https://www.youtube.com/embed/Ghl5We4uXVc?si=tFmPcJxyC-GbGuDI” title=
Author: Supun
බස්නාහිර පළාතේ ත්රිරෝද රථ ගාස්තු හෙට සිට අඩුවෙයි
බස්නාහිර පළාත තුළ හෙට (15) සිට ත්රිරෝද රථ ගාස්තු අඩුවීමක් සිදුකරන බව සමස්ත ලංකා ත්රිරෝද රථ රියදුරන්ගේ වෘත්තීය සමිතිය පවසනවා.
ඒ අනුව දෙවන කිලෝමීටරය සඳහා මෙතෙක් අය කළ රුපියල් 100ක මුදල රුපියල් 90 දක්වා අඩු කර ඇති බවයි ඔවුන් සඳහන් කළේ.
පළමු කිලෝ මීටරයට අයකළ හැක්කේ උපරිමය රුපියල් 100 ක් බව ඔහු වැඩිදුරටත් සඳහන් කළා.
ෆොන්සේකා සජබ තනතුරුවලින් ඉවත් කිරීමට කෘත්යාධිකාරී මණ්ඩලය තීරණයක් ගැනීමට සූදානම් වෙයි
පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා සමගි ජනබලවේගයේ තනතුරුවලින් ඉවත් කිරීමට එම පක්ෂයේ කෘත්යාධිකාරී මණ්ඩලය රැස්වී තීරණයක් ගැනීමට නියමිතව තිබෙනවා.
ඒ අනුව ඔහු පක්ෂයේ තනතුරුවලින් ඉවත් කිරීම වළක්වාලමින් අධිකරණය විසින් ලබාදි ඇති වාරණය ඉවත් කිරීමෙන් පසු ඒ පිළිබද තීරණයක් ගැනීමට සූදානම් වන බවයි සමගි ජනබලවේගයේ නියෝජ්ය මහලේකම් පාර්ලිමේන්තු මන්ත්රී අශෝක අබේසිංහ සඳහන් කළේ.
පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා පක්ෂය හා පක්ෂ නායකත්වය දිගින් දිගටම විවේචනය කරමින් කටයුතු කරන බවයි ඔහු වැඩිදුරටත් සඳහන් කළේ.
ට්රම්ප්ට එල්ල වූ වෙඩි ප්රහාරය ගැන ජනපති රනිල්ගෙන් නිවේදනයක්
හිටපු අමෙරිකානු ජනාධිපති ඩොනල්ඩ් ට්රම්ප් ඝාතන තැත සම්බන්ධයෙන් තමා කම්පනයට පත් වූ බව ජනාධිපති රනිල් වික්රමසිංහ පවසනවා.
ඒ අනුව ට්රම්ප් නිරුපද්රිතව සිටින බව දැනගැනීම තමාට සහනයක් වූ බවයි නිවේදනයක් නිකුත් කරමින් ජනාධිපතිවරයා සඳහන් කරන්නේ.
සියලුදෙනා ප්රජාතන්ත්රවාදය ආරක්ෂා කිරීම සඳහා නීතිගරුකව කටයුතු කළයුතු බවයි ජනාධිපති රනිල් වික්රමසිංහ වැඩිදුරටත් සඳහන් කර ඇත්තේ.
ඩොනල්ඩ් ට්රම්ප් වෙඩි ප්රහාරයකට ලක්වෙයි
රැලියකදී සිදුවූ වෙඩි තැබීමකින් හිටපු ජනාධිපති ඩොනල්ඩ් ට්රම්ප් තුවාල ලබා තිබෙනවා.
කතාවක් සිදුකරමින් සිටින අතරතුර මෙම වෙඩි තිබීම සිදුව ඇති බවයි විදෙස් මාධ්ය වාර්තා කරන්නේ.
වෙඩික්කරු හා තවත් පුද්ගලයෙක් ආරක්ෂකයින් විසින් ප්රතිප්රහාර දියත් කිරීමත් සමඟ එම ස්ථානයේදීම මියගොස් තිබෙනවා.
හිටපු ජනාධිපති ඩොනල්ඩ් ට්රම්ප් මේ වන විට ආරක්ෂිත පියවර යටතේ සිටින බවයි වැඩිදුරටත් සඳහන් වෙන්නේ.
LPL Match Summary: Jaffna Kings කණ්ඩායමට කඩුලු 4 ක ජයක්
ලංකා ප්රිමියර් ලීග් ක්රිකට් තරගාවලියේ ඊයේ (13) Jaffna Kings කණ්ඩායම හා Kandy Falcons කණ්ඩායම අතර පැවති තරගයෙන් කඩුලු 4 ක ජයක් ලබා ගැනීමට Jaffna Kings කණ්ඩායම සමත් වුණා.
කොළඹ ආර්. ප්රේමදාස ක්රීඩාංගනයේ පැවැති තරගයට වර්ෂාවෙන් බාධා එල්ල වූ බැවින් එක් ඉනිමක් පන්දුවාර 7කට සීමා වූ අතර, කාසියේ වාසිය දිනාගත් Jaffna Kings කණ්ඩායම පළමුවෙන් පන්දුවට පහරදීමට Kandy Falcons කණ්ඩායම නිමිත පන්දුවාර 7 තුළ කඩුලු 5 ක් දැවී ලකුණු 78 ක් ලබා ගත්තා.
පිළිතුරු ඉනිම ක්රීඩා කළ Jaffna Kings කණ්ඩායමේ ඉනිම නිමා වීමට පන්දු 7 ක් ඉතිරිව තිබියදී කඩුලු 6 ක් දැවී සිටියදී ජයග්රාහී ඉලක්කය පසුකර ගියා.
පාතාල කණ්ඩායම් සහ ප්රතිවිරුද්ධ කණ්ඩායම් අතර බැනර් යුද්ධයක්
ක්ලබ් වසන්ත ගේ අවසන් කටයුතු නිමවීමට හෝරා කීපයක් තිබියදී සහ ඊට හෝරා කීපයකට පසු මහරගම සහ දෙමටගොඩ ප්රදේශයේ තැන තැන පාතාල කණ්ඩායම් සහ ප්රතිවිරුද්ධ කණ්ඩායම් අතර තර්ජනාත්මක බැනර් සහ පෝස්ටර් යුද්ධයක් ආරම්භ වී ඇතැයි ආරක්ෂක අංශ සදහන් කරයි
පොලිසිය සමග ඇති වූ වෙඩි හුවමාරුවකදී මිය ගිය මාකඳුරේ මධුෂ් නමැති පාතාල නායකයාගේ දේහය තැන්පත් කර තිබෙන මහරගම ගොඩිගමුව ” නිදහසේ නවාතැන” නමින් හඳුන්වන සූසාන භූමියේ ඉදිරිපිට ආරක්ෂක තාප්පයේ ක්ලබ් වසන්තගේ අවසන් කටයුතු සිදු කෙරුණු ඉකුත් (13) වෙනිදින මාකඳුරේ මදුශ් ගේ ඡායාරූපයක් යොදා සකස් කළ බැනරයක් ප්රදර්ශනය කර තිබිණි.
එහි දකුණු පස ” අපේ අයියේ….. එක එක්කෙනා එවනවා.අපි එනකම් බලාගන්න…. යනුවෙන් මදුෂ්ගේ ඡායාරූපයට දකුණු පසින් සටහන් කර එහි පහතින් කේ පි අයි යනුවෙන් ඉංග්රීසි අකුරු තුනක් සටහන් කර තිබූ බව පොලිසිය පවසයි.
ක්ලබ් වසන්ත ඝාතනය වූ දා වැලිකඩ සිරගෙදර කැරැල්ලේදී වෙඩි පහරින් මිය ගිය සංවිධානාත්මක අපරාධකරුවෙකු වූ කළු තුෂාර නමැත්තාගේ බිරිඳ (පසුකාලීනව මධුෂ්ගේ අනියම් බිරිද) මහරගම ගොඩිගමුව නිදහසේ නවාතැනේ සූසාන භූමිය වෙත පැමිණ ඉටිපන්දන් දැල්වූ බව බුද්ධි අංශ ආරංචි මාර්ග සඳහන් කරයි.
කිසියම් සංවිධානාත්මක කණ්ඩායමක් විසින් ඊයේ (14) මහරගම පමුණුව දුම්රියපොළ පාරේ මධුෂ්ගේ අනියම් බිරිඳගේ නිවස ආසන්නයේ ” පාතාලයේ හැම එකාම මදුශ් ගිය තැනට යන්න සැරසියල්ලා ” ” කැඳ ඉම්රාන්ගේ පවුලේ උන්ටත් එම දඬුවමයි” යනුවෙන් කුඩා පෝස්ටර් දෙකක් සටහන් කර එහි යටින් පා. ව . බ යනුවෙන් සටහන් කර ඇතැයි ද එලෙස සටහන් කර ඇත්තේ පාතාලය වළකන බළකාය යනුවෙන් අදහස් කළ හැකි යයි යැයි උසස් පොලිස් නිලධාරියෙක් පවසයි.
මේ ආකාරයෙන්ම සටහන් කරන ලද තර්ජනාත්මක සටහන් දෙකක් දෙමටගොඩ පොලිස් වසමේ ලක් හිරු සෙවණ මහල් නිවාස සංකීර්ණයේ ගේට්ටුවක සහ දෙමටගොඩ දුම්රිය අංගනය අසල ඇති දැන්වීම් ප්රදර්ශනය සඳහා ඇති බෝඩ් එකකද පෝස්ටර් දෙකක් අලවා ඇතැයි දැනගන්නට ඇත.
මේ පිළිබඳ පොලිස් මාධ්ය ප්රකාශක නියෝජ්ය පොලිස්පති නීතිඥ නිහාල් තල්දුව ගෙන් විමසීමේදී මෙසේ පැවසීය.
“එම බැනර් සහ පෝස්ටර් පොලිස් භාරයට ගෙන ඒ සෑම තර්ජනාත්මකමක සටහන් සම්බන්ධයෙන් සහ ඒවා ප්රදර්ශන කරන පුද්ගලයන් සම්බන්ධයෙන් මහරගම සහ දෙමටගොඩ පොලිසි මගින් විමර්ශන කිරීමට කටයුතු ආරම්භකර තිබෙනවා. ”
මෝටර් රථයක වැදී පදිකයන් දෙදෙනෙකද යටකල නුවරඑළියේ ගලි බවුසර් අනතුර…..
https://www.youtube.com/embed/5sgcg23WHXw?si=FeYIuRARGfWb8Nmn” title=
වසන්ත සුරේන්ද්ර පෙරේරාගේ දේහය මහජන ගෞරවය දැක්වීම සදහා තැම්පත් කෙරෙයි
https://www.youtube.com/embed/JosgYkqlbpY?si=4QDMAl6weWzrf8Zx” title=
“අපි කුණු රහට කැමති ඇති ඒත් එතනට ඔබව ආදේශ කරලා බලන්න” නීතීඥ අමිල එගොඩමහවත්ත කියපු සංවේදී ඇත්ත….
https://www.youtube.com/embed/xOateBfTj-4?si=f8tFqO-ZYaojETpQ” title=