https://www.youtube.com/embed/GEv-uvewmS8?si=W98jpo4GTPRXj9f1″ title=
Author: Supun
අලුත් අවුරුදු සමය වෙනුවෙන් බස් රථ 1,400 ක් හා විශේෂ දුම්රිය 12 ක් ධාවනයට
අලුත් අවුරුද්දට ගම්බිම් බලා යන ජනතාවට විශේෂ දුරගමන් ප්රවාහන සේවා මේ වනවිට ආරම්භ කර ඇති බව ප්රවාහන බලධාරින් පවසනවා.
ලංකා ගමනාගමන මණ්ඩලය උත්සවය සමය වෙනුවෙන් බස් රථ 1,400ක් ධාවනයට එක්කිරීමට නියමිතව ඇති බවයි වාර්තා වෙන්නේ.
උත්සවය සමය වෙනුවෙන් ගම්බිම් බලා යන ජනතාවට විශේෂ දුම්රිය 12ක් ධාවනය කිරීමට දුම්රිය දෙපාර්තමේන්තුව සැලසුම් කර ඇති බවයි ශ්රී ලංකා දුම්රිය දෙපාර්තමේන්තුවේ, නියෝජ්ය සාමාන්යාධිකාරී (ගමනාගමන), නන්දන ඉඳිපොලගේ සඳහන් කළේ.
කොතලාවල ආරක්ෂක විශ්වවිද්යාලයේ වෛද්ය විද්යා උපාධිය සඳහා ගෙවීමේ පදනම මත සිසුන් ඇතුළත් කර ගැනීමට කැබිනට් අනුමැතිය
ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලයේ වෛද්ය විද්යා උපාධිය සඳහා ගෙවීමේ පදනම මත දේශීය සිසුන් ඇතුළත් කර ගැනීමට කැබිනට් අනුමැතිය හිමිව තිබෙනවා.
අනුව මේ වසරේ සිට එම වෛද්ය උපාධි වැඩසටහන සඳහා දේශීය සිසුන් ගෙවීම් පදනමින් සහ උසස් පෙළ Z අගය සහ අනෙකුත් සුදුසුකම් මත පදනම්ව ඇතුළත් කර ගැනීමට අනුමැතිය හිමිව ඇති බවයි වාර්තා වෙන්නේ.
අදාළ කැබිනට් තීරණය පහතින්.
පානීය ජලය පිළිබඳ සහ ජල සුරක්ෂිතතාවය පිළිබඳ ජාතික ප්රතිපත්තියක්
‘’පානීය ජලය පිළිබඳ ජාතික ප්රතිපත්තිය’’ සහ ‘’ජල සුරක්ෂිතතාවය පිළිබඳ ජාතික ප්රතිපත්තිය’’ ඊට අදාළ අනෙකුත් ප්රතිපත්තීන් සමඟ යෝග්ය පරිදි ඒ්කාබද්ධ කර ක්රියාත්මක කිරීම පිණිස කැබිනට් අනුමැතිය හිමිව තිබෙනවා.
පානීය ජල සැපයුම් සේවා අංශයේ පැන නැගී ඇති ප්රවණතා හා අභියෝගවලට මුහුණ දීම පිණිස වඩාත් පුළුල් සහ යාවත්කාලීන ප්රවේශයක අවශ්යතාව හඳුනාගෙන ඇති බවයි වාර්තා වෙන්නේ.
ඒ අනුව, අදාළ ක්ෂේත්රයේ විශේෂඥයින්ගේ සහ පාර්ශවකරුවන්ගේ උපදේශනය මෙන්ම මහජන අදහස්ද ලබාගෙන වර්තමාන හා අනාගත අවශ්යතාවන්ට ගැළපෙන අයුරින් , ‘’පානීය ජලය පිළිබඳ ජාතික ප්රතිපත්තිය’’ සහ ‘’ජල සුරක්ෂිතතාවය පිළිබඳ ජාතික ප්රතිපත්තිය’’ සකක් කර ඇති බවයි සඳහන් වෙන්නේ.
ඒ මගින් සියලුම පුරවැසියන් සඳහා ආරක්ෂිත සහ ගුණාත්මක පානීය ජලය සදහා ඇති ප්රවේශය සහතික කිරීම, තිරසර ජල භාවිතය ප්රවර්ධනය කිරීම සහ ජල අංශයේ ආර්තික වර්ධනය හා සමෘද්ධිය ප්රවර්ධනය කිරිම යන අරමුණු සාක්ෂාත් කර ගැනීම අපේක්ෂා කරන බවයි වැඩිදුරටත් සඳහන් වෙන්නේ.
අදාළ කැබිනට් තීරණය පහතින්.
ඉංග්රිසි මාධ්යයෙන් ඉගැන්වීම් සිදු කරන ගුරුවරු 2500ක් බඳවා ගැනීමට කැබිනට් අනුමැතිය
ගුරු අවශ්යතා සම්පුර්ණ කිරිම සදහා ඉංග්රිසි මාධ්ය යෙන් විෂයයන් උගන්වනු ලබන අනුමත ගුරුවරු 6500ක් දක්වා වැඩි කිරිමටත් ඒ සදහා ඉංග්රිසි මාධ්යයෙන් විෂයයන් උගන්වනු ලබන ගුරුවරුන් 2500ක් බඳවා ගැනීමට කැබිනට් අනුමැතිය හිමිව තිබෙනවා.
ඉංග්රිසි මාධ්යයෙන් සාමාන්ය පෙළ විෂයයන් ඉගැන්වීම සඳහා දැනට අනුමත ගුරුවරුන් සංඛ්යාව 4441ත් වුවත්,ඒ සදහා ගුරුවරුන් 6500ක පමණ අවශ්යතාවයක් පවතින බවයි අදාළ කැබිනට් තීරණයේ දැක්වෙන්නේ.
බොහෝ පාසල්වල දැනට සේවයේ නියුතු ගුරුවරු සංඛ්යාවට අතිරේකව අවශ්ය කටයුතු සැලසුම් කරගනිමින් ඉංග්රිසි මාධ්යයෙන් ඉගැන්විම් පුළුල් කර ඇති බව පාසල් 765ක් සම්බන්ධයෙන් සිදු කරන ලද ඇගයිමකදි හදුනාගෙන ඇති බවද සඳහන්.
අදාළ කැබිනට් තීරණය පහතින්.
මෛත්රී තායිලන්තයේ සංචාරයක් සඳහා දිවයිනෙන් පිටව යයි
හිටපු ජනාධිපති මෛත්රීපාල සිරිසේන තායිලන්තයේ සංචාරයක් සඳහා අද (09) අලුයම දිවයිනෙන් පිටත්ව ගොස් තිබෙනවා.
මෛත්රීපාල සිරිසේන සමඟ 9 දෙනෙකුගෙන් යුත් පිරිසක් එම සංචාරයට එක්ව ඇති බවයි වාර්තා වෙන්නේ.
ඒ අනුව ඔවුන් අද අලුයම 12.55ට තායිලන්තයේ බැංකොක් නුවර බලා පිටව ගොස් ඇති බව වැඩිදුරටත් සඳහන්.
සතොස අත්යවශ්ය භාණ්ඩ කිහිපයක මිල පහතට
එළැඹෙන අවුරුදු සමය අරමුණු කරගනිමින් ලංකා සතොස ආයතනය මගින් මහජනතාවට ලබාදෙන අත්යාවශ්ය පාරිභෝගික භාණ්ඩ වර්ග කිහිපයක මිල ගණන් පහළ දමා තිබෙනවා.
ඒ අනුව අද (09) සිට මෙම මිල පහත දැමීම ක්රියාත්මක වන බවයි සතොස ආයතනය නිවේදනය කරන්නේ.
වියලි මිරිස්, බී ළූණු, සුදු ළූණු, අර්තාපල්, රතු පරිප්පු, සුදු කැකුළු මිල මෙලෙස පහත දමා ඇති බවයි වාර්තා වෙන්නේ.
අදාළ භාණ්ඩ ලැයිස්තුව පහතින්.
රාමසාන් වෙනුවෙන් ඉස්ලාම් දේවස්ථානවලට විශේෂ ආරක්ෂාවක්
රාමසාන් උත්සවය වෙනුවෙන් ඉස්ලාම් දේවස්ථානයන්හි ආරක්ෂාව සඳහා පොලීසියෙන් විශේෂ ආරක්ෂක වැඩපිලිවෙලක් ක්රියාත්මක කර තිබෙනවා.
ඒ අනුව පොලිස්පති දේශබන්දු තෙන්නකෝන්ගේ උපදෙස් පරිදි ක්රියාත්මක එම වැඩපිළිවෙළ සඳහා පොලීසිය, විශේෂ කාර්ය බළකාය සහ ත්රිවිධ හමුදා ආරක්ෂක අංශ කැඳවා ඇති බවයි වාර්තා වෙන්නේ.
ඒ යටතේ දිවයින පුරා ඉස්ලාම් දේවස්ථාන 3,203ක් අතරින් දේව මෙහෙයන් පැවැත්වෙන ඉස්ලාම් දේවස්ථාන ස්ථාන 2,453කට අවශ්ය ආරක්ෂාව තහවුරු කර තිබෙනවා.
එම දේවස්ථානවල ආරක්ෂාව සඳහා පොලිස් නිලධාරීන් 5,580ක්, විශේෂ කාර්ය බළකා නිලධාරීන් 510ක් සහ ත්රිවිධ හමුදා නිලධාරීන් 1,260ක් සමඟින් 7,350කට අධික ආරක්ෂක භට පිරිසක් යෙදවීමට මේ වනවිටත් කටයුතු කර ඇති බවයි වැඩිදුරටත් වාර්තා වෙන්නේ.
LPL 2024: තරගාවලි කාලසටහන නිකුත් කෙරේ
ලංකා ප්රිමියර් ලීග් ක්රිකට් තරගාවලියේ කාල සටහන අද (08) නිකුත් කර තිබෙනවා.
ඒ අනුව ජූලි 1 වනදා සිට ජූලි 21 වනදා දක්වා තරගාවලිය පැවැත්වීමට නියමිත බවයි වාර්තා වෙන්නේ.
තරගාවලිය මහනුවර, දඹුල්ල හා කොළඹදී පැවැත්වීමට නියමිත බවයි ශ්රී ලංකා ක්රිකට් ආයතනය වැඩිදුරටත් සඳහන් කරන්නේ.
අදාළ කාලසටහන පහතින්.
“අපේ පක්ෂයට අභියෝග කරන්න පක්ෂයක් ලංකාවේ නැහැ” සුජීව සේනසිංහ ස.ජ.බ ගැන දුන්න උත්තරේ….
https://www.youtube.com/embed/LQec54Wod4U?si=bP5nZ5F71uwhbyN-” title=