දර්ශාන් කානිල් ප්රනාන්දු – මොරටුව 0773710807
21/03/2024
රත්මලාන ප්රදේශයේ මහාපරිමාණ මත්ද්රව්ය ජාවාරම්කරුවෙකු වන උපුල් නොහොත් ” රත්මලානේ උපුලා ” නමැත්තා හොරයින් මත්කුඩු ග්රෑම් 25 ක් සමග අත්අඩංගුවට ගත් බව ගල්කිස්ස මූලස්ථාන පොලිසිය21) සඳහන් කරයි
මහා පරිමාණයෙන් මත්ද්රව්ය ජාවාරමේ යෙදුනු මෙම ජාවාරම්කරු සම්බන්ධයෙන් යුක්තියේ මෙහෙයුමට සමගාමීව පොලිස් පරීක්ෂක නාලක අලහකෝන් මහතා සහ පොලිස් කණ්ඩායමක් විසින් රත්මලාන දුම්රිය පොල ප්රදේශය වටලා වයස අවුරුදු 40 ක් වන රත්මලාන ප්රදේශයේම පදිංචි මෙම සැකකරු මත්ද්රව්ය සිය සන්තකයේ තබාගෙන සිටියදී අත්අඩංගුවට ගෙන ඇත.
පැරිස් රාජ්යයේ සිට මහාපරිමාණයෙන් මත්ද්රව්ය ජාවාරමේ යෙදෙන “පැරිස් අංජු යන අනුවර්ත නාමයෙන් හදුන්වන මෙරට මත්ද්රව්ය ජාවාරම මෙහෙයවන ප්රධාන පෙලේ මත්ද්රව්ය ජාවාරම්කරුවෙකු වන අංජු නමැත්තාගේ ගෝලයෙකු වන මෙම සැකකරු මත්ද්රව්ය බෙදාහරින බවත් මීට පෙර විශාල අපරාධ රැසකට සහ මත්ද්රව්ය ජාවාරම් කිරීම සම්බන්ධයෙන් බන්ධනාගාර ගතකර ඇති බවත් ගල්කිස්ස පොලිසිය පැවසීය.
සැකකරු ගල්කිස්ස මහේස්ත්රාත් අධිකරණය වෙත ඉදිරිපත් කරන බවත්
ගල්කිස්ස මූලස්ථාන පොලිස් පරීක්ෂක දිලීප සී. පෙරේරා මහතාගේ උපදෙස් පරිදි අපරාධ පරීක්ෂණ අංශයේ ස්ථානාධිපති පොලිස් පරීක්ෂක නාලක අලහකෝන් පො.සැ.71342- ගුණවර්ධන, පො.කො. 82423 – වීරතුංග, පො.කො. 51568 – උදයංග, පො.කො.රි. 80193 – කුලරත්න යන නිලධාරීන් විසින් විමර්ශණ සිදුකරන බව ගල්කිස්ස පොලිසිය මූලස්ථානය පැවසීය.
