Sports
එළැඹෙන අප්රේල් මස අවසානය වන විට වාර්ෂික මහා සභා රැස්වීම පවත්වන ලෙස ජාත්යන්තර ඔලිම්පික් කමිටුව (IOC) විසින් ශ්රී ලංකා ජාතික ඔලිම්පික් කමිටුවට (NOC) උපදෙස් දී තිබේ.
ඔවුන් වැඩිදුරටත් දන්වා ඇත්තේ ඒ වනවිට වෝහාරික විගණනය අවසන් කර ඒ සම්බන්ධයෙන් කටයුතු කරනු ඇතැයි අපේක්ෂා කරන බවය.
සංචාරක පාකිස්තාන කණ්ඩායමට එරෙහි පළමු විස්සයි20 ක්රිකට් තරගාවලියෙන් කඩුලු 6ක පරාජයක් භාරගැනීමට සත්කාරක ශ්රී ලංකා කණ්ඩායමට අද (7) සිදුවිය.
ඒ අනුව තරග 3කින් යුත් තරගාවලිය තරග 1-0ක් ලෙස පාකිස්තානය තරගාවලියේ පෙරමුණ ගත්තේය.
මෙහිදී ශ්රී ලංකා කණ්ඩායම ලබාදුන් ලකුණු 129ක පහසු ඉලක්කය කඩුලු 4ක් දැවී තිබියදී තරගයේ 17( 16.4)වන පන්දුවාරයේදී පසුකර යෑමට පාකිස්තානය සමත් විය.
විශිෂ්ට පිතිහරඹයක නිරත වූ සහිබ්සදා ෆර්හාන් පන්දු 36කට මුහුණදෙමින් ලකුණු 51ක් රැස්කර පාකිස්තානු ජය පහසු කළේය.
ශ්රී ලංකාව වෙනුවෙන් මහීෂ් තීක්ෂණ, දුෂ්මන්ත චමීර, වනිඳු හසරංග හා ධනංජය ද සිල්වා එක් කඩුල්ල බැගින් දවාගත්හ.
ජාතික ක්රිකට් තේරීම් කමිටුවේ සභාපතිවරයා ලෙස ප්රමෝද්ය වික්රමසිංහ මහතා පත්කර ඇති බව තරුණ කටයුතු සහ ක්රීඩා අමාත්යංශය පවසයි.
එමෙන්ම එම තේරීම් කමිටුවේ සෙසු සාමාජිකයින් ලෙස ඉන්දික ද සේරම්, තරංග පරණ විතාන, විනෝතන් ජෝන් සහ රසාංජලි ද අල්විස් යන මහත්ම මහත්මීන් පත් කර ඇත.
1973 අංක 25 දරන ක්රීඩා නීතියේ 39 -1 වගන්තිය ප්රකාරව සහ 2437/24 2025 මැයි 21 අති විශේෂ ගැසට් පත්රය අනුව මෙම පත් කිරීම සිදුකර ඇති බව තරුණ කටයුතු සහ ක්රීඩා අමාත්යංශය වැඩිදුරටත් සඳහන් කරයි.
ශ්රී ලංකා ක්රිකට් හිටපු ප්රධාන පුහුණුකරුවෙකු වන චන්දික හතුරුසිංහ ශ්රී ලංකා ක්රිකට් ආයතනයට එරෙහිව යළි නඩු පවරා තිබේ.
ඒ, ස්විට්සර්ලන්තයේ අන්තර්ජාතික ක්රීඩා බේරුම්කරන අධිකරණයේදීය.
සිය කොන්ත්රාත් කාලය අවසන් වීමට පෙර කොන්ත්රාත්තුව අවසන් කිරීම හේතුවෙන් තමන්ට සිදුවූ අපහාසය සහ මුල්යමය පාඩුව වෙනුවෙන් වන්දි ඉල්ලා මීට පෙර ද ඔහු එම අධිකරණයේ නඩුවක් ගොනුකළේය.
එම නඩුව හරහා හතුරුසිංහ සිය ආදායම් අහිමි වීම, සාධාරණ අවස්ථාව අහිමි වීම සහ කීර්ති නාමයට හානි කිරීම පිළිබඳ ශ්රී ලංකා ක්රිකට් ආයතනයට චෝදනා කරමින් අමෙරිකානු ඩොලර් මිලියන 5ක වන්දියක් ඉල්ලා සිටියේය.
ඉන්දියාවේ රාංචි හි පැවති 4 වන දකුණු ආසියානු මලල ක්රීඩා ශූරතාවලියේ ශ්රී ලාංකික හෙල්ල විසි කිරීමේ ක්රීඩක රුමේෂ් තරංග දක්ෂතම පිරිමි ක්රීඩකයා සම්මානයෙන් පිදුම් ලැබ තිබේ.
ඊයේ (26) පැවති පිරිමි හෙල්ල විසිකිරීම ඉසව්වේ රන් පදක්කමට හිමිකම් කීමට රුමේෂ් තරංග සමත් විය.
ඔහු ඉසව්ව ජයග්රහණය කළේ මීටර් 84.29ක දුරක් හෙල්ල විසිකරමින්ය.
බහරේන් හිදී පැවැත්වෙන තුන්වන ආසියානු යොවුන් ක්රීඩා උලෙළේදී අද පැවැති මලල ක්රීඩා ඉසව් කිහිපයකින් ශ්රී ලංකාවට පදක්කම් කිහිපයක් දිනා ගැනීමට සමත්වූහ.
චමෝද් යෝධසිංහට රන් පදක්කමක්
දකුණු ආසියානු මලල ක්රීඩා ශූරතා තරගාවලියේ පිරිමි මීටර 100 ධාවන ඉසව්වේ රන් පදක්කම හිමිකර ගැනීමට චමෝද් යෝධසිංහ සමත් වුණි.
ඒ මිනිත්තු 10.30කින් තරගය අවසන් කරමිනි.
චතුර දුලාංජනගෙන් ශ්රී ලංකාවට ලෝකඩ පදක්කමක්
බහරේනයේ පැවැති 3 වන ආසියානු යොවුන් ක්රීඩා උලෙළේදී පිරිමි හෙල්ල විසි කිරීමේ ඉසව්වෙන් ලෝකඩ පදක්කමක් දිනා ගැනීමට ශ්රී ලංකාව සමත්ව තිබේ.
ඒ චතුර දුලාංජන විසින් මීටර් 62.51 ක දුරක් වාර්තා කරමිනි.
ශානුක කොස්තාගෙන් ලෝකඩ පදක්කමක්
බහරේනයේ පැවති 2025 ආසියානු යොවුන් ක්රීඩා උළෙලේ පිරිමි මීටර් 400 ඉසව්වෙන් තත්පර 47.72 ක කාලයක් වාර්තා කරමින් ශ්රී ලංකාවේ ශානුක කොස්තා ලෝකඩ පදක්කම දිනා ගත්තේය.
ශ්රී ලංකා යොවුන් මෝටර් රථ ධාවක යෙවාන් ඩේවිඩ් යූරෝ ෆෝමියුලා විවෘත තරගාවලියේ රුකී ශූරතාව දිනා ගැනීමට සමත් වී තිබේ.
ඒ මෙම තරගාවලියේ ඉතාලියේ මොන්සා හි පැවැති 8 වැනි අදියරේ දෙවන තරගයේ දෙවන ස්ථානය දිනා ගනිමින්ය.
යූරෝ ෆෝමියුලා විවෘත තරගාවලියක රුකී ශූරතාව දිනූ පළමු ශ්රී ලාංකිකයා වන්නේ යෙවාන් ඩේවිඩ් ය.
පාකිස්තානය විසින් ඇෆ්ගනිස්තානයට එල්ලකළ ගුවන් ප්රහාරයකින් ඇෆ්ගනිස්තාන දේශීය ක්රිකට් ක්රීඩකයින් තිදෙනෙකු ජීවිතක්ෂයට පත්ව ඇති බව එරට ක්රිකට් ආයතනය පවසයි.
පක්ටිකා පළාතට එල්ල වූ ප්රහාරයකින් මෙම ඇෆ්ගනිස්තාන ක්රීඩකයින් තිදෙනා මියගොස් ඇත.
මෙලෙස මියගොස් ඇත්තේ කබීර්, සිබ්ගතුල්ලා සහ හරූන් නම් ක්රිකට් ක්රීඩකයන්ය.
ඔවුන් ක්රිකට් තරගයකට සහභාගී වී පක්ටිකා වෙත ගොස් යළි නිවසට පැමිණි අතරතුර මෙම ප්රහාරයට මුහුණ දී ඇත.
ඒ අනුව මෙම ප්රහාරයෙන් මියගිය අයට ගෞරව දැක්වීමක් ලෙස ශ්රී ලංකාව හා පාකිස්තානය සමගින් නොවැම්බර් මස පැවැත්වීමට නියමිත තුන්කොන් විස්සයි20 ක්රිකට් තරගාවලියෙන් ඉවත්වන බව ඇෆ්ගනිස්තාන ක්රිකට් ආයතනය පවසයි.
මෙම ප්රහාරයෙන් එරට සිවිල් වැසියන් 5 දෙනෙකුද ජීවිතක්ෂයට පත්ව ඇත.
ආසියානු කුසලාන විස්සයි20 ක්රිකට් තරගාවලියේ අවසන් මහ තරගයේ ශූරතාව හිමිකරගත් ඉන්දීය කණ්ඩායම කුසලානය ලබා ගැනීම ප්රතික්ෂේප කර තිබේ.
ඒ කුසලානය ලබා දීමට සූදානම් වූ පාකිස්තාන ස්වදේශ කටයුතු අමාත්ය මෙන්ම ආසියානු ක්රිකට් කවුන්සිලයේ සභාපති මොහ්සින් නක්වි අතින් කුසලානය ලබා ගැනීමට තිබූ අකමැත්ත හේතුවෙනි.
“පාකිස්තානයේ අමාත්යවරයෙකු වන ACC සභාපතිවරයාගේ අතින් ආසියානු කුසලානය ලබා නොගැනීමට අපි තීරණය කර තිබෙනවා” යැයි ඉන්දියාවේ ක්රිකට් පාලක මණ්ඩලය පැවසීය.
කුසලානය ලබා දීමේ අවස්තාවේදී “අද රාත්රියේ ඉන්දීය ක්රිකට් කණ්ඩායම ඔවුන්ගේ සම්මාන ලබා නොගන්නා බව ආසියානු ක්රිකට් කවුන්සිලය මට දන්වා තිබෙනවා,” යැයි නිවේදකයා එහිදී පැවසීය.
උත්සවයෙන් පසු පැවැති මාධ්ය හමුවේදී ඉන්දීය නායක සූර්යකුමාර් යාදව් පැවසුවේ තමන් ක්රිකට් ක්රීඩා කිරීමට පටන් ගත් දා සිට ශූර කණ්ඩායමකට කුසලානයක් අහිමි වීම තමන් දැක නොමැති බවය.
කෙසේ වෙතත් ආසියානු කුසලානය ලබා ගැනීම ප්රතික්ෂේප කළ ඉන්දීය කණ්ඩායම කුසලානය නොමැතිව සිය ජයග්රහණය සමරනු ලැබීය.
ඊයේ පැවැති අවසන් තරගයේදී පාකිස්තාන කණ්ඩායමනේ හිමිවූ ලකුණු 147 ඉලක්කයට පිළිතරු ලෙස ඉන්දීය කණ්ඩායම කඩුලු 5ක් දැවී ලකුණු 150ක් ලබා ගනිමින් තරගයේ ජයග්රහණය ලබා ගැනීමට සමත්විය.
ආසියානු කුසලාන ක්රිකට් තරගාවලියේ මූලික වටයේ පාකිස්තානයට එරෙහිව පැවති තරගයෙන් පසු ‘පහල්ගම්’ ප්රහාරය ගැන අදහස් දැක් වූ ඉන්දීය නායක සූර්යකුමාර් යාදව්ට එරෙහිව ICCය දඩ නියමකර ඇති බව වාර්තා වේ.
ඒ අනුව ඔහුගේ තරග ගාස්තුවෙන් 30%ක දඩයක් නියම කර ඇති බව සඳහන්.
මේ මස ඉකුත් 14 වනදා මෙම තරගය පැවති අතර, එම තරගයෙන් පාකිස්තානය කඩුලු 7කින් පරාජය කිරීමට ඉන්දීය කණ්ඩායම සමත් විය.
එම තරගයෙන් අනතුරුව පැවති මාධ්ය සාකච්චාවේදී ඉන්දීය නායකයා පවසා සිටියේ, එම ජයග්රහණය ඉන්දීය සන්නද්ධ හමුදාවන්ට වෙනුවෙන් කැපකරන බවයි.
එමෙන්ම ‘පහල්ගම්’ ත්රස්ත ප්රහාරයෙන් විපතට පත්වූවන් සහ ඔවුන්ගේ පවුල් සමග බේදාගන්නා බවය.
පාකිස්තානය එම ප්රකාශයට එරෙහිව ICCයට පැමිණිළි කරනු ලැබීය.
ඒ අනුව ICC තරග තීරක රිචී රිචඩ්සන්ගේ ප්රධානත්වයෙන් පැවති විධිමත් සොයාබැලීමකින් අනතුරුව මෙම දඩ පැනීමේ අවසන් තීරණය ගෙන ඇති බව වාර්තා වේ.
මෙම දඬුවමට එරෙහිව ඉන්දියාව ද අභියාචනයක් ඉදිරිපත් කර ඇති බව සඳහන්.
කෙසේ නමුත් තරග ගාස්තුවට අමතරව වෙනත් දඬුවමක් පනවනවාද යන්න පිළිබඳ අවසන් තීරණය හෙට (28) පැවැත්වෙන ආසියානු කුසලාන අවසන් මහා තරගයෙන් පසුව ප්රකාශයට පත්කිරීමට නියමිතව ඇති බවද වාර්තා වේ.
එමෙන්ම තරගවලියේ අතරතුරදී යළි දේශපාලනික අර්ථ දැක්වීම් හැඟවෙන කිසිදු ප්රකාශයක් සිදු නොකරන ලෙසද ඔහුට දන්වා ඇති බවද සඳහන්.
පහල්ගම් ප්රහාරය මුල්කරගනිමින් ඉන්දීය කණ්ඩායම කාසියේ වාසිය උරාගා බැගීමේ සිට තරගය අවසන්වීම දක්වා කිසිදු අවස්ථාවදී පාකිස්තාන ක්රීඩකයින් සමග සාම්ප්රදායික අතට අත දීමෙන්ද වැළකී සිටියේය.
ඉන්දියාවේ ජනප්රිය සංචාරක ප්රදේශයක් වන දකුණු කාශ්මීරයේ පහල්ගම්හි ඉකුත් අප්රේල් මස ඉස්ලාමීය බෙදුම්වාදී කණ්ඩායමක් විසින් සිදුකළ වෙඩිතැබීමකින් පුද්ගලයින් 26 දෙනෙකු ජීවිතක්ෂයට පත්විය.
කෙසේ නමුත් මෙම ප්රහාරය පිටුපස පාකිස්තානය සිටින බවට ඉන්දියාව චෝදනා කළේය.
ඒ හේතුවෙන් එම රටවල් දෙක අතර වෙඩි හුවමාරු කිහිපයක් සිදු වූ අතර, යුද්ධයක්ද ඇතිවීමට ගොස් අවසන් මෙහොතේ දෙරටම නිහඬ විය.
