Breaking News
ඉන්ධන නිකුත් කිරීම සම්බන්ධයෙන් නියමිත උපදෙස්වලට පරිබාහිරව කටයුතු කරන ඉන්ධනහල් හිමියන්ට එරෙහිව නීතිමය ක්රියාමාර්ග ගැනීමට පියවරගෙන ඇත.
රජයේ ප්රවෘත්ති දෙපාර්තමේන්තුව අද (18) පස්වරුවේ නිවේදනයක් නිකුත්කරමින් සඳහන් කළේ, අදාළ තොරතුරු ලබාදීම සඳහා ලංකා ඛනිජ තෙල් නීතිගත සංස්ථාව විසින් විශේෂ දුරකථන අංකයන් ස්ථාපිත කර ඇති බවය.
ඒ අනුව පහත අංක වෙත අදාළ තොරතුරු ලබාදෙන ලෙස මහජනතාවගෙන් කාරුණිකව ඉල්ලා සිටී.
දුරකථන අංක : 0112106767 / 0117296130
අල්ලස් ඉල්ලා ලබාගැනීමේ චෝදනා මත දෙහිඕවිට අඩවි වන කාර්යාලයේ නිලධාරීන් තිදෙනෙකු, නිලධාරිනියක් සහ සිවිල් පුරවැසියෙකු අල්ලස් හෝ දූෂණ චෝදනා විමර්ශන නිලධාරීන් විසින් ඊයේ (17) අත්අඩංගුවට ගෙන ඇත.
මීගමුව ප්රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට මෙම සැකකරුවන් අත්අඩංගුවට ගෙන තිබේ.
එහි පළමු සැකකරු ලී මෝලක හිමිකරුවෙක්ය. ඔහු,
පැමිණිලිකරු විසින් ගෝනවල, කැලණිය ප්රදේශයේ ඉදිකරමින් පවතින නිවසෙහි උළුවහු, ජනෙල් සකස්කර ගැනීමට මිලදී ගත් දැව, ඉදිකරනු ලබන නිවසට ප්රවාහනය කිරීමට අවශ්ය රාජකාරි කටයුතු ඉටුකර දීම සඳහා එම දැව මිල දී ගත් ලී මෝලේ හිමිකරුවන පළමු සැකකරු විසින් දෙහිඕවිට අඩවි වන කාර්යාලයේ නිලධාරීන්ගේ දැනුම්දීම මත එම නිලධාරීන්ට ලබාදීම සඳහා තුටු පඬුරක් ලෙස රු.10,000ක මුදලක් අල්ලස් වශයෙන් ඉල්ලා ලබා ගැනීම.
දෙවන සැකකරු වන ක්ෂේත්ර සහකාර (කාර්යාලය) නිලධාරියෙක්ය. ඔහු,
පැමිණිලිකරු විසින් උළුවහු, ජනෙල් සකස්කිරීම සඳහා ලී මෝලෙන් ගෙන මිල දී ගෙන ඇති කොස් දැව ප්රවාහනය කිරීමට අවශ්ය බලපත්ර සකස් කර දීමේ රාජකාරී කටයුතු සඳහා සහය වීම් වෙනුවෙන් තුටු පඬුරක් ලෙස රු.1,000ක මුදලක් අල්ලස් වශයෙන් ඉල්ලා ලබාගැනීම.
තෙවන සැකකරු වන ක්ෂේත්ර සහකාර (කරවනැල්ල) නිලධාරියෙක්ය. ඔහු,
ලී මෝලෙන් ගෙන මිල දී ගෙන ඇති කොස් දැව ප්රවාහනය කිරීමට අවශ්ය බලපත්ර සකස් කරදීමේ රාජකාරි කටයුතු සඳහා රු.10,000ක මුදලක් අල්ලස් වශයෙන් පැමිණිලිකරුගෙන් මුලින් ඉල්ලා පසුව, 2026.03.17 වන දින ලී මෝල වෙත පිටව ගොස් එම දැව කඳන් පරීක්ෂා කර ප්රවාහන බලපත්ර ලබාදීමට අවශ්ය රාජකාරී කටයුතු ඉටු කර දීම වෙනුවෙන් පළමු සැකකරුගෙන් තුටු පඬුරක් ලෙස රු. 3,000ක මුදලක් අල්ලස් වශයෙන් භාර ගැනීම
හතරවන සැකකරු බිට්ටු වන (දැරණියගල) නිලධාරීයෙක්ය. ඔහු,
බලපත්රයට නිර්දේශය ලබාදීම වෙනුවෙන් පළමු සැකකරුගේ තුටු පඬුරක් ලෙස රු.3,000ක මුදලක් අල්ලස් වශයෙන් භාරගැනීම.
පස්වන සැකකාරිය වන ක්ෂේත්ර සහකාර (කාර්යාලය) නිලධාරිනියක්ය. ඇය,
බලපත්ර සකස් කරදීමේ රාජකාරී කටයුතු සඳහා සහාය වීම වෙනුවෙන් තුඩු පඬුරක් ලෙස රු.1,000ක මුදලක් පළමු සැකකරුගෙන් අල්ලස් වශයෙන් භාර ගැනීම.
ඒ අනුව අදාළ සැකකරුවන් පිළිවෙළින් ඊයේ (17) පිළිවෙළින් ප.ව. 3.20, ප.ව. 3.42, ප.ව. 4.05, ප.ව. 4.32 සහ ප.ව 5.02ට පමණ පළමු සැකකරු, ඔහුගේ නමින් ඇති ලී මෝල තුල දී සහ අනෙක් සැකකරුවන් දෙහිඕවිට අඩවි වන කාර්යාලය තුළදී ද අත්අඩංගුවට ගන්නා ලදී.
අත්අඩංගුවට ගත් සැකකරුවන් අවිස්සාවේල්ල මහේස්ත්රාත් අධිකරණය වෙත ඉදිරිපත් කිරීමට නියමිතව ඇත.
ඉන්ධන ලබාගැනීමට පෝලිමට පිටින් පැමිණෙන කිසිවෙකුටත් අවස්ථාවක් නොමැති බව, රථවාහන පාලන හා මාර්ග ආරක්ෂාව දිසාවභාර නියෝජ්ය පොලිස්පති ඩබ්.පී.ජේ. සේනාධීර මහතා පවසයි.
මාධ්ය වෙත අදහස් දක්වමින් ඒ මහතා පවසා සිටියේ, සමහර රියදුරන් පෝලිමට පිටින් ඉන්ධන ලබාගැනීමට යෑමේදී කලබලකාරී තත්ත්වයක් ඇති වීමට ඉඩ ඇති බවය.
එමනිසා පෝලිමෙන් පිට එන කිසිවෙකුටත් ඉන්ධන ලබානොදෙන ලෙස ඉන්ධන පිරවුම්හල් හිමියන් සහ පොලීසිය දැනුවත් කර ඇතැයි ද නියෝජ්ය පොලිස්පති ඩබ්.පී.ජේ. සේනාධීර මහතා කියා සිටියේය.
සමහර යතුරුපැදිකරුවන් පදිකවේදිකාවේ සිටීම හේතුවෙන් පදිකයින් දැඩි අසීරුතාවයට පත්ව ඇති අතර, ජනතාවගේ ආරක්ෂාව වෙනුවෙන් පොලීසිය යොදවා ඇති බවය.
සියලුම රියදුරන් ඉවසීමෙන් කටයුතු කරන ලෙසත් නියෝජ්ය පොලිස්පති ඩබ්.පී.ජේ. සේනාධීර මෙහිදී වැඩිදුරටත් පැවසීය.
බේරුවල මුහුදු ප්රදේශීයේදී නාවික හමුදා භාරයට ගත් ධීවර යාත්රාවේ තිබි කිලෝග්රෑම් 250කට අධික කොකේන් ප්රමාණයක් සොයාගෙන තිබේ.
එහි වටිනාකම රුපියල් බිලියනයකට අධික බවට තොරතුරු වාර්තා වෙයි.
එම ධීවර යාත්රාවේ සිටි ධීවරයින් 06 දෙනෙකු ද නාවික හමුදා භාරයට ගන්නා ලදී.
නාවික හමුදා භාරයට ගත් අදාළ ධීවර යාත්රාව අද (16) පස්වරුවේ දික්ඕවිට ධීවර වරායට රැගෙන ආ බව නාවික හමුදාව සඳහන් කරයි.
පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට එළැඹෙන බදාදා (17) සිට සෑම සතියකම බදාදා දිනවල නිවාඩු ලබාදීමට රජය තීරණය කර තිබේ.
රජයේ ප්රවෘත්ති දෙපාර්තමේන්තුවේදී විශේෂ ප්රවෘත්ති සාකච්ඡාවක් පවත්වමින් අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා මේ බව ප්රකාශ කළේය.
එමෙන්ම වැඩ කරන අනෙකුත් සතියේ දින 4දී ද කොපමණ සේවකයින් ප්රමාණයක් සේවා ස්ථානයට ගෙන්වා ගැනීමට අවශ්ය ද යන්න සම්බන්ධයෙන් අවශ්ය තීරණය ගැනීමට රාජ්ය ආයතන ප්රධානීන්ට අවසර ලබා දී ඇති බවද ඒ මහතා පැවසීය.
පාසල් සහ විශ්වවිද්යාල එමෙන්ම අධිකරණ ක්ෂේත්රයට ද මෙම දිනය නිවාඩු දිනයක් ලෙස සැලකීමට තීරණය කර තිබේ.
කෙසේ නමුත් සෞඛ්ය, වාරාය, ජලය සහ රේගුව වැනි අත්යාවශ්ය සේවා සඳහා මෙම නිවාඩු දිනය අදාළ නොවේ.
මෙම තීරණය පෞද්ගලික අංශයටත් අදාළ කර ගැනීමට කටයුතු කර ලෙසට වාණිජ මණ්ඩලයෙන් සහ ලංකා සේවක සම්මේලනයෙන් ද ඉල්ලීම් කළ බව ඒ මහතා පැවසයි.
මේ අතර සියලු රාජ්ය උත්සව කටයුතු තාවකාලිකව නවතා දැමීමටද තීරණය කර තිබේ.
එමෙන්ම අවශ්ය පරිදි Zoom තාක්ෂණය ඔස්සේ විශ්වවිද්යාලවල දේශන කටයුතු කිරීමට අවසර ලබා දී ඇත.
ඉන්ධන හිඟයක් රට තුළ නොමැති නමුත් QR ක්රමවේදයේ යම් ගැටලු තත්ත්වයක් පවතින බැවින් එය ඉතාමත් ඉක්මනින් විසඳීමට කටයුතු කරන බව ඒ මහතා පවසයි.
තවද මේ වන විට රට තුළ මාසෙකට සරිලන ඉන්ධන ප්රමාණයක් පවතින බවත් තවත් ඉන්ධන නැව් 4ක් මෙරටට පැමිණෙන බව තහවුරු කර ඇති බවත් ඒ මහතා පවසයි.
එමෙන්ම රටේ පවතින තත්ත්වය අධ්යනය කර ඉදිරි කටයුතු කරගෙන යාම සඳහා අමාත්ය මණ්ඩලයේ දී තීරණය කළ පරිදි ප්රධාන වශයෙන් කමිටු 4ක් පත් කර ඇත.
එහිදී,
*රාජ්ය සේවාවන් පවත්වාගෙන යාම සඳහා අග්රාමාත්යවරියගේ ප්රධානත්වයෙන් කමිටුවක් පත් කර තිබේ.
*අමාත්ය විජිත හේරත් මහතාගේ ප්රධානත්වයෙන් බලශක්ති කමිටුව පත් කර ඇත.
*අත්යාවශ්ය භාණ්ඩ බෙදා හැරීම සහ අධික්ෂණය කිරීම සඳහා බිමල් රත්නායක අමාත්යවරයාගේ ප්රධානත්වයෙන් කමිටුවක් පත් කර ඇත.
*විවිධ සමාජ ස්ථරයන් සඳහා සුබසාදන සැලසීම් සඳහා කමිටුව අමාත්ය උපාලි පන්නිලගේ මහතාගේ ප්රධානත්වයෙන් පත් කර තිබේ.
ඒ සඳහා අමාත්යාංශ ලේකම්වරු සහ අත්යාවශ්ය නිලධාරීන් ද පත් කර ඇති බව ඒ මහතා ප්රකාශ කළේය.
පවතින් අර්බුදකාරි තත්ත්වයත් සමඟ සෑම සතියක බදාදා දිනය නිවාඩු ලබාදීමත් සමඟ පාසල්වල පැවැත්වීමට නියමිත ඉදිරි විභාග දිනයන්, දින කිහිපයක් පසුවිය හැකි බව අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා පවසයි.
රජයේ ප්රවෘත්ති දෙපාර්තමේන්තුවේදී අද (16) පැවති විශේෂ ප්රවෘත්ති සාකච්ඡාව අමතිමින් ඒ මහතා මේ බව පැවසීය.
එමෙන්ම අවශ්ය නම් විශ්වවිද්යාලවල දේශන Zoom තාක්ෂණය ඔස්සේ පැවැත්වීමට ද හැකියාවක් පවතින බව ඒ මහතා ප්රකාශ කළේය.
එහිදී වැඩිදුරටත් අදහස් දැක්වූ අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා,
ප්රශ්නය – කොවිඩ් කාලේ වගේ Zoom තාක්ෂණය ඔස්සේ ඉගැන්වීම් කටයුතු සිදුකරනවා ද?
“එහෙම සැලසුමක් පිළිබඳවත් සාකච්ඡා කළා නමුත් තාමත් රට පුරා ඒකාකාරව අන්තර්ජාල පහසුකම් නෑ. ඒ නිසා වැඩි අවධානයක් යොමු කළේ නෑ. නමුත් විශ්වවිද්යාලවලට ඒ සම්බන්ධයෙන් තීරණ ගැනීමට අවසර අධ්යාපන අමාත්යාංශයේ ලේකම්ට බලය පැවරුවා. බදාදා දිනය නිවාඩුවක් වුණත් ඒ වගේම අනිත් දින වලදී Zoom තාක්ෂණය ඔස්සේ ඒ අදාළ ලෙක්චර්ස් පැවැත්වීම සඳහා. ඒ සම්බන්ධයෙන් තීන්දු තීරණ ගැනීමට ඔවුන්ට හැකියාව තියෙනවා.”
ප්රශ්නය – ඉදිරියේ දී පැවැත්වෙන විභාග කල් යයිද ?
“අලුත් අවුරුදු නිවාඩුව පාසල්වලට එලැඹෙන අප්රේල් මාසසේ 10 වනදා සිට. ඒ දිනවල දී තමා මේ සතියට එක දවසක් නිවාඩු ලබා දෙන්නේ. මේ සියලුදෙයින් යම් විදියකට බලපෑමක් සිද්ධ වෙන්න පුළුවන්. ඒක අපිට වැළැක්වීමට හැකියාවක් නෑ. ඒක ලොකු දින ප්රමාණයකින් නෙමෙයි යම්කිසි ආකාරයකට දිනවකවානු ඒ තිබ්බ විදියට වඩා පසු වෙන් හැකියාව තිබෙනවා. “
ජාත්යන්තර අර්බුදකාරි තත්ත්වය සැලකිල්ලට ගෙන ඉන්ධන භාවිතය අවම කිරීම සඳහා රජය ගෙන ඇති ක්රියා මාර්ග වලට අනුගත වෙමින් සෞඛ්ය අමාත්යාංශයේ තෝරාගත් අංශ කිහිපයක නිලධාරීන්ට සෑම බදාදා දිනකම නිවසේ සිට රාජකාරි කිරීමට අවසර ලබා දී තිබේ.
සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා මේ බව සඳහන් කරමින් නිවේදනයක් නිකුත් කර ඇත.
එම නිවේදනයෙහි සඳහන් වන්නේ, මෙම සතියේ සිට නැවත දැනුම් දෙන තුරු සෑම බදාදා දිනකම,
කාසල් වීදියේ පිහිටි නව අමාත්යාංශ ගොඩනැගිල්ලේ සියලුම අංශ
නාරාහෙන්පිට මැලේරියා ගොඩනැගිල්ලේ සියලුම අංශ
ජාතික පිළිකා මර්ධන වැඩසටහන
සෞඛ්ය ප්රවර්ධන කාර්යාංශය,
යන ගොඩනැගිලි හා අංශවල නිලධාරීන් නිවසේ සිට වැඩ කළ යුතු බවය.
එමෙන්ම ප්රවාහන අංශයේ අත්යාවශ්ය රාජකාරි සුවසිරිපාය ගොඩනැගිල්ලේ සිට සිදු කරන ලෙසත්, පාරිසරික සෞඛ්ය, වෘත්තීය සෞඛ්ය හා ආහාර ආරක්ෂණ අංශයේ ආහාර පාලන ඒකකයේ බලපත්ර නිකුත් කිරීමට අදාල නිලධාරීන් නියෝජ්ය අධ්යක්ෂ ජනරාල් (පාරිසරික සෞඛ්ය, වෘත්තීය සෞඛ්ය හා ආහාර ආරක්ෂණ – වැ.බ.) උපදෙස් පරිදි සුවසිරිපාය පරිශ්රයේදී බදාදා දින රාජකාරි ඉටු කල යුතු බවත් දැනුම් දී තිබේ.
මීට අමතරව, ඉහත සෞඛ්ය ආයතන වල සිදුකළ යුතු අත්යවශ්ය කාර්යයන් සුදුසු ක්රමෝපායන් අනුගමනය කරමින් කටයුතු කළ යුතු බව දැනුම් දී ඇත.
තවද, සෞඛ්ය අමාත්යාංශය තුළ පවතින අනෙකුත් අංශ /ඒකක අවම අවශ්යතාවයට සරිලන පරිදි කාර්ය මණ්ඩලය බදාදා දින සීමා කිරීමට අවධානය යොමුකළ යුතු අතර සෞඛ්ය සේවාව අඛණ්ඩව හා ඵලදායී ලෙස පවත්වා ගනිමින් මෙම අවස්ථාව කළමනාකරණය කර ගැනීම සඳහා කටයුතු කරන ලෙස ද අදාල නිලධාරීන්ගෙන් ඉල්ලා තිබේ.
ඉන්ධන බෙදා හැරීම සම්බන්ධයෙන් QR කේතය ක්රියාත්මක කළ ද රට තුළ කිසිදු ඉන්ධන හිඟයක් මතු වී නැති බව ඛනිජ තෙල් සංස්ථාවේ කළමනාකාර අධ්යක්ෂ මයුර නෙත්තිකුමාරගේ මහතා පවසයි.
මාධ්ය වෙත අදහස් දක්වමින් ඔහු වැඩිදුරටත් පවසා සිටියේ, රට තුළ හදිසි තෙල් අවශ්යතාවයක් මතු වුවහොත් ඉන්ධන මිලදී ගැනීම සම්බන්ධයෙන් මේ වන විට ඉන්දියාව, චීනය ඇතුළු රටවල් කිහිපයක් සමග සාකච්ඡා පවත්වා ඇති බවත් එය ඉතා සාර්ථක බවත් ය.
අද (15) උදෑසන 6.00 සිට QR කේතයට අනුව ඉන්ධන බෙදා හැරීමේ කටයුතු මේ වන විට ආරම්භ කර ඇති අතර මුලින්ම අවස්ථාව ලබා දී ඇත්තේ මීට පෙර QR කේතය ලබා ගත් ඊට අදළ වාහනය සහ දුරකථන අංකය තමා ළඟ ඇති පිරිසට වන බවද අධ්යක්ෂවරයා වැඩිදුරටත් පැවසීය.
එමෙන්ම මෙහිදී ඔහු සඳහන් කර සිටියේ, මීට පෙරදී භාවිත කළ QR කේතය ඇත්නම් එය භාවිත කළ හැකි බවය.
මේ අතර QR කේතය නොමැති නම් https://fuelpass.gov.lk/ වෙබ් අඩෙවිය හරහා ඔබට හිමි QR කේතය බාගත කර ගත හැකි බව ද ඛනිජ තෙල් සංස්ථාවේ කළමනාකාර අධ්යක්ෂ මයුර නෙත්තිකුමාරගේ මහතා දැනුම් දී සිටියේය.
එමෙන්ම තමාගේ වාහනයේ අයිතිය වෙනස් වී ඇත්නම්, දුරකථන අංකය වෙනස් කර ඇත්තම් හෝ මීට පෙර QR කේතය ලබා නොගත් වාහනයක් නම් අදාළ වෙබ් අඩවියේ vehicle registration අංශය වෙත පිවිසීම හරහා QR කේතය ලබා ගත හැකි වන බවද ඒ මහතා සඳහන් කර සිටී.
අදාළ වෙබ් අඩවියේ vehicle registration අංශය තව පැයකින් පමණ යාවත්කාලීන වන බවද ඔහු වැඩිදුරටත් පැවසීය.
අධ්යක්ෂවරයා සඳහන් කර සිටියේ ඒ අනුව අද දිනයේ සිට QR කේතය නොමැතිව ඉන්ධන ලබා ගත නොහැකි බවය.
මෙහිදී වැඩිදුරටත් අදහස් දැක්වූ ඛනිජ තෙල් සංස්ථාවේ අධ්යක්ෂ මයුර නෙත්තිකුමාරගේ මහතා,
”පහුගිය දවස් තුන හතර ඇතුළත අපි දැක්කා බොහෝ දෙනා ඉන්ධන එකතු කරනවා ඒ වගේම මාධ්ය සාකච්ඡා තියලා තෙල් පෝලිම් ඇති කරනවා.. ඒකෙන් භයානක තත්ත්වයක් උද්ගත වෙන්න පුලුවන් වෙයි කියලා හිතුන නිසයි QR කේතය භාවිතයට යොමු වුණේ.. ඒ ඇරෙන්න තෙල්වල ප්රශ්නයක් නෑ.. මේකේ බලාපොරොත්තුව කිසිම කෙනෙක්ට තෙල් පෝලිම්වල නොඉද තෙල් ලබා දෙන එක..”
2026 වර්ෂය සඳහා රාජ්ය සේවා කොමිෂන් සභාව විසින් තීරණ ලබා දී ඇති සියලු ස්ථානමාරුවීම් අප්රේල් මස 02 වන දින සිට ක්රියාත්මක කළ යුතු බව රාජ්ය සේවා කොමිෂන් සභා කාර්යාලය පවසයි.
ස්ථානමාරුවීම් ක්රියාත්මක වීමේ දිනය සඳහන් කර නොමැති සියලු ස්ථානමාරුවීම් අදාළ දිනයේ සිට ක්රියාක්මක විය යුතු බව රාජ්ය සේවා කොමිෂන් සභා කාර්යාලය සඳහන් කර සිටී.
ස්ථානමාරුවීම්වලට අදාළව ඉදිරිපත් වී ඇති අභියාචනාවල තීරණ ද මේ වන විට සියලු නිලධාරීන්ට දැනුම් දී ඇති අතර එම තීරණ රාජ්ය සේවා කොමිෂන් සභා වෙඩි අඩවියේ සඳහන් කර ඇති බව වාර්තා වේ.
ඒ අනුව 2026 වාර්ෂික ස්ථානමාරු නියෝග ලබා සිටින සියලුම නිලධාරීන් නියමිත දිනයේ නව සේවා ස්ථානයේ රාජකාරි භාරගැනීම සිදුකළ යුතු බව ද රාජ්ය සේවා කොමිෂන් සභා කාර්යාලය වැඩිදුරටත් දැනුම් දී තිබේ.
එමෙන්ම රාජ්ය සේවා කොමිෂන් සභාව විසින් තීරණය ලබාදී ඇති ස්ථානමාරුවීම් සම්බන්ධයෙන් ඉදිරියේදී ඉදිරිපත් කරනු ලබන ඉල්ලීම් හෝ නිර්දේශ නැවත සලකා නොබලන බව ද සඳහන්ය.
මත්ද්රව්ය බහලුම් බවට සැකකෙරෙන උර තොගයක් ප්රවාහනය කරමින් තිබූ දේශීය බහුදින ධීවර යාත්රාවක් සමඟ සැකකරුවන් 05ක් නාවික හමුදා භාරයට ගෙන තිබේ.
දෙවුන්දර ප්රදේශයට දකුණු දෙසින් වූ ගැඹුරු මුහුදේදී, නාවික හමුදා දිගුදුර නාවික බලඇණිය විසින් මෙම මෙහෙයුම සිදු කර ඇති බව නාවික හමුදාව සඳහන් කරයි.
සැකකරුවන් සහ ධීවර යාත්රාව ඉදිරි විමර්ශන හා නීතිමය කටයුතු සඳහා ගොඩබිමට රැගෙන එමින් සිටින බව සඳහන්ය.
