පෑලියගොඩ නගර සභාවේ 2026 අයවැය ද ජාතික ජන බලවේගය අද (19) පරාජයට පත්ව තිබේ.
පෑලියගොඩ නගර සභාවේ සභාපති කපිල සමන් කීර්ති විසින් අයවැය යෝජනාව ඉදිරිපත් කර ඇති අතර වැඩි ඡන්ද 1කින් මෙසේ ආණ්ඩුව පරාජයට පත්ව ඇති බව වාර්තා වේ.
මෙහිදී අයවැයට විපක්ෂව සමගි ජන බලවේගය, එක්සත් ජාතික පක්ෂය, ශ්රී ලංකා නිදහස් පක්ෂය, සර්ව ජන බලය, පොදුජන එක්සත් පෙරමුණ සිය ඡන්දය භාවිත කර තිබුණි.
ජාතික ජන බලවේගයේ පාර්ලිමේන්තු මන්ත්රී හිටපු කථානායක අශෝක රන්වල මහතාගේ රිය අනතුර සම්බන්ධයෙන් පොලිසිය රාජකාරී පැහැර හැර ඇතැයි මූලික විමර්ශනයේදී අනාවරණය වූ බව පොලිස් මාධ්ය කොට්ඨාසය අද (18) නිවේදනය කළේය.
ඒ අනුව රාජකාරී පැහැරහැරීමක් සිදුකර ඇති නිලධාරීන්ට එරෙහිව දැඩි විනය ක්රියාමාර්ග ගැනීමට පොලිස්පතිවරයා උපදෙස් ලබාදී තිබේ.
ජාතික ජන බලවේගයේ පාර්ලිමේන්තු මන්ත්රී, හිටප්ර කථානායක අශෝක රන්වල මහතා ධාවනය කළ ජිප් රථය ඉකුත් දෙසැම්බර් 11 වැනිදා රාත්රීයේ සපුගස්කන්ද ප්රදේශයේදී තවත් මෝටර් රථයක සහ යතුරුපැදියක ගැටී සිදුවූ අනතුරින් කුඩා දරුවෙකු ඇතුළු තිදෙනෙකු තුවාල ලැබීය.
අනතුර සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ මන්ත්රීවරයා පසුව ඇප මත මුදා හැරිණි.
කෙසේවෙතත් අනතුර අවස්ථාවේ බීමත්කම පරීක්ෂා කිරීම පමාවීම ඇතුළුව නීතිය ක්රියාත්මක කිරීමේ පමාවන් සම්බන්ධව විවිධ පාර්ශ්වවලින් මෙහිදී විවේචන එල්ල විය.
ඒ අනුව එහිදී සපුගස්කන්ද පොලිස් නිලධාරීන් නිසි පරිදි රාජකාරී කටයුතු සිදුකර ඇත්තේද යන්න පිළිබඳව සෙවීම සඳහා පොලිස්පතිවරයාගේ නියමයෙන් රථවාහන පාලන හා මාර්ග ආරක්ෂාව දිසාව භාර නියෝජ්ය පොලිස්පති W.P.J. සේනාධීර මහතා විමර්ශනයක් සිදුකළ බව පොලිස් මාධ්ය ප්රකාශක කොට්ඨාසය පවසයි.
එහි වාර්තාව පොලිස්පති ප්රියන්ත වීරසූරිය මහතාවෙත භාර දී ඇත.
අදාළ විමර්ශනයේදී හෙළිවී ඇත්තේ, ඉකුත් 11 වනදා රාත්රී 7.25ට පමණ අනතුර සිදුව ඇති අතර ඉන් විනාඩි 25කට පසුව එනම් රාත්රී 7.50ට පමණ සපුගස්කන්ද පොලිසියේ සැරයන්වරයෙකු අදාළ ස්ථානයට ගොස් ඇති බවය.
අනතුරුව සපුගස්කන්ද පොලිසියේ ස්ථානාධිපතිවරයා හා රථවාහන අංශයේ ස්ථානාධිපතිවරයා එම ස්ථානයට පැමිණ ඇත්තේ රාත්රී 8.00ට පමණය.
ඒවන විටත් රන්වල මන්ත්රිවරයා හා ඔහු අනතුරට ලක් කිරීමෙන් තුවාල ලැබූ දරුවා හා කාන්තාවන් දෙදෙනා එම ස්ථානයේ සිට නොමැත.
එදින රාත්රී 9.30ට පමණ අනතුර සිදු වූ ස්ථානයට ගිය සපුගස්කන්ද පොලිසියේ සැරයන්වරයා කිරිබත්ගොඩ රෝහලට ගොස් ඇති බවත් ආදළ වාර්තාවේ සඳහන් වේ.
ඔහු එහි ගේට්ටුව අසල සිටි ආරක්ෂක නිලධාරියෙකුගෙන් අනතුර සම්බන්ධයෙන් සිදුකළ විමසීමේදී ඔහු පවසා ඇත්තේ, රෝහල් ගතකළ පිරිස වැඩිදුර ප්රතිකාර සඳහා කොළඹ ජාතික රෝහලට මාරුකර යවා ඇති බවය.
අනතුරුව අදාළ සැරයන්වරයා රෝහලේ කිසිඳු බලධාරියෙකුගෙන් ඒ පිළිබඳව විමසා හෝ පෞද්ගලිකවම පරීක්ෂා කර නොමැති බව සිදුකළ විමර්ශනයේදී හෙළිවී ඇත.
කෙසේවෙතත් ඒවන විට රන්වල මහතා කිරිබත්ගොඩ රෝහලේ සිට ඇති අතර ඔහු රෝහලෙන් රාත්රී 10.35ට පමණ පිටව ගොස් ඇති බව රෝහල් ආරංචිමාර්ග පැවසුවේය.
අනතුරුව රන්වල මහතා කොළඹ ජාතික රෝහලට පැමිණ ප්රතිකාර සඳහා ඊට ඇතුළත්වීමට උත්සහා දැරීමේදී ඔහු විසින් අනතුරට ලක් කළ පිරිසේ ඥාතීන්ගෙන් දැඩි දෝෂාරෝපනයක් එල්ල වී තිබේ.
එම ස්ථානයේ අදාළ අනතුර පිළිබඳව සොයාබැලීමට පැමිණි සපුගස්කන්ද පොලිසියේ සැරයන්වරයා සිට ඇති නමුත් රෝහලේ උණුසුම් තත්ත්වයක් ඇතිවීමත් සමග ඔහු කිසිඳු විමර්ශනයක් නොකර එම ස්ථානයෙන් පිටත්ව ඇති බව පොලිස්පතිවරයා වෙත ලබාදුන් වාර්තාවේ සඳහන් වේ.
මන්ත්රීවරයා රෝහල්ගතව සිටීම හේතුවෙන් ඔහු මත්පැන් පානය කර සිටියේද නැද්ද යන්න පිළිබඳව පරීක්ෂා කිරීම සඳහා භාවිත කරනු ලබන බීමත්කම පරීක්ෂා කරන නල පිම්බීමට ලබාදීමට පොලිසියට නොහැකි වී ඇති බව ද අදාළ වාර්තාවේ දැක් වේ.
එහෙත් එවැනි අවස්ථාවක පොලිසිය විසින් භාවිත කරනු ලබන අධිකරණ වෛද්ය පෝරමයවත් කිරිබත්ගොඩ රෝහලේදී සපුගස්කන්ද පොලිසියෙන් ලබාදීමක් කර නොමැත.
එය ඔහුට ලබාදී ඇත්තේ අනතුර සිදුවීමෙන් පසුදින කොළඹ ජාතික රෝහලේ රෝහල් පොලිසිය විසිනි.
ඉන් අනතුරුව ඔහුගේ රුධිර හා මුත්රා සාම්පල ලබාගෙන ඇති බව වාර්තා වේ.
මෙවැනි ආන්දෝලනාත්මක අනතුරක් සිදුව ඇති පසුබිමක විමර්ශන සඳහා සපුගස්කන්ද පොලිසියේ ස්ථානාධිපතිවරයා හෝ රථවාහන අංශයේ ස්ථානාධිපතිවරයා අවම වශයෙන් කිරිබත්ගොඩ හෝ කොළඹ ජාතික රෝහලට ගොස් නොමැති බවත් අදාළ විමර්ශනයේදී හෙළි වී ඇත.
පසුදින රන්වල මන්ත්රීවරයා අත්අඩංගුවට ගෙන ඇත්තේ පොලිස්පතිවරයාගේ සෘජුව මැදිහත්වීමෙන් සිදුකළ විමර්ශනයේදී බව ද වාර්තා වේ.
රිය අනතුරෙන් පසුව රන්වල මන්ත්රීවරයා මත්පැන් පානය කර ඇති බවට විවිධ පිරිස් චෝදනා කිරීම, ඔහු විසින් අනතුරට ලක් කළ තිදෙනෙකු රෝහල්ගතව සිටීම වැනි තත්ත්වයකදී නියත වශයෙන්ම ඔහුව අත්අඩංගුවට ගැනීමට සපුගස්කන්ද පොලිසිය කටයුතු කළ යුතු වූවද එසේ සිදුකර නොමැති බවත් පොලිස්පතිවරයාට ලබාදුන් වාර්තාවේ සඳහන් වේ.
අදාළ විමර්ශනයේදී නිරීක්ෂණය වී ඇත්තේ සපුගස්කන්ද පොලිස් ස්ථානාධිපතිවරයා, අනතුර සම්බන්ධව විමර්ශනය කළ රථවාහන අංශයේ ස්ථානාධිපති හා සපුගස්කන්ද පොලිස් ස්ථානය අධීක්ෂණය කරනු ලබන ජ්යෙෂ්ඨ පොලිස් අධීකාරීවරයා හා දිස්ත්රික්භාර නිලධාරීන් රාජකාරී පැහැරහැරීමක් සිදුකර ඇති බවය.
ඒ අනුව අදාළ නිලධාරීන්ට එරෙහිව පොලිස් විශේෂ විමර්ශන ඒ්කකය මඟින් මූලික විමර්ශනයක් ආරම්භ කර දැඩි විනය ක්රියාමාර්ග ගැනීමට පොලිස්පතිවරයා උපදෙස් ලබාදී ඇති බව පොලිසි මාධ්ය ප්රකාශක කොට්ඨාසය පවසයි.
මේ අතර අශෝක රන්වල මන්ත්රීවරයාගේ රිය අනතුරට අදාළ නඩුව හෙට (19) මහර මහේස්ත්රාත් අධිකරණයේදි කැඳවිමට නියමිතය.
පවතින වර්ෂාපතනයත් සමග වික්ටෝරියා, රන්දෙණිගල, රන්ටැඹේ ජලාශ දැනටමත් වාන් දැමීම ආරම්භ වී ඇති බව මහවැලි අධිකාරිය පවසයි.
ඒ හේතුවෙන් රංටැඹේ ජලාශයෙන් මිණිපේ අමුණ හරහා මහවැලි ගඟට මුදා හරින ජල ප්රවාහය පවතින වර්ෂාපතනයේ ප්රමාණය අනුව වැඩිවිය හැකි බව ද සඳහන් වේ.
එමෙන්ම ලොග්ගල්ඔය, දියබානාඔය, හෑපොළඹය හා උල්හිටිය ජලාශවල වාන් මඟින් පිටවන ජලධාරිතාව හා බදුළු ඔයේ ජල ධාරිතාවද සෘජුවම මහවැලි ගඟට එකතු වන බැවින්, මහවැලි ගඟේ ජල මට්ටම ඉහළ යා හැකි බැවින්, පහත් නිම්න ප්රදේශයේ සිටින ජනතාවට අවධානයෙන් සහ විමසිලිමත්ව සිටින ලෙස එම අධිකාරිය දැනුම් දී ඇත.
එමෙන්ම කලා වැව ද්රෝණියට අයත් කලා වැව හා කණ්ඩලම ජලාශ දැනටමත් වාන් දමමින් ඇති බැවින් බෝවතැන්න, ඉබ්බන්කටුව, මොරගහකන්ද හා කළුගඟ යන ජලාශවලද ජල මට්ටම උපරිම මට්ටමේ පවතින බව වාර්තා වේ.
ඒ අනුව ඉදිරියේදී එම ජලාශ ද වාන් දැමිය හැකි බැවින් අවධානයෙන් සිටින ලෙස මහවැලි අධිකාරිය ජනතාවට දැනුම් දී ඇත.
එමෙන්ම මාදුරු ඔය ජලාශයද උපරිම ජල මට්ටමේ පවතින බැවින් එම ජලාශය ද ඉදිරියේදී වාන් දැමීම සිදුවිය හැකි බව මහවැලි අධිකාරිය වැඩිදුරටත් සඳහන් කළේය
මහනුවර හුන්නස්ගිරිය නගරය ආසන්නයේ සිදු වූ නාය යාමකින් පුද්ගලයකු තුවාල ලබා තිබේ.
දිස්ත්රික් ආපදා කළමණාකරන මධ්යස්ථානය පැවසුවේ ඉන් නිවාස 3කට හානි සිදුවී ඇති බවය.
ප්රදේශයේ පැවති වර්ෂාපතනයත් සමග අද පෙරවරුවේ මෙම නායයෑම සක්රිය වි ඇති බව ද සඳහන් වේ.
පැවති අවදානම් තත්ත්වය හේතුවෙන් ඒ අසල පිහිටා තිබූ සුරක්ෂිත මධ්යස්ථාන 2ක සිටි පවුල් 90ක් ද ආරක්ෂිත ස්ථාන වෙත යොමු කිරීමට පියවර ගෙන ඇත.
මධ්යම පළාතේ සියලු පාසල් හෙට (19) සහ සඳුදා (22) වසා තැබීමට තීරණය කළ බව මධ්ය පළාත් අධ්යාපන ලේකම් මදුපාි පියසේන මහත්මිය පැවසීය.
දැනට පවතින අයහපත් කාලගුණික තත්ත්වය සැලකිල්ලට ගෙන මෙම තීරණය ගත් බව ඇය සඳහන් කළාය.
‘දිට්වා’ සුළි කුණාටුවේ බලපෑම හේතුවෙන් අවහිර වූ උඩරට දුම්රිය මාර්ගයේ බදුල්ල සහ අඹේවෙල අතර දුම්රිය ගමන් එළැඹෙන 20වනදා සිට ආරම්භ කිරීමට නියමිතව ඇත.
වැවිලි සහ ප්රජා යටිතල පහසුකම් අමාත්ය සමන්ත විද්යාරත්න මහතා අද (18) පාර්ලිමේන්තුවේ දී මේ බව පැවසීය.
අයහපත් කාලගුණය හේතුවෙන් උඩරට දුම්රිය මාර්ගයේ බදුල්ල දිස්ත්රික්කයට අයත් කිලෝමීටර 70ක ප්රමාණයක් සම්පූර්ණයෙන් අවහිර වූ බවත්, එම ප්රමාණය මේ වනවිට පිළිසකරකර අවසන් බවත් ඔහු පවසයි.
“බදුල්ල දිස්ත්රික්කයේ තියෙනවා උඩරට දුම්රිය මාර්ගයේ කිලෝමීටර 70ක් අපට අයිති. ඒක හදලා ඉවරයි.
ලබන 20වනදා උදෑසන අඹේවෙලින් දුම්රියයි බදුල්ලෙන් දුම්රියයි දෙපැත්තට ධාවනය කරන්න පටන් ගන්නවා.
මේ සංචාරකයෝ එන මාසය. නුවරඑළියට එන සංචාරකයා, ඇල්ලට එන සංචාරකයා මේ දුම්රිය බලාපොරොත්තු වෙනවා. ඒ නිසා කඩිනමින් මේ මාර්ගය හැදුවා” ඔහු පැවසීය.
එමෙන්ම මේ සම්බන්ධයෙන් අද උදෑසන පාර්ලිමේන්තුව හමුවේ අදහස් දැක්වූ ප්රවාහන සහ මහාමාර්ග නියෝජ්ය අමාත්ය ප්රසන්න ගුණසේන මහතා පවසා සිටියේ, ආපදා තත්ත්වය හේතුවෙන් මෙරට මහාමාර්ග පද්ධතියට මෙන්ම දුම්රිය මාර්ග පද්ධතියටද දැඩි බලපෑම් එල්ල වූ බවය.
දුම්රිය මාර්ග නායයෑම් හා ගල් පෙරළීම් 91ක්, බෝක්කුවලට හානි සිදුවීම 38ක්, දුම්රිය මාර්ගවලට ගස් පෙරළීම් 149ක් සහ දුම්රිය පාදම කැඩී යෑම් 177ක් වාර්තා වූ බව ඔහු පැවසීය.
මීට අමතරව ගංවතුර තත්ත්වය හේතුවෙන් දුම්රිය ස්ථාන 27කටද හානි සිදුව තිබේ.
කෙසේ වෙතත් දුම්රිය කාර්ය මණ්ඩල සහ සේවකයින්ගේ සහාය ඇතිව ත්රිකුණාමලය මාර්ගය මේ වනවිට විවෘත කර ඇති බව අමාත්යාවරයා සඳහන් කළේය.
එමෙන්ම දැනට මහව දක්වා පමණක් සිදුවන දුම්රිය ධාවනය කන්කසන්තුරය දක්වාත්, පුත්තලම මාර්ගයේ නාත්තන්ඩිය දක්වා පමණක් ධාවනය වන දුම්රිය හලාවත දක්වාත් හා මඩකඩලපුව දුම්රිය මාර්ගයන්හි ධාවන කටයුතු ජනවාරි 1 සිට ආරම්භ කරන බව නියෝජ්ය අමාත්යවරයා පැවසීය.
මේ අතර මාතලේ හා වත්තේගම අතර කොටස කඩිනමින් ප්රතිසංස්කරණය කර දැනට වත්තේගම දුම්රිය ස්ථානයේ නවත්වා ඇති දුම්රිය ධාවන කටයුතු සඳහා එක්කිරීමට කටයුතු කරන බවද හෙතෙම පවසයි.
මෙහිදී නියෝජ්ය අමාත්යවරයා පවසා සිටියේ, තලෙයිමන්නාරම දක්වා දුම්රිය මාර්ගය පෙබරවාරි මස 1වනදා ආරම්භ කිරීමට බලාපොරොත්තු වන බවය.
මේ අතර මහා මාර්ග පද්ධතියේ A හා B මාර්ග කිලෝමීටර 1,450ක ප්රමාණයක් මුළු මනින්ම විනාශ වූ බවත් ඔහු පවසයි.
ඉන් කිලෝමීටර 723ක මාර්ග විනාශ වී ඇත්තේ මාධ්යම පළාතේ බව සඳහන් කළ ඔහු, සියලු මාර්ග සකස්කිරීමට සඳහා මේ වනවිට රු.බි. 69ක මුදලක් ඇස්සමේන්තු කර ඇති බව ප්රකාශ කළේය.
මීට අමතරව ප්රධාන පාලම් 18ක් ඇතුළව පාලම් 40ක් සම්පූර්ණයෙන්ම විනාශ වී ඇත.
එම පාලම් ප්රතිසංස්කරණය කිරීම සඳහා රු.බි. 6කට වඩා වැඩි මුදලක් වැයවන බවද ප්රවාහන නියෝජ්ය අමාත්යවරයා අද පාර්ලිමේන්තුවේදී සඳහන් කළේය.
119 හදිසි ඇමතුම් අංකය අවභාවිතා කිරීම වළක්වා ගැනීම හා මහජනයාට අවශ්ය කෙටි දුරකථන අංකයන් සම්බන්ධව දැනුවත් කරමින් ශ්රී ලංකා පොලීසිය විසින් විශේෂ නිවේදනයක් නිකුත් කර තිබේ.
‘119’ ක්ෂණික දුරකථන ඇමතුම් සේවාව වෙත වාර්තා වන ඇමතුම් සම්බන්ධයෙන් සලකා බැලීමේදී පොලිසිය ක්ෂණිකව ක්රියාත්මක වීමට අවශ්ය පැමිණිලිවලට අමතරව අසත්ය පැමිණිලි හා වෙනත් ක්ෂණික සේවාවන් වෙත යොමු කළ යුතු පැමිණිලිද මෙම දුරකථන ඇමතුම් මධ්යස්ථානය වෙත ලබා දෙමින් එය අවභාවිතා කරන අවස්ථාවන් නිරීක්ෂණය වී ඇති බව එම නිවේදනයේ සඳහන් වේ.
ඒ අනුව, හදිසි අවස්ථාවකදී පොලිස් 119 හදිසි ඇමතුම් මධ්යස්ථානය වෙත සම්බන්ධ වීමට ඇති හැකියාව අවම වන අතර මෙලෙස අනවශ්ය පැමිණිලි සඳහා කාලය ගත කිරිම තුලින් මෙම අංකය ඔස්සේ පොලිසියේ සහය ක්ෂණිකව ලබා දිය යුතු අත්යවශ්ය හදිසි පැමිණිල්ලකට ක්රියාත්මක වීමේ හැකියාව නොලැබී යන බව පොලිසීය පවසයි.
එසේම, මෙම 119 ඇමතුම් අංකයට ව්යාජ තොරතුරු ලබා දෙන පුද්ගලයන්ට එරෙහිව නෛතික ක්රියාමාර්ග ගැනීමට කටයුතු කරන අතර, රජයේ සේවකයෙකු වෙත දැනුවත්ව අසත්ය තොරතුරු සැපයීම ලංකා දණ්ඩ නීති සංග්රහය යටතේ දඩුවම් ලැබිය හැකි වරදක් බවද එම නිවේදනයේ වැඩිදුරටත් සඳහන් වේ.
ඒ අනුව පොලිසියේ සහය සෘජුවම අවශ්ය නොවන වෙනත් ආයතන හා සම්බන්ධ වීමට පහත සඳහන් කෙටි දුරකථන අංක භාවිතා කර මහජනතාවගේ අවශ්යතාවයන් ඉටු කරගන්නා ලෙසත් මෙම හදිසි ඇමතුම් අංකය අවභාවිතා නොකරන ලෙසත් පොලීසියෙන් දැනුම්දීමක් කර ඇත.
01. Police Emergency Service – 119
02. Ministry Of Child Development and Women’s Affairs (Women Help Line) – 1938
03. Ministry Of Child Development and Women’s Affairs (Child Help Line) – 1929
04. Fire and Rescue Service – 110
05. National Transport Commission – 1955
06. Drug Organized Crime Issues Emergency Notification unit – 1997
07. The Bureau for the Prevention and Investigation of Abuse of Children and women – 109
08. Emergency Call Center (Tamil Medium) – 107
09. Commission to Investigate Allegations of Bribery or Corruption – 1954
10. Expressway Emergency – 1969
11. Department of Immigration and Emigration – 1962
12. National Dangerous Drug Control Board – 1984
13. Sri Lanka Bureau Of foreign Employment – 1989
14. National Help Desk (Ministry of Defance) – 118
15. Disaster Management Call Center – 117
16. Sri Lanka Tourism – 1912
17. Government Information Center – 1919
සීප්පුකුලම ප්රදේශයේ දී වනඅලියෙකු පිලිස්සීමේ සිද්ධියට අත්අඩංගුවට ගත් සැකකරුවන්ව මේ මස 24වනදා දක්වා රක්ෂිත බන්ධනාගාරගත කරන ලෙස අනුරපුර මහෙස්ත්රාත්වරයා නියෝග කර තිබේ.
මෙම අවාසනාවන්ත සිද්ධියට මුහුණදුන් වනඅලියා ගින්නෙන් පුලුස්සා හිංසා කරන අයුරු දැක්වෙන වීඩියෝ පටයක් සමාජ මාධ්යයේ සංසරණය වූ අතර, එම සිද්ධිය සම්බන්ධයෙන් සිදුකළ විමර්ශනයේ දී සැකකරුවන් තිදෙනෙකු මිහින්තලය පොලීසිය විසින් මේ වනවිට අත්අඩංගුවට ගෙන ඇත.
හිංසාවට ලක්වූ වනඅලියා සීප්පුකුලම ප්රදේශයේ දී මියගොස් සිටියේය.
අලියා මියයෑම සම්බන්ධයෙන් සිදුකරන ලද පශ්චාත් මරණ පරීක්ෂණයේ දී වකුගඩු හා අක්මාවේ ඇති වූ රෝගී තත්ත්වය හා පිලිස්සීමෙන් භීතියට පත්වීම යන කරුණු මරණයට පත්ව ඇති බවට නියගමනය කර තිබේ.
සිද්ධිය සම්බන්ධයෙන් අත්අඩංගුවට ගත් සැකකරුවන් අවුරුදු 42, 48 සහ 50 යන වයස්වල එම ප්රදේශයේම පදිංචිකරුවන්ය.
මිනුවන්ගොඩ – හොරම්පැල්ල බෝධිපිහිටුවල ප්රදේශය හරහා අද (18) උදෑසන 7.30ට පමණ හමා ගිය දැඩි සුළං තත්ත්වය හේතුවෙන් එම ප්රදේශයේ විහාරස්ථානයක්, පාසලක් හා නිවාස තිහකට අධික සංඛ්යාවකට හානි සිදුව තිබේ.
මෙම සුළං තත්ත්වය හේතුවෙන් ප්රදේශයේ නිවාස තුනක් 3කට පූර්ණ හානි සිදු ව ඇති බව ද වාර්තා වේ.
එමෙන්ම තද සුළං හේතුවෙන් ගස් කඩා වැටීම් සිදුව ඇති නිසා ප්රදේශයේ නිවාස හා මාර්ගවලට ද විශාල වශයෙන් හානි සිදුව ඇති බව සඳහන් වේ.
මෙම හානියට පත් නිවාස නිරීක්ෂණය කිරීම සඳහා මිනුවන්ගොඩ ප්රාදේශීය ලේකම් තනූජා රාජකරුණා මහත්මිය, ගම්පහ දිස්ත්රික් පාර්ලිමේන්තු මන්ත්රී රුවන්තිලක ජයකොඩි මහතා වේයන්ගොඩ යුද හමුදා කඳවුරේ නිලධාරීන්, මිනුවන්ගොඩ පොලිස් ස්ථානයේ නිලධාරීන්, ප්රදේශයේ ග්රාම නිලධාරීන් ඇතුළු රාජ්ය නිලධාරීන් විශාල පිරිසක් ද සහභාගි වී ඇත.
‘දිට්වා’ සුළි කුණාටුවෙන් ආපදාවට ලක් වූ ළමුන් සම්බන්ධ තොරතුරු සමාජ මාධ්ය ඔස්සේ නොඉල්ලන ලෙසත් ඒ හරහා දැනුම්දීම් සිදුනොකරන ලෙසත් පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් මහතා ඉල්ලීමක් කර තිබේ.
නිවේදනයක් නිකුත් කරමින් ඒ මහතා පැහැදිලි කළේ ආපදා තත්ත්වය හමුවේ දෙමාපියන් සහ භාරකරුවන් අහිමි වූ ඇතැම් ළමුන් අනාරක්ෂිත තත්ත්වයට පත්ව ඇති බවට තොරතුරු වාර්තා වී ඇති බවය.
එම දරුවන්ගේ අභිවෘද්ධිය වෙනුවෙන් යම් දෙයක් කිරීමට අවශ්ය නම් නීත්යානූකූල ලෙස අදාළ රජ්ය ආයතන ඔස්සේ හෝ පොලීසිය හරහා තොරතුරු ලබා ගත හැකි බවද ඒ මහතා පවසයි.
එසේ නොමැතිව සද්භාවයෙන් වුවත් අනීතික ලෙස කටයුතු කර ඇති බවට වාර්තා වුවහොත් ඒ සම්බන්ධයෙන් නීතිය ක්රියාත්මක කිරීමට සිදුවන බව ඒ මහතා වැඩිදුරටත් පැහැදිලි කළේය.
“මෙම ආපදා තත්ත්වයෙන් පසුව අපේ පුංචි දුවා දරුවෝ අනාරක්ෂිත තත්ත්වයට පත් වුණ අවස්ථා අපිට වාර්තා වෙලා තියෙනවා. දෙමාපියන්, වැඩිහිටියන්, භාරකරුවන් අහිමි වෙලා තියෙනවා. මේ අවස්ථාවේදී අතැම් ජාවාරම්කරුවන් සමාජ මාධ්ය හරහා මේ පුංචි දුවා දරුවන්ගේ විස්තර ලබා ගැනීම සඳහා කටයුතු කර ඇති බවට විශේෂයෙන් ශ්රී ලංකා පොලීසියේ ළමා හා කාන්තා කාර්යංශයට වාර්තා වෙලා තියෙනවා. ඉල්ලා සිටිනවා යම් කිසි කෙනෙකුට ළමයෙකුගේ හෝ මේ ආපදාවට පත් වෙච්ච දුවා දරුවෙකුගේ තොරතුරු අවශ්ය නම් ඔබ ක්රියා කළ යුත්තේ ජාතික ළමා ආරක්ෂක අධිකාරිය හරහා හෝ ළඟම තිබෙන පොලීසියකින් හෝ ප්රාදේශීය ලේකම් කාර්යාලයකින් හෝ ග්රාම සේවක මහත්ම මහත්මීන්ගෙන් මේ පිළිබඳ විස්තර ලබා ගැනීම මිස ඔබ සමාජ මාධ්ය හරහා යම් කිසි දුරකථන අංකයක් හරහා තොරතුරු ලබා ගැනීම යම්කිසි වරදකට වරදකරුවෙකු වෙනවා. ඇතැම් මහජනතාව මේ දරුවන්ව ආරක්ෂා කරන්නට හෝ ඔවුන්ගේ අනාගත අභිවෘද්ධිය උදෙසා ක්රියා කරන්නට ඔහු හෝ ඇයව සුරක්ෂිත කරන්නට මේ ගනු ලබන උත්සහයන් විටකදී අපයෝජනයක් වෙන්න පුළුවන්. විටකදී සමාජ විරෝධි හෝ අනීතික වෙන්න පුළුවන්. ඒ නිසා අපි මහජනතාවගෙන් ඉල්ලා සිටිනවා ඔබ සද්භාවයෙන් යම් කිසි අවස්ථාවක ප්රවේශ වන්නේ නම් ඔබට පුළුවන් ළඟම තිබෙන ප්රාදේශීය ලේකම් කාර්යාලයට හෝ ජාතික ළමා ආරක්ෂක අධිකාරිය හරහා මේ පිළිබඳ තොරතුරක් ලබා ගන්නට.”
