Breaking News
පාස්කු ප්රහාරය එල්ල කළේ කවුරුන් ද යන්න තමන් දන්නා බවට කළ ප්රකාශය සම්බන්ධයෙන් මෛත්රීපාල සිරිසේනගෙන් අද දිනයේදී ප්රකාශයක් සටහන් කර ගත් බව පොලිසිය පවසයි.
පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව ප්රකාශ කළේ, පෙරවරු 10.30 සිට පස්වරු 4.30 දක්වා අපරාධ පරීක්ෂණ දෙපාර්තමේන්තුවේදී මෙම ප්රකාශය සටහන් කර ගත් බව ය.
කෙසේ වෙතත්, මෛත්රීපාල සිරිසේන ප්රකාශය ලබා දීමෙන් අනතුරුව ඉන් පිටතට පැමිණෙන තුරු බලා සිටි මාධ්යවේදීන් මග හරිමින් ඔහු ඉන් පිටව ගිය බව මාධ්යවේදීහු පවසති.
වාර්ෂිකව පවත්වාගෙන එනු ලබන අලුත් සහල් මංගල්යය මෙවරත් පැවැත්වීමට කටයුතු යොදා ඇති බව ගොවිජන සංවර්ධන දෙපාර්තමේන්තුව පවසනවා.
ඒ අනුව අලුත් සහල් මංගල්යය අප්රේල් මස 06 දින ජය ශ්රී මහා බෝ සමිඳුන් අභියස පැවැත්වෙන බවයි එම දෙපාර්තමේන්තුවේ කොමසාරිස් ජනරාල් ඒ.එම්. එච්. එල්. අබේරත්න සඳහන් කළේ.
උදාවන සිංහල හා දෙමළ අලුත් අවුරුද්ද මෙන්ම 2024 යල කන්නයේ වගා කටයුතු සාර්ථක කර ගැනීම සඳහා ජය ශ්රී මහා බෝ සමිඳුන්ගේ ආශිර්වාද ලබා ගැනීම මෙම උත්සවයේ අරමුණ බව ගොවිජන සංවර්ධන දෙපාර්තමේන්තුව වැඩිදුරටත් සඳහන් කළේ.
ලොකු ලූනු අපනයනය කිරීම සඳහා ඉන්දියාව විසින් පනවා ඇති තහනම නැවත දැනුම් දෙන තුරු දීර්ඝ කිරීමට එරට රජය තීරණය කර තිබෙනවා.
මිල ඉහළ යාම පාලනය කිරීමට සහ දේශීය වෙළෙඳපොළ තුළ ලොකු ලූනු තොග පවත්වාගෙන යාමේ අරමුණින් එම තීරණය ගෙන ඇති බවයි වාර්තා වෙන්නේ.
පසුගිය දෙසැම්බර් මාසයේ ඉන්දීය රජය විසින් ලොකු ලූනු අපනයනය තහනම් කළ අතර එය ලබන 31 වන දිනෙන් අවසන් වීමට නියමිතව තිබුණා.
මැදින් පුර පසළොස්වක පොහොය දිනය අදට යෙදී තිබෙනවා.
බුදුරජාණන් වහන්සේ ඥාතී සංග්රහය පිණිස සිය ජන්ම භූමිය වු කිඹුල්වත්පුරයට වැඩම කරවීම ආරම්භ කරනු ලැබුවේ අද (24) වැනි මැදින් පුර පසළොස්වක පොහෝ දිනක බවයි ශාසන ඉතිහාසයේ දැක්වෙන්නේ.
බුදුරජාණන් වහන්සේ කිඹුල්වත්පුරයට වැඩම කරවීමෙන් අනතුරුව යමාමහ පෙළහර පෑම, ශුද්ධෝදන රජුට වෙස්සන්තර ජාතකය දේශනා කිරිම, රාහුල කුමරු මහණ කරවීම සහ මහා ප්රජාපතී ගෝතමී දේවිය සෝවාන් ඵලයට පත්වීම ද අද වැනි පොහෝ දිනක සිදුව තිබෙනවා.
අදට යෙදී තිබෙන මැදින් පුර පසළොස්වක පොහොය දිනය වෙනුවෙන් දිවයින පුරා සෑම විහාරස්ථානයකම ආමිස සහ ප්රතිපත්ති පූජා සංවිධානය කර තිබෙනවා.
පසුගිය 21 වැනිදා ජනාධිපති රනිල් වික්රමසිංහ සමග පැවති සාකච්ඡා ඉතා සාර්ථකව අවසන් වූ බව ශ්රී ලංකා පොදුජන පෙරමුණේ නායක බැසිල් රාජපක්ෂ පවසනවා.
මැතිවරණ සම්බන්ධයෙන් දෙපාර්ශවය අතර අදහස් හුවමාරු කරගත් නමුත් අවසන් තීරණයකට එළඹියේ නැති බවද, තම පුද්ගලික අදහස නම් පාර්ලිමේන්තු මැතිවරණයකට යෑම බවයි ඔහු සඳහන් කළේ.
ඊයේ (22) රාත්රියේ සිය පක්ෂ කාර්යාලයේ පැවති සාකච්ඡාවකින් පසුව ඔහු මාධ්ය වෙත අදහස් දක්වමින් මේ බව පැවසුවා.
යල කන්නය සඳහා ගොවීන්ට අවශ්ය ජලය නිකුත් කිරීම ආරම්භ කර ඇති බව වාරිමාර්ග දෙපාර්තමේන්තුව පවසනවා.
ඒ අනුව, මේ වනවිට ප්රධාන ජලාශ 73 ක ජල ධාරිතාව 90%ක මට්ටමක පවතින බවයි එහි ජල කළමනාකරණ අධ්යක්ෂ විමල් රත්නසිරි සඳහන් කළේ.
අප්රේල් 10 වනදා සිට මාර්ග නීති උල්ලංඝණය කරන රියදුරන් පිළිබඳව තොරතුරු දත්ත පද්ධතියකට ඇතුළු කරන බව ලසන්ත අලගියවන්න රාජ්ය අමාත්යවරයා පවසනවා.
ඒ අනුව, දඩ මුදල් ගෙවීම් සිදු කරන තැපැල් කාර්යාල හරහා වරදේ ස්වභාවය, අදාළ පොලිස් ස්ථානය, රියදුරු බලපත්රයේ විස්තර සහ දුරකථන අංකය යන තොරතුරු මෙම දත්ත පද්ධතියට ඇතුළු කරන බවයි ඔහු පවසන්නේ.
ඉන්දියාවට සහ පැරිස් සමාජයේ රටවල් සඳහා ශ්රී ලංකාව ගෙවිය යුතු ණය සඳහා වසර 6ක සහන කාලයක් ලැබීමට ඉඩ ඇති බව විදෙස් මාධ්ය වාර්තා කරනවා.
ණය නැවත ගෙවීම ආරම්භ කළ පසු පොලිය ද අඩු කෙරෙන බවයි ඉන්දියාවේ The Hindu වෙබ් අඩවිය වාර්තා කර තිබෙන්නේ.
ණය ප්රතිව්යුහගත කිරීමේ සාකච්ඡා මේ වන විට අවසන් අදියරේ පවතින බවත් කොන්දේසි සම්බන්ධයෙන් මූලික එකඟතාවය ඉක්මණින් එළඹෙනු ඇති බවයි එම මාධ්ය වාර්තා වැඩිදුරටත් සඳහන් කරන්නේ.
අධිකරණයකින් නියෝග කරන්නේ නම් හෝ විමසන්නේ නම් පාස්කු ප්රහාරයට සම්බන්ධ හා වගකිවයුතු සියලු දෙනා පිළිබඳ තොරතුරු හෙළි කිරීමට තමා සූදානම් බව හිටපු ජනාධිපති පාර්ලිමේන්තු මන්ත්රී මෛත්රිපාල සිරිසේන පවසනවා.
අස්ගිරි මහා විහාර ඓතිහාසික ගෙඩිගේ රජමහා විහාර නව ධර්ම මන්දිරය විවෘත කිරීමේ අවස්ථාවට ප්රධාන ආරාධිත වශයෙන් අද (22) දින එක් වූ ඔහු අනතුරුව පැවති මාධ්ය හමුවේ දී මෙම අදහස් පළකර තිබෙනවා.
එසේම එය රහසිගතව තබා ගැනීමට විනිසුරුවරුන්ගේ කාර්යක් වන බවයි හිටපු ජනාධිපති මෛත්රීපාල සිරිසේන වැඩිදුරටත් සඳහන් කළේ.
24-03-21
කැකිරාව කුෂාන් ජයවර්ධන
කැකිරාවේ රිය අනතුරකින් 12 හැවිරිදි පාසැල් සිසුවෙක් එම ස්ථානයේදීම මරුට.
============
කැකිරාව ගනේවල්පොල මාර්ගයේ ඇඹුල්ගස්වැව ප්රෙද්ශයේදී අද (21) සවස සිදුවූ මාරක රිය අනතුරකින් වයස අවුරුදු 12ක පාසැල් සිසුවකු එම ස්ථානයේදීම ජිවිතක්ෂයට පත්ව තිබේ.
මෙලෙස මිය ගොස් ඇත්තේ කැකිරාව බස්තියන් සිල්වා විද්යාලයේ 06 වැනි වසරේ ඉගෙනුම ලැබූ කුසල යුගත් සංජීව නම් 12 වැනි වියෙහි පසුවූ පාසැල් සිසුවෙකි. එම පවුලේ එකම දරුවා ද ඔහුය. මිය ගිය සිසුවා කැකිරාව නෙල්ලියගම ප්රෙද්ශයේ පදිංචිව සිටි අයෙකි.
කුඩා කල සිට ඇඹුල්ගස්වැව මහ විද්යාලයේ ඉගෙනුම ලබා ඇති මෙම සිසුවා මින් දින තුනකට පමන ඉහතදී කැකිරාව බස්තියන් සිල්වා විද්යායට ඇතුළත්ව තිබිණ. පළමු වරට බස්තියන් සිල්වා විද්යාලයට ගිය ඉකුත් දිනයේ එහි සිහිවටනයක් ලෙස එම පාසැලේ නිලඇදුමින් සැරසී සිහිවටන ඡායාරෑපයක් ද ලබා ගැනීමට එම සිසුවා කටයුතු කර තිබිණ.
මිය ගිය සිසුවාට කලක පටන් පිය සෙනෙහසද අහිමිව සිට ඇති අතර මව ද කලකට ඉහතදී විදේශ ගතව ඇති අතර එම සිසුවා සිය මිත්තනිය භාරයේ සිට අධ්යාපන කටයුතු සිදුකරමින් සිට ඇත.
සුපුරුදු පරිදි අද(21) දිනයේ පාසැල් ගොස් ඇති සිසුවා පාසැලේ පැවැති විශේෂ පුහුනු වැඩසටහනකට සහභාගී වීමට ක්රීඩා ඇදුමින් සැරසී පාසැල් ගොස් තිබිණ. සිය පාසැල් කටයුතු නිම වීමෙන් පසුව අද සවස පොදු ප්රවාහන බස් රථයකින් නිවසට පැමිණීමට එම සිසුවා කටයුතු කර තිබිණ. එලෙස නිවස බලා පැමිණි සිසුවා ඇඹුල්ගස්වැව මංසන්දියේදී බසයෙන් බැස පාර මාරුවීමට ගිය අවස්ථාවේ ගනේවල්පොල දෙස සිට පැමිණි ලොරි රථයක ගැටී මෙලෙස අනතුරට ලක්ව ඇති බව පොලිසිය කියයි. සිසුවා පාර මාරුවීමට ගිය අවස්ථාවේ ලොරි රථය එනු දැක ඇති ඒ ආසන්නයේ සිටි කාන්තාවක විසින් දැක ඇති අතර නවතින ලෙස දරුවාට ඒ බව දන්වා කෑ ගසා ඇති බවද පොලිසිය සිදු කළ විමර්ශණවලදී හෙළිව තිබේ. කෙසේ වෙතත් එම අවස්ථාවේ පාර මාරුවෙමින් සිටි සිසුවා ලොරි රථයේ ගැටී ඇවැටී ලොරි රථයට යටවී ඇතැයි පොලිසිය කියයි , ලොරි රථයේ ගැටීමෙන් හා ඊට යටවීමෙන් සිසුවාගේ හිසට බරපතල හානි සිදුව තිබිණ. බරපතල තුවාල ලත් සිසුවා එම ස්ථානයේදීම ජීවිතක්ෂයට පත්ව තිබූ අතර මිය ගිය පාසැල් සිසුවාගේ පාසැල් පොත් බෑගය ද සිසුවාගෙ මෘත ශරීරයෙහි කරෙහි එම අවස්ථාව වනවිටත් දක්නට ලැබිණ..
ලොරි රථයේ රියදුරාගේ අපරික්ෂාකාරී රිය පැදවීම අනතුරට හේතු වී ඇති බව සිදු කළ විමර්ශණ වලදී අනාවරණය වී ඇතැයි පොලිසිය කියයි.
අනතුර සැලවීමත් සමග ප්රෙද්ශවාසී බොහෝ දෙනෙකු එම ස්ථානයට එක්රොක්ව සිටියහ.
අනතුර සිදුවූ ස්ථානයට පැමිණි කැකිරාව මහේස්ත්රාත්වරිය විසින් සිසුවකුට මරු කැදවූ එම මාරක රිය අනතුර සම්බන්ධයෙන් වූ ස්ථානීය මහේස්ත්රාත් පරීක්ෂණය සිදුකරනු ලැබීය. අදාළ සිසුවාගේ මළ සිරුර සම්බන්ධයෙන් පශ්චාත් මරණ පරීක්ෂණක් පැවැත්වීම සදහා සිරුර අනුරාධපුර මහ රෝහලේ අධිකරණ වෛද්ය නිලධාරීවරයා වෙත යොමු කිරීමට එහිදී මහේස්ත්රාත්වරිය පොලිසියට නියෝග කළාය. ඒ අනුව පශ්චාත් මරණ පරීක්ෂණය සදහා මිය ගිය සිසුවාගේ මෘත ශරීරය අනුරාධපුර ශික්ෂණ රෝහල වෙත රැගෙන යාමට පොලිසිය කටයුතු කරනු ලැබීය.
සිසුවාට මරුකැදවූ මාරක රිය අනතුරට සම්බන්ධ ලොරි රථය හා එහි රියදුරු මේ වනවිට සිදු කෙරෙන වැඩිදුර විමර්ශණ කටයුතු සදහා පොලිස් අත්අඩංගුවට ගෙන ඇති අතර මෙලෙස පොලිස් අත්අඩංගුවට ගෙන ඇති රියදුරු මුන්දලම ප්රෙද්ශයේ පදිංචි 59 හැවිරිදි පුද්ගලයෙකි.
පොලිස් අත්අඩංගුවට ගෙන ඇති ලොරි රථයේ රියදුර හෙට(22) කැකිරාව මහේස්ත්රාත් අධීකරණය වෙත ඉදිරිපත් කිරීමට නියමිත බව කැකිරාව පොලිසිය පවසයි.
කැකිරාව- ගනේවල්පොල මාර්ගය මෑතකදී අලුත්වැඩියා සිදුකළ එකක් වන අතර එම මාර්ගයේ මාර්ග සංඥා හෝ පදික මාරු යොදා නොතිබීම නිසා මෙවැනි අනතුරු සිදුවන බව මෙම අනතුර සම්බන්ධයෙන් අදහස් දැක්වූ ප්රෙද්ශවාසීහු පවසති. ඇඹුල්ගස්වැව මංසන්දිය නිරන්තරයෙන් පාසැල් සිසුන් ගැවසෙන ස්ථානයක් වන බැවින් බලධාරීන් ඒ සම්බන්ධයෙන් විශේෂ අවධානය යොමු කළයුතු බව ද එම මාර්ගයේ මාර්ග සංඥා කඩිනමින් යෙදිමට කටයුතු කළ යුතු බවද එම ප්රෙද්ශවාසීහු වැඩිදුරටත් පවසති.
ප්රෙද්ශය භාර උසස් පොලිස් නිලධාරීන්ගේ නියෝග අනුව කැකිරාව පොලිස් ස්ථානාධීපති ප්රධාන පොලිස් පරීක්ෂක සුමිත් මුණසිංහ මහතාගේ මෙහෙයවීම මත කැකිරාව පොලිස් රථවාහන අංශයේ වැඩ බලන ස්ථානාධීපති උප පොලිස් පරීක්ෂක බී හේරත් මහතාගේ ප්රධානත්වයෙන් පොලිස් සැරයන්වරුන් වන 36918- බණ්ඩාරනායක 51535- රාජකරුණා මගින් මෙම අනතුර සම්බන්ධයෙන් වූ වැඩි දුර විමර්ශණ සිදුකරයි.
