දිට්වා සුළි කුණාටුවෙන් පීඩාවට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදලට ශ්රී ලාංකික ඔලිම්පික් ක්රීඩක ක්රීඩිකාවන් විසින් රුපියල් 582,786.18 ක මූල්යමය පරිත්යාගයක් සිදු කරන තිබේ.
ශ්රී ලාංකික ඔලිම්පික් ක්රීඩක ක්රීඩිකාවන් නියෝජනය කරමින් ශ්රියානි කුලවංශ මහත්මිය විසින් ඊට අදාළ චෙක්පත ජනාධිපති මහජන සම්බන්ධතා අධ්යක්ෂ ජනරාල් ධර්මසිරි ගමගේ මහතා වෙත පසුගියදා භාර දෙන ලදී.
නිම්මි ද සොයිසා, සුනිල් ගුණවර්ධන, නිලූකා, කයිල් අබේසිංහ යන මහත්ම මහත්මීහුද මෙම අවස්ථාවට එක්ව සිටියහ.
කොළඹ ප්රදේශයට ඔබ්බෙන්වූ බටහිර මුහුදේ යාත්රාකරමින් තිබූ ජපාන ස්වයං ආරක්ෂක සමුද්රීය බලකායට අයත් “JMSDF ONAMI” නෞකාවේ, වෛද්ය ප්රථිකාර අවශ්යව සිටි කාර්යය මණ්ඩල සාමාජිකයෙකු ගොඩබිමට රැගෙනවිත් තිබේ.
ඒ, කොළඹ සමුද්රීය සෙවීම් හා මුදාගැනීම් සම්බන්ධීකරණ මධ්යස්ථානයේ සම්බන්ධීකරණයෙන්, ශ්රී ලංකා නාවික හමුදාවේ සහයෙනි.
ඔහුව ප්රතිකාර සඳහා කොළඹ ජාතික රෝහල වෙත යොමු කිරීමට කටයුතු කළ බව නාවික හමුදාව සඳහන් කරයි.
ඒ අනුව, හදිසියේ ඇතිවු රෝගී තත්වයක් හේතුවෙන් නෞකාවේ කාර්යය මණ්ඩල සාමාජිකයෙකු වෙත හදිසි ප්රතිකාර ලබාදීම සඳහා ගොඩබිමට රැගෙන ඒමට නාවික හමුදාවේ සහය ලබාදෙන ලෙසට ඉල්ලීමක් ඉදිරිපත්ව තිබුණි.
ඊට ක්ෂණිකව ප්රතිචාර දැක්වූ ශ්රී ලංකා නාවික හමුදාව, එම රෝගියා ප්රථිකාර සඳහා ගොඩබිමට රැගෙන ඒම සඳහා, බටහිර නාවික විධානයට අනුයුක්ත නාවික හමුදා යාත්රාවක් වෛද්ය කාර්යය මණ්ඩලයක් සමඟ එම මුහුදු ප්රදේශය වෙත කඩිනමින් යොමු කෙරිණි.
ඒ අනුව, එම රෝගියා නාවික හමුදා යාත්රාව වෙත ලබාගැනීමෙන් පසු, මූලික ප්රථමාධාර ලබාදෙමින් කඩිනමින් කොළඹ වරාය වෙත රැගෙන ඒමෙන් අනතුරුව, වැඩිදුර ප්රතිකාර සඳහා මෙලෙස කොළඹ ජාතික රෝහල වෙත යොමු කිරීමට කටයුතු කළ බව නාවික හමුදාව සඳහන් කරයි.
මැදපෙරදිග යුද්ධය නවත්වන ලෙස අමෙරිකාවට බල කරමින් සහ ඉරානයට සහාය පළකරමින් අද (06) කොළඹදී විරෝධතා පැවැත්වුණි.
එම විරෝධතාවලට ශ්රී ලංකාවේ ඉරාන තානාපතිවරයා සහ මෙරට පාර්ලිමේන්තු මන්ත්රීවරුන් පිරිසක් ද එක්වී තිබුණි.
කොළඹ දවටගහ පල්ලිය අසල අද දහවල් මෙම විරෝධතාව පැවැත්වුණි.
මුස්ලිම් ප්රජාව සංවිධාන කර තිබූ මෙම විරෝධතාවට මෙරට ඉරාන තානාපති ආචාර්ය අලිරේසා ඩෙල්කෝෂ් මහතා, සමගි ජන බලවේගයේ පාර්ලිමේන්තු මන්ත්රී මුජිබර් රහුමාන් ඇතුළු පිරිසක් එක්වුණි.
මේ අතර මෙරට අමෙරිකානු තානාපති කාර්යාලය ඉදිරිපිට ද අද උදෑසන සාමකාමී විරෝධතාවක් පැවැත්වුණි.
එය සංවිධාන කරනු ලැබුවේ සිවිල් සංවිධාන එකතුවක් විසිනි.
මේ අතර අමෙරිකාව ඉරානයට සිදුකරන ප්රහාරවලට විරෝධය පළකරමින් හා මැදපෙරදිග යුද්ධය නවත්වන ලෙස ඉල්ලා ශ්රී ලංකා ඉරාන තානාපති කාර්යාලය ඉදිරිපිටදී ද උද්ඝෝෂණයක් පැවැත්වුණි.
ඒ එක්සත් සමාජවාදී පෙරමුණ, සමසමාජ පක්ෂය, ශ්රී ලංකාවේ කොමියුනිස්ට් පක්ෂය සහ ප්රජාතන්ත්රවාදී වාමාංශික පෙරමුණ විසිනි.
ඕස්ට්රේලියානුවන් සඳහා ශ්රී ලංකාව අධි අවදානම් සංචාරක ගමනාන්තයක් ලෙස වර්ගීකරණය කර ඇති බවට පළ වන වාර්තා කොළඹ ඕස්ට්රේලියානු මහකොමසාරිස් කාර්යාලය ප්රතික්ෂේප කරයි.
මහකොමසාරිස් කාර්යාලය සඳහන් කළේ, ශ්රී ලංකාව සඳහා ඕස්ට්රේලියාවේ නිල සංචාරක උපදෙස් මට්ටම වෙනස්වී නොමැති බවය.
නිවැරදි සහ යාවත්කාලීන සංචාරක උපදෙස් සඳහා නිල ස්මාර්ට්රේවෙලර් වෙබ් අඩවිය මත විශ්වාසය තබන ලෙස මෙහෙයුම ඕස්ට්රේලියානුවන්ගෙන් එම කාර්යාලය ඉල්ලා සිටියි.
සමාජ මාධ්යවල සංසරණය වන ඇතැම් පණිවුඩ ශ්රී ලංකාව සඳහා ඕස්ට්රේලියාවේ සංචාරක උපදේශනයට වැරදි ලෙස වෙනස්කම් යෝජනා කර ඇති බව මහ කොමසාරිස් කාර්යාලය පෙන්වා දෙයි.
නවතම සංචාරක මාර්ගෝපදේශ සඳහා සංචාරකයින් සැමවිටම ස්මාර්ට්රේවෙලර් වෙත යොමු විය යුතු බව මහ කොමසාරිස් කාර්යාලය වැඩිදුරටත් අවධාරණය කරයි.
මැදපෙරදිග යුදමය වාතාවරණය හේතුවෙන් සිය රටවල්වලට යාමට නොහැකිව මෙරට රැඳීසිටින මැදපෙරදිග රටවල සංචාරකයින්ට නොමිලේ ආහාර ලබාදීමක් කොළඹ කොල්ලුපිටියේ හෝටල් පාසලේදී අද (06) ආරම්භ වුණි.
මැදපෙරදිග යුදමය තත්ත්වය පහව යන තුරු මෙම ආහාර වේල උදෑසන 11 සිට පස්වරු 3 දක්වා අඛණ්ඩව ලබාදීමට සැලසුම් කර තිබේ.
වැඩසටහන සංවිධාන කරන්නේ ශ්රී ලංකා සංචාරක සංවර්ධන අධිකාරිය, සංචාරක ප්රවර්ධන කාර්යාංශය සහ ශ්රී ලංකා සංචාරක සහ හෝටල් පාසල එක්වය.
රුපියල් ලක්ෂ 50ක මුදලක් අල්ලස් ලෙස ලබාගැනීමේ චෝදනාවකට අදාළව ව්යාපාරිකයෙකු අල්ලස් කොමිසම මගින් අත්අඩංගුවට ගෙන තිබේ.
නීති විරෝධී දේපළ හෝ වත්කම් විමර්ශන කොට්ඨාසය මඟින් අත්අඩංගුවට ගෙන රක්ෂිත බන්ධනාගාර ගත කරන ලද සැකකරුවෙකු වෙත ඇප ලබාගැනීමට අවශ්ය සහය ලබාදීම සඳහාත් ඔහුගේ පවුලේ ඥාතීන් අත්අඩංගුවට ගැනීම වළක්වාලීමට අවශ්ය සහය ලබාදීම සඳහාත් සැකකාර ව්යාපාරිකයා විසින් අදාළ අල්ලස් මුදල් ලබාගෙන ඇති බව සඳහන්.
මෙලෙස අත්අඩංගුවට ගෙන ඇත්තේ කොළඹ 12 ප්රදේශයේ පදිංචි ව්යාපාරිකයෙකු බව අල්ලස් කොමිසම නිවේදනය කරයි.
සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමෙන් අනතුරුව ලබන 13 වන දින දක්වා රක්ෂිත බන්ධනාගාර ගත කර තිබේ.
පොලිස් නිලධාරීන් දෙදෙනකුට පහරදී නිලඇඳුම ඉරා දැමූ බව කියන ලොරි රථ රියදුරෙකු අත්අඩංගුවට ගත් බව කළුතර දකුණ මූලස්ථාන පොලිසිය පවසයි.
අනතුරුදායක ලෙස ලොරි රථය පැදවූ රියදුරා අත්අඩංගුවට ගැනීමට ගිය අවස්ථාවේදී මෙම ප්රහාරය එල්ලවී තිබේ.
මෙසේ අත්අඩංගුවට ගෙන ඇත්තේ පයාගල ප්රදේශයේ පදිංචි 31 හැවිරිදි පුද්ගලයෙකි.
සැකකරු පළාතොට පාර දෙස සිට කටුකුරුන්ද දෙසට ලොරි රථය ධාවනය කර ඇති අතර, නාගොඩ හන්දියේ මාර්ග බාධකයේදී නවතා පරීක්ෂා කිරීමේදී ඇතිවූ කතාබහකින් පසුව පහරදීම සිදුකර ඇති බව පොලිසිය සඳහන් කරයි.
පහර කෑමට ලක්වූ පොලිස් නිලධාරීන් දෙදෙනා නාගොඩ ශික්ෂණ රෝහලට ඇතුළත් කර ඇති අතර, සැකකරු විසින් එල්ල කරන ලද පිහිතල ප්රහාරයකින් එක් නිලධාරියකුගේ වම් අතෙහි කැපුම් තුවාලයක් සිදුවී ඇති බවද පොලිසිය පවසයි.
සිද්ධිය සම්බන්ධයෙන් අත්අඩංගුවට ගත් සැකකරු කළුතර මහේස්ත්රාත් අධිකරණයට ඉදිරිපත් කිරීමට නියමිතය.
කළුතර – සම්පත් කුලරත්න
දිට්වා සුළිකුණාටුව සඳහා පූර්ණ සූදානමක් නොමැතිවීම සම්බන්ධයෙන් පූර්ණ අධ්යනයක් සිදු කර වාර්තා කිරීමටත් ඒ සඳහා සිය යෝජනා සහ නිර්දේශ ඉදිරිපත් කිරීමටත් වන පාර්ලිමේන්තු විශේෂ කාරක සභාවේ සේවය කිරීමට තවත් මන්ත්රීවරුන් පිරිසක් පත් කර තිබේ.
ඒ අනුව ප්රසන්න ගුණසේන, ඇන්ටන් ජයකොඩි, අරුණ ජයසේකර, අනුරාධ ජයරත්න, හෙක්ටර් අප්පුහාමි, රෝහිණි කුමාරි විජේරත්න, එම්.කේ.එම් අස්ලම්, අනුෂ්කා තිලකරත්න, කන්දසාමි ප්රභූ, රුවන් මාපලගම සහ පද්මනාදන් සත්යලිංගම් පත් කරන බව කථානායකවරයා අද (05) පාර්ලිමේන්තුවට දැනුම්දුන්නේය.
මෙම විශේෂ කාරක සභාවේ සභාපතිවරයා ලෙස නලින්ද ජයතිස්ස මහතා කටයුතු කරයි.
මාකොළ ප්රදේශයේ ව්යාපාරිකයෙකු කාය වර්ධන මධ්යස්ථානයකදී වෙඩිතබා ඝාතනය කිරීමට කණ්ඩායමක් සූදානම් වන බවට තොරතුරක් බස්නාහිර උතුර අපරාධ කොට්ඨාසයේ ස්ථානාධිපති ප්රධාන පොලිස් පරීක්ෂක ලින්ටන් සිල්වා මහතාට ලැබී තිබේ.
ඒ අනුව මාකොළ අවට පොලිස් ආරක්ෂාව දැඩි කිරීමට පියවර ගෙන ඇත.
එවන් පසුබිමක එම ප්රදේශයේ මූල්ය ආයතනයකට තරුණියන් දෙදෙනෙකු පැමිණ එහි කළමනාකරුද මුණගැසී, ඔහුගේ විසිටින් කාඩ් පතක්ද ලබාගෙන එම ස්ථානය ඇතුළත සහ පිටත ඔවුන්ගේ ජංගම දුරකථන මගින් රූගතකර තිබේ.
එය දුටු කාන්තාවක විසින් කළ දැනුම්දීමක් මත එහි පැමිණි පොලීසිය අදාළ තරුණියන් දෙදෙනාගේ ජංගම දුරකථනය පරීක්ෂාකර ඇති අතර, එහිදී අනාවරණ වී ඇත්තේ අදාළ මූල්ය ආයතනයේ වීඩියෝ දර්ශන ඩුබායිහි සැඟව සිටින සංජු නම් අපරාධකරුට යොමුකර ඇති බවය.
සංජු නැමැත්තා එම ජංගම දුරකථනයට කෙටි පණිවුඩයක් එවා තිබූ අතර එහි දැක්වුණේ “පෑලියගොඩ යුනිට් එකෙන් ඉන්නවා. ඉක්මනට පලයල්ලා” යනුවෙනි.
එමෙන්ම අදාළ මූල්ය ආයතනයේ කළමනාකරුගේ ඡායාරූපයක්ද සංජු විසින් තරුණියන්ට එවා තිබු බව පොලීසිය පවසයි.
ඒ අනුව තරුණියන්ගෙන් සිදුකළ වැඩිදුර ප්රශ්නකිරීම් වලදී ඔවුන් අනාවරණ කර ඇත්තේ අපරාධකරුවන් වන කරන්දෙණිය සුද්දාගේ මස්සිනා ඝාතනය කිරීමේ සැලසුමක් පැවති අතර ඒ වෙනුවෙන් ඔත්තු බැලීම සඳහා තමන් එහි පැමිණි බවය.
පසුගියදා අකුරේගොඩදී ලොකුපැටීගේ නීතිඥවරයා කරන්දෙණිය සුද්දාගේ පාර්ශ්වය විසින් ඝාතනය කිරීමේ සිද්ධියට පළිගැනීමක් ලෙස, සුද්දාගේ මස්සිනා ඝාතනය කිරීමට ලොකුපැටී සැලසුම්කර ඇති බව විමර්ශන වලදී අනාවරණ වී තිබුණි.
කංජිපානි ඉම්රාන් විසින් ඒ සඳහා වෙඩික්කරුවකු සූදානම් කර තිබූ බවද තම්මිට අවිශ්ක නමැති අපරාධකරුවා විසින් යතුරුපැදිකරු සූදානම්කර තිබූ බවද විමර්ශන වලදී හෙළිවී ඇත.
කෙසේවෙතත්, ඔවුන් ඝාතනය කිරීමට සැලසුම් කළ මූල්ය ආයතන කළමනාකරු කරන්දෙණිය සුද්දාගේ මස්සිනා නොවන බවත්, ඔවුන් වැරදීමකින් අදාළ පුද්ගලයා ඉලක්ක කර ඇති බවත් පොලීසිය පවසසයි.
පොලීසියේ ආරක්ෂක වැඩපිළිවෙළ හේතුවෙන් අපරාධකරුවන්ගේ උත්සාහය එලෙස ව්යර්ථ වී තිබුණි.
සිද්ධිය පිළිබඳවද වැඩිදුර විමර්ශන ක්රියාත්මක වේ.
සංවිධානාත්මක අපරාධකරුවෙකු විසින් මත්ද්රව්ය ජාවාරමෙන් උපයාගත් මුදල් භාවිත කරමින් මිලදී ගෙන ඇතැයි සැලකෙන රුපියල් කෝටි 3ක් පමණ වටිනා දේපොළක් ක්රියා විරහිත කිරීමට නීතිවිරෝධී වත්කම් විමර්ශන කොට්ඨාසය පියවර ගෙන තිබේ.
විදෙස්ගතව සිටියදී පසුගියදා මෙරටට රැගෙන එන ලද සංවිධානාත්මක අපරාධකරුවෙකු විසින් මත්ද්රව්ය ජාවාරමෙන් උපයාගත් මුදල් භාවිත කරමින් ඔහුගේ දියණියගේ නමින් දේපොළක් මිලදී ගෙන ඇති බවට ලැබුණු පැමිණිල්ලක් මත එම කොට්ඨාසය විසින් විමර්ශන ආරම්භ කර තිබුණි.
ඒ අනුව සිදුකළ විමර්ශනවලදී එම පුද්ගලයා විසින් මත්ද්රව්ය ජාවාරමෙන් උපයාගත් මුදල් භාවිත කරමින් මිලදී ගෙන ඇති බවට සැක කෙරෙන පන්නිපිටිය ප්රදේශයේ පිහිටි දෙමහල් නිවසක් සහිත රුපියල් කෝටි 3ක් පමණ වටිනා ඉඩමක් හඳුනාගෙන තිබේ.
මුදල් විශුද්ධිකරණය වැළැක්වීමේ පනත යටතේ 2026 මාර්තු 05 වන දින සිට දින 07ක කාලයක් සඳහා එම දේපොළ ක්රියා විරහිත කිරීමට නියෝග නිකුත් කර ඇති බව පොලීසිය සඳහන් කළේය.
මෙම සිද්ධිය සම්බන්ධයෙන් නීතිවිරෝධී වත්කම් විමර්ශන කොට්ඨාසය විසින් වැඩිදුර විමර්ශන සිදු කරමින් පවති.
