බස්නාහිර පළාත් ආණ්ඩුකාර හනීෆ් යූසුෆ් මහතා එම ධුරයෙන් ඉල්ලා අස්වීමට අවශ්ය බව ජනාධිපති අනුර කුමාර දිසානායක මහතා වෙත දැනුම් දී තිබේ.
ලිපියක් යොමු කරමින් ඔහු සඳහන් කර ඇත්තේ, බස්නාහිර පළාත් ආණ්ඩුකාරවරයා ලෙස පවතින වගකීම්, විදේශ ආයෝජන පිළිබඳ ජනාධිපති විශේෂ නියෝජිත ලෙස පැවරී ඇති කාර්යයන් සහ පවුලේ වගකීම් සමබරව පවත්වාගෙන යාමේදී ඇති වී තිබෙන දැඩි අභියෝගාත්මක තත්ත්වය හේතුවෙන් තමන් මෙම තීරණය ගත් බවය.
විට්ස් කාර් එකක් ලක්ෂ 12කට ලබා දෙන බවට වත්මන් රජයේ මැති ඇමතිවරු පසුගිය මැතිවරණ සමයේ පොරොන්දු වුවත් අද වන විට වාහන මත අමතර 50%ක බද්දක් පැනවීමට රජය කටයුතු කර ඇති බව විපක්ෂ නායක සජිත් ප්රේමදාස මහතා පවසයි.
මෙම බදු පැනවීම නිසා වාහනවල මිල ඉහළ නොයන බවට මුදල් නියෝජ්ය ඇමතිවරයා කියා සිටින බවත් මෙවැනි විහිළු සහගත කතා රටට ඉදිරිපත් නොකර ජනතාවගේ පැත්තෙන් ආර්ථිකය විධිමත් ලෙස කළමනාකරණය කරන්නට කටයුතු කළ යුතු බව ද විපක්ෂ නායකවරයා පැවසීය.
එමෙන්ම ඔහු වැඩිදුරටත් සඳහන් කළේ මෙහි වගකීම ජනාධිපතිවරයා ප්රමුඛ රජයේ සහ රජයේ මන්ත්රීවරුන් 159දෙනාගේ වන බවය.
තිස්සමහාරාම වීරවිල පන්නෙගමුවේ දියබැදි විහාරයේ දී අංජලීපව්ව රජාමහා විහාරය, පන්නගමුව දියබැදි විහාරය,අකුරුගොඩ ශ්රී මංගලාරාම යන විහාරයන්හි විහාරාධිපති ලෙස කටයුතු කරන සිරි සුනන්ද වංශාවතංස සද්ධර්ම කීර්ති ශ්රී රුහුණු මාගම්පත්තුවේ ප්රධාන සංඝනායක පූජ්යපාද මාගම මහානාම ස්වාමීන් වහන්සේ බැහැ දැකීමෙන් අනතුරුව මාධ්ය වෙත අදහස් දක්වමින් විපක්ෂ නායක සජිත් ප්රේමදාස මහතා මේ බව කියා සිටියේය.
වාර්තගත ලෙස රුපියල අවප්රමණය වෙමින් රුපියලේ අගය ඩොලරයට සාපේක්ෂව ශීඝ්රගාමී ලෙස පහත වැටෙමින් පවතින බවත් මේ රුපියල අවප්රමාණය වීම තුළ උද්ධමනය වැඩි වි, බඩු මිල වැඩි වී වියදම් හා පිරිවැය වැඩි වී සමස්ත ජන ජීවිතය කඩා වැටෙමින් තිබෙන බවත් මෙහිදී ඔහු සඳහන් කළේය.
එමෙන්ම මෙම රුපියල අවප්රමාණය වීම වළක්වා ගැනිමට නම් අපනයන ආදායම වර්ධනය කර ගැනීමටත් සංචාරක කර්මාන්තය ප්රවර්ධනය කිරීමටත් රටට ලැබෙන විදේශ ප්රේෂණ වර්ධනය කර ගන්නවා සේම සෘජු විදේශ ආයෝජන වර්ධනය කර ගත යුතු බවත් මෙම කාර්යයන් සිදු නොකර ආර්ථිකය හරියාකාරව සකස් කර ගත නොහැකි බවත් විපක්ෂ නායක සජිත් ප්රේමදාස මහතා පැවසීය.
එහිදී ඔහු අවධාරණය කර සිටියේ වත්මන් ජනාධිපතිවරයා, මුදල් ඇමතිවරයා සහ රජය ආර්ථික ප්රතිපත්ති පිළිබඳ ආර්ථික විද්යාව ගැන මූලික අවබෝධයක් හෝ දැනුමක් නොමැති බවත් දවසින් දවස වැරදි ආර්ථික තීන්දු තීරණ ගැනිම නිසා අප රටේ ජනතාවට විශාල හානියක් සිදුවන බවත් ය.
එසේම විදේශ සංචිත ශක්තිමත් තැනකට තබා ගත යුතු බවත් රජය IMF සමඟ සාකච්ඡා කර ණය ගෙවීමේ නව ගිවිසුමකට නොයෑම නිසා මේ ගැටලු මැද ඇ.ඩොලර් බිලියන ගණනක ණයක් වාර්ෂිකව ගෙවීමට ඇති බවත් සජිත් ප්රේමදාස මහතා පැවසීය.
ඒ හේතුවෙන් රුපියල අවප්රමාණය වීම කළමනාකරණය කර ගන්නවා සේම ජනතාවට ජීවත් වීමට උපරිම ශක්තිය ප්රතිපාදන හා රාජ්ය මැදිහත්වීම ලබා දිය යුතු බවත් විපක්ෂ නායකවරයා මෙහිදී සඳහන් කර සිටියේය.
දෙමළ ජනතාව වෙනුවෙන් තමිල්නාඩු මහ ඇමැති හඬ අවදි කළයුතු බව පාර්ලිමේන්තු මන්ත්රී රාමනාදන් අර්ච්චුනා මහතා ප්රකාශ කර තිබේ.
තමිල්නාඩු මහ ඇමති ජෝශප් විජේ (තලපති විජේ) හමුවීම සඳහා මේ දිනවල චෙන්නායි නුවරට ගොස් සිටින මන්ත්රී අර්ච්චුනා, TVK අමාත්ය රාජ්මෝහන් මහතා හමුවීමෙන් අනතුරුව මාධ්ය වෙත අදහස් දක්වමින් මේ බව සඳහන්කර ඇත.
කෙසේ නමුත් මේ දක්වා ඔහුට විජේ හමුවීමට අවස්ථාවක් ලැබී නොමැති බව වාර්තා වේ.
එහිදී තවදුරටත් අදහස් දැක්වූ මන්ත්රී අර්ච්චුනා මහතා,
“මට මහ ඇමැති විජේ මහතා හමුවෙන්න හැකිවෙයි කියලා ලොකු විශ්වාසයක් නැහැ.
විජේ මහතා තමිල්නාඩු මහ ඇමති ධුරයේ දිවුරුම්දෙන අවස්ථාව සජීවීව දැකබලා ගන්න මට ලොකු ආසාවක් තිබුණා. නමුත් ඒ දවස්වල ලංකා පාර්ලිමේන්තුවේ කටයුතුවල නිරතව සිටි නිසා එය දැකබලා ගැනීමට නොහැකි වුණා.
තමිල්නාඩු ජනතාව ඓතිහාසික දේශපාලන වෙනසක් වෙනුවෙන් මෙවර ඡන්දය ප්රකාශ කර තිබෙනවා. මෙවැනි වෙනසක් සිදුවිය නොහැකි බව ප්රබල දේශපාලන විචාරකයින් පැවසුවා. නමුත් මම දිගින් දිගටම කියා සිටියේ මෙවැනි වෙනසක් සිදුවන බවයි “ යනුවෙන් ඔහු පැවසීය.
දෙමළ ජනතාව වෙනුවෙන් තමිල්නාඩු මහ ඇමැති හඬ අවදි කළ යුතු බවද ඔහු මෙහිදී පවසා තිබේ.
පාර්ලිමේන්තු මන්ත්රීවරුන් සඳහා වන තැපැල් පහසුකම්වලට අදාළ නව මුද්දර දෙකක් නිකුත් කර තිබේ.
ඒ, කථානායක වෛද්ය ජගත් වික්රමරත්න මහතාගේ ප්රධානත්වයෙන් පසුගියදා පාර්ලිමේන්තු පුස්තකාලයේදීයි.
මේ අනුව රුපියල් 20 සහ රුපියල් 70 යන වටිනාකම්වලින් යුත් නව මුද්දර ද්විත්වයක් නිකුත් කළ බව පාර්ලිමේන්තු සන්නිවේදන දෙපාර්තමේන්තුව සඳහන් කළේය.
ශ්රී ලංකා තැපැල් දෙපාර්තමේන්තුවේ මුද්දර කාර්යාංශය විසින් මෙම මුද්දරය නිකුත් කිරීම සිදු කර ඇත.
මේ මගින් පාර්ලිමේන්තු මන්ත්රීවරුන්ගේ විවිධ තැපැල් අවශ්යතා පහසුවෙන් ඉටුකර ගැනීමට අවකාශය උදා වන බව සඳහන්ය.
ජාතික පොලිස් කොමිෂන් සභාවේ නිල කාලය හෙටින් (15) අවසන්වීමට නියමිතව තිබේ.
ඒ අනුව මෙම කොමිෂන් සභාවේ අවසන් රැස්වීම අද (14) පැවැත්වීමට නියමිතව ඇත.
නිල කාලය හෙටින් අවසන් වූවත් කොමිෂන් සභාව සඳහා නව සාමාජිකයින් පත් කරන තුරු මෙම නිලධාරින් එම ධුරවල කටයුතු කරනු ඇති බව සඳහන්ය.
2023 වසරේ මැයි 15 වෙනිදා පත් කෙරුණු මෙම කොමිෂන් සභාවේ සභාපතිවරයා ලෙස කටයුතු කරනු ලැබුවේ, විශ්රාමලත් මහාධිකරණ විනිසුරු ලලිත් ඒකනායක මහතාය.
ජාතික පොලිස් කොමිෂන් සභාවට සභාපතිවරයකු සහ සාමාජිකයින් හතර දෙනෙකු පත් කරනු ලබන්නේ ජනාධිපතිවරයා විසිනි.
ආණ්ඩුක්රම ව්යස්ථා සභාවේ නිර්දේශය මත ජනාධිපතිවරයා විසින් මෙම පත් කිරීම් සිදු කරනු ලබයි.
2022 ඔක්තෝම්බර් මස 31 වන දින පාර්ලිමේන්තුව විසින් සම්මත කරන ලද ආණ්ඩුක්රම ව්යවස්ථාවේ 21 වන සංශෝධනය මගින් ස්වාධීන කොමිෂන් සභා නවයක් පත් කිරිමට අපේක්ෂා කෙරිණි.
ජාතික පොලිස් කොමිෂන් සභාව මෙම ස්වාධීන කොමිෂන් සභා නවයෙන් එකක් වන අතර ශ්රී ලංකා පොලිසිය සහ පොලිස් නිලධාරීන් සම්බන්ධයෙන් පුළුල් බලතල සහිත අධීක්ෂණ කාර්ය භාරයක් ඊට පැවරී තිබේ.
ස්වාධීන කොමිෂන් සභාවක් ලෙස ජාතික පොලිස් කොමිෂන් සභාව ප්රථම වරට ස්ථාපිත කරන ලද්දේ 17 වන ව්යවස්ථා සංශෝධනය යටතේ 2002 වර්ෂයේදීය.
හිමිකරුවකු නොමැති ඉඩමක් ලෙස ප්රකට මල්වානේ පිහිටි ඉඩම සහ නිවස ඇතුලු දේපොළ විශ්වවිද්යාල ඇතුළු පොදුජනතා පරිහරණය සඳහා පවරන ලෙස ඉල්ලා අන්තර් විශ්වවිද්යාලයීය ශිෂ්ය බලමණ්ඩලය අද (14) විරෝධතා ක්රියාමාර්ගයක නිරතවිය.
වත්මන් ආණ්ඩුව බලයට පැමිණීමේදී ‘ජනතාවගෙන් සොරකම් කළ දේපොළ ජනතාවට යළි පවරන බවට වූ පොරොන්දුව’ මතක් කරමින් ඔවුන් මෙම විරෝධතා ක්රියාමාර්ගයේ නිරතව සිටී.
එහිදී ඔවුන් ඉල්ලා සිටින්නේ අදාළ දේපොළ ඉඩකඩ සීමිත විශ්වවිද්යාල සඳහා සහ පොදුජන පරිහරණය සඳහා පවරන ලෙසය.
අක්කර 15ක පමණ භූමි ප්රදේශයක මෙම නිවස ඉදිකර ඇති අතර, ඊට හිමිකරුවෙකු නොමැතිවීම හේතුවෙන් අධිකරණ අමාත්යාංශය යටතට පවරාගෙන තිබුණි.
ඒ මෙම නිවසට තමාගේ කිසිදු සම්බන්ධයක් නොමැති බවට බැසිල් රාජපක්ෂ මහතා නීතිඥයින් මාර්ගයෙන් අධිකරණයට දැනුම්දී තිබූ පසුබිමකය.
පසුව අදාළ නිවස සහ ඉඩම වෙන්දේසි කරන ලෙස අධිකරණය නියෝග කළේය.
අරගල සමයේදී මෙම නිවසට කිසියම් පිරිසක් ගිනිතබා තිබූ අතර, ගිනි ගැනීමෙන් නිවසේ කොටසකට හානි සිදුවිය.
පසුව මෙම නිවයේ ජාත්යන්තර විනිසුරු පර්යේෂණ සහ පුහුණු මධ්යස්ථානයක් ආරම්භ කිරීමට සැලසුම් කර තිබුණද, එය දීර්ඝ කාලයක් මුළුල්ලේ ක්රියාත්මක වී නොතිබුණි.
එම තත්ත්වය තුළ හිමිකරුවෙකු නොමැති මෙම නිවස තමන්ට ලබාදෙන ලෙස අන්තර් විශ්වවිද්යාලයීය ශිෂ්ය බලමණ්ඩලය මෙම ඉල්ලීම සිදුකර තිබේ.
බෙලරුස් රාජ්යයේ සංචාරයක නිතරව සිටින විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා අද (14) එරට ජනපති ඇලෙක්සැන්ඩර් ලුකෂෙන්කෝ මහතා හමුවී ද්විපාර්වීය සාකච්ඡා පවත්වා තිබේ.
දෙරට අතර ආර්ථික සබඳතා නිෂ්පාදන කාණ්ඩ කිහිපයකට සීමා වී ඇති බව පෙන්වා දී ඇති ජනපති ලුකෂෙන්කෝ මහතා, එම සහයෝගීතාව තවදුරටත් පුළුල් කිරීම සඳහා අවධානය යොමුකර ඇත.
ඒ අනුව දෙරටටම ප්රතිලාභ සැලසෙන වෙළෙඳ, කර්මාන්ත, කෘෂිකාර්මික, අධ්යාපන සහ දෙරටේ ජනතාව අතර සබඳතා වැනි ක්ෂේත්රයන්හි සහයෝගීතාව වර්ධනය කර ගැනීම සඳහා පැහැදිලි දැක්මක් සහිත මාර්ග සිතියමක් සකස් කිරීම පිළිබඳව මෙහිදි සාකච්ඡා කර තිබේ.
ඒ අනුව දෙරටේ රාජ්ය නියෝජිතයන්ගේ සහාය ඇතිව ශ්රී ලංකාවට සහාය විය හැකි අවස්ථාවන් සම්බන්ධයෙන් සොයාබැලීමටත් එකඟතාවත් පළකර තිබේ.
ශ්රී ලංකාව සහ බෙලරුස් අතර මේ දක්වා ජාත්යන්තර නීතිමය ගිවිසුම් 8කට අත්සන් තබා ඇති අතර, වෙළඳ හා ආර්ථික සහයෝගීතාව පිළිබඳ ඒකාබද්ධ කොමිසමක් ද ක්රියාත්මකය.
පසුගිය වසරේ දෙරට අතර වෙළෙඳාම ඩොලර් මිලියන 23.6ක් වූ අතර, එය 2024 වසර හා සැසදීමේ 227%ක වර්ධනයක් බව සඳහන්ය.
ශ්රී ලංකාව සහ බෙලරුස් අතර රාජ්ය තාන්ත්රික සබඳතාවලට වසර 25ක් මෙම වසරට සම්පූර්ණ වේ.
පාර්ලිමේන්තුව මැයි 19 සිට 22 දක්වා දින හතරක් රැස්වීමට නියමිත බව පාර්ලිමේන්තුවේ වැඩබලන මහලේකම් හංස අබේරත්න මහතා පවසයි.
නියෝජ්ය කථානායක වෛද්ය රිස්වි සාලි මහතාගේ ප්රධානත්වයෙන් මැයි 08 වැනිදා පැවති පාර්ලිමේන්තු කටයුතු පිළිබඳ කාරක සභාවේදී අදාළ දිනවලට නියමිත කටයුතු තීරණය කර තිබේ.
ඒ අනුව, පාර්ලිමේන්තුව රැස්වන සෑම දිනකම පෙරවරු 9.30 සිට 10.00 දක්වා කාලය ස්ථාවර නියෝග යටතේ පාර්ලිමේන්තු කටයුතු සඳහා වෙන් කර ඇති අතර, පෙරවරු 10.00 සිට 11.00 දක්වා වාචික පිළිතුරු අපේක්ෂා කරන ප්රශ්න සඳහාත්, පෙරවරු 11.00 සිට 11.30 දක්වා ස්ථාවර නියෝග 27(2) යටතේ ප්රශ්න සඳහාත් වෙන් කර ඇත.
මැයි 19 අඟහරුවාදා, පෙරවරු 11.30 සිට පස්වරු 5.00 දක්වා දේශීය ආදායම් සංශෝධන පනත් කෙටුම්පත දෙවැනි වර කියවීමේ විවාදය පැවැත්වීමට නියමිත අතර, අනතුරුව විපක්ෂය විසින් ගෙන එන සභාව කල්තැබීමේ යෝජනාව විවාදයට ගැනීමට නියමිතය.
මැයි 20 බදාදා, පෙරවරු 11.30 සිට ප.ව 5.30 දක්වා ආණ්ඩු පක්ෂය විසින් ගෙනෙනු ලබන යෝජනාව අනුව ශ්රී ලංකා මහ බැංකුව විසින් 2025 වර්ෂය සඳහා නිකුත් කළ ආර්ථික සමාලෝචනය පිළිබඳ වාර්තාව සම්බන්ධයෙන් සභාව කල් තැබීමේ විවාදය පැවැත්වීමටත් මෙහිදී තීරණය විී ඇත.
මැයි 21 බ්රහස්පතින්දා, ආනයන හා අපනයන (පාලන) පනත යටතේ රෙගුලාසි කිහිපයක් සහ විසර්ජන පනත යටතේ යෝජනා සම්මතයන් කිහිපයක් විවාදයට ගැනීමට නියමිතය.
මැයි 22 සිකුරාදා පෙ.ව 11.30 සිට ප.ව 5.00 දක්වා කාලය අභාවප්රාප්ත හිටපු පාර්ලිමේන්තු මන්ත්රීවරුන් වෙනුවෙන් ශෝක ප්රකාශ යෝජනා ඉදිරිපත් කිරීම සඳහා කාලය වෙන් කර ඇත. ඒ අනුව (මහාචාර්ය) තිස්ස විතාරණ, එස්.සී මුතුකුමාරණ, චන්ද්රදාස ගලප්පත්ති, නන්දන ගුණතිලක, ජනක් මහේන්ද්ර අධිකාරි සහ කනගසබෙයි තම්මන්පිල්ලෙයි යන අභාවප්රාප්ත හිටපු ගරු පාර්ලිමේන්තු මන්ත්රීවරුන් වෙනුවෙන් ශෝක යෝජනා ඉදිරිපත් කිරීමට නියමිතය.
අනතුරුව පස්වරු 5.00 සිට 5.30 දක්වා සභාව කල්තබන අවස්ථාවේ ප්රශ්න සඳහා කාලය වෙන් කර ඇති බවද පාර්ලිමේන්තුව සඳහන් කරයි.
ඉන්ධන පරිභෝජනය අඩුකිරීම රජයේ ඉලක්කය වන බවත් ඒ අනුව ඉන්ධන මිල ඉහළ දැමීම ආදී තීන්දු තීරණවලට එළැඹුණු බවත් ජනාධිපති අනුර කුමාර දිසානායක මහතා පවසයි.
නුවරඑළිය දිස්ත්රික් විශේෂ සම්බන්ධීකරණ කමිටු රැස්වීමට එක්වෙමින් ජනාධිපතිවරයා වැඩිදුරටත් සඳහන් කර සිටියේ, ලෝක වෙළෙඳපොළේ ඉන්ධන මිල වැඩිවීම හමුවේ මෙරට ඩීසල් ලීටරයක මිල රු 720ක් දක්වා ඉහළ ගොස් ඇති බවය.
එහෙත් රජය විසින් ඩීසල් ලීටරයක් සඳහා රු 100ක මුදලක් වැය කරමින් රු 392ක මුදලකට ජනතාවට ලබාදීමට කටයුතු කිරීම තුළ ද සංස්ථාව පාඩු ලබමින් සිටින අතර, එය දීර්ඝ කාලීනව සිදුකළ නොහැකි බවද ජනාධිපතිවරයා මෙහිදී අවධාරණය කළේය.
වැඩිදුරටත් අදහස් දැක්වු ජනාධිපතිවරයා,
පෙබරවාරි මාසයේ දී අපට තෙල් අනායනයට වැය වී තිබුණේ, ඩොලර් මිලියන 98යි. මාර්තු මාසයේ දී අපිට වැයවෙලා තියෙනවා ඩොලර් මිලියන 216ක්. අප්රේල් මාසයේ දී අපට වැයවෙලා තියෙනවා ඩොලර් මිලියන 368ක්. මැයි මාසයේ දී අපි ගණනය කරා අපිට වැයවෙනවා ඩොලර් මිලියන 522ක්. පෙබරවාරිය හා සංසන්දනය කරලා බලද්දි 6 ගුණයකට වඩා වැඩි ප්රමාණයක් තෙල් ආනයනය සිදුවෙලා තියෙනවා. අපිට යම් අභියෝගයක් සමඟ තමා ආර්ථිකය කළමනාකරණය කරන්න වෙන්නේ.
තෙල් වියදම බැලුවොත් පෙට්රෝලියම් එකෙන් කියලා තිබුණා ආසන්න වශයෙන් ඩීසල් ලීටරයක මිල රු 720ක් වෙනවා කියලා. හැබැයි ඩීසල් ලීටරයක් ලබාදෙන්නේ 392කට. අපි ආණ්ඩුවෙන් රු 100ක වැයබරක් දරනවා. එතකොට තෙල් සංස්ථාවට ලැබෙන්නේ රු 492යි. එතනත් ඔවුන්ට විශාල පාඩුවක් තියෙනවා. ඒ පාඩුව පියවා ගන්න අවශ්යයි. තෙල් සංස්ථාවේ විශාල පාඩුවක් ආණ්ඩුව අරන් තියෙන්නේ. ඒ පසුගිය කාලයේ ආණ්ඩු නිසි කළමනාකරණයක් නොකළ නිසා. බිලියන 84ක පාඩුවක්. සංස්ථාව භාණ්ඩාගාරයට පවරා ගෙන තියෙන්නේ.
විදුලි බිලත් එහෙම තමා. තෙල් වැඩිවීම නිසා අද බලපෑමක් එල්ල වෙලා තියෙනවා. අපි ඒකටත් යම් සහනයක් දෙන්නම්. විදුලි බිල 18%කින් වැඩි වෙද්දි 95%කට වැඩිවීම බලපාන්නේ නැති ආකාරයකට. 5%කට වගේ තමා විදුලිබිල වැඩි වුණේ.
නමුත් දිගටම අපිට තෙල් සංස්ථාව, විදුලිබල මණ්ඩලයට භාණ්ඩාගාරයෙන් මුදල් ලබාදෙමින් පවත්වාගෙන යන්න බෑ. ඒවා කාර්යක්ෂම කරගන්න ඕනේ. ජනතාවට ප්රතිලාභ ලැබෙන විදියට අනිත් දේවල් කළමනාකරණය කරන්න ඔ්නේ.
ඉන්ධන පරිභෝජනය අඩුකිරීමේ ඉලක්කයක් තියෙනවා. මොකද වැඩි මිලකට ඉන්ධන මිල ඉහළ ගියාම පරණ පරිභෝජනය තිබුණොත් ඩොලර් ගලාගෙන යන ප්රමාණය වැඩිවෙනවා. ඒ නිසා යම් ප්රමාණයකට අපි පරිභෝජනය අඩුකිරීමේ අවශ්යතාවයෙන් තමා අපි යම් තීන්දු තීරණ අරන් තියෙනවා. අපි උත්සාහ කරනවා ඉන්ධන සම්බන්ධයෙන් විසඳුම් ඉක්මනින් ලබාදෙන්නම්.
ලංකා ඛනිජ තෙල් නීතිගත සංස්ථාවට අයත් රුපියල් ලක්ෂ 61 කට අධික මුදලක් සාවද්ය ලෙස පරිහරණය කළ බවට චෝදනා ලැබ සිටින හිටපු අමාත්ය අනුර ප්රියදර්ශන යාපා මහතා ඇතුළු විත්තිකරුවන් හත්දෙනෙකුට එරෙහි නඩුව වැඩිදුර විභාගය සඳහා ලබන ජූනි මස 19 වනදා කැඳවීමට කොළඹ මහාධිකරණය අද (13) නියෝග කළේය.
කොළඹ මහාධිකරණ විනිසුරු උදේශ් රණතුංග මහතා ඉදිරියේ මෙම නඩුව අද කැඳවනු ලැබූ අතර, එහිදී විත්තිකාර හිටපු අමාත්ය අනුර ප්රියදර්ශන යාපා මහතා සහ ඔහුගේ බිරිඳ ඇතුළු විත්තිකරුවන් පිරිස අධිකරණය හමුවේ පෙනී සිටියේය.
දෙපාර්ශවයේ කරුණු සලකා බැලූ විනිසුරුවරයා නඩු විභාගය ජූනි 19 වනදාට කල් තැබීමට තීන්දු කර තිබේ.
2014 වසරේ දෙසැම්බර් මස 26 වනදා සහ 2015 ජනවාරි මස 26 වනදා අතර කාලසීමාව තුළ ගංවතුර ආධාර සපයන බව පවසමින් ලංකා ඛනිජ තෙල් නීතිගත සංස්ථාවට අයත් රුපියල් 6,146,110ක මුදලක් අනීතික ලෙස වැය කර මූල්ය වංචාවක් සිදුකර ඇති බව නීතිපතිවරයා විසින් ගොනුකළ අධිචෝදනා පත්රයේ සඳහන් වේ.
