Category: gossip_sub

සිංහල සහ හින්දු අලුත් අවුරුදු උත්සව සමය තුළ අන්තර්ජාලය හරහා මූල්‍ය වංචා, දත්ත සොරකම් කිරීම වැනි නීතිවිරෝධී ක්‍රියාවල නිරතව සිටින අපරාධකරුවන් විසින් විවිධ උපක්‍රම භාවිතා කරමින් ජනතාවගේ මුදල් හා සංවේදී තොරතුරු වංචනිකව ලබාගැනීම වර්ධනය වීමේ ප්‍රවණතාවයක් ඇති බව පොලීසිය පවසයි.

ඇතැම් පුද්ගලයන් විසින් ආර්ථික අපහසුතා හේතුවෙන් හා ක්ෂණික මුල්‍ය ලාභ අපේක්ෂාවෙන් මෙවැනි වංචනික ක්‍රමෝපායන් වෙත නතුවීමේ හැකියාවන් පවතින බවට පසුගිය වර්ෂයන් තුළ පොලිස් ස්ථාන හා අපරාධ පරීක්ෂණ දෙපාර්තමේන්තුව වෙත වාර්තා වන ලද පැමිණිලි අනුව නිරීක්ෂණය වී ඇති බව පොලීසිය නිවේදනය කරයි.

වංචා සහගත දැන්වීම්, වංචනික සබැඳි, අවුරුදු Offer හා Giveaway, ව්‍යාජ වෙළෙඳ සේවා වෙබ් අඩවි, ව්‍යාජ බැංකු දීමනා, ව්‍යාජ බැංකු වෙබ් අඩවි / යෙදුම් යාවත් කාලීනයන්, ව්‍යාජ QR Code Scan වංචා, තතුබෑම් ඊමේල් පණිවිඩ ( Email Phishing) ව්‍යාජ කෙටි පණිවිඩ ( SMS Phishing), නිත්‍යානුකූල බවට හැඟවෙන ව්‍යාජ වෙබ් අඩවි සහ Caller ID Spoofing වැනි ක්‍රම වේදයන් භාවිතා කරමින් මෙවැනි අන්තර්ජාලය ඔස්සේ මෙවැනි වංචාවන් සිදුකරන බවට පොලීසිය හඳුනාගෙන තිබේ.

එමෙන්ම මෙවැනි වංචා ප්‍රවර්ධනය කිරීමේදී ජනතාව තුළ විශ්වාසනීයත්වයක් ඇති කරලීමේ උපක්‍රම ලෙස  ජනාධිපතිගේ අගමැතිනිය ඇතුළු ඉහළ රජ්‍ය නිලධාරින් සහ කීර්තිමත් පුද්ගලයන්ගේ රුව යොදා ගැනීමේ හැකියාවන් ද පවතින අතර මෙම ආකාරයට වංචනික ක්‍රම මඟින් ලබා ගන්නා පුද්ගල සංවේදී දත්ත භාවිතා කරමින් ඉලක්ක ගත තතුබෑම් ප්‍රහාර (Phishing Attacks) මුල්‍ය වංචා සහ අනන්‍යතා සොරකම් ආදී අනිසි ක්‍රියාකාරකම්වලට ජනතාවට මුහුණපෑමට සිදුවන අවදානම් තත්ත්වයන්ද පවතින බව පොලීසිය අවධාරණය කර තිබේ.

එබැවින් මෙවැනි වංචනික ක්‍රියාවන්ට හසු නොවීම සඳහා මහජනතාව අන්තර්ජලාය හරහා ගනුදෙනු කිරීමේදී නිසි දැනුවත් භාවයකින් හා අවබෝධකින් කටයුතු කරන ලෙසට පොලීසිය මහජනතාවගෙන් ඉල්ලා සිටී.

රුපියල් හතළිස් පන්දහසක අල්ලස් මුදලක් ඉල්ලා ලබාගත් තැරැව්කරුවෙකුව අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් අත්අඩංගුවට ගෙන ඇත.

නෝවුඩ් ප්‍රදේශයේ පදිංචිකාරියක විසින් සිදු කරන ලද පැමිණිල්ලකට අනුව සිදුකළ විමර්ශනයකින් අනතුරු මෙම සැකකරුව අද (06) පෙරවරුවේ අයිරදි හංදිය පාලම අසල දී නිලධාරීන් විසින් මෙම සැකකරුව අත්අඩංගුවට ගත් බව සඳහන් වේ.

ඉඩම් කොමසාරිස් කාර්යාලයේ නිලධාරියෙකු ලෙස පෙනී සිටිමින් ඔප්පුවක් හෝ බලපත්‍රයක් නොමැතිව, ඉඩමකට ඔප්පුවක් සාදා දෙන බව පවසා, වරින්වර රුපියල් 275,000/- ක මුදලක් සැකකරු විසින් අදාළ පැමිණිලිකාරියගෙන් ලබාගෙන තිබේ.

පසුව ඉඩම පිහිටි නෝවුඩ් වසම භාර ග්‍රාම නිලධාරීගේ වාර්තාව ලබා ගැනීමට ග්‍රාම නිලධාරියාට ලබා දීමට බවට පවසා නැවතත් රුපියල් 45,000ක මුදලක් සැකකරු විසින් අදාළ කාන්තාවගෙන් ඉල්ලා තිබේ.

ඒ අනුව සැකකරු විසින් එම අල්ලස් මුදල් ලබා ගත් අවස්ථාවේදී මෙලෙස අත්අඩංගුවට ගෙන ඇත.

සැකකරු ගවරවිල, අප්කට් සාමිමලේ ප්‍රදේශයේ පදිංචි තැරැව්කරුවෙකි.

අත්අඩංගුවට ගත් සැකකරු හැටන් මහෙස්ත්‍රාත් අධිකරණය වෙත ඉදිරිපත් කිරීමට නියමිත ය.

ගතවූ මාසයක කාලය තුළ සිදු කළ වැටලීම්වලදී නීති විරෝධී ලෙස ඉන්ධන රැස්කළ පුද්ගලයින් 31 දෙනෙකු අත්අඩංගුවට ගෙන ඇති බව පොලිසිය පවසයි.

පොලිස් මාධ්‍ය ප්‍රකාශක සහකාර පොලිස් අධිකාරී එෆ්.යූ. වුට්ලර් මහතා පැවසුවේ මාර්තු මස 3 වනදා සිට ඊයේ (04) දිනය දක්වා වූ කාලය තුළ දිවයින පුරා සිදු කළ වැටලීම්වලදී මෙම පිරිස අත්අඩංගුවට ගෙන ඇති බවය.

එම වැටලීම්වලදී ඉන්ධන ලීටර් 52,000 ඉක්මවූ තොගයක් පොලිස් භාරයට ගෙන ඇති අතර ඩීසල් ලීටර 47,006ක්, පෙට්‍රල් ලීටර 2668ක් සහ භූමිතෙල් ලීටර 2706ක් ඒ අතර වන බව සඳහන්ය.

අත්අඩංගුවට ගත් සැකකරුවන් සම්බන්ධයෙන් නීතිමය ක්‍රියාමාර්ග ගෙන ඇති බව පොලිස් මාධ්‍ය ප්‍රකාශකවරයා සඳහන් කළේය.

ගෝලීය වශයෙන් බලශක්ති අර්බුදයක් නිර්මාණය වෙමින් පවතින අවස්ථාවක අනීතික ලෙස ඉන්ධන එක්රැස් කරමින් ජනතාව අපහසුතාවට පත්වන ආකාරයෙන් කටයුතු කරන මෙවැනි  පුද්ගලයින් අත්අඩංගුවට ගැනීම සදහා පොලිස්පතිවරයාගේ උපදෙස් මත මෙම මෙහෙයුම් සිදු කළ බව ද පොලිස් මාධ්‍ය ප්‍රකාශකවරයා වැඩිදුරටත් කීය.

මේ අතර බලපත්‍ර නොමැතිව ඩීසල් තොගයක් ලඟ තබාගෙන සිටි පුද්ගලයෙකු සපුගස්කන්ද හෙයියන්තුඩුව ප්‍රදේශයේදී අත්අඩංගුවට ගෙන තිබේ.

පොලිසිය පැවසුවේ සැකකරු සතුව තිබී ඩීසල් ලීටර් 180ක්  සොයා ගැනීමට හැකිව ලැබුණු බවය.

අත්අඩංගුවට ගෙන ඇත්තේ 58 හැවිරිදි හෙයියන්තුඩුව ප්‍රදේශයේ පදිංචි පුද්ගලයෙකි.

මේ අතර බලපත්‍ර නොමැතිව භූමිතෙල් තොගයක් ප්‍රවාහනය කරමින් සිටි පුද්ගලයින් දෙදෙනෙකු සෙවනගල ප්‍රදේශයේදී අත්අඩංගුවට ගෙන තිබේ.

පොලිසිය පැවසුවේ භූමිතෙල් ලීටර් 1000ක් ලොරි රථයකින් ප්‍රවාහනය කරන බවට ලද තොරතුරකට අනුව මෙම වැටලීම සිදුකර ඇති බවය.

අත්අඩංගුවට ගෙන ඇත්තේ 39 හා 49 හැවිරිදි සෙවනගල ප්‍රදේශයේ පදිංචිකරුවන් දෙදෙනෙකි.

කන්තලේ පොලිස් වසමේ පේරාතුවේලි ප්‍රදේශයේ ඇළ මාර්ගයක දිය නාමින් සිටි සිසුවෙකු දියේ ගිලී මියගොස් තිබේ.

මෙලෙස මියගොස් ඇත්තේ පේරාතුවේලි ප්‍රදේශයේ පදිංචි 16 හැවිරිදි රිස්ලාන් නමැති දරුවෙකි.

ඔහු මෙවර සාමාන්‍ය පෙළ විභාගයට පෙනී සිට ඇති බවද වාර්තා වේ.

ඔහු තම මිතුරන් තිදෙනෙකු සමඟ අදාළ ස්ථානයේ දිය නාමින් සිටියදී මෙම අනතුරට ලක්ව ඇති බවට අනාවරණය වී ඇත.

අනතුරෙන් අනතුරුව ප්‍රදේශවාසීන් සහ තරුණයින් එක්ව සෝදිසි මෙහෙයුමක් ආරම්භ කර ඇති අතර, ඔහු දිය නෑමට ගිය ස්ථානයෙන් මීටර් 300කට ආසන්න දුරින් ඔහුගේ මළ සිරුර ජලයේ පාවෙමින් තිබියදී සොයාගෙන ඇත.

සිද්ධිය සම්බන්ධයෙන් කන්තලේ පොලිසිය වැඩිදුර විමර්ශන සිදුකරමින් පවතී.

අලුත් අවුරුදු සමය වෙනුවෙන් මහජනතාවගේ ආරක්ෂාව සඳහා පොලීසිය විශේෂ ආරක්ෂක වැඩ පිළිවෙලක් සකස් කර තිබේ.

පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යූ. වුට්ලර් මහතා සඳහන් කළේ දිවයිනේ පොලිස් ස්ථාන 608ම ආවරණය වන පරිදි මෙම ආරක්ෂක වැඩපිළිවෙල ක්‍රියාත්මක වන බවයි.

පොලිස් මාධ්‍යප්‍රකාශකවරයා වැඩිදුරටත් සදහන් කළේ රථවාහන පරීක්ෂා කිරීම් ඇතුළු මාර්ග ආරක්ෂාව සඳහා පොලිස් නිලධාරීන් 10,000කට අධික පිරිසක් යොදවා ඇති බවයි.

එහිදී වැඩිදුර අදහස් දැක්වු පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යූ. වුට්ලර් මහතා,

“මෙම උත්සව සමය ආවරණය කරන්නට පොලිස් ස්ථාන 608කින් ඒ වගේම ප්‍රදේශීය කොට්ඨාස 48න්ම ආරක්ෂාව සඳහා විශේෂිත වූ ආරක්ෂිත වැඩ පිළිවෙලක්, රථ වාහන හැසිරවීම්, ඒ වගේම බුද්ධි නිලධාරීන් , ඒ වගේම සිවිල් නිලධාරීන් යොදවලා සෑම පුරවැසියෙකුගේම ආරක්ෂාව තහවුරු කරන්නට අපි මේ වෑයම අරගෙන තියෙන්නේ. උත්සව සමයේ ඔබේ නිවස ඔබ තනිකර යනවිට පළමුව ඔබගේ නිවස සුරක්ෂිත කර දොරගුළු නිසි පරිදි වසා නිවසේ රන් ආභරණ මුදල් වැදගත් වටිනා ලියකිවිලි පිළිබඳ ඔබ අවධානය යොමු කළ යුතුයි. ඔබ නිවසින් බැහැරව යන්න කලින් යාබද නිවසේ හිතයිශීන් දැනුවත් කරන්න. ඒ වගේම මේ වන විට සමස්ථ රටේ සෑම පුරවැසියෙක්ම මහජන ආරක්ෂක කමිටුවේ තමන්ගේ කැදවුම්කරු දන්නවා. නැත්තන් ඔබගේ පොලිස් වසමේ පොලිස්පතිතුමා දන්නවා. ඒ කැදවුම්කරුවන්ට ඔබ නිවසින් දින කිහිපයක් බැහැර වන බව දන්වන්න කියලා අපි යෝජනා කරනවා. ඒ වගේම ඇතැම් නිවාසවල අපි දන්නවා  CCTV අනතුරු සංඥා නිවැරදි ලෙස යථාවත් කරන්න. ඒ වගේම ඔබගේ සංචාරය සම්බන්ධයෙන් වෙනත් භාහිර පාර්ෂවයන් දැනගත යුතු නොවේ. විශේෂයෙන් සෙල්ෆි භාවිතය හරහා ඔබ ඉන්නා ස්ථානය සියලු දෙයක්ම සමාජ ගත කිරිමෙන් ඇතිවන වාසි හා අවාසි පිළිබඳ අපි මීට පෙරත් මහජනතාව දැනුවත් කරා”

“ඔබ සාප්පු සවාරි යන්නට සූදානම් වෙලා ඉන්නේ ඔබ විටකදී හොර නෝට්ටු ව්‍යාජ නෝට්ටුවල විටකදී ඔබ වින්දිතයෙක් වෙන්නට පුළුවන්. විටකදී ආරාක්ෂිත ගමන් මාර්ග රන් අභරණ සමගින් මිල මුදල් සමගින් අනාරක්ෂිත වෙලා තියෙන්න පුළුවන්. ඇතැම් අවස්ථාවලදී ඔබගේ වාහනය, යතුරුපැදිය, ඔබගේ ත්‍රීවීල් රථය ගාල් කිරීම පිළිබඳව නැතිනම් ආරක්ෂක නිලධාරියෙකුට භාර දීම පිළිබඳව නැතිනම් වගකීම් සහිත යම් කෙනෙකු භාරයේ තබායාම යන කරුණු කාරණා පිළිබඳව නැවත නැවතත් මහජනතාව දැනුවත් කරනවා. විශේෂයෙන් ඔබ දන්නවා රිය අනතුරු වෙන්නට මූලික හේතුව තමයි අධික වේගය. එහෙම නැත්තන් බීමත්කම ඇතැම් අවස්ථාවන්වලදී විඩාව. ඒ වගේම අන්තරාදායක ලෙස වාහන පැදවීම ඒ නිසා මෙම සියලූම රථ වාහන වැරදි උදෙසා නීතය ක්‍රියාත්මක කිරීම සඳහා 10000ක නිලධාරීන් ප්‍රමාණයක් සමස්ථ රටේ උත්සව සමයේ යොදලා තියෙනවා”