත කිරීම් සහ ප්රවාහනය යන කටයුතුවලදී සිදුවන අනතුරු සඳහා සමුද්රීය සම්මුතීන්ට අනුකූලව වන්දි ගෙවීම් සිදුකරණ නමුත් මෙම වන්දි ඉල්ලීම අදාළ සීමාවන් පැන ඇති බව ඔහු සංවාදයේදී පවසා ඇත.
මෙම ගෙවීම සිදුකළහොත් එය අනෙකුත් රටවලට ද වැරදි පූර්වාදර්ශයක් සපයන බවද ඔහු එහිදි පවසා තිබේ.
වැඩිදුරටත් අදහස් දක්වමින් ඔහු පවසා ඇත්තේ, සිදු වූ හානීය සම්බන්ධයෙන් කනගාටු වන අතර මෙම අනතුර වෙනුවෙන් වන්දි ගෙවීම කිසිවිටෙකත් පැහැරහැරීමක් සිදුනොකර නමුත් එම වන්දි ගෙවීම් සිදුකරන්නේ අදාළ සමුද්රීය සම්මුතීන්ට අනුකූලව සමස්ත අවසන් වන්දි ගෙවීම් මුදලක් ගණනය කිරීමෙන් පසුව බවය.
පසුගිය ජූලි මස 24 වන දින ශ්රේෂ්ඨාධිකරණය විසින් සිදු වූ හානිය වෙනුවෙන් අදාළ නෞකා සමාගමට අමෙරිකානු ඩොලර් බිලියනයක වන්දියක් ගෙවන ලෙසට නියම කර තිබුණි.
එමෙන්ම පළමු වාරිකය ලෙස අමෙරිකානු ඩොලර් මිලියන 250ක් ගෙවිය යුතුය බවත් අධිකරණය නියම කළ හැකි පරිදි අනාගතයේදී “වෙනත් සහ තවත් ගෙවීම්” කිරීමටද එය සමාගමට නියෝග කර ඇති බව සඳහන් වේ.
එම වන්දි මුදල් මෙරට භාණ්ඩාගාර ලේකම්වරයාට ගෙවිය යුතු බවට තීන්දුවේ සඳහන් ය.
ඊට අමතරව මෙම ඛේදවාචකය වළක්වා ගැනීමට කටයුතු නොකිරීම සම්බන්ධයෙන් එවක විෂයභාර අමාත්ය නාලක ගොඩහේවා, සමුද්ර දූෂණ වැළැක්වීමේ අධිකාරිය මූලික මිනිස් අයිතිවාසිකම් උල්ලංඝනය කර තිබෙන බවත් ශ්රේෂ්ඨාධිකරණය තීන්දු කර තිබුණි.
අදාළ ඛේදවාචකය තුළින් සිදුවූ හානිය වෙනුවෙන් කාදිනල් අතිඋතුම් මැල්කම් රංජිත් හිමිපාණන් ඇතුළු පාර්ශ්ව කිහිපයක් ඉදිරිපත් කළ මූලික අයිතිවාසිකම් පෙත්සම්වල තීන්දුව ලබාදෙමින් අගවිනිසුරු මුර්දු ප්රනාන්දු ප්රමුඛ පංච පුද්ගල ශ්රේෂ්ඨාධිකරණ විනිසුරු මඩුල්ල විසින් මෙම තීන්දුව ලබා දී තිබුණි.
කොළඹ වරායට නාවික සැතපුම් 9.5ක දුරින් නැංගුරම් ලා තිබූ ‘එම්.වී එක්ස්ප්රස් පර්ල්’ නෞකාව ගිනි ගැනීමට ලක්වුණේ 2021 මැයි මස 20වන දාය.
නෞකාව දිගින් මීටර් 186ක් සහ පළලින් මීටර 34කි.
නෞකාව ගැඹුරු මුහුද දෙසට ඇදගෙන යෑම ආරම්භ කළත් එය ගෙන යා හැකි වූයේ මීටර 500ක දුරකට පමණි.
නෞකාවේ පිටුපස කොටස ක්රමයෙන් මුහුදු ජලයෙන් යටවීම නිසා අතරමග එම උත්සාහය අත්හැර දැමුණි.
සායනික ද්රව්ය සහ රූපලාවණ්ය ආලේපන අඩංගු බහාලුම් 1,486ක් මේ නෞකාවේ ප්රවාහනය කෙරෙමින් පැවති අතර නයිට්රික් අම්ල මෙට්රික් ටොන් 25, ප්ලාස්ටික් අමුද්රව්ය මෙට්රික් ටොන් 78ක් ඊට ඇතුළත් විය.
තංගල්ල ප්රදේශයේ දී පොලීසිය විසින් සොයාගත් මත්ද්රව්ය තොගයේ සමස්ත වටිනාකම රු මිලියන 9,888ක් පමණ බව පොලීසිය විසින් තහවුරු කර තිබේ.
එමෙන්ම සොයාගත් මත්ද්රව්ය අතර හෙරොයින් කිලෝග්රෑම් 284.94ක් සහ අයිස් කිලෝග්රෑම් 420.976ක් ඇතුළුව සමස්ත මත්ද්රව්ය ප්රමාණය කිලෝග්රෑම් 705.91ක් බව ද පොලීසිය විසින් තහවුරු කර ඇත.
මත්ද්රව්ය සොයාගත් ලොරි රථවල ලියාපදිංචි හිමිකරුවන් මේ වනවිට අත්අඩංගුවට ගෙන ප්රශ්න කරමින් සිටින බව ද වාර්තා වේ.
මේ අතර, තංගල්ල ප්රදේශයේ දී පොලීසිය විසින් සොයාගත් මෙම මත්ද්රව්ය, මෙරට මත්ද්රව්ය ජාවාරම සිදුකරනු ලබන එක් පුද්ගලයෙකුට අයත් මත්ද්රව්ය තොගයක් බවට මේ වන විට අනාවරණය වී තිබේ.
විදෙස් රටක සිට මත්ද්රව්ය ජාවාරම් සිදුකරන ‘උනාකූරුවේ ශාන්ත’ නැමැති අපරාධකරු විසින් අදාළ මත්ද්රව්ය තොගය මෙරටට එවා ඇති බව පොලීසිය සිදුකළ විමර්ශනවලින් අනාවරණය වී ඇත.
තංගල්ල සීනිමෝදර ප්රදේශයේ නිවසක් තුළ සිටි පුද්ගලයින් තිදෙනෙකු අභිරහස් ලෙස මියයෑමත් සමග පොලීසියට ලැබුණු තොරතුරුවලට අනුව සිදුකළ විශේෂ මෙහෙයුමක දී ලොරි රථ 3ක සඟවා තිබූ අයිස් සහ හෙරොයින් ඇතුළු මත්ද්රව්ය තොගය ඊයේ (22) සොයාගනු ලැබීය.
එම මත්ද්රව්ය තොගය මෙරට තුළ එක් දිනක දී සොයාගත් වැඩිම මත්ද්රව්ය තොගය ලෙස ද සැලකේ.
එම මෙහෙයුමේ දී මත්ද්රව්යවලට අමතරව ටී – 56 වර්ගගේ ගිනිඅවියක් සහ පිස්තෝල වර්ගයේ ගිනිඅවි 5ක් ද පොලීසිය විසින් සොයාගෙන තිබුණි.
තංගල්ල සීනිමෝදර ප්රදේශයේ නිවසක මළ සිරුරු දෙකක් ඇති බවට පොලීසියට ලැබුණු තොරතුරක් මත සිදුකළ පරීක්ෂාවක දී එම නිවස අසල නවතා තිබූ කුඩා ලොරි රථක තිබී අයිස් මත්ද්රව්ය කිලෝග්රෑම් 10ක් සොයාගනු ලැබීය.
අදාළ නිවසේ සිටි තවත් පුද්ගලයෙකු ද හදිසි අසනීප තත්ත්වයක් හේතුවෙන් තංගල්ල රෝහලට ඇතුළත් කිරීමෙන් අනතුරුව මියගොස් ඇති බව සඳහන්ය.
පොලීසියට ලද බුද්ධි තොරතුරකට අනුව තංගල්ල කදුරුපොකුණ ප්රදේශයේ නවතා තිබූ තවත් ලොරි රථයක් පරීක්ෂා කිරීමේ දී එම ලොරි රථය තුළ ද ඉතා සූක්ෂම ලෙස සඟවා තිබූ හෙරොයින් සහ අයිස් මත්ද්රව්ය සමග ගිනිඅවි කිහිපයක් සොයාගනු ලැබීය.
එම මෙහෙයුමෙන් අනතුරුව නැවත වරක් පොලිසීය පුද්ගල මළසිරුරු දෙකක් හමුවූ නිවසේ නවතා තිබූ තවත් ලොරි රථයක් පරීක්ෂා කර ඇති අතර එහි තිබී ද කිලෝග්රෑම් 400කට අධික මත්ද්රව්ය තොගයක් සොයාගෙන ඇති බව වාර්තා වුණි.
මෙම මත්ද්රව්ය අදාළ නිවසේ සිට බෙදාහැරීම සඳහා සූදානම් කර තිබූ මත්ද්රව්ය බවට පොලීසියට තොරතුරු අනාවරණය වී තිබේ.
මියගොස් ඇති පුද්ගලයින් තිදෙනා ද එම මත්ද්රව්ය බෙදාහැරීමේ ජාලයට සම්බන්ධ පුද්ගලයින් බවට පොලීසිය සැක පළ කරයි.
ඔවුන් මියයෑමට හේතුව මෙතෙක් අනාවරණය වී නොමැති අතර ඔවුන් තවත් පිරිසක් සමග පෙරේදා රාත්රී මත්පැන් පානය කර ඇති බවට පොලීසිය සිදුකළ මූලික විමර්ශනවලින් අනවරණය වී තිබේ.
මියගිය පුද්ගලයින්ගේ පශ්චාත් මරණ පරීක්ෂණය අද (23) සිදුකිරීමට නියමිත බව පොලීසිය සඳහන් කළේය.
මෙම මත්ද්රව්ය ජාවාරම සම්බන්ධයෙන් පුද්ගලයින් දෙදෙනෙකු අත්අඩංගුවට ගෙන ඇති අතර අදාළ මත්ද්රව්ය සොයාගත් ලොරි රථයක රියදුරෙකු සහ එහි හිමිකරු මෙලෙස අත්අඩංගුවට ගෙන ඇති බව වාර්තා වේ.
මෙම ජාවාරමට සම්බන්ධ තවත් සැකකරුවන් කිහිපදෙනෙකු අත්අඩංගුවට ගැනීම සඳහා පොලීසිය විමර්ශන ආරම්භ කර ඇති අතර දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත් මහතාගේ උපදෙස් මත මේ සම්බන්ධයෙන් වැඩිදුර විමර්ශන ක්රියාත්මකයි.
මත්ද්රව්ය සහ සංවිධානාත්මක අපරාධවලට දකුණේ දේශපාලනඥයින් සම්බන්ධ බවට තොරතුරු අනාවරණය වී ඇතැයි මහජන ආරක්ෂක අමාත්ය ආනන්ද විජේපාල මහතා පවසයි.
අද (22) දින පැවති මාධ්ය හමුවකට එක්වෙමින් අමාත්යවරයා සඳහන් කළේ, මේ වනවිට මහජනතාව විසින් ලබාදෙන තොරතුරු සහ බුද්ධි අංශ තොරතුරු මත ඒ බව අනාවරණය වෙමින් පවතින බවය.
පසුගිය දේශපාලන සංස්කෘතිය හේතුවෙන් සංවිධානාත්මක අපරාධ සහ මත්ද්රව්ය ජාලය වර්ධනය වී ඇති බවත් වත්මන් ආණ්ඩුව මේ වනවිට ඒ කෙරෙහි විශේෂ අවධානයක් යොමු කර ඇති බවත් පැවසු අමාත්යවරයා, තංගල්ලේ දී විශාල මත්ද්රව්ය වැටලීම් තුනක් අද දිනයේ දී සිදුකර ඇති බව ද පැවසීය.
“අපි රටේ ජනතාවට විශේෂයෙන් කාරණයක් කියන්න ඕනේ. විශේෂ මත්ද්රව්ය සහ සංවිධානාත්මක අපරාධ සම්බන්ධයෙන් දේශපාලන සබඳතා තිබෙන බවට මේ වනවිට යම් යම් තොරතුරු අනාවරණය වී තිබෙනවා. විශේෂයෙන් දකුණේ දේශපාලනඥයින් මෙයට සම්බන්ධ බවට. විශේෂයෙන් මහජනතාව මේ වනවිට තොරතුරු ලබාදෙමින් තිබෙනවා. පොලීසිය සක්රීයව රාජකාරිය ඉටුකරමින් ඉන්නවා. බුද්ධි අංශ තොරතුරු විශාල ප්රමාණයක් ලැබෙමින් තිබෙනවා. මහජනතාවට අයාචනා කරනවා ඔබ දන්නා තොරතුරු පොලීසියට ලබාදෙන්න. ඒ තොරතුරු සහ පුද්ගලයාගේ ආරක්ෂාව සුරක්ෂිත කරනවා.”
පසුගියදා ඉන්දුනීසියාවේදී අත්අඩංගුවට ගෙන මෙරටට රැගෙන විත් අපරාධ පරීක්ෂණ දෙපාර්තමේන්තුව භාරයේ රඳවාගෙන සිටින සංවිධානාත්මක අපරාධ කල්ලි සාමාජික කෙහෙල්බද්දර පද්මේ සහ අනෙක් පාතාල අපරාධකරුවන්ගෙන් මේ වනවිට මත්ද්රව්ය සම්බන්ධයෙන් තොරතුරු අනාවරණය වෙමින් තිබෙන බව ද අමාත්යවරයා පැවසීය.
2025 ජූලි මාසයේ දී මෙම අගය වාර්තා වූ යේ 0.7% ක් ලෙසිනි.
ජූලි මාසයේ දී 2.2% ක් ලෙස වාර්තා වූ ආහාර කාණ්ඩයේ ලක්ෂ්යමය උද්ධමනය අගෝස්තු මාසයේ දී 2.9% ක් දක්වා වැඩි වී ඇති අතර ජූලි මාසයේ දී -0.6% ක් වූ ආහාර නොවන කාණ්ඩයේ ලක්ෂ්යමය උද්ධමනය අගෝස්තු මාසයේ දී 0.4% ක් දක්වා වැඩි වී ඇත.
රැඳවුම් නියෝග මත ප්රශ්න කරමින් සිටින සම්පත් මනම්පේරිට නවතාන් පහසුකම් සැපයු බවට වූ චෝදනාවට ලංකා විදුලිබල මණ්ඩලයේ සේවකයෙකු කළුතර ප්රදේශයේ දී පොලිස් මත්ද්රව්ය නාශක කාර්යාංශය විසින් අත්අඩංගුවට ගෙන තිබේ.
සැකකරු සන්තකයේ තිබී බැංකු කාඩ්පත් කිහිපයක් ද විමර්ශන නිලධාරීන් භාරයට ගෙන ඇති බව වාර්තා වේ.
ලංකා විදුලිබල මණ්ඩලයේ සියලුම වෘත්තිය සමිති මේ වන විට ආරම්භ කර ඇති ඇති අකුරට වැඩ කිරීමේ වෘත්තීය ක්රියාමාර්ගය අඛණ්ඩව එළැඹෙන බදාදා දක්වා සිදුකිරීමට තීරණය කර තිබේ.
අද (22) පැවති මාධ්ය හමුවකදී ලංකා විදුලිබල මණ්ඩලයේ නිදහස් සේවක සංගමයේ ප්රධාන ලේකම් ප්රභාත් ප්රියන්ත මහතා ඒ බව සඳහන් කළේය.
ඔවුන් පවසා සිටියේ, සිය ඉල්ලීම්වලට බලධාරීන් විසඳුම් ලබා නොදුනහොත් ලබන 24 වන දින ඉදිරි වෘත්තීය ක්රියාමාර්ග සම්න්ධයෙන් තීරණයකට එළැඹෙන බවය.
“24 වනදා දහවල් නැවතත් වෘත්තීය සමිති 25 රැස්වෙලා මේ දින දෙකෙහි යහපත් සාකච්ඡාවක් නැත්නම් අපි අනිවාර්යෙන්ම අන්තිම අදියරය වන වැඩවර්ජන තීන්දුවක් අපි අනිවාර්යෙන්ම බදාදාට ගැනීමට නියමිතයි. ඒක දිනක වැඩවර්ජනයක්ද, සංඛේත වැඩවර්ජනයක්ද, අඛණ්ඩ වැඩවර්ජනයක්ද කියන එක අපි පැහැදිලිව බදාදා දින ප්රකාශය කරනවා.”
හෙරොයින් සහ අයිස් මත්ද්රව්ය කිලෝග්රෑම් 200කට අධික තොගයක් තංගල්ල, සීනිමෝදර ප්රදේශයෙන් සොයාගෙන තිබේ.
එම ප්රදේශයේ අලුත්වැඩියා කරමින් තිබූ පැරණි නිවසක තිබී පුද්ගල මළ සිරුරු දෙකක් අද (22) උදෑසන හමුවු අතර ඒ ආසන්නයේ නවතා තිබූ ලොරි රථයක මෙලෙස මත්ද්රව්ය තිබී ඇත.
මීට පෙර පොලීසිය සඳහන් කළේ, සිදුකළ විමර්ශනයේ දී එම නිවස අසල පිහිටි කුඩා ප්රමාණයේ ලොරි රථයක තිබී අයිස් මත්ද්රව්ය අඩංගු පැකට් 10ක් ද සොයා ගත් බවය.
මේ අතර, අද දහවල් හෙරොයින් සහ අයිස් මත්ද්රව්ය කිලෝග්රෑම් 200කට අධික තොගයක් තංගල්ල ප්රදේශයෙන්ම සොයා ගැණුනි.
දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත් මහතා පැවසුවේ ලොරි රථයක තිබී අදාළ මත්ද්රව්ය තොගය සොයාගත් බවය.
අදාළ ලොරි රථයේ තිබී නවීන ගිනිඅවි 04ක් ද සොයා ගැනීමට හැකිව තිබුණි
ලංකා විදුලිබල සංශෝධන පනත ක්රියාත්මක කරමින් පිහිටුවන ලද පූර්ණ රාජ්ය හිමිකාරීත්වය සහිත සමාගම් 4කට සේවකයින් සම්බන්ධ කිරීම අරඹා ඇති බව බලශක්ති අමාත්යාංශය පවසයි.
ඒ අනුව, ලංකා විදුලිබල මණ්ඩලයේ සේවකයින්ගෙන් කොටසක් තමන් ඉහත පරිදි පිහිටුවන ආයතනවලට සම්බන්ධ වීමට කැමැත්ත පළ කරමින් ලිපි ලබාදීමට කටයුතු කළහ.
අද (22) පෙරවරුවේ ලංකා විදුලිබල මණ්ඩල මූලස්ථානයේදී මෙලෙස කැමැත්ත පළ කිරීමේ ලිපි ලංකා විදුලිබල මණ්ඩලයේ සභාපති මහාචාර්ය උදයංග හේමපාල මහතාට ලබා දුනි.
2025 අංක 14 දරන ශ්රී ලංකා විදුලිබල (සංශෝධිත) පනත අනුව පිහිටුවන ලද පූර්ණ රාජ්ය හිමිකාරීත්වය සහිත ජාතික පද්ධති පාලන (පුද්) සමාගම, ජාතික සම්ප්රේෂණ ජාල සේවා සැපයුම් (පුද්) සමාගම, විදුලිබල බෙදාහැරීමේ ලංකා (පුද්) සමාගම සහ විදුලි ජනන ලංකා (පුද්) සමාගම යන සමාගම් 04කට ඒ අනුව ඉහත සේවක පිරිස් සම්බන්ධ කරනු ඇති බව වාර්තා වෙයි.
රටේ සංවර්ධන ඉලක්ක හා සමගාමීව විදුලිබල ක්ෂේත්රය සංවර්ධනය කිරීමට අවශ්ය ව්යුහාත්මක වෙනස්කම් කරමින් ක්රියාත්මක ප්රතිව්යුහගතකරණ වැඩපිළිවෙල ලංකා විදුලිබල මණ්ඩලයේ සේවකයින්ගේ ප්රසාදයට ලක්වෙමින් තිබෙන බව මේ අනුව පෙනෙන්නට ඇති බව බලශක්ති අමාත්යාංශය වැඩිදුරටත් සඳහන් කරයි.
හෙරොයින් සහ අයිස් මත්ද්රව්ය කිලෝග්රෑම් 200කට අධික තොගයක් තංගල්ල ප්රදේශයෙන් සොයාගෙන තිබේ.
දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත් මහතා පැවසුවේ ලොරි රථයක තිබී අදාළ මත්ද්රව්ය තොගය සොයාගත් බවය.
එම ලොරි රථයේ තිබී ඇති මත්ද්රව්ය ප්රමාණය නිශ්චිතව මෙතෙක් ගණනය කර නොමැති අතර එම ප්රමාණය කිලෝග්රෑම් 200 ද ඉක්මවා යා හැකි බව ජ්යෙෂ්ඨ නියෝජ්ය පොලිස්පතිවරයා සඳහන් කළේය.
අදාළ ලොරි රථයේ තිබී නවීන ගිනිඅවි 04ක් ද සොයා ගැනීමට හැකිව තිබේ.
