මේ වනවිට රඳවාගෙන ප්රශ්න කරමින් සිටින සංවිධානාත්මක අපරාධකරුවෙකු වන බැකෝ සමන් නමැත්තාගේ සමීපතමයෙකු ගිනිඅවියක් සමග ඇඹිලිපිටිය ප්රදේශයේදී අත්අඩංගුවට ගෙන ඇත.
පොලීසිය සඳහන් කළේ ඇඹිලිපිටිය ගඟේයාය ප්රදේශයේදී සැකකරු අත්අඩංගුවට ගත් බවය.
සැකකරු සන්තකයේ තිබී T81 වර්ගයේ ගිනිඅවියක්, උණ්ඩ 97ක්, මැගසින් 2ක් සහ හමුදා නිලඇඳුමක් සොයාගෙන තිබේ.
බස්නාහිර පළාත උතුර අපරාධ කොට්ඨාසයේ නිලධාරීන් විසින් සිදුකරන ලද විමර්ශනවලදී හෙළි කරගත් තොරතුරුවලට අනුව මෙම සැකකරු අත්අඩංගුවට ගෙන ඇත.
අපරාධ පරීක්ෂණ දෙපාර්තමේන්තුව භාරයේ රඳවා සිටියදී ඉන් පලායාමට කුමන්ත්රණය කිරීම ඇතුළු චෝදනා එල්ල වී සිටින ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටා නමැත්තා ත්රස්තවාදය වැළැක්වීමේ පනත යටතේ ආරක්ෂක ලේකම්වරයා විසින් නිකුත් කළ රැඳවුම් නියෝගයකට අනුව නඩු විභාගය අවසන් වන තෙක් රඳවා ගැනීමට තීරණය කර ඇතැයි නීතිපතිවරයා අද (08) කොළඹ මහාධිකරණයට දැනුම් දුන්නේය.
මෙම නඩුව අද කොළඹ මහාධිකරණ විනිසුරු සුජීව නිශ්ශංක මහතා ඉදිරියේ කැඳවනු ලැබූ අවස්ථාවේදී නීතිපතිවරයා වෙනුවෙන් පෙනී සිටි ජ්යෙෂ්ඨ රජයේ නීතිඥ සජිත් බණ්ඩාර මහතා මෙම දැනුම්දීම සිදුකළේය.
මෙම නඩුව ඉකුත්දා කැඳවූ අවස්ථාවේදී රජයේ නීතිඥවරයා දැනුම්දී තිබුණේ, මෙම විත්තිකරුට එරෙහිව ආරක්ෂක ලේකම්වරයා විසින් නිකුත් කර තිබෙන රැඳවුම් නියෝගය අවසන් වීමෙන් පසුව ඔහු රිමාන්ඩ් භාරයට පත් කිරීමට කටයුතු කරන ලෙසය.
එහෙත් මෙම සැකකරුගේ ආරක්ෂාව සැලකිල්ලට ගෙන ඔහු රැඳවුම් භාරයේ රඳවා ගැනීමට ආරක්ෂක ලේකම්වරයා තීරණය කර ඇති බවත් රජයේ නීතිඥවරයා අද නඩුව කැඳවූ අවස්ථාවේදී අධිකරණයට දැනුම් දුන්නේය.
එම දැනුම්දීම සම්බන්ධයෙන් විත්තිකරු වෙනුවෙන් පෙනී සිටි නීතිඥ ජාලිය සමරසිංහ මහතා දැඩි විරෝධය පළකර සිටියේය.
සිය සේවාදායකයා වසර දෙකකට ආසන්න කාලයක් රැඳවුම් භාරයේ සිටි බව පෙන්වා දුන් නීතිඥවරයා ඔහු රක්ෂිත බන්ධනාගාර ගත කිරීමට නියමිතව තිබියදී යළි නඩු අවසන් වන තෙක් රැඳවුම් නියෝග මත රඳවා ගැනීමට පියවර ගැනීම යුක්ති සහගත නොවන බවත් නීතිඥවරයා අධිකරණයට පෙන්වා දුන්නේය.
ඒ අනුව විත්තිකරු තංගල්ල පැරණි බන්ධනාගාරයේ ත්රස්ත විමර්ශන කාර්යාංශය භාරයේ තවදුරටත් රඳවා ගැනීමට නියමිත බවත් අධිකරණයට දැනුම් දෙනු ලැබීය.
මෙම නඩු විභාගය සඳහා විත්තිකාර නඳුන් චින්තක වික්රමරත්න හෙවත් හරක් කටා සූම් තාක්ෂණික අධිකරණයට ඉදිරිපත් කර තිබූ අතර වැඩිදුර නඩු විභාගය ලබන 24 වන දා දක්වා කල්තැබුණි.
මෙම නඩුවේ විත්තිකරුවන් වශයෙන් නම්කර සිටින සෙසු විත්තිකරුවන් හතර දෙනා අද දින අධිකරණයට ඉදිරිපත් කර තිබූ අතර ඔවුන් මීළඟ දින අධිකරණයට ඉදිරිපත් කරන ලෙසත් බන්ධනාගාර නිලධාරීන්ට අධිකරණය විසින් නියෝග කරනු ලැබීය.
කරන්දෙනිය පොලිස් වසමේ තල්ගහවත්ත ප්රදේශයේදී ඊයේ රාත්රියේදී පුද්ගලයකුට පොල්ලකින්් පහර දී ඝාතනය කර ඇත.
පෝය(ඊයේ) දින රාත්රියේ තල්ගහවත්ත ප්රදේශයේ තම නිවසේ මියගිය අය මිතුරන් තිදෙනෙකු සමග මත්පැන් සාදයක් පවත්වා ඇත. රාත්රී 10 වනතෙක් ඔවුන් මත්පැන් සාදය පවත්වා ඇති අතර ඉන්පසුව තම මිතුරන් ඔවුන්ගේ නිවෙස් වලට ඇරළවීම සඳහා තම මාමණ්ඩියගෙන් ත්රී රෝද රථය ඉල්ලා සිටි අවස්ථාවේ බීමත්ව සිටි නිසා මියගිය අයගේ මාමණ්ඩිය ඔහුට ත්රිරෝද රථය ලබාදීමට අකමැති වූ නිසා ඔවුන් අතර බහින් බස් වීමක් සිදුවී ඇත.එය දුරදිග යාම නිසා නිසා සැකකරු පොල්ලක් නිවසේ ජනේලයට පහරදී සිය බිරිඳට ද පහර දීමට තැත් කළ විට මාමණ්ඩිය එය වැළැක්වීමට උත්සාහ දරා ඇත.නමුත් මියගිය අය දරුණු ලෙස හැසිරීම නිසා පසුව ඔහුට මාමන්ඩිය විසින් මිරිස් ගසා පොලු පහරක් දී ඇත.මේ අවස්ථාවේදී දැඩි බීමතින් සිටි මියගිය අය පොලු පහර වැදීමෙන් එතනම මියගොස් ඇත.ඉන්පසුව එම මියගිය අයගේ මාමණ්ඩිය කරන්දෙනිය පොලිසියට බාර වී ඇත.මේ සිද්ධිය සම්බන්ධව ඇල්පිටිය සෝකෝ අංශයේ නිලධාරීන් පැමිණ පරීක්ෂණකටයුතු සිදු කරන ලදී.මෙසේ මිය ගොස් ඇත්තේ එක්දරු පියකු වන තල්ගහවත්ත ප්රදේශයේ පදිංචි 24හැවිරිදි මොරගොඩ තුෂාර සම්පත් නැමැති අයෙකි.මේ සම්බන්ධව අත්අඩංගුවට ගෙන ඇත්තේ තල් ගහවත්ත ප්රදේශයේපදිංචි හේවා හකුරු විජයතිලක නමැති 58 හැවිරිදි අයෙකි.සිද්ධිය සම්බන්ධව කරන්දෙනිය පොලිසිය පරීක්ෂණ පවත්වයි.
අම්බලන්ගොඩ – අනුරාධ ප්රියදර්ශන
ගණේමුල්ල පොලිස් වසමේ හොරගොල්ල ප්රදේශයේදී නීති විරෝධී ලෙස විවිධ පුද්ගලයින්ට අයත් විදෙස් ගමන් බලපත්ර 83ක් සිය සන්තකයේ තබාගෙන සිටි සැකකරුවෙකු සහ සැකකාරියක් පොලීසිය විසින් අත්අඩංගුවට ගෙන තිබේ.
ගණේමුල්ල පොලිස් ස්ථානයේ නිලධාරීන් කණ්ඩායමක් විසින් සිදුකරන ලද වැටලීමකින් අනතුරු මෙම සැකකරුවන් පොලිස් අත්අඩංගුවට ගෙන ඇත.
සැකකරු අවුරුදු 51ක් වන වත්තල ප්රදේශයේ පදිංචිකරුවෙකු වන අතර සැකකාරිය අවුරුදු 62ක් වූ ගණේමුල්ල ප්රදේශයේ පදිංචිකාරියකි.
සිද්ධිය සම්බන්ධව වැඩිදුර විමර්ශන ගණේමුල්ල පොලීසිය විසින් සිදුකරති.
හොරණ – කැබැල්ලගොඩ ප්රදේශයේදී පුද්ගලයෙකුට පහරදී ඝාතනය කර තිබේ.
මෙලෙස මිය ගොස් ඇත්තේ වයස අවුරුදු 66ක් වන කැබැල්ලවත්ත, හොරණ ප්රදේශයේ පදිංචිකරුවෙකි.
අදාළ පුද්ගලයා අසල්වැසි නිවසක මත්පැන් පානය කරමින් සිටියදී ඇති වූ ආරවුලක් දුරදිග යාම හේතුවෙන් එම නිවසේ පදිංචි පුද්ගලයා විසින් ආයුධයකින් පහර දී ඔහුව ඝාතනය කර ඇති බව මූලික පරීක්ෂණවලදී අනාවරණය වී ඇත.
සැකකරු අත්අඩංගුවට ගැනීම සඳහා හොරණ පොලිසිය විසින් වැඩිදුර විමර්ශන සිදු කරයි.
පානදුර, අලුබෝමුල්ල සඳගලවත්ත ප්රදේශයේ වෙළෙඳසැලකට අද (6) පෙරවරුවේ වෙඩිතැබීමක් සිදුව තිබේ.
නාදුනන පුද්ගලයන් දෙදෙනෙකු පැමිණ මිලිමීටර 9 වර්ගයේ පිත්තෝල වර්ගයේ ගිනිඅවියකින් මෙම වෙඩිතැබීම සිදුකර පලාගොස් ඇත.
වෙඩිතැබීම සිදුවන අවස්ථාවේ කාන්තාවක් එහි සිට ඇත.
ඇය වෙඩි ප්රහාරයෙන් බේරී පලායාමේ දී වෙළෙඳසැලේ තිබූ ශීතකරණයකට වෙඩි වැදී තිබේ.
සිද්ධිය සම්බන්ධයෙන් අලුබෝමුල්ල පොලීසියට විමර්ශනයක් ආරම්භ කර ඇත.
ඊට අමතරව පානදුර කොට්ඨාසය භාර ජ්යේෂ්ඨ පොලිස් අධිකාරී නිශාන් ද සිල්වා මහතාගේ අධීක්ෂණය යටතේ ද වැඩිදුර විමර්ශන සිදුකරනු ලබයි.
යතුරුපැදියකින් පැමිණි පුද්ගලයින් දෙදෙනෙකු විසින් අද (6) අලුයම 1.38ට පමණ මීගමුව, කුට්ටුදූව ප්රදේශයේ නිවසකට වෙඩිතබා පලාගොස් තිබේ.
කෙසේ වෙතත් මෙම වෙඩිතැබීමෙන් කිසිවෙක්ට හෝ තුවාල සිදුව නොමැති බව සඳහන්.
මුදල් ආරවුලක් මත මෙම වෙඩිතැබීම සිදුකර ඇති බවට පොලීසිය සැකපළ කරයි.
කොළඹ ග්රෑන්ඩ්පාස් ප්රදේශයේ ඊයේ (5) රාත්රී 11.45ට පමණ සිදුවූ වෙඩිතැබීමකින් තරුණයෙක් මියගොස් තිබේ.
පොලීසිය සඳහන් කර සිටියේ මහවත්ත ඔරලෝසු කණුව අසලදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩිතැබීම සිදුකර පලාගොස් ඇති බවය.
වෙඩිවැදීමෙන් තුවාල ලැබූ පුද්ගලයා කොළඹ ජාතික රෝහලට ඇතුළත් කිරීමෙන් අනතුරුව මියගොස් තිබේ.
මෙලෙස මියගොස් ඇත්තේ 26 හැවිරිදි කැලණිය ප්රදේශයේ පදිංචිකරුවෙක්.
වෙඩිතැබීමට හේතුව මෙතෙක් අනාවරණය වී නොමැති අතර, වෙඩිතැබීම සඳහා රිවෝලවර් වර්ගයේ ගිනිඅවියක් භාවිත කර ඇති බවට පොලීසිය සැකපල කරයි.
මේ අතර මරදාන ප්රදේශයේ පංචිකාවත්ත මාර්ගයේ පිහිටි පෞද්ගලික බැංකුවක් ඉදිරිපිට අද (6) අලුයම 1.40ට පමණ තවත් වෙඩිතැබීමක් සිදුව තිබේ.
පොලීසිය පැවසුවේ යතුරුපැදියකින් පැමිණි නාදුනන පුද්ගලයින් දෙදෙනෙකු විසින් මෙම වෙඩිතැබීම සිදුකර පලාගොස් ඇති බවය.
තුවාල ලැබූ පුද්ගලයා කොළඹ ජාතික රෝහලේ දැඩි සත්කාර ඒකකයේ ප්රතිකාර ලබන බව සඳහන්.
අයිස් මත්ද්රව්ය නිෂ්පාදනයට යොදාගන්නා බවට පැවසෙන අමුද්රව්ය කිලෝග්රෑම් 50,000කට ආසන්න තොගයක් මිද්දෙණිය ප්රදේශයේ නිවසක සඟවා තිබියදී බස්නාහිර උතුර අපරාධ විමර්ශන කොට්ඨාසය මගින් සොයාගෙන තිබේ.
ඒ අත්අඩංගුවේ පසුවන කෙහෙල්බද්දර පද්මේ ඇතුළු අපරාධ කල්ලියෙන් සිදුකරන ලද ප්රශ්න කිරීම්වලදීය.
බස්නාහිර උතුර අපරාධ කොට්ඨාසය භාර සහකාර පොලිස් අධිකාරී රොහාන් ඕලුගල සහ ප්රධාන පොලිස් පරීක්ෂක ලින්ටන් සිල්වා මහතාගේ අධීක්ෂණයෙන් මේ වනවිටත් එම ස්ථානයේ විමර්ශන ක්රියාත්මක කර ඇත.
මුදල් විශුද්ධිකරණය වැළැක්වීමේ පනත යටතේ අධිකරණයට ඉදිරිපත් කළ මේ වන විට අත්අඩංගුවේ පසුවන බැකෝ සමන් නැමැත්තාගේ බිරිඳ වන ෂාධිකා ලක්ෂානි නමැත්තිය ලබන 18 වනදා දක්වා රක්ෂිත බන්ධනාගාර ගත කරන ලෙස කොළඹ මහේස්ත්රාත් අධිකරණය නියම කළේය.
අපරාධ පරීක්ෂණ දෙපාර්තමේන්තුව විසින් මෙම සැකකාරිය කොළඹ ප්රධාන මහේස්ත්රාත් අසංක එස් බෝදරගම මහතා හමුවට අද (04) ඉදිරිපත් කර තිබේ.
ඉන් අනතුරුව මෙම නියෝගය නිකුත් කර ඇත.
