තිවංක අශ්වින් කියන්නේ නිරූපණ ක්ෂේත්‍රයට අමුත්තෙක් නෙවෙයි.නිරූපණ අංශයේ තරඟයකින් නිරූපණ ක්ෂේත්‍රයට පැමිණි ඔවු මේ වන විට නිරූපණ ක්ෂේත්‍රයේ හා රංගන ක්ෂේත්‍රයේ කටයුතු කරමින් සිටිනවා.බොස්ටන් ලංකා වෙනුවෙන් තිවංක දැක්වූ කෙටි පිළිසඳරක් මේ.
තිවංක කොහොමද ක්ෂේත්‍රයට එන්නේ ?
ඇත්තටම මම නිරූපණ ක්ෂේත්‍රයට එන්නේ අහම්බයකින් කීවොත් නිවැරදී.2014 දී පවත්වන ලද නිරූපණය හා සම්බන්ද තරඟයකින් පසුව තමයි මම නිරූපණ ක්ෂේත්‍රයට පිවිසෙන්නේ
ඔබ නීති ශිෂ්‍යයෙක්,ඒ වගේම නිරූපණ ශිල්පියෙක්. අන්ත දෙකක් ඔබ එකවර නියෝජනය කරනවා.කොහොමද මේ වෙනස බැලන්ස් කරන්නේ ?
මම මේ වන විට අවසන් වසර නීති ශිෂ්‍යයෙක්.ඒ වගේම මානව සම්පත් කළමණාකරන උපාධි පාඨමාලාවේ අවසන් දින කිහිපය මේ වෙනකොටත් ගත වෙන්නේ.ඔබ කීවා වගේ මේ අන්ත දෙක බැලන්ස් කරන්න ටිකක් අමාරුයි තමයි.අර කතාවට කියනවා වගේ හිතුවොත් කරන්න බැරි දෙයක් නෑනේ.ඒ නිසා හැමදේම අභියෝග විදිහට අරන් අභියෝග වලට සතුටින් මුහුණ දෙනවා.
නිරූපණ ක්ෂේත්‍රයේ නිරූපණ ශිල්පිනියන්ට තියෙන තැන ශිල්පියෝන්ට නෑ නේද ? මොකක් ද ඒකට හේතුව ?
එහෙම වෙන්නත් පුළුවන්,නොවෙන්නත් පුළුවන් කියන තැනක මම ඉන්නේ.හැබැයි ඊටත් වඩා මම විස්වාස කරන දක්ෂතාවය,නිසි හැදෑරීම සහ කැපවීම දවසක නියමිත කෙනාව සොයාගෙන එයි කියලා.ඒ කෙනා කාන්තාවක්ද පිරිමියෙක් ද කියලා එතනදි අදාළ වෙන්නේ නෑ මම හිතන්නේ
නිරූපණ ක්ෂේත්‍රයට පිරිමියෙක් යොමු වීම තුළ ආර්ථිකමය අතින් වාසි දායක ද ? නිරූපණ ශිල්පියෙක් වෙලා පවුලක් නඩත්තු කරන්න පුළුවන් ද ?
ලංකාවේ නිරූපණ ක්ෂේත්‍රය වාණිජමය පදනමක් සහිතව ගොඩ නැගිලා නැති නිසා ඔබ ඔය කියන තත්ත්වය යම් මට්ටමකට පවතිනවා.උදාහරණයක් වශයෙන් ගත්තොත් අවස්ථාවන් පවතින්නේ සීමිත ප්‍රමාණයක්.ඊට සාපේක්ෂව යුරෝපය වගේ ගත්තොත් නිරූපණ ක්ෂේත්‍රය ම පදනම් වුණ ඉන්ඩස්ට්‍රියක් නිර්මාණය වෙලා තියෙනවා.ඉතින් අර ඔබ කිව්වා වගේ එහෙම බලද්දී සාපේක්ෂව ආර්ථිකමය අතින් අපි ඔවුන්ට වඩා පසු පසින් ඉන්නවා වෙන්න පුළුවන්.පවුලක් නඩත්තු කිරීම කියන කාරණයෙදී ඉතින් මුදල් නිසි පරිදි කළමනාකරණය කරගැනීමයි වැදගත්.කෝටියක් මාසෙකට ලැබුණත් වැඩක් නෑ කලමනාකරණය අසමත් නම්
තිවංක දැන් පෙම්වතෙක් ද
විශේෂ කෙනෙක් හිතේ ඉන්නවා.බලමු ඉතින් ඉදිරියට.කාලය ඒ දේවල් තීරණය කරාවි
මොනවද තිවංකගේ අලුත් වැඩ කටයුතු .. අවසාන වශයෙන් ඒ ගැනත් කියමු නේද ?
මේ කාල වකවානුවේ නම් අධ්‍යාපන කටයුතු වලට වැඩි අවධානයක් දීලා තියෙන්නේ.උපාධි දෙකේම අවසාන මාස දෙක ගෙවෙන්නේ.ඒ අතර තුර නිරූපණ වැඩ කටයුතු තෝරා බේරාගෙන කරගෙන යනවා.ඊට අමතරව මම විසින්ම රචනා කළ ගීතයක් එළිදක්වන්න බලාපොරොත්තුවෙන් ඉන්නවා
ඔබ දිගටම නිරූපණ ක්ෂේත්‍රයේ රැඳී ඉන්න බලාපොරොත්තුවෙනවද ?
නිරූපණ ශිල්පියෙකු සහ රංගන ශිල්පියෙකු ලෙස ඉදිරියටත් මම සම්බන්ද වේවි.
සංඛ රඹුක්වැල්ල
