Category: news_main

උතුරු ඇමරිකාවේ  ප්‍රථම වරට පවත්වනු ලබන සිහිනයේ ස්වරය පළමු රියැලිටි ගායන තරඟය ඇමරිකා එක්සත් ජනපදයේ සහ කැනඩාවේ වෙසෙන සියලුම ශ්‍රී ලාංකිකයන් සදහා විවෘතයි.

බොස්ටන් ලංකාහි සිහින යාත්‍රා සංගීතමය වැඩසටහන හරහා ක්‍රියාත්මක වන සිහිනයේ ස්වරය තුළින් ඇමරිකා එක්සත් ජනපදයේ සහ කැනඩාවේ වෙසෙන ගායන හැකියාවන් පිරිපුන් සියලුම ශ්‍රී ලාංකිකයන් සදහා අනර්ඝ අවස්ථාවක් උදාකර දී තිබෙනවා.

ගායනය සදහා දැඩි උනන්දුවක් දක්වන ආධුනික ගායක ගායිකාවන්ගේ දක්ෂතාවයන් සමස්ථ ප්‍රේක්ෂක ජනතාව අතරට ගෙනයාම මෙන්ම ඔවුන්ගේ සිහින සැබෑ කර ගැනීමේ මුලික පදනම සැකසීම, මෙම වැඩසහන හරහා අපේක්ෂිතයි.

සිහිනයේ ස්වරය අවසන් මහා තරගය නිව්යෝක් හිදී පැවැත්වීමට සියලු කටයුතු මේවන විට සංවිධාන කර ඇති අතර සිංහල, දෙමළ සහ ඉංග්‍රිසි යන භාෂා ත්‍රිත්වයෙන්ම තරඟකරුවන්ට ඔවුනගේ ගායනා ඉදිරිපත් කල හැකි.

ශ්‍රී ලාංකීය සංගීත කේෂ්ත්‍රෙය් පුරෝගාමී ප්‍රවීණයන් දෙපළක් වන ජගත් වික්‍රමසිංහ සහ ඉන්දිකා උපමාලි සමඟින් ඇමරිකා එක්සත් ජනපදයේ ආචාර්ය අර්ජුන් බාලසූරිය මෙම තරඟයේ විනිශ්චය මණ්ඩලය ලෙස කටයුතු කරනවා.

සහභාගීවන තරඟකරුවන්හට මෙම තරඟ පුරාවටම විනිශ්චය මණ්ඩලය වෙතින් සංගීතමය දැනුම ලබා ගත හැකි වන අතර තවද සමස්ථ වේදිකාවේ ඉදිරිපත් කිරීමේ හැකියාව ප්‍රායෝගිකව වර්ධනය කර ගනිමින් ලොව වෙසෙන ප්‍රේක්ෂකයන් හට තම දක්ෂතා එළි දැක්විමට අවස්ථාව උදාවනු ඇති.

අග්‍රාමාත්‍ය රනිල් වික්‍රමසිංහ මහතා මේ දිනවල යාපනයේ සංචාරයක නිරතවනවා.

මෙම සංචාරය අතරතුර අග්‍රාමත්‍යවරයා සැහැල්ලුවෙන් අයිස්ක්‍රීම්වල රස බලන ඡායාරූප කිහිපයක් මේ දිනවල අන්තර්ජාලයේ සැරිසරනවා.

එම ඡායාරූප පහතින්

පාර්ලිමේන්තුව තුළ පසුගිය නොවැම්බර් 14,15 සහ 16 යන දිනවල ඇති වූ ගැටුම්කාරි සිද්ධිය සම්බන්ධයෙන් මන්ත්‍රිවරු 7දෙනෙකුට එරෙහිව අධිකරණ හමුවේ නඩු පැවරීමට පාර්ලිමේන්තු වරප්‍රසාද කමිටුව තීරණය කර තිබෙනවා.

එම ගැටුම සම්බන්ධයෙන් චෝදනා එල්ල වී ඇති අනෙක් මන්ත්‍රිවරු පනස් දෙදෙනාට එරෙහිව නඩු පැවරීමක් සිදු නොකෙරෙන අතර, ඔවුන්ට ලබාදෙන දඬුවම සම්බන්ධයෙන් පාර්ලිමේන්තු වරප්‍රසාද කමිටුව මඟින් ඉදිරියේදී තීරණය කිරීමට නියමිතයි.

මෙම ගැටුම්කාරි සිද්ධි  සම්බන්ධයෙන් විමර්ශනය කිරීම සඳහා කථානායක කරූ ජයසූරිය මහතා විසින් නියෝජ්‍ය කථානායක ආනන්ද කුමාරසිරි මහතාගේ ප්‍රධානත්වයෙන් පත් කළ කමිටුවේ වාර්තාව පසුගිය 22 වැනිදා කථානායක කරූ ජයසූරිය මහතාට බාර දෙනු ලැබුවා.

එම වාර්තාවෙන් එක්සත් ජනතා නිදහස් සන්ධානයේ මන්ත්‍රීවරුන් 54 දෙනෙකුට, එක්සත් ජාතික පක්ෂ මන්ත්‍රීවරුන් 04 දෙනෙකුට සහ ජනතා විමුක්ති පෙරමුණේ මන්ත්‍රීවර‍යෙකුට චෝදනා එල්ල වී තිබුණා.

ඒ අනූව එක්සත් ජනතා නිදහස් සන්ධාන පාර්ලිමේන්තු මන්ත්‍රිවරුන් වන ප්‍රසන්න රණවීර, ජෝන්ස්ටන් ප්‍රනාන්දු, පද්ම උදයශාන්ත ගුණසේකර යන මන්ත්‍රීවරු තිදෙනාට පොලිස් රාජකාරියට බාධා කිරීම, පොලිස් නිලධාරීන්ට අතින් පයින් හා පුටුවකින් පහර දී තුවාල සිදුකිරීම සහ පාර්ලිමේන්තු සභා ඝර්භය තුළදී මිරිස් කුඩු ප්‍රහාරයක් එල්ල කිරීම යන චෝදනා යටතේ අධිකරණය හමුවේ නඩු පැවරීමට නියමිතයි.

එමෙන්ම එක්සත් ජාතික පක්ෂය නියෝජනය කරන රාජ්‍ය අමාත්‍ය රන්ජන් රාමනායකට සහ නියෝජ්‍ය අමාත්‍ය පාලිත තෙවරප්පෙරුම යන දෙදෙනාට සභා ගර්භයට පිහියක් රැගෙන ඒම සහ සාපරාධි බිය වැද්දීම යටතේ නඩු පැවරීමට පාර්ලිමේන්තු වරප්‍රසාද කමිටුව තීරණය කර තිබෙනවා.

පොදු දේපලක් වන කථානායක මේසය මත ඇති මයික්‍රෆෝනය කඩා විනාශ කර රුපියල් තුන්ලක්ෂ විසි පන්දහසක අලාභයක් සිදුකිරීම සම්බන්ධයෙන් එක්සත් ජාතික පක්ෂයේ ආනන්ද අලුත්ගමගේ සහ එක්සත් ජනතා නිදහස් සන්ධානයේ දිලුම් අමුණුගම යන මන්ත්‍රීවරුන්ට එරෙහිව නඩු පැවරීමට අද පැවති පාර්ලිමේන්තු වරප්‍රසාද කමිටුවේදී තීරණයකට එළැඹ තිබෙනවා.

ශ්‍රී ලාංකීය ඉතිහාසය තුළ එතෙක් මෙතෙක් සිදු වූ දැවැන්තම බැංකු මංකොල්ලය වශයෙන්  මහබැංකු මුදල් වංචාව දැක්විය හැකිය. මහබැංකු  බැදුම්කරය හරහා අති දැවැන්ත වූ දුෂණයක් සිදු ව තිබෙන බව නොරහසකි. එහි ප්‍රධාන සැකකරුවන් වන පර්පෙචුවල් ට්‍රෙෂරීස් සමාගම් සමූහයේ අධ්‍යක්ෂ අර්ජුන ඇලෝසියස් සහ එහි විධායක නිලධාරී  කසුන් පලිසේන යන දෙදෙනාට ඇප ලබාදීමට ඉකුත් 1 වැනිදා කොළඹ ප්‍රධාන මහේස්ත්‍රාත්  ලංකා ජයරත්න මෙනවිය නියෝග කරන ලදී. මෙහිදී එක් අයකුට රුපියල් මිලියනයක් බැගින් වු  මුදල් ඇප දෙකක් සහ එක් අයකුට රුපියල් මිලියන 2 බැගින් වු ශරීර  ඇප 4 ක් මත  ඔවුන්ට ඇප ලැබුණු අතර එම ඇපකරුවන් ඔවුන්ගේ ලගම  ඥාතීන් විය යුතු බවට මහේස්ත්‍රාත්වරිය විසින් දන්වා සිටින ලදී. සැකකරුවන් දෙදෙනාගේ විදෙස් ගමන්ද තහනම් කළ මහේස්ත්‍රාත්වරිය සැකකරුවන් සෑම මසකම අවසන්  ඉරිදා 9 සහ12 අතර කාලයේදී අපරාධ පරීක්ෂණ දෙපාර්තමේන්තුවේ පෙනි සිටිය යුතු බවටද නියෝග කර ඇත. එමෙන්ම සැකකරුවන් දෙදෙනාගේ දරුවන්ගේ අසනීප තත්ත්වයන් පිළිබඳව සළකා බලමින්  මෙලෙස ඔවුනට ඇප නියම කරනු ලැබූ බව දන්වා සිටින ලදී.

මහ බැංකු බැඳුම්කර වංචාවට අදාළ නඩු විභාගයට සෘජුවම වගකිවයුත්තා අර්ජුන මහේන්ද්‍රන්ය. ඔහු අත්අඩංගුවට ගැනීම සදහා ජාත්‍යන්තර පොලීසිය රතු නිවේදනයක් නිකුත් කර ඇත. නමුත් මේ සම්බන්ධයෙන් සිදු කරන පරීක්ෂණ වල සැලකිය යුතු මට්ටමේ ප්‍රගතියක් ලගාකරගෙන නොමැති අතර ඔහු රිසි සේ සිංගප්පුරුවේ කල් ගෙවයි.  මහින්ද රාජපක්ෂ මහතා පරාද කිරීම සදහා මුල් වුණ ප්‍රධාන කරණය වන්නේ ඔහු තමන් සන්තක බලය අසීමිත ලෙස යොදාගනමින් දුෂණය වෙනුවෙන් අනුග්‍රහය සැපයීමයි. මෛත්‍රීපාල සිරිසේන මහතා පොදු අපේක්ෂකයා ලෙස ප්‍රසිද්ධ වේදිකාවන්හිදී රාජපක්ෂවරුන්ගේ දුෂණය ගැන කථා කළේය. දුෂිතයන්ට නීතිය ක්‍රියාත්මක කරන බව පැවසිය.  එවැනි පසුබිමක් තුළ මේ සම්බන්ධයෙන් නීතිය ක්‍රියාත්මක කිරීම ජනධිපතිවරයාගේ හා එජාප ආණ්ඩුවේ ප්‍රධාන වගකීමකි.