Author: uslanka
චීන ණය හරහා 4% කොමිස් ගැනීම සහ රට උකස් කිරීම
මේ ආන්ඩුව ආපු ගමන් කලේ විවිධ බදු වර්ග අඩු කිරීමට බවත් නමුත් මේ වන විට සිදු වන්නේ රට උකස් කිරීම බව ජාතික ප්රතිපත්ති කේන්ද්රය දර්ශන තන්ත්රිගේ මහතා පවසයි.
මේ පිලිබදව අදහස් දක්වමින් ඔහු මෙසේද පවසයි ,
අය වැය වාර්තාවක්, මහබැංකු වාර්තාවක් කියවා ඇති 8 පාස් කෙනෙකුට වුවත් බදු යනු රජයේ ආදායම් ලබාගන්නා මූලාස්රයක් බව වැටහෙයි.එනමුත් ආන්ඩුව ගත් සැනින් ඉවක් බවක් නැතිව බදු ගනනාවක් අඩු කලේය. මේ සියල්ල කලේ රුපියල් 100 ක් ලැබෙන විට රුපියල් 200ක වියදමක් ඇති මොහොතකය.
ආන්ඩු වෙනස්වුවත් ගිවිසුම් ගත වූ සහ ඉදිරියට යමින් තිබු ව්යාපෘති ඇනහිටින්නේ නැත. පහුගිය ආන්ඩුවේ බොහෝමයක් වැරදි අතර ඔවුන් කල හොද දේවල් නම් අවම පොලී අනුපාතික යටතේ දිගු කාලීන ණය ලබා ගැනීමය. නිදසුනකට මාලඹේ කොටුව සැහැල්ලු දුම්රිය ව්යාපෘතිය වැනි ඒවා අවම පොලී අනුපස්තික යටතේ ගැනිනි.
මේ ආන්ඩුව ආ විගස බදු අඩුකරමින් දේශපාලන සීනී පොල්කොහු බෙදද්දී ජාත්යන්තර ණය ශ්රේනිගත කිරීමේ සමාගම් එය බැලුවේ වෙනත් අයුරකිනි. රාජ්ය ආදායම් ලබාගන්නා මූලාස්රය වසා ගත්විට ට්රිලියන 11 ක තරම් ණයක් කන්දේ වාර්ෂික ණය සහ පොලී ගෙවන්නට රටේ ආදායම් එන්නෙ කෙලෙසද කියාය. ඒ සදහා පෙනෙන සාධනීය තොරතුරු නැතිවිට ණය අයකර ගැනීමට අසීරු රටක් ලෙස ශ්රේනිගත කලහ.
සරලව කිව්වොත් බැංකුවකින් අපි ණයක් ගෙන මාස කිහිපයක් නොගෙවා සිටි විට CRIB එකට ගියාම ආයේ බැංකුවකින් හෝ මූල්ය සමාගමකින් ණයක්,ලීසිං පහසුකමක් ගන්නව තබා ඇපයකටවත් අත්සන් කරන්න බෑ වගේ වැඩකි.
ඉතින් ණය ශේනිගත කිරීමේ සමාගම් අප රට ශේනිගත කිරීමෙන් පහලට දැම්මාම සහන පොලී අනුපාත යටතේ ණය ගන්නට බැරිය.
සාමාන්ය පුරවැසි භාවිතාවට ආදේශ කලාම බැංකුව නොදෙන ණය පොලී මුදලාලීගෙන් කිසිදු පරීක්ෂාවකින් තොරව ඔප්පුව ඇපයට ලියා දී ණය ගන්නා නියායට ආන්ඩුව යමින් ඇත.
චීනය ණය දෙන්නට රුසියෝය. ඒ තියරිය පොලී මුදලාලීගෙ තියරියයි. හම්බන්තොට වරාය ගිය ආන්ඩුවට දෙන්නවුනේ එහෙමය. චීන ණය වලින් රටවල් විදි තත්වයන් ගැන මේ පිටුවේ යටට ගිහින් බැලුවොත් වැඩි විස්තර ඇත.
චීන ණය දෙන සමාගම් මේ ණය දෙනව විතරක් නොව අඩුම තරමින් 4% ක පමන කොමිස් කුට්ටියකුත් ණයත් සමග දෙයි.ඒක රටට නොව ,රට වෙනුවෙන් ණය ගන්නාටය.
මේ වගේ කොමිස් කුට්ටි මූල්ය අරමුදල JAIKA, ලෝක බැංකුව, ආසියානු සංවර්ධන බැංකුව දෙන්නේ නැත.ඔවුන් දාන්නෙ කොන්දේසි ය. විනිවිදභාවය,මානව හිමිකම් රැකීම වගේ දේවල් ඒකට ඇතුලත් ය.
චීනය මිතුරෙකු කොරගෙන මූල්ය අරමුදල, ලෝක බැංකුව පට්ටගහලා දේශප්රේමී අයිසින් එක දැම්මාම අපේ රට්ටු මේ කේක් එක බස බස ගාලා කන්නේය.මිලියන 1000කවගේ ණයක් ගනිද්දි ඒක නිධානයක් ලැබුනා වගේ පුවත් මවල දෙන්නට මාධ්ය ඇත. ඒවට හිලව් වෙන්න ආන්ඩුවේ දැන්වීම් ලැබුනාම ඒ ආයතන ගොඩය.
මිලියන 1000ක් වගේ එද්දි අර 4%න් පොඩි පොඩි කෑලි ටිකක් එහෙ මෙහෙ විසි කලාම මේ ණය ධන නිධානයක් කියන්න උගත්තු ද ඇතුලු විවිධ කන්ඩායම් ඇත. ඒ කියන ඒවා දෙතුන් ගුනයකින් රස කරලා සමාජයට ගෙනියන්නට සමත් සමාජ ජාලා ද ඇත.
වැඩේ කියන්නෙ මේ ණය කන්ද අර කොමිස් මුදලද සහිතව ගෙවන්නේ මිලියන 22ක ජනයාය.මෙයින් වැඩ කරන ජනයාය.අර පොඩි පොඩියට කඩේ යන එකා ද නොදැනම ගෙවන්නේය.
රටක ජාතික ප්රතිපත්ති නීතීගත වෙනතෙක් කතාව මේකය.
Dinan Kapuge: Our Kids Got Talent
ශ්රී ලංකාවේ උසම කන්ද පිදුරුතලාගල රක්ෂිතයෙන් අක්කර 300ක් ඇමතිවරයෙකුගේ හිතවතුන්ට බෙදා දීමේ සූදානමක්, කැබිනට් පත්රිකාවද සූදානම්.
ශ්රී ලංකාවේ උසම ස්ථානය වන පිදුරුතලාගල කඳු පන්තිය තරම් පාරිසරික ව වැදගත් කඳුකර වනාන්තරයක් තවත් නොමැති තරම් ය. පිදුරුතලාගල කඳුකර වනාන්තර පරිසර පද්ධතිය මෙරට වසන ඒකදේශික සහ ස්ථානීය ආවේණික ජෛව ප්රජාවන් සිය ගණනක්, ඉතා කුඩා භූමි කලාපයක් තුළ උවද පවා දැකගත හැකි මට්ටක ඇති සුවිශේෂී සහ සංවේදී පරිසර ලක්ෂණ පිහිටි භූමියක් වේ. මෙම කඳුකර වනාන්තරය දවසේ බොහෝ කාලයන්හි මීදුමෙන් වෙලී අඳුරු ස්වභාවයකින් යුතු ඉතා මනරම් දර්ශනයක් ජනිත කරවන සංචාරක ආකර්ෂණය සහ පරිසර ලෝලීන්ගේ මන බැඳගත් ශ්රී ලංකාවේ භූ විද්යාත්මක සහ පාරිසරික වශයෙන් අග්රස්ථානයේ වැජඹෙන සම්පතකි.
වර්ෂාව ජනිත කරවීමට දායකවන වර්ෂා නිර්මාපකයකු ලෙසත් ජලය ගබඩා කරගන්නා කඳුවැටියක් ලෙසත්, පසුව එම ජලය පහතට ක්රමයෙන් ගලායාමට සලස්වා ඇල දොල ගංගා විශාල ප්රමාණයක් පෝෂණය කරන ජල පෝෂකයක් ලෙසත් මෙම කලාපය වැදගත්කමක් උසුලයි. කුරුඳු ඔය මින් පෝෂණය වන එක් ප්රධාන ගංගාවකි.
පිදුරුතලාගල රක්ෂිතය වන සංරක්ෂණ දෙපාර්තමේන්තුව විසින් රක්ෂිතයක් ලෙස නම් කර ආරක්ෂා කිරීම සඳහා වන සුවිශේෂී අවශ්යතාවය හඳුනාගන්නේ මීට දශක කිහිපයකට පෙරයි. එසේම මෙම කලාපය කලක අධි ආරක්ෂිත කලාපයක් ලෙසද පැවති අතර ආරක්ෂාවට සහ පරිසර ආරක්ෂණය වශයෙන් යන දිවි ආකාරයෙන්ම පිදුරුතලාගලට හිමිවන වැදගත්කම මිල කළ නොහැකිය.
කෙසේ නමුත් මධ්ය කඳුකරයේ ෆයිනස් වැව්වා සේම, පහතරට කලාපයේ යුකැලිප්ටස් වගා කළ සේම, ආර්ථික බෝග වගා මගින් බ්රිතාන්යයෙන් ශ්රී ලංකාවේ මධ්ය කඳුකරයට කළ හානිය සේම, නොයෙක් අවස්ථාවලදී අපගේ දේශපාලනඥයින් විසින් මධ්ය කඳුකරයේ සහ තෙත් කලාපයේ වටිනා රක්ෂිත ප්රදේශ විවිධ ආකාරයේ නොසුදුසු ඉඩම් භාවිත කාර්යන්ට යොදා ගන්නා ලදී. ඒ අනුව පිදුරුතලාගල අක්කර කිහිපයක් දශක හතරකට පමණ පෙර පර්යේෂණ මට්ටමින් ඇපල් වගා කිරීම සඳහා ප්රදේශයේ ජනතාව අතර බෙදා දෙන ලදී. එසේ ප්රදේශයේ ජනතාව අතර ඇපල් වගා කිරීම සඳහා බෙදා දුන් වනාන්තර කට්ටිය පසුව ඇපල් ෆාම් ලෙස ප්රචලිත විය. කෙසේ නමුත් පසුකාලීනව එම පර්යේෂණ ඇපල් වගාව අතහැර දැමූ අතර අද වන විට කිසිදු ආකාරයක ඇපල් වගාවක් එහි සිදු නොවේ. එසේම එලෙස ඇපල් වගාව නැවතුනු වනසංරක්ෂණ ඉඩම් නැවත වන සංරක්ෂණ දෙපාර්තමේන්තුවට පවරා ගැනීම සඳහා අවශ්ය නෛතිකමය කාර්යයන් සිදු කෙරෙමින් පවතී.
ඉහත සඳහන් ඇපල් වැවීම සඳහා ලබාදුන් කැලෑ කුට්ටිය මෙන් කිප ගුණයක ප්රදේශයක් පසුකාලීනව ප්රදේශවාසීන්ගේන් ඉඩම් මිලදීගත් ව්යාපාරිකයින් විසින් හෙළිකර මහා පරිමාණයෙන් එළවළු වගා කිරීම සඳහා යොදා ගන්නා ලද අතර ඊට එරෙහිව වන සංරක්ෂණ දෙපාර්තමේන්තුව විසින් නඩුකරයන් පවරා ඇති බව වැසිවනාන්තර සුරකින්නෝ සංවිධානය කැඳවුම්කරු ජයන්ත විජේසිංහ මහතා පවසයි
තවද අනවසර විදුලි වැටවල් ඇද සතුන් මරා දැමීමත්, කැලය තුළ දඩයම් කිරීමත්, පිදුරුතලාගල වනය තුළ දැව හෙළීමත්, වැනි නීති විරෝධී ක්රියාවන් විශාල ප්රමාණයක් මෙකී පිදුරුතලාගල වන භූමිය තුල අනවසර ලෙස පදිංචි ව සිටින ව්යාපාරිකයෙක් විසින් සිදු කිරීම නිසා වන සංරක්ෂණ දෙපාර්තමේන්තුව විසින් නඩු විශාල ප්රමාණයක් පැවරීමට කටයුතු කර ඇත. තවද කුඩා දිය පහරක් සේ ආරම්භ වන කුරුඳු ගඟේ ජල පෝෂකය කෙලින්ම බට දමා එම ජලය සියල්ලම තම වගාවන්ට ලබා ගැනීම තුළින් කුරුඳු ගඟේ ජලය නොමැතිවීම නිසා වන සතුන් දැඩි පීඩාවට පත්ව ජලය සොයා යාම නිසා දඩයක්කරුවන්ගේ ගොදුරු බවට පත්වේ. තවද බොන්චි වගාව වැනි යම් යම් වගාවන් සඳහා අවශ්ය වන කෝටු පිදුරුතලාගල රක්ෂිතයෙන් කැපීම නිසා වනාන්තරයේ මීළඟ පරම්පරාවේ ශාක ඝනත්වය සහ වනාන්තරයේ විවිධත්වය දැඩි ලෙස තර්ජනයකට ලක් කර ඇත. තවද මෙම වගාවන්ට යොදනු ලබන විශාල රසායනික ප්රමාණය හේතුකරගෙන අද වනවිට වලපනේ වැනි ප්රදේශවල ජනතාව පරිභෝජනය කරන ජලයේ බැර ලෝහ ඇතුළු රසායනික අපද්රව්ය සංඝටක බහුලව ඇති බවට සමීක්ෂණ වලින් පවා තහවුරු වී ඇත.
මෙම ව්යාපාරිකයින් ප්රදේශයේ දේශපාලනඥයෙකු හා සම්බන්ධව අක්කර සිය ගණනක් තමන්ගේ පවුලේ ඥාති මිත්රාදීන්ගේ සහ යහළුවන්ගේ නම් වලට ලියාගෙන අනවසරෙන් භුක්ති විඳිමින් සිටී. මෙම ව්යාපාරිකයින් කාර් සේල්, හෝටල් සහ නොයෙක් ආකාරයේ විශාල ව්යාපාර කරන අයවලුන් වේ. එවකට ඇපල් වගා කිරීම සඳහා ලබාදී තිබුණේ බලපත්රයක් පමණක් වුවත් පසුකාලීනව එම බලපත්ර ලබා දුන් ප්රදේශවාසීන්ගෙන් ඉඩම් ලබා ගත් මෙම කූට ව්යාපාරිකයින් එලෙස සොච්චමකට ලබාගත් ඉඩම් අද වන විට සින්නක්කරව අයිති කරගැනීමට උපක්රම යොදමින් සිටී.
මෙම ව්යාපාරිකයින්ට එරෙහිව වන සංරක්ෂණ දෙපාර්තමේන්තුව ඇතුළු ආයතන මේ වන විට නඩු කටයුතු සිදු කෙරෙමින් පවතින අතර, එලෙස නඩු කටයුතු ක්රියාත්මක වන අවස්ථාවක ප්රදේශයේ එක්තරා අපකීර්තිමත් සහ පසුගිය මහජන ඡන්දයෙන් පරාජයට පත්වූ නමුත් හිටපු ජනාධිපතිවරයා ගේ අනුහසින් පසුපස දොරින් පාර්ලිමේන්තුවට රිංගා අද වන විට නැවත වතාවක් ඉහත කී ඉඩම් මංකොල්ලය සඳහා අවශ්ය වටපිටාව සකසා ගැනීමට කැබිනට් පත්රිකාවක් ඉදිරිපත් කිරීමට සැරසෙන බව අපට වාර්තා වේ.
මෙහි අවාසනාවන්තම තත්වය නම් වර්තමාන පරිසර අමාත්යවරයා හරහා කැබිනට් පත්රිකාවක් ඉදිරිපත් කිරීම මගින් ඉහත කී පිදුරුතලාගල කන්දේ ඉඩම් අක්කර සිය ගණන තම අනුගාමිකයින් අතර බෙදා දීම සඳහා එකී දේශපාලනඥයා කටයුතු කරමින් සිටීමයි. අප වෙත වාර්තා වී ඇති තොරතුරු අනුව හෙට දිනයේ දී එකී කැබිනට් පත්රිකාව කැබිනට් මණ්ඩලයට ඉදිරිපත් කිරීමට සූදානමක් ඇත.
යම් හෙයකින් මෙම කැබිනට් පත්රිකාව අනුමත වුවො,ත් වනාන්තර සංරක්ෂණය සඳහා කැපවී සිටින වන සංරක්ෂණ දෙපාර්තමේන්තුවේ දශක කිහිපයක ප්රතිඵලයන් ගඟට කැපූ ඉනි සේ අපතේ යන්නා සේම, ශ්රී ලංකාවේ උසම කන්දේ උසම ස්ථානයේ පිහිටි අගනා කඳුකර වනාන්තර පද්ධතියක් සහමුලින්ම විනාශ කිරීම සිදුවන්නේ ය. එපමනක් නොව දැනටමත් මෙම අනවසර වගාකරුවන් විසින් සිදු කරනු ලබන එලවළු වගා කිරීම් තුළින් සහ ඒවාට යොදන අධික කෘෂි රසායන ප්රමාණය නිසා ප්රදේශයෙන් ආරම්භ වන ජලය මූලාශ්ර සහ ඇලදොල දැඩි ලෙස රසායන මගින් අපවිත්ර වී ඇත. එකී ඇළ දොළවල සිටින ආවේණික මත්ස්යයින්, මැඩියන්, උරගයින්, ඔබය ජීවීන් සහ නොයෙක් පාංශු ජීවීන් දැඩිසේ විනාශ වීමේ තර්ජනයක් ඇතිවී ඇත. මෙසේ සිදු වන්නේ අනවසර වගාකරුවන් විසින් සිදුකරන වගාකටයුතු හේතුවෙන් වන අතර යම් හෙයකින් මෙය නීතිගත කලහොත් අක්කර සිය ගණන දහස් ගණනක් දක්වා වුවත් ව්යාප්ත වී මුළු පිදුරුතලාගල ම එළවළු කොටුවක් බවට පත්වීම වැළැක්වීමට කිසිදු ජගතෙකුට නොහැකි වනු ඇත.
පිදුරුතලාගල කන්ද ප්රදේශය ලංකාවේ අඩි පන්දාහට වැඩි ඉතා දැඩි උස් කඳු මුදුන් වන අතර පාංශු සංරක්ෂණ පනත යටතේද දැඩි සංවේදී කලාපයක් වන අතර එවැනි කලාප වල මෙවැනි බෝග වගාවන් සඳහා අලුතින් ඉඩම් එක් කිරීම හා වනාන්තර ප්රදේශ කෘෂිකාර්මික භූමි බවට පත් කිරීම කිසිසේත්ම සුදුසු නොවන බව ඕනෑම ළදරුවෙකුට අවබෝද කාරණයකි. එසේම ජල සංරක්ෂණය සහ ලංකාවේ වර්ෂාපතන රටාව මෙන්ම දේශගුණික රටාවන් එලෙසම පවත්වා ගැනීම සඳහා පිදුරුතලාගල වැනි කඳුකර වනාන්තර වලින් සිදුවන මෙහෙය අමුතුවෙන් විස්තර කළ යුත්තක් නොවේ. එවැනි ප්රදේශයක් බලලෝභී දේශපාලනඥයෙකුගේ හෙන්චයියන්ට ඉඩම් බෙදීමට ඇති අවශ්යතාවය හේතුවෙන් කුට්ටිකඩා, කැබලිකර, කැලයකපා, විකිණීම යනු සහගහන අපරාධයකි. එය පරිසර නියාමන ආයතන වන මධ්යම පරිසර අධිකාරිය සහ වනසංරක්ෂණ දෙපාර්තමේන්තුව වැනි ආයතන වල සාධනීය කාර්යභාරයන් හෑල්ලුවට ලක් කිරීමකි. එසේම එය සමස්ත ලංකාවේ පරිසරයට කරනු ලබන ආපසු හැරවිය නොහැකි අපරාධයකි. වර්තමාන ජනාධිපතිතුමාගේ සෞභාග්යය දැක්ම ප්රතිපත්ති ප්රකාශනයටද කරනු ලබන නිගාවකි. පරාජිත දේශපාලනඥයෙකු, ලබන මහ මැතිවරණයේදී දිනවීම සඳහා පිදුරුතලාගල කඳු පන්තිය උකස් කිරීම සිහිබුද්ධිය ඇති කිසිවෙකු අනුමත නොකරන දැඩි පාපයකි. එමනිසා අප බලාපොරොත්තු වන්නේ ජනාධිපතිතුමා ඇතුළු වර්තමාන රජයත්, සියලු පරිසර නියාමන ආයතනත්, සිවු මහා නිකායේ මහනායක ස්වාමීන් වහන්සේලා ප්රමුඛ කරගත් මෙරට බෞද්ධ ප්රජාවත්, ජාති, ආගම්, කුලමල භේදයකින් තොර සියලු රටවැසියාත් එකතුව පිදුරුතලාගල උකස් නොකර රැකගැනීමට පෙරට එනු ඇතැයි කියාය.
EU contradicts Minister on GSP Plus continuation for Sri Lanka
The European Union (EU) today insisted that the continuation of the GSP Plus trade concession for Sri Lanka is not automatic.
The Government had said yesterday that the EU assured Sri Lanka it will continue to enjoy the GSP Plus trade concession till 2023.
Minister of Industrial Exports and Investment Promotion, Tourism and Aviation Prasanna Ranatunga said that the assurance was given at a discussion he had with an EU delegation in Colombo.
However, the EU office in Colombo tweeted today saying GSP+ is not automatic and that it is granted only if there is continued and effective implementation of 27 international conventions, related to human and labour rights, environment and good governance.
The EU office in Colombo said that the EU monitors this implementation closely
Prime Minister admits Ranil sought additional facilities
Prime Minister Mahinda Rajapaksa today admitted that former Prime Minister Ranil Wickremesinghe has sought additional facilities.
Speaking to electronic media heads today, Rajapaksa said that Wickremesinghe has sought special security, a house and other facilities as a former Prime Minister.
It was reported yesterday that Wickremesinghe has sought a house, office, staff and security as a former Prime Minister.
However, Rajapaksa insisted that no decision has been taken to agree to the request.
The Prime Minister also noted that Wickremesinghe may require security from United National Party (UNP) members owing to the crisis in the party.
He said that he was confident the Sri Lanka Podujana Peramuna and its partners will win the Parliamentary election this year as there was a lot of friction in the UNP
රංජන්ගේ හුටපට ගැන කලාකරුවන් කියන දේ
රවීණ සිනමා නළු රවීන්ද්ර රන්දෙණිය මහතා-
කලාව ගරුබුහුමන් ලැබෙන ආකාරයට රැුකගත යුතුයි. කලාකරුවෙකු එම වගකීම පැහැර හැරීම තුළින් කලාකරුවා තුළ වැරදි ආකල්ප ඇති වෙනවා. එම නිසා ඔහු කලාව රැුකගෙන කි්රයා කළ යුතුයි. කලාව ගරු බුහුමුන් ලැබෙන උසස් මට්ටමක පවතින බව සිහි තබා ගැනීම වැදගත්.
ජාතික රූපවාහිනියේ හිටපු සභාපතිනි ඉනෝකා සත්යාංගනී –
අහක යන කුණු කතාවක් වගේම මේක අහක යන කුණු ගොඩක්. මේ ගැන ප්රකාශ නිකුත් කිරීමට මගේ අදහසක් නැහැ.
චිත්රපට සහ ටෙලි නාට්ය අධ්යක්ෂවරයකු වන ඩොනල්ඞ් ජයන්ත-
රන්ජන්ගේ හඬ පට පිළිබඳ කෙරෙන කතාබහ ගැන තමා නිහඬ වන බව කීවේය.
වේදිකා නාට්ය අධ්යක්ෂක සිසිල් ගුණසේකර මහතා-
රන්ජන් රාමනායක ඉතා හොඳ රංගන ශිල්පියෙක්. ඔහු දේශපාලනයෙන් බැහැරව සිනමාව පමණක් කළේ නම් ඉතා හොඳ ගමනක් ඔහුට යාමට හැකිව තිබුණා.
ප්රවීණ රංගන ශිල්පී ක්ලීටස් මෙන්ඩිස් මහතා-
රන්ජන්ගේ ප්රශ්නය තුළින් අනවශ්ය ප්රශ්න ඉදිරිපත් කිරීමට මගේ අදහසක් නැහැ.
උපේක්ෂා ස්වර්ණමාලි (පබා) – රන්ජන් රාමනායකට තිබෙන්නේ මාධ්ය සාකච්ඡාවලදී තිබෙන ප්රතිරූපය නොවෙයි. ඔහු කාන්තාවන් දෙස බලන ආකාරය දැන් හොඳට තහවුරු වෙලා තිබෙනවා. රන්ජන්ගේ දුරකථන කතා බහ හරියට ළිඳ ළඟ සංගමය වගෙයි. රන්ජන් කවුද කියලා සැබෑ තත්ත්වය හෙළිවුණා. රන්ජන් සමග යම්කිසි කෙනෙකු දුරකථනයෙන් කතා කරන්නේ යම්කිසි විශ්වාසයක් මතයි. ඔහු ඔවුන්ගේ විශ්වාසය කඩා බිඳ දැම්මා. රන්ජන් සමග දුරකථනයෙන් මා කතා කරන්නේ නැහැ. හේතුව ඔහු ඒවා පටිගත කරන බව මට විශ්වාසයක් තිබුණා. රන්ජන් දිහා කොළ පාට කණ්ණාඩියෙන් බලන අයට ඔහු හොඳ වෙන්න පුළුවන්.
ජනපි්රය චිත්රපට, ටෙලි නාට්ය අධ්යක්ෂක උදයකාන්ත වර්ණසූරිය මහතා-
ඇතැම් දේශපාලනඥයන්ගේ කි්රයා කලාප අනුව රන්ජන් ගැන කියන්න දෙයක් නැහැ.
ඉදිරි මැතිවරණයේදී එජාපය නායකත්වය නොසලකා හරී
ඉදිරි මහමැතිවරණයේදී තරග වදින සන්ධානයට, එක්සත් ජාතික පක්ෂයේ නායකත්වය කුමන හෝ අයුරකින් බලනොපාන බව පාර්ලිමේන්තු මන්තී්ර අජිත් මාන්නප්පෙරුම පවසනවා.
පක්ෂ නායකත්වය නිවැරදි ලෙස වෙනස් වනතාක් වත්මන් නායකත්වය පිළි ගැනීමට සිදු වන බවයි පාර්ලිමේන්තු මන්තී්ර අජිත් මාන්නප්පෙරුම කියා සිටියේ.
මේ අතර එක්සත් ජාතික පක්ෂයේ පවතින නායකත්ව අර්බුදය සම්බන්ධයෙන් පක්ෂ නායක රනිල් වික්රමසිංහ මහතා, කථානායක කරූ ජයසූරිය මහතා සහ විපක්ෂ නායක සජිත් පේ්රමදාස මහතා අතර තීරණාත්මක සාකච්ඡාවක් හෙට දිනයේ පැවැත්වීමට නියමිතයි.
සිංහල සිනමාව 73වන සංවත්සරය
ජාතික චිත්රපට සංස්ථාවේ 48වන සංවත්සරය සහ සිංහල සිනමාව 73වන සංවත්සරය සමරයි
සිනමාවේ 73වන සංවත්සරය මේ වසර 19 වනදාට යෙදී තිබෙනවා. එමෙන්ම ශ්රී ලංකා ජාතික චිත්රපට සංස්ථාවේ 48වන සංවත්සරයද යෙදී ඇත්තේ ද අදටය. 19වනදා.
ඒ වෙනුවෙන් පැරණි චිත්රපට ප්රදර්ශනයක් සංවිධානය කර තිබෙනවා.
ඒ අනුව අද සිට 19වනදා සිට 21වනදා දක්වා ජාතික චිත්රපට සංස්ථාවේ තරංගනී සිනමා ශාලාවේදී පැවැත්වීමට නියමිතයි.
චිත්රපට සංස්ථාවේ සභාපති ජයන්ත ධර්මදාස මහතාගේ උපදෙස් පරිදි මෙම චිත්රපට ප්රදර්ශනය සංවිධානය කර තිබෙනවා.
ඒ අනුව 19වනදා සවස 5.00ට ධර්මසිරි බණ්ඩාරණායක මහතා අධ්යක්ෂනය කළ “හංස විලක්” චිත්රපටයද, 20වනදා “ඩිංගිරි මැණිකා” චිත්රපටයද, 21වනදා “සැඩ සුළං” චිත්රපටයද තිරගත වීමට නියමිතයි.
පාස්කු ප්රහාරය ගැන තොරතුරු රැසක් හෙළි දරව් වෙයි
සහරාන් හෂීම් බෝම්බ නිෂ්පාදනය කිරීමට ඉගෙන ගත්තේ මෙරට මාධ්ය තුළින් විකාශය කළ බෝම්බ නිෂ්පාදනය කිරීම පිළිබද පොලිස් නිලධාරියෙකුගේ පැහැදිලි කිරීමක් නැරඹීමෙන් බව අප්රේල් 21 පාස්කු ප්රහාරය පිළිබද පරීක්ෂණ පවත්වන ජනාධිපති විශේෂ කොමිෂන් සභාව හමුවේ හෙළිදරව් වුණා.
ඒ ඊයේ (18) ප්රහාරය සම්බන්ධයෙන් ත්රස්ත විමර්ශන ඒකකය භාරයේ සිටින පුද්ගලයෙකු ගෙන් සාක්ෂි ලබාගැනීමේදීයි.
ඔහු පිළිබදව කිසිදු තොරතුරක් කොමිෂන් සභාව මාධ්යයට ලබාදුන්නේ නැහැ.
2015 අංක 4 දරණ අපරාධ වින්ධිතයන් ආරක්ෂා කිරීමේ පනත යටතේ අදාළ සැකකරුගේ පෞද්ගලික තොරතුරු හෙළි නොවන ආකාරයෙන් මෙම සාක්ෂි විමසීම පිළිබද වාර්තා කරන ලෙස කොමිෂන් සභාව සාක්ෂි විමසීම ආරම්භයේදීම මාධ්යයෙන් ඉල්ලා සිටියා.
මින් පෙර සාක්ෂි ලබාගත් අවස්ථාවලදී සාක්ෂිකරු අදාළ ස්ථානයේ සිටිය ද ඊයේ දිනයේ මෙම සාක්ෂිකරු වෙනත් ස්ථානයක රඳවා එහි සිට වීඩියෝ තාක්ෂණය ඔස්සේ කොමිෂන් සභාවේ පංච පුද්ගල කමිටුව හා සම්බන්ධ කරමින් සාක්ෂි ලබාගැනීම සිදුකළා.
සාක්ෂි විමසීම ආරම්භ කරමින් කොමිෂන් සභාව සාක්ෂිකරුගෙන් විමසා සිටියේ තමන් පාසල් යන කාලයේදී හෝ යම් ආගමික සංවිධානයක් සමග කටයුතු කළාද යන්නයි. ඊට පිළිතුරු ලබාදෙමින් තමන් ශ්රී ලංකා ඉස්ලාමික් ස්ටුඩන්ට්ස් සංවිධානයේ කටයුතු කළ බව සාක්ෂිකරු ප්රකාශ කළා. එසේම 2012 වසරේ දී ජමාතෙයි ඉස්ලාමික් සංවිධානයේ සබරගමු පළාත් සම්බන්ධීකාරක වශයෙන් ද 2013 වසරේ සිට එම සංවිධානයේ ජාතික සංවිධායක වශයෙන් ද කටයුතු කළ බව ඔහු කොමිසම හමුවේ සාක්ෂි දෙමින් කියාසිටියා.
ඉන් අනතුරුව කොමිෂන් සභාව ඔහුගෙන් විමසා සිටියේ අප්රේල් 21 පාස්කු ප්රහාරයට සම්බන්ධ යැයි සැලකෙන සහරාන් හෂීම් නමැත්තා ඔබට මුලින්ම හමුවූයේ කුමන අවස්ථාවේද යන්නයි.
ඊට පිළිතුරු දෙමින් සාක්ෂිකරු ප්රකාශ කළේ දිගන ප්රදේශයේ ඇති වූ ජාතිවාදී ගැටුමෙන් අනතුරුව සහරාන් හෂීම් මුල්වරට තමන්ට හමුවූ බවයි. පසුව කොමිෂන් සභාව සාක්ෂිකරු යම් ආගමික සංවිධානයක් මාර්ගයෙන් විදෙස් රටක යම් පුහුණුවක් ලබා ඇත්දැයි විමසා සිටියා. තමන් තුර්කිය හරහා සිරියාවට ගොස් කලක් කටයුතු කළ බවට ඊට පිළිතුරු දෙමින් සාක්ෂිකරු ප්රකාශ කළා.
ඒ කෙසේ ද යන්න කොමිසම විමසා සිටි අතර පිළිතුරු ලබාදුන් සාක්ෂිකරු සදහන් කළේ තමන් තුර්කිය හරහා සිරියාවට ගිය ආකාරයත් එහිදී කටයුතු කළ ආකාරයත් පිළිබදව මාධ්ය ඉදිරියේ ප්රකාශ කළ නොහැකි බවයි. තමන්ට ඒ පිළිබදව ප්රකාශ කිරීමට හැකියාව ඇත්තේ මාධ්ය ඉවත්වීමෙන් පසුව බවට ඔහු කොමිසමට දැනුම් දුන්නා.
ඒ අනුව අදාළ සැකකරුට කොමිසම හමුවේ රහස් ප්රකාශයක් ලබාදීම සඳහා එම ස්ථානයෙන් මාධ්ය ඉවත් කිරීමට කොමිසම කටයුතු කළා.
අනතුරුව යළිත් සිද්ධිය වාර්තාකරනය සඳහා මාධ්යයට අවස්ථාව සළසා දෙමින් සාක්ෂි විමසීම සිදුකෙරුණා. එහිදී අදාළ සාක්ෂිකරු සඳහන් කළේ තමන් සහරාන් පිළිබදව දැනගත්තේ එම වකවානුවේ සමාජ මාධ්ය ඔස්සේ විකාශය වූ වීඩියෝපටයක් නැරඹීමෙන් බවයි. පසුව කොමිෂන් සභාව අදාළ වීඩියෝපටය ලෙස සැලකෙන දර්ශන පෙළක් සාක්ෂිකරුට පෙන්වීමට සැළැස් වූ අතර එහි ප්රකාශ කරන කරුණු පිළිබදව සාක්ෂිකරුගෙන් විමසා සිටියා. එහිදී සාක්ෂිකරු සදහන් කළේ මෙම වීඩියෝපටයේ දැක්වෙන්නේ මුස්ලිම් පල්ලි ගිනිබත් කළ අයව ඝාතනය කළයුතු බවට සහරාන් හෂීම් කරන ලද තර්ජනයක් බවයි. 2018 වසරේ දිගන ප්රදේශයේ සිදුවූ ගැටුම්වලින් පසු තමන් ඇතුළු පිරිසක් සහරාන් හෂීම් හමුවී ගැටුම සම්බන්ධයෙන් කුමක් කරන්නේ දැයි තමන් විමසූ විට මුස්ලිම් ජනතාවට සහ පල්ලිවලට විරුද්ධවන පුද්ගලයින්ට පහරදිය යුතු බවට සහරාන් ප්රකාශ කළ බව සාක්ෂිකරු කොමිසම හමුවේ සදහන් කළා.
පසුව දිගින් දිගටම තමන් සහරාන් සමග ගනුදෙනු කළ බවත් නුවරඑළිය හා හම්බන්තොටදී පැවති පුහුණු කඳවරුවලට ද සහරාන් සමග සහභාගිවූ බවත් සාක්ෂිකරු ප්රකාශ කළා.
එම කඳවුරුවලදී තමන් ඇතුලු 150 කට අධික පිරිසකට සහරාන් ටී56 වර්ගයේ ගිනි අවි පෙන්වූ බව සාක්ෂිකරු කියාසිටියා. කෙසේ වෙතත් වනාතවිල්ලුව ප්රදේශයේ පවත්වාගෙන ගිය පුහුණු කඳවුර හසුවීමත් සමග මරාගෙන මැරෙන ප්රහාරයක් එල්ල කළ යුතුයි යන තීරණයට සහරාන් එළඹි බවයි සාක්ෂිකරු ප්රකාශ කළේ. නමුත් එම අවස්ථාවේදී සහරාන් කියා ඇත්තේ බෞද්ධ ජනතාව ඉලක්ක කරමින් ප්රහාරයක් එල්ල කළ යුතු බවයි. එසේ වුවද ඔහු ක්රිස්තියානි ජනතාව ඉලක්ක කරමින් ප්රහාරයක් එල්ල කළේ ඇයිදැයි තමන් නොදන්නා බව සාක්ෂිකරු කියාසිටියා.
එමෙන්ම සහරාන් කිසි දිනක බෝම්බ නිෂ්පාදනය කිරීම පිළිබඳ දැන සිටියේ නැති බවත් පොලීසියේ ඉහළ නිලධාරියෙක් යූරියා යොදාගෙන බෝම්බ නිෂ්පාදනය කළ හැකි බව කියන වීඩියෝවක් මාධ්ය ඔස්සේ දැකීමෙන් පසු සහරාන් එම ක්රමයට බෝම්බ නිෂ්පාදනය කළ බවත් සාක්ෂිකරු ප්රකාශ කළා.
අදාළ දර්ශන මාධ්ය ඔස්සේ විකාශය නොවුනා නම් මෙවැනි බෝම්බ පිපිරීමක් සිදු නොවන්නට ඉඩ තිබූ බවද සාක්ෂිකරු කොමිසම හමුවේ කියාසිටියා.
සිද්ධිය සම්බන්ධයෙන් තවත් තොරතුරු තමන් දන්නා බවත් නම් ගම් ආදිය ප්රකාශ කළ යුතු නිසා මාධ්ය ඉදිරියේ ඒවා හෙළිදරව් කළ නොහැකි බවත් සාක්ෂිකරු ප්රකාශ කිරීම නිසා නැවතත් අදාළ කොමිසමෙන් මාධ්ය ඉවත් කෙරුණා