Breaking News
නව අධ්යාපන ප්රතිසංස්කරණ යටතේ 2026 වසර සඳහා පාසල් කාලසටහන සංශෝධනය කිරීම සහ අධ්යයන කාර්ය මණ්ඩලය උපයෝජනය කිරීම පිළිබඳ අධ්යාපන අමාත්යංශය විසින් උපදෙස් සංග්රහය නිකුත් කර තිබේ.
ඒ අනුව 2026 වසර තුළ දී පාසල් පැවැත්වෙන වේලාව දැනට ක්රියාත්මක වන පරිදි ම පෙ.ව. 7.30 සිට ප.ව 1.30 දක්වා පැවැත්වීමට තීරණය කර ඇති බව එහි වැඩිදුරටත් සඳහන් වේ.
මින් පෙර ලබා දුන් උපදෙස් පරිදි, නව අධ්යාපන ප්රතිසංස්කරණ ක්රියාවලිය 2026 වර්ෂයේ සිට 1 සහ 6 ශ්රේණි සඳහා ක්රියාත්මක කළ යුතු බව ද එහි සඳහන්.
ශ්රී ලංකා ඉතිහාසයේ ප්රථම වතාවට පොල් සහ පොල් ආශ්රිත නිෂ්පාදන අපනයනයෙන් උපයන ලද විදේශ විනිමය ආදායම අමෙරිකානු ඩොලර් බිලියනය ඉක්මවා ගොස් තිබේ.
අපනයන සංවර්ධන මණ්ඩලයේ දත්තවලට අනුව, 2025 ජනවාරි සිට ඔක්තෝබර් දක්වා කාලය තුළ මෙම ආදායම ඇමරිකානු ඩොලර් මිලියන 1,033.9ක් දක්වා ඉහළ ගොස් ඇති අතර, එය 2024 වසරේ අදාළ කාල සීමාවට සාපේක්ෂව 43.83% ක කැපී පෙනෙන වර්ධනයකි.
මෙම ජයග්රහණයේ සුවිශේෂීත්වය වන්නේ, හුදෙක් පොල් ගෙඩි පිටරට පැටවීම වෙනුවට අගය එකතු කළ නිෂ්පාදන (Value-added products) කෙරෙහි වැඩි අවධානයක් යොමු කිරීමය.
මේ යටතේ දියරමය පොල් කිරි, වර්ජින් පොල් තෙල්, පොල් ක්රීම්, විජලනය කළ පොල් (DC), ඇක්ටිවේටඩ් කාර්බන් (Activated Carbon) සහ කොකෝ පීට් (Coco Peat) වැනි නිෂ්පාදන සඳහා ඉහළ ගෝලීය ඉල්ලුමක් නිර්මාණය වී ඇත.
මේ වන විට මෙරට සමස්ත අපනයන ප්රමාණයෙන් 7.2% ක්ම නියෝජනය කරනු ලබන්නේ පොල් ආශ්රිත නිෂ්පාදනයන්ය.
මෙම සාර්ථකත්වය පොල් කර්මාන්තකරුවන්ගේ සමූහ අධිෂ්ඨානයත්, වැවිලි කර්මාන්ත අමාත්යාංශය, කර්මාන්ත අමාත්යාංශය, අපනයන සංවර්ධන මණ්ඩලය යන ආයතනවල සම නායකත්වයෙන් කළ උත්සාහයෙනුත්, විශේෂයෙන්ම දේශීය නාස්තිය අවම කර අපනයන වෙත පොල් යොමු කිරීමේ විද්යාත්මක අවශ්යතාව තේරුම් ගත් ශ්රී ලංකා ජනතාවගේ සහයෝගයත් වැදගත් විය.
අනාගත ඉලක්ක සහ තිරසාර වර්ධනය රජයේ ඉදිරි සැලසුම් අනුව 2030 වසර වන විට පොල් ක්ෂේත්රයෙන් ඇමරිකානු ඩොලර් බිලියන 2.5ක අපනයන ආදායමක් ලබා ගැනීමට ඉලක්ක කර ඇත.
මේ සඳහා දීර්ඝකාලීන පියවරක් ලෙස “උතුරු පොල් ත්රිකෝණය” ස්ථාපිත කර ඇති අතර, එහි අක්කර 16,000 ක් ද ඇතුළුව සමස්තයක් ලෙස අලුතින් පොල් අක්කර 36,000ක් වගා කිරීමේ කටයුතු සැලසුම් කර තිබේ.
කෙසේ වෙතත් එම පියවරවල ප්රතිඵල දැක ගත හැක්කේ මධ්යම හා දිගු කාලීනව වුවද කෙටි කාලීන වශයෙන් දේශීය පරිභෝජනය රටා වෙනස් කිරීම වෙනුවෙන්, ගෘහස්ථ මට්ටමේදී පොල් භාවිතය වඩා කාර්යක්ෂම කර ගැනීම (පොල් වතුර, පොල් කටු, පොල් ලෙලි), දෛනික පරිභෝජනය සඳහා විකල්ප නිෂ්පාදන භාවිතයට ගැනීම (පිටි හා කිරි), දේශීය නාස්තිය අඩු කිරීම සඳහා සරල තාක්ෂණ භාවිතය මෙන්ම පොල් අපනයනකරුවන්ට නැවත අපනයනය සඳහා පමණක් සීමා කරමින්, පොල් කිරි සහ පොල් ගෙඩි ආශ්රිත නිෂ්පාදන ආනයනය කිරීමට අවසර ලබා දීම වැනි තීරණ කිහිපයක් රජය විසින් ගන්නා ලදි.
මෙලෙස ආනයනය කළ ප්රමාණය ඉතා සීමිත වුවද, මෙම කාලෝචිත ප්රතිපත්ති තීරණය මඟින් දේශීය වෙළඳපොළේ හිඟයක් ඇති නොවීමටත්, එකවරම අපනයන කර්මාන්තයේ ගමන්මග ආරක්ෂා කිරීමටත් හැකි වී තිබේ.
මෙම සාර්ථකත්වය පොල් කර්මාන්තකරුවන්ගේ සමූහ අධිෂ්ඨානයත්, වැවිලි හා ප්රජා යටිතලපහසුකම් අමාත්යාංශය, කර්මාන්ත හා ව්යවසායකත්ව සංවර්ධන අමාත්යාංශය, සමනායකත්වයෙන් කළ උත්සාහයෙනුත්, විශේෂයෙන්ම දේශීය නාස්තිය අවම කර අපනයන වෙත පොල් යොමු කිරීමේ විද්යාත්මක අවශ්යතාව තේරුම් ගත් ශ්රී ලංකා ජනතාවගේ සහයෝගයත් වැදගත් විය.
කෙසේ වුවද මෙම ඉලක්කය පිළිබඳව 2025 ජනවාරි මස පැවති මාධ්ය හමුවක දී කර්මාන්ත හා ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ මහතා කියා සිටියේ 2025 වසර අවසානයේ ඩොලර් බිලියනය ඉක්මවූ අදායමක් බලාපොරොත්තු වන බවත් ඒ සඳහා හැකි අයුරින් පොල් පරිභෝජන රටාව සහ නාස්තිය අවම කරගන්නා ලෙසත්ය.
‘දිට්වා’ සුළි කුණාටුවෙන් පීඩාවට පත්ව රුපියල් විසි පන්දහසක දීමනාව ලැබීමට සුදුසුකම් ලැබූවන්ගෙන් සියයට 87කට වැඩි පවුල් ප්රමාණයකට දැනටමත් දීමනා ගෙවා අවසන් බව ආරක්ෂක අමාත්යංශය පවසයි.
එම අමාත්යංශය පවසන්නේ දෙසැම්බර් 31 වැනිදා වනවිට දීමනා ගෙවීම් කිහිපයක් නිම කිරීමට බලාපොරොත්තු වන බවය.
දිට්වා’ සුළි කුණාටුවෙන් පීඩාවටපත්වූවන් සඳහා වන්දි ලබාදීමේ ක්රමවේදය යටතේ රුපියල් 25,000ක (විසි පන්දහසක) දීමනාව ලබාගැනීමට සුදුසුකම් ලැබූ පවුල් 450,225ක ප්රමාණයෙන් 87.4%ක පිරිසකට එම මුදල ගෙවා අවසන් බව ආරක්ෂක අමාත්යංශය පවසයි.
එමෙන්ම රුපියල් 50,000ක දීමනාව සඳහා සුදුසුකම්ලබා ඇති පවුල් 153,593ක ප්රමාණයෙන් 8.63%ක් සඳහා අදාළ දීමනාව ගෙවා අවසන්ය.
එසේම පීඩාවටපත් පාසල් දරුවන් වෙනුවෙන් ලබාදෙන රුපියල් 15,000ක දීමනාව
ලබාගැනීමට සුදුසුකම් ලැබූ දරුවන් 216,142ක ප්රමාණයෙන් 14.9%ක ප්රමාණයක් සඳහා එම දීමනාව ලබාදීමට හැකිවී ඇතැයි එම අමාත්යංශය පවසයි.
කොහුවල, සරණංකර පාර, බෝධියවත්ත ප්රදේශයේදී වෙඩිතැබීමක් සිදුකර තිබේ.
යතුරුපැදියකින් පැමිණි පුද්ගලයින් දෙදෙනෙකු විසින් බෝධියවත්ත ප්රදේශයේදී නිවසකට මෙම වෙඩිතැබීම සිදුකර තිබුණි.
අදාළ වෙඩිතැබීමෙන් 16 හැවිරිදි ගැහැණු ළමයෙකු තුවාල ලබා රෝහල් ගත කර ඇති බව වාර්තා වෙයි.
වෙඩිතැබීම සඳහා පැමිණි වෙඩික්කරුවන්ගේ ඉලක්කය වී තිබුණේ වෙඩිතැබීම සිදුකළ නිවසට යාබද නිවස බව වාර්තා වෙයි.
සතොසට අයත් ලොරි රථයක් අවභාවිත කරමින් රජයට මූල්ය පාඩුවක් සිදුකළ බව කියන සිද්ධියට අදාළව හිටපු අමාත්ය ජොන්ස්ටන් ප්රනාන්දු මහතා ද අත්අඩංගුවට ගැනීමට විමර්ශන ආරම්භ කර තිබේ.
කෙසේවෙතත් හිටපු අමාත්යවරයා අත්අඩංගුවට ගැනීමට විමර්ශන සිදුකරන නමුත් ඔහු සිටින තැනක් සොයාගැනීමට පොලීසියට නොහැකිවී ඇති බවද වාර්තා වෙයි.
ඒ අනුව පොලිස් කණ්ඩායම් 5ක් ඔහු අත්අඩංගුවට ගැනීමට විමර්ශන ආරම්භ කර ඇති බවද වැඩිදුරටත් වාර්තා වෙයි.
මේ අතර හිටපු අමාත්ය ජොන්ස්ටන් ප්රනාන්දු මහතාගේ පුත් ජොහාන් ප්රනාන්දු මහතා පොලිස් මූල්ය අපරාධ විමර්ශන කොට්ඨාසය විසින් අද අත්අඩංගුවට ගත්තේය.
ශ්රී ලංකා පොදුජන පෙරමුණේ මෙහෙයුම් ප්රධානී හා හිටපු අමාත්ය ජොන්ස්ටන් ප්රනාන්දු මහතා සමූපකාර හා අභ්යන්තර වෙළඳ අමාත්යවරයා ලෙස කටයුතු කරන සමයේ සතොස යටතේ පැවති ලොරි රථයක් ඔහුට අයත් බව කියන එතනෝල් සමාගමේ කටයුතු සඳහා යොදවා ඇති බවට ලද පැමිණිල්ලක් අනුව පොලිස් මූල්ය අපරාධ විමර්ශන කොට්ඨාසය විමර්ශනයක් ආරම්භ කර තිබුණි.
ඒ එම සිදුවීම සම්බන්ධයෙන් රුපියල් ලක්ෂ දෙකහමාරක මුදලක් රජයට අහිමිකිරීමේ සිද්ධියක් සම්බන්ධයෙනි.
අදාළ විමර්ශනයට අදාළව නීතිපතිවරයා උපදෙස් ලබාදී ඇත්තේ එම සිදුවීම සම්බන්ධයෙන් ජොන්ස්ටන් ප්රනාන්දු මහතා හා ඔහුගේ පුත් ජොහාන් ප්රනාන්දු අත්අඩංගුවට ගන්නා ලෙසය.
ඒ අනුව ජොහාන් ප්රනාන්දු මහතාව කුරුණෑගලදී අද පොලිස් මූල්ය අපරාධ විමර්ශන කොට්ඨාසයේ නිලධාරීන් විසින් අත්අඩංගුවට ගනු ලැබීය.
ඒ මුදල් විශුද්ධීකරණය, පොදු දේපළ පනත, රජයේ දේපල අවභාවිතය හා සාපරාධි සාවද්ය පරිහරණය යන චෝදනා යටතේය.
එම චෝදනා යටතේම ජොන්ස්ටන් ප්රනාන්දු මහතා අත්අඩංගුවට ගැනීමට විමර්ශන සිදුකෙරෙන අතර ඔහු මේවන විට සිටින තැනක් සොයාගැනීමට නොහැකි බව උසස් පොලිස් නිලධාරියෙක් සඳහන් කළේය.
මේ අතර අත්අඩංගුවට ගත් සැකකරු හෙට (31) දිනයේදී අධිකරණයට ඉදිරිපත් කිරීමට නියමිත බවද වාර්තා වෙයි.
මහජන හදිසි අවස්ථා තත්ත්වය සැලකිල්ල ගෙන නිකුත්කර තිබූ හදිසි තත්ත්වය තවදුරටත් දීර්ඝ කරමින් ජනාධිපති ලේකම්වරයා විසින් අද (28) අතිවිශේෂ ගැසට් නිවේදනයක් නිකුත්කර තිබේ.
ශ්රී ලංකාවේ මහජන හදිසි අවස්ථා තත්ත්වයක් පැවතීම හේතු කොටගෙන මහජන ආරක්ෂාව සහ රටේ යථා පැවැත්ම සුරක්ෂිත කිරීම හා මහජන ජීවිතයට අත්යවශ්ය සැපයීම් හා සේවා පවත්වා ගෙන යෑම සඳහා මෙම මහජන හදිසි අවස්ථාවක් ප්රකාශයට පත්කර ඇත.
විදුලි බලය සැපයීම සම්බන්ධ සියලු සේවාවන්, ඉන්ධන ඛනිජ තෙල් නිෂ්පාදන, ගෑස් සැපයීම හෝ බෙදාහැරීම ආදී සේවා රැසක් අත්යාවශ්ය සේවා ලෙස ප්රකාශයට පත් කරමින් අති විශේෂ ගැසට් නිවේදනයක් නිකුත් කර තිබේ.
මෙම ගැසට් නිවේදනය ජනාධිපති අනුර කුමාර දිසානායක විසින් 1979 අංක 61 දරන අත්යාවශ්ය මහජන සේවා පනතේ ප්රතිපාදන අනුව නිකුත් කර ඇති ඇති බව සඳහන්ය.
මෙම නිවේදනය අද (28) දින අංක 2468/46 දරන අති විශේෂ ගැසට් පත්රය මඟින් ප්රකාශයට පත් කර තිබේ.
ගැසට් නිවේදනයට අනුව රෝහල්, සාත්තු නිවාස, බෙහෙත් ශාලා සහ වෙනත් සමාන ආයතනවල රෝගීන් නඩත්තු කිරීම, පිළිගැනීම, රැකවරණය, පෝෂණය කිරීම සහ ප්රතිකාර කිරීම සම්බන්ධ සියලු සේවා අත්යාවශ්ය සේවා ලෙස ප්රකාශයට පත් කර ඇත.
ගිලන් රථ සේවාවන්, මගීන් හෝ බඩු ප්රවාහනය සඳහා වූ පොදු ගමනාගමන සේවා, ජලය සැපයීම සහ ජලාපවහනය සම්බන්ධ සියලු සේවාවන් ද මේ යටතට අයත් වේ.
ආහාර හා අත්යවශ්ය ද්රව්ය සැපයීම, ආරක්ෂා කිරීම සහ බෙදාහැරීම සම්බන්ධ සියලු සේවාවන් සහ සියලුම දිස්ත්රික් ලේකම් කාර්යාල, ප්රාදේශීය ලේකම් කාර්යාල සහ අදාළ ක්ෂේත්ර මට්ටමේ නිලධාරීන් විසින් ඉටු කළ යුතු සියලුම සේවාවන් අදාළ ගැසට් නිවේදනය මඟින් ප්රකාශයට පත්කර තිබේ.
ශ්රී ලංකා මහ බැංකුව ඇතුළුව සියලුම රාජ්ය බැංකු හා රක්ෂණ සේවා කටයුතු, පළාත් පාලන ආයතන මඟින් කරගෙන යනු ලබන ජලය සැපයීම, විදුලි බලය, කසළ කාණු ක්රමය, ගිනිනිවීමේ හා ගිලන් රථ සේවය, කසල ශෝධනය සහ කුණු ඉවත්කිරීම ඇතුළු සියලුම සේවාවන් ඒ යටතට අයත් බව නිවේදනයේ සඳහන්ය.
කලාශූරී ලතා වල්පොල මහත්මියගේ දේහය පිළිබඳ අවසන් කටයුතු සිදුකරන ආකාරය ගැන රජයේ ප්රවෘත්ති දෙපාර්තමේන්තුව අද (28) නිවේදනයක් නිකුත් කළේය.
දේහය පිළිබඳ අවසන් කටයුතු පූර්ණ රාජ්ය අනුග්රහය සහිතව පැවැත්වීමට රජය තීරණය කර ඇත.
ඒ අනුව,
1. දේහය 2025 දෙසැම්බර් මස 31 වන දින පෙ.ව 10.00 සිට ප.ව 2.00 දක්වා කොළඹ නිදහස් චතුරශ්ර පරිශ්රයේ මහජන ගෞරවය සඳහා තැන්පත් කෙරේ.
2. එදින පස්වරු 2.00ට ආගමික වතාවත් සිදු කිරීමෙන් අනතුරුව දේහය බොරැල්ල පොදු සුසාන භූමියට රැගෙන ගොස් එහිදී අවසන් කටයුතු සිදු කෙරේ.
3. එසේම 2025.12.28 රාත්රී 11.00 දක්වා ද, 2025.12.29 සහ 2025.12.30 දෙදින පෙරවරු 9.00 සිට රාත්රී 10.00 දක්වා ද බොරැල්ල ‘ජයරත්න රෙස්පෙක්ට්’ ශාලාවේ මහජන ගෞරවය සඳහා තැන්පත් කෙරේ.
ලෝක වෙළෙඳපොළේ රත්රං මිලෙහි වැඩිවීමක් සිදුව ඇති අතර ඊට සාපේක්ෂව මෙරට රත්රං මිල ද ඉහළ ගොස් තිබේ.
අද (27) වනවිට ලෝක රන් මිල ඩොලර් 4,553 දක්වා ඉහළ ගොස් ඇත.
ඒ අනුව, මෙරට රත්රං මිල අද දිනයේ දෙවන වරටත් ඉහළ ගොස් තිබුණි.
කොළඹ හෙට්ටිවීදිය රන් වෙළෙඳපොළෙහි නිකුත්කළ නවතම දත්ත අනුව අද දිනය තුළ රත්රං මිලේ සමස්ථ වැඩිවීම රුපියල් 12,000ක් බව සඳහන්ය.
ඒ අනුව අද දිනයේ “කැරට් 22” රන් පවුමක් මිල රු. 340,400ක් ලෙස දැක්වුණි.
මේ අතර ඊයේ දිනයේ දී රු. 356,000ක් ලෙස පැවති “කැරට් 24” රන් පවුමක මිල අද වනවිට රු. 368,000ක් දක්වා ඉහළ ගොස් ඇති බව කොළඹ හෙට්ටිවීදිය රත්රං වෙළෙඳපොළ ආරංචි මාර්ග සඳහන් කරයි.
බූස්ස බන්ධනාගාරයේ සවිකර ඇති ජෑමර් පද්ධතිය නිසි අයුරින් ක්රියාත්මක නොවීම හේතුවෙන් එහි සිටින අපරාධකරුවන් රිසිසේ ජංගම දුරකථන බන්ධනාගාරය තුළදී භාවිත කරන බවට මේ වන විට තොරතුරු අනාවරණය වී තිබේ.
එමෙන්ම බන්ධනාගාරය තුළදී සිදුකරන පරීක්ෂා කිරීම් සඳහා බූස්ස බන්ධනාගාරයට යන පොලිස් විශේෂ කාර්ය බළකා නිලධාරීන්ට බන්ධනාගාර නිලධාරීන්ගෙන් නිසි සහායක් නොලැබෙන බවටද වාර්තා වේ.
මෙම මෙහෙයුම් සඳහා බන්ධනාගාර අධිකාරිවරයා සහ ප්රධාන ජේලර්වරයා පමණක් නිසි සහාය ලබා දෙන බවත් සෙසු නිලධාරීන්ගෙන් ප්රමාණවත් සහායක් නොලැබෙන බවත් පොලිස් විශේෂ කාර්ය බළකාය පවසයි.
තවද විශේෂ කාර්ය බළකා නිලදාරීන්ට බන්ධනාගාරයට ඇතුළුවීම ප්රමාද කරමින් ඇතැම් දූෂිත නිලධාරීන් අපරාධකරුවන්ට ඒ පිළිබඳවද දැනුම්දෙන බවට තොරතුරු ලැබී ඇති බවත් එම ලැබෙන අවස්ථාවෙන් අපරාධකරුවන් ජංගම දුරකථන විවිධ ස්ථානවල සඟවන බවට විමර්ශනයේදී හෙළිව තිබේ.
පවතින මෙම තත්ත්වයන් හමුවේ බූස්ස බන්ධනාගාරයේ සිර මැදිරි තුළ රඳවා තිබී ජංගම දුරකථන 15ක් පොලිස් විශේෂ කාර්ය බළකාය අද (27) දිනයේද සොයා ගෙන තිබේ.
එහිදී සංවිධානාත්මක අපරාධකරුවෙකු වූ ලොකු පැටීගේ සිර මැදිරියෙන් ජංගම දුරකථන දෙකක් හා මරණ දඬුවම නියමව සිටින දෙමටගොඩ චමින්ද රඳවා සිටින සිර මැදිරියෙන් ජංගම දුරකථන 05ක් ද සොයාගෙන තිබේ.
දරුණු ගණයේ අපරාධකරුවන් රඳවා සිටින බූස්ස බන්ධනාගාරයේ සිරමැදිරිවලින් පසුගිය දින කිහිපය තුළ පොලිස් විශේෂ කාර්ය බළකාය සිදුකරනු ලැබූ වැටලීම්වලදී ජංගම දුරකථන රැසක්ද හමුවිය.
බන්ධනාගාර හදිසි ප්රතිචාර හා උපක්රමික ඒකකයේ නිලධාරීන් සමග සිදුකළ එම මෙහෙයුමට රාජ්ය බුද්ධි සේවයේ නිලදාරියෙකු හා විශේෂ අංශයේ නිලධාරියෙකුද එක්වූ බවත් වාර්තා විය.
එම වැටලීම්වලදි ඇතැම් සිරකරුවන් තමන්ගේ සිරමැදිරිවල පොළොව යට සූක්ෂමව සඟවා තිබූ දුරකථන පොලිස් විශේෂ කාර්ය බළකාය සොයා ගැනීමට සමත් විය.
අද සිදුකරන ලද පොලිස් විශේෂ කාර්ය බළකා සෝදිසි මෙහෙයුමේදී බූස්ස බන්ධනාගාරයේ විශේෂ අපරාධකරුවන් රඳවා සිටින A අංශයේ පළමු සිර මැදිරියේ සිට 46වන සිරමැදිරිය දක්වා පරීක්ෂා කර තිබේ.
එහි අංක 1 සිට 15 දක්වා සිරමැදිරිවල වහලය හා සිවිලිම පරීක්ෂා කර ඇති අතර එහිදී ලොකු පැටීගේ සිර මැදිරියේ සිවිලිමේ සඟවා තිබූ ස්මාට් ජංගම දුරකථන 04ක් හා සාමාන්ය දුරකථනයක් සොයාගෙන තිබේ.
එමෙන්ම දුරකථන බැටරි 03ක්, පවර් බෑන්ක් එකක්, හෑන්ඩ් ෆ්රී5ක්, ඩේටා කේබල් 8ක්, චාජර් 6ක් හා සිග්නල් බූස්ටර් 2ක් හා කාන්දම් දෙකක් ද ඔහුගේ සිරමැදිරියේ සිවිලිම තුළ සඟවා තිබියදී පොලිස් විශේෂ කාර්ය බළකාය සොයාගෙන ඇත.
සෙසු දුරකථන A අංශයේ කොන්ක්රීට් ස්ලැබ් එක තුළ විශේෂ කොටසකින් සොයාගෙන ඇති අතර එය සූක්ෂ්ම ලෙස භාණ්ඩ සැඟවීමටම සකසන ලද කොටසක් බවද වාර්තා වේ.
ඒ අනුව අද දිනයේදී සිම් පත් 03ක්, ඩේටා කේබල් 21ක්, බ්ලුටුත් හෑන්ඩ්ෆ්රී 01ක්, චාජර් 16ක්, හැන්ෆ්රි 11ක්, පවර් බැන්ක් 01ක්, අමතර බැටරි 03ක්, කාන්දම් කැබලි 02ක් හා සිග්නල් බූස්ටර් දෙකක් ද ඇතුළුව ජංගම දුරකථන 15ක් සොයාගෙන තිබේ.
