අධ්යාපන ප්රතිසංස්කරණ ක්රියාත්මක කිරීම හරහා සාර්ථක පල නෙලා ගැනීමට සැබවින්ම අවශ්යතාවයක් ඇත්නම් ඒ සම්බන්ධයෙන් විදුහල්පතිවරු සහ ගුරුවරු සමග ප්රමාණාත්මක ලෙස සාකච්ඡාවක් සිදු කර නම්යශීලී ලෙස කටයුතු කළ යුතු බව විදුහල්පති ශ්රේණිධාරීන්ගේ සංගමයේ ප්රධාන ලේකම් නිමල් මුදුන්කොටුව මහතා පවසයි.
එසේ සාකච්ඡාවන් සිදු නොකර ජනවාරි 5වනදා සිට පස්වරු 2.00 දක්වා පාසල් පැවැත්වීමට කටයුතු කරන්නේ නම් වෘත්තීය ක්රියාමාර්ගයකට පිවිසෙන බවද ඒ මහතා වැඩිදුරටත් සඳහන් කළේය.
ඒ අනුව ජනවාරි 5වනදාට ප්රථම මේ සඳහා පැහැදිලි පිළිතුරක් ලබා දීමට කටයුතු කරන ලෙස ද ඔහු මෙහිදී ඉල්ලා සිටියේය.
එමෙන්ම 6 ශ්රේණිය සඳහා අධ්යාපන ප්රතිසංස්කරණ සිදු කිරීම හරහා අනෙක් පංති 5 තුළ සහ උසස් පෙළ පංති තුළ දැඩි අර්බුදයක් හටගෙන ඇති බවත් මෙම ගැටලු නිරාකරණය කර ගැනීමට නම් අධ්යාපන වෘත්තීය සමිති සහ ප්රාමාණිකයින් සමග සාකච්ඡා කළ යුතු බවත් නිමල් මුදුන්කොටුව මහතා පවසයි.
ලෝක බැංකුව හා ආසියා බැංකුව සමග සාකච්ඡා සිදු කිරීම හරහා මෙරට අධ්යාපන ප්රතිසංස්කරණ පැල කළ නොහැකි බවද ඔහු මෙහිදී වැඩිදුරටත් පැවසීය.
අධ්යාපන ප්රතිසංස්කරණ ක්රියාත්මක කරන්නේ නම් ඊට කලින් සිදු කළ යුතු ක්රියාදාමයන් ඇති බවත් ඒවා අනුගමනය නොකොට අවසානයට කළ යුතුව ඇති ප්රතිසංස්කරණ මුලින්ම සිදු කිරීමට යාම හරහා මෙය සාර්ථක කර ගැනීමට නොහැකි බවද ඒ මහතා සඳහන් කර සිටියේය.
ඔහු පැවසුවේ පාසල පස්වරු 2.00 දක්වා පැවැත්වීම හා කාලච්ඡේද මිනිත්තු 50 දක්වා දීර්ඝ කිරීම අසාර්ථක බවත් එය වහාම හකුලා ගැනීමට කටයුතු කළ යුතු බවත් ය.
ජනවාරි 5වනදා පාසල් ආරම්භ කිරීමත් සමග 6 ශ්රේණියට සහ ජනවාරි අග භාගයේ දී 1 ශ්රේණියට බදවා ගන්නා සිසුන්ට අධ්යාපන ප්රතිසංස්කරණ ක්රියාත්මක කළ යුතු බවට අධ්යාපන අමාත්යංශය දැනුම් දී තිබුණ ද මේ වන විට එය බරපතළ ගැටලුවක් වී ඇති බව ද ලේකම්වරයා මෙහිදී සඳහන් කළේය.
එමෙන්ම අනෙක් ශ්රේණි සඳහා පාසල් කාල සටහන් සකස් කළ යුතු බවට පැවසුවද එය මේ වන විට සිව් වතාවක් චක්රලේක මගින් වෙනස් කර ඇති බවද ඒ මහතා වැඩිදුරටත් පැවසීය.
කලින් වර්ෂවලදී පාසල් කාලසටහන මේ වන විට අනුමත කරගෙන අවසන් බවද නමුත් මෙම වසරේ තවමත් එම අනුමැතිය ලබා ගැනීමට අධ්යාපන අමාත්යංශය අවශ්ය සහයෝහය ලබා දී නොමැති බවද ඔහු මෙහිදී කියා සිටියේය.
නිමල් මුදුන්කොටුව මහතා සඳහන් කළේ එය විදුහල්පතිවරුන්ට හා ගුරුවරුන්ට ගැටලුවක් වී ඇති බවත් එමෙන්ම කාලසටහන අනුමත කිරීමට අවශ්ය උපදෙස් කලාප කාර්යාලවලට හා කොට්ඨාශ අධ්යාපන කාර්යාලවලට ලබා දී නොමැති බවත් ය.
මිනිත්තු 40 කාලච්ඡේදයකට සෑදු විෂය නිර්දේශයක් මිනිත්තු 50ක කාලච්ඡේදයකට අනුව සිදු කිරීම ගැටලුවක් වන බවත් එය සිදු කරන ආකාරය පිළිබඳව මේ වන තෙක් අධ්යාපන අමාත්යංශය විසින් කිසිඳු දැනුම් දීමක් සිදු කර නොමැති බවත් මාධ්ය වෙත අදහස් දක්වමින් ඔහු පැවසුවේය.
එමෙන්ම ප්රතිසංස්කරණවලට අදාළ මොඩුයුල එකක්වත් කිසිදු පාසලකට මේ වන තෙක් ලැබී නොමැති අතර ජනවාරි 5වනදා පාසල් ආරම්භ කරමින් ඉගැන්වීම් කටයුතු සිදු කරන්නේ කෙලෙස ද යන්න පිළිබඳ ගැටලුවක් පවතින බව ද ඔහු මෙහිදී අදහස් දක්වමින් සඳහන් කර සිටියේය.
