Category: lifestyle

මයික් සහ හෂාන් ගේ විවාහය ඉතාමත් අකර්ශනියව උත්වශ්‍රියෙන් පසුගියදා සිදු වුණා. මයික් ෆොස්බරි මානව සම්පත් විශ්ලේෂකයෙකු ලෙස කටයුතු කරන්නෙක්. එතකොට හෂාන් ප්‍රනාන්දු මනෝ සමාජීය දුෂ්කරතා ඇති දරුවන් සමඟ වැඩ කරන්නෙක්.

මයික් ඕස්ට්‍රේලියානු ජාතිකයකු වන අතර හෂාන් ශ්‍රී ලංකානු ජාතිකයෙක්. මෙම විවාහයේ විශේෂත්වය වන්නේ මෙය සමලිංගික විවාහයක් වීමත් මෙය හෙළ සිරිතට අනුව සිදු වීමත් .

හෂාන් ප්‍රනාන්දු සහ මයික් ෆොස්බරිගේ ප්‍රේම සබදතාවයේ ප්‍රථිපලයක් ලෙස ඔවුන් විවාහ දිවියට එලබුණේ සියලු චාරිත්‍ර වලට මුල් තැන දෙමින් .

ඕස්ට්‍රේලියානු ජාතිකයකු වන මයික් සහ ශ්‍රී ලංකික හෂාන් ජිවත් වෙන්නේ එංගලන්තයේ . මේ දෙපළගේ විවාහ ගිවිස ගැනීම සිදු වන්නේ ග්‍රීසියේ. කොහොහරි උදා වූ වසන්ත සාමය ඔවුන්ගේ ජිවිත වලටත් වසන්තය උදා කරමින් ප්‍රංශයේ ෂැම්පේන් ප්‍රදේශයේ චැටෝවක මෙලෙස විවහ උත්සවය සිදු වුණා.

සිය විවාහ උත්සවයේ සමහරක් චාරිත සිංහල විදියට කිරීමේ අදහස හෂාන්ගේ වෙන්න ඇත. කෙසේවෙතත් සමලිංගික විවාහ අරුමයක් නොවූ ඔවුන්ගේ සංස්කෘතිය තුල එම විවාහය සිදු වෙලා තිබ්බේ මෙන්න මෙහෙම

මහත් ආන්දෝලනයට ලක් වූ ටිකිරි අවුරුදු 70 ආයු වළදා කොළඹ අගනුවරට කිලෝමීටර් 80 ක් (සැතපුම් 50 ක්) නැගෙනහිරින් පිහිටි කෑගල්ලේදී 24 වන අඟහරුවාදා රාත්‍රියේ මිය ගියා.

මේ පිළිබදව සමහරුන් කියන්නේ ටිකිරි දැඩි මන්දපෝෂණයෙන් පෙළුණ බව. දුර්වල සිටි සත්වයා දළදා මාලිගාවේ මෙවර පෙරහැරට එකතු වීමත් සමග ඊට එරෙහිව සමාජ මාධ්‍ය වල ගිනි කුණාටුවක් පුපුරා ගියා මෙන් කතා බහට ලක් වුණා. එහෙත් ඇයගේ භාරකරුවන් සඳහන් කළේ බාරයක් ඔප්පුකිරීම වෙනුවෙන් ටිකිරි ඇතින්න පෙරහරේ ගමන් කරවූ බවට

සේව් එලිෆන්ට් පදනමේ නිර්මාතෘ ලෙක් චයිලර්ට් සමාජ මාධ්‍යවල මේ ගැන මෙසේ ලියා තිබුණා. “ටිකිරි ඇගේ ඇඳුම නිසා කෙතරම් දුර්වල දැයි ප්‍රේක්ෂකයන්ට නොතේරුණු බවයි.මහජනයාගේ විරෝධයෙන් පසුව වනජීවී අමාත්‍ය ජෝන් අමරතුංග සෞඛ්‍ය සම්පන්නව සිටියද ටිකිරි වාර්ෂික පෙළපාළියට සහභාගී වූයේ ඇයිද යන්න පිළිබඳව පරීක්ෂණයක් පැවැත්වීමට නියෝග කළ නමුත් එහි ප්‍රතිපල තවමත් අනාවරණය වුණේ නම් නැහැ.

දිවයිනේ බොහෝ වෙහෙර විහාරස්ථාන වල සාම්ප්‍රදායික බෙර වාදකයින් සහ නර්තන ශිල්පීන් මෙන්ම අලි 100 කට ආසන්න සංඛ්‍යාවක් සමඟ වාර්ෂික උත්සවය පවත්වන අමුතුවෙන් කිව යුතු නැත. බොහෝ ධනවත් ශ්‍රී ලාංකිකයන් අලි සුරතල් සතුන් ලෙස තබාගත්තද, අයුතු ලෙස සැලකීම සහ කුරිරුකම් පිළිබඳ ලැබුණු කන වැකුණු පැමිණිලිත් බොහෝයි.

ගිනස් ලෝක වාර්තාවල දැක්වෙන්නේ ආසියානු අලියෙකුගේ සාමාන්‍ය වයස අවුරුදු 60 ක් පමණ වන අතර, වාර්තාගත වයස්ගතම තැනැත්තා ලින් වැන්ග් ය. දෙවන ලෝක යුද්ධ සමයේ බුරුමයේ සිටි තායිවාන් සත්වෝද්‍යානයක මිය යාමට පෙර ජපාන හමුදාවට අවශ්‍ය භාණ්ඩ රැගෙන ගිය ගොනෙකු වූ ලින් වැන්ග් ය. 2003 වයස අවුරුදු 86 යි.

කුමන ප්‍රශ්ණයක් තිබුනත් ටිකිරිගේ වියෝව මුළු මහත් ජනතාවගේම කම්පාවට හේතුවක් වෙලා. මෙතෙක් කල් ටිකිරි බලාගත් ඇත්ගොව්වා ටිකිරිකගේ නිසල දේහය ළඟට වී හඩා වැටෙනවා. දළඳා පෙරහැරේ විශ්ණු දේවාලය නියෝජනය කරමින් මහනුවර රන්දෝලි පෙරහැරේ ටිකිරි ඇතින්න ගමන් කරන්නේ වයස අවුරුදු 5 සිට. මෙවරත් වයෝවෘධ වූවත් අලංකාර වස්ත්‍රාභරණයෙන් සැරසී මෙලෙස මෙවර දළඳා පෙරහැරේද ටිකිරි ගමන් කළේ පොඩ්ඩක්වත් තමන්ගේ අසනීප තත්වය නොපෙන්වීමට. එලෙස ටිකිරි තේජාන්විතව ගමන් කරනකොට මිනිසුන් මෙන්ම දෙවියොත් වන්දනා කරන්නට ඇති. මේ සා කාලෙට මේ විදියට පුරෝ ගත් පිං හොදටෝම ටිකිරිට ඇති වේවී මාර්ග පල වලට එලබීමට.

‘මම මේ ඇතින්න පෙර­හ­රට එව්වේ සල්ලි හොයන්න නෙවෙයි. සතා දැන් මාස හයක ඉඳලා ලෙඩින් ඉන්නේ. කෑම කෑවත් ඒවා ජීර්ණය වෙන්නේ නැහැ. ඒ නිසා ඇඟ දව­සින් දවස කෙට්ටු වුණා. බෙහෙත් කළත් මුල් කාලයේ ඒවා ඇඟට පත්ති­යම් වුණේ නැහැ. දැඩි මුණ්ඩ දෙවි­ය­න්ටත් විෂ්ණු දෙවි­ය­න්ටත් බාර­යක් වුණා ඇතා ජීවත් වුණොත් මහ­නු­වර පෙර­හරේ එක රන්දෝලි පෙර­හ­ර­කට හරි සම්බන්ධ කර­නවා කියලා. දෙවි­යන්ගේ පිහි­ටෙන් ඇති­න්නට සුව වුණා. මම දෙවි­යන්ට වුණු පොරො­න්දුව ඉෂ්ඨ කරන්න ඕන. ඒක සමාජ මධ්‍යය වලින් මාවත් පෙර­හ­රත් විවේ­ච­නය කරන උද­විය දන්නේ නැහැ. මගේ අතේ සල්ලි විය­දම් කරලා තමයි කෑගල්ලේ රන්දෙ­ණියේ ඉඳලා ඇතින්න නුවර යැව්වේ. කෑම දිර­වන්නේ නැති නිසා සතාව දව­ස­කට කිලෝ මීටර දෙක තුනක් ඇවි­ද්ද­වන්න කියලා වෛද්‍ය­වරු කිව්වා. අපි ඒක හැම­දාම කර­නවා. පෙර­හරේ යන­කො­ටත් කරන්නේ සතා ඇවි­දින එකනේ.

දැන් ඇති­න්නට වයස 70 ක් පමණ වෙනවා. වය­සත් එක්ක ලෙඩ­කුත් හැදුණ නිසා සතා හොඳට ම දුර්වලා වුණා. දැන් ගොඩක් හොඳයි. අපි පෙර­හ­රට එව්වා කියලා එක­පා­ර­ටම සතාව පෙර­හ­රට දාන්න බැහැ.පේරා­දෙ­ණිය පශු වෛද්‍ය පීඨයේ වෛද්‍ය­වරු සතාව පරීක්ෂා කරලා බලලා පෙර­හරේ යවන්න කියලා නිර්දේ­ශ­යක් දුන්නට පස්සේ තමයි එයාව පෙර­හ­රට සම්බන්ධ කරන්නේ. මම මේ ඇතින්න වෙනු­වෙන් මාසෙ­කට රුපි­යල් ලක්ෂ එක­හ­මා­රක් විතර විය­දම් කර­නවා. සතා ජීවත් කර­වන්න අපි ගන්න මහ­න්සිය කවු­රුත් දන්නේ නැහැ. මේ සත්තුන්ගේ අයි­තීන් වෙනු­වෙන් කෑග­හන අය එක රුපි­ය­ලක් සත්තු වෙනු­වෙන් වැය කර­න­වද? අපිත් සත්තුන්ට ආද­රෙයි.“ ටිකිරිගේ භාරකරු පැවසුවේ මෙවැන්නකි.

ටිකිරි හිමි­ක­රු­වන් කිහිප දෙනෙ­කු­ගේම අතින් අතට ගිය ඇති­න්නි­යක්.  ඇතින්න මුලින් අයි­තිව ඇත්තේ රත්වත්තේ පවු­ල­ට. පසුව පිළි­ම­ත­ලාව ආරි­ය­සේන මහතා ඇති­න්නව මිලට ගෙන මතු­ගම ජගත් විතාන මහ­තා­ටත් කොළො­න්නාව සුමං­ගල හිමි­ය­න්ටත් ඇති­න්නගේ හිමි­කා­ර­ත්වය ඉන් පසුව පැවරී තිබෙනවා. අව­සා­නයේ කෑගල්ල රන්දෙ­ණියේ තිල­ක­රත්න මහ­තාට ටිකිරිගේ අයිතිය පැවරි ඇත. ටිකිරි ඇතින්න අවු­රුදු පහක පමණ වයසේ සිටි­යදී බල­පත්‍ර මත කැල­යෙන් අල්ලපු සතෙක් බවට අනු­මාන කරනවා.

සත්ත්ව හිංසාව වෙනු­වෙන් බොරු­වට ඩොලර් වලට කෑ ගහන අය අනන්තයි. සත්ත්ව සුබ සාධ­නය අත්‍ය­ව­ශ්‍යය කාර­ණ­යක්.  සතුන්ට හිංසා­වක් වෙනවා නම් ඒක කොයි සතා­ටත් එකයි. රජ කාලේ ඉඳලා මේ පෙර­හර සංස්කෘ­තිය අපේ ජාති­යට උරු­මව පව­තින දෙයක්. අලි ඇතුන් ගමන් කළේ අද ඊයේ නොවේ.  සතා සුව වෙන්න කියලා වුණු බාර­යක් ඔප්පු කරන්න හෝ ඌ ගෙනාවත් ඔහුගේ සුවතාවය පරික්ෂ කල යුතුව ඇත.

ටිකිරි ඇතින්න වෙනුවෙන් අමාත්‍ය හරීන් ප්‍රනාන්දු ද සිය ට්විටර් ගිණුමෙන් මෙසේ සටහන් කර තිබිණි.

”පිංබර ටිකිරි, මෙතුවක් කල් උතුම් දළඳා පෙරහැර වර්ණවත් කලාට ඔබට පිං

විශ්‍රාමික ඔබෙන් හිස්වූ ඒ හිඩැස නුදුරේදී තරුණ ඇතෙකු සපුරනු ඇත …

ඒ දෙස බලා ඔබ සතුටු කඳුලු හෙලනා බව විශ්වාසය..”

මෙම ඇතින්න පසුගිය වසරේ පෙරහැරේ ගමන් කළ ඇය ආහාර ජීරණ පද්ධතියේ ඇතිවූ රෝගි තත්ත්වයක් නිසා මාස 6ක් තිස්සේ පීඩාවට පත්ව සිටි ඇති බවද ඇතින්ගේ බාරකරු පැවසුවා. ඇය පිළි­බඳ මෙරට පම­ණක් නොව, දැන් විදෙස් පරි­ස­ර­වේ­දින්, සත්ව­වේ­දීන් ද කතා කර­න්නට පට­න්ගෙන. අයිතිකරුවන් සිටියත් අද පවතින වාතාවරණය හමුවේ මෙවන් සතුන්ට අහාර දීමේ වියදම් පියවා ගැනීමේ අසීරුතාවයන් බොහොමයකි තිබෙනවා. එවන් අවස්ථාවලදී සහන ආධාර වැඩපිළිවෙලක්, අලි අලි ඇතුන් සම්බන්ධයෙන් ජාතික ප්‍රතිපත්තියක් සැකසීමට මෙන්ම ඔවුන්ට විශ්‍රාම වයසක් ගෙන ඒමට හෝ කිසියම් වැඩ පිළිවෙලක් ගෙන ඒමට මෙතෙක් ශ්‍රී ලංකාව සමත් වී නැහැ.  රටට හෙන ගැහුවත් පුටු රත්කරන මෝඩයින් පුටුවල ඉන්නතාක් මේ රට එක ලෙසට එක තැන පල වනු ඇත.

 

ටිකිරිට නිවන් සුව !!

දේශපාලනයේ පස මිතුරන් එකට මුණ ගැසුණු අවස්ථාවක් අද තංගල්ලේදී දක්නට ලැබුණා.

ඒ හිටපු ජනාධිපති විපක්ෂ නායක මහින්ද රාජපක්ෂ මහතාගේ බාල පුත් රෝහිත රාජපක්ෂ මහතාගේ විවාහ මංගල්‍යෙය්දී.

රෝහිත රාජපක්ෂ හා ටට්යානා ලී ජයරත්න අතර මෙම විවාහය සිදුවුණේ වීරකැටිය කාල්ටන් විවෘත පරිශ්‍රයේදී.

දේශපාලන කේෂත්‍රයේ පස මිතුරන් මෙම විවාහ මංගල්‍යයේදී එකට එක්ව  සිටීම කාගේත් අවධානයට ලක් වුණා.

විවාහයට සැපයුනේ දේශීය ආහාර වර්ග පමණයි.

අමුත්තන් සදහා පළමු පිළිගැන්වීම ලෙස ලබා දී ඇත්තේ රණවරා, දිවුල් යුෂ සහ බෙලිමල්. ගැමි ආකාරයට සකසා තිබු ආහාර පිලිගන්වා තිබුණේ මැටි හට්ටිවලයි.

තවද මෙහිදී කිසිදු මස් වර්ගයක් එක් කර නොගැනීමටද කටයුතු කර තිබෙනවා.

රටට ප්‍රසිද්ධ නොකලද මෙම විවාහය සදහා මැදමුලන ගම්මානයේ සියලුම දෙනාට ආරාධනා කර තිබු බවටයි වාර්තා වුණේ.

අග්‍රාමතච්‍ය රනිල් වික්‍රමසිංහ මහතාද මෙම විවාහ මංගල්‍යය සදහා ආරාධනා ලැබ තිබුණා.

ඊට අමතරව කරු ජයසුරිය, කබීර් හෂිම්, සාගල රත්නායක, මංගල සමරවීර ඇතුළු ආණ්ඩු පක්ෂය නියෝජනය කරන මන්ත්‍රීවරුන් රැසක්ම මෙම අවස්ථාව සදහා එක්ව සිටිනු දක්නට ලැබුණා.

ජනාධිපති මෛත්‍රීපාල සිරිසේන මහතා විදේශ සංචාරයක නිරතව ඇති එහෙයින් ඔහු ඊට සහභාගී නොවුනත් මීට පෙර මනාල යුවල මුණ ගැසී සුභපැතුම් එක් කර තිබෙනවා.

ටට්යානා සහ රෝහිතට බොස්ටන් ලංකා අපි සුබ මංගලම් යනුවෙන් ප්‍රාර්ථනා කරනවා.

දුරුතු පුරපසලොස්වක පොහොය වෙනුවෙන් නෙත් එෆ්. එම්. රේඩියෝව සංවිධාන කළ ශ්වේත පූජා පිංකම් මාලාවට සමගාමීව අමෙරිකානු ජාතිකයන් පිරිසක් බුදුදහම වැළද ගැනීම සිදුකර තිබෙනවා.

අමෙරිකාවේ ප්‍රධාන සංඝනායක අමෙරිකාවේ බ්ලූ ලෝටස් විහාරාධිපති පූජ්‍ය පේරාදෙණියේ සිරි සුජාත හිමියන්ගේ ධර්ම දේශනා ශ්‍රවණය කිරීමෙන් අනතුරුව බෞද්ධ ධර්මය පිළිබඳ පැහැදුනු මෙම ඇමෙරිකානු ජාතිකයන් පිරිස  සිරි සුජාත හිමියන්ගේ මාර්ගෝපදේශයෙන් මෙරටට පැමිණ තිබෙනවා.

ඒ අනුව පේරාදෙණියේ ශ්‍රී සුබෝධාරාම විහාරාධිපති ඔස්ට්‍රේලියාවේ ප්‍රධාන සංඝනායක පූජ්‍ය වත්තේගම ශ්‍රී ධම්මාවාස හිමියන්ගේ ප්‍රධානත්වයෙන් ඔවුන් පංචශීලයෙහි පිහිටුවීමෙන් අනතුරුව ඔවුන් සිය අමෙරිකානු නාමයන් වෙනුවට බෞද්ධ නාමයන් ලබාගැනීමටද කටයුතු කර තිබෙනවා.

මෙලෙස බෞද්ධයන් බවට පත්වූයේ  Barry Shaffer,  JeannineOulette, Michael Kramer, Tyler Lewke, Zoe Winter, Patricia Miller, Dan oliverio යන අමෙරිකානු ජාතිකයන් පිරිසයි.

එංගලන්ත ජාතික  62 හැවිරිදි රෝබට් ඇක්ටින් මහතා එංගලන්තයේ ධම්මානන්ද නමින්  අක්මිමන මානවිල ශ්‍රි ඛෙත්තාරාම විහාරස්ථානයේ දි පැවිදි දිවියට ඇතුලත් වී තිබෙනවා.

රෝබට් ඇක්ටින් මහතා ගිහිකළ එංගලන්තයේ මැන්චෙස්ටර් නගරයේ පාසලක නියෝජ්‍ය විදුහල්පතිවරයකු ලෙස කටයුතු කර තිබෙනවා.

බුදු දහම පිළිබද පැහැදි නිවන් ශාන්තිය  උදාකර ගැනිම සදහා තමන් පැවිදි දිවියට ඇතුලත් බව රෝබට් මහතා සඳහන් කර ඇති අතර ඔහු පැවිදි දිවියට  ඇතුලත්කිරිම සදහා අවශ්‍ය මගපෙන්විම සිදුකොට ඇත්තේ  දැනට එංගලන්තයේ මැන්චෙස්ටර් නගරයේ විහාරස්ථානයක වැඩ වාසය කරන ගල්පොත්තයායේ ප්‍රේමානන්ද හිමියන්.

මෙම පැවිදි පිංකම මහා සංඝරත්නයේ හා  විහාරස්ථ දායක දායිකාවන්ගේ සහභාගිත්වයෙන්  ඛෙත්තාරාම විහාරස්ථානයේ දි පසුගියදා පැවැත්වුණා.