නැගෙනහිර විශ්වවිද්යාලයේ හිටපු උපකුලපති මහාචාර්ය සිවසුබ්රමනියම් රවීන්ද්රනාත් පැහැරගෙන ගොස් අතුරුදන් කිරීම සම්බන්ධයෙන් රඳවාගෙන සිටින සැකකරුවන් තිදෙනෙකු ගල්කිස්ස මහේස්ත්රාත් චතුරිකා ද සිල්වා ඉදිරියේ ප්රකාශ ලබා දෙමින් ඔවුන් සිද්ධියට සම්බන්ධ නැති බව ප්රකාශ කර තිබේ.
අපරාධ නඩු විධාන සංග්රහයේ 127 වැනි වගන්තිය යටතේ මහේස්ත්රාත්වරයා ඉදිරියේ ප්රකාශ ලබා දී ඇත.
අධිකරණයට ඉදිරිපත් කරන ලද සැකකරුවන් තිදෙනා මඩකලපුව සහ වාලච්චේන පදිංචිකරුවන් වේ.
නඩරාසා නගුලේන්ද්රන් නොහොත් ‘සිම්බු’, කදිර්ගාමර් තම්බි ජයකීසන් නොහොත් ‘ජෙයන්දන්’ සහ නිමල් දේවසුගන් නොහොත් ‘ජයකාන්තන්’ මෙම සැකකරුවන් තිදෙනායි.
සැකකරුවන් තම නීතිඥ අශෝක වීරසූරිය හරහා මහේස්ත්රාත්වරයාට දැනුම් දී තිබුණේ තමන් මෙම ප්රකාශ නිදහසේ සහ කිසිදු ආකාරයක බලපෑම් කිරීමකින් තොරව ලබා දෙන බවයි.
වීරසූරියගේ ඉල්ලීමක් සළකා බැලීමෙන් පසු ප්රකාශ සටහන් කර ගැනීමට මහේස්ත්රාත්වරයා තීරණය කළේය.
සැකකරුවන් අධිකරණයට ඉදිරිපත් කළ අවස්ථාවේදී, අපරාධ පරීක්ෂණ දෙපාර්තමේන්තුව දැනුම් දුන්නේ, මෙම නඩුව සම්බන්ධයෙන් අත්අඩංගුවට ගැනීමෙන් පසු දැනට රැඳවුම් නියෝග යටතේ රඳවාගෙන සිටින නැගෙනහිර පළාත් හිටපු ප්රධාන අමාත්ය සිවනේසතුරෙයි චන්ද්රකාන්තන් නොහොත් ‘පිල්ලෙයාන්’ ඊළඟ අධිකරණ දිනයේදී සැකකරුවකු ලෙස නම් කරන බවයි.
සැකකරුවන් ගල්කිස්ස මහේස්ත්රාත් පසන් අමරසේන වෙත ඉදිරිපත් කරමින්, පැහැර ගැනීම ඇසින් දුටු සාක්ෂිකරුවකු සිටින බවත්, ඔහු සිද්ධිය සම්බන්ධයෙන් කොළඹ කොටුව මහේස්ත්රාත් අධිකරණයට ප්රකාශයක් ලබා දී ඇති බවත් අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය.
ඇසින් දුටු සාක්ෂිකරුගේ ප්රකාශය අනුව පැහැර ගැනීමට මෙම සැකකරුවන් සම්බන්ධ බව අපරාධ පරීක්ෂණ දෙපාර්තමේන්තුව තවදුරටත් අධිකරණයට දැනුම් දුන්නේය.
සැකකරුවන් වෙනුවෙන් පෙනී සිටි ජ්යෙෂ්ඨ නීතිඥ අශෝක වීරසූරිය පැවසුවේ අපරාධ පරීක්ෂණ දෙපාර්තමේන්තුව සැකකරුවන්ගෙන් දෙමළ භාෂාවෙන් ප්රශ්න කළ නමුත් සිංහල භාෂාවෙන් ලියා ඇති ප්රකාශ සඳහා ඔවුන්ගේ අත්සන් ලබාගෙන ඇති බවයි.
සැකකරුවන් අත්සන් කළ ප්රකාශවල අන්තර්ගතය පිළිබඳ කිසිදු අදහසක් ඔවුන්ට නොතිබූ බවත්, ඔවුන් නඩුව පිළිබඳ දන්නා දේ සහ ඔවුන්ට සිදු වූ දේ විමර්ශකයන්ට පැවසූ බවත් ඔහු අවධාරණය කළේය.
කරුණු සළකා බැලීමෙන් පසු, මහේස්ත්රාත්වරයා වැඩිදුර නඩු විභාගය සැප්තැම්බර් 8 වැනිදාට කල් දැමූ අතර එදින නඩුවේ ප්රගතිය වාර්තා කරන ලෙස අපරාධ පරීක්ෂණ දෙපාර්තමේන්තුවට නියෝග කළේය.
