1990 ගිලන්රථ සේවාවේ නව කාර්යාලය අද (04) සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් විවෘත කරන ලදී.
මෙම අවස්ථාව සඳහා සමගි ජන බලවේගයේ පාර්ලිමේන්තු මන්ත්රී ආචාර්ය හර්ෂ ද සිල්වා මහතා ද ඇතුළු මැතිඇමතිවරුන් පිරිසක් එක්ව සිටියේය.
නව කාර්යාලය කොළඹ 07, හෝටන් පෙදෙසේ පිහිටි ස්ථානයේදී විවෘත කිරීම සිදු කෙරිණි.
වවුනියාව, මාරම්බයිකුලම් ප්රදේශයේ මිහිදන් කර තිබූ මෘතදේහයක හිස කොටස අතුරුදන්ව තිබේ.
කිසියම් පිරිසක් විසින් අදාළ මළසිරුර මිහිදන් කළ ස්ථානය නැවත හාරා එහි තිබූ හිස කොටස පමණක් රැගෙන ගොස් ඇති බව වාර්තා වේ.
එම සුසාන භූමිය ආශ්රිත ප්රදේශය පුරා පැතිර ගිය දැඩි දුර්ගන්ධය හේතුවෙන් සිදුකළ සොයා බැලීමක දී අදාළ මළසිරුර ගොඩගෙන ඇති බවට අනාවරණය වී තිබේ.
මීට මාස තුනකට පමණ ඉහතදී මියගිය මාරම්බයිකුලම් ප්රදේශයේ පදිංචි තරුණයෙකුගේ මළසිරුරක කොටසක් මෙලෙස අතුරුදන්ව ඇති බව ද සඳහන්.
මෙම සිදුවීම සම්බන්ධයෙන් මියගිය පුද්ගලයාගේ ඥාතීන් විසින් වවුනියාව පොලිස් ස්ථානයට පැමිණිල්ලක් කර ඇති අතර ඒ සම්බන්ධයෙන් වවුනියාව අපරාධ විමර්ශන අංශයේ පොලිස් නිලධාරීන් වැඩිදුර පරීක්ෂණ පවත්වයි.
දිගින් දිගටම නුවරඑළිය මහ නගර සභාවේ වැරදි මාධ්ය අරහා පෙන්වා දෙන
බැවින් මෙවර වසන්ත උත්සවය සමාරම්භක උත්සවයට මාධ්යවේදීන්ට
ආරාධනා නොකිරීම පිළිබඳව නුවරඑළිය ක්රියාකාරී ප්රාදේශීය මාධ්යවේදීන්
සිය අප්රසාදය ප්රකාශ කරයි .
දැනට වසර 25 කට ආසන්න කාලයක් අප්රේල් වසන්ත සමය වෙනුවෙන්
නුවරඑළිය නගරයට පැමිණෙන දෙස් විදෙස් සංචාරකයන් වෙනුවෙන්
නුවරඑළිය මහ නගර සභාව විසින් සංවිධානය කරනු ලබන වසන්ත
සැණකෙළියේ සමාරම්භක උත්සවය සජීවී විකාශයේ සඳහා රාජ්යනාලිකාවට
ඇරයුම් කරන අතර මාධ්ය ආවරණ කටයුතු සඳහා සෑම මාධ්ය ආයතනයක්ම
නියෝජනය කරන මාධ්යවේදීන්ට ආරාධනා කරනු ලබයි ,
එසේ නමුත් මෙම වර්ෂයේදී මාධ්යවේදීන් කිසිවෙකුට වසන්ත සැණකෙළි
සමාරම්භක උත්සවයට ආරාධනා කර නොමැති අතර එයට හේතුව වශයෙන්
නාගරික මන්ත්රීවරුන්ගෙන් කිහිප දෙනෙකුගෙන් විමසන විට ඔවුන් කියා සිට
ඇත්තේ දිගින් දිගටම මහ නගර සභාවේ වැරදි පෙන්වාදීමට ඇතැම්
මාධ්යවේදීන් කටයුතු කරන බැවින් මෙවර පොදුවේ මාධ්යවේදීන්ට ආරාධනා
කිරීම ප්රතික්ෂේප කළ බවයි ,
නුවරඑළිය සංචාරක කර්මාන්තයේ අපි දියුණුව වෙනුවෙන් වසන්ත
සැණකෙළියේ සමාරම්භක උත්සවය මෙන්ම සෑම අවස්ථාවක්ම මාධ්ය ආවරණ
කටයුතු කිරීමට මාධ්යවේදී මෙතෙක් කටයුතු කර ඇති අතර මහ නගර සභාවේ
වැරදි පෙන්වාදීම හේතු කොටගෙන මාධ්යවේදීන්ට ආරාධනා කිරීම පිළිබඳ
මාධ්යවේදීන් සිය අප්රසාදය පළ කරයි.
නුවරඑළිය – ආර්.එෆ්.එම්.සුහෙල්
අධික උණුසුම් තත්ත්වය මානසික අවපීඩනයන් ආතතිය, හිතට කරදරය සහ නොසන්සුන් තත්ත්වයන් ඇතිකිරීමට හේතුවන බව මනෝ වෛද්ය, විද්යා විජේබණ්ඩාර මහත්මිය පවසයි.
අධික උණුසුම සහ මානසික මට්ටම සම්බන්ධයෙන් අද (01) සෞඛ්ය ප්රවර්ධන කර්යාංශයේ පැවති මාධ්ය හමුවක් අමතමින් වෛද්යවරිය මේ බව පැහැදිලි කළාය.
ඇය පැවසුවේ අධික උණුසුම් තත්ත්වයත් සමඟ සිරුර විජලනයට පත්වීමෙන් ඇතිවන රාසායනික තත්ත්වයන්ගේ වෙනස්වීම හේතුවෙන් කෙනෙකුගේ මානසක මට්ටම පහතට වැටීමට හැකියාවක් පවතින බවය.
“අධික උණුසුම් තත්ත්වය මානසික අවපීඩනයන්, ආතති තත්ත්වයන්, හිතට කරදරය නොසන්සුන්කම වැඩිකරන තත්ත්වයන් වෙනවා. අධික උණුසුමත් එක්ක ආතතිය, ඇන්සයිටිතමතාවය, විෂාදය එකට බැදිලා තියෙන නිසා මෙම තත්ත්වයන් වැඩි වෙන්න පුළුවන්.
අධික උණුසුමත් එක්ක ඇග විජලනයට පත්වෙනවා. ඒක නිසා ඇති වන රාසායනික තත්ත්වයන්ගේ වෙනස්වීම නිසා කෙනෙක්ගේ මානසක මට්ටම පහතට වැටෙන්න පුළුවන්. මොලේ තියෙන රාසායනික ද්රව්ය, හෝමෝන මේ සියලු දේවල බලපෑම නිසා මානසික තත්ත්වය අඩු වෙන්න පුළුවන්. රස්නය වැඩි වුණාම නින්දට බලපෑම් වෙනවා. මේකත් මානසික මට්ටම අවපීඩනයට ලක් කරන්න හේතු වෙනවා. අධික උණුසුමත් එක්ක කෙනෙකු ආතති තත්ත්වයන්ට පත් වෙන්න පුළුවන්.
අධි අවධානම් පිරිසක් ඉන්නවා. කාලයක් පුරා රෝගී තත්ත්වයන්ගෙන් පෙළෙන පිරිස්, කුඩා දරුවන්, ගර්භණි මව්වරු සහ වයෝවෘධ පිරිස.
මත්පැන් මත්ද්රව්ය භාවිතය කෙළිම්ම බලපෑමක් ඇති කරනවා. මානසික තත්ත්වය කඩා වැටෙන්න අධික උණූසුම් තත්ත්වයත් සමග නුසුදු දියරයක් බැවින් මත්පැන් පානය කිරීම මානසික තත්ත්වය අවපීඩනය වීම ආතති තත්ත්වයන් ඇති වීම වෙන්න පුළුවන්. විශේෂයෙන් අධික උණුසුම කල්පනාව අඩුවීම මතකය අඩුවීම වැනි තත්ත්වයන්ට ඇතිවෙන්න පුළුවන්.
මනස හොඳින් තියා ගන්න ලිහිල් ව්යායාම කරන්න. භාවනාව, සංගීතයට සවන්දීම පරිසරය සමඟ බැදෙන ක්රියා කරන්න. මානසික තත්ත්වය යහපත්ව තබාගන්න පුළුවන් දේ කරන්න.
අධික උණුසුම රාත්රියේදී නින්දට බාධා වෙනවා. එකත් මානසික ආතතිය වැඩි වීමට හේතු වෙනවා. “
ශ්රී ලංකා ආරම්භක පිතිකරු පැතුම් නිස්සංකට ඉන්දීය ප්රිමියර් ලීග් (IPL) වරම් හිමිකරගැනීමට අද (1) අවස්ථාව උදාවිය.
පැතුම්, දිල්ලි කැපිටල්ස් කණ්ඩායම වෙනුවෙන් තෝරාගෙන සිටියේය.
ඒ අනුව එම කණ්ඩායම මෙවර තරගාවලියේ ක්රීඩාකරන පළමු තරගය ලක්නව් සුපර් ජයන්ට්ස් කණ්ඩායමට එරෙහිව ලක්නව්හිදී මේ වනවිට පැවැත්වේ.
මෙම කණ්ඩායමේද පැතුම්ට ආරම්භක පිතිකරුවාගේ ස්ථානය හිමිකර දී ඇත.
වැට් බදු සඳහා ලියාපදිංචි වූ පුද්ගලයින් විසින් නිකුත් කළ යුතු විශේෂිත බදු ඉන්වොයිස් පත්ර ක්රියාත්මක කිරීමේ දිනය මාස තුනකින් දීර්ඝ කිරීමට දේශීය ආදායම් කොමසාරිස් දෙපාර්තමේන්තුව තීරණය කර තිබේ.
එම දෙපාර්තමේන්තුව නිවේදනය කළේ, මීට පෙර 2026 අප්රේල් 01 වැනිදා එනම් අද සිට ක්රියාත්මක කිරීමට නියමිතව තිබූ මෙම නව ක්රමය 2026 ජූලි 01 වැනිදා දක්වා කල් දමා ඇති බවය.
අද දින සිට ක්රියාත්මක වීමට නිමිතව තිබූ බදු නීතිය සහ එමඟින් ආර්ථිකයට සිදුවන බලපෑම් සම්බන්ධයෙන් කොළඹ විශ්වවිද්යාලයේ ආර්ථීක විද්යා දෙපාර්තමේන්තුවේ මහාචාර්ය ප්රියංග දුනුසිංහ මහතා මෙලෙස පැහැදිලි කළේය.
“මේ කල්දැමීම පිටුපස සාධක කිහිපයක් තිබිය හැක. එකක් තමා අපි දන්නවා මේ අවස්ථාව වෙන විට ගෝලීය ඛනිජතෙල් මිල ඉහළ යෑම තුළ දේශීය වශයෙන් මිල ඉහළ ගොස් තියෙනවා. ගෑස් මිල ඉහළ ගොස් තියෙනවා. විදුලි මිල ඉහළ ගොස් තියෙනවා. මේ එක්ක ඉදිරියට තවත් භාණ්ඩ හා සේවා මිල ගණන් ඉහළ යෑමට නියමිතයි. මෙවැනි සේවාවල මිල ඉහළ දැමීම විශේෂයෙන්ම තනි පුද්ගලයෝ විදියට ඩිජිටල් ෆැල්ට්ෆෝම් පාවිච්චි කරගෙන යන ආර්ථික කටයුතු ඒ වගේම ස්වයං රැකියා වගේ දේවල්, සුළු හා මධ්ය පරිමාණ කර්මානතකරුවෝ ලබාගන්නා ඩිජිටල් සේවා කියන දේවල්වල තවත් නිෂ්පාදන පිරිවැය ඉහළ යෑමට තුඩු දෙන ආකාරයේ මිල වැඩිකිරීම් ඇති වීමට හැකියාව තියෙනවා මේ වැට් බද්ද අයකිරීම තුළ. රජය ඒ අනුව කල්පනා කරා වෙන්න පුළුවන් තියෙන තත්ත්වය තුළ මෙවැනි බද්දක් අය කළහොත් එය විශේෂයෙන්ම ආර්ථික කටයුතුවලට අහිතකර බලපෑමක් ඇතිවිය හැකි කියන දේ මත වෙන්න පුළුවන් මේක තාවකාලිකව කල්දැම්මේ.”
ඉදිරියේ දී පැවැත්වීමට නියමිත ශිෂ්යත්වය, උසස් පෙළ සහ 2026 වසරේ සාමාන්ය පෙළ විභාගයන් වෙන්කරන ලද නියමිත දිනවලදීම පැවැත්වීමට අපේක්ෂා කරන බව විභාග කොමසාරිස් ජනරාල්, ඒ. කේ. එස්. ඉන්දිකා කුමාරි ලියනගේ මහත්මිය පවසයි.
ඊයේ (31) නිකුත් කළ උසස් පෙළ විභාග ප්රතිඵල සම්බන්ධයෙන් මාධ්ය දැනුවත් කිරීමේ මාධ්ය හමුවට එක්වෙමින් ඇය සඳහන් කර සිටියේ, පසුගිය වසරේ සැප්තැම්බර් මාසයේ දී 2026 වසරේ විභාගයන් පැවැත්වෙන දින දැනුම් දුන් බවත් ඒ අනුව සිසුන් අදාළ දිනයන්ට අනුව සිය අධ්යයන කටයුතු සිදුකරන ලෙසත්ය.
යම් යම් හේතූන් මත විභාග පැවැත්වෙන කාලසීමාවන් වෙනස් වීම හේතුවෙන් පසුගිය කාලය පුරාම දරුවන් දැඩි අසීරුතාවයට පත්වූ බවත් ඒ නිසාවෙන් මේ වසරේ දැනුම්දෙන ලද දිනයන්හිදීම විභාග පැවැත්වීමට අපේක්ෂා කරන බවත් ඉන්දිකා කුමාරි මහත්මිය වැඩිදුරටත් සඳහන් කළාය.
මේ අතර, 2025 සාමාන්ය පෙළ විභාගයේ ප්රායෝගික පරීක්ෂණ අප්රේල් 22 – 30 දක්වා පැවැත්වෙන බවත් මේ වනවිට පළමු අදියරේ ඇගයීම් කටයුතු අවසන් කර ඇති අතර, අද (01) දිනයේ සිට දෙවැනි වටයේ ඇගයීම් කටයුතු ආරම්භ කරන බවත් විභාග කොමසාරිස් ජනරාල්වරිය මෙහිදී වැඩිදුරටත් පැවසීය.
අප්රේල් මස 30 වන දින සිට තුන්වන අදියරේ ඇගයීම් කටයුතු සිදුකරනු ලබන බවත් ඇය සඳහන් කළාය.
ඒ අනුව 2026 වසරේ ශිෂ්යත්ව විභාගය අගෝස්තු මස 9 වන දිනත්, උසස් පෙළ අගෝස්තු 10 වන දිනත් සාමාන්ය පෙළ විභාගය දෙසැම්බර් මස 8 වන දිනත් පැවැත්වීමට නියමිතව තිබේ.
අලුත් අවුරුදු සමය වෙනුවෙන් මහජනතාවගේ ආරක්ෂාව සඳහා පොලීසිය විශේෂ ආරක්ෂක වැඩ පිළිවෙලක් සකස් කර තිබේ.
පොලිස් මාධ්ය ප්රකාශක සහකාර පොලිස් අධිකාරී එෆ්. යූ. වුට්ලර් මහතා සඳහන් කළේ දිවයිනේ පොලිස් ස්ථාන 608ම ආවරණය වන පරිදි මෙම ආරක්ෂක වැඩපිළිවෙල ක්රියාත්මක වන බවයි.
පොලිස් මාධ්යප්රකාශකවරයා වැඩිදුරටත් සදහන් කළේ රථවාහන පරීක්ෂා කිරීම් ඇතුළු මාර්ග ආරක්ෂාව සඳහා පොලිස් නිලධාරීන් 10,000කට අධික පිරිසක් යොදවා ඇති බවයි.
එහිදී වැඩිදුර අදහස් දැක්වු පොලිස් මාධ්ය ප්රකාශක සහකාර පොලිස් අධිකාරී එෆ්. යූ. වුට්ලර් මහතා,
“මෙම උත්සව සමය ආවරණය කරන්නට පොලිස් ස්ථාන 608කින් ඒ වගේම ප්රදේශීය කොට්ඨාස 48න්ම ආරක්ෂාව සඳහා විශේෂිත වූ ආරක්ෂිත වැඩ පිළිවෙලක්, රථ වාහන හැසිරවීම්, ඒ වගේම බුද්ධි නිලධාරීන් , ඒ වගේම සිවිල් නිලධාරීන් යොදවලා සෑම පුරවැසියෙකුගේම ආරක්ෂාව තහවුරු කරන්නට අපි මේ වෑයම අරගෙන තියෙන්නේ. උත්සව සමයේ ඔබේ නිවස ඔබ තනිකර යනවිට පළමුව ඔබගේ නිවස සුරක්ෂිත කර දොරගුළු නිසි පරිදි වසා නිවසේ රන් ආභරණ මුදල් වැදගත් වටිනා ලියකිවිලි පිළිබඳ ඔබ අවධානය යොමු කළ යුතුයි. ඔබ නිවසින් බැහැරව යන්න කලින් යාබද නිවසේ හිතයිශීන් දැනුවත් කරන්න. ඒ වගේම මේ වන විට සමස්ථ රටේ සෑම පුරවැසියෙක්ම මහජන ආරක්ෂක කමිටුවේ තමන්ගේ කැදවුම්කරු දන්නවා. නැත්තන් ඔබගේ පොලිස් වසමේ පොලිස්පතිතුමා දන්නවා. ඒ කැදවුම්කරුවන්ට ඔබ නිවසින් දින කිහිපයක් බැහැර වන බව දන්වන්න කියලා අපි යෝජනා කරනවා. ඒ වගේම ඇතැම් නිවාසවල අපි දන්නවා CCTV අනතුරු සංඥා නිවැරදි ලෙස යථාවත් කරන්න. ඒ වගේම ඔබගේ සංචාරය සම්බන්ධයෙන් වෙනත් භාහිර පාර්ෂවයන් දැනගත යුතු නොවේ. විශේෂයෙන් සෙල්ෆි භාවිතය හරහා ඔබ ඉන්නා ස්ථානය සියලු දෙයක්ම සමාජ ගත කිරිමෙන් ඇතිවන වාසි හා අවාසි පිළිබඳ අපි මීට පෙරත් මහජනතාව දැනුවත් කරා”
“ඔබ සාප්පු සවාරි යන්නට සූදානම් වෙලා ඉන්නේ ඔබ විටකදී හොර නෝට්ටු ව්යාජ නෝට්ටුවල විටකදී ඔබ වින්දිතයෙක් වෙන්නට පුළුවන්. විටකදී ආරාක්ෂිත ගමන් මාර්ග රන් අභරණ සමගින් මිල මුදල් සමගින් අනාරක්ෂිත වෙලා තියෙන්න පුළුවන්. ඇතැම් අවස්ථාවලදී ඔබගේ වාහනය, යතුරුපැදිය, ඔබගේ ත්රීවීල් රථය ගාල් කිරීම පිළිබඳව නැතිනම් ආරක්ෂක නිලධාරියෙකුට භාර දීම පිළිබඳව නැතිනම් වගකීම් සහිත යම් කෙනෙකු භාරයේ තබායාම යන කරුණු කාරණා පිළිබඳව නැවත නැවතත් මහජනතාව දැනුවත් කරනවා. විශේෂයෙන් ඔබ දන්නවා රිය අනතුරු වෙන්නට මූලික හේතුව තමයි අධික වේගය. එහෙම නැත්තන් බීමත්කම ඇතැම් අවස්ථාවන්වලදී විඩාව. ඒ වගේම අන්තරාදායක ලෙස වාහන පැදවීම ඒ නිසා මෙම සියලූම රථ වාහන වැරදි උදෙසා නීතය ක්රියාත්මක කිරීම සඳහා 10000ක නිලධාරීන් ප්රමාණයක් සමස්ථ රටේ උත්සව සමයේ යොදලා තියෙනවා”
වත්මන් රජය සහ සෞඛ්ය අමාත්ය වෛද්ය නලින්ද ජයතිස්ස මහතා වෛද්යවරුන්ගෙන් බලහත්කාරයෙන් සේවය ලබා ගැනීමට කටයුතු කරමින් සිටින බව රජයේ වෛද්ය නිලධාරීන්ගේ සංගමය පවසයි.
කෙසේ වෙතත් සිය සංගමයේ 23,000කට අධික වෛද්යවරුන් එලෙස බලහත්කාරයෙන් සේවය කිරීමට සූදානම් නොමැති බව එම සංගමයේ සහකාර ලේකම් වෛද්ය හංසමාල් වීරසූරිය මහතා අද (01) පැවති මාධ්ය හමුවකට එක්වෙමින් සඳහන් කළේය.
මේ අතර රජයේ වෛද්ය නිලධාරීන්ගේ සංගමයේ වෛද්යවරුන් සම්බන්ධයෙන් සෞඛ්ය අමාත්ය වෛද්ය නලින්ද ජයතිස්ස මහතා ඊයේ පැවති කැබිනට් තීරණ දැනුම් දීමේ මාධ්ය හමුවේදී පළ කළේ මෙවන් අදහසක්.
“මැයි 10 වෙනකොට ස්ථානමාරු කිරීමට නියමිත වෛද්යවරුන් 6,000ක් පමණ මාරු වීමට නියමිතයි. ඒක පෙබරවාරි පළවෙනි සතියේ පටන් ගත්තේ. මේ ආකාරයට විධිමත් ක්රියාවලියක් පසුගිය වසර 13නේම සිදුවෙලා තිබුණේ නෑ. ඔය ට්රාන්සර් බෝඩ්වල හිටියායි කියලා කිව්වාට ඒ සංගමයේ සාමාජිකයෝ සමහර තැන්වල අවුරුදු 13-17 හිටියා. අක්ෂි රෝහලේ හිටියා තමන්ට නියමිත ජාතික රෝහලට පාරෙන් පැනලා යන්න බැරුව. ඒ නිසා මේ සියලු අක්රමිකතාවයන් නතර කරලා වාර්ෂික ස්ථානමාරු ක්රියාවලියක් ක්රියාත්මක කරමින් යනවා. මේකෙන් බහුරයක් අසාධාරණයට ලක්වෙලා හිටපු වෛද්යවරුන්ට සාධාරණයක් වෙන නිසා ඒ අය කැමති. මේකට අකමැති වෙන්නේ තමන්ගෙ බලය පාවිච් කරලා තමන්ගේ විධායක සභාවේ සාමාජිකයෝ, තමන්ගේ සාමාජිකයන්ගේ බිරින්දෑවරු තමන්ට කැමති කැමති තැන්වල අවුරුදු ගාණක් රඳවගෙන හිටපු අය. ඒ නිසා අදාළ ස්ථානමාරු ක්රියාවලිය ක්රියාත්මක කරමින් යනවා.”
කෙසේ වෙතත් ඊට ප්රතිචාර දක්වමින් රජයේ වෛද්ය නිලධාරීන්ගේ සංගමයේ සහකාර ලේකම් වෛද්ය හංසමාල් වීරසූරිය මහතා අද මෙලෙස ප්රතිචාර දක්වා සිටියේය.
“සෞඛ්ය ඇමතිතුමා අසත්ය ප්රචාර කිහිපයක්ම කරලා තිබුණා. අපි හිතන්නේ සෞඛ්ය අමාත්ය තුමාට අප්රේල් 1 වෙනිදායි 31යි දෙකම ඔත්තේ නිසා මාරු වුණාද දන්නේ නෑ බොරු කියන කොට. කරගන්න බැරුව තිබුණ ස්ථානමාරු විශාල සංඛ්යාවක් 2019 වසරේ රජයේ වෛද්ය නිලධාරීන්ගේ සංගමය මූලිකත්වය අරන් වැඩකරලා 98%කට එහා සාර්ථකත්වයකින් යුතුව අපි සම්පූර්ණ කරා. 2026 වසරේ වාර්ෂික ස්ථානමාරු ගත්තොත් පෙබරවාරි වගේ පටන් ගත්තේ. දැන් මාස 2ක් ගිහින්. 6,000වගේ ස්ථාන මාරු කරන්න තියෙනවා. හරියට බැලුවොත් පහෙන් එකකටත් වඩා අඩු ප්රමාණයක් තමා ස්ථානමාරු සිදුවෙලා තියෙන්නේ. එතකොට සෞඛ්ය ඇමති මාධ්ය ඉස්සරහා පාරම්බානවා හොඳට කරා කියලා. මාස දෙකක් ගිහින් පහෙන් එකකටත් වඩා අඩු ප්රමාණයක්වත් කරගන්න බැරිව සෞඛය අමාත්යාංශය කොච්චර ෆේල්ද කියලා.”
“වෛද්යවරු කාගෙවත් අණකට යටවෙලා ඉන්න කැමති නෑ. එහෙම අවශ්යත් නෑ. වෛද්යවරු විදියට අපි කාටවත් ණයත් නෑ. බයත් නෑ. රජයේ වෛද්ය නිලධාරීන්ගේ සංගමයේ 23,000කට වැඩි වෛද්යවරු වහල්ලු විදියට වැඩකරන්න කිසිසේත්ම ලෑස්ති නෑ. එහෙම වැඩකරන්න ලෑස්ති වෙනවා නම් අමාත්යවරයාට අභියෝග කරනවා, ඔබතුමාට හැප්පෙන්න නම් ඕනේ හැප්පිලා බලමු. ඔබතුමාට දෙන්න ඕනේ උත්තරේ රජයේ වෛද්යවරු විදියට අපි දෙන්න ලෑස්තියි.”
2026 වසරේ ගතවූ කාලය තුළ ශ්රී ලංකා රුපියල අමෙරිකානු ඩොලරයට සාපේක්ෂව සියයට 1.6 කින් අවප්රමාණය වී ඇති බව ශ්රී ලංකා මහ බැංකුව තහවුරු කරයි.
මහ බැංකු දත්ත වලට අනුව, ඊයේ (31) දින වෙළෙඳපොළ ගනුදෙනු අවසානයේදී අමෙරිකානු ඩොලරයක,
ගැනුම් මිල – රු. 311.76
විකුණුම් මිල – රු. 319.31
2026 පෙබරවාරි අග භාගයේදී මැදපෙරදිග කලාපයේ ඇති වූ ගැටුම්කාරී තත්ත්වයත් සමඟ මතුවූ බාහිර අංශයේ පීඩනයන්, රුපියල මෙලෙස අවප්රමාණය වීමට හේතු වූ බව මහ බැංකුව පෙන්වා දෙයි.
රුපියලේ අගය පහත වැටුණද, 2025 නොවැම්බර් මාසයේ සිට දක්නට ලැබුණු ප්රවණතාවය අඛණ්ඩව පවත්වාගනිමින් 2026 පෙබරවාරි මාසයේදී ද ජංගම ගිණුමේ අතිරික්තයක් වාර්තා වී ඇත.
ඒ අනුව 2026 ජනවාරි-පෙබරවාරි කාලසීමාව තුළ වාර්තා වී ඇති සමුච්චිත අතිරික්තය ඇමෙරිකානු ඩොලර් මිලියන 487 කි.
කෙසේවෙතත්, 2026 පෙබරවාරි මස “බාහිර අංශයේ ක්රියාකාරීත්වය” පිළිබඳ වාර්තාවට අනුව වෙළඳ හිඟය පසුගිය වසරේ අදාළ කාලයට සාපේක්ෂව පුළුල් වී ඇත.
2025 මුල් මාස දෙකේ පැවති ඩොලර් බිලියන 1.1 ක හිඟය, 2026 එම කාලය තුළ ඩොලර් බිලියන 1.4 ක් දක්වා ඉහළ ගොස් තිබේ.
පුද්ගලික සහ වාණිජ වාහන ආනයනය සඳහා පෙබරවාරි මාසයේදී පමණක් ඩොලර් මිලියන 194 ක් වැය වී ඇති අතර, වසරේ මුල් මාස දෙක තුළ සමස්ත වාහන ආනයන වියදම ඩොලර් මිලියන 418 කි.
චීන මහජන බැංකුව (PBOC) සමඟ ඇති හුවමාරු පහසුකම (Swap facility) ද ඇතුළුව, ශ්රී ලංකාවේ නිල විදේශ සංචිතය 2026 පෙබරවාරි අවසානය වන විට අමෙරිකානු ඩොලර් බිලියන 7.3 ක් දක්වා ඉහළ ගොස් ඇත.
විදේශ ණය සේවාකරණය අඛණ්ඩව සිදු කළද, මහ බැංකුව විසින් වෙළඳපොළෙන් විදේශ විනිමය මිලදී ගැනීම ඉහළ නැංවීම හේතුවෙන් සංචිත මට්ටම මෙලෙස වර්ධනය වී ඇති බව මහ බැංකුව වැඩිදුරටත් සඳහන් කරයි.
