Business
අද (10) මධ්යම රාත්රියේ සිට බලපැවැත්වෙන පරිදි ලිට්රෝ ගෑස් මිල ඉහළ නංවන බව එම සමාගම නිවේදනය කර තිබේ.
ඒ අනුව කිලෝග්රෑම් 12.5 ගෘහස්ථ ගෑස් සිලින්ඩරයක මිල රුපියල් 300කින් ඉහළ දැමෙන අතර එහි නව මිල රුපියල් 3990කි.
කිලෝග්රෑම් 5 ගෑස් සිලින්ඩරයක මිල රුපියල් 120කින් ඉහළ නැංවෙන අතර එහි නව මිල රුපියල් 1602ක් වේ.
එමෙන්ම කිලෝග්රෑම් 2.3ක ගෑස් සිලින්ඩරයක මිල රුපියල් 56කින් ඉහළ නැංවෙන අතර එහි නව මිල රුපියල් 750කි.
මැදපෙරදිග කලාපයේ ඇතිව තිබෙන යුදමය වාතාවරණය හේතුවෙන් බොරතෙල් මිලේ සීඝ්ර වැඩිවීමක් සිදුව ඇති බව විදෙස් වාර්තා පවසයි.
ඒ අනුව බ්රෙන්ට් බොරතෙල් බැරලයක මිල ඊයේ (6) තිබූ අගයට වඩා 9%කින් ඉහළගොස් ඇති අතර, මේ වනවිට එහි අගය අමෙරිකානු ඩොලර් 93 ඉක්මවා ගොස් තිබේ.
මෙලෙස තෙල් මිල ඉහළගොස් ඇත්තේ වසර 2කට පසුවය.
අවසන්වරට 2023 වසරේදී සැප්තැම්බර් – නොවැම්බර් කාලසීමාවේ බොරතෙල් මිල ඉහළගොස් තිබී ඇත.
2026 වසරේ පෙබරවාරි මාසය තුළ විදෙස් ශ්රමිකයින් විසින් අමෙරිකානු ඩොලර් මිලියන 729ක විදෙස් ප්රේෂණ ප්රමාණයක් ශ්රී ලංකාවට එවා ඇති බව ශ්රී ලංකා මහ බැංකුව පවසයි.
මහ බැංකුව විසින් නිකුත් කර ඇති නවතම වාර්තාවකට මේ බව සඳහන් වෙයි.
2025 වසරේ පෙබරවාරි මාසයේදී මෙරටට ලැබුණු විදෙස් ප්රේෂණ ප්රමාණය අමෙරිකානු ඩොලර් මිලියන 548.1ක් ලෙස වාර්තා වී තිබුණි.
ඒ අනුව, 2026 වසරේ පෙබරවාරි මාසයේ විදෙස් ප්රේෂණ ප්රමාණය පසුගිය වසරේ එම කාලයට සාපේක්ෂව අමෙරිකානු ඩොලර් මිලියන 180.9කින් ඉහළ ගොස් ඇති බව සඳහන් වේ.
කෙසේ වෙතත් 2026 ජනවාරි මාසයේ දී ඩොලර් මිලියන 751.1ක විදෙස් ප්රේෂණ ප්රමණයක් මෙරටට ලැබී තිබූ අතර පෙබරවාරි මාසයේ දී එහි සුළු අඩු වීමක් දැක ගත හැක.
මේ අතර, 2026 වසරේ ජනවාරි සිට පෙබරවාරි දක්වා කාලය තුළ විදේශ සේවා නියුක්තිකයන් විසින් මෙරටට එවා ඇති මුළු ප්රේෂණ ප්රමාණය අමෙරිකානු ඩොලර් බිලියන 1.48ක් බවද මහ බැංකුව සඳහන් කරයි.
එය පසුගිය වසරේ එම කාලයට සාපේක්ෂව සියයට 32ක වැඩිවීමක් බව ද වාර්තාවේ වැඩිදුරටත් සඳහන් වේ.
මැදපෙරදිග කලාපයේ මේ වන විට ඇති වී තිබෙන යුදමය තත්ත්වය හේතුවෙන් ශ්රී ලංකාවේ අත්යවශ්ය භාණ්ඩ සැපයුම සහ ආහාර සුරක්ෂිතතාවට සිදු විය හැකි බලපෑම කළමනාකරණය කර ගැනීම වෙනුවෙන් වූ ආහාර ප්රතිපත්ති සහ සුරක්ෂිතතා කමිටුවේ විශේෂ රැස්වීමක් කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ. ඩී. ලාල් කාන්ත, වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්ය වසන්ත සමරසිංහ යන මහත්වරුන්ගේ ප්රධානත්වයෙන් ඊයේ (06) පස්වරුවේ පාර්ලිමේන්තු සංකීර්ණයේදී පැවැත්විණි.
ජනතාවට අත්යවශ්ය ආහාර ද්රව්ය තොග සංචිතයක් පවත්වාගෙන යෑමටත්, විශේෂයෙන් එළැඹෙන උත්සව සමය වෙනුවෙන් අත්යවශ්ය ආහාර ද්රව්ය ආනයනය පිළිබඳත්, ආහාර ද්රව්යවල මිල උච්ඡාවචනයන් සම්බන්ධවත් මෙහිදී අවධානය යොමු විය.
ප්රමුඛතාවක් ලෙස සලකා ආහාර නිෂ්පාදනයට සහ ධීවර ක්ෂේත්රයට අවශ්ය ඉන්ධන අඛණ්ඩව ලබා දීමට විධිමත් ක්රමවේදයක් සකස් කරන ලෙසට මෙහිදී අදාළ අංශවලට උපදෙස් ලබා දෙන ලදී.
මෙරට ආහාර නිෂ්පාදනයට අවශ්ය පොහොර සහ කෘෂි රසායන ද්රව්ය ආනයනය කිරීමේදී යම් හෙයකින් අදාළ රටවල් විසින් අපනයන සීමා කරනු ලැබුවහොත් එය කළමනාකරණය කර ගන්නේ කෙසේද යන්න සම්බන්ධයෙන්ද මෙහිදී අවධානය යොමු විය.
අග්රාමාත්ය ලේකම් ප්රදීප් සපුතන්ත්රී, ජනාධිපති ජ්යෙෂ්ඨ අතිරේක ලේකම් කපිල ජනක බණ්ඩාර යන මහත්වරුද, අමාත්යාංශ ලේකම්වරුන්ගෙන් සමන්විත ආහාර ප්රතිපත්ති සහ සුරක්ෂිතතා කමිටුවේ සෙසු සාමාජික සාමාජිකාවෝද මෙම අවස්ථාවට එක්ව සිටියහ.
මැදපෙරදිග පවතින යුදමය වාතාවරණය හේතුවෙන් අද සහ හෙට දිනවල රාත්රී 11.59 දක්වා ගුවන් ගමන් කිහිපයක් අත්හිටුවීමට ශ්රීලන්කන් ගුවන් සමාගම පියවර ගෙන තිබේ.
ඊට කටුනායක සිට ඩුබායි, රියාද්, දෝහා, ඩම්මාම් යන ගමනාන්ත සඳහා වූ ගමන්වාර කිහිපයක් අයත්ය.
මගීන්ට තම ගුවන් ගමන් තත්ත්වය පිළිබඳ යාවත්කාලීන තොරතුරු www.srilankan.com වෙබ් අඩවිය පරීක්ෂා කර ලබාගත හැකි බව ශ්රීලන්කන් ගුවන් සමාගම දන්වා සිටිනවා.
සහාය අවශ්ය මෙරට සිටින මගීන්ට 1979 විමසීමෙන් හා වෙනත් රටක සිට විමසන්නේනම් 0094 11 777 1979 අංකය ඔස්සේ ද තොරතුරු ලබාගත හැකිය.
එමෙන්ම, වැඩිදුර තොරතුරු සඳහා ළඟම ඇති ශ්රීලන්කන් ගුවන් සමාගමේ කාර්යාලයෙන් හෝ ටිකට්පත ලබාගත් ගමන් නියෝජිතයා සම්බන්ධ කරගන්නා ලෙසත් ශ්රී ලංකන් ගුවන් සමාගම දන්වා සිටී.
ලෝකයේ මිල ඉහළයෑම් අපට පාලනය කළ නොහැකි බවත් තෙල් සැපයුම හා ගෑස් සැපයුම අඩු කළහොත් මිල ඉහළ යාම සිදුවන බවත් වෙළඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා පවසයි.
දැනටමත් මිල ඉහළ යාමක් වාර්තා වී ඇති අතර එම ඉහළ යාම අනිවාර්යෙන්ම අපටත් දැරීමට සිදුවන බවද එය නතර කළ නොහැකි තත්ත්වයක් වන බවද අමාත්යවරයා වැඩිදුරටත් පැවසීය.
මැදපෙරදිග ඇති වී තිබෙන මෙම තත්ත්වය මුළු ලෝකයටම බලපාන තත්ත්වයක් වන අතර විශේෂයෙන් නැව් මාර්ග භාවිත කර ආනයන, අපනයන කරන සෑම රටකටම මෙය විශාල ගැටලුවක් වන බවද මාධ්ය වෙත අදහස් දක්වමින් ඒ මහතා සඳහන් කර සිටියේය.
එහිදී වැඩිදුරටත් අදහස් දැක්වූ වෙළඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා,
”මැදපෙරදිග ඇතිවෙලා තියෙන තත්ත්වය මුළු ලෝකයටම බලපාන තත්ත්වයක්.. විශේෂයෙන් නැව් මාර්ග භාවිත කර ආනයන, අපනයන කරන සෑම රටකටම මෙය ප්රශ්නයක්..ලෝකේ මිල ඉහළයාම අපට පාලනය කරන්න බෑ.. මොකද තෙල් සැපයුමත් ගෑස් සැපයුමත් අඩු කළොත් මිල ඉහළ යනවා.. දැනටමත් මිල ඉහළ යාමක් වාර්තා වෙනවා ඒ මිල ඉහළ යාම අනිවාර්යෙන්ම අපිටත් දරන්න වෙනවා.. ඒක අපිට නවත්වන්න බෑ”
ශ්රී ලංකා මහ බැංකුව සතු නිල සංචිත වත්කම්වල වටිනාකම 2020 අගෝස්තු මාසයෙන් පසුව පළමු වරට එක්සත් ජනපද ඩොලර් බිලියන 7 සීමාව ඉක්මවා ගොස් තිබේ.
නවතම දත්ත වාර්තාවලට අනුව 2026 පෙබරවාරි මාසය අවසානයේ දී ශ්රී ලංකා මහ බැංකුව සතු නිල සංචිත වත්කම්වල වටිනාකම ඩොලර් මිලියන 7,284ක් වන අතර එය 2026 ජනවාරි මාසයේ පැවති සංචිත වත්කම් ප්රමාණය වූ ඩොලර් මිලියන 6,832 හා සැසඳීමේ දී 6.6%ක ඉහළ යාමකි.
සංචිත වත්කම් තුළ අන්තර්ගත ප්රධාන සංරචකය වන විදේශ විනිමය සංචිතය 2026 පෙබරවාරි මාසය තුළ දී ඩොලර් මිලියන 6,687 සිට ඩොලර් මිලියන 7,057ක් දක්වා වැඩි වී තිබේ.
මේ අතර මහ බැංකුව සතු රන් සංචිතය 2026 පෙබරවාරි මාසය තුළ දී ඩොලර් මිලියන 109 සිට ඩොලර් මිලියන 200 ක් දක්වා 83.4%කින් සුවිශේෂී ලෙස වර්ධනය වී ඇත.
ඕස්ට්රේලියානුවන් සඳහා ශ්රී ලංකාව අධි අවදානම් සංචාරක ගමනාන්තයක් ලෙස වර්ගීකරණය කර ඇති බවට පළ වන වාර්තා කොළඹ ඕස්ට්රේලියානු මහකොමසාරිස් කාර්යාලය ප්රතික්ෂේප කරයි.
මහකොමසාරිස් කාර්යාලය සඳහන් කළේ, ශ්රී ලංකාව සඳහා ඕස්ට්රේලියාවේ නිල සංචාරක උපදෙස් මට්ටම වෙනස්වී නොමැති බවය.
නිවැරදි සහ යාවත්කාලීන සංචාරක උපදෙස් සඳහා නිල ස්මාර්ට්රේවෙලර් වෙබ් අඩවිය මත විශ්වාසය තබන ලෙස මෙහෙයුම ඕස්ට්රේලියානුවන්ගෙන් එම කාර්යාලය ඉල්ලා සිටියි.
සමාජ මාධ්යවල සංසරණය වන ඇතැම් පණිවුඩ ශ්රී ලංකාව සඳහා ඕස්ට්රේලියාවේ සංචාරක උපදේශනයට වැරදි ලෙස වෙනස්කම් යෝජනා කර ඇති බව මහ කොමසාරිස් කාර්යාලය පෙන්වා දෙයි.
නවතම සංචාරක මාර්ගෝපදේශ සඳහා සංචාරකයින් සැමවිටම ස්මාර්ට්රේවෙලර් වෙත යොමු විය යුතු බව මහ කොමසාරිස් කාර්යාලය වැඩිදුරටත් අවධාරණය කරයි.
පෙබරවාරි මාසය තුළ දී මෙරටට පැමිණි සංචාරකයින් සංඛ්යාව 279,328ක් බව ශ්රී ලංකා සංචාරක සංවර්ධන අධිකාරි පවසයි.
මෙය පසුගිය වසරේ පෙබරවාරි මාසයේදී පැමිණි සංඛ්යාවට සාපේක්ෂව 16.2%ක වැඩිවීමකි.
ශ්රී ලංකා සංචාරක සංවර්ධන අධිකාරිය විසින් නිකුත් කරන ලද නවතම දත්තවලට අනුව, පෙබරවාරි මාසයේදී ඉන්දියාවෙන් සංචාරකයින් 47,679ක් පැමිණ ඇති අතර එය 17%කි.
තවද, එක්සත් රාජධානියෙන් 30,788, රුසියාවෙන් 23,099ක්, ජර්මන් 22,566ක්, චීනයෙන් 20,180ක් සහ ප්රංශ ජාතිකයින් 17,174ක් ද පෙබරවාරි මාසයේදී ශ්රී ලංකාවට පැමිණ ඇත.
ඒ අනුව, 2026 වසරේ ජනවාරි 01 වනදා සිට පෙබරවාරි 28 දක්වා සංචාරක පැමිණීම් සංඛ්යාව 556,655කි.
ඒ අතරින් සංචාරකයින් 99,740ක් ඉන්දියාවෙන්, 50,233ක් රුසියාවෙන් සහ 60,328ක් එක්සත් රාජධානියෙන් පැමිණි බව ශ්රී ලංකා සංචාරක සංවර්ධන අධිකාරිය සඳහන් කළේය.
ලෝක රන්මිල පහළ යාම මත මෙරට රත්රං මිල ගණන් රුපියල් 13,000කින් පහළ ගොස් ඇති බව රන් වෙළෙඳපොළ දත්ත පෙන්නුම් කරයි.
ඒ අනුව අද (04) පෙරවරුවේ කොළඹ හෙට්ටිවීදිය රන් වෙළෙඳපොළේ “කැරට් 22” රන් පවුමක මිල රුපියල් 376,500ක් දක්වා පහළ ගොස් තිබේ.
ඊයේ (03) එය දැක්වුණේ රුපියල් 388,500ක් ලෙසය.
මේ අතර ඊයේ රුපියල් 420,000ක් ලෙස පැවති “කැරට් 24” රන් පවුමක මිල අද වනවිට රු. 407,000ක් දක්වා පහත වැටී ඇති බව කොළඹ හෙට්ටිවීදිය රත්රං වෙළෙඳපොල ආරංචි මාර්ග සඳහන් කරයි.
