මෙවර පළාත් පාලන ආයතන ඡන්ද විමසීමේදී එක් ඡන්ද දායකයෙකුට රුපියල් 15 ක ප්රමාණයක් වියදම් කළ හැකි බවට දේශපාලන පක්ෂ ලේකම්වරුන් එකඟතාවකට පැමිණ තිබෙනවා.
එම අගය ජනතාවගේ ප්රමාණයෙන් වැඩිකර ලැබෙන අගය එක් අපේක්ෂකයෙකුට වියදම් කළ හැකි සීමාව බවත්, එයින් 60% ක ප්රමාණයක් පක්ෂයකට වියදම් කළ හැකි සීමාව බවත්, මාධ්ය වෙත අදහස් දක්වමින් පාර්ලිමේන්තු මන්ත්රී දයාසිරි ජයසේකර සඳහන් කළා.
මැතිවරණය අවසන්වී දින 21 ක් තුළ තරග කරන අපේක්ෂකයින් සහ දේශපාලන පක්ෂ විසින් ඔවුන්ගේ සියලුම ආකාරයේ වියදම් ඇතුළත් කර විගණනය කරන ලද වාර්තාවක් මැතිවරණ කොමිෂන් සභාවට භාරදිය යුතු බවද, මුදල් සීමාවලින් ඔබ්බට වියදම් සිදුකර ඇති බවට ඔප්පු වුවහොත් අධිකරණය තුළදී අදාළ ධූරය අහිමිවීමට හැකියාවක් ඇති බවද මැතිවරණ කොමසාරිස් ජනරාල් සමන් ශ්රී රත්නායක සඳහන් කළා.
