ගංවතුරෙන් පීඩාවට පත් පවුල්වලට නිවාස පිරිසිදු කරගැනීම සඳහා රුපියල් 10,000 බැගින් ලබාදීමට රජය තීරණය කර තිබෙනවා.
ඒ අනුව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් අද (06) මේ බව සඳහන් කළා.
Category: news_main
Latest News
මෝදි සෙනසුරාදා දිවුරුම් දෙයි
ඉන්දීය මහ මැතිවරණයෙන් ජය ලැබූ නරේන්ද්ර මෝදි සිය තුන්වැනි ධුර කාලය සඳහා සෙනසුරාදා (08) දිවුරුම් දීමට නියමිත බව ඉන්දීය මාධ්ය වාර්තා කර තිබෙනවා.
ඒ අනුව නව කැබිනට් මණ්ඩලය ද එහිදී දිවුරුම් දීමට නියමිතව ඇති බවයි ඉන්දීය මාධ්ය වාර්තා කර තිබෙන්නේ.
භාරතීය ජනතා පක්ෂයට තනිවම බහුතර බලය හිමි නොවුණත්, භාරතීය ජනතා පක්ෂය ප්රමුඛ ප්රජාතන්ත්රවාදී සන්ධානයට බහුතර බලය හිමිවීමත් සමඟ පිට පිට තෙවැනි වරටත් ෙමෝදි අග්රමාත්ය ධූරයට පත් වුණා.
ගාල්ල සහ මාතර දිස්ත්රික්කවල පාසල් හෙට ආරම්භ වෙයි
ගාල්ල සහ මාතර දිස්ත්රික්කවල සියලුම පාසල් හෙට (06) දිනයේ යළි විවෘත කරන බව දකුණු පළාත් අධ්යාපන අමාත්යංශය පවසනවා.
ඒ අනුව දැනට ගංවතුර තර්ජනයට ලක්ව ඇති සහ අවතැන් කඳවුරු සහිත පාසල් වසා තැබීම සම්බන්ධයෙන් තීරණය කිරීමේ බලය කලාප අධ්යක්ෂකවරුන්ට පවරා ඇති බවයි වැඩිදුරටත් සඳහන් වෙන්නේ.
අදාළ නිවේදනය පහතින්.
මේ කරන්නේ ජනතාවගේ අවධානය වෙනත් කරනාවලට යොමු කිරීම – මහින්ද දේශප්රිය
මැතිවරණය කල් දැමිය යුතු බවට සිදුකරන ප්රකාශ හරහා සිදු කරන්නේ ජනතාවගේ අවධානය වෙනත් කාරණාවලට යොමු කිරීම බව හිටපු මැතිවරණ කොමසාරිස් මහින්ද දේශප්රිය පවසනවා.
ජනමත විචාරණය සම්බන්ධයෙන් කරුණු සාකච්ඡා කිරීමෙන් වැළකිය යුතු බවයි අද (04) පැවති මාධ්ය හමුවකට එක්වෙමින් ඔහු සඳහන් කළේ.
සමහර දේශපාලඥයින්ට අවශ්ය වන්නේ එම මාතෘකාව සමඟම කටයුතු කිරීම මිස අර්ථික, අධ්යාපන, සෞඛ්ය, පොදු ප්රවාහනය හා ඉපැයීම් වැඩි කර ගන්නා ආකාරය සම්බන්ධයෙන් සාකච්ඡාවක් සිදු නොකරන බවයි හිටපු මැතිවරණ කොමසාරිස්වරයා පෙන්වා දුන්නේ.
එක්සත් ජාතික පක්ෂ මහ ලේකම් පාලිත රංගේ බණ්ඩාරගේ මුට්ටිය මේ වන විට චප්ප කර අවසන් බවයි හිටපු මැතිවරණ කොමසාරිස් මහින්ද දේශප්රිය වැඩිදුරටත සඳහන් කළේ.
පොසොන් සතිය පුරාවට ප්රාදේශිය ලේකම් කොට්ඨාශ 03 ක සියළුම සුරාසැල් වැසීමට තීරණයක්
ජුනි මස 18 වනදා සිට 24 වනදා දක්වා කාලය තුළ ප්රාදේශීය ලේකම් කොට්ඨාශ කිහිපයක සුරාසැල් වසා තැබීමට තීරණය කර ඇති බව සුරාබදු දෙපාර්තමේන්තුව පවසනවා.
ඒ අනුව මධ්යම නුවරගම් පළාත, නැගෙනහිර නුවරගම් පළාත සහ මිහින්තලේ යන ප්රාදේශීය ලේකම් කොට්ඨාශ 03හි මෙලෙස අදාළ කාලසීමාව තුළ සියලුම බලපත්ර ලත් සුරාසැල් වසා තැබෙන බවයි සඳහන් වෙන්නේ.
පොසොන් සතිය හේතුවෙන් මෙම තීරණය ගත් බවයි සුරාබදු දෙපාර්තමේන්තුව නිකුත් නිවේදනයේ වැඩිදුරටත් දැක්වෙන්නේ.
ගම්පහ, කැලණිය සහ කඩුවෙල අධ්යාපන කලාපවල සියලුම පාසල් සඳහා හෙට නිවාඩු ලබාදෙයි
පවතින අයහපත් කාලගුණ තත්ත්වය සැලකිල්ලට ගනිමින් ගම්පහ, කැලණිය සහ කඩුවෙල අධ්යාපන කලාපවල සියලුම පාසල් සඳහා හෙට (04) දිනයේ නිවාඩු ලබාදී තිබෙනවා.
පවතින අයහපත් කාලගුණික තත්ත්වයත් සමග පළාත් අධ්යාපන අධ්යක්ෂවරයා විසින් මෙම තීරණය ගෙන තිබෙනවා.
Cryptocurrency ඉතා අස්ථායී සහ අවදානම් සහිත වත්කමක් – මහ බැංකු අධිපති
ඇතැම් වෙළඳපලවල Cryptocurrency වත්කම් පන්තියක් ලෙස හඳුනාගෙන තිබුණද, එය ඉතා අස්ථායී සහ අවදානම් සහිත වත්කමක් බව මහ බැංකු අධිපති ආචාර්ය නන්දලාල් වීරසිංහ පවසනවා.
එබැවින් ප්රශ්නය වන්නේ නිසි නියාමනයක් සහ අධීක්ෂණයක් නොමැති, ඉතා අස්ථායී සහ අවදානම් සහිත වත්කම්වල ආයෝජනය කිරීමට මහජනතාවට අවශ්යද යන්න බවයි ඔහු පෙන්වා දෙන්නේ.
එවැනි ස්ථායී නොවන වත්කමක ආයෝජනය කිරීම සඳහා ජනතාවට විශ්වාසයක් ඇති කිරීමට නම්, ඒ සඳහා නිසි ශක්තිමත් නියාමන යාන්ත්රණයක් තිබිය යුතු බව ඔහු සඳහන් කරනවා.
අනවසර තැන්පතුවල ආයෝජනය කිරීම මහ බැංකුව විසින් අධෛර්යමත් කිරීමට හේතුව එය බවයි ඔහු වැඩිදුරටත් පෙන්වා දෙන්නේ.
හදිසි අවස්ථාවකදී සහය ලබා ගැනීමට පොලිසියෙන් දුරකථන අංක දෙකක් හඳුන්වා දෙයි
අයහපත් කාලගුණික තත්ත්වයෙන් පීඩාවට පත් ජනතාවට සහන සැලසීම සඳහා පොලීසිය විශේෂ ආපදා සහන ඒකකයක් ස්ථාපිත කර තිබෙනවා.
ඒ අනුව 011- 242 1820 සහ 011- 242 1111 යන දුරකථන අංක ඔස්සේ ආපදා සහන අවශ්යතා වෙනුවෙන් ජනතාවට ඇමතුම් ලබාදිය හැකි බවයි පොලීසිය වැඩිදුරටත් සඳහන් කළේ.
දුම්රිය මාර්ගයේ බස් රථය ධාවනය කළ රියදුරු අත්අඩංගුවට
දුම්රිය මාර්ගයේ බස් රථයක් ධාවනය කළ සිද්ධියට අදාළව එම බස් රථයේ රියදුරු පොලීසිය විසින් අත්අඩංගුවට ගෙන තිබෙනවා.
සැකකාර බස් රියදුරු ඇඹිලිපිටිය ප්රදේශයේදී අත්අඩංගුවට ගත් බවයි පොලිස් මාධ්ය ප්රකාශක නියෝජ්ය පොලිස්පති නීතිඥ නිහාල් තල්දූව සඳහන් කළේ.
අදාළ රියදුරු සිය බස් රථය පුවක්පිටිය ප්රදේශයේදී කැලණිවැලි දුම්රිය මාර්ගයේ ධාවනය කරන අයුරු දැක්වෙන වීඩියෝ කිහිපයක් සමාජ මාධ්ය ඔස්සේ හුවමාරුවී තිබුණා.
අද රට බංකොලොත් වෙලා තියෙන්නේ ණය අරගෙන ආදායමක් නොලබන ව්යාපෘතිවලට යෙදවීම නිසා – සජිත්
අද වන විට රට බංකොලොත් වී ඇත්තේ ණය ලබාගෙන ආදායමක් නොලබන ව්යාපෘතිවලට යෙදවීම නිසා බව විපක්ෂ නායක සජිත් ප්රේමදාස පවසනවා.
මෙම න්යාය කුඩා කඩයකට පවා අදාල බවත්, කඩයකට ණයට බඩු භාණ්ඩ මිල දී ගෙන, ඒවා අලෙවි නොවුනහොත් ණය ගෙවීමට නොහැකිවීම නිසා කඩය වසා දැමීමට සිදුවන බවයි ඔහු පෙන්වා දුන්නේ.
රටක් ව්යාපෘති කිරීමේදී වැයවන මුදල නැවත උපයාගත හැකිදැයි ගණන් සාදා බැලිය යුතු බවද, අද රටම ඉල්ලං කා ඇත්තේ එසේ නොකර විවිධ පුද්ගලයින්ගේ ප්රතිරූප නිර්මාණය කිරීම සඳහා ගිනි පොළියට ණය රැගෙන ව්යාපෘති ක්රියාත්මක කිරීම නිසා බවයි ඔහු සඳහන් කළේ.
වචනයට රැවටී රටේ ජනතාව ඔවුන්ට වරමක් ලබාදුන් බවද, එසේ වරම ලබාගත් අය තමන්ට සහ තම පවුල්වලට රටම සින්නකර ඔප්පුවෙන් ලියාගත් බවද ඔහු වැඩිදුරටත් සඳහන් කළා.