වත්තේගම නගර සභාවේ හිටපු සභාපති සහ ඔහුගේ සමීපතමයෙකු නීතිවිරෝධීව ආනයනය කළ ජීප් රථ 2ක් සමග පොලීසිය විසින් අත්අඩංගුවට ගෙන තිබේ.
පොලීසිය සඳහන් කළේ රවින්ද්ර කුමාර නම් 58 හැවිරිදි හිටපු සභාපතිවරයා සහ ලක්ෂිත මනෝජ් නමැති 38 හැවිරිදි ව්යාපාරිකයෙකු මෙලෙස අත්අඩංගුවට ගෙන ඇති බවය.
මේ වනවිට රඳවාගෙන ප්රශ්න කරමින් සිටින සංවිධානාත්මක අපරාධකරුවෙකු වන බැකෝ සමන් නමැත්තාගේ සමීපතමයෙකු ගිනිඅවියක් සමග ඇඹිලිපිටිය ප්රදේශයේදී අත්අඩංගුවට ගෙන ඇත.
පොලීසිය සඳහන් කළේ ඇඹිලිපිටිය ගඟේයාය ප්රදේශයේදී සැකකරු අත්අඩංගුවට ගත් බවය.
සැකකරු සන්තකයේ තිබී T81 වර්ගයේ ගිනිඅවියක්, උණ්ඩ 97ක්, මැගසින් 2ක් සහ හමුදා නිලඇඳුමක් සොයාගෙන තිබේ.
බස්නාහිර පළාත උතුර අපරාධ කොට්ඨාසයේ නිලධාරීන් විසින් සිදුකරන ලද විමර්ශනවලදී හෙළි කරගත් තොරතුරුවලට අනුව මෙම සැකකරු අත්අඩංගුවට ගෙන ඇත.
සූදු ක්රීඩා නියාමන අධිකාරී පනත මගින් සූදු ක්රීඩා නියාමනය සඳහා අධිකාරීයක් පිහිටුවීමට බලතල ලබාදෙන බව ආර්ථික සංවර්ධන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පවසයි.
එම පනත පිළිබඳ විශේෂ පැහැදිලි කිරීමක් සිදුකරමින් නියෝජ්ය අමාත්යවරයා මේ බව පැවසීය.
එහිදී ඒ මහතා වැඩිදුරටත් පවසා සිටියේ, සූදු ක්රීඩා හේතුවෙන් සමාජයට ඇති විය හැකි අහිතකර තත්ත්වයන් අධ්යයනය කර ඒ පිළිබඳ විධි විධානයන් නිකුත් කිරීමට පනත විසින් අධිකාරියට බලතල ලබා දෙන බවය.
තවදුරටත් අදහස් දැක් වූ ආචාර්ය අනිල් ජයන්ත මහතා,
“සියලු නීති එක තැනකට ගෙනල්ලා අධිකාරියක් පිහිටුවන්න සූදූ ක්රීඩා නියාමන අධිකාරී පනතින් ප්රධාන වශයෙන් බලතල ලබාදෙනවා.
ඉන් අදහස් වෙන්නෑ එම අධිකාරිය කැසිනෝ, සූදු කරන්න ලයිසන් දෙක එකක් බව. මේකේ තියෙන්නේ නියාමනය. ඒ නියාමනයට සියලු දේ අන්තර්ගත වෙනවා.
එම නියාමනයේ දී කුමන සූදු ක්රීඩා සඳහාද අවසර දෙන්නේ, අවසර දෙනවානම් ඊට යටත් සීමාවන්. ඒ වගේම ලබාදුන් ලයිසන් එකක් ඉවත් කරන්න, තහනම් කරන්න යනාදි සියලු කාරණා මේ යටතේ කරන්න පුළුවන්.
සූදු ක්රීඩා සිදුකිරීමේ ඉන් සමාජයට මෙන්ම සංස්කෘතියට බලපෑම් තියෙනවා.
එනිසා සූදූ ක්රීඩා නියාමන අධිකාරීයේ තවත් වගකීමක් සූදු ක්රීඩා මගින් යම් ආර්ථිකම කාර්ය්යක් සිදුවෙන ගමන්ම, සමාජයට සංස්කෘතියට අහිරකර බලපෑමක් තියෙනවා නම් ඒ පිළිබඳවද අධ්යනය කර ඊට අදාළ විධි විධාන නිකුත් කිරීම.
ඒ සඳහා ප්රතිපාදන මෙහි තිබෙනවා.
මෙම පනතින් සිදුකරන දේ සරළව ගත්තොත් එන් සිදුකළේ සූදු ක්රීඩා හා සියලු කටයුතු එක් නීතියක් එක් ස්වාධීන අධිකාරියක් යටතේ කටයුතු කිරීම විධිමත් කිරීම” යැයි පැවසීය.
බොරැල්ල පොලිස් වසමේ සහස්පුර සිරිසර උයන ක්රීඩාංගණයේදී වෙඩි තබා පුද්ගලයින් දෙදෙනෙකු ඝාතනය කිරීමේ සිද්ධියේ වෙඩික්කරු බවට සැකකරන පුද්ගලයෙකු අත්අඩංගුවට ගෙන තිබේ.
පොලීසිය සඳහන් කළේ, අයිස් මත්ද්රව්ය ග්රෑම් 10යි මිලිග්රෑම් 710ක් සහ යතුරුපැදියක් සමග එම සැකකරු අත්අඩංගුවට ගෙන දමන පොලිස් ස්ථානය වෙත ඉදිරිපත් කර ඇති බවය.
2025.08.07 වන දින බොරැල්ල පොලිස් වසමේ සහස්පුර සිරිසර උයන ක්රීඩාංගණයේදී වෙඩි තබා පුද්ගලයින් දෙදෙනෙකු ඝාතනය කර තවත් පුද්ගලයින් තිදෙනෙකුට තුවාල සිදුකිරීමේ අපරාධය සම්බන්ධයෙන් ජයවර්ධනපුර පොලිස් විශේෂ කාර්ය බළකා විශේෂ වැටලීම් ඒකකය මඟින් විමර්ශන ආරම්භ කර තිබුණි.
ඒ අනුව ඊයේ (12) දහවල් කාලයේ එම ඒකකයේ නිලධාරීන් කණ්ඩායමක් විසින් දමන පොලිස් වසමේදී මෙම අපරාධයේ වෙඩික්කරු බවට සැකකරන පුද්ගලයාව මෙලෙස අත්අඩංගුවට ගෙන තිබුණි.
සැකකරු වයස අවුරුදු 34ක් වන දමන, අම්පාර ප්රදේශයේ පදිංචිකරුවෙකි.
සැකකරු මීට පෙර ශ්රී ලංකා යුද හමුදාවේ රාජකාරි කර 2015 වර්ෂයේ යුද හමුදාවෙන් පලාගොස් ඇති බවට දැනට සිදුකරන ලද විමර්ශනයේදී අනාවරණය වී ඇත.
දමන පොලීසිය සිද්ධිය පිළිබඳ වැඩිදුර විමර්ශන සිදුකරයි.
මේ අතර 2025.08.24 වන දින බොරලැස්ගමුව පොලිස් වසමේ මාලනී බුලත්සිංහල මාවතේදී ත්රිරෝද රථයකින් පැමිණි නාඳුනන පුද්ගලයෙකු විසින් පුද්ගලයෙකුට වෙඩි තබා ඝාතනය කිරීමේ අපරාධයට අධාර අනුබල දුන් සැකකරුවෙකු අයිස් මත්ද්රව්ය ග්රෑම් 11ක් සමග අත්අඩංගුවට ගෙන ඇත.
ඒ, බස්නාහිර පළාත දකුණ දිසා අපරාධ කොට්ඨාසය මගින් සිදුකරන විමර්ශනවලට අනුවය.
ඊයේ (12) උදෑසන කාලයේ එම කොට්ඨාසයේ නිලධාරීන් කණ්ඩායමක් විසින් පිළියන්දල පොලිස් වසමේ පැලැන්වත්ත ප්රදේශයේදී සැකකරු අත්අඩංගුවට ගෙන ඇත.
සැකකරු වයස අවුරුදු 35ක් වන දෙහිවල ප්රදේශයේ පදිංචිකරුවෙකි.
මේ අතර 2025.09.06 වන දින මරදාන පොලිස් වසමේ කෝවිල්වත්ත ප්රදේශයේදී ත්රිරෝද රථයකින් පැමිණි නාඳුනන පුද්ගලයෙකු විසින් පුද්ගලයෙකුට වෙඩි තබා ඝාතනය කිරීමේ අපරාධය සම්බන්ධයෙන් කොළඹ මධ්යම කොට්ඨාස අපරාධ විමර්ශන කාර්යංශය මගින් විමර්ශන ආරම්භ කර තිබුණි.
මෙම අපරාධයට අත්අඩංගුවට ගත් සැකකරුවෙකුගෙන් අනාවරණය වූ තොරතුරු මත ඊයේ (12) උදෑසන කාලයේ එම කොට්ඨාසයේ නිලධාරීන් කණ්ඩායමක් විසින් කෙසෙල්වත්ත පොලිස් වසමේ ශාන්ත සෙබස්තියන් මාවතේදී මෙම අපරාධය සිදු කිරීමට ආධාර අනුබලදීම, අපරාධයට රැකවරණයදීම හා කුමන්ත්රණය කිරීමේ චෝදනාවට සැකකරුවෙකු අත්අඩංගුවට ගෙන ඇත.
සැකකරු වයස අවුරුදු 46 ක් වන කොළඹ 12 ප්රදේශයේ පදිංචිකරුවෙකි.
කොළඹ මධ්යම කොට්ඨාස අපරාධ විමර්ශන කාර්යංශය සිද්ධිය පිළිබඳ වැඩිදුර විමර්ශන සිදුකරයි.
හිටපු ජනපති චන්ද්රිකා බණ්ඩාරනායක කුමාරතුංග මහත්මිය ද සිය නිල නිවසින් නික්ම යෑමට සුදානම් බව වාර්තා වේ.
මේ අතර හිටපු ජනාධිපති මෛත්රීපාල සිරිසේන මහතා සිය නිල නිවසින් පිටව ගොස් තිබේ.
“ජනාධිපතිවරුන්ගේ හිමිකම් ඉවත් කිරීමේ” පනතේ විධිවිධානයන් අනුව හිටපු ජනාධිපතිවරුන් සඳහා ලබා දී ඇති නිල නිවාස ඔවුන්ට යළි රජයට භාරදීමට සිදුව ඇත.
මේ අතර හිටපු ජනාධිපති මහින්ද රාජපක්ෂ මහතා අද දහවල් නිල නිවසෙන් පිටව ගියේය.
ඒ ඊයේ (10) දිනයේ සම්මත වූ “ජනාධිපතිවරුන්ගේ හිමිකම් ඉවත් කිරීමේ” පනතට අනුව හිටපු ජනාධිපතිවරුන්ට එම වරප්රසාදය අහිමි වී යෑමත් සමඟය.
මේ අතර, ගෝඨාභය රාජපක්ෂ සහ රනිල් වික්රමසිංහ යන මහත්වරුන් රැඳී සිටින්නේ පෞද්ගලික නිවාසවලය.
එමෙන්ම හිටපු ජනපති ආර්යා හේමා ප්රේමදාස මහත්මියද පසුගිය වසරේ සිට නිල නිවසින් ඉවත්ව සිටී.
ජනාධිපතිවරුන්ගේ හිමිකම් ඉවත් කිරීමේ පනත් කෙටුම්පත ඊයේ (10) පාර්ලිමේන්තුවේදී සම්මත විය.
මෙම පනතට ඊයේ කථානායක අත්සන් තැබූ අතර ඒ අනුව එතැන් සිට හිටපු ජනාධිපතිවරයෙකුට හෝ හිටපු ජනාධිපතිවරයෙකුගේ වැන්දඹූවට සපයන ලද නිවසක් හෝ ගෙවන ලද යම් මාසික දීමනාවත්, මාසික ලේකම් දීමනාව සහ නිල ප්රවාහන සහ වෙනත් සියලු පහසුකම් මෙන්ම වැන්දඹුවට ගෙවන ලද මාසික විශ්රාම වැටුපද අහිමි වනු ඇති.
ඒ අනුව හිටපු ජනාධිපතිවරුන් සඳහා ලබා දී ඇති නිල නිවාස ඔවුන්ට යළි රජයට භාරදීමට සිදුවේ.
නාගරික සංවර්ධන අධිකාරියේ හිටපු අධ්යක්ෂ ජනරාල් සුමේධ රත්නායක සහ නාගරික සංවර්ධන අධිකාරියේ ඉඩම් පිළිබඳ හිටපු අධ්යක්ෂ අල්ලස් කොමිසම විසින් අත්අඩංගුවට ගෙන තිබේ.
සංවිධානාත්මක අපරාධ කල්ලි සාමාජික කෙහෙල්බද්දර පද්මේ සමග සමීප සබඳතා පැවැත්වීමේ චෝදනා මත උප පොලිස් පරීක්ෂකවරයෙකු අත්අඩංගුවට ගෙන තිබේ.
අපරාධ පරීක්ෂණ දෙපාර්තමේන්තුවේ නිලධාරීන් විසින් සැකකරු අත්අඩංගුවට ගෙන ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්. යු. වුට්ලර් මහතා පැවසුවේය.
අදාළ උප පොලිස් පොලිස් පරීක්ෂකවරයා ගම්පහ කොට්ඨාශ අපරාධ විමර්ශන අංශයට අනුයුක්තව සේවය කරන අයෙකු බව පොලිස් මාධ්ය ප්රකාශකවරයා සඳහන් කළේය.
ඉන්දුනීසියාවේ දී අත්අඩංගුවට ගනු ලැබු කෙහෙල්බද්දර පද්මේ ඇතුළු අපරාධ කල්ලි සාමාජිකයින් පස් දෙනෙකු පසුගියදා දිවයිනට රැගෙන ඒමෙන් අනතුරුව අපරාධ පරීක්ෂණ දෙපාර්තමේන්තුව විසින් මේ වන විට ඔවුන් රඳවාගෙන ප්රශ්න කිරීම් සිදුකරනු ලබයි.
එලෙස සිදුකළ ප්රශ්න කිරීම්වලදී හෙළි වු තොරතුරු මත මෙම සැකකාර උප පොලිස් පරීක්ෂකවරයා අත්අඩංගුවට ගෙන ඇති බව වාර්තා වේ.
මෙරට ඉඩම් කළමනාකරණය කිරීම සඳහා ජාතික වැඩපිළිවෙළක් සකස් කරන ලෙස නියෝගයක් නිකුත් කරන මෙන් ඉල්ලා ගොනුකර තිබෙන පෙත්සමක් සම්බන්ධයෙන් නොවැම්බර් මස 28 වනදා අධිකරණය හමුවේ කරුණු දක්වන ලෙස දන්වා අභියාචනාධිකරණය විසින් ඉඩම් අමාත්යවරයා, පරිසර අමාත්යවරයා ඇතුළු පාර්ශව කිහිපයකට නොතීසි නිකුත් කර තිබේ.
පරිසර යුක්ති කේන්ද්රය විසින් මෙම පෙත්සම ඉදිරිපත් කර තිබුණි.
මෙම පෙත්සම අද (11) ධම්මික ගනේපොල සහ ආදිත්ය පටබැඳිගේ යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබීය.
එහිදී පෙත්සම්කාර පාර්ශ්වය වෙනුවෙන් පෙනී සිටි නීතීඥ රවීන්ද්රනාන් දාබරේ මහතා අධිකරණය හමුවේ කරුණු දක්වමින් මෙරට තුළ ඉඩම් කළමනාකරණය පිළිබඳ ජාතික සැලැස්මක් ක්රියාත්මක නොවීම නිසා ගැටලු රාශියක් උද්ගත වී තිබෙන බව පෙන්වා දී ඇත.
මෙරට තුළ කෘෂිකාර්මික කටයුතු, වනාන්තර, වගුරු බිම්, ජනාවාස යනාදී අංශ සඳහා වෙන් කළයුතු ඉඩම් මෙන්ම ඒවායේ සීමාවන් නිසි පරිදි හඳුනාගෙන වෙන්කර නොමැතිවීම නිසා පාරිසරික මෙන්ම අනෙකුත් අර්බුද රාශියක් මතු වී තිබෙන බවත් නීතිඥවරයා පෙන්වා දී තිබේ.
ඒ නිසා මෙරට ඉඩම්වලින් නිසි ප්රයෝජන ලබාගැනීමට නොහැකි තත්ත්වයක්ද උද්ගත වී තිබෙන බව නීතිඥවරයා පෙන්වා දී ඇත.
දූපත් රාජ්යයක් වන ශ්රී ලංකාවට හිමිවී තිබෙන ඉඩම් වලින් උපරිම ප්රයෝජන ලබාගැනීම අත්යවශ්ය කටයුත්තක් බවත් විධිමත් ඉඩම් කළමනාකරණ සැලැස්මක් නොමැතිවීම හේතුවෙන් නිසි ඵලදායිතා ඉලක්කවලට ළඟාවීමට නොහැකි තත්ත්වයක් උද්ගතව තිබෙන බවත් නීතිඥවරයා පෙන්වා දී තිබේ.
ඉදිරිපත් වූ කරුණු සලකා බැලූ අභියාචනාධිකරණ විනිසුරුමඬුල්ල මෙම සම්බන්ධයෙන් එහි වගඋත්තරකරුවන් වශයෙන් නම්කර සිටින ඉඩම් අමාත්යවරයා, පරිසර අමාත්යවරයා, වන ජීවී අධ්යක්ෂ ජෙනරාල් ඇතුළු පාර්ශ්ව කීපයකට නොවැම්බර් මස 28 වනදා අධිකරණය හමුවේ කරුණු දක්වන ලෙස දන්වා නොතීසි නිකුත් කරන ලෙස නියෝග කළේය.
මහෙස්ත්රාත්වරු, විනිසුරුවරුන් ඇතුළු අධිකරණ සේවා නිලධාරින් 106 දෙනෙකුට ස්ථාන මාරුවීම් ලබා දී තිබේ.
සැප්තැම්බර් මස 15 වන දින සිට ක්රියාත්මක වන පරිදි අදාළ ස්ථාන මාරුවීම් ලබා දි ඇති බව අධිකරණ සේවා කොමිෂන් සභාව සඳහන් කළේය.
මහෙස්ත්රාත්වරුන්, අතිරේක මහෙස්ත්රාත්වරුන්, දිසා විනිසුරුවරුන්, අතිරේක දිසා විනිසුරුවරුන් සහ රෙජිස්ට්රාර්වරුන් සඳහා මෙම ස්ථාන මාරුවීම් ලබා දී ඇති බව සඳහන්ය.
මෙම ස්ථාන මාරුවීම් යටතේ මාළිගාකන්ද මහෙස්ත්රාත් ලෝචනා අබේවික්රම වීරසිංහ මහර මහෙස්ත්රාත් අධිකරණයටත්, මහර මහෙස්ත්රාත් එච්.ජි.ජේ.ආර්. පෙරේරා මාළිගාකන්ද මහෙස්ත්රාත් අධිකරණය වෙත මාරු කර ඇති බව වාර්තා වේ.
ගාල්ල මහෙස්ත්රාත් අයි.එන් එන් කුමාර ගමගේ මහතා කොටුව මහෙස්ත්රාත්වරයා ලෙසත් කුරුණෑගල මහෙස්ත්රාත් එන්.ඩී.ගුණරත්න මහතා, ගම්පහ අතිරේක දිසා විනිසුරුවරයා ලෙසත් මාරු කර යවා තිබේ.
කොළඹ අතිරේක මහෙස්ත්රාත් පි.එස්.පතිරණ මහත්මිය බලපිටිය මහෙස්ත්රාත්වරයා ලෙසත්, බලපිටිය මහෙස්ත්රාත් ආර්.ඩී.ජනක මහතා කොළඹ අතිරේක මහෙස්ත්රාත්වරයා ලෙස මාරු කර ඇති බව අධිකරණ සේවා කොමිෂන් සභාව සඳහන් කළේය.
ඊට අමතරව මෙම ස්ථාන මාරුවීම් යටතේ අධිකරණ පුහුණු ආයතනයේ පුහුණුව ලැබූ 17 දෙනෙකු මහෙස්ත්රාත්වරු, අතිරේක දිස්ත්රික් විනිසුරුවරුන් ලෙස පත්වීම් ලබා ඇති බව ද අධිකරණ සේවා කොමිෂන් සභාව වැඩිදුරටත් සඳහන් කළේය.
පාර්ලිමේන්තුව තුළ ඇති වූ උණුසුම් තත්ත්වය හේතුවෙන් කථානායකයවරයා විසින් පාර්ලිමේන්තු කටයුතු විනාඩි 10කට කල්තැබීය.
ආරක්ෂක නියෝජ්ය අමාත්ය විශ්රාමික මේජර් ජනරාල් අරුණ ජයසේකර මහතාට එරෙහිව විපක්ෂය විසින් ඉදිරිපත් කර ඇති විශ්වාසභංග යෝජනාව පිළිගත නොහැකි බවට ඊයේ (10) දිනයේ දී කථානායකවරයා විසින් පාර්ලිමේන්තුවට දැනුම්දෙනු ලැබීය.
එයට ප්රතිචාර දක්වමින් පාර්ලිමේන්තු මන්ත්රී ගයන්ත කරුණාතිලක මහතා ස්ථාවර නියෝග යටතේ පවසා සිටියේ, අදාළ විශ්වාසභංග යෝජනාව සම්බන්ධයෙන් තීරණය ඉදිරිපත් කිරීමට කථානායකවරයා වෙත ලබාදී ඇති නීතිපතිවරයාගේ සහ ලේකම් මණ්ඩලයේ වාර්තාව සභාගත කරන ලෙසය.
කෙසේවෙතත් අද දිනයේ දී ද මෙම විශ්වාසභංග යෝජනාවට කථානායකවරයා පිළිනොගැනීම සම්බන්ධයෙන් විපක්ෂයේ මන්ත්රීවරු සිය විරෝධය පළ කර සිටියේය.
එමෙන්ම සමගි ජන බලවේගයේ පාර්ලිමේන්තු මන්ත්රී මුජිබර් රහුමාන් මහතා සඳහන් කර සිටියේ, විශ්වාසභංග යෝජනාව ගෙනඒමට නොහැකි යැයි පැවසීම පදනම් විරහිත ප්රකාශයක් බවය.
එමෙන්ම සමගි ජන බලවේගයේ පාර්ලිමේන්තු මන්ත්රී මුජිබර් රහුමාන් මහතා සඳහන් කර සිටියේ, විශ්වාසභංග යෝජනාව ගෙනඒමට නොහැකි යැයි පැවසීම පදනම් විරහිත ප්රකාශයක් බවය.
“එතුමන්ලාට 159ක බහුතරයක් තියෙනවා. අපි විශ්වාසභාංගය ජයග්රහණය කරා කියලා එතුමාගේ තනතුර අහෝසි වෙන්නේ නෑ. එතුමාගේ තනතුර අහෝසි කරන්න පුළුවන් ජනාධිපතිට විතරයි. ඒ නිසා මෙතෙන දේශපාලන ප්රශ්නයක් තියෙනවා. මේ පාස්කු ප්රහාරය සම්බන්ධයෙන් එතුමා දරපු තනතුරේ කරුණු කාරණා හෙළිදරව් වෙන නිසා තමුන්නාන්සේ දේශපාලන තීන්දුවක් අරන් තියෙනවා. මේක නොදී ඉන්න. එහෙම කරන්න එපා. ඒක වැරදියි.”
