හැටන් දික්ඔය ප්රදේශයට අද (21) පස්වරුවේ ඇද හැලුණු අධික වර්ෂාව හේතුවෙන් දික්ඔය ෆොඩයිස් වතුයායේ පහත්බිම්වල පිහිටි වතු නිවාස 50ක් සම්පුර්ණයෙන්ම ජලයෙන් යට වී ඇති බව සඳහන් වෙයි.
මේ හේතුවෙන් හැටන් ෆෝඩයිස් හරහා ඩයගම මාර්ගයේ ගමනාගමන කටයුතුද සම්පූර්ණයෙන්ම ඇනහිට ඇති බව හැටන් පොලීසිය පැවසීය.
පොලීසිය පවසා සිටියේ එම වතුයාය හරහා කාසල්රි ජලාශයට ජලය ගලා බසිනා දික්ඔය ඇල පිටාර ගැලීමෙන් මෙසේ වතු නිවාස සහ ප්රධාන මාර්ගය ජලයෙන් යට වී ඇති බවයි.
ශ්රී ලංකාවේ අත්යවශ්ය සහ ජීවිතාරක්ෂක ඖෂධ සැපයුම බරපතළ අනතුරකට ලක්ව ඇති බවත්, එය වළක්වා ගැනීමට වහාම ප්රායෝගික පියවර ගන්නා ලෙසත් ශ්රී ලංකා ඖෂධ කර්මාන්ත මණ්ඩලය (SLCPI) රජයෙන් සහ අදාළ බලධාරීන්ගෙන් ඉල්ලීමක් කරයි.
ගෝලීය සහ දේශීය ආර්ථික සාධක රැසක් හේතුවෙන් ඖෂධ සැපයුම් දාමය මත එල්ල වී ඇති පීඩනය තවදුරටත් දරාගත නොහැකි මට්ටමකට පැමිණ ඇති බව එම මණ්ඩලය අවධාරණය කරයි.
ඉන්ධන මිල 38% කින් සහ භාණ්ඩ ප්රවාහන ගාස්තු 40% කට වඩා ඉහළ ගොස් ඇති බැවින් ඖෂධ අමුද්රව්යවල ගෝලීය මිල ඇතැම් අවස්ථාවල 70% දක්වා ඉහළ ගොස් ඇති බව සඳහන් වේ.
රුපියල අවප්රමාණය වීම නිසා ආනයන පිරිවැය දැඩි ලෙස ඉහළ ගොස් ඇති බව ඔවුන් පෙන්වා දෙයි.
ආනයන බලපත්ර අලුත් කිරීමේ ප්රමාදය සහ මිල සමාලෝචන ක්රියාවලියේ පවතින ගැටලු හේතුවෙන් ඖෂධ නියමිත වේලාවට වෙළෙඳපොළට නිකුත් කිරීමට නොහැකි වී ඇති බව සඳහන් වේ.
මෙය හුදෙක් කර්මාන්තයට පමණක් සීමා වූ ගැටලුවක් නොව ජාතික ආරක්ෂාව පිළිබඳ ප්රශ්නයක් බව මණ්ඩලය පවසයි.
වහාම පියවර නොගතහොත්, රජයේ සහ පෞද්ගලික රෝහල්වල ඖෂධ හිඟය උග්ර වනු ඇති අතර රෝගීන්ට අත්යවශ්ය ප්රතිකාර ප්රමාද වීම හෝ අඩාල වීම සිදුවනු ඇති බව සඳහන් වේ.
ඖෂධ සැපයුම ස්ථාවර කිරීම සඳහා SLCPI පහත පියවර වහාම ගන්නා ලෙස යෝජනා කර තිබේ.
ආනයන බලපත්ර ක්රියාවලියේ පවතින ප්රමාදයන් වහා විසඳීම.
පිරිවැය ඉහළ යාමට සාපේක්ෂව විනිවිදභාවයකින් යුත් මිල සමාලෝචන ක්රමවේදයක් සකස් කිරීම.
සැපයුම් දාමයේ අඛණ්ඩතාව රැක ගැනීම සඳහා නියාමකයන් සහ ප්රතිපත්ති සම්පාදකයන් එක්ව කටයුතු කිරීම.
“අද පවතින මෙම පීඩනය හෙට ජාතික ඖෂධ හිඟයකට හැරෙන්නට පෙර, සියලුම අදාළ පාර්ශව මෙම ගැටලුව උපරිම හදිසිතාවයකින් සලකා බැලිය යුතුයි,” යනුවෙන් SLCPI සිය නිවේදනය මගින් අවසන් වශයෙන් අවධාරණය කර සිටී.
මෙරට මුහුදු සීමාවට ආසන්නයේදී සිංගප්පූරුව බලා ගමන් ගනිමින් තිබූ ඉරානය සමග සබඳතා පැවැත්වූ බවට සැක කෙරෙන ඉන්ධන නෞකාවක් අමෙරිකානු භාරයට ගෙන තිබේ.
ලංකාවට ගිනිකොන දෙසින් කිලෝමීටර් 700ක් දුරින් ගමන් කරමින් තිබියදී මෙම නෞකාව අමෙරිකානු නාවික හමුදා භාරයට ගෙන ඇති බව විදෙස් මාධ්ය වාර්තා හී සඳහන්ව ඇත.
එමෙන්ම මැරීන් ට්රැෆික් හී දත්ත වාර්තා අනුව ටොන් ලක්ෂ 3කට ආසන්න ධාරිතාවක් ඇති බොරතෙල් නෞකාවක් බවත් මෙම නෞකාවට එක්සත් ජනපද විදේශ වත්කම් පාලන කාර්යාලය විසින් සම්බාධක පනවා ඇති බවත් වාර්තා විය.
මෙම නෞකාව ඉන්දියානු නැව් සමාමගමකට සම්බන්ධ බවටද තොරතුරු අනාවරණය වී ඇති බව විදෙස් මාධ්ය වාර්තා වැඩිදුරටත් සඳහන් කළේයට.
මෙම නෞකාව අප්රේල් 10 වන දින ගල්ෆ් කලාපයෙන් පිටව ගොස් අප්රේල් 18 වන දින මෙරට ගාලු වරායට ආසන්නව කෙටි කාලයක් නතර කර තිබූ බවද විදෙස් මාධ්ය වාර්තාවල සඳහන් වේ.
ස්ථාන දෙකකදී දියේ ගිලීමෙන් පුද්ගලයින් දෙදෙනෙකු ජීවිතක්ෂයට පත්වූ බව පොලීසිය පවසයි.
පොලීසිය පැවසුවේ මෙම අනතුරු බෙන්තොට සහ කන්කසන්තුරය පොලිස් වසම් තුළින් ඊයේ (19) දිනයේදී වාර්තා වූ බවය.
ඒ අනුව ඊයේ උදෑසන බෙන්තොට පොලිස් වසමේ බෙන්තොට මුහුදු තීරයේ දිය නාමින් සිටි පුද්ගලයෙකු දියේ ගිලී ජීවිතක්ෂයට පත්ව ඇති බව බෙන්තොට පොලිස් ස්ථානයට ලද පණිවිඩයක් මත විමර්ශන ආරම්භ කර තිබුණි.
එහිදී අනාවරණය වී ඇත්තේ මරණකරු අවුරුදු 25ක් වූ චුන්නාගම්, යාපනය ප්රදේශයේ පදිංචිකරුවෙකු බවය.
මරණකරු මොරටුව විශ්වවිද්යාලයේ සිසුවෙකු වන අතර ඔහු තවත් සිසුන් පිරිසක් සමග දිය නාමින් සිටියදී මෙලෙස අනතුරට ලක්ව ඇති බවට දැනට සිදුකරන විමර්ශනයේදී අනාවරණය වී තිබේ.
මේ අතර කන්කසන්තුරය පොලිස් වසමේ කීරිමලෛ මුහුදු තීරයේ දිය නාමින් සිටි පුද්ගලයෙකුද ඊයේ දියේ ගිලී ජීවිතක්ෂයට පත්ව තිබේ.
ජීවිතක්ෂයට පත්ව ඇත්තේ අවුරුදු 42ක් වූ තෙලිප්පලේ ප්රදේශයේ පදිංචිකරුවෙකි.
මරණකරු තවත් පුද්ගලයෙකු සමග දිය නාමින් සිටියදී මෙම අනතුරට මුහුණ දී ඇති බවට දැනට සිදුකරනු ලැබූ විමර්ශනයේදී අනාවරණය වූ බව පොලීසිය සඳහන් කළේය.
මෙම අනතුරු සම්බන්ධව බෙන්තොට සහ කන්කසන්තුරය පොලීසිය වැඩිදුර විමර්ශන සිදුකරනු ලබයි.
බලංගොඩ, සීතගල හංදිය ප්රදේශයේ දී පොලුවලින් පහරදී පුද්ගලයෙකු ඝාතනය කර තිබේ.
රුපියල් 2000ක ඔට්ටුවක් හේතුවෙන් බූරු පොළක ඇති වූ බහින් බස්වීමක් දුරදිගයාමෙන් මෙම පහරදීම සිදු කර ඇති බව වාර්තා වේ.
එම ප්රහාරයෙන් බරපතළ තුවාල ලැබූ අදාළ පුද්ගලයා රත්නපුර මහ රෝහලට ඇතුළත් කිරීමෙන් පසු මෙලෙස මියගොස් ඇත.
මෙලෙස මියගොස් ඇත්තේ වයස අවුරුදු 52ක් වන සීතගල රාස්සගල බලංගොඩ ප්රදේශයේ පදිංචිකරුවෙකි.
පිය – පුතු දෙපළක් එක්ව මෙම පහරදීම සිදු කර ඇති බව දැනට සිදු කළ පරීක්ෂණවල දී අනාවරණය වී ඇත.
කෙසේවෙතත් පහරදීමට අදාළව සැකකරුවන් තිදෙනෙකු මේ වන විට අත්අඩංගුවට ගෙන ඇති අතර ඔවුන් අද (20) අධිකරණයට ඉදිරිපත් කිරීමට නියමිතය.
එමෙන්ම සිද්ධියට සම්බන්ධයෙන් තවත් එක් සැකකරුවකු අත්අඩංගුවට ගැනීම සඳාහා විමර්ශන ක්රියාත්මක බව පොලීසිය පැවසීය.
අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් මෝටර් රථ ප්රවාහන කොමසාරිස් ජනරාල් කමල් අමරසිංහ මහතා ඇප මත මුදා හැර තිබේ.
අද (20) පෙරවරුවේ පිලැස්ස මහේස්ත්රාත් අධිකරණට ඉදිරිපත් කිරීමෙන් අනතුරුව සැකකරු ඇප මත මුදාහැරිමට පිලැස්ස මහේස්ත්රාත් ඩබ්ලිව්. එම්. එම්. අයි. වාසල මහත්මිය නියෝග කළ බව අද දෙරණ වාර්තාකරු පැවසුවේය.
ඒ අනුව කමල් අමරසිංහ මහතා රුපියල් 25,000ක මුදල් ඇපයක් සහ රුපියල් ලක්ෂ 2 බැගින් වු ශරීර ඇප 02ක් මත මුදා හැරීමට අධිකරණය නියෝග කළේය.
ඊට අමතරව ඔහුගේ විදෙස් ගමන් තහනම් කිරීමට ද අධිකරණය නියෝග කර ඇත.
වාහනයක් ලියාපදිංචි කිරීමේදී සිදුව ඇති බව කියන අක්රමිකතාවයක් සම්බන්ධයෙන් මෝටර් රථ ප්රවාහන කොමසාරිස් ජනරාල් කමල් අමරසිංහ මහතා පසුගිය මාර්තු මස 27 වනදා අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබීය.
දූෂණ චෝදනා සම්බන්ධයෙන් සැකපිට අල්ලස් කොමිසම විසින් අත්අඩංගුවට ගත් හිටපු අමාත්ය පියසේන ගමගේ මහතා ඇප මත මුදාහරිණ ලෙස කොළඹ මහේස්ත්රාත් අධිකරණය අද (20) නියම කළේය.
අල්ලස් කොමිසමේ නිලධාරීන් හා සැකකරුගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහේස්ත්රාත් අසංග එස් බෝදරගම මහතා මෙම නියෝගය නිකුත් කළේය.
අත්අඩංගුවට ගත් සැකකාර හිටපු අමාත්යවරයා අධිකරණයට ඉදිරිපත් කරමින් කරුණු දැක්වූ අල්ලස් කොමිසමේ නිලධාරීන් 2015 වසරේ මෙම සැකකරු නිපුණතා සංවර්ධන හා වෘත්තීය පුහුණු අමාත්යවරයා වශයෙන් කටයුතු කරමින් සිටියදී නියමිත නීතිමය පටිපාටියෙන් බැහැරව ගාල්ල දිස්ත්රික්කයෙන් සුළු සේවකයින් එකසිය තිස් හතර දෙනෙකු කාර්මික අධ්යාපන හා පුහුණු කිරීමේ දෙපාර්තමේන්තුවට බඳවාගෙන ඇතැයි පැවසීය.
ගාල්ල දිස්ත්රික්කයේ සිය දේශපාලන හිතවාදී පුද්ගලයින් මෙලෙස බඳවාගෙන ඇති බවත් විමර්ශනවලදී අනාවරණය වී තිබේ.
ඊට අමතරව විනය හේතු මත ස්ථාන මාරුවීම් ලබා සිටි යාපනයේ තාක්ෂණ විද්යාලයේ අධ්යක්ෂ එන්. යෝගරාජා මහතාගේ ස්ථාන මාරුව අවලංගු කිරීම සම්බන්ධයෙන් සැකකාර හිටපු අමාත්යවරයා බලපෑම් සිදුකර ඇති බවත් විමර්ශනවලදී අනාවරණය වී ඇත.
මෙම ක්රියා තුළින් සැකකාර හිටපු අමාත්යවරයා සිය බලය අයුතු ලෙස පරිහරණය කරමින් “දූෂණය” නැමැති වරද සිදුකර ඇති බවත් අල්ලස් කොමිසමේ නිලධාරීන් සඳහන් කළේය.
අල්ලස් කොමිස්මේ නිලධාරීන් වැඩිදුරටත් අධිකරණය හමුවේ සඳහන් කර සිටියේ මෙම සැකකරු සම්බන්ධයෙන් සුදුසු නියෝගයක් ලබා දෙන ලෙසය.
ඉදිරිපත් වූ කරුණු සලකා බැලූ කොළඹ ප්රධාන මහේස්ත්රාත්වරයා සැකකාර හිටපු අමාත්යවරයා රුපියල් ලක්ෂ 20 බැගින් වූ ශරීර ඇප දෙකක් මත මුදා හැරීමට නියෝග කළේය.
ඊට අමතරව සැකකරුගේ විදේශ ගමන් තහනම් කළ මහේස්ත්රාත්වරයා සාක්ෂිකරුවන්ට බලපෑම් කිරීමෙන් වළකින ලෙසත් අවවාද කළේය.
ඉන් අනතුරුව පැමිණිල්ල අගෝස්තු මස 21 වනදා යළි කැඳවීමට නියම කෙරුණු අතර එදින පරීක්ෂණවල ප්රගතිය අධිකරණයට ඉදිරිපත් කරන ලෙසත් මහේස්ත්රාත්වරයා විසින් අල්ලස් කොමිසමට නියෝග කළේය.
එකම පවුලේ පිරිසක් ගමන් ගත් ත්රීරෝද රථයක් මාර්ගයෙන් ඉවතට පැන අඩි 50ක පමණ ප්රපාතයකට පෙරළීමෙන් එම ත්රීරෝද රථයේ ගමන් ගත් තිදෙනෙකු තුවාල ලබා වටවල ප්රාදේශීය රෝහල වෙත ඇතුළත් කර තිබේ.
කොළඹ ප්රධාන මාර්ගයේ වටවල කැරොලයිනා ප්රදේශයේදී අද (20) උදෑසන 9:30ට පමණ මෙම අනතුර සිදු ව ඇත.
මෙම ත්රීරෝද රථය තුළ මව, පියා සහ දියණියන් දෙදෙනා ගමන් කර ඇති අතර එය ධාවනය කර ඇත්තේ වැඩිමල් දියණිය බව මූලික විමර්ශනවල දී අනාවරණය වී තිබේ.
කෙසේවෙතත් පොලීසිය පැවසුවේ ඇයට ත්රීරෝද රථය ධාවනය කිරිම සඳහා නීත්යානුකූල රියදුරු බලපත්රයක්ද ඇති බවය.
මීගමුවේ සිට හැටන් ප්රදේශයේ ඥාති නිවසකට පැමිණෙමින් සිටියදී මෙම අනතුර සිදු වී ඇති අතර ප්රතිවිරුද්ධ දිශාවෙන් ඉදිරියට ධාවනය වූ වාහනයකට වංගුවක් සහිත ස්ථානයකදී ඉඩ ලබා දීමට යෑමෙදි ත්රීරෝද රථය පාලනයෙන් ගිලිහී මෙසේ ප්රපාතයට පෙරළී ඇත.
මෙම අනතුරින් දියණියන් දෙදෙනා සහ මව තුවාල ලබා ඇති අතර ත්රීරෝද රථයට ද දැඩි අලාභ හානි සිදු ව තිබේ.
ඊයේ (18) පස්වරුවේ එප්පාවල නබඩවැව පාළම අසල දිය නෑමට පැමිණි පුද්ගලයකුට වැව තුළ තිබී මෙම අත්බෝම්බය හමු වී ඇති අතර, ඒ පිළිබඳ එප්පාවල පොලීසිය දැනුම්වත් කර ඇත. ඒ අනුව අදාළ බෝම්බය ඇති ස්ථානයට එප්පාවල පොලිස් ස්ථාන නිළධාරීන් ආරක්ෂාවට යොදවා තිබූ අතර, මේ පිලිබඳව තඹුත්තේගම මහේස්ත්රාත් අධිකරණයට කරුණු ඉදිරිපත් කිරීමෙන් පසු, එම අත් බෝම්බය මහජනතාවට පීඩාවක් හෝ හානියක් නොවන ලෙස විනාශ කරන ලෙස විශේෂ කාර්ය බලකාය කැඳවා විනාශ කර දමන ලෙස නියෝග කර තිබිණි.
ඒ අනුව එම අත්බෝම්බය අනුරාධපුර විශේෂ කාර්ය බලකායේ බෝම්බ නිෂ්ක්රීය අංශ නිළධාරීන් පැමිණ සුරක්ෂිතව එප්පාවල කොන්වැව ඉහළ පිහිටි රක්ෂිතයට රැගෙන ගොස් අද (19) පස්වරුවේ පුපුරුවා විනාශ කරනු ලැබීය.
මෙම අත්බෝම්බය විදේශීය රටක නිෂ්පාදිත අත්බෝම්බයක් බව විශේෂ කාර්ය බලකායේ නිළධාරීන් පැවසූහ.
මෙවර අලුත් අවුරුදු සමයේ ගෙවුණු දින 7 ක කාලය තුළ දියේ ගිලීම්වලින් මේ දක්වා පුද්ගලයින් 26දෙනෙකු මියගොස් ඇතැයි පොලීසිය පවසයි.
දියේ ගිලීම්වලින් ඊයෙත් (18) උපකාරක පන්ති ගුරුවරයෙක් හා උසස් පෙළ සිසුවෙක් මිය ගිය අතර අවුරුදු උත්සව අවස්ථාවකට සහභාගි වූ හය හැවිරිදි දැරියක්ද නාන තටාකයක වැටී මියගොස් තිබේ.
උපකාරක පන්ති ගුරුවරයෙකු සහ උසස් පෙළ සිසුවෙකු තඹුත්තේගම නල්ලච්චිය වැවේ දියනෑමට ගොස් තිබුණේ ඊයේ පස්වරු 3.30ට පමණි.
වාරි ඇලේ දියනාමින් සිටි ඔවුන් දෙදෙනා එක්වරම ජලපහරට හසුව මීටර් 300ක පමණ දුරක් ගසාගෙන ගොස් ඇත.
ඒ වනවිට ඊට යාබදව දිය නාමින් සිටි තවත් පිරිසක් දිය පහර ඔස්සේ ගසාගෙන පැමිණි තරුණයින් දෙදෙනා වහා දියෙන් ගොඩට ගැනීමට පියවර ගෙන තිබුණි.
කඩිනමින් ඔවුන් තඹුත්තේගම මූලික රෝහලට ඇතුළත් කිරීමට පියවර ගෙන තිබුණත් රෝහල්ගත කරන විටත් තරුණයින් දෙදෙනා මියගොස් තිබුණි.
සිද්ධියෙන් මියගිය එක් තරුණයෙක් තඹුත්තේගම ඉකිරිවැව ප්රදේශයේ පදිංචි 29 හැවිරිදි ධනුෂ්ක උදයංග නම් උපකාරක පන්ති ගුරුවරයෙකි.
සිද්ධියෙන් මියගිය අනෙක් තරුණයා අනුරාධපුර ප්රසිද්ධ පාසලක උසස් පෙළ සිසුවෙකි.
මේ අතර හය හැවිරිදි දැරියක් පිහිනුම් තටාකයකට වැටී මියයාමේ අනුවේදනීය පුවතක් පිළියන්දල දම්පේ ප්රදේශයෙන් වාර්තා විය.
දම්පේ ප්රදේශයේ හෝටලයකදී පිරිසක් අවුරුදු උත්සවයක් ඊයේ පවත්වා තිබුණේ පවුල් කිහිපයක ඥාති හිත මිතුරන්ගේ සහභාගීත්වයෙනි.
පස්වරුවේ එම පිරිස පිහිනුම් තටාකය භාවිත කරමින් සිටින අතරතුර පිහිනුම් තටාකයේ වැඩිහිටි පිරිස භාවිත කරන කොටසේ තිබී කළු පැහැ යමක් නිරීක්ෂණය වී තිබේ.
කුඩා දැරියක් ඒ තුළ ගිලී සිටින බව තහවුරු කරගත් එහි සිටි අයෙක් වහා දැරිය තටාකයෙන් පිටතට ගැනීමට කටයුතු කර තිබුණි.
කුඩා දැරිය කඩිනමින් පිළියන්දල දිසා රෝහලට රැගෙන ගියත් ඒ වන විටත් ඇය සිය දිවියට සමුදී තිබුණේ අවුරුද්දේ සතුට සැණින් සැමට අහිමිකරමිනි.
කස්බෑව හදිසි මරණ පරීක්ෂක අජිත් විජේසිංහ මහතා අදාළ හෝටලයට පැමිණ ඊයේ රාත්රියේම ස්ථානීය පරීක්ෂාව සිදුකළ බවය.
මෙම අවාසනාවන්ත සිදුවීමෙන් මිය ගියේ පැලැන්වත්ත, මිහිඳුපුර පදිංචිව සිටි ඉහන්සා පෙරේරා නම් හය හැවිරිදි දැරියකි.
ඇගේ මව විදෙස්ගතව සිටින අතර ඇය සිය පියාගේ සහෝදරියකගේ රැකවරණ යටතේ හැදී වැඩී ඇති බව පොලීසිය පවසයි.
මේ අතර අනුරාධපුර පොලිස් ජීවිතාරක්ෂක ඒකකයේ නිලධාරීන් තිසාවැවේ ගිලෙමින් සිටි තරුණයෙකුගේ දිවි බේරාගැනීමට ඊයේ සමත්ව තිබුණි.
තිසාවැවේ අනාරක්ෂිත ස්ථානයක දියනාමින් සිටියදී මෙලෙස දියේ ගිලීමට ලක්ව තිබුණේ 27 හැවිරිදි බණ්ඩාරවෙල ප්රදේශයේ පදිංචිකරුවෙකි.
මේ අතර අද දහවල් බෙන්තොට මුහුදු තීරයේ දියනාමින් සිටියදි මුහුදට ගසාගෙන ගිය තරුණයෙකුගේ සිරුරද ජීවිත ආරක්ෂක භටයන් විසින් සොයාගනු ලැබීය.
මෙලෙස මියගොස් තිබුණේ මොරටුව විශ්වවිද්යාලයේ තුන්වැනි වසරේ ඉගෙනුම ලබමින් සිටි සිසුවෙකි.
