පළාත් පාලන මැතිවරණය පැවැත්වෙන හෙට (06) දිනයේදී බැංකු විවෘත කර තබන වේලාව සම්බන්ධයෙන් දැනුම්දීමක් සිදුකර තිබෙනවා.
ඒ අනුව හෙට (06) දිනයේදී උදෑසන 11.00 වන තෙක් පමණක් බැංකු විවෘත කර ඇති බවයි ‘එසැණ’ සිදුකළ විමසීමකදී ශ්රී ලංකා බැංකු සේවක සංගමය සඳහන් කළේ.
මේ සම්බන්ධයෙන් බැංකු කිහිපයක් විසින් නිකුත් කළ නිවේදන පහතින්.
නවක වධය ලබාදීමේ සිදුවීමක් මුල් කර ගනිමින්, සබරගමුව විශ්ව විද්යාලයේ සිසුවෙක් සිය දිවි හානිකර ගැනීමට අදාළව අත්අඩංගුවට ගත් එම විශ්ව විද්යාලයේ සිසුන් සිව්දෙනා එළැඹෙන මැයි මස 16 වැනිදා දක්වා රක්ෂිත බන්ධනාගාරගත කිරිමට නියෝග කර තිබෙනවා.
ඒ අනුව ඔවුන් අද (05) බලංගොඩ මහේස්ත්රාත් අධිකරණයට ඉදිරිපත් කිරීමෙන් අනතුරුව මෙම නියෝගය ලබාදී ඇති බවයි සඳහන් වෙන්නේ.
සබරගමුව විශ්ව විද්යාලයේ තාක්ෂණ පීඨයේ සිසුවෙකු සියදිවි නසාගැනීම සම්බන්ධයෙන් සිදුකරන විමර්ශනවලට අදාළව අපරාධ පරීක්ෂණ දෙපාර්තමේන්තුව විසින් ඊයේ (04) එම සිසුන් සිව්දෙනා අත්අඩංගුවට ගෙන තිබුණා.
පළාත් පාලන මැතිවරණය වෙනුවෙන් පාසල් නිවාඩු ලබාදීම සම්බන්ධයෙන් අධ්යාපන අමාත්යංශය දැනුම්දීමක් සිදුකර තිබෙනවා.
ඒ අනුව හෙට (05) සහ අනිද්දා (06) පාසල් නිවාඩු ලබාදෙන බවයි එම අමාත්යංශය සඳහන් කළේ.
පාසල් යළි එළඹෙන 07 වනදා ආරම්භ කරන බවයි අධ්යාපන අමාත්යංශය වැඩිදුරටත් ප්රකාශ කළේ.
ජනාධිපති අනුර කුමාර දිසානායක වියට්නාමයේ රාජ්ය සංචාරයක් සඳහා දිවයිනෙන් පිටත්ව යාම හේතුවෙන් අමාත්යාංශ 04ක් සඳහා වැඩබලන අමාත්යවරු පත් කර තිබෙනවා.
ඒ අනුව ජනාධිපතිවරයා යටතේ පවතින ඩිජිටල් ආර්ථික අමාත්යාංශය, ආරක්ෂක අමාත්යාංශය සහ මුදල් හා ක්රම සම්පාදන සහ ආර්ථික සංවර්ධන අමාත්යාංශය යන අමාත්යාංශ සඳහා මෙලෙස වැඩබලන අමාත්යවරුන් පත්කර තිබෙනවා.
එසේම අමාත්ය විජිත හේරත් වතින විදේශ කටයුතු, විදේශ රැකියා සහ සංචාරක අමාත්යාංශය සඳහා වැඩබලන අමාත්යවරු පත් කර ඇති බවයි ජනාධිපති මාධ්ය අංශය වැඩිදුරටත් ප්රකාශ කළේ.
මේ සම්බන්ධයෙන් නිකුත් කළ නිවේදනය පහතින්.
විදෙස්ගතව සිටි සංවිධානාත්මක අපරාධකරුවෙකු වන ලත්තුවාහංදි සුජීව රුවන් කුමාර ද සිල්වා හෙවත් “ලොකු පැටී” නැමැත්තා බෙලරූස් රාජ්යයේ සිට අද උදෑසන කටුනායක ගුවන් තොටුපොළින් දිවයිනට රැගෙන ආවා.
ඒ අනුව සැකකරු බෙලරූස් රාජ්යයේ සිට ඩුබායි ජාත්යන්තර ගුවන් තොටුපොළ වෙත රැගෙනවිත් එතැන් සිට ෆ්ලයි ඩුබායි ගුවන් සේවයේ ගුවන් යානයකින් අද උදෑසන 07.48ට පමණ කටුනායක ගුවන් තොටුපොළ වෙත රැගෙන ආ බවයි සඳහන් වෙන්නේ.
කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් ලොකු පැටී නැමැත්තාගෙන් ප්රකාශයක් සටහන් කර ගැනීමෙන් පසුව සැකකරු නුගේගොඩ පිහිටි බස්නාහිර දකුණ අපරාධ කොට්ඨාශය වෙත රැගෙන යාමට පියවර ගෙන තිබුණා.
ක්ලබ් වසන්ත ඝාතනයේ ප්රධාන සැකකරු වන ලොකු පැටී නැමැත්තා බෙලරූස් රාජ්යයේදී පසුගිදා අත්අඩංගුවට ගෙන තිබුණා.
පළාත් පාලන ඡන්ද විමසීමට අදාළ රාජකාරි සඳහා පොලිස් නිලධාරීන් 65,000 කට ආසන්න සංඛ්යාවක් යෙදවීමට නියමිතව තිබෙනවා.
අවශ්යතාව මත යුධ හමුදා සාමාජිකයින් ද ඒ සඳහා අනුයුක්ත කරන බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග සඳහන් කළේ.
නිහඬ කාලසීමාවේ මැතිවරණ නීති උල්ලංඝණය කරන පුද්ගලයින්ට එරෙහිව නීතිය දැඩිව ක්රියාත්මක කරන බව ද පොලිස් මාධ්ය ප්රකාශකවරයා වැඩිදුරටත් ප්රකාශ කළා.
වියට්නාමයේ නිල සංචාරයක නිරත ජනාධිපති අනුර කුමාර දිසානායක අද (04) අලුයම වියට්නාමයේ නොයි බායි ජාත්යන්තර ගුවන්තොටුපොළ වෙත පැමිණ තිබෙනවා.
වියට්නාම ජනාධිපති ලුඕං කුඕංගේ ආරාධනයක් අනුව ජනාධිපතිවරයා අද දින සිට එළැඹෙන 06 වැනි දින දක්වා වියට්නාමයේ රාජ්ය සංචාරයක නිරත වෙන බවයි සඳහන් වෙන්නේ.
නොයි බායි ජාත්යන්තර ගුවන්තොටුපොළේදී ශ්රි ලංකා ජනාධිපතිවරයා සහ දූත පිරිස වියට්නාම විදේශ කටයුතු නියෝජ්ය අමාත්ය නූයෙන් මන් කුඕං, ජනවාර්ගික හා ආගමික කටයුතු නියෝජ්ය අමාත්ය නොං ති හා, ශ්රී ලංකාවේ වියට්නාම තානාපති ට්රින් ති ටම් සහ වියට්නාමයේ ශ්රී ලංකා තානාපතිවරයා ඇතුළු පිරිසක් විසින් පිළිගෙන ඇති බවයි සඳහන් වෙන්නේ.
ජාත්යන්තර මූල්ය අරමුදලේ (IMF) නිර්දේශයන්ට අනුකූලව, නිෂ්පාදන පිරිවැයට අනුකූලව මිල ගලපාගැනීමේ අවශ්යතාවය මත, ජුනි මාසයේදී විදුලි ගාස්තු වැඩි වීමක් සිදුවන බව ජනාධිපති අනුර කුමාර දිසානායක පවසනවා.
ලංකා විදුලිබල මණ්ඩලයට භාණ්ඩාගාරය විසින් සහනාධාර ලබා දීම තවදුරටත් සිදුකළ නොහැකි බවයි ඊයේ (2) පෞද්ගලික රූපවාහිනී නාළිකාවක දේශපාලන වැඩසටහනකට සහභාගි වෙමින් ජනාධිපතිවරයා අවධාරණය කළේ.
කෙසේ වෙතත්, ධීවර ප්රජාව වැනි අවදානමට ලක්විය හැකි කණ්ඩායම් සඳහා රජය භාණ්ඩාගාරය හරහා සහන ලබාදීම දිගටම කරගෙන යන බවද ජනපති පවසා සිටියා.
ලංකා ඛනිජ තෙල් සංස්ථාව සැබෑ පිරිවැය මත පදනම්ව ඉන්ධන මිල සකස් කරනවා සේම, ලංවිම ද මූල්යමය වශයෙන් තිරසාර විය යුතු බවයි ඔහු තවදුරටත් සඳහන් කර සිටියේ.
මීලඟ විදුලි ගාස්තු සංශෝධනය ජුනි 01 වන දින සිට ක්රියාත්මක වන බවත්, එහිදී සුළු මිල වැඩිවීමක් සිදුවන අතර, එය 2024 දෙසැම්බර් පැවති මිලට වඩා අඩු මට්ටමක පවතිනු ඇති බවත් ජනාධිපතිවරයා ප්රකාශ කරනු ලැබුවා.
විදුලි මිල වැඩිවීම මැතිවරණ උපක්රමයක් නොවන බවත්, එය ශ්රී ලංකා මහජන උපයෝගිතා කොමිෂන් සභාව (PUCSL) මගින් මෙහෙයවනු ලබන කාල රාමුව අනුව ජුනි 01 සිදුවිය යුතු දෙයක් බවයි ඔහු පවසා සිටියේ.
ශ්රී ලංකාවේ බලශක්ති ස්වෛරීභාවය ආරක්ෂා කිරීම ජාතික ආරක්ෂාවට අත්යවශ්ය දෙයක් බවද, බලශක්ති ස්වෛරීභාවය නොමැතිව, ජාතික ආරක්ෂාව දැනටමත් අවදානමට ලක්ව ඇති බවද, එම නිසා විදුලිබල මණ්ඩලය පෞද්ගලීකරණය කිරීම කිසිසේත් සිදු නොකරන බවද ජනාධිපති අනුර කුමාර දිසානායක වැඩිදුරටත් සඳහන් කරනවා.
රුපියල් 1,500ක මුදලක් අල්ලස් ලෙස ලබාගත් දුම්රිය දෙපාර්තමේන්තුවේ සංචාරක ප්රවේශපත්ර විභාගකරුවෙකු අල්ලස් චෝදනා මත අත්අඩංගුවට ගෙන තිබෙනවා.
කැලණිය ප්රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව අල්ලස් කොමිසම විසින් මෙම අත්අඩංගුවට ගැනීම සිදුකර ඇති බවයි සඳහන් වන්නේ.
අප්රේල් 28 වැනිදා වලංගු ප්රවේශ පත්රයක් නොමැතිව කොම්පඤ්ඤ වීදිය දුම්රිය ස්ථානය හරහා ගමන්කළ බවට චෝදනා කරමින්, අදාළ පැමිණිලිකරුගේ ජාතික හැඳුනුම්පත සැකකරු විසින් සිය භාරයට ගෙන ඇති අතර, එම හැඳුනුම්පත නැවත ලබාදීම සඳහා රුපියල් 3,000ක අල්ලස් මුදලක් ඉල්ලා තිබෙනවා.
පසුව එම මුදල රුපියල් 1,500ක් දක්වා අඩුකර අල්ලස් ලෙස ලබාගැනීමේ දී, කොළඹ කොටුව දුම්රිය ස්ථානයේ වේදිකා අංක 7-8 හි පිහිටි සංචාරක ප්රවේශපත්ර පරීක්ෂක කාර්යාලය තුළදී ඔහුව අත්අඩංගුවට ගෙන ඇති බවයි පැවසෙන්නේ.
අත්අඩංගුවට ගන්නා ලද සැකකරු කොළඹ මහේස්ත්රාත් අධිකරණය වෙත ඉදිරිපත් කිරීමට නියමිතයි.
මේ වනවිට පැතිර යමින් පවතින ඩෙංගු සහ චිකුන්ගුන්යා රෝග ව්යාප්තිය පාලනය කිරීම සඳහා කාර්යසාධක බළකායක් පත්කර ඇති බව බස්නාහිර පළාත් සභා සෞඛ්ය අමාත්යංශ ලේකම් එල්.ඒ. කළුකපුආරච්චි පවසනවා.
වාර්තා වන ඩෙංගු රෝගීන් සංඛ්යාවෙන් 50%කට අධික පිරිසක් බස්නාහිර පළාතෙන් වාර්තා බව බවයි ඔහු පවසා සිටින්නේ.
එසේම, මෙම වසරේ මේ දක්වා කාලය තුළ ඩෙංගු රෝගීන් 17,000ක පිරිසක් වාර්තා වී ඇති බවද, එම සංඛ්යාවෙන් 1,800ක ප්රමාණයක් කොළඹ නගර සභා බල ප්රදේශයෙන් වාර්තා වී ඇති බවද කොළඹ නගර සභාවේ ප්රධාන සෞඛ්ය වෛද්ය නිලධාරී වෛද්ය ගීතිකා රත්නවර්ධන සඳහන් කරනවා.
ඩෙංගු අවදානම සහිත නිවාස 70,000ක් පරීක්ෂා කර ඇති අතර, නිවාස 471කට නීතිමය ක්රියාමාර්ග ගෙන ඇති බවයි වෛද්ය ගීතිකා රත්නවර්ධන වැඩිදුරටත් ප්රකාශ කර සිටියේ.
