මොනරාගල දිස්ත්රික්කයේ ‘දිට්වා’ වන්දි ගෙවීම් සම්බන්ධයෙන් චෝදනා එල්ල වී ඇති ආපදා සහන සේවා නිලධාරියාගේ රාජකාරි වැඩ තහනම් කර තිබේ.
නිවේදනයක් නිකුත් කරමින් රජයේ ප්රවෘත්ති දෙපාර්තමේන්තුව මේ බව පැවසීය.
එමෙන්ම චෝදනා එල්ල වී ඇති ග්රාම නිලධාරියා ද පරීක්ෂණ කටයුතුවලට පහසුවීම සඳහා වෙනත් කොට්ඨාසයකට මාරුකර ඇත.
මේ වනවිට එම සිද්ධීන් සම්බන්ධයෙන් විධිමත් පරීක්ෂණයක් පැවැත්වෙමින් පවතින බවද අදාළ නිවේදනයේ දැක්වේ.
සොල්දරයෙන් ඇද වැටුණු පියාට යටවී තුන් හැවිරිදි දරුවෙකු අවාසනාවන්ත ලෙස ජිවීතක්ෂයට පත්ව තිබේ.
මෙලෙස මියගොස් ඇත්තේ ගම්පොළ නාරන්විට ආඩියාකඩවත පිහිල්ලදෙනිය ප්රදේශයේ පදිංචිව සිටි තුන් හැවිරිදි පිරිමි දරුවෙකි.
නිවසේ සොල්දරයෙහි තිබූ වතුර බටයක් ගැනීමට පියා ඊට නැග ඇති අතර එම අවස්ථාවේ දී ඔහුගේ පිටුපසින් පැමිණි දරුවා පහළට වී බලා සිට ඇති බව මූලික විමර්ශනවලදී අනාවරණය වී ඇත.
එම අවස්ථාවේ දී සොල්දරයේ ලෑල්ලක් ගැලවීම හේතුවෙන් පියා දරුවා මතට ඇඳ වැටී ඇති බව වාර්තා වේ.
එහිදී තුවාල ලැබූ පියා සහ පුතු ගම්පොළ රෝහල වෙත ඇතුළත් කර ඇති අතර ඒ වන විටත් දරුවා මියගොස් සිට ඇති බව ද සඳහන්.
තුවාල ලැබූ පියා මේ වන විට රෝහල්ගතව ප්රතිකාර ලබයි.
ගම්පොළ පොලීසිය සිද්ධිය සම්බන්ධයෙන් වැඩිදුර පරීක්ෂණ සිදු කරයි.
විදේශ කටයුතු අමාත්යාංශයේ විද්යුත් ලේඛන සහතික කිරීමේ පද්ධතියේ (e-DAS) ඇති වූ හදිසි තාක්ෂණික දෝෂයක් හේතුවෙන්, ලේඛන සහතික කිරීමේ සියලුම සේවාවන් නැවත දැනුම් දෙන තුරු තාවකාලිකව අත්හිටුවා තිබේ.
විදේශ කටයුතු අමාත්යාංශය නිවේදනයක් නිකුත් කරමින් කියා සිටියේ බත්තරමුල්ලේ පිහිටි කොන්සියුලර් කටයුතු අංශයේ ප්රධාන කාර්යාලය මෙන්ම යාපනය, ත්රිකුණාමලය, මහනුවර, මාතර සහ කුරුණෑගල යන ප්රාදේශීය කොන්සියුලර් කාර්යාලවල සේවාවන් ද මෙලෙස අත්හිටුවා ඇති බවය.
අදාළ තාක්ෂණික සේවා සපයන්නන් සමඟ සම්බන්ධ වී හැකි ඉක්මනින් e-DAS පද්ධතිය යථා තත්ත්වයට පත් කර සාමාන්ය සේවාවන් ආරම්භ කිරීමට අවශ්ය පියවර ගෙන ඇති බව අමාත්යාංශය පවසයි.
දැනටමත් මාර්ගගතව (Online) වේලාවන් වෙන්කරගෙන ඇති අයදුම්කරුවන්ට, ඉදිරි යාවත්කාලීන කිරීම් සහ දැනුම්දීම් සඳහා ‘e-Channeling’ පද්ධතිය කෙරෙහි අවධානයෙන් සිටින ලෙස ඉල්ලා සිටී.
පද්ධතිය යථා තත්ත්වයට පත් වූ වහාම ඒ පිළිබඳව සියලු අයදුම්කරුවන් දැනුවත් කරන බව ද අමාත්යාංශය වැඩිදුරටත් සඳහන් කරයි.
මෙම හදිසි බිඳ වැටීම හේතුවෙන් මහජනතාවට සිදුවන අපහසුතාව පිළිබඳව කොන්සියුලර් කටයුතු අංශය සිය කණගාටුව පළ කර සිටියි.
තඹුත්තේගම ගබඩාවකින් ගෙනැවිත් රඹෑව ගොවිජන මධ්යස්ථානයට ලබාදී ඇතැයි පැවසෙන, 2019 වසරේ නිෂ්පාදිත MOPපොහොරවල සාම්පල පරීක්ෂා කිරීම සඳහා යොමුකර ඇති බව ජාතික පොහොර ලේකම් කාර්යාලයේ අධ්යක්ෂ චන්දන ලොකුහේවගේ මහතා පවසයි.
එම පොහොර භාවිතයට සුදුසුද නැද්ද යන්න ප්රකාශ කළ හැක්කේ සාම්පල පරීක්ෂාවෙන් පසුව බව ඔහු වැඩිදුරටත් පවසයි.
අනුරාධපුර මහ කනදරාව ප්රදේශයේ රඹෑව ගොවිජන සේවා බලප්රදේශයට අයත් පණ්ඩුකාභයපුර ගොවීන්ට, 2019 වසරේදී සහනාධාර ලෙස ලබාදීමට වෙන්කළ පොහොර තොගයක් මෙලෙස ලබාදී ඇති බවට ඊයේ චෝදනා එල්ලවී තිබේ.
තඹුත්තේගම ගබඩාවකින් ගෙනැවිත් රඹෑව ගොවිජන මධ්යස්ථානයට ලබාදී ඇති එම MOP පොහොර 2019 වසරේදී මෙරටට ගෙන්වා ඇති ප්රමිතියෙන් තොර කල් ඉකුත්වූ පොහොර බව ගොවීන් චෝදනා කර ඇත.
මෙහිදී වැඩිදුර අදහස් දැක්වූ ජාතික පොහොර ලේකම් කාර්යාලයේ අධ්යක්ෂ චන්දන ලොකුහේවගේ මහතා,
“අනුරාධපුරයේ බෙදපු පොහොර සම්බන්ධයෙන් අපි කඩිනමින්ම අපි අනුරාධපුර පොහොර ලේකම් කාර්යාලයේ නියෝජ්ය අධ්යක්ෂක මගින් සාම්පල් ලබාගෙන කොළඹට යොමු කරලා තියෙනවා. අපි කඩිනම්න් ඒ සාම්පල් පරීක්ෂා කරනවා. අපිට යමක් කියන්න වෙන්නේ මේ පොහොර සාම්පලේ පරීක්ෂා කරලා. පොහොර සමාගමේ විමසීමේදී සඳහන් කළේ, කැනඩාවෙන් 2022 ආනයන කරපු පොහොර කියලා. එතකොට ඒ 22 ආනයනය කරපු පොහොරවලට අපි සාම්පල් පරීක්ෂාවක් කරලා අවසරය කලින් අපි දීලා තිබුණා. කෙසේ වෙතත් මේ පොහොරවලත් කෙටි කාලයක් තුළ සාම්පල් පරීක්ෂා කරලා කියන්න පුළුවන් ඒවා මොන තත්ත්වයකද තියෙන්නේ කියලා”
බගවන්තලාව සිට නුවරඑළිය දක්වා අධික වේගයෙන් ධාවනය වූ කැබ් රථයක් මාර්ගයෙන් ඉවතට පැන අනතුරට පත් වී ඇති බව නෝර්වුඩ් පොලීසිය පැවසීය.
අද (16) පස්වරු 4ට පමණ මෙම අනතුර සිදු වී ඇත්තේ හැටන් බගවන්තලාව ප්රධන මාර්ගයේ නෝර්වුඩ් නිව්වැලිගම ප්රදේශයේදී බව සඳහන් වෙයි.
අධික වේගයෙන් ධාවනය වූ කැබ් රථය ලිස්සා ගොස් මාර්ගය අබියස වූ දුරකථන රැහැන් සහිත කණුවක ගැටී කැබ් රථය නතර වී ඇත.
කැබ් රථය අනතුරට පත්වන අවස්ථාවේ කැබ් රථය තුළ පුද්ගලයින් දෙදෙනෙකු ගමන් කර ඇති අතර අනතුරින් ඔවුන්ට කිසිදු අනතුරක් සිදු වි නොමැති බව බව සඳහන් වෙයි.
අනතුරින් කැබ් රථයේ පසුපස රෝදයට ගැලවී ගොස් ඇති බව අනතුර පිළිබද පරික්ෂණ පවත්වන නෝර්වුඩ් පොලීසිය පවසයි.
අනතුරට හේතුව කැබ් රථයේ අධික වේගය සහ කැබ් රථය ලිස්ස යෑම බවට සැක කෙරෙන අතර, පවතින අයහපත් කාළගුණයත් සමඟ ප්රධාන මර්ගවල සැළකිලිමත්ව රිය ධාවනය කරන ලෙස නෝර්වුඩ් පොලීසිය රියදුරන්ගෙන් ඉල්ලා සිටියි.
ගම්පහ මල්වානේ පිහිටි නිවසකට අන්තර් විශ්ව විද්යාලීය ශිෂ්ය බල මණ්ඩලයේ පාර්ශවයක් අනවසරෙන් ඇතුළු වී එය අත්පත් කරගෙන සිටීම සම්බන්ධයෙන් දොම්පේ ප්රාදේශීය ලේකම්වරයා විසින් පොලීසියට පැමිණිල්ලක් ඉදිරිපත් කර තිබේ.
රජයට අයත් භූමියකට අනවසරයෙන් ඇතුළු වීම සම්බන්ධයෙන් අදාළ පිරිසට එරෙහිව දොම්පේ පොලීසිය වෙත ප්රාදේශීය ලේකම්වරයා විසින් මෙම පැමිණිල්ල ඉදිරිපත් කර ඇති බව වාර්තා වේ.
මල්වානේ පිහිටි හිමිකරුවෙකු නොමැති මෙම නිවස සහ ඉඩම සීමිත විශ්වවිද්යාල සඳහා ලබාදෙන ලෙස ඉල්ලමින් අන්තර් විශ්වවිද්යාලීය ශිෂ්ය බලමණ්ඩලයේ පිරිසක් පසුගිය 14 වනදා එහි නවාතැන් ගනිමින් විරෝධතා ක්රියාමාර්ගයක් ආරම්භ කරනු ලැබීය.
මේ අතර, එම ක්රියාමාර්ගයට එරෙහිව නව ජනතා පෙරමුණද අද (16) දොම්පේ පොලීසිය වෙත පැමිණිල්ලක් සිදුකළ අතර එහිදී එම පෙරමුණේ නියෝජ්ය නායක උපතිස්ස කුමාරතුංග මහතා මාධ්ය වෙත මෙලෙස අදහස් පළ කළේය.
“මේ නව අන්තර් විශ්වවිද්යාල ශිෂ්ය බල මණ්ඩලය කියන්නෙ ජනතා විමුකිති පෙරමුණේ බළල් අත – ශිෂ්ය වීරයන්ට කියන්න කැමති ශිෂ්ය සටන් ගැන දන්නේ නැත්තන් බංකුවක් අරන් එන්න අපි කියලා දෙන්නම්. මෙතන ඉදලා විශ්වවිද්යාල දෙකක් තියෙනවා, කැලණිය විශ්වවිද්යාලයට කිලෝමිටර් 24යි. යක්කල ආර්යුවේද විශ්වවිද්යාලයට කිලෝමිටර් 22යි. මේ ශිෂ්යයෝ කොහොමද කියන්නේ මේවා විශ්වවිද්යාලයට පවරලා දෙන්න කියලා. විශ්වවිද්යාල පාලන අධිකාරිය විසින් ශිෂ්ය නේවාසිකාගාරයක් විදියට සුරක්ෂිත කරන්න ඕනා.
පහුගිය දිට්වා සුළි කුණාටුවේදි අඩි 50ක් මේ ගොඩනැගිල්ල යටවුණා. උඩ තට්ටුව විතරයි ඉතිරි වුණේ. ශිෂ්යයන්ටත් අපි කියනවා ජනතා විමුක්ති පෙරමුණේ මේ න්යාය පත්රයට රැවටෙන්න එපා. පොලීසියට කියන්න බෑ මේකට පැමිණිලි නෑ කියලා . ප්රාදේශීය ලේකම්තුමා පැමිණිල්ලක් දාලා තියෙනවා, දේශපාලන පක්ෂයක් විදියට අපි ඇවිල්ලා පැමිණිල්ලක් දාලා තියෙනවා. දැන් පැමිණිල්ල විභාග කරලා තියෙනවා ,දැන් පැමිණිල්ල විභාග කරලා ඉතාම ඉක්මනින් අනීතිකව ඉන්න මේ ශිෂ්යයෝ අයින් කරයි කියලා හිතනවා”
වනවාසල සහ කැලණිය අතර දුම්රිය මාර්ගයට කිසියම් පුද්ගලයෙකු විසින් හානි සිදු කිරීම අද (16) උදෑසන සිදු වූ දුම්රිය පීලි පැනීමට හේතු වී ඇති බව දුම්රිය දෙපාර්තමේන්තුව සිදු කළ මූලික විමර්ශනවලදී අනාවරණය වී තිබේ.
දුම්රිය දෙපාර්තමේන්තුව විසින් පත් කළ කමිටුව හරහා සිදු කළ විමර්ශනයේදී මේ බව අනාවරණය වී ඇති බව දුම්රිය ගමනා ගමන අධිකාරී අසංක සමරසිංහ මහතා පැවසූවේය.
ඒ අනුව සිද්ධිය සම්බන්ධයෙන් පොලිසිය සිදු කළ විමර්ශනවලදී දුමිරිය මාර්ගයේ යකඩ කොටස් ගලවා රැගෙන යාමේ සිද්ධියට සැකපිට පුද්ගලයෙකු අත්අඩංගුවට ගනු ලැබීය.
සිද්ධිය අදාළව තවත් පුද්ගලයෙකු අත්අඩංගුවට ගැනීම සඳහා පොලිසිය විමර්ශන සිදු කරන බව සඳහන් වේ.
අද (16) අළුයම පොල්ගහවෙල සිට දකුණු කළුතර බලා ධාවනය වූ දුම්රිය වනවාසල හා කැලණිය අතර දුම්රිය මාර්ගයේදී පීලි පැනීමකට ලක්ව තිබුණි.
එහිදී දුම්රියේ මැදිරි 03ක් පීලි පැනීමකට ලක්ව තිබූ අතර, ඉන් එක් මැදිරියක් සම්පූර්ණයෙන්ම මාර්ගයෙන් ඉවතට පෙරලීගොස් තිබූ බව අද දෙරණ වාර්තාකරු පැවසීය.
මෙම අනතුරින් දුම්රිය මගීන් 10දෙනෙකු තුවාල ලබා තිබූ අතර ඉන් පස් දෙනෙකු කොළඹ ජාතික රෝහලේ නේවාසිකව ප්රතිකාර ලබන බව ද සඳහන්..
මෙම අනතුර සම්බන්ධයෙන් අදහස් දක්වන දුම්රිය ගමනා ගමන අධිකාරී අසංක සමරසිංහ මහතා,
“මේ පීලි පැනීම සිද්ධවෙලා තියෙන ස්ථානය තියෙනවා කොළඹ ඝන අපද්රව්ය ප්රවාහන මධ්යස්ථානයට හදපු දුම්රිය මාර්ගයක්.. එතන ප්රධාන මාර්ගයෙන් වෙන්ව බිඳීයන මාර්ගයක් තියෙනවා. අන්න ඒ බෙදී යන ස්ථානයේ තමයි මේ පීලි පැනීමට ලක්වෙලා තියෙන්නේ. මේ සම්බන්ධයෙන් දෙපාර්තමේන්තු මට්ටමෙන් පරීක්ෂණ කමිටුවක් පත් කරලා තියෙනවා. ඒ වගේම මේ සම්බන්ධයෙන් අපි ශ්රී ලංකා පොලිසියට පැමිණිලි කරලා තියෙනවා. ඒ වගේම මෙම පීලි පැනීමට හේතුව පිටස්තර පුද්ගලයෙක් මාර්ගයේ තිබ්බ කොටස් ගලවාගෙන යාම. ඒක සම්බන්ධයෙන් ඒ අදාල පුද්ගලයා මේ වෙද්දි ශ්රී ලංකා පොලිසියෙන් අත්අඩංගුවට අරගෙන තියෙනවා. පොලිසිය විසින් ඒ සම්බන්ධයෙන් වැඩිදුර පරීක්ෂණ පවත්වනවා. දෙපාර්තමේන්තු මට්ටමෙන් දෙපාර්තමේන්තුවෙන් කමිටුවක් පත් කරලා තියෙනවා. මේ වෙද්දි පීලිගත කිරීම් අවසන් වෙලා තියෙනවා. ඒ වගේම දුම්රිය දැන් තව ස්වල්ප වේලාවකින් පීලි පැනපු දුම්රිය කොළඹ බලා ධාවනය කිරීම සිදු කරන්න බලාපොරොත්තු වෙනවා. ඊට පස්සේ අපිට තියෙන්නේ හානියට පත් වෙච්ච මාර්ගය තවත්වන්න. ඒකත් මේ වෙනකොට ආරම්භ කරලා තියෙනවා.”
කෙසේ වෙතත් දුම්රිය මාර්ග නිසි පරිදි නඩත්තු නොකිරීම මෙම තත්ත්වයට හේතු වී ඇති බව ලොකෝමොටිව් ඔපරේටින් ඉංජිනේරු සංගමයේ ලේකම් එස්.ආර්.සී.එම් සේනානායක මහතා පැවසුවේය.
එහිදී අදහස් දැක්වූ එස්.ආර්.සී.එම් සේනානායක මහතා,
“මාර්ගයේ තත්ත්වය විශේෂයෙන් දැනගන්න පුළුවන් හොඳම පුද්ගලයා තමා දුම්රිය එන්ජින් රියදුරුවරයා. මොකද, නියමිත ගමන් වාර දිනක් තුළ ධාවනය වුණායින් පස්සේ මාර්ගයේ නියමිත තත්ත්වය දැනගන්න පුළුවන් හොඳම ක්රමය තමා දුම්රිය රියදුරන්ගේ මේ සම්බන්ධයෙන් විමසන එක. බොහෝ අනතුරු වළක්වාගෙන තියෙනවා, බොහෝ සංඥාවල දෝෂ දුම්රිය රියදුරන් හඳුනාගෙන ඒවා දැනුම් දීලා වළක්වාගෙන තියෙනවා. මේ සිදුවීමත් වෙන්න කලිනුත් අද උදෑසනත් එතන සංඥාවක ගැටලුවකුත් දුම්රිය රියදුරුවරයෙක් අපේ දැනුම් දීලා තියෙනවා. මේවා හරියාකාරයෙන් කරලා මේ අදාළ බලධාරීන් මේ දුම්රිය එන්ජින් රියදුරන් සමඟ මේ සාකච්ඡාවක් ගොඩනගා ගන්නේ නැති එකේ ඔය ගැටලුවක් අපි දිගින් දිගටම සඳහන් කරලා තියෙනවා. අපි හිතන්නේ නෑ මේක මෙතනින් නවතියි කියලා මොකද, මේ මාර්ගවල තත්ත්වය ඉතාමත් අනතුරුදායක තත්ත්වයකට ඇවිල්ලා තියෙනවා. ඊට අමතරව මේ දුම්රියවල තත්ත්වයත් ධාවනයට නුසුදුසු තත්ත්වයන්වල තමා මේ දුම්රියන් තියෙන්නේ. එතකොට මේවා මේ ධාවනයට යොදවලා මේ වෙන දේවල්වලින් සෑහෙන ගැටලුකාරී තත්ත්වයන් ඉදිරියේදී ඇති වෙන්න පුළුවන්.”
“වනවාසල දුම්රිය ස්ථානයේදී මේ දුම්රිය නවතලා නැවත ගමන් ආරම්භ කරපු සැනින් තමා මේ දුම්රිය පීලි පැනීමට ලක්වෙලා තියෙන්නේ. වේගය පැයට කිලෝමීටර් 10කට 20කට ආසන්න ප්රමාණයකට තියෙන්න ඇති. සාගරික දුම්රිය පීලි පැනපු අවස්ථාවේදී දෙපාර්තමේන්තුවේ පැත්තෙනුත් ලොකු කතන්දරයක් ගියා මේ දුම්රිය වේග වැඩියි, මේ සම්බන්ධය ගැටලු තියෙනවා කියලා. නමුත් දැන් මෙතන පැයට කිලෝමීටර් 20කටත් අඩු වේගයකින් ධාවනය කරන දුම්රියක් පීලි පැන්නහම වෙන තත්ත්වය අද ඕගොල්ලොන්ට දැකගන්න තියෙනවා. දිගින් දිගටම මේ සම්බන්ධයෙන් අපි දැනුවත් කරමින් පවතිනවා. වසර ගණනාවක් තිස්සේ මේ මාර්ග කටයුතු හරියාකාරයෙන් සිදු කරන්න කියලා අපි ඉල්ලීම් කරලා තියෙනවා, නමුත් ඒ කිසි දේකට නියමිත පරිදි අදාළ බලධාරීන්, පාලනාධිකාරිය ඇහුම්කන් දෙන්නේ නෑ. ඒකේ ප්රතිඵලයක් හැටියට තමා මේ සිද්ධියත් වෙලා තියෙන්නේ.”
එමෙන්ම මේ සම්බන්ධයෙන් දුම්රිය ස්ථානාධිපතිවරුන්ගේ සංගමයේ සුමේද සෝමරත්න මහතා ද අදහස් පළ කළේය.
“මේ වෙනකොට මගියාට දුම්රිය ගමන පිළිබඳව බරපතල ගැටලුවක් තියෙනවා. මේ සඳහා විසඳුම් අපිට පේන්නේ නෑ දෙපාර්තමේන්තු මට්ටමෙන් හරියාකාරව සිද්ධ වෙනවා. අමාත්යවරයා විවිධ කතා කිය කියා ගියාට පැහැදිලි දෙයක් නෑ. අවම තරමෙන් මෙහෙම නම් මගී ජීවිත ආරක්ෂාව වෙනුවෙන් මගියාට සුවිශේෂී රක්ෂණාවරණයක්වත් දෙන තැනකට ඉදිරියේදී කටයුතු කරන්න කියන යෝජනාව අපි රජයට කරනවා. හැමදාම සිද්ධ වුණේ අටුව කඩලා පුටුව හදන එක. අපි මේක දිගින් දිගටම කිව්වා මේ ක්රමවේදයෙන් බැහැර වෙන්න, නිවැරදි ආකාරයට මේවා නඩත්තු කිරීම් කරන්න කියලා නමුත් ඒක සිද්ධ වෙලා නෑ. අද මේ වෙනකොට කියන්න කනගාටුයි, අද අටුවත් නෑ පුටුවත් නෑ තැනකට තමයි දෙපාර්තමේන්තුව පත් වෙලා තියෙන්නේ. ඇමතිතුමයි නියෝජ්ය ඇමතිතුමයි පීල්ලට වැටිලා ඇති නමුත් මගීන් සහ සේවකයෝ අපි පීල්ලෙන් එළියට වැටිලා තියෙන්නේ.”
දිවයිනේ දිස්ත්රික්ක කිහිපයකට බලපා ඇති ආපදා තත්ත්වය හේතුවෙන් පීඩාවට පත්වූවන්ගේ සංඛ්යාව 5,000 ඉක්මවා ඇති බව ආපදා කළමනාකරණ මධ්යස්ථානය නිවේදනය කර තිබේ.
ඒ අනුව පවුල් 1,574කට අයත් පුද්ගලයින් 5,242දෙනෙකු මේ වන විට බලපෑමට ලක්ව ඇති බව එම නිවේදනයේ වැඩිදුරටත් සඳහන් වේ.
ඉන් පුද්ගලයින් 162දෙනෙකු මේ වනවිට සුරක්ෂිත මධ්යස්ථාන 05ක රඳවා සිටින බවත් ආපදා කළමනාකරණ මධ්යස්ථානය සඳහන් කළේය.
අයහපත් කාලගුණික තත්ත්වයන් හේතුවෙන් දිස්ත්රික්ක 14ක ප්රදේශීය ලේකම් කොට්ඨාස 65ක ජනතාව මේ වනවිට පීඩාවට පත්ව සිටින බවද අදාළ නිවේදනයේ දැක්වේ.
එමෙන්ම නිවාස 192ක් අර්ධ වශයෙන් හානියට පත්ව ඇති බවත් අදාළ නිවේදනයේ වැඩිදුරටත් දැක්වේ.
මේ අතර ආපදා මරණ 2ක් වාර්තා වී ඇති බව ආපදා කළමණාකරණ මධ්යස්ථානය වැඩිදුරටත් සඳහන් කර සිටී.
ගණේමුල්ලේ සංජීව ඝාතනය කිරීමේ චෝදනාවට අත්අඩංගුවට ගත් ඔස්මන් ගුණසේකර හෙවත් ගම්පහ ඔස්මන් නමැත්තාගෙන් සිදුකළ මූලික ප්රශ්න කිරීම්වලදී, කෙහෙබද්දර පද්මෙගේ කළු සල්ලි සුදු කිරීම මෙරට තුළ සිට සම්පූර්ණයෙන්ම මෙහෙයවා ඇත්තේ ඔහු විසින් බව අනාවරණ වී ඇත.
අදාළ ඝාතනය සඳහා භාවිත කළ ගිනිඅවිය ලබාදීමේ චෝදනාවට ඔස්මන් ගුණසේකර හෙවත් ගම්පහ ඔස්මන් නැමැත්තා පසුගිය 13වැනිදා කොළඹ දිසා අපරාධ කොට්ඨාසය මගින් අත්අඩංගුවට ගනු ලැබීය.
ගම්පහ, ශ්රී බෝධි පාර ප්රදේශයේ නිවසේදි අත්අඩංගුවට ගන්නා අවස්ථාවේ ඔහු සතුව තිබී විදේශ රටක නිෂ්පාදිත රීපීටර් වර්ගයේ ගිනි අවියක්, ජීව පතරොම් 10 ක් හා පතරොම් ගැබ් 02 ක්ද පොලිසිය විසින් සොයා ගැනුණි.
ඒ අනුව සැකකාර ගම්පහ ඔස්මන් පැය 72ක් රඳවාගෙන ප්රශ්න කිරීමට කොළඹ දිසා අපරාධ කොට්ඨාසය කටයුතු කළේය.
එම කාලය අවසන් වීමෙන් අනතුරුව සැකකරු තවත් දින 90ක කාලයක් රඳවාගෙන ප්රශ්න කිරීමට කොළඹ දිසා අපරාධ කොට්ඨාසය අද (16) අවසර ලබාගෙන තිබේ.
සැකකරුගෙන් සිදු කළ ප්රශ්නකිරීම්වලදි හෙළි වී ඇත්තේ ගනේමුල්ල සංජීව ඝාතන සිද්ධියේ ප්රධාන සැකකරු වන කෙහෙල්බද්දර පද්මේ සමඟ ඔහු සමීප සබඳතාවක් පවත්වා ඇති බවය.
එමෙන්ම සමාජය හා පොලිසිය නොමඟ යැවිමේ අරමුණින් ඔවුන් දෙදෙනා එක්ව තමන් අතර දැඩි විරසකයක් ඇති බවට කාලයක සිට හඟවා ඇති බවත් පොලිස් විමර්නවලදි අනාවරණ වි ඇත.
මේවන විට විමර්ශන නිලධාරීන් අනාවරණ කර ගෙන ඇත්තේ කෙහෙල්බද්දර පද්මෙගෙන් ගම්පහ ඔස්මන්ට මරණ තර්ජන ඇති බවට පැවසුවද එවැනි කිසිඳු තර්ජනයක් නොතිබූ බවය.
එමෙන්ම පද්මෙගේ ගෝලයින් අවස්ථා කිහිපයකදි ගම්පහ ඔස්මන් ඝාතනය කිරීමට සූදානම්ව සිටියදි පොලිස් අත්අඩංගුවට ගැනුණ ද ඒ සියල්ල රඟපෑම් බව හෙළි වී ඇත.
පද්මෙගේ කළු සල්ලි සුදු කිරීම මෙරට තුළ සිට සම්පුර්ණයෙන්ම මෙහෙයවා ඇත්තේ ගම්පහ ඔස්මන් විසින් බව ද විමර්ශන නිලධාරීන් අනාවරණ කරගෙන ඇත.
සැකකරු ඔහුගේ ව්යාපාර හරහා එම කටයුතු සිදු කර ඇති බව ද පොලිසිය පැවසුවේය.
කෙසේ වෙතත් ගනේමුල්ල සංජිව ඝාතනය සම්බන්ධයෙන් කෙහෙල්බද්දර පද්මේගෙන් අපරාධ පරික්ෂණ දෙපාර්තමේන්තුව සිදු කළ ප්රශ්න කිරීම්වලදි මොහු පිළිබඳ කිසිවක් අනාවරණ නොවු අතර පසුගියදා අසර්බයිජානයේ සිට මෙරටට රැගෙන ආ බටුවත්තේ චාමරගෙන් සිදු කළ ප්රශ්න කිරිම්වලදි සැකකාර ගම්පහ ඔස්මන් පිළිබඳ වැදගත් තොරතුරු රැසක් අනාවණ වී තිබුණි.
ප්රධාන වශයෙන්ම ගම්පහ ඔස්මන් විසින් ගනේමුල්ල සංජිව ඝාතනයට භාවිත කළ ගිනි අවිය ලබාදුන් බවට ද එහිදි අනාවරණ විය.
කොළඹ දිසාව භාර නියෝජ්ය පොලිස්පති නිශාන්ත සොයිසා මහතාගේ සෘජු අධීක්ෂණයෙන් සිද්ධිය සම්බන්ධයෙන් වැඩිදුර විමර්ශන ක්රියාත්මකය.
ගම්පොළ දොරගල කිතුල්බැද්ද ප්රදේශයේදී පාපැදියකින් ගමන්කරමින් සිටි තරුණයෙක් අඩි 15ක පමණ ගැඹුරු දියවළකට වැටීමෙන් මියගොස් තිබේ.
මෙලෙස මියගොස් ඇත්තේ වයස අවුරුදු 19ක් වන තරුණයෙකි.
අදාළ තරුණයා ඥාති සහෝදරයකුද සමඟ පාපැදියේ ගොස් ඇති අතර පාපැදියේ තිරිංග ක්රියා විරහිත වීමෙන් මෙම අනතුර සිදුව ඇති බව මූලික විමර්ශනවලදී අනාවරණය වී ඇත.
