අද (26) දින පවතින අයහපත් කාලගුණික තත්ත්වය හේතුවෙන් මේ වනවිට උඩරට මාර්ගයේ දුම්රිය ධාවනය සීමා කර තිබේ.
ඒ අනුව, කොළඹ සිට බදුල්ල බලා ධාවනය වන තැපැල් දුම්රිය නානුඔය දක්වාද, බදුල්ල සිට කොළඹ කොටුව බලා ධාවනය වන රාත්රී තැපැල් දුම්රිය නානුඔය සිට කොළඹ කොටුව දක්වාද ධාවනය කිරීමට නියමිතය.
වීථි සුනඛයෙකු මෝටර් රථයක ගැටී මියයෑමේ සිදුවීම සම්බන්ධයෙන් අත්අඩංගුවට ගත් සැකකාර කාන්තාව දෙසැම්බර් මස 9 වන දින දක්වා රක්ෂිත බන්ධනාගාර ගත කිරීමට හෝමාගම මහෙස්ත්රාත් අධිකරණය විසින් නියෝග කර තිබේ.
මිනිසුන් වෙනුවෙන් නීතිය ක්රියාත්මක වෙන අයුරු අප සමාජයේ කොතෙකුත් දැක තිබුණද තිරිසන් සතෙකුගේ ජීවිතයක් වෙනුවෙන් අධිකරණයක් මඟින් මෙවැනි තීරණයක් ලබාදීම ලංකා ඉතිහාසයේ සැබවින්ම වැදගත් සංධිස්ථානයක් ලෙස පෙන්වා දිය හැකිය.
පන්නිපිටිය විද්යාල හංදිය ප්රදේශයේ ජනතාවට ඊයේ (25) සුවිශේෂී දිනයක් වුයේ ඔවුන් ‘බ්ලැකී’ වෙනුවෙන් කළ ඉල්ලීමට මෙලෙස නීතියෙන් පිහිටක් හිමිවීම හේතුවෙනි.
පන්නිපිටිය විද්යාල හංදියේ අලුබෝගහවත්ත පටුමඟේ ජීවත් වන කාගෙත් ආදරය දිනාගත් ‘බ්ලැකී’ වසර පහළොවක පමණ කාලයක් එම ප්රදේශයේ ජීවත් වූ වීථි බල්ලෙකි.
එම පටුමඟේ ජීවත් වන කාගේත් ආරක්ෂකයා වුයේත් ‘බ්ලැකී’ වූ නිසාවෙන්ම සියලුදෙනාගේම ආදරය හා කරුණාව දිනාගැනීමට ‘බ්ලැකී’ සමත්ව සිටියේය.
තුන්වේලටම කන්න දෙයක් නිරන්තරයෙන්ම ලැබෙන ‘බ්ලැකී’ පටුමඟේ නිවසක් අසල නිදහසේ වැතිරී සිටින්නේ කිසිවෙකුගෙන් බාධාවක් නොවූ හෙයිනි.
සියලුදෙනාගේ ආදරය දිනාගත් ‘බ්ලැකී’ පසුගිය නොවැම්බර් මස 14 වන දින කාන්තාවක් පැදවූ මෝටර් රථයකට යටවී ඉතා අවාසනාවන්ත ලෙස මිය යන්නේ අලුබෝගහවත්ත පටුමඟේ ප්රදේශවාසීන්ගේ දෙනතට කඳුලක් එක්කරමිනි.
ප්රදේශවාසීන් චෝදනා කර සිටියේ, එම රිය අනතුර සිතාමතා සිදුකළ එකක් බවටය.
මේ හේතුවෙන් ප්රදේශවාසීන් සියලු වැඩරාජකාරි පසෙකලා නොවැම්බර් මස 16 වෙනිදා කොට්ටාව පොලීසියේ ‘බ්ලැකී’ ගේ මරණය වෙනුවෙන් පැමිණිල්ලක් ගොනුකළේය.
එයට සත්ත්ව සුබසාධන සංගම්ද මැදිහත් වී තිබූ අතර, දෙපාර්ශවයේම කරුණු සැලකිල්ලට ගනිමින් පොලීසිය විසින් හෝමාගම මහෙස්ත්රාත් අධිකරණය හමුවේ නඩුවක් ගොනුකර තිබුණි.
අදාළ නඩුව ඊයේ දිනයේ කැඳවූ අවස්ථාවේ දී එහිදී ඉදිරිපත් වූ කරුණු සලකා බැලූ අධිකරණය දෙසැම්බර් මස 9 වනදා දක්වා මෝටර් රථය පැදවූ සැකකාර කාන්තාව රක්ෂිත බන්ධනාගාර ගත කිරීමටත් එදිනට නඩුව යළි කැඳවීමටත් නියෝග කළේය.
අධිකරණය මඟින් මෙම තීරණය ලබාදීමෙන් අනතුරුව ප්රදේශවාසීන් සියලුදෙනා එක්ව ‘බ්ලැකී’ගේ නිසල දේහය තැන්පත්ව ඇති ස්ථානයේ ඉටිපන්දම් දල්වන්නට වුහ.
බෙංගාල බොක්ක මුහුදු ප්රදේශය ආශ්රිතව පවතින අවදානම් සහිත අයහපත් කාලගුණික තත්ත්වය හේතුවෙන් දිවයින වටා සියළුම ධීවර යාත්රා රැකියාව සඳහා පිටත්වීම් නැවත දැනුම් දෙනතුරු අවලංගු කරන බව ධීවර හා ජලජ සම්පත් දෙපාර්තමේන්තුව නිවේදනය කර තිබේ.
මෙම අවධානම් සහිත මුහුදු ප්රදේශවල මේ වන විට රැකියාවේ නිරතව සිටින සියළුම ධීවර යාත්රා ගොඩබිමට හෝ ආරක්ෂිත ප්රදේශවලට යාත්රා කරන ලෙසත්, සියළුම ආරක්ෂිත පියවර අනුගමනය කරන ලෙසත් එම නිවේදනයෙන් වැඩිදුරටත් දැනුම් දී ඇත.
එමෙන්ම මේ සම්බන්ධව කාලගුණ විද්යා දෙපාර්තමේන්තුව විසින් නිකුත් කරන ඉදිරි නිවේදන සහ ගුවන් විදුලි පණිවුඩ කෙරෙහි දැඩි අවධානය යොමු කරන ලෙසත් එහිදී අවධාරණය කර තිබේ.
මේ අතර නිරිතදිග බෙංගාල බොක්ක ප්රදේශයේ පැවති අඩු පීඩන කලාපය ඊයේ (25) මධ්යම රාත්රී පමණ වන විට ශ්රී ලංකාවට දකුණු දෙසින් පැවතුණි.
එය ඉදිරි පැය 30 තුළ පීඩන අවපාතයක් දක්වා වර්ධනය විය හැකි බව කාලගුණවිද්යා දෙපාර්තමේන්තුව නිවේදනය කරයි.
මෙම පද්ධතියේ බලපෑම හේතුවෙන් දිවයිනේ වැසි සහ සුළං තත්ත්වයේ වැඩි වීමක් ඉදිරි දින කිහිපයේදීත් බලාපොරොත්තු විය හැකි බව ද කාලගුණවිද්යා දෙපාර්තමේන්තුව මඟින් මේ සම්බන්ධව නිකුත් කරන ඉදිරි නිවේදන පිළිබඳ අවධානය යොමුකරන ලෙස ද ඉල්ලා සිටී.
දිවයිනේ බොහෝ ප්රදේශවල අහස වලාකුළින් බරව පවතිනු ඇති අතර, දිවයිනේ බොහෝ ප්රදේශවල විටින් විට වැසි හෝ ගිගුරුම් සහිත වැසි ඇති වේ.
නැගෙනහිර, මධ්යම සහ ඌව පළාත්වලත් පොළොන්නරුව දිස්ත්රික්කයේත් ඇතැම් ස්ථානවල මි.මී. 150ට වැඩි ඉතා තද වැසි ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි.
දිවයිනේ සෙසු ප්රදේශවල ඇතැම් ස්ථානවලට මි.මී. 100ට වැඩි තද වැසි ඇති විය හැකිය.
උතුරු, උතුරුමැද , වයඹ, බස්නාහිර සහ නැගෙනහිර පළාත්වලත් හම්බන්තොට සහ මාතලේ දිස්ත්රික්කවලත් විටින් විට හමන පැ.කි.මී. 50 ක පමණ තද සුළං ඇතිවිය හැකි අතර, සෙසු ප්රදේශවලත් විටින් විට හමන පැ.කි.මී. 40ක පමණ තරමක තද සුළං ඇති වේ.
තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
ලෝක වෙළෙඳපොළේ තත්ත්වය සැලකිල්ලට ගනිමින් පොහොර සහනාධාර මිල තීරණය කලයුතු බව කෘෂි සම්පත් ඉඩම් හා වාරිමාර්ග අමාත්ය කේ.ඩී. ලාල්කාන්ත මහතා පවසයි.
වී ගොවීන්ගේ ගැටලුවලට විසඳුම් සෙවීම සඳහා විධිමත් වැඩපිළිවෙළක් සකස් කිරීම පිළිබඳව, ගොවීන් සමඟ ජනාධිපති කාර්යාලයේ දී පැවති සාකච්ඡාවකට එක්වෙමින් අමාත්යවරයා මේ බව සඳහන් කර කළේය.
මෙහිදී වැඩිදුර අදහස් දක්වමින් කේ.ඩී. ලාල්කාන්ත අමාත්යවරයා පැවසුවේ, වී වගාව කෙරෙහි දීර්ඝ කාලයක් තිස්සේ අවධානය යොමු කරමින් වී ගොවියා ආරක්ෂා කර ගැනීමට නිශ්චිත වැඩපිළිවෙළක් සකස් කර ඇති බවය.
කෙසේ වෙතත් අනෙකුත් බෝග පිළිබඳ නිශ්චිත වැඩපිළිවෙළක් රට තුළ මෙතෙක් සකස් කර නොමැති බවය ඔහු සඳහන් කළේය.
වී ගොවීන් මෙන්ම සියලු ගොවීන් ආරක්ෂා කර ගනිමින් ඔවුන්ගේ ජීවන තත්ත්වය උසස් කිරීම වත්මන් රජයේ අරමුණ බව අමාත්යවරයා සඳහන් කළේය.
ගොවියා, රාජ්ය නිලධාරියා සහ දේශපාලනඥයා තවදුරටත් බෙදී කටයුතු නොකර මින් ඉදිරියට සියලු පාර්ශ්ව එක්ව එකම කණ්ඩායමක් ලෙස කටයුතු කරමින් ගොවීන්ගේ ගැටලුවලට විසඳුම් සෙවිය යුතු බව අමාත්යවරයා පැවසුවේය.
එහිදී අමාත්යවරයා පවසන ලද්දේ, සහල් ආනයනය සීමා කිරීම අරමුණු කරගෙන වී නිෂ්පාදනය තවදුරටත් ඉහළ නැංවීම සහ වී මිලදී ගැනීමේ මිල ක්රමවේදය විධිමත් කිරීම පිළිබඳවත් මෙහිදී පුළුල් ලෙස සාකච්ඡා කර තිබේ.
නිෂ්පාදන පිරිවැය අවම කරමින් සහ ගොවියා ආරක්ෂා කර ගනිමින් පාරිභෝගික ජනතාවට ගුණාත්මක තත්ත්වයෙන් යුත් සහල් සහන මිලට ලබා දීම කෙරෙහිද මෙහිදී අවධානය යොමු වූ බව ජනාධිපති මාධ්ය අංශය සඳහන් කළේය.
ගොවියාට අසාධාරණයක් නොවන අන්දමින් වී සඳහා ස්ථාවර මිලක් නියම කිරීමට රජය තීරණය කර තිබෙන බවද මෙහිදී අවධාරණය කර තිබේ.
මේ අතර වී ගොවිතැන සඳහා පොහොර සහනධාරය නොලැබීම හේතුවෙන් තමන් දැඩි අසීරුතාවයට පත්ව ඇති බව ද පොහොර මිලදී ගැනීම සඳහා රජය ලබාදෙන මුදල් බැංකුගත කිරීම සඳහා කඩිනම් වැඩපිළිවලක් සකස් කිරීමට ආණ්ඩුව පියවර ගත යුතු බව ද සාකච්ඡාව පැමිණි අම්පාර ප්රදේශයේ ගොවීන් පවසා ඇති බව සඳහන් ය.
රුපියල් එක්කෝටි හැත්තෑඅට ලක්ෂ පනස්දහසක් වටිනා විදේශීය නිෂ්පාදිත දුම්වැටි තොගයක් සමග සැකකරුවන් තිදෙනෙක් ගුවන් තොටුපොළ පොලිස් නිලධාරීන් විසින් අත්අඩංගුවට ගෙන තිබේ.
අත්අඩංගුවට ගත් සැකකරුවන් තිදෙනා ඩුබායි සිට කටුනායක ගුවන්තොටුපොළ වෙත පැමිණ ඇති අතර ඔවුන් අලුත්ගම, යටියන්තොට සහ මාවනැල්ල ප්රදේශවල පදිංචි ව්යාපාරිකයන් තිදෙනෙක් බව වාර්තා වේ.
ඔවුන් විසින් රැගෙන ආ ගමන් මලු තුළ තිබී ” ප්ලැටිනම්” වර්ගයේ දුම්වැටි 119,000ක් අඩංගු දුම්වැටි කාටූන් 595ක් පොලීසිය විසින් සොයා ගෙන ඇත.
අදාළ පුද්ගලයින් තිදෙනා මීගමුව මහේස්ත්රාත් අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ 03ක් බැගින් වූ දඩ මුදලක් ගෙවීමට නියෝග කර තිබේ.
පාලකුඩාව කලපුවේ බෝට්ටුවක් පෙරළීයාමෙන් සිදු වූ අනතුරකින් තරුණයෙකු මියගොස් ඇති බව කල්පිටිය පොලීසිය පවසයි.
අනතුරින් මියගොස් ඇත්තේ පාලකුඩාව ප්රදේශයේ පදිංචිකරුවෙකු වන වයස අවුරුදු 22ක් වන තරුණයෙකි.
කාර්මික දෝෂයකට ලක්ව තිබූ බෝට්ටු ඇන්ජිමක් අළුත්වැඩියා කර පරීක්ෂා කිරීමට යාමේදී මෙම අනතුර සිදුව ඇති බව වාර්තා වේ.
අනතුරින් කලපුවේ ගිලීගිය තරුණයාව ප්රදේශවාසීන් විසින් බේරාගෙන ප්රතිකාර සඳහා කල්පිටිය රෝහලට ඇතුළත් කර ඇති අතර එහිදී ඔහු මිය ගොස් තිබේ.
කල්පිටිය පොලීසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.
ඊයේ (25) දින පැවති මුදල් ප්රතිපත්ති මණ්ඩල රැස්වීමේ දී මුදල් ප්රතිපත්ති ස්ථාවරය නොවනස්ව තවදුරටත් පවත්වා ගැනීමට තීරණය කළ බව ශ්රී ලංකා මහ බැංකුව පවසයි.
ඒ අනුව ශ්රී ලංකා මහ බැංකුවේ එක්දින ප්රතිපත්ති පොලී අනුපාතිකය (OPR) සියයට 7.75 මට්ටමේම නොවෙනස්ව පවතිනු ඇත.
දේශීය හා ගෝලීය ප්රවණතා ඉතා දැඩිව සලකා බැලීමෙන් පසුව මුදල් ප්රතිපත්ති මණ්ඩලය මෙම තීරණයට එළඹ තිබේ.
වත්මන් මුදල් ප්රතිපත්ති ස්ථාවරය, උද්ධමනය 5%ක ඉලක්කයක් කරා මෙහෙයවීමට සහාය වනු ඇතැයි මණ්ඩලයේ අදහසයි.
දේශිය රතු කැකුළු සම්බා සහල් පාලන මිලට වැඩියෙන් අලෙවි කිරීම සම්බන්ධයෙන් රත්නපුර නගරයේ ප්රසිද්ධ සුපිරි වෙළඳසැලක් වරද පිළිගෙන තිබේ.
පාරිභෝගික අධිකාරිය පැවසුවේ රත්නපුර මහේස්ත්රාත් අධිකරණය විසින් අදාළ වෙළෙඳසැල් හිමියාට රුපියල් 500,000ක දඩ මුදලක් නියම කර ඇති බවය.
කිරි සම්බා සහල් වැඩි මිලට අලෙවි කිරීම සම්බන්ධයෙන් රත්නපුර නගරයේ තොග වෙළදසැලකට රුපියල් 200,000ක දඩ මුදලක් ද රත්නපුර මහේස්ත්රාත් අධිකරණය මඟින් නියම කර ඇත.
මේ අතර පරිභෝගික කටයුතු පිළිබඳ අධිකාරිය විසින් නිකුත් කරන ලද අංක 2451/41 දරණ ගැසට් නිවේදනය අනුව පොලිතින් බහාලුම් මලු හෙවත් සිලි සිලි මළු සඳහා මුදල් අයනොකර ලබාදීම සම්බන්ධයෙන් වරද පිළිගත් ව්යාපාරිකයෙකුට ද රත්නපුර මහේස්ත්රාත් අධිකරණය විසින් රුපියල් 10,000ක දඩ මුදලක් නියම කර ඇති බව සඳහන් වේ
පොතුවිල් පොලිස් වසමේ හුලංනුගේ 12 කණුව ප්රදේශයේදී පුද්ගලයෙකු විසින් කාන්තාවකට උදැල්ලකින් පහරදී ඝාතනය කර තිබේ.
ඊයේ (22) සවස් කාලයේ මෙම ඝාතනය සිදුව ඇති බව පොලීසිය පවසයි.
එලෙස මියගොස් ඇත්තේ, හුලංනුගේ, පොතුවිල් ප්රදේශයේ පදිංචිව සිටි 55 හැවිරිදි කාන්තාවකි.
පුද්ගලික ආරවුලක් මත මෙම අපරාධය සිදු කර ඇති බවට දැනට සිදු කරනලද විමර්ශනයේදී අනාවරණය වී ඇත.
සිද්ධිය සම්බන්ධයෙන් වයස අවුරුදු 59 ක් වන සැකකරු අත්අඩංගුවට ගෙන තිබේ.
පොතුවිල් පොලිසිය වැඩිදුර විමර්ශන සිදු කර ගෙන යනු ලබයි.
බැංකු කාඩ්පතින් බස් රථයේ ප්රවේශපත්ර මිලදී ගැනීමේ අවස්ථාව හෙට සිට ක්රියාත්මක කිරීමට නියමිතව තිබේ.
ඒ අනුව මෙහි සමාරම්භක වැඩසටහන හෙට පෙරවරුවේ මාකුඹුර බහුවිධ ප්රවාහන මධ්යස්ථානයේදී සිදු කිරීමට නියමිතය.
ඩිජිටල් අමාත්යාංශ සහ ප්රවාහන අමාත්යාංශය එක්ව මෙහෙයවන මෙම වැඩසටහන ප්රවාහන, මහාමාර්ග සහ නාගරික සංවර්ධන අමාත්ය බිමල් රත්නායක මහතාගේ ප්රධානත්වයෙන් පැවැත්වීමට නියමිතව තිබේ.
පසුගියදා පාර්ලිමේන්තුවේදී අදහස් දක්වමින් අමාත්ය බිමල් රත්නායක මහතා පැවසුවේ බස් ගාස්තු ලබා දුන් පසු ඉතිරි මුදල් ලබා නොදීම විශාල ගැටලුවක් ව තිබූ බවත් එයට විසඳුමක් ලෙස මෙසේ බැංකු කාඩ්පතක් හරහා බස් ගාස්තු ගෙවිය හැකි ක්රමය හඳුන්වා දෙන බවය.
එමෙන්ම බස් රථයේ මගී ප්රවේශපත්රයෙන් වංචා දූෂණ රැසක් සිදුවන බවත් මේ හේතුව මත බස් රථයේ ප්රවේශපත්ර බැංකු කාඩ් මගින් ගෙවීමට අවස්ථාව සලසා දෙන ලෙස විශාල ඉල්ලීමක්ද ලැබුණු බවත් අමාත්යවරයා එහිදී පැවසීය.
