සමාජ මාධ්යවල ප්රචාරයවන සාවද්ය පුවතක් පිළිබඳව ජනාධිපති ලේකම් කාර්යාලයෙන් දැනුම්දීමක් සිදුකර තිබේ.
එහි දැක්වෙන්නේ ‘ග්රාම නිලධාරී සම්බන්ධ අක්රමිකතා කඩිනම් පැමිණිලි ක්රියාපරිපාටිය’ මැයෙන් ජනාධිපති ලේකම් කාර්යාලයේ යැයි දක්වමින් ව්යාජ ක්ෂණික ඇමතුම් අංකයක් සහ සෘජු දුරකථන අංක සහිතව සමාජ මාධ්යවල සාවද්ය පුවතක් ප්රචාරය වන බවය.
අග්රාමාත්යවරියගේ ඉල්ලීම පරිදි පාර්ලිමේන්තුවේ ස්ථාවර නියෝග 16 හි විධිවිධාන ප්රකාරව හෙට (18) සහ අනිද්දා (19) දෙදිනම පාර්ලිමේන්තුව රැස්වීමට නියමිත බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.
අද (17) කථානායක වෛද්ය ජගත් වික්රමරත්න මහතාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභා රැස්වීමේදී එම අදාළ පාර්ලිමේන්තු කටයුතු තීරණය වී ඇත.
දෙසැම්බර් 18 වැනි බ්රහස්පතින්දා පෙ.ව 9.30 පාර්ලිමේන්තුව රැස්වෙන අතර හදිසි ආපදා තත්ත්වය හේතුවෙන් අඩාල වූ ජනජීවිත යථා තත්ත්වයට පත්කිරීම සඳහා 2026 වර්ෂයට අදාළව රුපියල් බිලියන 500 ක් සඳහා වන පරිපූරක ඇස්තමේන්තුවක් එදින පාර්ලිමේන්තුවට ඉදිරිපත්කර රජයේ මුදල් පිළිබඳ කාරක සභාවට යොමු කිරීමට නියමිතය.
අනතුරුව අයහපත් කාලගුණික බලපෑමෙන් ඇති වූ ව්යසනයෙන් පසු රටේ වර්තමාන තත්ත්වය පිළිබඳ ආණ්ඩු පක්ෂය විසින් ගෙන එනු ලබන කල්තැබීමේ විවාදය ප.ව 5.30 දක්වා පැවැත්වීමට කටයුතු යොදා ඇති බව පාර්ලිමේන්තු මහලේකම් කාර්යාලය පවසයි.
දෙසැම්බර් 19 වැනි සිකුරාදා පෙ.ව 9.30 සිට ප.ව 5.30 දක්වා ද පාර්ලිමේන්තුව රැස්වීමට තීරණය කර ඇති අතර එදින රුපියල් බිලියන 500 ක පරිපූරක ඇස්තමේන්තුව පාර්ලිමේන්තුවේ විවාද කොට අනුමත කරගැනීමට නියමිතව ඇත.
ශ්රී ලංකාව වෙත අමෙරිකානු ඩොලර් මිලියන 2.5ක ප්රදානයක් ලබාදීමට ජපාන රජය තීරණය කර තිබේ.
‘දිට්වා’ සුළි කුණාටුවෙන් සිදු වූ විනාශයෙන් යළි රට යථා තත්ත්වයට ගොඩනැඟීම සඳහා මෙම ප්රධාන සිදුකරන බව ජපාන විදේශ අමාත්ය ටොෂිමිත්සු මොටෙගි අද (16) ප්රකාශ කළේය.
මෙම ආධාරය ජාත්යන්තර සහනාධාර ආයතන හරහා ශ්රී ලංකායේ ක්රියාත්මක වන වැඩපිළිවල සඳහා යොදා ගැනීමට නියමිතය.
මාධ්ය වෙත අදහස් දක්වමින් ජපාන විදේශ අමාත්ය මොටෙගි මහතා සඳහන් කළේ, දිගුකාලීන මිත්ර රාජ්යයක් වන ශ්රී ලංකාවට ඉක්මනින් යළි යථා තත්ත්වයට පත් වීමට අවශ්ය සම්පූර්ණ සහාය ලබාදීම ජපානයේ අරමුණ බවය.
උත්සව සමය තුළ ව්යාජ මුදල් නෝට්ටු සංසරණය වීම පිළිබඳව අපරාධ පරීක්ෂණ දෙපාර්තමේන්තුවට පැමිණිලි වාර්තා වී ඇති බව පොලීසිය පවසයි.
ඒ අනුව, මුදල් පරිහරණය කිරීමේ දී ව්යාජ නෝට්ටු පිළිබඳ ජනතාව විමසිලිමත් විය යුතු බව පොලිස් මාධ්ය ප්රකාශක සහකාර පොලිස් අධිකාරී එෆ්.යු වුට්ලර් මහතා පැවසීය.
“මේ උත්සව සමයේදී ව්යාජ මුදල් නෝට්ටු සංසරණයක් පිළිබඳව මේ වන විට පැමිණිලි කිහිපයක් අපරාධ පරීක්ෂණ දෙපාර්තමේන්තුවට වාර්තා වෙලා තියෙනවා. පන්දහසේ නෝට්ටුව වැඩි ප්රමාණයක් ව්යාජ ලෙස මුද්රන වුණු අවස්ථා වාර්තා වෙනවා. 2024 වසරේ රුපියල් 5000 ව්යාජ නෝට්ටු 596ක් අපරාධ පරීක්ෂණ දෙපාර්තමේන්තුවට භාරයට අරගෙන තියෙනවා. 2025 වසරේදී 5000 නෝට්ටු 535ක් සංසරණය වෙලා ශ්රී ලංකා පොලීසිය භාරයට අරගෙන තියෙනවා. 2024 වසරේ රුපියල් 2000 ව්යාජ නෝට්ටු 06ක්. 2025 වසරේ නෝට්ටු දෙකක්. 2024 වසරේ රුපියල් 1000 නෝට්ටු 561ක්. 2025 වසරේ රුපියල් 1000 නෝට්ටු 401ක්. 2024 වසරේදී රුපියල් 500 නෝට්ටු 193ක්. 2025 වසරේදී රුපියල් 500 නෝට්ටු 109ක් ආදී වශයෙන් සංසරණය වෙලා තියෙනවා. අපි මතක් කරනවා සැකසහිත නෝට්ටුවක් පිළිබඳව ඔබගේ හිතට දැනුනොත් ඒ පිළිබඳව ළඟම ඇති පොලීසිය වාර්තා කළ යුතුයි.”
මේ අතර ඉදිරි උත්සව සමයේ ජනතාවගේ ආරක්ෂාව වෙනුවෙන් පොලීසිය විසින් විශේෂ ආරක්ෂක වැඩපිළිවෙලක් ක්රියාත්මක කර තිබේ.
ඒ අනුව ජනතාව වැඩි වශයෙන් ගැවසෙන නගරාශ්රිත ප්රදේශවල සිවිල් ඇදුමින් සැරසුන පොලිස් නිලධාරීන් සහ බුද්ධි අංශ නිළධාරීන් යෙදවීමට පියවර ගෙන ඇති බව පොලීසිය සඳහන් කළේය.
ජාතික විදුලි ප්රතිපත්ති කෙටුම්පත බලශක්ති අමාත්ය ඉංජිනේරු කුමාර ජයකොඩි මහතා වෙත පිළිගන්වා තිබේ.
විදුලිබල ප්රතිපත්තිය සකස් කිරීම සඳහා අමාත්යවරයාගේ නිර්දේශයෙන් කැබිනට් මණ්ඩලය විසින් පත් කරන ලද කමිටුව මගින් සකසන ලද ප්රතිපත්ති කෙටුම්පත මෙලෙස බලශක්ති අමාත්යවරයා වෙත පිළිගන්වා ඇති බව සඳහන්ය.
2025 අංක 14 දරණ ශ්රී ලංකා විදුලිබල පනත අනුව ජාතික විදුලි ප්රතිපත්ති කෙටුම්පත සකස් කර තිබේ.
ඉදිරියේදී මෙම ප්රතිපත්ති කෙටුම්පත මහජන අදහස් ලබා ගැනීමේ ක්රියාවලියකටද යොමු කිරීමට සැලසුම් කර අතර ඉන් පසුව ජාතික විදුලි ප්රතිපත්තිය ලෙස සම්මත කර ගැනීමට නියමිතය.
ජාතික ක්රිකට් තේරීම් කමිටුවේ සභාපතිවරයා ලෙස ප්රමෝද්ය වික්රමසිංහ මහතා පත්කර ඇති බව තරුණ කටයුතු සහ ක්රීඩා අමාත්යංශය පවසයි.
එමෙන්ම එම තේරීම් කමිටුවේ සෙසු සාමාජිකයින් ලෙස ඉන්දික ද සේරම්, තරංග පරණ විතාන, විනෝතන් ජෝන් සහ රසාංජලි ද අල්විස් යන මහත්ම මහත්මීන් පත් කර ඇත.
1973 අංක 25 දරන ක්රීඩා නීතියේ 39 -1 වගන්තිය ප්රකාරව සහ 2437/24 2025 මැයි 21 අති විශේෂ ගැසට් පත්රය අනුව මෙම පත් කිරීම සිදුකර ඇති බව තරුණ කටයුතු සහ ක්රීඩා අමාත්යංශය වැඩිදුරටත් සඳහන් කරයි.
ජාතික ජන බලවේගයට බලය හිමි බලපිටිය ප්රදේශීය සභාවේ මංගල අයවැය අද (16) පරාජයට පත්විය.
ඒ වැඩි ඡන්ද 01කින් වත අතර එහිදී පක්ෂව ඡන්ද 16ක් සහ විපක්ෂව ඡන්ද 17ක් හිමිවිය.
බළපිටිය ප්රාදේශීය සභාව අද අනුරුද්ධ මහවැලි මහතාගේ ප්රධානත්වයෙන් පැවැත්විණි.
ජාතික ජන බලවේගයේ මන්ත්රීවරු 16 දෙනෙකු ද, ඒකාබද්ධ විපක්ෂය නියෝජනය කරමින් මන්ත්රීවරු 18 දෙනෙකු ඇතුළත්ව මන්ත්රීවරු 34ක් බලපිටිය ප්රාදේශීය සභාව නියෝජනය කරති.
ප්රාදේශීය සභාව සඳහා සභාපතිවරයෙකු තෝරාගනු ලැබුවේ කුසපත් ඇදිමෙන් වන අතර ඉන් ජාතික ජන බලවේගය නියෝජනය කරමින් අනුරුද්ධ මහවැලි මහතා තේරි පත්විය.
ඒ අනුව බළපිටිය ප්රාදේශීය සභාවේ 2026 වර්ෂය සඳහා මංගල අයවැය අද සභාපතිවරයා විසින් ඉදිරිපත් කෙරුණු අතර ඒ සම්බන්ධයෙන් වූ ඡන්ද විමසීමේදී ජාතික ජනබලවේගයේ මන්ත්රීවරුන් 16 දෙනා පක්ෂවද ඒකාබද්ධ විපක්ෂය නියෝජනය කරමින් සිටි මන්ත්රීවරුන් 17 දෙනෙකු විපක්ෂවද සිය ඡන්දය භාවිත කළේය.
එක්සත් ජාතික පක්ෂය නියෝජනය කරමින් තේරි පත්වූ මන්ත්රීවරයා අද දින සභාවාරය සඳහා පැමිණ නොතිබුණි.
ඒ අනුව බළපිටිය ප්රාදේශීය සභාව සඳහා එළැඹෙන 2026 වසර සඳහා ඉදිරිපත් කළ මංගල අයවැය අද වැඩි ඡන්ද 01කින් පරාජයට පත්විය.
අම්බලංගොඩ – අනුරාධ
ජාතික ජනබලවේග ගම්පහ දිස්ත්රික් පාර්ලිමේන්තු මන්ත්රී අශෝක රන්වල මහතාගේ රිය අනතුර සම්බන්ධයෙන් වූ සිදුවීමේදී පොලිස් නිලදාරීන්ගේ රාජකාරි පැහැර හැරීමක් සිදුවූවාද යන්න පොලිස්පතිවරයාගේ නියෝග මත විමර්ෂණයක් ක්රියාත්මක බව අමාත්ය නලින්ද ජයතිස්ස මහතා පවසයි.
අද පැවැති කැබිනට් තීරණ දැනුම්දීමේ මාධ්ය හමුවේදී මාධ්යවේදියෙකු යොමු කළ ප්රශ්නයකට පිළිතුරු ලබා දෙමින් අමාත්යවරයා පැවසුවේ ඇතැම් පාර්ශ්වවලින් පොලිස් නිලධාරීන් අනතුර සිදුවූ අවස්ථාවේදී රාජකාරි පැහැර හැර ඇති බවට එල්ල වන චෝදනා හමුවේ මෙම පියවර ගෙන ඇති බවය.
ඒ අනුව අදාළ විමර්ශන සම්බන්ධයෙන්ද වාර්තාවක් අධිකරණයට ඉදිරිපත් කිරීමට නියමිත බවද සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා වැඩිදුරටත් අදහස් දක්වමින් පැවසීය.
එහිදී අදහස් දැක්වූ අමාත්යවරයා,
“මේ වෙනකොට ඔබ දන්නවා ඇති සමහර පාර්ශ්වවලින් චෝදනා එල්ල වූ නිසා පොලීසිය පැත්තෙන් අඩුපාඩුකමක් සිදුවුණා කියලා පොලිස්පතිවරයාගේ නියෝගයෙන් පොලිස් නිලධාරීන්ගේ රාජකාරි පැහැර හැරීමක් වූවාද කියන එක සම්බන්ධයෙන් විමර්ෂනයකුත් සිදු කෙරමින් පවතිනවා. මේ සියලු වාර්තා අධිකරණයට ඉදිරිපත් වෙනවා එතකොට ඒ සම්බන්ධයෙන් තීන්දුව බලාගන්න පුළුවන්.”
අධිකරණ පද්ධතිය ඩිජිටල්කරණය කිරීමේ ක්රියාවලිය සඳහා වූ e-Court ව්යාපෘතියට කැබිනට් අනුමැතිය හිමිව තිබේ.
ශ්රී ලංකාවේ අධිකරණ පද්ධතිව ඩිජිටලර්කරණය කිරීම ජාතික ප්රමුඛතා උපාය මාර්ගයක් ලෙස රජය විසින් හඳුනා ගෙන තිබුණි.
එම ඩිජිටල් පරිවර්තන ක්රියාවලියේ මුල් අදියර ලෙස මේ වන විට ශ්රේෂ්ඨාධිකරණය විසින් එහි නඩු ගොනු කළමනාකරණය හඳහා වෙබ් අඩවියක් සහ සබැඳි ඉලෙක්ට්රොනික පද්ධතියක් (e-CMS) හඳුන්වාදී සාර්ථකව ක්රියාත්මක කරමින් පවතී.
ශ්රේෂ්ඨාධිකරණය සඳහා සංවර්ධනය කරන ලද අන්තර්ජාල වෙබ් අඩවිය සහ e-CMS පද්ධතිය, අභියාචනාධිකරණය, අධිකරණ සේවා කොමිෂන් සභාව, විනිශ්චයකාරවරුන්ගේ ආයතනය ඇතුළු දිවයින පුරා විහිදී ඇති සියලුම අධිකරණ සඳහා ද අනුවර්තනය කර යොදා ගැනීම e-Court ව්යාපෘතියෙන් අපේක්ෂා කරන අතර එමගින් ජාතික අධිකරණ දත්ත ජාලයක් ස්ථාපිත කිරීමට ද සැලසුම් කර ඇත.
මෙමගින් මෙරට දීර්ඝකාලීනව මෙරට අධිකරණ පද්ධතිය මුහුණ දෙනු ලබන නඩු ප්රමාදයන්, දත්ත විනිවිදභාවය නොමැතිකම සහ යුක්තිය සඳහා කාලෝචිත ප්රවේශයට බාධා කිරීමේ හා ක්රියාපටිපාටිමය අකාර්යක්ෂමතා මගහැරවීමට හැකි වනු ඇති බවත් අපේකෂා කර තිබේ.
ඒ අනුව ජාත්යන්තර මූල්ය අරමුදලේ ප්රතිසංස්කරණ න්යාය පත්රය 2026-2030 රාජ්ය ආයෝජන වැඩසටහන හා ක්ලීන් ශ්රී ලංකා උපාය මාර්ග සමග අනුකූල වෙමින් e-Court ව්යාපෘතිය ඵලදායිව හා කාර්යක්ෂමව ක්රියාත්මක කිරීම සඳහා ක්ලීන් ශ්රී ලංකා ව්යාපෘතිය යටතේ වෙන් කරනු ලැබ ඇති ප්රතිපාදනවලින් e-Court ව්යාපෘතිය ක්රියාත්මක කිරීම සඳහා රුපියල් මිලියන 150ක ප්රතිපාදන අධිකරණ සේවා කොමිෂන් සභාව වෙත ලබා දීම පිණිස අධිකරණ සහ ජාතික ඒකාබද්ධතා අමාත්යවරයා විසින් ඉදිරිපත් කළ යෝජනාව සඳහා කැබිනට් අනුමැතිය හිමිව ඇත.
මෙරට විශ්වවිද්යාල සහ විදේශීය විශ්වවිද්යාල අතර අවබෝධතා ගිවිසුම් කිහිපයකට එළැඹීමට කැබිනට් මණ්ඩල අනුමැතිය හිමිව තිබේ.
අධ්යාපන, උසස් අධ්යාපන සහ වෘත්තීය අධ්යාපන අමාත්යවරයා වශයෙන් අග්රාමාත්ය හරිනි අමරසූරිය ඉදිරිපත් කළ යෝජනාවට එලෙස අමාන්ය මණ්ඩල අනුමැතිය හිමිව ඇත.
අදාළ ගිවිසුම් පහතින් දැක්වේ.
* තීරයක් සහ මාවතක් සඳහා වන ජාතික හා ජාත්යන්තර විද්යා සංවිධාන සන්ධානය (Allisnce of National and International Science Organizations for the Belt and Road Regions ANSO) පේරාදෙණිය විශ්වවිද්යාලය අතර දේශගුණික විපර්යාස හා පරිසර දුෂණය පිළිබඳ ජංත්යන්තර ජල සමුළුව පැවැත්වීමට අදාළව වන ව්යාපෘති ගිවිසුම.
* පේරාදෙණිය විශ්වවිද්යාලය සහ චීනයේ හ්යුක් චීන විශ්වවිද්යාලය අතර මනුෂ්ය හා සත්ත්ව ප්රජාව තුළක්, පරිසරයේක් MRSA. රෝගය (Methicillin Resistant Stiplylococcus Aureus) සම්ප්රේෂණය වීම පිළිබඳව් හා ඒවායේ ක්ෂුද්රජීවී නායක හා *ස්ව නාශක ප්රතිරෝධිය පැහැදිලි කර ගැනීම ඔහ නමය විවිධත්වය අධ්යයනය කිරීම අරමුණු කර ගනිමින්, පර්යේෂණ සහයෝගිතා ගිවිසුම් (Research Collaboration Agreement) සහ ද්රව්ය හුවමාරු ගිවිසුම් (Materiall Transfer Agreement).
*කැලණිය විශ්වවිද්යාලය සහ පාෂායේ – කීහෝ තොරතුරු විද්යා උපාධි අධ්යයන විද්යාලය අතර අධ්යයන් සහයෝගිතාව ඉහළ නැංවීම්, පීඨ හා සිසුන් අතර අධ්යාපන, වෘත්තීය හා සංස්කෘතික ක්රියාකාරකම් තුළින් මිත්රත්වය ඉහළ නැංවීම සහ ඒකාබද්ධ පර්යේෂණ, සම්මන්ත්රණ, වැඩමුළු පැවැත්වීම යන අරමුණු සාක්ෂාත් කර ගැනීම සඳහා වන අවබෝධතා ගිවිසුම්.
* වව්නියා විශ්වවිද්යාලය සහ මැඩ්රාස් ඉන්දියානු තාක්ෂණ ආයතනය අතර අනෝන්ය එඟකතාව සහිත කේෂ්ත්රවල අධ්යයන හා පර්යේෂණ සහයෝගීතාව ඇති කර ගැනීම, අධ්යයන තොරතුරු සහ ද්රව්ය හුවමාරු කරගැනීම, සිසුන් හා අධ්යයන කාර්ය මණ්ඩල හුවමාරු සහ ඒකාබද්ධ සම්මන්ත්රණ, වැඩමුළු සඳහා අනුග්රහය ලබාදීම යන අරමුණු සාක්ෂාත් කරගැනීම සඳහා වන අවබෝධතා ගිවිසුම.
* ඉන්දියානු සංස්කෘතික සබඳතා කවුන්සිලය සහ වව්නියා විශ්වවිද්යාල අතර ආරාධිත මහාචාර්යවරුන්ගේ සේවය කොන්ත්රාත් පදනම මත වව්නියා විශ්වවිද්යාලය වෙත ලබාගැනීම සඳහා වන අවබෝධතා ගිවිසුම.
