ආබාධයකට ලක්වූ ශ්රී ලංකා වේගපන්දු යවන ක්රීඩක එෂාන් මාලිංග වෙනුවට ප්රමෝද් මධුෂාන් T20 ලෝක කුසලානයේ ශ්රී ලංකා සංචිතයට ආදේශ කිරීමට පියවර ගෙන තිබේ.
ඒ සඳහා ICC තාක්ෂණික කමිටුවේ අනුමැතිය හිමිවී තිබේ.
Category: sports
Sports
කළගුණ නොසැලකීම ගැන ෂම්මිගෙන් පාකිස්තානයට ලිපියක්…..
විස්සයි20 ලෝක කුසලාන ක්රිකට් තරගාවලියේ වැඩි අවධායනයක් දිනූ ඉන්දු – පාකිස්තානය තරගය වර්ජනය කිරීමට පාකිස්තානය ගත් තීරණය සම්බන්ධයෙන් පාකිස්තාන ක්රිකට් පාලක මණ්ඩලය වෙත ශ්රී ලංකා ක්රිකට් සභාපති ෂම්මි සිල්වා මහතා සිය අප්රසාදය පළකර තිබේ.
ලිපියක් යොමු කරමින් ඔහු පෙන්වා දී ඇත්තේ, පාකිස්තානය මුහුණදුන් අභියෝගකාරී අවස්ථාවලදී අවදානම නොතකා ශ්රී ලංකා ක්රිකට් ලබාදුන් සහාය අමතක කර ඇති බවය.
මෙවර විස්සයි20 ලෝක කුසලාන ක්රිකට් තරගාවලියේ කාගේත් වැඩි අවධානයක් දිනා ගත් ඉන්දු – පාකිස්තාන තරගය පෙබරවාරි 15 වැනිදා කොළඹ ආර්. ප්රේමදාස ක්රීඩාංගණයේදී පැවැත්වීමට නියමිතව තිබුණි.
කෙසේ වෙතත් පාකිස්තාන රජය ඉකුත්දා නිවේදනයක් නිකුත්කරමින් සඳහන් කළේ, ඉන්දියාව සමග පැවැත්වෙන එම තරගය පාකිස්තානය වර්ජනය කරන බවය.
පාකිස්තානය රජය ගත් මෙම තීරණය සම්බන්ධයෙන් ශ්රී ලංකා ක්රිකට් සභාපති ෂම්මි සිල්වා මහතා පාකිස්තාන ක්රිකට් පාලක මණ්ඩලය වෙත යොමුකළ ලිපියෙන් සඳහන් කර ඇත්තේ, පෙබරවාරි 15වනදා කොළඹ ආර්. ප්රේමදාස ක්රීඩාංගණයේදී පැවැත්වීමට නියමිතව තිබූ මෙම තරගය ශ්රී ලංකා ප්රේක්ෂකයින් මෙන්ම ඉන්දීය සහ පාකිස්තාන ක්රීඩාලෝලීන්ද ඉහළ බලාපොරොත්තු තබා සිටි තරගයක් බවය.
එම තරගයට අවශ්ය සියලු වාණිජ මෙහෙයුම් සේවා සැපයුම් සහ ආරක්ෂාවට අදාළ විධිවිධාන සියල්ල සලසා අවසන් කොට තිබූ බව ශ්රී ලංකා ක්රිකට් සභාපතිවරයා පෙන්වා දෙයි.
විශේෂයෙන්ම ඉන්දු – පාකිස්තාන තරගය සඳහා වන ප්රවේශපත්ර සඳහා ඉහළ ඉල්ලුමක් පැවති බවත්, එම ප්රවේශපත්ර සීඝ්රෙයන් අලෙවි වූ බවත් ශ්රී ලංකා ක්රිකට් සභාපතිවරයා සිය ලිපියෙන් පෙන්වා දී තිබේ.
ඉන්දු පාකිස්තාන තරගය සඳහා වෙනත් කිසිදු තරගයකට නොවූ විරූ ජනතා උද්යෝගයක් පැවතුනා මෙන්ම ශ්රී ලංකා ක්රිකට් මෙන්ම මෙරට ආර්ථිකයටද වාණිජයමය වශයෙන් මෙම තරගයෙන් විශාල රුකුලක් සිදුවන්නට ඉඩ තිබු බවද පෙන්වා දී ඇත.
මේ නිසා විස්සයි20 ලෝක කුසලාන තරගාවලියේ ශ්රී ලංකාවේ පැවැත්වීමට සැලසුම් කර ඇති ඕනෑම තරගයක් අවලංගු වීම ශ්රී ලංකා ක්රිකට් ආයතනයට දැවැන්ත මූල්යමය පාඩුවක් ඇති කරනවා මෙන්ම මෙරටට අපේක්ෂිත සංචාරක ආගමනයට බලපෑමක් ඇති කරන බව ශ්රී ලංකා ක්රිකට් සභාපතිවරයා එම ලිපියෙන් පවසයි.
පාකිස්තානය මුහුණදුන් අභියෝගකාරී අවස්ථාවලදී සහ සංවේදී අවස්ථාවලදී අවදානම නොතකා ශ්රී ලංකා ක්රිකට් කණ්ඩායම කිහිපවතාවක්ම පාකිස්තානයේ සංචාරවල නිරත වූ බවද ෂම්මි සිල්වා පාකිස්තාන ක්රිකට් පාලක මණ්ඩලය වෙත යැවූ ලිපියෙන් සිහිපත් කර තිබේ.
වෙනස්කම් රැසක් සමඟ ශ්රී ලංකා ලෝක කුසලාන සංචිතය නම් කරයි…..
විස්සයි විස්ස ලෝක කුසලාන ක්රිකට් තරගාවලියට සහභාගී වන ශ්රී ලංකා සංචිතය නිල වශයෙන් ප්රකාශයට පත් කර තිබේ.
ක්රීඩකයින් 15 දෙනෙකුගෙන් සමන්විත මෙම කණ්ඩායමේ නායකත්වය දසුන් ශානකට හිමිව ඇත.
එංගලන්තය සමඟ පැවැත්වෙන විස්සයි විස්ස ක්රිකට් තරගාවලියට එක් නොවූ කුසල් ජනිත් පෙරේරා සහ කමිඳු මෙන්ඩිස් මෙම සංචිතයට එක් කර තිබීමත් විශේෂත්වයකි.
එමෙන්ම ධනංජය ද සිල්වා කණ්ඩායමෙන් ඉවත් කිරීමට ද පියවර ගෙන තිබේ.
දසුන් ශානක, පැතුම් නිස්සංක, කමිල් මිෂාර, කුසල් මෙන්ඩිස්, කුසල් ජනිත් පෙරේරා, චරිත් අසලංක, ජනිත් ලියනගේ, පවන් රත්නායක, වනිඳු හසරංග, දුනිත් වෙල්ලාලගේ, මහීෂ් තීක්ෂණ, දුෂ්මන්ත චමීර, මතීෂ පතිරණ සහ එෂාන් මාලිංග මෙම කණ්ඩායමට ඇතුළත්ව සිටින ක්රීඩකයින් වෙති.
ශ්රී ලංකාවට කඩුලු 6ක පරාජයක්….
සංචාරක එංගලන්ත කණ්ඩායම හමුවේ දෙවන විස්සයි20 ක්රිකට් තරගයෙන්ද කඩුලු 6ක පරාජයක් ලැබීමට ශ්රී ලංකා කණ්ඩායමට අද (1) සිදුවිය.
ඒ අනුව තවත් තරගයක් ඉතිරිව තිබියදීම ශ්රී ලංකාව තරගාවලි පරාජය භාරගත්තේය.
ශ්රී ලංකාව ලැබූ මෙම පරාජය සැලකෙන්නේ ඔවුන් එංගලන්තය හමුවේ අඛණ්ඩව ලැබූ 10වන විස්සයි20 තරග පරාජය ලෙසය.
ශ්රී ලංකාව වසර 12කින් එනම්, 2014 වසරේ සිට මේ දක්වා එංගලන්තයට එරෙහිව පැවති කිසිදු විස්සයි20 තරගයක් ජයගෙන නොමැත.
පල්ලේකැලේ ක්රීඩාංගණයේ පැවති මෙම තරගයේ පළමුව පන්දුවට පහරදුන් ශ්රී ලංකා කණ්ඩායම පන්දුවාර 20 තුළදී කඩුලු 5ක් දැවී ලකුණු 189ක් රැස්කිරීමට සමත් විය.
ඒ අනුව එංගලන්ත කණ්ඩායමට ලකුණු 190ක ඉලක්කයක් හිමිවිය.
කෙසේ නමුත් ඔවුන් පිළිතුරු ඉනිම ක්රීඩාකරමින් සිටියදී වර්ෂාවෙන් බාධා එල්ල වූ අතර, ඒ හේතුවෙන් ඩක්වර්ත් ලුවිස් න්යාය අනුව පන්දුවාර 17කදී ලකුණු 168ක ඉලක්කයක් ලබාදීමට තරග තීරකවරයා කටයුතු කළේය.
ඒ අනුව කඩුලු 4ක් දැවී තිබියදී අවසන් පන්දුවාරයේදී (16.4) පසුකර යෑමට එංගලන්තයට හැකිවිය.
එංගලන්තය වෙනුවෙන් ටොම් බෙන්ටන් පන්දු 33කින් ලකුණු 54ක් රැස්කළ අතර, නායක හැරී බෘෘක් පන්දු 12කින් ලකුණු 36ක් රැස්කළහ.
පෙර තරගයේ දී සාර්ථක පන්දු යැවීමක නිරත වූ මතීෂ අද තරගයේ දී කඩුලු 2ක් දවාගැනීමට සමත්වුවද, ඒ වෙනුවෙන් ඔහු පන්දුවාර 4 තුළදී ලකුණු 47ක් ලබාදුන්නේය.
එංගලන්තයට එරෙහිව ශ්රී ලංකාවට ලකුණු 19ක ජයක්…..
සංචාරක එංගලන්ත කණ්ඩායමට එරෙහි එක්දින ක්රිකට් තරගාවලිය ආරම්භ කරමින් අද (22) පැවති තරගයෙන් ලකුණු 19ක ජයක් ලැබීමට ශ්රී ලංකා කණ්ඩායම සමත් විය.
ඒ අනුව තරග 3කින් යුත් තරගාවලිය තරග 1-0ක් ලෙස ශ්රී ලංකාව පෙරමුණ ගත්තේය.
කොළඹ ආර්. ප්රේමදාස ක්රීඩාංගණයේ පැවති මෙම තරගයේ ශ්රී ලංකා කණ්ඩායම ලබාදුන් ලකුණු 272ක ඉලක්කයට පිළිතුරු ලෙස එංගලන්තයට පන්දුවාර 49.2කදී සියලු දෙනා දැවී රැස්කිරීමට හැකිවූයේ ලකුණු 252ක් පමණි.
එංගලන්ත ඉනිම ඔසවා තැබූ බෙන් ඩකට් (62) හා ජෝ රූට් (61) රැස්කළ අර්ධ ශතක රැස්කළහ.
අවසන් පන්දුවාර කිහිපයේ දී එංගලන්තයට බලාපොරොත්තුවක් රැගෙන ආ ජෙමී ඔවර්ටන් පන්දු 17කින් ලකුණු 34ක් රැස්කිරීමට සමත් විය.
ශ්රී ලංකාව වෙනුවෙන් ජෙෆ්රි වැන්ඩර්සේ (2/39), දුනිත් වෙල්ලාලගේ (2/41) හා ප්රමෝද් මධුෂාන් (3/39) පන්දු යැවීමෙන් දක්ෂතා දැක්වූහ.
එංගලන්ත කණ්ඩායමක් ශ්රී ලංකාවේ එක්දින තරග සංචාරකට එක්ව ඇත්තේ වසර 7කට පමණ පසුවය.
අවසන්වරට ඔවුන් 2018 වසරේ දී මෙරට සංචාරයක නිරත වූ අතර, එහිදී තරග 5කින් යුත් තරගාවලිය තරග 3-1ක් ලෙස ජයගැනීමට ඔවුන් සමත් විය.
T20 ලෝක කුසලානය මෙරට ප්රදර්ශනය කිරීමේ සංචාරය නිල වශයෙන් ඇරඹේ…..
2026 වසරේ ඉන්දියාව සහ ශ්රී ලංකාව විසින් සම-සත්කාරකත්වය දරනු ලබන ICC පන්දුවාර විස්සයි-20 ලෝක කුසලාන ක්රිකට් තරගාවලියේ කුසලානය මෙරට ප්රදර්ශනය කරමින්, කරනු ලබන සංචාරය නිල වශයෙන් ආරම්භ කිරීම ජනාධිපති අනුර කුමාර දිසානායක මහතාගේ ප්රධානත්වයෙන් අද (21) පස්වරුවේ ජනාධිපති කාර්යාලයේදී සිදව තිබේ.
අද සිට 24 දක්වා දින හතරක් දිවයිනේ ප්රධාන නගර කිහිපයකදී මෙය ප්රදර්ශනය කෙරෙන අතර, කොළඹ ආර්. ප්රේමදාස ජාත්යන්තර ක්රීඩාංගණයේදී පැවැත්වෙන ශ්රී ලංකා– එංගලන්ත එක්දින තරගය අතරතුරදී ක්රීඩා ලෝලීන්ට මෙම රන් කුසලානය සමීපව දැකබලා ගැනීමට අවස්ථාව හිමි වේ.
ඉන් අනතුරුව, මහනුවර, දඹුල්ල සහ යාපනය යන නගර කරා ද කුසලානය රැගෙන යාමට සැලසුම් කර ඇති අතර, එම ප්රදේශවල වෙසෙන ක්රීඩා ලෝලීන්ටද ලෝක කුසලානය සමඟ සමරු ඡායාරූප ලබා ගැනීමට සහ එය දැකබලා ගැනීමට අවස්ථාව සලසා දී තිබේ.
ලෝක කුසලාන තරගාවලියක් මෙරට පැවැත්වීමට පෙර ඒ සඳහා උද්යෝගය සහ ප්රේක්ෂක අවධානය ඉහළ නැංවීම මෙම සංචාරයේ ප්රධාන අරමුණ වේ.
ICC පන්දුවාර විස්සයි-20 ලෝක කුසලාන ක්රිකට් තරගාවලිය ශ්රී ලංකාවේ සහ ඉන්දියාවේ සම-සත්කාරකත්වයෙන් පෙබරවාරි 07 වන දා සිට මාර්තු 08 වන දා දක්වා පැවැත්වීමට නියමිතය.
2012 වසරේ පවත් වන ලද පන්දුවාර විස්සයි-20 ලෝක කුසලාන ක්රිකට් තරගාවලියෙන් පසු ශ්රී ලංකාව සත්කාරකත්වය දරන දැවැන්තම තරගාවලිය වන්නේ මෙම ලෝක කුසලාන ක්රිකට් තරගාවලියයි.
ලෝක කුසලාන ක්රිකට් තරගාවලියේ කාල සටහන එළිදැක්වීම ඉකුත් 2025 වසරේ නොවැම්බර් 25 වන දා ඉන්දියාවේදී සිදු කෙරුණු අතර, එහිදී අන්තර්ජාතික ක්රිකට් කවුන්සිලය (ICC) විසින් ශ්රී ලංකාවේ තරග පැවැත්වෙන ක්රීඩාංගණ ලෙස, කොළඹ ආර්. ප්රේමදාස ජාත්යන්තර ක්රීඩාංගණය, පල්ලේකැලේ ජාත්යන්තර ක්රීඩාංගණය සහ කොළඹ එස්. එස්. සී. ක්රීඩාංගණය තෝරා ගන්නා ලදී.
ඒ අනුව, කොළඹ ආර්. ප්රේමදාස ජාත්යන්තර ක්රීඩාංගණයේ තරග 8ක්ද, කොළඹ එස්.එස්.සී. ක්රීඩාංගණයේ තරග 5ක්ද, පල්ලේකැලේ ජාත්යන්තර ක්රීඩාගංණයේ තරග 7ක්ද වශයෙන් පැවැත්වීමට නියමිතය.
මෙවර තරගාවලිය සඳහා රටවල් 20ක් සහභාගි වීමට නියමිතය. මෙම තරගාවලියේ තරග 20ක් ශ්රී ලංකාවේදී පැවැත්වීමට නියමිත අතර, එහිදී පාකිස්තානු කණ්ඩායම සහභාගි වන සියලුම තරග ශ්රී ලංකාවේදී පැවැත්වෙනු ඇත.
එසේම, අවසන් පූර්ව සහ අවසන් මහා තරග සඳහා සහභාගි වීමට පාකිස්තානු කණ්ඩායම වරම් ලදහොත් එම තරග දෙකේ සත්කාරකත්වයද ශ්රී ලංකාව විසින් දරනු ලැබීමද විශේෂත්වයකි. එසේ වුවහොත් අවසන් මහා තරගය කොළඹ ආර්. ප්රේමදාස ජාත්යන්තර ක්රීඩාංගණයේදී පැවැත්වෙන අතර, එවිට ශ්රී ලංකාවේ පැවැත්වීමට නියමිත තරග සංඛ්යාව 22 දක්වා ඉහළ යනු ඇත.
සත්කාරක රටවල් ලෙස ශ්රී ලංකාව සහ ඉන්දියාව හැරුණු කොට එංගලන්තය, දකුණු අප්රිකාව, නවසීලන්තය, පාකිස්තානය, බටහිර ඉන්දීය කොදෙව්, බංග්ලාදේශය, අයර්ලන්තය, සිම්බාබ්වේ සහ ඇෆ්ගනිස්තානය යන ටෙස්ට් ක්රිකට් ක්රීඩා කරන රටවල් මෙවර තරගාවලිය නියෝජනය කරන අතර,
ඊට අමතරව ඇමරිකා එක්සත් ජනපදය, කැනඩාව, ඉතාලිය, නෙදර්ලන්තය, නැමීබියාව, නේපාලය, ඕමානය සහ එක්සත් අරාබි එමීර් රාජ්යයද මෙවර තරගාවලියට දායකත්වය දක්වන සෙසු රටවල් වේ.
2026 වසර ආරම්භයේදී ශ්රී ලංකාවේ පැවැත්වෙන මෙම පන්දුවාර විස්සයි-20 ලෝක කුසලාන ක්රිකට් තරගාවලිය, රටේ ආර්ථිකයට, සංචාරක කර්මාන්තයට, ක්රීඩා සංවර්ධනයට, ජාත්යන්තර වශයෙන් ප්රචාරණයට සහ සමාජය පිළිබඳ ඵලදායී වටිනාකමක් ලබා දීමට හැකි වන විශිෂ්ට අවස්ථාවක් ලෙස සැලකිය හැකිය.
විශේෂයෙන්, විදේශීය සංචාරකයින් ඇතුළු කණ්ඩායම්, මාධ්ය කණ්ඩායම් සහ දහස් සංඛ්යාත ප්රේක්ෂකයින් ශ්රී ලංකාවට පැමිණීමෙන් විශාල විදේශ විනිමය ආදායමක් රටට හිමිවනු ඇත. එසේම හෝටල් සහ ආහාර-පාන ව්යාපාර, ප්රවාහන සේවා, තාක්ෂණික සහ වැඩබලන සේවා ඇතුළු විවිධ ක්ෂේත්රවල කෙටි සහ දිගු කාලීන රැකියා අවස්ථා උදා වනු ඇති බව අපේක්ෂා කෙරේ.
ශ්රී ලංකාව සංචාරක ගමනාන්තයක් ලෙස ලෝකය හඳුනා ගැනීමත් සමඟ එමඟින් නව ආයෝජන අවස්ථා හිමි වීම මෙන්ම ශ්රී ලංකාව වසරේ සෑම මාසයකදීම ක්රීඩා සංචාරක කේන්ද්රස්ථානයක් ලෙස හඳුනා ගැනීමත්, ජාත්යන්තරය තුළ ශ්රී ලංකාවේ කීර්තිනාමය ප්රචලිත වීම වැනි දිගුකාලීන ප්රතිලාභ මෙම තරගාවලිය සඳහා ශ්රී ලංකාවේ සත්කාරකත්වය ලබා දීම මගින් හිමි වනු ඇත.
ජාත්යන්තර ඔලිම්පික් කමිටුවෙන් ශ්රී ලංකාවට දැනුම්දීමක්…..
එළැඹෙන අප්රේල් මස අවසානය වන විට වාර්ෂික මහා සභා රැස්වීම පවත්වන ලෙස ජාත්යන්තර ඔලිම්පික් කමිටුව (IOC) විසින් ශ්රී ලංකා ජාතික ඔලිම්පික් කමිටුවට (NOC) උපදෙස් දී තිබේ.
ඔවුන් වැඩිදුරටත් දන්වා ඇත්තේ ඒ වනවිට වෝහාරික විගණනය අවසන් කර ඒ සම්බන්ධයෙන් කටයුතු කරනු ඇතැයි අපේක්ෂා කරන බවය.
ශ්රී ලංකාවට කඩුලු 6ක පරාජයක්…..
සංචාරක පාකිස්තාන කණ්ඩායමට එරෙහි පළමු විස්සයි20 ක්රිකට් තරගාවලියෙන් කඩුලු 6ක පරාජයක් භාරගැනීමට සත්කාරක ශ්රී ලංකා කණ්ඩායමට අද (7) සිදුවිය.
ඒ අනුව තරග 3කින් යුත් තරගාවලිය තරග 1-0ක් ලෙස පාකිස්තානය තරගාවලියේ පෙරමුණ ගත්තේය.
මෙහිදී ශ්රී ලංකා කණ්ඩායම ලබාදුන් ලකුණු 129ක පහසු ඉලක්කය කඩුලු 4ක් දැවී තිබියදී තරගයේ 17( 16.4)වන පන්දුවාරයේදී පසුකර යෑමට පාකිස්තානය සමත් විය.
විශිෂ්ට පිතිහරඹයක නිරත වූ සහිබ්සදා ෆර්හාන් පන්දු 36කට මුහුණදෙමින් ලකුණු 51ක් රැස්කර පාකිස්තානු ජය පහසු කළේය.
ශ්රී ලංකාව වෙනුවෙන් මහීෂ් තීක්ෂණ, දුෂ්මන්ත චමීර, වනිඳු හසරංග හා ධනංජය ද සිල්වා එක් කඩුල්ල බැගින් දවාගත්හ.
ක්රිකට් තේරීම් කමිටුව පත් කෙරේ….
ජාතික ක්රිකට් තේරීම් කමිටුවේ සභාපතිවරයා ලෙස ප්රමෝද්ය වික්රමසිංහ මහතා පත්කර ඇති බව තරුණ කටයුතු සහ ක්රීඩා අමාත්යංශය පවසයි.
එමෙන්ම එම තේරීම් කමිටුවේ සෙසු සාමාජිකයින් ලෙස ඉන්දික ද සේරම්, තරංග පරණ විතාන, විනෝතන් ජෝන් සහ රසාංජලි ද අල්විස් යන මහත්ම මහත්මීන් පත් කර ඇත.
1973 අංක 25 දරන ක්රීඩා නීතියේ 39 -1 වගන්තිය ප්රකාරව සහ 2437/24 2025 මැයි 21 අති විශේෂ ගැසට් පත්රය අනුව මෙම පත් කිරීම සිදුකර ඇති බව තරුණ කටයුතු සහ ක්රීඩා අමාත්යංශය වැඩිදුරටත් සඳහන් කරයි.
චන්දික හතුරුසිංහ ශ්රී ලංකා ක්රිකට් ආයතනයට එරෙහිව නඩු පවරයි…
ශ්රී ලංකා ක්රිකට් හිටපු ප්රධාන පුහුණුකරුවෙකු වන චන්දික හතුරුසිංහ ශ්රී ලංකා ක්රිකට් ආයතනයට එරෙහිව යළි නඩු පවරා තිබේ.
ඒ, ස්විට්සර්ලන්තයේ අන්තර්ජාතික ක්රීඩා බේරුම්කරන අධිකරණයේදීය.
සිය කොන්ත්රාත් කාලය අවසන් වීමට පෙර කොන්ත්රාත්තුව අවසන් කිරීම හේතුවෙන් තමන්ට සිදුවූ අපහාසය සහ මුල්යමය පාඩුව වෙනුවෙන් වන්දි ඉල්ලා මීට පෙර ද ඔහු එම අධිකරණයේ නඩුවක් ගොනුකළේය.
එම නඩුව හරහා හතුරුසිංහ සිය ආදායම් අහිමි වීම, සාධාරණ අවස්ථාව අහිමි වීම සහ කීර්ති නාමයට හානි කිරීම පිළිබඳ ශ්රී ලංකා ක්රිකට් ආයතනයට චෝදනා කරමින් අමෙරිකානු ඩොලර් මිලියන 5ක වන්දියක් ඉල්ලා සිටියේය.