ඉන්දියාවේ විශාකාපට්නම් සිට යළි ඉරානය බලා පිටව යමින් තිබූ අයිරිස් ඩේනා නෞකාව තුළ 180 දෙනෙකුගෙන් යුත් කාර්ය මණ්ඩලයක් සිටි බවට වාර්තා වේ.
ආරක්ෂක අමාත්යාංශ ආරංචි මාර්ග සඳහන් කළේ, අනතුරින් පසු එහි සිටි 100 කට ආසන්න පිරිසක් අතුරුදන්ව ඇති බවය.
මේ අතර අද (04) පස්වරුවේ පැවති මැදපෙරදිග අර්බුදය සම්බන්ධ අද දෙරණ විශේෂ සජීව විකාශයට එක්වූ විදේශ කටයුතු නියෝජ්ය අමාත්ය අරුන් හේමචන්ද්ර මහතා පැවසුවේ, ඒ අතරින් 80 දෙනෙකුගේ සිරුරු මේවනවිට සොයාගෙන ඇතිබවයි.
2019 වසරේ පාස්කු ඉරුදින ත්රස්ත ප්රහාර සිද්ධියෙන් පසුව ISIS ත්රස්ත ක්රියාකාරකම්වලට සම්බන්ධ බව පවසමින් අලුත්ගම ප්රදේශයේ පදිංචි මොහොමඩ් මිල්හාන් නමැති තරුණයෙකු සැකපිට ත්රස්තවාදය වැළැක්වීමේ පනත යටතේ අත්අඩංගුවට ගැනීම තුළින් පොලීසිය ඔහුගේ මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය තීන්දු කළේය.
ඒ අනුව අදාළ අත්අඩංගුවට ගැනීම සම්බන්ධව වගකිය යුතු ගල්කිස්ස පොලීසියේ උපපොලිස් පරීක්ෂකවරයා සිය පෞද්ගලික මුදලින් රුපියල් 30,000ක වන්දියක් සහ රජය විසින් රුපියල් 20,000ක වන්දියක් පෙත්සම්කරුට ගෙවිය යුතු බවත් එම තීන්දුවේ සඳහන්ව ඇත.
අදාල පෙත්සම්කරු විසින් ඉදිරිපත් කළ මූලික අයිතිවාසිකම් පෙත්සමක් විභාග කිරීමෙන් අනතුරුව අර්ජුන ඔබේසේකර, ප්රියන්ත ප්රනාන්දු සහ සෝභිත රාජකරුණා යන මහත්වරුන්ගේ සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම තීන්දුව ලබා දුන්නේය.
සෙසු විනිසුරුවරුන්ගේ එකඟත්වය ඇතිව තීන්දුව ප්රකාශයට පත් කළ විනිසුරු සෝභිත රාජකරුණා මහතා 2019 මැයි 05 වනදා අත්තිඩිය ප්රදේශයේදී පෙත්සම්කරු අත්අඩංගුවට ගෙන ඇති අතර, පසුව ත්රස්තවාදය වැළැක්වීමේ පනත යටතේ රඳවාගෙන ප්රශ්න කර තිබෙන බව සඳහන් කළේය.
පෙත්සම්කරු කියා සිටින්නේ ත්රස්තවාදය වැළැක්වීමේ පනත යටතේ පුද්ගලයෙකු අත්අඩංගුවට ගන්නා අවස්ථාවේ ඊට බලපාන හේතු එම සැකකරුට පොලිසිය විසින් දිය යුතු බවය.
එහෙත් වගඋත්තරකරුවන් තමන්ව අත්අඩංගුවට ගැනීමේදී ඊට හේතු වූ කරුණු තමන්ට දැනුම් නුදුන් බව ඔහු කියා සිටියේය.
වගඋත්තරකාර පොලිස් නිලධාරීන් අධිකරණයට ඉදිරිපත් කළ විරෝධතා මගින් දැනුම් දී තිබුණේ, ISIS සංවිධානයේ මතවාදය අනුගමනය කරන පුද්ගලයින්ගේ ලැයිස්තුවේ මෙම පෙත්සම්කරුගේ නම 84 වන ස්ථානයේ තිබූ බවය.
දෙපාර්ශවය විසින් ඉදිරිපත් කළ කරුණු සලකාබැලූ විනිසුරු මඩුල්ල සිය තීන්දුව තුළින් සඳහන් කර තිබුණේ පෙත්සම්කරු අත්අඩංගුවට ගන්නා අවස්ථාවේදී ප්රමාණවත් කරුණු පැවැති බවට අධිකරණය හමුවේ තහවුරු කිරීමට වගඋත්තරකරුවන් අපොහොසත් වී ඇති බවයි.
ඒ අනුව පෙත්සම්කරු අපරාධ ක්රියාවලට සම්බන්ධ බවට සාධාරණ සැකයකින් තොරව තහවුරු කළ හැකි තොරතුරු අධිකරණය හමුවේ ඉදිරිපත් වී නොමැති බවත් විනිසුරුවරු සඳහන් කළේය.
පාස්කු ඉරුදින ත්රස්ත ප්රහාර සිද්ධියට සම්බන්ධ බවට සැකපිට පෙත්සම්කරුවත් අත්අඩංගුවට ගෙන තිබුණත්, ඔහු අත්අඩංගුවට ගැනීමට අදාළව නිකුත් කර තිබූ රිසිට් පතේ පාස්කු ප්රහාරය පිළිබඳව හෝ බුද්ධ ප්රතිමා විනාශ කිරීම සම්බන්ධ සිද්ධීන්වලට අදාල තොරතුරු ඇතුළත් වී නොතිබූ බව අධිකරණය නිරීක්ෂණය කරන බවත් තීන්දුවේ සඳහන් විය.
ඉදිරිපත් වූ කරුණු සලකා බැලීමේදී මෙම අත්අඩංගුවට ගැනීම තුළින් පෙත්සම්කරුගේ මූලික මිනිස් අයිතිවාසිකම් උල්ලංඝනය වී ඇතැයි තීන්දු කළ ශ්රේෂ්ඨාධිකරණය අනතුරුව මෙම තීන්දුව ප්රකාශයට පත්කළේය.
හබරණ, පොළොන්නරුව මාර්ගයේ මින්නේරිය ප්රදේශයේදී සිදුවූ බස් අනතුරකින් පුද්ගලයින් දස දෙනෙකු තුවාල ලබා තිබේ.
පොලීසිය පැවසුවේ ඇඟලුම් සේවකයින් ප්රවාහනය කරන බස් රථයක් තවත් බස්රථයක සහ ගොයම් කපන යන්ත්රයක් ප්රවාහන කරමින් තිබූ ට්රැක්ටරයක ගැටීමෙන් මෙම අනතුර සිදුව ඇති බවය.
අනතුරින් බස්රථවල ගමන් ගත් හත් දෙනෙකු ඇතුළු පුද්ගලයින් 10 දෙනෙකු තුවාල ලබා හබරණ සහ පොළොන්නරුව රෝහල්වලට ඇතුළත් කර තිබේ.
ඉන් එක් අයෙකුගේ තත්ත්වය බරපතළ බැවින් දඹුල්ල රෝහල වෙත මාරු කර යවා ඇති බව පොලීසිය පැවසුවේය.
මැදපෙරදිග ඇති වූ යුදමය වාතාවරණය හමුවේ මාර්තු මාසයේ දී බලාපොරොත්තු වූ සංචාරකයින්ගේ පැමිණීමේ ඉලක්කයන් සපුරාගැනීමට නොහැකි වූ බව සංචාරක කටයුතු නියෝජ්ය අමාත්ය රුවන් රණසිංහ මහතා පවසයි.
අද (03) කෙළඹදී මාධ්යවේදීන් ඇසු ප්රශ්න කිහිපයකට පිළිතුරු දෙමින් නියෝජ්ය අමාත්යවරයා මේ බව පැවසීය.
කෙසේවෙතත් ශ්රී ලංකාවේ වැඩිම සංචාරක වෙළෙඳපොළ වන්නේ ඉන්දියාව බවත් ඉන්දියාවෙන් පැමිණෙන සංචාරකයින්ගේ පැමිණිමට කිසිදු බලපෑමක් සිදුව නොමැති බවත් නියෝජ්ය අමාත්යවරයා පවසයි.
එමෙන්ම යුරෝපා රටවල් සඳහා ශ්රී ලන්කන් ගුවන් සමාගම හරහා සෘජුවම ගුවන් ගමන් ඇරඹීමට මේ වන විට කටයුුතු යොදා ඇති බැවින් ඉදිරියේදී යුරෝපයෙන් පැමිණෙන සංචාරකයින්ට කිසිදු ගැටලුවකින් තොරව ශ්රී ලංකාවට පැමිණීමට සහ නැවත පිටත්ව යාමට හැකි බව ඒ මහතා වැඩිදුරටත් පවසයි.
“මාර්තු මාසේ තමයි අපි ඉතිහාසයේ වැඩිම ලක්ෂ 3ක් වැනි සංචාරකයින් සංඛ්යාවක් ශ්රී ලංකාවට ආකර්ශනයකර ගන්න බලාපොරොත්තුවෙන් හිටියා. නමුත් යම් අඩුවීමක් තියෙනවා. යුරෝපාකරයෙන් සංචාරකයින් පැමිණෙන්නේ මැදපෙරදිග හරහා. ඉතින් ඩුබායි, අබුඩාබි, කාටර් වැනි ගුවන්තොටුපොළවල් වසා දැමීමත් එක්ක අඩුවක් තියෙනවා. නමුත් වැඩිම වෙළෙඳපොළ අපේ ඉන්දියාව නිසා අපේ විශාලම වෙළෙඳපොළට ගැටලුවක් නෑ. එවගේම චීනය, ඔස්ට්රේලියාව,නවසීලන්නය, අමෙරිකාව මේ වගේ රටවලින් පැමිණෙන සංචාරකයින් සාමාන්ය ලෙස පැමිණෙනවා. යුරෝපයටත් සෘජු ගුවන් ගමන් දැන් ශ්රී ලන්කන් ආරම්භ කරලා තියෙනවා අනෙකුත් ගුවන් මාර්ග හරහා. ඒ අනුව එහෙන් පැමිණෙන අයටත් මෙහෙන් යන්න ඉන්න අයටත් යම් පහසුවක් අපි සලසල තියෙනවා ශ්රී ලන්කන් හරහා. තවමක් ඉතිහාඩ්, කටාර් වැනි ගුවන් සමාගම් සිය මෙහෙයුම් ආරම්භ කරලා නෑ.”
“දවසකට 25ක් 30ක් අතර සංඛ්යාවක් මැදපෙරදිග හරහා එනවා. මේ වෙනකොට පැමිණෙන්නේ නෑ. ශ්රී ලංකාවේ සතියකට සංචාරක කර්මාන්තයට අදාළව ඩොලර් මිලියන 10ක 12ක වගේ අහිමිවීමක් අපිට සිදුවෙනවා. අපි බලාපොරොත්තු වෙනවා මේ යුද්ධය අදාළ පාර්ශව විසින් සාකච්ඡා කරලා අවසාන වෙයි කියලා. “
“එමෙන්ම මැදපෙරදිග ඉන්න ශ්රී ලාංකිකයින් සම්බන්ධයෙනුක් අපි ඉතාම අවධානයෙන් ඉන්නවා. මෙරටට ඒමට අවශ්යතාවයක් තියෙන අයට තානාපති කාර්යාල හරහා සම්බන්ධවෙලා ඒ කටයුතු කරගන්න. රජයක් විදියට අපි ඒකට මැදිහත් වෙලා කටයුතු කරන්න සූදානමෙන් ඉන්නවා.”
“සංචාරක පැමිණීමෙන් 30%ක් පමණ තමා මැදපෙදිගින් පැමිණෙන්නේ. එමෙන්ම මැදපෙරදිග වැසියන් එන්නේ නෑ එයාල රාමදාන්වල ඉන්න නිසා. මැදපෙරදිග හරහා යුරෝපයෙන් එන අයට තමා මේ බලපෑම ඇති වෙලා තියෙන්නේ. අනිත් එවාගේ කිසිදු ගැටලුවක් නෑ සාමාන්ය පරිදි ක්රියාත්මක වෙනවා.”
මැදපෙරදිග කලාපයේ පවතින යුධමය තත්ත්වය හේතුවෙන් විවිධ රටවල් වෙත භාණ්ඩ යැවීමේ කටයුතු වලට බාධා එල්ල වී ඇති බව තැපැල්පති එස්.ආර්.ඩබ්.එම්.ආර්.පී. සත්කුමාර මහතා පැවසීය.
අද මාධ්ය වෙත අදහස් දක්වමින් ඔහු සඳහන් කළේ, පසුගිය සිකුරාදා භාරගත් භාණ්ඩ කිහිපයක් මේ වනවිටත් යැවීමට නොහැකි වී ඇති බවයි.
මැදපෙරදිග කලාපයේ පවතින අස්ථාවර තත්ත්වය හේතුවෙන් ඇතැම් ප්රදේශවලට භාණ්ඩ යැවීම සීමා වී ඇති අතර, ඇතැම් භාණ්ඩ යැවීමේදී බාධා ඇතිවිය හැකි බවද ඔහු පැවසීය.
විශේෂයෙන්ම එම කලාපය වෙත සිදුකරන ගුවන් ගමන් විශාල සංඛ්යාවක් අවලංගු වී ඇති බැවින් ජාත්යන්තර තැපැල් සේවා කටයුතු සෘජුවම බලපෑමට ලක්ව තිබේ.
ප්රමාදවීම් පිළිබඳව මහජනතාව දැනුවත් කිරීමට ද පියවර ගත් බව සඳහන් කළ තැපැල්පතිවරයා, ඒ ඒ රටවල තැපැල් පරිපාලන සමඟ අඛණ්ඩව සම්බන්ධතා පවත්වා ගෙන යන බවද පැවසීය.
යථා තත්ත්වය යළි ස්ථාපිත වූ වහාම ජාත්යන්තර තැපැල් සේවා සාමාන්ය පරිදි ආරම්භ කිරීමට බලාපොරොත්තු වන බවද ඔහු සඳහන් කළේය.
මෙවැනි තත්ත්වයක් තුළ භාණ්ඩ ප්රමාද වීම හේතුවෙන් විශේෂයෙන්ම නරක් වීමට ඉඩ ඇති භාණ්ඩ සම්බන්ධයෙන් අවදානම් පවතින බැවින්, ඒවා පාලනයෙන් තොර විය හැකි බවද ඔහු අවධාරණය කළේය.
එබැවින්, මේ අවස්ථාවේ පවතින තත්ත්වය පිළිබඳ අවබෝධයෙන් කටයුතු කරමින් විදේශයන් වෙත භාණ්ඩ යැවීමට පියවර ගන්නා ලෙස මහජනතාවගෙන් ඉල්ලා සිටී.
භාණ්ඩ අදාළ ගමනාන්ත වෙත යැවීම සම්බන්ධයෙන් මේ අවස්ථාවේ අපහසුතා පවතින්නේ ශ්රී ලංකාවට පමණක් නොව, අනෙකුත් රටවලටද වන බව ඔහු වැඩිදුරටත් පැවසීය.
ජාතික ලොතරැයි මණ්ඩලයේ සභාපතිවරයා වශයෙන් කටයුතු කළ සමයේ එම ආයතනයට කුලී පදනම මත වාහන මිලදී ගැනීමේදී රජයට පාඩු කළේ යැයි චෝදනා කරමින් හිටපු නියෝජ්ය අමාත්ය සරණ ගුණවර්ධන මහතාට එරෙහිව අල්ලස් කොමිසම විසින් ගොනු කර ඇති නඩු හතරක තීන්දුව අප්රේල් මස 30 වනදා ප්රකාශයට පත් කරන බව කොළඹ මහාධිකරණය නිවේදනය කළේය.
මෙම නඩුව අද (03) කොළඹ මහාධිකරණ විනිසුරු මොහොමඩ් මිහාල් හමුවේ කැඳවනු ලැබීය.
එහිදී නඩූවේ පාර්ශවකරුවන් විසින් වාචික දේශන ඉදිරිපත් කිරීම අවසන් විය.
ඉන් අනතුරුව මෙම නඩු හතරේ තීන්දුව අප්රේල් මස 30 වනදා ප්රකාශයට පත් කරන බව විනිසුරුවරයා නියෝග කළේය.
2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් එම ආයතනයට කුලී පදනම මත වාහන ලබා ගැනීමේදී රජයට පාඩුවක් සිදු කළේ යැයි චෝදනා කරමින් අල්ලස් කොමිසම විසින් ඉකුත් යහපාලන රජය සමයේ සරණ ගුණවර්ධන මහතාට එරෙහිව මෙම නඩු ගොනු කර තිබුණි.
ශ්රී ලංකාවේ පිහිටි තානාපති කාර්යාල හා මහ කොමසාරිස් කාර්යාලවල ආරක්ෂාව තහවුරු කිරීම සඳහා විශේෂ වැඩපිළිවෙලක් ක්රියාත්මක කිරීමට පොලීසිය පියවර ගෙන තිබේ.
එම ආරක්ෂක වැඩපිළිවෙළ නැවත දැනුම් දෙනතුරු අඛණ්ඩව ක්රියාත්මක කරන ලෙස උපදෙස් ලබාදී ඇති බව පොලිස් මාධ්ය කොට්ඨාසය සඳහන් කරයි.
ගෝලීය වශයෙන් උද්ගත වී ඇති අර්බුධකාරී තත්ත්වය සැලකිල්ලට ගනිමින්, මෙරට ආරක්ෂාව හා සාමය පවත්වාගෙන යාමට බාධා විය හැකි සිදුවීම් වැළැක්වීමේ අරමුණින් පොලිස්පතිවරයා විසින් සියලු පොලිස් ස්ථාන වෙත මෙම උපදෙස් නිකුත් කර ඇත.
ඒ අනුව, තානාපති කාර්යාල, මහ කොමසාරිස් කාර්යාල, එම නිල නිවාස හා අදාළ අනෙකුත් ස්ථානවල ආරක්ෂාව තරකරමින් විශේෂ ආරක්ෂක සැලැස්මක් ක්රියාත්මක කරන ලෙස දැනුම් දී තිබේ.
එමෙන්ම, මෙරට සංචාරයේ නියුතු හා රැඳී සිටින විදෙස් ජාතිකයින්ගේ ජීවිත හා දේපළ ආරක්ෂාව තහවුරු කිරීම සඳහාද පැය 24ම ආවරණය වන පරිදි ආරක්ෂක වැඩපිළිවෙලක් ක්රියාත්මක කරන ලෙස උපදෙස් ලබාදී ඇත.
ඔවුන් රැඳී සිටින වාසස්ථාන, ව්යාපාරික ස්ථාන, සංචාරක ගමනාන්ත, නේවාසික ගොඩනැගිලි සහ ආගමික මධ්යස්ථානවල ආරක්ෂාව ද මේ යටතේ තහවුරු කෙරේ.
අවශ්යතාවය මත මෙම ආරක්ෂක සැලසුම් ක්රියාත්මක කිරීම සඳහා ත්රිවිධ හමුදා සහාය ලබාගැනීමටද උපදෙස් ලබාදී ඇති බව පොලිසිය වැඩිදුරටත් සඳහන් කරයි.
නීතිවිරෝධී වත්කම් විමර්ශන අංශය මගින් අත්අඩංගුවට ගෙන රිමාන්ඩ් භාරයට පත් කර සිටින සැකකරුවකුට ඇප ලබාදීමට අවශ්ය ආධාර කිරීම සඳහා ඔහුගේ පවුලේ සාමාජිකයින්ගෙන් රුපියල් ලක්ෂ 50 ක අල්ලසක් ලබා ගැනීමේ සිද්ධියක් සම්බන්ධයෙන් අල්ලස් කොමිසම විසින් අත්අඩංගුවට ගත් ව්යාපාරිකයෙකු රක්ෂිත බන්ධනාගාර ගත කරන ලෙස කොළඹ මහේස්ත්රාත් අධිකරණය නියම කළේය.
ඒ අනුව අදාළ සැකකරු ලබන 13 වනදා දක්වා රක්ෂිත බන්ධනාගාර ගත කරන ලෙස කොළඹ ප්රධාන මහේස්ත්රාත් අසංග. එස්. බෝදරගම මහතා අද (03) නියෝග කළේය.
මෙම සිද්ධියට අදාළ විමර්ශන කටයුතු අවසන් නොමැති බවට අල්ලස් කොමිසම විසින් ඉදිරිපත් කළ කරුණු සලකා බැලීමෙන් අනතුරුව මහේස්ත්රාත්වරයා මෙම නියෝගය කළේය.
2021 වසරේ නීති විරෝධී වත්කම් විමර්ශන කොට්ඨාශය මගින් අත්අඩංගුවට ගෙන රක්ෂිත බන්ධනාගාර ගත කළ පුද්ගලයෙකුට ඇප ලබා ගැනීම සඳහා ආධාර උපකාර කිරීමට බව සඳහන් කරමින් එම අදාළ සැකකරුගේ පවුලේ සාමාජිකයින්ගෙන් රුපියල් ලක්ෂ 50 ක මුදලක් අල්ලස් වශයෙන් ලබා ගැනීමේ සිද්ධියක් සම්බන්ධයෙන් මෙම සැකකරු අල්ලස් කොමිසම විසින් අත්අඩංගුවට ගෙන අධිකරණයට ඉදිරිපත් කර තිබුණි.
ජපන් භාෂා පුහුණු මධ්යස්ථානයක් මුවාවෙන් පවත්වාගෙන යමින් ජපානයේ ඉදිකිරීම් ක්ෂේත්රයේ, හෝටල් ක්ෂේත්රයේ හා රියදුරු රැකියා සඳහා පුද්ගලයින් යොමුකිරීමට කටයුතු කළ කුරුණෑගල, මහව ප්රදේශයේ පවත්වාගෙන ගිය වංචනික විදේශ රැකියා ආයතනයක් ශ්රී ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිලධාරීන් විසින් වටලා තිබේ.
ජපානයේ රැකියාවක් ලබාදීම සඳහා මෙම ආයතනයේ හිමිකරු විසින් රු.750,000.00 ක මුදලක් ලබාගෙන පොරොන්දු වූ පරිදි රැකියාව ලබා නොදුන් බවට කාර්යාංශයට ලද පැමිණිල්ලක් අනුව මෙම විමර්ශනය මෙහෙයවන ලදී. විමර්ශන නිලධාරීන් විසින් උපායදූතයෙකු යොදා ගනිමින් මේ රැකියා ජාවාරම පිළිබඳව කරුණු සොයාබැලූ අතර, එහිදී ජපන් භාෂාව පුහුණු කරන මුවාවෙන් මෙම ආයතනය පවත්වාගෙන යන බවත්, සුදුසුකම් නොමැති පුද්ගලයින්ට විශ්ව විද්යාල උපාධි සහතික හා අනෙකුත් අවශ්ය සහතික කූට ලෙස සකස් කරන බවත් අනාවරණය විය.
ඒ අනුව ක්රියාත්මක වූ විමර්ශන නිලධාරීන් විසින් කුරුණෑගල, මහව, දළදාගම හන්දියේ පවත්වාගෙන ගිය අදාළ ස්ථානය වැටලීම් කර එය පවත්වාගෙන ගිය අඹු සැමි යුවළක් අත්අඩංගුවට ගෙන තිබේ.
අදාළ ස්ථානය පරික්ෂා කිරීමේදී එහි තිබී ජපානයේ රැකියා ලබාදෙන බවට වූ ගිවිසුම්, මුදල් ලබාදීමේ කුවිතාන්සි, ප්රචාරක පත්රිකා, ජංගම දුරකථන හා ලැප්ටොප් පරිගණක නිලධාරීන් භාරයට ගෙන ඇත.
ලැප්ටොප් පරිගණකය පරික්ෂා කිරීමේදී විවිධ පුද්ගලයින්ගේ නම්වලට ව්යාජ ලෙස සකස් කරන ලද ලංකාවේ ප්රසිද්ධ විශ්ව විද්යාලවල සහතික, ප්රසිද්ධ ඉදිකිරීම් ආයතනවල සේවා සහතිකවලට සමානව සකස් කරන ලද ව්යාජ සේවා සහතිකවල ආකෘති හමුවී තිබේ.
අත්අඩංගුවට ගත් සැකකාර යුවළ මහව මහේස්ත්රාත් අධිකරණය වෙත ඉදිරිපත් කිරීමෙන් අනතුරුව වරද පිළිගැනීම හේතුවෙන් දැඩි ඇප කොන්දේසි මත නිදහස් කරන ලද අතර, එම යුවළට අධිකරණය මගින් විදෙස් ගමන් තහනමක්ද පනවා ඇත.
මෙම වැටලීම මධ්යම අපරාධ විමර්ශන අංශයේ අධ්යක්ෂක ජ්යෙෂ්ඨ පොලිස් අධිකාරී කමල් ආරියවංශ මහතාගේ අධික්ෂණය යටතේ, කාර්යාංශ විශේෂ විමර්ශන ඒකකයේ ස්ථානාධිපති ප්රධාන පොලිස් පරීක්ෂක පී.බී.ආරියසිංහ, පොලිස් පරීක්ෂක ටී.බී. ද අල්විස්, නීති ක්රියාත්මක කිරිමේ නිළධාරී ශ්රිනිකා කරුණාරත්න යන නිලධාරීන් සහභාගී විය.
“රටම එකට ජාතික මෙහෙයුම” වැඩසටහනට සමගාමීව ක්රියාත්මක වන ” විෂ මත්ද්රව්ය නිවාරණ සතිය” අද ( 01) සිට ආරම්භ වීමට නියමිතය.
අදින් ඇරඹෙන සතිය “විෂ මත්ද්රව්ය නිවාරණ සතිය ” ලෙස ප්රකාශයට පත්කිරීමට විෂ මත්ද්රව්ය ව්යසනය පිටුදැකීම සඳහා වන “රටම එකට” ජාතික මෙහෙයුම් සභාව තීරණය කරන ලද අතර, මීට අදාළ අංක 07 / 2026 දරණ රාජ්ය පරිපාලන චක්රලේඛය රාජ්ය පරිපාලන, පළාත් සභා සහ පළාත් පාලන අමාත්යාංශය විසින් මේ වන විට නිකුත් කර ඇත.
මෙහිදී, විෂ මත්ද්රව්ය අලෙවිය පාලනය කර මර්දනය කිරීමත් විෂ මත්ද්රව්ය භාවිතයට ඇබ්බැහි වූවන් ඉන් මුදා ගෙන පුනරුත්ථාපනයට යොමු කිරීමත් යන මූලික අරමුණු දෙක ඉටු කර ගැනීම වෙනුවෙන් අවශ්ය ජනතා දැනුවත් භාවය හා දියුණු සමාජ කතිකාවතක් ඇති කිරීම වෙනුවෙන් මෙම සතිය ප්රකාශයට පත් කර තිබේ.
ඒ අනුව, මෙම සතිය තුළ රාජ්ය ආයතන, පාසල් හා බිම් මට්ටමින් පුළුල් දැනුවත් කිරීමේ මෙහෙයුමක් ක්රියාත්මක කිරීමට නියමිතය අතර රජයේ අමාත්යාංශ ඇතුළු සියලු අනුබද්ධ ආයතනයන්හි නිලධාරීන්ගේ දායකත්වයෙන් වැඩසටහන් රැසක් සංවිධානය කර තිබේ.
පාසල් ගුරුවරු හා සිසු දරුවන් මෙන්ම පොදු මහජනතාව දැනුවත් කිරීම සඳහා විවිධාංගීකරණය කරන ලද නව වැඩසටහන් ක්රියාත්මක කිරීමට කටයුතු යොදා ඇති අතර එමෙන්ම, පොදු ප්රවාහනයේ නියුතු බස් රථ, ත්රිරෝද රථ හා පාසැල් ප්රවාහන රථ මූලික කර ගෙන විවිධ ප්රචාරක ක්රියාකාරකම් සිදු කිරීමට ද නියමිතය.
විෂ මත්ද්රව්ය ව්යසනය පිටු දැකීම වෙනුවෙන් අදාළ රාජ්ය ආයතන ඔස්සේ අවශ්ය නීතිමය ක්රියාමාර්ග ඇතුළු සෙසු මැදිහත්වීම් නොපිරිහෙළා ක්රියාත්මක කරන අතරම, මෙම ජාතික මෙහෙයුම සාර්ථක කරගැනීමට අත්යවශ්ය සාධකයක් වන පුළුල් සමාජ දැනුවත්භාවයක් ඇති කිරීමට මෙම සියලු වැඩසටහන් තුළින් අපේක්ෂා කෙරේ.
