ට්රයිඩන්ට් සමාගමේ ගල්අඟුරු තොග මෙරටට පැමිණි මුල් අවධියේ සිටම, එම සාම්පල පරික්ෂා කළ පැටවුම් වරායේ පරීක්ෂණාගාරයට නිසි ප්රතීතනතාවයක් නොතිබුණු බව ලංකා ගල්අඟුරු සමාගම දැන සිටියේ යැයි එම සමාගමේ සාමාන්යාධිකාරීවරයා කෝප් කමිටුව හමුවේ පිළි ගෙන තිබේ.
ලංකා ගල් අඟුරු සමාගමේ සභාපතිවරයා එම කමිටුව හමුවේ පෙනී නොසිටි අතර ඔහු කෝප් කමිටුවට සහභාගී වීම සිතාමතා මඟහැර ඇති බවට ද එහිදී චෝදනා එල්ල විය.
එමෙන්ම රැස්වීම අතරතුර කෝප් කමිටු සභාපතිවරයා පක්ෂග්රාහීව කටයුතු කරන බවට විපක්ෂයෙන් දැඩි චෝදනා එල්ල විය.
පාතාල කල්ලි නායකයෙකු බව කියන මාකඳුරේ මධුෂ් ඝාතන සිද්ධිය සම්බන්ධයෙන් සිදුකරන විමර්ශනවලට අදාළව කොළඹ අපරාධ කොට්ඨාසයේ හිටපු අධ්යක්ෂ සහ විශ්රාමික ජ්යේෂ්ඨ පොලිස් අධිකාරිවරයෙකු වන ජනක් නන්දන ඇතුළු නිලධාරීන් සිව් දෙනෙකු අත්අඩංගුවට ගැනීම වළක්වාලමින් අභියාචනාධිකරණය විසින් අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර මහතා වෙත අතුරු තහනම් නියෝගයක් නිකුත් කර තිබේ.
කොළඹ අපරාධ කොට්ඨාසයේ සේවය කළ එම නිලධාරීන් විසින් ඉදිරිපත් කළ පෙත්සමක් සලකා බැලීමෙන් අනතුරුව අභියාචනාධිකරණ විනිසුරු ප්රියන්ත ප්රනාන්දු මහතා විසින් මෙම නියෝගය නිකුත් කර ඇත.
පෙත්සම්කරුවන් කියා සිටින්නේ මාකඳුරේ මධුෂ් ඝාතන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් විමර්ශනයක් සිදුකරන අතර ඊට අදාළව තමන්ව කොයි මොහොතක හෝ අනීතික ලෙස අත්අඩංගුවට ගැනීමේ අවදානමක් පවතින බවය.
වගඋත්තරකාර අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකරගේ මෙහෙයවීම යටතේ මෙම විමර්ශනය සිදුකරන බවත් ඒ තුළින් තමන්ට දැඩි අගතියක් සිදුවිය හැකි බවත් පෙත්සම්කරුවන් සඳහන් කරයි.
ඒ අනුව තමන්ව අත්අඩංගුවට ගැනීම වළක්වාලන අතුරු නියෝගයක් නිකුත් කරන ලෙසත් මෙම විමර්ශනය අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකරගෙන් ඉවත් කිරීමේ නියෝගයක් නිකුත් කරන ලෙසත් පෙත්සම්කරුවන් අභියාචනාධිකරණයෙන් ඉල්ලා තිබුණි.
පෙත්සම්කරුවන් වෙනුවෙන් ජනාධිපති නීතිඥ අලි සබ්රි මහතා විසින් ඉදිරිපත් කළ කරුණු සලකා බැලූ අභියාචනාධිකරණය විසින් මෙම නියෝග නිකුත් කළ අතර එම නඩුකරය යළි මැයි මස 15 වනදා කැඳවීමටද නියම කෙරුණි.
ඊට අමතරව වගඋත්තරකරුවන්ට නොතිසි නිකුත් කරන ලෙසත් විනිසුරුවරයා නියෝග කළේය.
තඹුත්තේගම – මල්වානේගම ප්රදේශයේ දී කාන්තාවකට පහරදී ඝාතනය කර තිබේ.
ඊයේ (08) උදෑසන මරණකාරියගේ මුණුපුරා විසින් පුද්ගලික ආරවුලක් හේතුවෙන් පොල්ලකින් පහරදී මෙම ඝාතනය සිදුකර ඇති බවට සිදු කළ විමර්ශනයේදී අනාවරණය වී ඇත.
මෙලෙස ඝාතනයට ලක් ව ඇත්තේ වයස අවුරුදු 82 ක් වූ මල්වානේගම, තඹුත්තේගම ප්රදේශයේ පදිංචිකාරියකි.
වයස අවුරුදු 23 ක් වන සැකකරු අත්අඩංගුවට ගෙන ඇති බව පොලීසිය පවසයි.
තඹුත්තේගම පොලිසිය විසින් වැඩිදුර විමර්ශන සිදු කරනු ලබයි.
ශ්රී ලංකාව සඳහා වන විස්තීර්ණ අරමුදල් පහසුකම යටතේ සිදුකෙරෙන ඒකාබද්ධ පස්වන සහ හයවන සමාලෝචනය අවසන් කිරීම සඳහා ජාත්යන්තර මූල්ය අරමුදල සහ ශ්රී ලංකා බලධාරීන් අතර නිලධාරී මට්ටමේ එකඟතාවකට එළැඹ තිබේ.
මෙම සමාලෝචනය IMF විධායක මණ්ඩලය විසින් අනුමත කිරීමෙන් අනතුරුව, ශ්රී ලංකාවට ආසන්න වශයෙන් අමෙරිකානු ඩොලර් මිලියන 700ක මූල්ය පහසුකම් ලබා ගැනීමට අවස්ථාව හිමිවනු ඇත.
ජාත්යන්තර මූල්ය අරමුදලේ ශ්රී ලංකාවේ මෙහෙයුම් ප්රධානී Evan Papageorgiou මහතාගේ නායකත්වයෙන් යුත් IMF දූත පිරිසක් මාර්තු 26 සිට අප්රේල් 9 දක්වා ශ්රී ලංකාවේ සංචාරයක නිරත වූහ.
සංචාරය අවසානයේ නිවේදනයක් නිකුත් කරමින් ඔහු කියා සිටියේ විධායක මණ්ඩල අනුමැතිය ලැබීමෙන් පසු ශ්රී ලංකාවට මෙතෙක් ලබා දී ඇති සමස්ත මූල්ය සහාය අමෙරිකානු ඩොලර් බිලියන 2.4 දක්වා ඉහළ යන බවය.
2026 වසරේ ඉන්දීය ප්රිමියර් ලීග් තරගාවලිය ඇතුළු ජාත්යන්තර ප්රිමියර් ලීග් තරගවලට සහභාගි වීමට හැකිවන පරිදි තමන් වෙත “විරෝධතා නොමැති බව” සඳහන් සහතිකය නිකුත් කරන ලෙස ශ්රී ලංකා ක්රිකට් ආයතනය වෙත බලකිරීමේ අනිවාර්ය අතුරු නියෝගයක් නිකුත් කරන ලෙස ඉල්ලා ක්රිකට් ක්රීඩක නුවන් තුෂාර මහතා විසින් ගොනු කළ පැමිණිල්ලට එරෙහිව විරෝධතා ගොනු කරන බව ශ්රී ලංකා ක්රිකට් ආයතනය කොළඹ දිසා අධිකරණයට දැනුම් දුනි.
මෙම පැමිණිල්ල අද (09) කැඳවූ අවස්ථාවේදී පැමිණිලිකාර පාර්ශවය වෙනුවෙන් ජ්යෙෂ්ඨ උපදේශන නීතීඥ ජී. ජී. අරුල්ප්රගාසම් මහතා සමග පෙනී සිටි නීතිඥ කාංචන පීරිස් මහතා අධිකරණය හමුවේ කරුණු දක්වමින් මෙම නඩුකරයට අදාළ අතුරු ඉල්ලීම පිළිබඳ කරුණු තහවුරු කිරීම සඳහා දිනයක් ලබාදෙන ලෙස ඉල්ලා සිටියේය.
එම අවස්ථාවේදී ශ්රී ලංකා ක්රිකට් ආයතනයේ සභාපති ෂම්මි සිල්වා ඇතුළු වගඋත්තරකරුවන් වෙනුවෙන් පෙනී සිටි ජනාධිපති නීතිඥ උපුල් කුමරප්පෙරුම මහතා අධිකරණය හමුවේ කරුණු දක්වමින් මෙම නඩුකරයට අදාළ විරෝධතා ගොනු කිරීම සඳහා දිනයක් ලබා දෙන ලෙස ඉල්ලා සිටියේය.
ඒ අනුව වග උත්තරකරුවන්ගේ විරෝධතා ගොනු කිරීම සඳහා මෙම පැමිණිල්ල අප්රේල් මස 23 වනදා කැඳවන ලෙස කොළඹ දිසා අධිකරණය නියම කළේය.
මෙම පැමිණිල්ලේ වග උත්තරකරුවන් ලෙස ශ්රී ලංකා ක්රිකට් ආයතනයේ සභාපති ෂම්මි සිල්වා, ලේකම් බන්දුල දිසානායක භාණ්ඩාගාරික සුජීව ගොඩලියැද්ද , ප්රධාන විධායක නිලධාරී ඈෂ්ලි ද සිල්වා නම් කර තිබේ.
ජ්යෙෂ්ඨ උපදේශන නීතීඥ ජී.ජී. අරුල්ප්රගාසම් මහතා මාර්ගයෙන් ගොනු කර ඇති මෙම පැමිණිල්ල තුළින් පැමිණිලිකරු කියා සිටින්නේ තමන් ශ්රී ලංකා ජාතික ක්රිකට් කණ්ඩායම නියෝජනය කරනු ලබන ක්රිකට් ක්රීඩකයෙකු වන අතර ශ්රී ලංකා ක්රිකට් ආයතනය සමග ගිවිසුම් ගත වී ඇති බවත් එම ගිවිසුම පසුගිය මාර්තු මස 31 වන දා කල් ඉකුත් වීමට නියමිත බවය.
තමන් මීට පෙර ජාත්යන්තර ප්රිමියර් ලීග් ක්රිකට් තරග වලට සහභාගි වී ඇති බවත් ජාත්යන්තර ක්රිකට් තරඟ සමඟ ගැටුමක් ඇති නොවන ආකාරයට එම තරගවලට සහභාගී වී ඇති බවත් ඔහු සඳහන් කළේය.
2024 සහ 2025 වසර වල තමන් “රොයල් චැලෙන්ජස්” කණ්ඩායම නියෝජනය කරමින් එම තරගාවලියට සහභාගි වී ඇති බවත් පැමිණිලිකරු සඳහන් කරයි.
එම තරගාවලියට සහභාගි වීම සඳහා ශ්රී ලංකා ක්රිකට් ආයතනය විසින් තමන්ට 2024 සහ 2025 වසරවල “විරෝධතාවයක් නොමැති බව” දැක්වෙන සහතිකය නිකුත් කළ බව සඳහන් කළ පැමිණිකරු එවැනි සහතිකයක් නොමැතිව තමන්ට අදාළ තරගාවලියට සහභාගි විය නොහැකි බවත් පෙන්වා දුනි.
එහෙත් 2026 වසරේ පැවැත්වීමට නියමිත එම තරගාවලියට සහභාගි වීම සඳහා විරෝධතා නොමැති බව සඳහන් ලිපිය නිකුත් කරන ලෙස ඉල්ලීමක් කළත් එම ඉල්ලීම ක්රිකට් ආයතනය විසින් ප්රතික්ෂේප කළ බවයි පැමිණිලිකරු චෝදනා කරයි.
එම ප්රතික්ෂේප කිරීමේ තීරණය දැනුම් දෙමින් ශ්රී ලංකා ක්රිකට් ආයතනයේ ප්රධාන විධායක නිලධාරියා විසින් දැනුම් දී ඇත්තේ ශ්රී ලංකා ක්රිකට් ආයතනය විසින් නියම කර ඇති ශාරීරික යෝග්යතා පරීක්ෂණය සතුටුදායක ලෙස සමත් නොවීම හේතුවෙන් මෙම අවස්ථාවේදී විරෝධතා නොමැති බව සඳහන් සහතිකය නිකුත් කිරීම ශ්රී ලංකා ක්රිකට් තේරුම් කරුවන්ගේ නිර්දේශ හා ස්ථාවරය මත ප්රතික්ෂේප කර ඇති බවය.
ශ්රී ලංකා ක්රිකට් ආයතනයේ යෝග්යතා තක්සේරුව සමත් වීමට අපොහොසත් වූ බව සඳහන් කරුණු ප්රතික්ෂේප කරන බව කී පැමිණිලිකරු ශ්රී ලංකා ක්රිකට් ආයතනය සමඟ තමන් ඇති කරගෙන තිබෙන ගිවිසුම ඉකුත් මාර්තු 31 වන දින කල් ඉකුත් වීමට නියමිත බවත් පැවසීය.
ජාත්යන්තර මට්ටමින් ක්රිකට් ක්රීඩා කිරීම නතර කිරීමට පැමිණිලිකරු අදහස් කළ බව හෝ ශ්රී ලංකා ක්රිකට් සමග තවදුරටත් ගිවිසුමකට එළඹෙන්නේ නැති බවත් ඔහු සඳහන් කර තිබේ.
මෙම තත්ත්වය යටතේ අදාළ සහතිකය නිකුත් නොකිරීමට ශ්රී ලංකා ක්රිකට් ආයතනයට කිසිදු සාධාරණ නීතිමය පදනමක් නොමැති බවත් ඔහු සඳහන් කළේය.
ශ්රී ලංකා ක්රිකට් ආයතනය සමග තමන් ඇති කරගෙන තිබෙන ගිවිසුම කල් ඉකුත් වී තිබියදී මේ ආකාරයෙන් අදාල සහතිකය නිකුත් නොකිරීම නීති විරෝධී බවත් පැමිණිකරු චෝදනා කළේය.
ඒ අනුව 2026 වසරේ ඉන්දීය ප්රිමියර් ලීග් තරගාවලිය ඇතුළු ජාත්යන්තර ප්රිමියර් ලීග් තරගවලට සහභාගිවීම සඳහා හැකිවන පරිදි විරෝධතාවක් නොමැති බව සඳහන් සහතිකය නිකුත් කරන ලෙස ශ්රී ලංකා ක්රිකට් ආයතනයට අනිවාර්ය අතුරු තහනම් නියෝගයක් නිකුත් කරන ලෙසත් පැමිණිලිකරු අධිකරණයෙන් ඉල්ලා තිබේ.
දැනට පවතින අධි ආරක්ෂිත කලාප සීමා තවදුරටත් පවත්වාගෙන යාම සම්බන්ධයෙන් නැවත පරීක්ෂා කර බලා අවශ්යතාවය පරිදි එම සීමා යාවත්කාලීන කිරීමට පියවර ගන්නා ලෙස ජනාධිපති අනුර කුමාර දිසානායක මහතා විසින් ආරක්ෂක අංශවලට උපදෙස් ලබාදී තිබේ.
ජනාධිපතිවරයා මෙම උපදෙස් ලබාදී ඇත්තේ, ආරක්ෂක කටයුතු පිළිබඳ අමාත්යාංශයීය උපදේශක කාරක සභාව ජනාධිපතිවරයාගේ සභාපතිත්වයෙන් පසුගිය හතවෙනිදා (07) පාර්ලිමේන්තුවේදී රැස්වූ අවස්ථාවේදීය.
මෙහිදී කරුණු දක්වමින් ජනාධිපතිවරයා, අධි ආරක්ෂිත කලාප යනු ස්වාභාවිකව පවතින සීමා නොවන බවත් ඒ හේතුවෙන් පවතින ආරක්ෂක තත්ත්වයන් සලකාබැලීමෙන් අනතුරුව එම අධි ආරක්ෂිත කලාප සීමා වෙනස් කිරීමට අවශ්ය පියවර ගැනීමේ වැදගත්කම අවධාරණය කළේය.
උතුරු නැගෙනහිර ප්රදේශවල ජනතාවගේ පුද්ගලික ඉඩම් නැවත එම ජනතාවටම ලබාදීම පිළිබඳව පාර්ලිමේන්තු මන්ත්රීවරයන් යොමු කළ ගැටලු සඳහා ද ජනාධිපතිවරයා පිළිතුරු ලබාදුන්නේය.
එහිදී අනුර කුමාර දිසානායක මහතා අවධාරණය කළේ, ආරක්ෂක කඳවුරු හා විවිධ කටයුතු සඳහා පවරාගෙන ඇති ජනතාවගේ පෞද්ගලික ඉඩම් නැවත ඔවුන්ටම ලබාදීම රජයේ ප්රතිපත්තිය බවය.
එමෙන්ම නැවත ලබාදිය හැකි පෞද්ගලික ඉඩම් ලබාදීමටත්, එලෙස ලබාදීමට අපහසුතා පවතින ඉඩම් සඳහා සාධාරණ වන්දි මුදල් ලබාදී එම ක්රියාවලිය කඩිනම් කිරීමේ වැදගත්කම එහි දී ජනාධිපතිවරයා සිහිපත් කර ඇත.
තවද රජයේ ආර්ථික කටයුතු සඳහා ආරක්ෂක කඳවුරු පවතින ප්රදේශවල ඉඩම් කොපමණ ප්රමාණයක් යොදාගත හැකිද යන්න සොයා බලා වාර්තා කිරීමටද ඒ මහතා විසින් නිලධාරීන්ට උපදෙස් ලබා දෙන ලදී.
තවද මෙම කාරක සභා රැස්වීමේදී 2026.04.09 දින පාර්ලිමේන්තු අනුමතියට ඉදිරිපත් කිරීමට නියමිත (357 අධිකාරය වූ) යුද්ධ හමුදා පනතේ 29 සහ 155 වගන්ති යටතේ නියෝග, (358 අධිකාරය වූ) නාවික හමුදා පනතේ 161 වගන්තිය යටතේ නියෝග සහ (359 අධිකාරය වූ) ගුවන් හමුදා පනතේ 29 සහ 155 වගන්ති යටතේ ඉදිරිපත් කළ නියෝග සලකා බැලීමෙන් අනතුරුව අනුමත කිරීමද සිදු කෙරිණි.
2019 වසරේ පාස්කු ඉරු දින එල්ල වූ ත්රස්ත ප්රහාරය හුදෙකලා සිදුවීමක් නොවන අතර 2017 සිට සිදුකරන ලද කුමන්ත්රණයක් බවට මේ වනවිට සිදු කරන ලද විමර්ශන ඔස්සේ අනාවරණය වී ඇති බව මහජන ආරක්ෂක ඇමති ආනන්ද විජේපාල පවසයි.
අද (09) පාර්ලිමේන්තුවේදී ප්රකාශයක් සිදුකරමින් මහජන ආරක්ෂක අමාත්යවරයා ඒ බව සඳහන් කළේය.
පාස්කු ප්රහාරය 2017 සිට සැලසුම් කළ කුමන්ත්රණයක්
“පාස්කු ඉරුදින ප්රහාරය හුදකලා සිදුවීමක් නොවන බවත් ඒ 2017 සිට සැලසුම් සහගතව දියත් කරන ලද කුමන්ත්රණයක් බවත් මේ වෙනකොට විමර්ශන ආශ්රයෙන් හෙළිවෙලා තියෙනවා. මේක කුමන්ත්රණයක් මීට 2017 සිට සැලසුම් කරලා. ක්රමක්ක්රමයෙන් ක්රියාත්මක කරලා මේ සිද්ධිය දක්වා ගෙනාපු කුමන්ත්රණයක් හැටියට තමා දැනට විමර්ශනවලින් අනාවරණය වෙන්නේ.
2018.11.30 දින වව්නතිව් පොලිස් නිලධාරීන්ගේ ඝාතනය. 2017.12. 22, 23 දින මාවනැල්ල බුදු පිළිමවලට එල්ල වූ ප්රහාරය 2019.01.16 දින වනාතවිල්ලුව ප්රහසිගත කඳවුරක තිබී සොයාගන්නා ලද ඩෙටනේටර් ඇතුළු පුපුරන ද්රව්ය සමග සැකකරුවන් හතර දෙනෙකු අත්අඩංගුවට ගැනීම. 2019.03.10 දින මාවනැල්ල ප්රදේශයේ තස්ලීම් නැමැති පුද්ගලයාට වෙඩිතැබීම. 2019.04.16 දින මඩකලපුව කාත්තන්කුඩි පාලමුන ප්රදේශයේ යතුරු පැදියක් පුපුරුවා හැරීම 2019.04.21 දින පාස්කු ඉරිදා ප්රහාරය. මේ එක ම කණ්ඩායමක එකිනෙකා හා දාමගත වූ සිදුවීම් සිදුවීම් මාලාවක් බව මේක කරනකොට සහ විමර්ශන අංශයෙන් පැහැදිලි වෙනවා.”
සුරේෂ් සලේ අත්අඩංගුවට ගත් හේතුව
පාස්කු ප්රහාරයට අදාළ කුමන්ත්රණය සහ ආධාර අනුබලදීම සම්බන්ධයෙන් සැකපිට සුරේෂ් සලේ අත්අඩංගුවට ගෙන ඇති බවද අමාත්යවරයා සඳහන් කළේය.
“පාස්තු ඉරුදින ත්රස්ත ප්රහාර සම්බන්ධයෙන් කුමන්ත්රණය සහ ආධාර අනුබලදීම සම්බන්ධයෙන් 1979 අංක 48 දරණ ත්රස්තවාදය වැළක්වීමේ පනත අනුව මේ වෙනකොට තුවාන් සුරේෂ් සලේ අත්අඩංගුවට අරගෙන තියෙනවා. හැබැයි මීට පෙරාතුව මොහු පාස්කු ඉරුදින ප්රහාරයේ නඩු විභායේ ශාක්ෂි ලැයිතුවේ පළමු ශාක්ෂිකරු විදිහට නම් කරලා තියෙනවා. 2024.10.11 කරන ලද පැමිණිල්ලකට අනුව මේ වනකොට අදාළ සැකකරු අපරාද පරික්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
මේ සම්බන්ධයෙන් මේ වනවිට අභියාචනාධිකරණයේ නුඩු දෙකක් ගොනු කරලා තියෙනවා. යුදහමුදා බුද්ධි අධ්යක්ෂකවරයෙකු වශයෙන් රාජ්ය බුද්ධි සේවාවේ හිටපු අධ්යක්ෂකවරයෙකු වශයෙන් කටයුතු කර ඇති විශ්රාමික මෙජර් ජෙනරාල් තුවාන් සුරේෂ් සලේ යන අය පාස්කු ප්රහාරයට පෙරාතුව ඉස්ලාම් අන්තවාදීන්ගේ සාහසික ක්රියා පිළිබඳව දැන සිටිමින් ඒවා වැළැක්වීමට හා හෙළිදරව්වීම ඕනෑකමින් වළක්වා ඇති බවත් පාස්කු ප්රහාරය සිදුවීමට අවකාශය සලසා ඇති බවටත් පාස්කු ප්රහාරයෙන් පසු මෙහෙයවූ පුද්ගලයින් පාර්ශව කණ්ඩායම් හෙළිදරව්වීම වැළැක්වීමට සෘජුව හා වක්රකාරව කටයුතු කර ඇති බවටත් ඒ අනුව පාස්කු ප්රහාරය කුමන්ත්රණය හා ආධාර අනුබලදීමට කටයුතු කර ඇති බැවින් එවැනි නීතිවිරෝධී ක්රියාකාරකමට සම්බන්ධ වූ හෝ ප්රවේදීතාවක් දක්වන්නේ යැයි සාධාරණ යුක්ති සහගතව සැකකරුනු ලැබීමට අදාළව කරුණු වාර්තාවීමෙන් පසු ඔහු අත්අඩංගුවට ඇරගෙන තියෙනවා.”
පිල්ලෙයාන් පාස්කු ඉරිදා ප්රහාරය ගැන පූර්ව දැනුවත් භාවයකින් ඉදලා
ශිවනේසතුරයි චන්ද්රකාන්තන් හෙවත් පිල්ලෙයාන් පාස්කු ප්රහාරය සම්බන්ධයෙන් පූර්ව දැනුවත්භාවයකින් සිටි බවටද කරුණු හෙළිවී ඇති බව මහජන ආරක්ෂක අමාත්යවරයා පැවසීය.
” හිටපු අමාත්යවරයෙකු වන ශිවනේසතුරයි චන්ද්රකාන්තන් හෙවත් පිල්ලෙයාන් පාස්කු ඉරිදා ප්රහාය පිළිබඳව පුර්ව දැනුවත් භාවයකින් හිටපු බවට මේ වෙනකොට කරුණ අනාවරණය වෙලා තියෙනවා. ඒ විමර්ශනත් නිවැරදිව සිදුවෙනවා.”
සහරාන්ට ඉහළින් සිට ඔහුව මෙහෙයවූ පුද්ගලයෙක් සහ කණ්ඩායමක් සිටින බවට සාක්ෂි
“පාස්කු ප්රහාරයේ ස්වයං ඝාතක කණ්ඩායමේ නායක ලෙසින් කටයුතුකළ සහරාන් හෂිම්ට ඉහළින් සිට ඔහුව මෙහෙය වූ පුද්ගලයෙක් හෝ කණ්ඩායමක් සිටින බවට තොරතුරු අනාවරණය වෙලා තියෙනවා. ඒක මේ වෙනකොට ශාක්ෂිවලින් තොරතුරු අනාවරණය වෙලා තියෙනවා. අපරාධ පරික්ෂණ දෙපාර්තමේන්තු ඒ පිළිබඳ විමර්ශනට කරනවා. ඒ සම්බන්ධයෙන් හෙළිවී ඇති කරණු මේ අවස්ථාවේදී හෙළිකරන් හැකියාවක් නැහැ.”
වත්මන් ආණ්ඩුවේ අරමුණ දරුවන්ට, කාන්තාවන්ට, වැඩිහිටියන්ට සහ ආබාධිත පුද්ගලයින්ට පහසුවෙන් සහ ගෞරවාන්විතව සේවා ලබාගත හැකි තිරසාර ප්රවාහන පද්ධතියක් ගොඩනැගීම බව අග්රාමාත්ය ආචාර්ය හරිනි අමරසූරිය පවසයි.
ඇය මේ බව ප්රකාශ කළේ, කොළඹ කොටුව දුම්රිය ස්ථානය ජාත්යන්තර මට්ටමට නවීකරණය කිරීම ආරම්භක උත්සවයකට එක්වෙමිනි.
ආසියානු සංවර්ධන බැංකුවේ මූල්ය දායකත්වය සහ රජයේ ප්රතිපාදන යටතේ රුපියල් මිලියන 2,162කට අධික මුදලක් ආයෝජනය කර ඇති බව අග්රාමාත්ය කාර්යාලය සඳහන් කරයි.
මෙරට පොදු ප්රවාහන ක්ෂේත්රයේ නව හැරවුම් ලක්ෂ්යයක් සනිටුහන් කරමින්,කොළඹ කොටුව දුම්රිය ස්ථානය ජාත්යන්තර මට්ටමේ ප්රවාහන හුවමාරු මධ්යස්ථානයක් ලෙස නවීකරණය කිරීමේ ව්යාපෘතිය අද (09) අග්රාමාත්යවරියගේ ප්රධානත්වයෙන් ආරම්භ විය.
මෙම සංවර්ධන ව්යාපෘතිය හරහා දෛනිකව දුම්රිය සේවාව භාවිත කරන ලක්ෂ සංඛ්යාත මගී ජනතාවට වඩාත් ගුණාත්මක සේවාවක් සැලසීමට අපේක්ෂිතය.
“දුම්රිය කාර්යක්ෂමතාව වැඩිදියුණු කිරීමේ ව්යාපෘතිය” ඉදිරි මාස 15 ඇතුළත වැඩ අවසන් කිරීමට නියමිතය.
ප්රවාහන, මහාමාර්ග සහ නාගරික සංවර්ධන අමාත්යාංශයේ මෙහෙයවීමෙන් ක්රියාත්මක වන මෙම ව්යාපෘතිය ප්රධාන අංග කිහිපයකි.
ඒ අතර සාම්ප්රදායික ක්රමවේද වෙනුවට නවීන ස්වයංක්රීය ටිකට්පත් නිකුත් කිරීමේ පද්ධති හඳුන්වාදීම, විශේෂ අවශ්යතා සහිත පුද්ගලයන්ට සහ වැඩිහිටියන්ට බාධාවකින් තොරව ගමන් කළ හැකි වන පරිදි නවීන විදුලි සෝපාන (Lifts) සහ ගුවන් පාලම් පද්ධති ඉදිකිරීම, මගී ආරක්ෂාව තහවුරු කෙරෙන නව ගොඩනැගිලි සංකීර්ණ සහ උසස් ප්රමිතියෙන් යුත් සනීපාරක්ෂක පහසුකම් ස්ථාපිත කිරීම සිදු කෙරේ.
මෙම ව්යාපෘතිය නිමාවීමත් සමඟ කොළඹ කොටුව දුම්රිය ස්ථානය මගී කේන්ද්රීය, කාර්යක්ෂම සහ නවීන තාක්ෂණයෙන් සන්නද්ධ ප්රධාන ප්රවාහන මධ්යස්ථානයක් බවට පත්වනු ඇත.
මොරගහහේන, කුඹුක ප්රදේශයේ දී කුෂ් නැමැති මත්ද්රව්ය ග්රෑම් 15ක් සමඟ කාන්තාවක් අත්අඩංගුවට ගෙන තිබේ.
නිවසක් මත්ද්රව්ය බෙදාහැරීමේ මධ්යස්ථානයක් ලෙස පවත්වාගෙන යන බවට ලැබුණු තොරතුරකට අනුව අද අළුයම් කාලයේ සිදුකළ වැටලීමකදී මෙම කාන්තාව අත්අඩංගුවට ගෙන ඇත.
වලාන මධ්යම දූෂණ මර්දන ප්රහාරක බලකායේ ස්ථානාධිපති ප්ර.පො.ප. ඉන්දික වීරසිංහ වෙත ලැබුණු තොරතුරක් මත පොලිස් පරීක්ෂක විමල් ඇතුළු කණ්ඩායමක් මෙම වැටලීම සිදුකර ඇත.
මෙලෙස අත්අඩංගුවට ගෙන ඇතත්තේ, වීර හැන්නදිගේ කුසුම්ලතා ප්රනාන්දු නොහොත් “කාන්ති” යන සැකකාරිය වන අතර අත්අඩංගුවට ගන්නා අවස්ථාවේදී ඇය සතන්තකයේ තිබී කුෂ් මත්ද්රව්ය ග්රෑම් 15ක් සොයාගෙන ඇත.
වැටලීම අතරතුර සැකකාර කාන්තාව තම පුතා පොලිස් පරීක්ෂකවරයෙකු බව පවසමින් පරීක්ෂාවට විරෝධය පළ කර ඇති අතර, පසුව නිලධාරිනියක විසින් සිදුකළ සෝදිසි කිරීමකදී ඇය සතුව තිබූ මත්ද්රව්ය හෙළිවී තිබේ.
පොලිස් පරීක්ෂණ අනුව මෙම නිවස ප්රදේශය පුරා කුෂ් මත්ද්රව්ය බෙදාහැරීමට භාවිතා කළ ආරක්ෂිත ස්ථානයක් ලෙස යොදාගෙන ඇති අතර, සැකකාරියගේ පුතා කොළඹ ප්රදේශයේ පොලිස් ස්ථානයක පොලිස් පරීක්ෂකවරයෙකු ලෙස සේවය කරන බවටද තහවුරු වී ඇත.
මෙම වැටලීම මධ්යම දූෂණ මර්දන ප්රහාරක බලකායේ අධ්යක්ෂක සහකාර පොලිස් අධිකාරි රොහාන් ඕලුගල මහතාගේ නියෝග පරිදි ස්ථානාධිපති ප්රධාන පොලිස් පරීක්ෂක ඉන්දික වීරසිංහ මහතාගේ මෙහෙයවීමෙන් පො.ප. විමල්, පො.සැ. 52566 රොෂාන්, පො.කො. 35039 මධුසංක, පො.කො. 97342 දිසානායක, පො.කො. 100291 ලසිත, පො.කො. 102726 ජයසුන්දර, කා.පො.කො. 13090 කරුණාරත්න, පො.කො.රි. 94735 මධුසංක යන නිලධරයන් කණ්ඩායම සහ පො.සැ. 75056 ඉන්දික, පො.කො. 104547 කුරු කුලසූරිය, යන ආවේක්ෂණ නිලධරයන් විසින් සිදු කරන ලදී.
පාසල්වල සංවිධාන කරනු ලබන උත්සව සහ විවිධ සැමරුම් අධික ලෙස මුදල් වැයකරමින් කටයුතු කරන සිද්ධීන් වාර්තාවී ඇති බව අධ්යාපන, උසස් අධ්යාපන සහ වෘත්තීය අධ්යාපන අමාත්යංශය පවසයි.
ඒ හේතුවෙන් දෙමාපියන් වෙත අමතර වැය බරක් දැරීමට සිදු වන බව අමාත්යංශය පෙන්වා දෙයි.
සැමරුම් සම්බන්ධයෙන් මීට පෙර ලබාදී ඇති උපදෙස් නොසළකා හැර ඇති බවත් මේවා ඉතාමත් චාම් අයුරින් හා අවම වියදමකින් එම වැඩසටහන් පැවැත්වීමට කටයුතු කළ යුතු බවත් අමාත්යංශ ලේකම්වරයා අවධාරණය කරයි.
එමෙන්ම පාසල් මූල්ය කළමනාකරණය පිළිබඳව නිකුත් කර ඇති 54/2023 චක්රලේඛය හා අනෙකුත් මූල්ය චක්රලේඛවලට අනුගතව කටයුතු කළ යුතු බව ඔහු මෙහිදී සිහිපත් සඳහන් කළේය.
