Latest News
ශ්රී ලංකා මහ බැංකුව දෛනිකව නිකුත් කරන විනිමය අනුපාතිකය අනුව අද (11) දිනයේ එක්සත් ජනපද ඩොලරයේ මිල යළිත් ඉහළ යාමක් සිදුව තිබෙනවා.
ඒ අනුව අද (11) ඩොලරයක ගැනුම් මිල රු.298.45 ක් ලෙස හා විකුණුම් මිල රු.308.00 ක් ලෙසයි ශ්රී ලංකා මහ බැංකුව නිවේදනය කර තිබෙන්නේ.
මෙම ඉහළ යෑම ශ්රී ලංකා මහ බැංකු වෙබ් අඩවියේ දක්වා ඇති ආකාරය පහතින්.
දෙස් විදෙස් ආර්ථික විශේෂඥයින් පිරිසක් සහ ජාතික ජන බලවේගයේ නියෝජිතයින් අතර හමුවක් අද (10) සිදුවී තිබෙනවා.
ආර්ජන්ටිනාවේ හිටපු ආර්ථික අමාත්ය සහ කොලොම්බියා විශ්වවිද්යාලයේ මහාචාර්ය Martin Guzman, මැසචුසෙට්ස් විශ්වවිද්යාලයේ මහාචාර්ය Jayathi Ghosh, එක්සත් ජාතීන්ගේ සහස්රක ව්යාපෘතියේ හිටපු කලාපීය අධ්යක්ෂ Charls Abugre, යාපනය විශ්වවිද්යාලයේ ජ්යෙෂ්ඨ කථිකාචාර්ය ආචාර්ය Ahilan Kadirgamar ඇතුළු පිරිසක් මෙම හමුව සඳහා එක් වූ බවයි එම පක්ෂය පැවසුවේ.
ජාතික ජන බලවේගය වෙනුවෙන් එහි ජාතික විධායක සභිකයින් වන ආචාර්ය හරිනි අමරසූරිය, වෛද්ය නලින්ද ජයතිස්ස සහ මහාචාර්ය අනිල් ජයන්ත ඇතුළු නියෝජිතයින් පිරිසක් හමුව සඳහා සහභාගී වී තිබෙනවා.
ශ්රී ලංකාව මුහුණ දෙමින් සිටින ආර්ථික අර්බුදය, ජාත්යන්තර මූල්ය අරමුදලේ මැදිහත්වීම් සහ ආණ්ඩුවේ ආර්ථික ක්රියාමාර්ග පිළිබඳව මෙහිදී දීර්ඝ ලෙස සාකච්ඡාවට බඳුන් වූ බවයි එම පක්ෂය වැඩිදුරටත් සඳහන් කළේ.
ශ්රී ලංකා මහ බැංකුව දෛනිකව නිකුත් කරන විනිමය අනුපාතිකය අනුව පසුගිය දින කිහිපය තුළ එක්සත් ජනපද ඩොලරයේ මිල යළි ඉහළ යාමක් සිදුව තිබෙනවා.
ඒ අනුව අද (10) ඩොලරයක ගැනුම් මිල රු.297.93 ක් ලෙස හා විකුණුම් මිල රු.307.52 ක් ලෙසයි ශ්රී ලංකා මහ බැංකුව නිවේදනය කර තිබෙන්නේ.
මෙම ඉහළ යෑම ශ්රී ලංකා මහ බැංකු වෙබ් අඩවියේ දක්වා ඇති ආකාරය පහතින්.
දුම්රිය එංජින් රියදුරන් විසින් ආරම්භ කළ වැඩවර්ජනය තුන්වන දිනටත් අද (09) ක්රියාත්මක වන බව ලොකෝමෝටිව් ඔපරේටින් ඉංජිනේරු සංගමය පවසනවා.
දුම්රිය ධාවනාගාර 5න් ධාවනාගාර දෙකක රියදුරන් පමණක් එම වර්ජනයට එක්ව සිටින අතර මේ හේතුවෙන් බලවේග කට්ටල දුම්රිය ධාවනය සිදුනොවන බව සඳහන් වෙන්නේ.
දෙවන පෙළ උසස් වීම් ලබාදීම ප්රමාද වීම, බඳවාගැනීම් ප්රමාද වීම ඇතුළු ගැටලු කිහිපයක් මුල්කර ගනිමින් ඔවුන් එම වෘත්තීය ක්රියාමාර්ගය පසුගිය 06 වනදා මධ්යම රාත්රී 12.00 සිට ආරම්භ කර තිබුණා.
24-06-09
කැකිරාව කුෂාන් ජයවර්ධන
මරදන්කඩවල සැකකටයුතු පුද්ගල මරණයක්
අද (09) පස්වරුවේ මරදන්කඩවල පොලිස් වසමට අයත් මාමිණියාව ප්රෙද්ශයේ මාර්ගයක තිබී සැකකටයුතු ලෙස මිය ගිය පුද්ගලකුගේ මළ සිරුරරක් මරදන්කඩවල පොලිස් ස්ථානයේ නිලධාරීන් විසින් සොයා ගෙන තිබේ.
මාමිණියාව ප්රෙද්ශවාසීන් විසින් එම සැකකටයුතු මළ සිරුර සම්බන්ධයෙන් මරදන්කඩවල පොලිස් ස්ථානයට කර ඇති දැනුම් දීමක් අනුව සිදුකළ සෝදිසියකදී එම මළ සිරුර සොයා ගැනීමට පොලිසියට හැකිව තිබේ.
මාමිණියාව වැවේ පිට වාන ආසන්නයේ මාර්ගයේ තිබී එම සැකකටයුතු පුද්ගල මළ සිරුර සොයා ගත් බව පොලිසිය පවසයි.
එම සැකකටයුතු මරණය සම්බන්ධයෙන් මේ වනවිට පොලිස් පරීක්ෂණ අාරම්භ කර ඇති අතර සිද්දිය සම්බන්ධයෙන් කැකිරාව මහේස්ත්රාත් අධීකරණය මඟින් ස්ථානීය මහේස්ත්රාත් පරීක්ෂණයක් සිදු කිරීමට නියමිත බව පොලිසිය කියයි.
මෙලෙස අභීරහස් ලෙස මිය ගොස් ඇත්තේ මරදන්කඩවල මාමිණියාව, ප්රෙද්ශයේ පදිංචිව සිටි පදිංචි වයස අවුරුදු 63ක් වන පුද්ගලයෙකු බව මෙතෙක් සිදු කළ මූලික පොලිස් විමර්ශණවලදී අනාවරණය කරගෙන තිබේ.
සිද්දිය සම්බන්ධයෙන් මරදන්කඩවල පොලිස් ස්ථානය මඟින් මේ වනවිට වැඩි දුර විමර්ශණ සිදුකරමින් සිටී.
හිටපු ජනාධිපති J.R. ජයවර්ධන ආණ්ඩුක්රම ව්යවස්ථාවට “සමාජවාදී” වචනය යොදා තිබීම ගැන කිසිවෙකු බය නොමැති පසුබිමක, තම පක්ෂය සමාජවාදී පක්ෂයක් වීම ගැන පමණක් බය වන්නේ ඇයිදැයි ජාතික ජන බලවේගයේ නායක අනුර කුමාර දිසානායක විමසනවා.
දැනටත් ආණ්ඩුක්රම ව්යවස්ථාවේ මෙරට හඳුන්වන්නේ “ශ්රී ලංකා ප්රජාතන්ත්රික සමාජවාදී ජනරජය” ලෙස බවයි ඔහු පෙන්වා දෙන්නේ.
සමාජවාදයේ මූලික ලක්ෂණය වන්නේ රට නිෂ්පාදනයට යොමු කර ජාතික නිෂ්පාදනය වර්ධනය කිරීමත්, එම නිෂ්පාදනයට ජනතාව හවුල් කරගැනීමත්, එම නිෂ්පාදනය සඳහා ලැබෙන ප්රතිලාභයෙන් සාධාරණ පංගුවක් නැවත ජනතාව වෙත ගලා යෑමට සැලැස්වීමත් බවයි ඔහු පැහැදිලි කළේ.
අද ගමේ ජනතාවට ආර්ථිකයට දායක විය හැක්කේ ඉතා අල්ප වශයෙන් වන බැවින් ගමට ආර්ථිකයේ ප්රතිලාභ ලැබෙන්නේද ඉතා අල්ප වශයෙන් බවද, තමන් බලාපොරොත්තු වන්නේ ආර්ථිකය වර්ධනය කරන අතරම ආර්ථිකය ප්රසාරණය කර, ගමේ ජනතාවටද ආර්ථික ක්රියාවලියක නිරත විය හැකි පරිදි ආර්ථිකය තල්ලු කිරීම බවද, එවිට ඔවුන්ටද ආර්ථිකයෙන් ප්රතිලාභයක් ලැබෙන බවද ඔහු සඳහන් කළා.
සමාජවාදී මූලධර්ම මත ගොඩනැගුණු තම ආර්ථික ප්රතිපත්තියේ මූලික සංකල්පය එය බවයි පසුගියදා රූපවාහිනී වැඩසටහනකට එක්වෙමින් ඔහු අවධාරණය කළේ.
ICC ලෝක කුසලාන 2023 සහ ICC විස්සයි විස්ස ලෝක කුසලානයේ මෑත කාලීන බලාපොරොත්තු සුන්වීම් කණගාටුවට කරුණක් වන බව විදේශ අමාත්ය අලි සබ්රි පවසනවා.
ක්රිකට් යටිතල ව්යුහය තුළ ගැඹුරට මුල් බැස ඇති ගැටලු ඇති බවත් ඒවාට තාවකාලික විසඳුම් ලබා දීමෙන් කිසිදු ඵලයක් නොමැති බවයි සිය X ගිණුමේ සටහනක් තබමින් අමාත්යවරයා සඳහන් කර ඇත්තේ.
ක්රිකට් ක්රීඩාව පුද්ගලික ව්යාපාරයක් බවට පත් කළ අයගේ පාලනයෙන් නිදහස් කරන නිර්භීත, වෘත්තීය ප්රවේශයක් අවශ්ය බවද අමාත්යවරයා පෙන්වාදී තිබෙනවා.
ක්රිකට් ක්රීඩාවේ තත්ත්වය සොයා බැලීම සඳහා පත් කළ කැබිනට් අනුකමිටුවේ සභාපතිවරයා ලෙසද විදේශ අමාත්ය අලි සබ්රි කටයුතු කරනවා.
අදාළ සටහන පහතින්.
දුම්රිය ධාවනාගාර රියදුරු වැඩ වර්ජනය හේතුවෙන් අද දින මේ දක්වා දුම්රිය ගමන්වාර 32 ක් අවලංගු වී තිබෙනවා.
ඒ අනුව සවස කාලය වන විට එම ප්රමාණය මීට වඩා වැඩිවීමට හැකියාවක් ඇති බවයි දුම්රිය දෙපාර්තමේන්තුව සඳහන් කළේ.
උසස් වීමේ ගැටලුවක් සහ බඳවා ගැනීමේ ගැටලුවක් මුල් කරගමින් දුම්රිය රියදුරු සංගමය මෙම වෘත්තීය සමිති ක්රියාමාර්ගය ආරම්භ කර තිබෙනවා.
මාසයක කාලයක් තුළ ඩෙංගු රෝගීන්ගේ ඉහළ යාමක් අපේක්ෂා කළ හැකි බව ජාතික ඩෙංගු මර්දන ඒකකය පවසනවා.
ඒ අනුව මෙම කාලය තුළ ඩෙංගු මරණ 09ක් වාර්තා වී ඇති නමුත් අධි වසංගත තත්ත්වයක් දක්වා රෝග ව්යාප්තිය වර්ධනය වීම පාලනය කිරීමට අවශ්ය පියවර ගත යුතු බවයි ජාතික ඩෙංගු මර්දන ඒකකයේ අධ්යක්ෂ, විශේෂඥ වෛද්ය සුදත් සමරවීර සඳහන් කළේ.
දිවයිනට බලපා ඇති අයහපත් කාලගුණ තත්ත්වය හේතුවෙන් සංවිධානය කර තිබූ ඩෙංගු මර්දන වැඩසටහන් සියල්ල කල් දැමීමට සිදුවී ඇති බව සෞඛ්ය කීට විද්යා නිලධාරීන්ගේ සංගමයේ සභාපති නජිත් සුමණසේන සඳහන් කළා.
පූජ්ය බලංගොඩ කස්සප හිමියන් අද (06) දහවල් තලංගම පොලීසිය විසින් අත්අඩංගුවට ගෙන තිබෙනවා.
යෝජිත විදුලි පනතට එරෙහිව විරෝධතා පුවරුවක් රැගෙන පාර්ලිමේන්තුව අසල උපවාසයක නිරතවෙමින් සිටියදී මෙලෙස අත්අඩංගුවට ගෙන ඇති බවයි වාර්තා වෙන්නේ.
