මියගිය ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ දේහය පිළිබඳ අවසන් කටයුතු අද (10) සවස 5ට බොරැල්ල පොදු සුසාන භූමියේදී සිදුකෙරුණි.
ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ මළ සිරුර කොල්ලුපිටිය ප්රදේශයේ නිවසක තිබියදී පෙරේදා (08) උදෑසන හමුවිය.
ගෙල වැළලාගෙන මියයන්නට ඇතැයි සැක කෙරුණු මෙම මරණය සම්බන්ධයෙන් විමර්ශන මේ වන විට කොළඹ අපරාධ කොට්ඨාසයට භාරදී තිබේ.
මේ අතර චන්ද්රසේන මහතාගේ මෘත ශරීරය සම්බන්ධයෙන් වූ පශ්චාත් මරණ පරීක්ෂණය සිදුකිරීම සඳහා කොළඹ ප්රධාන විශේෂඥ අධිකරණ වෛද්ය නිලධාරී ශ්රියන්ත අමරරත්න මහතාගේ සභාපතිත්වයෙන් යුතු පංච පුද්ගල විශේෂඥ අධිකරණ වෛද්ය කමිටුවක් පත්කරනු ලැබීය.
ඒ කොටුව මහෙස්ත්රාත් පසන් අමරසේන මහතා ලබාදුන් නියෝගයට අනුවය.
ඒ අනුව පශ්චාත් මරණ පරීක්ෂණය කොළඹ අධිකරණ වෛද්ය හා විෂවේද ආයතනයේදී ඊයේ (09) පෙරවරුවේ සිදුකෙරුණි.
එහිදී ඔහුගේ සිරුරු කොටස් රසායනාගාර පරීක්ෂණ සඳහා ලබාගෙන ඇති බව පොලීසිය සඳහන් කළේය.
