Breaking News
මෙරට රන් මිල පසුගිය සිකුරාදා දිනට සාපේක්ෂව රු 60,000කින් පහළ ගොස් ඇති අතර, අද (22) දී පමණක් රන් මිල රු 20,000කින් පහළ ගොස් ඇත.
ඒ අනුව අද (22) පෙරවරුවේ කොළඹ හෙට්ටිවීදිය රන් වෙළෙඳපොළෙහි “කැරට් 22” රන් පවුමක් මිල රු. 322,000ක් දක්වා පහළ ගොස් තිබේ.
පසුගිය සිකුරාදා දිනයේ දී එය දැක්වුණේ රු. 379,200ක් ලෙසය.
මේ අතර සිකුරාදා දිනයේ දී රු. 410,000ක් ලෙස පැවති “කැරට් 24” රන් පවුමක මිල අද වනවිට රු. 350,000ක් දක්වා පහළ ගොස් ඇති බව කොළඹ හෙට්ටිවීදිය රත්රං වෙළෙඳපොළ ආරංචි මාර්ග සඳහන් කරයි.
වෙඩි වැදීමෙන් ජීවිතක්ෂයට පත්වූ වැලිගම ප්රාදේශීය සභාවේ සභාපති, ලසන්ත වික්රමසේකර මහතා පසුගිය පළාත් පාලන ඡන්දයේදී සමගි ජනබලවේගයෙන් තරග වැද එහි සභාපතිධූරයට පත්වුණි.
එහිදී සභාපති ධුරය දිනාගැනීම සම්බන්ධයෙන් මතභේදාත්මක තත්ත්වයක් නිර්මාණය වුණි.
මේ වන විට බන්ධනාගාරගතව සිටින නඳුන් චින්තක හෙවත් ‘හරක් කටාගේ’ සමීපතමයෙක් බවට ඔහු හඳුනාගෙන ඇති බව පොලීසිය පැවසුවේය.
සිද්ධිය සම්බන්ධ වැඩිදුර විමර්ශන දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත් මහතාගේ සෘජු අධික්ෂණයෙන් ක්රියාත්මකය.
වැලිගම ප්රාදේශිය සභාවේ සභාපති ලසන්ත වික්රමසේකර හෙවත් ‘මිදිගම ලසා’ ඔහුගේ කාර්යාලය තුළදීම අද (22) උදෑසන 10.30ට පමණ වෙඩි තබා ඝාතනය කෙරුණි.
සභාපතිවරයාගේ නිල කාමරය තුළට පැමිණි නාඳුනන තුවක්කුකරුවකු වෙඩිතැබීම සිදුකර පලා ගොස් ඇති බව පොලීසිය පැවසුවේය.
අද සභාපතිවරයාගේ මහජන දිනයක් වූ බැවින් ඔහුව හමුවීම සඳහා මහජනතාවට වෙලාව වෙන් කර තිබූ බව පොලීසිය පවසයි.
වෙඩික්කරු ද සාමාන්ය පුද්ගලයෙකු මෙන් සුදුපැහැති ඇඳුමකින් සැරසී, කළු පැහැති මුව ආවරණයක් පැළඳ ඔවුන් අතර රැඳී සිට තිබේ.
ඒ අතරතුර කාන්තාවක් සභාපතිවරයාගේ නිලකාමරයට ගොස් ඔහු ලවා ලිපියක් අත්සන් කරගෙන පිටතට පැමිණීමේදී වෙඩික්කරු නිල කාමරය තුළට ඇතුළුවී ඇති බව පොලීසිය සඳහන් කළේය.
වෙඩි ප්රහාරයෙන් අනතුරුව වෙඩික්කරු යතුරුපැදියකින් පලාගොස් තිබේ.
සභාපතිවරයාගේ හිසට හා ගෙලට වෙඩි ප්රහාරවලින් බරපතළ තුවාල සිදුව තිබුණි.
රැස්ව සිටි පිරිස සභාපතිවරයා කඩිනමින් රෝහල්ගත කළ නමුත්, රෝහල්ගත කිරීමෙන් පසුව සභාපතිවරයා මියගිය බව රෝහල් ආරංචිමාර්ග සඳහන් කළේය.
මිදිගම ප්රදේශයේ පදිංචිකරුවෙක් වන ලසන්ත වික්රමසේකර මහතා 38 හැවිරිදි වියේ පසුවුණි.
වෙඩිතැබීම සඳහා පිස්තෝල වර්ගයේ ගිනිඅවියක් භාවිත කර ඇති අතර, වෙඩිතැබීමට හේතුව මෙතෙක් අනාවරණය වී නොමැති බව පොලීසිය පවසයි.
බස්නාහිර පළාත් ග්රාම සංවර්ධන දෙපාර්තමේන්තුව මගින් සංවිධාන කරන විස්කම් ප්රභා – 2025 ප්රදර්ශනය හා වෙළඳපොළ, බස්නාහිර පළාත් සභා සංකීර්ණ පරිශ්රයේ බිම් මහලේදී අද (21.10.2025) දින ග්රාමීය සංවර්ධන සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපලි පන්නිල මහතාගේ ප්රධානත්වයෙන් ප්රධානත්වයෙන් ආරම්භ කෙරුණා.
බස්නාහිර පළාත් ග්රාම සංවර්ධන දෙපාර්තමේන්තුව මගින් පවත්වාගෙන යන ග්රාමීය කාන්තා පුහුණු මධ්යස්ථාන 29ක දහසකට ආසන්න පුහුණුලාභී කාන්තා ව්යවසායකයන්ගෙන් තෝරගන්නා ලද ප්රදර්ශන භාන්ඩ 2000කට ආසන්න ප්රමාණයකින් විස්කම් ප්රභා – 2025 සමන්විත වනවා. ඔක්තෝබර් 21 සහ 22 දෙදින ප්රදර්ශනය පැවැත්වෙන බවයි සංවිධායක මණ්ඩලය පවසා සිටියේ. ග්රාමීය ආර්ථිකය ශක්තිමත් කිරීමත්, දිළිඳුකම තුරන් කිරීමත්, කාන්තාවන් සවිබලගැන්වීමත් මෙහි අරමුණ වනවා.
මෙම අවස්ථාවට නියෝජ්ය අමාත්ය වසන්ත පියතිස්ස මහතා, බස්නාහිර පළාත් ආන්ඩුකාරවර හනීෆ් යූසුප් මහතා, ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශ ලේකම් සම්පත් මන්ත්රිනායක මහතා, බස්නාහිර පළාත් ප්රධාන ලේකම් කේ.ජී. ප්රදීප් පුෂ්පකුමාර මහතා, බස්නාහිර පළාත් ග්රාම සංවර්ධන දෙපාර්තමේන්තුවේ අධ්යක්ෂ දිනේෂා කුමාරි රාජපක්ෂ මහත්මිය, රාජ්ය නිළධාරීන්, බස්නාහිර පළාත් කාන්තා ව්යවසායකයින්, ප්රදර්ශනය නැරඹීමට පැමිණි ජනතාව ඇතුළු විශාල පිරිසක් එක්ව සිටියහ.
ස්විට්සර්ලන්තයේ ජිනීවා හි පැවැත්වෙන 16 වන එක්සත් ජාතීන්ගේ වෙළෙඳ හා සංවර්ධනය පිළිබඳ සමුළුවේ (UNCTAD) සමාරම්භක උත්සවය සඳහා වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා (20) දින සහභාගී විය.
ඔක්තෝබර් මස 20 වන දා සිට 23 වනදා දක්වා පැවැත්වෙන මෙම සමුළුව, එක්සත් ජාතීන්ගේ වෙළෙඳාම සහ සංවර්ධනය පිළිබඳ ප්රධාන සමුළුව වන අතර, එහිදී වත්මන් ගෝලීය වෙළෙඳාම, මූල්ය, ආයෝජන, තාක්ෂණික ප්රවණතා සහ අභියෝග සාකච්ඡා කිරීම සඳහා සාමාජික රටවල් 195 ක රාජ්ය නායකයින්, වෙළෙඳ හා ආර්ථික අමාත්යවරුන්, ජාත්යන්තර සංවිධාන ප්රධානීන්, නොබෙල් ත්යාගලාභී ආර්ථික විද්යාඥයින්, සිවිල් සමාජ සංවිධාන, සංවර්ධන බැංකු, මූල්ය හා ගෝලීය වෙළෙඳ සංවිධාන වල නියෝජිතයින් සහභාගී වේ.
මෙය එක්සත් ජාතීන්ගේ වෙළෙඳාම සහ සංවර්ධනය පිළිබඳ ඉහළම තීරණ ගැනීමේ ආයතනය වන අතර, එහිදී සාමාජික රටවල් 195 ක වත්මන් වෙළෙඳ හා සංවර්ධන ගැටළු තක්සේරු කරමින් ඉදිරි වසර හතර සඳහා ගෝලීය ප්රතිපත්තීන් සකස් කරනු ලබයි.
‘‘Shaping the future” යන තේමාව සමඟින් එක්සත් ජාතීන්ගේ වෙළෙඳ හා සංවර්ධනය පිළිබඳ සමුළුව මෙවර පැවැත්වෙන අතර මීට සමගාමීව පැවති G77 සහ චීන, අමාත්ය රැස්වීමට ද අමාත්යවරයා සහභාගී වූ අතර එහිදී අමාත්යවරයා,
“දේශගුණික බලපෑම් සහ ණය බරවල සිට ඩිජිටල් සහ ආර්ථික බෙදීම් දක්වා අප මුහුණ දෙන බහුවිධ අර්බුද ගෝලීය ආර්ථිකයේ ගැඹුරු අසමමිතීන් හෙළි කරයි. සංවර්ධනය වෙමින් පවතින රටවලට, විශේෂයෙන් ශ්රී ලංකාව වැනි කුඩා හා අවදානමට ලක්විය හැකි රටවලට, මෙම අභියෝග සඳහා හදිසි ප්රතිසංස්කරණ සහ සාමූහික විසඳුම් අවශ්ය වේ.
වෙළෙඳ හා සංවර්ධන උපාය මාර්ග හැඩගැස්වීමේදී සහ අපගේ ජාතික ප්රමුඛතා අනුගමනය කිරීමට අවශ්ය ප්රතිපත්ති අවකාශය ආරක්ෂා කිරීමේදී UNCTAD හි කේන්ද්රීය කාර්යභාරය අපි නැවත තහවුරු කරමු. UNCTAD හි විශ්ලේෂණාත්මක හා තාක්ෂණික හැකියාවන් ශක්තිමත් කිරීම අත්යවශ්ය වේ.
සියලු රටවලට නැගී එන අවස්ථාවන්ගෙන් ප්රතිලාභ ලබා ගත හැකි බවත් ඔරොත්තු දීමේ හැකියාව ගොඩනඟා ගත හැකි බවත් සහතික කිරීම සඳහා වැඩිදියුණු කළ සහයෝගීතාවයේ සහ තාක්ෂණ හුවමාරුවේ අවශ්යතාවය ද අපි ඉස්මතු කරමු.
වඩාත් සාධාරණ, තිරසාර ගෝලීය ආර්ථික පිළිවෙලක් කරා – සහයෝගීතාවයෙන් සහ බෙදාගත් අරමුණකින් – අපි එක්ව ඉදිරියට යමු.”
සඳහන් කරමින් ප්රකාශයක් නිකුත් කරන ලදි.
එම රැස්වීමෙන් අනතුරුව එක්සත් ජාතීන්ගේ වෙළෙඳ හා සංවර්ධනය පිළිබඳ සමුළුවෙහි සංවාදය ආරම්භ වූ අතර අමාත්ය වසන්ත සමරසිංහ මහතා,
‘‘ලෝකය බොහෝ අභියෝගවලට මුහුණ දෙන කාලයක අපි හමුවෙමු. සංවර්ධනය වෙමින් පවතින රටවල්, විශේෂයෙන් ශ්රී ලංකාව වැනි කුඩා හා අවදානමට ලක්විය හැකි රටවල් පීඩනයට ලක්ව ඇත. COVID-19 වසංගතය, දේශගුණික විපර්යාස, ණය ගැටළු සහ ඉහළ යන ගෝලීය ආතතීන් අපගේ ආර්ථිකයන් වර්ධනය කර ගැනීමට සහ අපගේ ජනතාවගේ ජීවිත වැඩිදියුණු කිරීමට අපට අපහසු කර ඇත.
නමුත් අපි මෙහි සිටින්නේ බලාපොරොත්තු සුන් කර ගැනීමට නොවේ. බහුපාර්ශ්විකත්වය සහ ජාත්යන්තර සහයෝගීතාව තවමත් වැදගත් බව පෙන්වීමට සහ එයට විසඳුම් සෙවීමටයි.”
යනුවෙන් එම සංවාදයට එක් වෙමින් සිය ප්රකාශය ඉදිරිපත් කරන ලදි.
තව දුරටත් අදහස් දක්වමින් අමාත්යවරයා, දුෂ්කරතා මධ්යයේ වුවද, ශ්රී ලංකාව තවමත් බලාපොරොත්තු සහගතව UNCTAD සහ අපගේ සංවර්ධන හවුල්කරුවන්ගේ සහාය ඇතිව, අපට ශක්තිමත්ව යථා තත්ත්වයට පත් වීමට, හරිත ආර්ථිකයන් ගොඩනඟා ගැනීමට සහ අපගේ ජනතාවට වඩා හොඳ අනාගතයක් ලබා දිය හැකි බවට වූ විශ්වාසය අවධාරණය කරන ලදි.
ඒ අනුව අමත්යවරයා ස්විට්සර්ලන්තයේ ජිනීවා හි දී තවත් ද්වීපාර්ශ්වික සාකච්ඡා කිහිපයකට ද එක් වීමට නියමිත අතර 16 වන එක්සත් ජාතීන්ගේ වෙළෙඳ හා සංවර්ධනය පිළිබඳ සමුළුව (UNCTAD) එළඹෙන 23 වන දා දක්වා පැවැත්වීමට නියමිතය…..
පාස්කු ඉරුදින ත්රස්ත ප්රහාර සිද්ධිය සම්බන්ධයෙන් සිදුකරන විමර්ශනවලට අදාළව නීතිපතිවරයාගේ උපදෙස් ලබා ගැනීමකින් තොරව යුද හමුදා හිටපු බුද්ධි අංශ සාමාජිකයෙකු වන කර්නල් කේ.එස්. මද්දුමගේ මහතා අත්අඩංගුවට ගැනීම වළක්වාලමින් පනවා තිබෙන අතුරු තහනම් නියෝගය නොවැම්බර් මස 11 වනදා දක්වා දීර්ඝ කිරීමට අභියාචනාධිකරණය නියම කර තිබේ.
අදාළ කර්නල්වරයා විසින් ඉදිරිපත් කළ රිට් පෙත්සම අද (21) යළි සලකා බැලීමෙන් අනතුරුව අභියාචනාධිකරණය මෙම නියෝගය නිකුත් කළේය.
එදිනට පෙර මෙම සිද්ධියට අදාළ ලිඛිත දේශන තිබේ නම් ඉදිරිපත් කරන ලෙසත් අධිකරණය පාර්ශ්වකරුවන්ට නියම කර ඇත.
අයහපත් කාලගුණික තත්ත්වය හේතුවෙන් උඩරට දුම්රිය මාර්ගයේ දුම්රිය ධාවනය හෙට (22) දහවල් 12.00 දක්වා යථා තත්ත්වයට පත්කළ නොහැකි බව දුම්රිය දෙපාර්තමේන්තුව පවසයි.
එම දෙපාර්තමේන්තුව සඳහන් කළේ මේ හේතුවෙන් අද රාත්රී තැපැල් දුම්රියද ධාවනය නොවන බවය.
එමෙන්ම කොළඹ සිට ධාවනය වන දුම්රිය රඹුක්කන දක්වාත්, බදුල්ලේ සිට කොළඹ දක්වා ධාවනය වන දුම්රිය පේරාදෙණිය දක්වාත් සීමා කර තිබේ.
දිවයින පුරා පළාත් සහ ජාතික පාසල්වල ගුරු පුරප්පාඩු 36,178ක් පවතින බව අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය හරිනි අමරසූරිය පවසන්නීය.
අද (21) පාර්ලිමේන්තුවේ දී පැනයකට පිළිතුරු දෙමින් අග්රාමාත්යවරිය සඳහන් කර සිටියේ, ජාතික පාසල්වල පුරප්පාඩු 1,501ක් ඇති බවය.
එමෙන්ම පළාත් පාසල් ලෙස බස්නාහිර ගුරු පුරප්පාඩු 4,630ක්, දකුණ 2,513ක්, මධ්යම 6,318ක්, වයඹ 2,990ත්, ඌව 2,780ක්, උතුරු මැද 1,568ක්, නැගෙනහිර 6,613ක්, සබරගමුව 3,994ක් සහ උතුරු පළාතේ ගුරු පුරප්පාඩු 3,271ක් වාර්තා වී ඇතැයි ද අග්රාමාත්යවරිය සඳහන් කළාය.
මේ සඳහා ඉදිරියේ දී දිවයිනේ ජාතික පාසල්වල විද්යා, ගණිත, තාක්ෂණ විෂයන්, විදේශ භාෂා සහ 13 වසරක අකණ්ඩ විෂයන් සඳහා මෙන්ම අපොස උසස් පෙළ සිංහල, ඉංග්රීසි සහ දෙමළ මාධ්ය පුරප්පාඩු සඳහා පසුගිය 2024.07.28 වන දින සිට බඳවා ගැනීම් සිදුකර ඇත.
එහිදී ගුරු සේවයේ තුන්වන (ආ) 1 ශ්රේණීයට අයත් වැඩභාර නොගත් උපාධිධාරීන් 353ක් ඉදිරි මාස 2ක තුළ බඳවා ගැනීමට නියමිත බව ද අග්රාමාත්යවරිය පැවසුවාය.
මීට අමතරව පවතින ගුරු සේවයේ පුරප්පාඩු සම්පූර්ණ කිරීමට අග්රාමාත්ය ලේකම්ගේ ප්රධානත්වයෙන් පිහිටුවා ඇති බඳවා ගැනීම් සමාලෝචන කමිටුවට ඉල්ලීම් ඉදිරිපත් කර එම පුරප්පාඩු සම්පූර්ණ කිරීමට අවශ්ය ඉදිරි ක්රියාමාර්ග ඉක්මනින් ගන්නා බව ද අග්රාමාත්යවරිය වැඩිදුරටත් කියා සිටියාය.
වහාම ක්රියාත්මක වන පරිදි නව ප්රධාන තනතුරක් ප්රදානය කිරීමට එක්සත් ජාතික පක්ෂය තීරණය කර තිබේ.
ඒ අනුව දේශපාලන බලමුළු ගැන්වීමේ නියෝජ්ය මහලේකම් (Deputy Secretary General of Political Mobilization) ලෙස හිටපු අමාත්ය හරීන් ප්රනාන්දු මහතා පත්කර ඇත.
මෙරට සියලු දේශපාලන පක්ෂ ඒකරාශී කර පොදු වැඩ පිළිවෙලකට සම්බන්ධ කරගැනීම හිටපු අමාත්ය හරීන් ප්රනාන්දු මහතාට ලබා දුන් තනතුරේ වගකීම බව එක්සත් ජාතික පක්ෂය නිවේදනය කරයි.
ඊට අමතරව එක්සත් ජාතික පක්ෂය සංවිධානය කරන රැස්වීම් 1,000 භාරය ක්රියා කරන්නේද හරීන් ප්රනාන්දු මහතා බව වාර්තා වේ.
ඔක්තෝබර් මාසයට යෙදෙන ගෝලීය පියයුරු පිළිකා පිළිබඳව දැනුවත් කිරීම සඳහා මන්ත්රීවරියන් රෝස පැහැති හෝ රෝස පැහැය සහිත ඇඳුමින් සැරසී පැමිණෙන ලෙස කථානායකවරයා පාර්ලිමේන්තුවට දැනුම්දී තිබේ.
ඒ අනුව හෙට (22) දින පාර්ලිමේන්තුවට පැමිණීමේ දී අදාළ නිවේදනය අනුව ක්රියාකරන ලෙස අද පාර්ලිමේන්තුවේ දී කථානායකවරයා පැවසීය.
එසේම ගෝලීය පියයුරු පිළිකා පිළිබඳව දැනුවත් කිරීම සංකේතවත් කරමින් පාර්ලිමේන්තු මන්ත්රීවරියන්ගේ සංසදය විසින්, හෙට දින පාර්ලිමේන්තු මන්ත්රීවරයන් හට පැළඳීම සඳහා ලාංඡනයක් බෙදාහැරීමට කටයුතු සුදානම් කර ඇති බව බවත්, පාර්ලිමේන්තුවේ සියලු මන්ත්රීවරයන්ට එම ලාංඡනය මන්ත්රී පිවිසුමේ දී ලබාදීමට කටයුතු කරනු ලබන බවත්, කථානායකවරයා පාර්ලිමේන්තුවට නිවේදනය කළේය.
මෙරට රන් මිල සෙනසුරාදා දිනයට සාපේක්ෂව රු 5,000කින් පහළ ගොස් තිබේ.
ඒ අනුව අද (21) පෙරවරුවේ කොළඹ හෙට්ටිවීදිය රන් වෙළෙඳපොළෙහි “කැරට් 22” රන් පවුමක් මිල රු. 356,000ක් දක්වා පහළ ගොස් තිබේ.
සෙනසුරාදා දිනයේ දී එය දැක්වුණේ රු. 360,800ක් ලෙසය.
මේ අතර සෙනසුරාදා දිනයේ දී රු. 390,000ක් ලෙස පැවති “කැරට් 24” රන් පවුමක මිල අද වනවිට රු. 385,000ක් දක්වා පහළ ගොස් ඇති බව කොළඹ හෙට්ටිවීදිය රත්රං වෙළෙඳපොළ ආරංචි මාර්ග සඳහන් කරයි.
