හංගම, පැලැස්ස ප්රදේශයේ පැති බැම්මක් කඩාවැටීමෙන් පුද්ගලයින් තිදෙනෙකු ඊට යටවී ඇති බව වාර්තා වෙයි.වැඩබිමක පැති බැම්ම ඉදිකරමින් සිටි කම්කරුවන් තිදෙනෙක් මෙලෙස යටවී ඇති බව අහංගම පොලීසිය පවසයි.බැම්මට යටවී සිටි තිදෙනා ගොන්නගහේන රෝහල වෙත ඇතුළත් කිරීමෙන් පසුව ජීවිතක්ෂයට පත්වී ඇතැයි පොලීසිය පවසයි…
Category: news_sub
විදුලිසැරවැදී අයෙක් මරුට….
සීදූව තැම්පල ප්රදේශයේදී විදුලි සැර වැදීමෙන් පුද්ගලයකු මියගොස් තිබේ.
ප්රදේශයේ විදුලි රැහැන් පද්ධතියකින් විදුලි සැර වැදී ඇද වැටීමෙන් මියගොස් ඇති එම පුද්ගලයාගේ අනන්යතාව මෙතෙක් තහවුරු වී නොමැති බව පොලීසිය සඳහන් කළේය.
මියගිය පුද්ගලයාගේ මළ සිරුර මීගමුව රෝහලේ මෘත ශරීරාගාරයේ තබා ඇති අතර සීදුව පොලිසිය සිද්ධිය සම්බන්ධයෙන් විමර්ශන ආරම්භ කර තිබේ.
මේ අතර ගල්නෑව නගරයේ බස්නැවතුම්පළක රැදී සිටියදී හදිසි රෝගී තත්ත්වයක් හේතුවෙන් ගල්නෑව රෝහලට ඇතුළත් කළ පුද්ගලයකු මියගොස් ඇති බව පොලිසිය සඳහන් කළේය
එම පුද්ගලයාගේ ද අනන්යතාවද තහවුරු වී නොමැති අතර මළ සිරුර අනුරාධපුර රෝහලේ මෘත ශරීරාගාරයේ තැන්පත් කර තිබේ.
බැංකුවලින් ඒ.ටී.එම් කාඩ් භාවිතා කරමින් මුදල් ලබා ගන්නා පුද්ගලයින් රවටා මුදල් වංචා කළ පුද්ගලයෙකු කළුතර දකුණ පොලිසිය මගින් අත්අඩංගුවට…..
කළුතර නගරයේ පිහිටි ප්රධාන පෙළේ බැංකු වලින් atm යන්ත්ර වලින් මුදල් ලබා ගැනීමට අපහසුතා ඇති පුද්ගලයින් රවටා ඔවුන්ගේ ගිණුම්වල ඇති මුදල් වංචා කළ පුද්ගලයෙකු කළුතර දකුණ පොලිසියේ නොවිසිදුණු අපරාධ ඒකකයේ පොලිස් නිලධාරීන් අත්අඩංගුවට ගන්නා ලදී.
මෙසේ අත්අඩංගුවට ගෙන ඇත්තේ 40 හැවිරිදි කැබිලිගොල්ලෑව ප්රදේශයේ පදිංචි කලක් යුද හමුදාවේ සේවය කළ පුද්ගලයෙකි.
කළුතර දකුණ පොලිසියේ නොවිසිඳුණු අපරාධ ඒකකයට ලද පැමිණිල්ලකට අනුව පරීක්ෂණ ආරම්භ කළ පොලිස් නිලධාරීන් එම මුදල් වංචා සිදුවූ යැයි පවසන ඒ.ටී.එම් යන්ත්රවල cctv කැමරා පරීක්ෂා කිරීමෙන් අනතුරුව විශාල පරිශ්රමයක් යොදා මෙම පුද්ගලයා කවුරුන්ද පිළිබඳව හඳුනාගෙන ඔහු අත්අඩංගුවට ගෙන ඇත.
මෙම පුද්ගලයා දහවල් සහ රාත්රී කාලයේ atm යන්ත්ර අසල රැඳී සිට වයස්ගත පුද්ගලයින් සහ ඒ.ටී.එම් යන්ත්ර වලින් මුදල් ලබා ගැනීමට අපහසුතා ඇති පුද්ගලයින්ට එම මුදල් ලබා ගැනීමට සහය දක්වන අයුරින් එම ස්ථානයේ රැඳී සිට එම පුද්ගලයින්ගේ බැංකු කාඩ් පත් ඔහු සතුව ඇති ක්රියා විරහිත කොට ඇති බැංකු කාඩ් සමග මාරුකොට ,පසුව ඔහු එම පුද්ගලයින්ට පවසා ඇත්තේ මෙම බැංකු කාඩ් පත ක්රියා විරහිත කර ඇති බවත් ඔහුට බැංකුවට ගොස් එම කාඩ් පත ක්රියා ක්රියාත්මක කොට දෙන ලෙස පවසා එම පුද්ගලයාව බැංකුව වෙත යවා ,එම පුද්ගලයා සතු මාරු කරන ලද බැංකු කාඩ් පතින් ඔහු විශාල වශයෙන් මුදල් ලබාගෙන ඇත.
කළුතර දකුණ පොලිස් බල ප්රදේශය වාදිදුව සහ බණ්ඩාරගම යන පොලිස් වසම් වල මෙම වංචාව සිදු කර ඇතිති බවට තොරතුරු අනාවරණය වී ඇති අතර මෙම පුද්ගලයා සම්බන්ධයෙන් දිවයිනේ විවිධ ප්රදේශවලද මෙම වංචාව සිදුකිරීම සම්බන්ධයෙන් මේ වන විටත් විශාල වශයෙන් පැමිණිලි ලැබෙමින් පවතින බව කළුතර දකුණ පොලිසිය ප්රකාශ කරයි.
අත්අඩංගුවට පත් සැකකරු අද දින කළුතර මහෙස්ත්රාත් අධිකරණයට ඉදිරිපත් කිරීමට නියමිතයි.
ශ්රී සර්වඥ ධාතු වන්දනාව දින 7ක් පුරා හුණුපිටිය ගංගාරාම විහාරස්ථානයේදී……
ඉන්දීය අග්රාමාත්ය නරේන්ද්ර මෝදී මහතාගේ මැදිහත්වීම යටතේ ඉන්දීය රජයේ පූර්ණ අනුග්රහයෙන් මෙරටට වැඩම කරවීමට නියමිත ‘ශ්රී සර්වඥ ධාතුන් වහන්සේ වන්දනාව’ පෙබරවාරි 04 වනදා සිට 11 වනදා දක්වා දින 07ක කාලයක් කොළඹ හුණුපිටිය ගංගාරාම විහාරස්ථානයේදී පැවැත්වෙන බව දැනුම් දී තිබේ.
එහි මූලික සංවිධාන කටයුතු පිළිබඳ සොයා බැලීමේ සාකච්ඡාවක් මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල සහ ජනාධිපති ලේකම් ආචාර්ය නන්දික සනත් කුමානායක යන මහත්වරුන්ගේ ප්රධානත්වයෙන් අද (21) පෙරවරුවේ ජනාධිපති කාර්යාලයේදී පැවැත්වා ඇත.
ඉන්දීය අග්රාමාත්ය නරේන්ද්ර මෝදී මහතාගේ උපන් ගම් ප්රදේශයවන ගුජරාට් ප්රදේශයේදී 60 දශකයේදී සිදු කරන ලද කැණීම් වලින් සොයා ගන්නා ලද බුදුරජාණන් වහන්සේගේ ශාරීරික ධාතුන් වහන්සේ මෙතෙක් ඉන්දියාවෙන් පිට වැඩම කර නොමැති අතර, පසුගියදා සිදු වූ ඉන්දීය අග්රාමාත්ය නරේන්ද්ර මෝදි මහතාගේ ශ්රී ලංකා සංචාරයේදී ජනාධිපති අනුර කුමාර දිසානායක මහතා සමඟ පැවැත්වූ සාකච්ඡාවක ප්රතිඵලයක් ලෙස මෙම ශාරීරික ධාතුන් වහන්සේ වැඳ පුදා ගැනීමේ දුර්ලභ අවස්ථාව මෙරට ජනතාවට උදාකර දී තිබේ.
පෙබරවාරි 04 වනදා කටුනායක බණ්ඩාරනායක ජාත්යන්තර ගුවන්තොටුපළ වෙත ශ්රී සර්වඥ ධාතූන් වහන්සේලා වැඩම කරවීමට නියමිත අතර එදින සිට හුණුපිටිය ගංගාරාම විහාස්ථානයේදී සාමාන්ය ජනතාවට ධාතූන් වහන්සේ වැඳ පුදා ගැනීමට අවස්ථාව විවෘත වේ.
ශ්රී සර්වඥ ධාතුන් වහන්සේ පෙබරවාරි 04 වනදා ඉන්දියාවේ සිට මෙරටට වැඩම කරවන මෙහොතේ සිට නැවත ඉන්දියාවට වැඩම කරවීම දක්වා වූ කාල පරිච්ඡේදය තුළ අවශ්ය පහසුම් සැලසීම සහ එහිදී එක් එක් ආයතන වෙත පැවරි ඇති කාර්යයන් සහ ඊට අදාළ සැලසුම් පිළිබඳ මෙහිදී පුළුල් ලෙස සාකච්ඡා කළ බව සඳහන් වේ.
මෙහිදී අදහස් දැක්වු ගංගාරම විහාරාධිපති පූජ්ය කිරින්දේ අස්සජි නායක ස්වාමීන් වහන්සේ සඳහන් කළේ ශ්රී සර්වඥධාතු වන්දනාව සඳහා කොළඹට ඇදී එන අතිවිශාල ජනතාව අපහසුතාවයට පත් නොවන අයුරින් ඔවුන්ට අවශ්ය පහසුකම් සලසා දීම ජනාධිපතිවරයාගේ අපේක්ෂාව බවය.
ශ්රී සර්වඥ ධාතු වන්දනාව සඳහා ගංගාරම විහාරස්ථානය සුදානම් කර තිබෙන අන්දම පිළිබඳව ද උන්වහන්සේ මෙහිදී අදහස් දැක් වූ ජනාධිපති මාධ්ය අංශය කළ නිවේදනයේ සඳහන් වේ.
මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල මහතා මෙහිදී සඳහන් කළේ මෙය ශ්රී ලංකාවාසී ජනතාවට හිමි වු ඓතිහාසික අවස්ථාවක් මෙන්ම රට තුළ බෞද්ධ පුනරුදයක් ඇති කිරීමෙහිලා වූ වැඩපිළිවෙළහි සුවිශේෂී අවස්ථාවක් බවය.
ගංගාරාම විහාරාධිපති පූජ්ය ආචාර්ය කිරින්දේ අස්සජි නායක හිමිපාණන් වහන්සේ ඇතුළු මහා සංඝරත්නයද, බුද්ධශාසන ආගමික සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි, බුද්ධශාසන ආගමික සහ සංස්කෘතික කටයුතු නියෝජ්ය අමාත්ය ගමගෙදර දිසානායක, බස්නාහිර පළාත් ආණ්ඩුකාර හනීෆ් යූසුප්, කොළඹ නගරාධිපතිනි ව්රායි කැලී බල්තසාර් යන මහත්ම මහත්මීහුද, මහජන ආරක්ෂක සහ පාර්ලිමේන්තු කටයුතු අමාත්යාංශයේ ලේකම් රවී සෙනෙවිරත්න මහතා ඇතුළු අදාළ අමාත්යාංශ ලේකම්වරු සහ රාජ්ය ආයතන ප්රධානීහුද, රජයේ ප්රවෘත්ති අධ්යක්ෂ ජනරාල් එච්.එස්.කේ.ජේ.බණ්ඩාර මහතා, ත්රිවිධ හමුදාපතිවරු, පොලිස්පති ඇතුළු ආරක්ෂක අංශ ප්රධානීහුද සහ මේ සඳහා අනුග්රහය දක්වන පෞද්ගලික ආයතනවල නියෝජිතයින් මෙම අවස්ථාවට එක්ව තිබේ.
‘දිට්වා’ නිසා මියගිය 525කගේ මරණ සහතික නිකුත් කර ඇති බවට රජයෙන් ප්රකාශයක්…..
‘දිට්වා’ සුළි කුණාටුවෙන් මියගිය පුද්ගලයන් 525 දෙනෙකුට මේ වනවිට මරණ සහතික නිකුත් කර ඇති බව පළාත් පාලන අමාත්ය චන්දන අබේරත්න මහතා පවසයි.
තවත් මළසිරුරු කිහිපයක් මේ දක්වාත් හදුනාගෙන නොමැති බව ද ඔහු සඳහන් කළේය.
අද (21) පාර්ලිමේන්තුවේදී අදහස් දක්වමින් අමාත්යවරයා මේ බව පැවසීය.
අධ්යාපන ප්රතිසංස්කරණ සම්බන්ධයෙන් විශ්වවිද්යාල ආචාර්යවරුන්ට ජනපති පිළිතුර දෙයි…..
අධ්යාපන ප්රතිසංස්කරණ සිදුකිරීමේදී මතුව ඇති ගැටලු විසඳීමට විශ්වවිද්යාල ආචාර්යවරුන්, විශේෂඥයන් ඇතුළු සියලු පාර්ශ්වයන් ඒකාබද්ධ කරගත් නිසි නෛතික රාමුවක් සහිත යාන්ත්රණයක් ස්ථාපිත කිරීමට රජය කටයුතු කරමින් සිටින බව ජනාධිපති අනුර කුමාර දිසානායක මහතා පවසයි.
ජනාධිපති අනුර කුමාර දිසානානයක මහතා මේ බව සඳහන් කළේ විශ්වවිද්යාල ආචාර්යවරුන්ගේ සමිති සම්මේලනය සමඟ සාකච්ඡාවකට අද (21) පෙරවරුවේ ජනාධිපති කාර්යාලයේදී එක් වෙමිනි.
දැනට පවතින නීතිරීති සහ අණපනත්වලට අනුව ජාතික අධ්යාපන ආයතනය පදනම් කරගත් ව්යුහයක් මගින් අධ්යාපන ප්රතිසංස්කරණ සිදුකිරීමට යාමේදී මතුව ඇති ගැටලු පිළිබඳව විශ්වවිද්යාල ආචාර්යවරු (FUTA) මෙහිදී කරුණු පෙන්වා දුන් බව ජනාධිපති මාධ්ය අංශය නිකුත් කළ නිවේදනය සඳහන් වේ.
නව අධ්යාපන ප්රතිසංස්කරණවල අවශ්යතාව තම සංගමයද පිළිගන්නා බවත්, නාගරික පාසල්වල දරුවන්ට වඩා නව අධ්යාපන ප්රතිසංස්කරණවල අවශ්යතාව පවතින්නේ ග්රාමීය පාසල්වල දරුවන්ට බවත් ඔවුන් වැඩිදුරටත් පෙන්වා දී තිබේ.
අධ්යාපන ප්රතිසංස්කරණවලදී මතුව ඇති ගැටලු විසඳීමට ජනාධිපතිවරයා ප්රමුඛ රජය ගත් තීරණය තම සංගමය අගය කරන බවත්, ඒ සඳහා තම දායකත්වය ලබා දීමට සූදානම් බවත් විශ්වවිද්යාල ආචාර්යවරු වැඩිදුරටත් සඳහන් කර ඇත.
පෙර පැවති සාකච්ඡාවේ දිගුවක් ලෙස විශ්වවිද්යාල පද්ධතිය තුළ ආචාර්යවරු මුහුණ දෙන ගැටලු සහ ඒ සඳහා ලබා දිය හැකි විසඳුම් ඇතුළත් යෝජනාද මෙහිදී ජනාධිපතිවරයා වෙත ඉදිරිපත් කෙරුණු අතර, විශ්වවිද්යාල පද්ධතිය සහ අධ්යාපනය සුරක්ෂිත කිරීම වෙනුවෙන් රජයක් ලෙස ගත හැකි උපරිම ක්රියාමාර්ග ගැනීමට කටයුතු කරන බව ජනාධිපතිවරයා එහිදී අවධාරණය කර තිබේ.
විශ්වවිද්යාල පනත සංශෝධනය කිරීම පිළිබඳව ද මෙහිදී සාකච්ඡාවට ලක් කළ බව සඳහන් වේ.
පසුගිය ආපදා තත්ත්වයට මුහුණ දීමෙන් පසු රටේ ආර්ථික සුරක්ෂිතතාව, සංවර්ධනය ඇතුළු සියලු ක්ෂේත්ර කෙරෙහි සලකා බලමින් රට යළි ගොඩනැගීමේ වැඩපිළිවෙළ රජය මේ වන විට කාර්යක්ෂමව ක්රියාවට නංවා තිබෙන බව මෙහිදී සඳහන් කළ ජනාධිපති අනුර කුමාර දිසානාක මහතා ඒ වෙනුවෙන් සහාය ලබා දෙන ලෙසද විශ්වවිද්යාල ආචාර්යවරුන්ට ආරාධනා කර තිබේ.
සංචාරක ව්යාපාරය ජාත්යන්තර සහයෝගීතාව වර්ධනය කරන වැදගත් රාජ්ය තාන්ත්රික මෙවලමක් – අගමැති….
නිරන්තර අර්බුදකාරී තත්ත්වයන්ට මුහුණ දෙන ලෝකයක බලාපොරොත්තුව, නැවත ගොඩනැගීම සහ ඔරොත්තු දීමේ හැකියාව පිළිබඳ කතා කිරීමේ දී ශ්රී ලංකාව කදිම උදාහරණයක් බවත්, දේශගුණික විපර්යාස, භූ-දේශපාලනික අස්ථාවරතා සහ ආර්ථික අස්ථාවරතා යන වේගයෙන් වෙනස් වන ගෝලීය රටාවන් මධ්යයේ සංචාරක කර්මාන්තය සුවිශේෂී සහ වැදගත් කාර්යභාරයක් ඉටු කරන බවත් අග්රාමාත්යවරිය ගෝලීය ප්රවණතා පිළිබඳ අදහස් දක්වමින් අවධාරණය කර තිබේ.
ලෝක ආර්ථික සංසදය (World Economic Forum) සමගාමීව ඊයේ (20) Piz Buin Davos හි Euronews මධ්යස්ථානයේ පැවති “Tourism as Soft Power and Diplomatic Capital” යන තේමාව යටතේ සංවිධානය කළ සංවාදයකට අග්රාමාත්ය ආචාර්ය හරිනි අමරසූරිය සහභාගී වී තිබේ.
සංචාරක ප්රවේශය සහ ජනතාව අතර සම්බන්ධතා ගොඩනැගීම මඟින් ජාත්යන්තර විශ්වාසය, සංස්කෘතික හුවමාරුව සහ කලාපීය සහයෝගීතාව ශක්තිමත් කරගත හැකි ආකාරය පිළිබඳව අවධානය යොමු කිරීම මෙම සංවාදයේ ප්රධාන අරමුණ වී ඇත.
මෙම සාකච්ඡාවට තුර්කි රාජ්ය සංවිධානයේ මහලේකම් කුබාන් ඔමරලියෙව් (Kuban Omiraliyev) මහතා සහ සවුදි අරාබියේ Aseer Investment සමාගමේ ප්රධාන විධායක නිලධාරි Meshari Alnahar මහතා එක්ව තිබේ.
එහිදී අදහස් දක්වමින් අග්රාමාත්යවරිය පවසා ඇත්තේ, සංචාරක ව්යාපාරය ආර්ථික ක්ෂේත්රයක් ලෙස පමණක් නොව, ජීවනෝපායන් ආරක්ෂා කරන, සමාජීය ඔරොත්තු දීමේ හැකියාව ශක්තිමත් කරන සහ ජාත්යන්තර සහයෝගීතාව වර්ධනය කරන වැදගත් රාජ්ය තාන්ත්රික මෙවලමක් බවය.
ශ්රී ලංකාව මෑත කාලයේදී මුහුණ දුන් අත්දැකීම් සඳහන් කරමින්, දිට්වා සුළි කුණාටුවෙන් සිදුවූ බලපෑම් ඇතුළු විවිධ අර්බුද තත්ත්වයන් මධ්යයේ වුවද රටේ සංචාරක කර්මාන්තය ශක්තිමත් ලෙස නැවත ගොඩනැගීමට හැකි වූ ආකාරය පිළිබඳව අග්රාමාත්යවරිය එහිදී පැහැදිලි කර තිබේ.
විනිවිදභාවයෙන් යුතුව අර්බුද කළමනාකරණය කිරීම සහ ජාත්යන්තර හවුල්කරුවන් සමඟ උපායමාර්ගිකව සම්බන්ධ වීම හරහා සංචාරකයින්ගේ විශ්වාසය පවත්වා ගැනීමට හැකි වූ බවත්, එමඟින් අභියෝගාත්මක තත්ත්වයන් යටතේ පවා වාර්තාගත සංචාරක පැමිණීම් වාර්තා කිරීමට හැකි වූ බවත් ඇය එහිදී අවධාරණය කර ඇත.
එමෙන්ම දේශගුණික මූල්යකරණය, ඩිජිටල් පරිවර්තනය, ස්ත්රී–පුරුෂ සමානාත්මතාවය සහ ප්රමිතියකින් යුත්, දීර්ඝකාලීනව තිරසාර සංචාරක කර්මාන්තයක් ගොඩනැගීමේ වැදගත්කම ද අග්රාමාත්යවරිය මෙහිදී අවධාරණය කළාය.
සංචාරක ව්යාපාරය ලොව පුරා මිලියන ගණනක රැකියා අවස්ථා සඳහා මං විවර කරන බවත්, විශේෂයෙන්ම කාන්තාවන් සහ අවදානමට ලක්විය හැකි ප්රජාවන් සඳහා සාධාරණ හා සමාන අවස්ථා සහතික කිරීම සඳහා සියල්ල ඇතුළත් ප්රතිපත්ති හඳුන්වා දීම අත්යවශ්ය බවත් ඇය තවදුරටත් පෙන්වා දුන්නාය.
විෂ මත්ද්රව්ය සම්බන්ධයෙන් පොලීසියට තොරතුරු කියන් දුරකථන අංක රැසක්…..
විෂ මත්ද්රව්ය වැටලීම් සඳහා තොරතුරු ලබාදිය හැකි ප්රාදේශීය කොට්ඨාස භාර නිලධාරීන්ගේ දුරකථන අංක නාමාවලියක් ශ්රී ලංකා පොලිස් මූලස්ථානය විසින් අද (21) නිකුත් කළේය.
දිවයිනම ආවරණය වන පරිදි ප්රාදේශීය පොලිස් කොට්ඨාස 46ක නාමාවලියක් මෙලෙස නිකුත්කර ඇත..එය පහතින් දැක්වේ
.
මත්ද්රව්ය ගෙන රිය ධාවනයේ යෙදෙන රියදුරන් අල්ලන්න ජංගම රසායනාගාරයක්…..
මත්ද්රව්ය භාවිත කර රිය ධාවනයේ යෙදෙන මගී බස් රථ රියදුරන් සහ රිය සහයකයන් හඳුනා ගැනීම සඳහා ජංගම රසායනාගාරයක් (Mobile Lab) සේවයේ යෙදවීම අද (21) දින කොළඹ බැස්ටියන් මාවත පුද්ගලික බස් නැවතුම්පොලේදී නිල වශයෙන් ආරම්භ කළ බව පොලීසිය පවසයි.
මෙම ජංගම රසායනාගාර සේවාව මඟින් විනාඩි කිහිපයක් තුළ රියදුරන් විසින් දින 14 ක් ඇතුළත භාවිතා කළ මත්ද්රව්ය වග හතරක් සම්බන්ධ වාර්තාවන් ලබාගත හැකි බව සඳහන් වේ.
මගී ජීවිත ආරක්ෂා කිරීමේ අපේක්ෂාව මූලික කරගෙන ක්රියාත්මක මෙම ජංගම රසායනාගාර සේවාව මඟින් මත්ද්රව්ය භාවිතා කර ඇති බවට හඳුනා ගන්නා රියදුරන් අධිකරණයට ඉදිරිපත් කර එම රියදුරන්ගේ රියදුරු බලපත්ර අහෝසි කිරීම දක්වා වූ නීතිමය ක්රියාමාර්ග ගැනීමට කටයුතු කරනු ඇත.
අද රථවාහන මූලස්ථානයේ නිලධාරීන් විසින් මෙම ජංගම රසායනාගාර සේවාව මඟින් පරීක්ෂණය සඳහා යොමු කළ කෙටි දුර හා දුර ගමන් සේවා බස් රථ රියදුරන් 59 දෙනෙකු අතුරින් රියදුරන් 08 දෙනෙකු ගංජා භාවිතා කර ඇති බවට හා දෙදෙනෙකු හෙරොයින් හා අයිස් මත්ද්රව්ය භාවිතා කර ඇති බවට හඳුනාගෙන ඇත.
ශ්රී ලංකා පොලීසිය, ජාතික ගමනා ගමන කොමිසම සහ ජාතික ප්රවාහන වෛද්ය ආයතනය ඒකාබද්ධව ක්රියාත්මක මෙම ජංගම රසායනාගාර සේවාව ඉදිරියේදී දිවයිනම ආවරණය වන පරිදි ක්රියාත්මක කිරීමට නියමිතය.
මෙම සමාරම්භක අවස්ථාවට පොලිස් රථ වාහන හා මාර්ග ආරක්ෂක දිසාව භාර නියෝජ්ය පොලිස්පති ඩී. පී. ජේ. සේනාධිර මහතා, ජාතික ප්රවාහන වෛද්ය ආයතනයේ සභාපති මහාචාර්ය යු.සී.පී. පෙරේරා මහතා, ජාතික ගමනාගමන කොමිෂන් සභාවේ අධ්යක්ෂ ජනරාල් ආචාර්ය නිලාන් මිරන්ඩා මහතා ඇතුළු පිරිසක් සහභාගි වී ඇත.
නීතිවිරෝධීව උපයා ගත් මිලියන 62කට අධික වටිනා දේපළ ක්රියා විරහිත කරයි….
නීතිවිරෝධි ලෙස උපයා ගන්නා ලද රුපියල් මිලියන 62 කට අධික වටිනා දේපළ නීති විරෝධි වත්කම් විමර්ශන කොට්ඨාසය විසින් ක්රියා විරහිත කිරීමට කටයුතු කර තිබේ.
ඇහැලියගොඩ ප්රදේශයේ පදිංචි පුද්ගලයෙකු මත්පැන් හා මත්ද්රව්ය ජාවාරම් සිදුකර වත්කම් උපයාගෙන ඇති බවට නීති විරෝධි වත්කම් විමර්ශන කොට්ඨාසය වෙත ලද පැමිණිල්ලක් සම්බන්ධයෙන් විමර්ශනයක් සිදු කර ඇත.
එහිදී අදාළ පුද්ගලයා විසින් ඔහුගේ බිරිඳගේ නමින් නීති විරෝධී ලෙස උපයාගන්නා ලද මුදලින් මිලදී ගෙන ඇති බවට සැක කරන රුපියල් කෝටි 03 කට අධික වටිනාකමකින් යුත් ඉඩම් කැබලි 03 ක්, ඒ තුළ ඉදිකර තිබූ නවීන මාදිලියේ තනි මහල් නිවසක් සහ ඇහැළියගොඩ රත්නපුර මාර්ගයට යාබද දෙමහල් ගොඩනැඟිල්ලක් සහිත පචර් 06 ක ඉඩමක් 2025.11.12 දින මුදල් විශුද්ධිකරණය වැළැක්වීමේ පනත ප්රකාරව ක්රියා විරහිතකිරීමේ නියෝගයක් නිකුත් කර තිබේ.
එම දේපළ සම්බන්ධයෙන් අවිස්සාවේල්ල මහාධිකරණයට කරුණු වාර්තා කිරීමෙන් පසු 2026.02.18 දින දක්වා ක්රියා විරහිත කිරීමේ නියෝගය දීර්ඝ කර ඇති බව පොලීසිය දැනුම් දී ඇත.
මෙම විමර්ශනයට අදාළව ඉහත සැකකරු 2025.11.12 දින සහ සැකකාරිය 2025.11.21 දින නීති විරෝධි වත්කම් විමර්ශන කොට්ඨාසයේ නිලධාරීන් විසින් අත්අඩංගුවට ගෙන අවිස්සාවේල්ල මහෙස්ත්රාත් අධිකරණයට ඉදිරිපත් කිරීමෙන් පසු ඇප මත මුදා හැර ඇති බව සඳහන් වේ.
සිදු කරන ලද විමර්ශනයේදී මෙම සැකකරු හා සැකකාරිය විසින් මත්ද්රව්ය හා නීති විරෝධී මත්පැන් ජාවාරම තුළින් උපයා ගන්නා ලද මුදල් යොදවා ඔවුන්ගේ දියණියගේ ස්වාමි පුරුෂයාගේ නමින් මිළදී ගෙන තිබූ රුපියල් මිලියන 20 කට අධික වටිනාකමකින් යුත් නවීන පන්නයේ දෙමහල් නිවසක් සහිත පර්චස් 11.6 ක ඉඩමක් හා රුපියල් මිලියන 12 ක් වටිනා කාර් රථයක් සඳහා අද (21) දින සිට මුදල් විශුද්ධිකරණය වැලැක්වීමේ පනත ප්රකාරව දින 07 ක කාල සීමාවක් ක්රියා විරහිත කිරීමේ නියෝග නිකුත් කර ඇත.
නීති විරෝධි වත්කම් විමර්ශන කොට්ඨාසය විසින් වැඩිදුර විමර්ශන සිදු කරනු ලබයි.