Breaking News
මෙරට සියලුම අධිවේගී මාර්ග සඳහා බැංකු කාඩ්පත් මඟින් ගෙවීම් කිරීමේ පහසුකම මැයි 01 වැනිදා සිට ක්රියාත්මක කරන බව අමාත්ය බිමල් රත්නායක පවසනවා.
ඒ අනුව නියමු ව්යාපෘතියක් ලෙස එය මේ වන විට කොට්ටාව සහ කඩවත අන්තර් හුවමාරුවලදී ආරම්භ කර ඇති බවයි අද (11) පැවති මාධ්ය හමුවකට එක්වෙමින් අමාත්යවරයා සඳහන් කළේ.
මෙම ව්යාපෘතිය හරහා කාඩ්පත්වලට අමතරව QR මඟින්ද ගෙවීමේ සිදු කිරීමේ හැකියාව පවතින බවයි වැඩිදුරටත් සඳහන් වෙන්නේ.
හිටපු ජනාධිපති රනිල් වික්රමසිංහ අල්ලස් හෝ දුෂණ චෝදනා විමර්ශන කොමිෂන් සභාව වෙත කැඳවා තිබෙනවා.
ඒ අනුව අප්රේල් මස 17 වනදා උදෑසන 9.30 ට අල්ලස් කොමිසම වෙත පැමිණෙන ලෙස ඔහුට දැනුම් දී ඇති බවයි සඳහන් වෙන්නේ.
පාර්ලිමේන්තු මන්ත්රී චාමර සම්පත් දසනායක ඌව පළාත් හිටපු ප්රධාන අමාත්යවරයා ලෙස කටයුතු කරන අවදියේ සිදුවූ සිදුවීමක් සම්බන්ධයෙන් ප්රකාශයක් ලබා ගැනීම සඳහා මෙලෙස කැඳවා ඇති බවයි වැඩිදුරටත් සඳහන් වෙන්නේ.
ගෝලීය කම්පනයන්ගෙන් ශ්රී ලංකාවට ඇතිවන බලපෑම තක්සේරු කිරීමට තවත් කාලය අවශ්ය බව ජාත්යන්තර මූල්ය අරමුදලේ ජ්යෙෂ්ඨ දූත මණ්ඩල ප්රධානී Evan Papageorgiou පවසනවා.
මෑත කාලීන බාහිර කම්පනයන් සහ දිනෙන් දින වර්ධනය වෙමින් පවතින ගෝලීය අවිනිශ්චිතතාවයන් හමුවේ, තවමත් යථා තත්ත්වයට පත්වෙමින් පවතින ශ්රී ලංකාවේ ආර්ථිකයට අවිනිශ්චිතතාවක් ඇති කරමින් පවතින බවයි ශ්රී ලංකා සංචාරය නිමා කර නිවේදනයක් නිකුත් කරමින් ඔවුන් සඳහන් කරන්නේ.
මෙම අවිනිශ්චිත අවස්ථාවේදී, දුප්පතුන් සහ අවදානමට ලක්විය හැකි අය ආරක්ෂා කිරීම සඳහා රජයට වැදගත් වගකීමක් තිබෙන බවත්, උද්ධමනය අඩු මට්ටමක පවතින අතර, තිරසාර මිල ස්ථායිතාව සහතික කිරීම සහ සාර්ව ආර්ථික ස්ථාවරත්වයට සහාය වීම සඳහා අඛණ්ඩ අධීක්ෂණය අවශ්ය බවයි ඔවුන් වැඩිදුරටත් පෙන්වා දී ඇත්තේ.
ජාත්යන්තර මූල්ය අරමුදලේ දූත කණ්ඩායම 2025 අප්රේල් 03 සිට අප්රේල් 11 දින දක්වා ශ්රී ලංකාවේ සංචාරයක නිරත වුණා.
අද (10) දිනයේදී කොළඹ කොටස් වෙළෙඳපොළ මිල දර්ශක දැවැන්ත වර්ධනයක් වාර්තා කර තිබෙනවා.
ඒ අනුව කොටස් වෙළෙඳපොළ ප්රධාන මිල දර්ශකය වන සියලු කොටස් මිල දර්ශකය පෙර දිනයට සාපේක්ෂව 4.7% ක එනම් ඒකක 704.88ක දැවැන්ත වර්ධනයක් වාර්තා කර ඇති අතර, දිනය අවසානයේ දී එහි අගය ඒකක 15,580.83 ක් ලෙසින් සටහන් වුනා.
එසේම S&P SL20 දර්ශකය ඒකක 290.94 කින් දිනය තුළ ඉහළ ගිය අතර, දිනයේ ගනුදෙනු අවසානයේ දී එය ඒකක 4,643.63 ක් ලෙසින් සටහන්ව තිබුණා.
එසේම, රු. බිලියන 6.97 ක සමස්ත පිරිවැටුමක් අද දිනයේ වාර්තා වූ බවයි වැඩිදුරටත් දැක්වෙන්නේ.
ඇමෙරිකාවේ නව තීරු බදු පැනවීමත් සමග මෙරට ආර්ථිකයට සිදුවන බලපෑම සහ ඒ හමුවේ ගත යුතු ඉදිරි ක්රියාමාර්ග පිළිබඳ සාකච්ඡා කිරීමේ පක්ෂ නායක හමුවක් ජනාධිපති අනුර කුමාර දිසානායකගේ ප්රධානත්වයෙන් අද (10) ජනාධිපති කාර්යාලයේදී පැවැත්වුණා.
ජනාධිපතිවරයා මුණ ගැසී, මේ පිළිබඳව සාකච්ඡා කළ යුතු බවට විපක්ෂයේ මන්ත්රීවරු පිරිසක් කළ ඉල්ලීම පරිදි, ජනාධිපතිවරයා විසින් මෙම හමුව කැඳවා තිබූ අතර, ඇමෙරිකාවේ නව තීරු බදු ප්රතිපත්තිය හමුවේ ගත යුතු ක්රියාමාර්ග පිළිබඳ සොයා බලා රජයට නිර්දේශ ඉදිරිපත් කිරීමට පත් කළ කමිටුව විසින් ඉදිරිපත් කළ කරුණු පිළිබඳව මෙන්ම, මෙම තත්ත්වය හමුවේ රජය මෙතෙක් ගෙන ඇති පියවර පිළිබඳව ද ජනාධිපතිවරයා මෙහිදී පක්ෂ නායකයන් දැනුවත් කර ඇති බවයි ජනාධිපති මාධ්ය අංශය සඳහන් කළේ.
අදාළ කමිටුව විසින් ඉදිරිපත් කළ කරුණු සහ මීට අදාළව විපක්ෂය නියෝජනය කරන පක්ෂ විසින් ඉදිරිපත් කළ යෝජනා පිළිබඳව ද මෙහිදී දීර්ඝ ලෙස සාකච්ඡා කෙරුණු අතර, ඇමෙරිකානු රජය සමඟ සාකච්ඡා කිරීමට අදාළ යෝජනා සකස් කිරිම පිළිබඳවත්, අපනයන ගමනාන්ත විවිධාංගීකරණය පිළිබඳවත් පුළුල් ලෙස සාකච්ඡාවට ලක්වී තිබෙනවා.
මේ සම්බන්ධයෙන් නිකුත් කළ නිවේදනය පහතින්.
ශ්රී දළදා වහන්සේ වන්දනා කර ගැනීමට අවශ්ය කටයුතු සියල්ල මේ වන විට සූදානම් කර ඇති බව මහනුවර අතිරේක දිස්ත්රික් ලේකම් ලලිත් ඇටම්පාවල පවසනවා.
ඒ අනුව පෝලිම් තුනකින් ජනතාව එකතු කරගැනීමට බලාපොරොත්තු වන බවත්, ඒ අනුව, වැව රවුම වටා පෝලිම් දෙකක් සහ ඩී.එස්. සේනානායක වීථිය ඔස්සේ තවත් පෝලිමක් යොදවන බවයි අද (10) පැවැත්වූ ප්රවෘත්ති සාකච්ඡාවකදී ඔහු සඳහන් කර සිටියේ.
මාර්ගස්ථ ප්රවාහන අධිකාරිය, ශ්රීලංගම සහ දුම්රිය දෙපාර්තමේන්තුව එක්ව විශේෂ පුවාහන වැඩසටහනක් ක්රියාත්මක කර ඇති බවත්, නගරයට වාහන බොහෝ ප්රමාණයක් ඇතුළු වුවහොත්, නගරයට පෙර එම වාහන නවත්වා, ඒ පිරිස් විශේෂ බස්රථවලින් ප්රවාහනය කිරීමට කටයුතු යොදා ඇති බවත් ඔහු පවසා සිටියා.
එසේම, ආබාධ සහිත, මහලු හා වැඩිහිටි අයට අවශ්යතාවයක් වුවහොත් නවාතැන් ගැනීමට, කැප්පෙටිපොළ විදුහල සහ විවේකානන්ද විදුහල සුදානම් කර ඇති බවද ඔහු සඳහන් කළා.
එසේම දළදා වහන්සේට පුජා කරන පුජා භාණ්ඩ හැර අන් කිසිවක් මාළිගාව තුළට රැගෙන යෑමට අවස්ථාවක් නොමැති බවත්, ජංගම දුරකථන රැගෙන ඒම තහනම් කර නොමැති වුවත්, එය ක්රියා විරහිත කර තබා ගත යුතු බවත්, කිසිවිටෙකත් ඡායාරූප ලබා ගැනීමට අවස්ථාවක් නොදෙන බවයි පොලිස් අධිකාරි ඩී.සී.ඩී. ඉලංගකෝන් වැඩිදුරටත් ප්රකාශ කර සිටියේ.
දළදා ප්රදර්ශනය අප්රේල් 18 වැනිදා ආරම්භ කිරීමට කටයුතු යොදා ඇති අතර 27 වැනිදා දක්වා දින දහයක් දළදා ප්රදර්ශනය පැවැත්වීමට නියමිතයි.
ශ්රී ලංකාව තුළ දේශපාලනමය වශයෙන් වංචාව හා දූෂණය සම්පූර්ණයෙන්ම අවසන් කර ඇති බව කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති පවසනවා.
නුදුරේදීම රාජ්ය අංශය ඇතුළුව අනිකුත් සෑම ක්ෂේත්රයක් තුළම මේ තත්ත්වය ඇති කරන බැවින් විශේෂයෙන්ම විදේශ ආයෝජකයන්ට ශ්රී ලංකාව ඉතාමත් හොඳ ව්යාපාරික ස්ථානයක් වන බවයි ඔහු සඳහන් කර ඇත්තේ.
කැනඩාවේ ශ්රී ලංකාව හා මාලදිවයින සඳහා මහ කොමසාරිස් Eric Walsh සමග පැමිණි කැනේඩියානු ව්යාපාරික දූත පිරිසක් හමු වූ අවස්ථාවේදී අමාත්යවරයා මේ අදහස් පළකළා.
මෙහිදී මේ වන විට නව රජය විසින් විදේශීය ආයෝජකයන්ට සපයා ඇති පහසුකම් පිළිබඳව දූත පිරිස දැනුවත් කළ සුනිල් හදුන්නෙත්ති අමාත්යවරයා, ශ්රී ලංකාවේ ඛනිජ වැලි හා ග්රැෆයිට් කර්මාන්ත ක්ෂේත්රවල අගය එකතු කිරීමට තාක්ෂණික සහාය ලබාගැනීම සඳහාත්, එම ක්ෂේත්රවල ආයෝජනය සඳහාත් කැනේඩියානු ව්යාපාරික ප්රජාවට ආරාධනා කර තිබෙන බවයි වැඩිදුරටත් සඳහන් වන්නේ.
මේ සම්බන්ධයෙන් නිකුත් කළ නිවේදනය පහතින්.
චීනය හෙට (10) සිට ක්රියාත්මක වන පරිදි අමෙරිකානු භාණ්ඩ සඳහා 84% ක තීරු බද්දක් ප්රකාශයට පත්කර තිබෙනවා.
එක්සත් ජනපද ජනාධිපති ඩොනල්ඩ් ට්රම්ප් විසින් චීන ආනයන සඳහා 104% ක තීරු බද්දක් පැනවීමෙන් පසු, මෙම තීරණය ගෙන ඇති බවයි විදෙස් මාධ්ය වාර්තා වැඩිදුරටත් සඳහන් කරන්නේ.
පසුගියදා වැලිකඩ පොලිස් අත්අඩංගුවේ දී මරණයට පත් වූ සත්සර නිමේෂ් තරුණයාගේ මෘත ශරීරය ගොඩගන්නා ලෙස කොළඹ මහෙස්ත්රාත් අධිකරණය කොළඹ ප්රධාන අධිකරණ වෛද්ය නිලධාරියාට නියෝග කර තිබෙනවා.
ඒ අනුව විශේෂඥ වෛද්යවරුන් තුන්දෙනෙකුගෙන් සමන්විත වෛද්ය කමිටුවක් මඟින් සම්පූර්ණ පශ්චාත් මරණ පරීක්ෂණයක් පවත්වා වාර්තාවක් ඉදිරිපත් කරන ලෙසයි අධිකරණයට නියෝග කර තිබෙන්නේ.
අගතියට පත් පාර්ශවය විසින් කළ ඉල්ලීමක් සලකා බැලීමෙන් අනතුරුව කොළඹ අතිරේක මහෙස්ත්රාත් කේමින්ද පෙරේරා විසින් මෙම නියෝගය ලබාදී ඇති බවයි වැඩිදුරටත් සඳහන් වෙන්නේ.
එක්සත් ජනපදය විසින් පනවන ලද බදු යම් ප්රමාණයකින් බලපෑමක් සිදුවීමේ අනතුරක් තිබෙන බව ජනාධිපති අනුර කුමාර දිසානායක පවසනවා.
ඒ අනුව මෙරට තීරුබදු අඩු කළ හැකි ආකාරය දක්වමින් එක්සත් ජනපද ජනාධිපති ඩොනල්ඩ් ට්රම්ප්ට ලිපියක් යොමු කළ බවයි අද (08) ජන හමුවක් අමතමින් ජනාධිපතිවරයා සඳහන් කළේ.
අදාළ ලිපිය ධවල මන්දියට ගොස් ඇති බවත් නියෝජිත කණ්ඩායමක් යොමු කරමින් සාකච්ඡා කිරීමටද කටයුතු සිදු කරමින් ඇති බවද ජනාධිපතිවරයා ප්රකාශ කළා.
පවතින තත්ත්වයේ බලපෑම අවම කරගැනීම සඳහා සාකච්ඡා පැවැත්වීමත් එන ඕනෑම තත්ත්වයක මුහුණදීමට ජාතිය සූදානම් කළ යුතු බවයි ජනාධිපති අනුර කුමාර දිසානායක වැඩිදුරටත් ප්රකාශ කළේ.
