Breaking News
වසරකට ළමා පිළිකා රෝගීන් 900කට ආසන්න ප්රමාණයක් වාර්තා වන බව රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්ය දීපාල් පෙරේරා පවසනවා.
එය පසුගිය වසර කිහිපයට සාපේක්ෂව වැඩි අගයක් ගන්නා බවයි විශේෂඥ වෛද්යවරයා සඳහන් කරන්නේ.
ළමුන්ගේ දෛනික ක්රියාකාරකම් අඩු වීම හා කෙටි ආහාර සහ පැණි බීමවලට ළමුන් වැඩි පිරිසක් හුරුවීම මෙලෙස පිළිකා රෝගී තත්ත්වයන්ට බලපා ඇති බවද ඔහු සඳහන් කළා
නිදහස් දිනය වෙනුවෙන් ජනපති සමාව හිමි වූ සිරකරුවන් 754දෙනෙකු අද (04) දිනයේ නිදහස් කර තිබෙනවා.
ඒ අතර කාන්තා රැඳවියන් 25 දෙනෙකුද වන බවයි එම දෙපාර්තමේන්තුව සඳහන් කළේ.
මේ අතර අදට යෙදී ඇති නිදහස් දිනය හේතුවෙන් බන්ධනාගාර රැඳවියන්ට අමුත්තන් හමුවීමට අවසර හිමිව තිබෙන බවයි වැඩිදුරටත් වාර්තා වන්නේ.
ප්රධාන ආරාධිතයා ලෙස තායිලන්ත අගමැති එක් වෙයි
ශුද්ධෝත්තම ෆ්රැන්සිස් පාප් වහන්සේ, තුන්වන චාල්ස් රජු ඇතුළු ලෝක රාජ්ය නායකයන්ගෙන් සුබ පැතුම්
76 වන ජාතික නිදහස් දින සැමරුම “හදමු අලුත් රටක්” යන තේමාව යටතේ ජනාධිපති රනිල් වික්රමසිංහ මහතාගේ ප්රධානත්වයෙන් අද (04) පෙරවරුවේ කොළඹ ගාලු මුවදොර පිටියේදී අභිමානවත්ව පැවැත්විණි.
මෙහි විශේෂ ආරාධිත අමුත්තා ලෙස තායිලන්ත අග්රාමාත්ය ශ්රෙත්ථා තාවීසින් මහතා එක්ව සිටි අතර ලොව සියලුදෙනාගේ සහාය ඇතිව යළි ගොඩනැඟෙමින් සිටින ශ්රී ලංකාවේ අනන්යතාව ලොවට විදහා දැක්වීම මෙහි අරමුණ විය.
ශ්රී ලංකා යුද හමුදාව විසින් ජනාධිපතිවරයා උත්සව භූමියට සම්ප්රාප්තවීම සැල කෙරෙන හොරණෑ වාදනය කිරීමෙන් පසු ආරක්ෂක මාණ්ඩලික ප්රධානී, ත්රිවිධ හමුදාපතිවරුන් සහ වැඩබලන පොලිස්පතිවරයා විසින් ජනාධිපතිවරයාව උත්සව භූමියේ ප්රධාන කොඩි කණුව අසලට කැඳවාගෙන ඒම සිදු විය.
ඉන් අනතුරුව මඟුල් බෙර වාදන හා සක් හඬ මධ්යයේ ජනාධිපතිවරයා විසින් ජාතික ධජය එසවීමෙන් පසු උත්සවයේ කටයුතු ආරම්භ කෙරිණි.
අනතුරුව ජනාධිපතිවරයා විශේෂ පීඨිකාව අසලට කැඳවාගෙන යාම සිදු වූ අතර එහිදී පාසල් සිසු සිසුවියෝ 100 දෙනෙක් ජාතික ගීය ගායනා කළහ. එමෙන්ම පාසල් සිසුවියන් 25 දෙනෙකු විසින් ජයමංගල ගාථා සහ “දේවෝ වස්සතු කාලේන” ආශීර්වාදාත්මක ගාථා ගායනා කිරීම ද සිදු විය.
මාතෘ භූමියේ ස්වාධීනත්වයේත්, ස්වෛරීභාවයේත්, භෞමික අඛණ්ඩතාවයේත් තිර පැවැත්ම වෙනුවෙන් දිවි පිදූ සියලුම ශ්රී ලාංකිකයන් අනුස්මරණය කිරීම සඳහා නිශ්ශබ්දතාවක් පැවැත්විණි.
ඉන්පසු ජනාධිපති උත්තමාචාර ආචාර වෙඩි මුර 21ක් පිරිනැමීම සිදු කෙරුණු අතර, ශ්රී ලංකාව ස්වෛරී රාජ්යයක් බව ලොවට පසක් කරමින් 76 වන නිදහස් දින සැමරුම් පෙළපාළිය, ත්රිවිධ හමුදාව පොලීසිය, සිවිල් ආරක්ෂක බළකාය සහ ජාතික ශිෂ්ය භට බළකාය විසින් වර්ණවත් කළහ.
ශ්රී ලාංකික ජාතියේ ශක්තිය සහ උදාරත්වය විදහා දක්වමින් සිංහ ප්රතිමාව රැගත් රථය පෙරටු කර ගනිමින් යුද, නාවික, ගුවන් පොලිස් සහ සිවිල් ආරක්ෂක බළකාය සහ ජාතික ශිෂ්යභට බළකායට අයත් නිලධාරීහු ජාතික ධජ රැගෙන පෙළපාළියේ ගමන් කළහ.
ත්රිවිධ හමුදා සන්නද්ධ රථ ද ඊට ඇතුළත් වූ අතර විශ්රාමික නිලධාරීන් 22 දෙනකු සහ ආබාධිත නිලධාරීන් 29 දෙනෙකු එහි ගමන් කරනු ලැබීය. ත්රිවිධ හමුදා තූර්ය වාදක පෙළපාළියක්ද ඊට ඇතුළත් විය.
ආචාර පෙළපාළිය අවසන් වන තුරුම පීඨිකාව මත රැදී සිටි ජනාධිපතිවරයා එහි ගමන් කළ සියලු රණවිරුවන් වෙත සිය ගෞරවය පිරිනැමීම ද විශේෂත්වයකි.
එමෙන්ම ශ්රී ලංකාව සතු ගුවන් ශක්තිය ප්රදර්ශනය කෙරෙන කෆිර් යානා ඇතුළු ගුවන් සන්දර්ශනයකින් ද මෙම අවස්ථාව වර්ණවත් වූ අතර ශ්රී ලංකාව සතු නාවික ශක්තිය ද අභිමානවත්ව ප්රදර්ශනය කෙරිණි.
ත්රිවිධ හමුදාව සහ පොලිසිය නියෝජනය කරන පැරිෂුට් භටයන් තිස් දෙනකුගේ සහභාගිත්වයෙන් පැවති පැරෂුට් සන්දර්ශනයකින් සහ සංස්කෘතිකාංග රැසකින් මෙම උළෙල වර්ණවත් විය.
මේ අතර ශ්රී ලංකාවේ අභිමානවත් 76 වන ජාතික නිදහස් දින සැමරුම වෙනුවෙන් වතිකානුවේ අති උතුම් ශුද්ධෝත්තම ෆ්රැන්සිස් පාප් වහන්සේ, බ්රිතාන්යයේ තුන්වන චාල්ස් රජු, ජපානයේ නරුහිතෝ අධිරාජ්යයා, ඇමරිකා එක්සත් ජනපදයේ ජනාධිපති ජෝ බයිඩ්න්, රුසියානු ජනාධිපති ව්ලැද්මීර් පුටින්, චීන ජනාධිපති ෂී ජිංපින්, දකුණු කොරියානු ජනාධිපති යුන් සුක් යෙඕල්, ඉන්දීය ජනාධිපති ද්රෟපදි මුර්මු, ලිබියානු ජනාධිපති ආචාර්ය මොහොමඩ් වයි. අල්-මෙන්ෆි, සිංගප්පූරු ජනාධිපති තර්මන් ශන්මුගරත්නම්, ඕස්ට්රේලියාවේ අග්රාණ්ඩුකාර ජෙනරාල් ඩේවිඩ් හර්ලි යන මහත්වරු මෙන්ම පාකිස්ථාන ජනාධිපති, බංග්ලාදේශ ජනාධිපති සහ කුවේට් රාජ්යයේ එමීර්වරයා ඇතුළු රාජ්ය නායකයන් සහ නියෝජිතයන් ජනාධිපති රනිල් වික්රමසිංහ මහතා වෙත සහ ශ්රී ලංකා රජය වෙත සිය සුබපැතුම් පළ කර තිබිණි.
මහා සංඝරත්නය සහ සෙසු ආගමික පූජකවරු ද, මහාචාර්ය මෛත්රී වික්රමසිංහ මහත්මිය ද, අග්රාමාත්ය දිනේෂ් ගුණවර්ධන මහතා ඇතුළු කැබිනට් අමාත්යවරු, රාජ්ය අමාත්යවරු, ආණ්ඩුකාරවරු, පාර්ලිමේන්තු මන්ත්රීවරු, 76 වන නිදහස් සැමරුම වෙනුවෙන් මෙරටට පැමිණි තායිලන්ත නියෝජ්ය අග්රාමාත්ය සහ එරට වාණිජ අමාත්ය ෆුම්තාම් වෙචයචායි මහතා ඇතුළු තායිලන්ත දූත පිරිස සහ විදෙස් තානාපතිවරු හා මහකොමසාරිස්වරුන් ද, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සහ ජනාධිපති කාර්ය මණ්ඩල ප්රධානි සාගල රත්නායක, ජනාධිපති ලේකම් සමන් ඒකනායක, අග්රාමාත්ය ලේකම්, කැබිනට් ලේකම්, ආරක්ෂක අමාත්යාංශයේ ලේකම් ඇතුළු අමාත්යාංශ ලේකම්වරුන් ද, ආරක්ෂක මාණ්ඩලික ප්රධානි සහ ත්රිවිධ හමුදාපතිවරු, වැඩබලන පොලිස්පති, සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් ඇතුළු ආරක්ෂක අංශ ප්රධානීහු, රාජ්ය නිලධාරීහු සහ රණවිරුවෝ මෙම අවස්ථාවට එක්ව සිටියහ.
පාස්කු ඉරුදින ප්රහාරයට යුක්තිය ඉල්ලා ගෙනයන සටන වෙනුවෙන් ජාත්යන්තර සහයෝගය ලබාගැනීම සඳහා වූ විශේෂ සාකච්ඡාවක් , පාස්කු ඉරුදින ප්රහාරයට යුක්තිය උදෙසා ඉතාලි – ශ්රී ලංකා සංසදයේ සාමාජිකයින් ( italiano – Sri Lankesi, forum di giustizia per le vittime dell’attentato della domenica di Pasqua) හා ඉතාලි රදගුරු සමුළුවේ සභාපති අති උතුම් කාදිනල් මතියෝ සුප්පි (Cad.Matteo Zuppi) හිමිපාණන් අතර ඊයේ (02.03) පස්වරුවේ පවත්වා ඇත.
එහිදී ඔවුන් විසින් , අති උතුම් මැල්කම් රංජිත් කාදිනල් හිමිපාණන්ගේ ප්රධානත්වයෙන් අප රට තුළ සහ ජාත්යන්තරවත් ගෙනයනු ලබන යුක්තියේ සටන වෙනුවෙන් උන්වහන්සේගේ සහයෝගය ඉල්ලා ඇති අතර , මේ දක්වා ශ්රී ලංකා රජය සහ ආරක්ෂක අංශ විසින් , පාස්කු ඉරුදින ප්රහාරය සම්බන්ධයෙන් කටයුතු කර ඇති ආකාරය හා විමර්ශන වල තත්වය ඇතුළත් ඉතාලි සහ ඉංග්රීසි බසට පරිවර්තනය කරන ලද ලේඛන කිහිපයක් සහ වීඩියෝ පටයක් ද උන්වහන්සේ වෙත ඉදිරිපත් කර ඇත.
අති උතුම් කාදිනල් සුප්පි සැලකෙන්නේ , ශුද්ධෝත්තම ෆ්රැන්සිස් පාප්වහන්සේගේ ඉතාමත් කිට්ටු සමීපතමයෙකු ලෙසයි.
මෙහිදී මැල්කම් කාදිනල් රංජිත් හිමිපාණන් ඇතුළු ශ්රී ලාංකීය කිතුනු සභාව , ගෙනයනු ලබන යුක්තියේ සටන සම්බන්ධයෙන් උන්වහන්සේගේ ඉමහත් ප්රශංසාව හිමිව තිබේ.
මේ වෙනුවෙන් ශ්රී ලංකා රදගුරු සමුළුවට අවශ්ය සහයෝගය සම්බන්ධයෙන් දැනටමත් උන්වහන්සේ ලා ක්රියාකරගෙන යන බවත් ,
ශුද්ධෝත්තම පාප්තුමන් ද ඒ සම්බන්ධයෙන් අවධානයෙන් පසුවන බවත්,
ශ්රී ලංකානු රජය තව දුරටත් යුක්තිය හා සාධාරණත්වය ලබාදීමට අපොහොසත් වන්නේ නම්, කාදිනල් මැල්කම් රංජිත් හිමිපාණන්ගේ එකඟතාවයෙන්, එක්සත් ජාතීන්ගේ මානව හිමිකම් සමුළුව හා ඉතාලි රජය සමගත් විශේෂාකාරයෙන් මැදිහත් වී කටයුතු කිරීමට බලාපොරොත්තු වන බවත්,
කිසිවිටෙකත් ලාංකීය කිතුනු ජනතාව තනිනොකරන බවටත් උන්වහන්සේ වැඩිදුරටත් පවසා තිබේ.
එමෙන්ම ඉතාලියේ වෙසෙන ශ්රී ලාංකිකයින් විසින් ඉදිරියේදී මේ සම්බන්ධයෙන් සංවිධානය කරනු ලබන වැඩසටහන් හා ඉතා ඕනෑකමින් සම්බන්ධ වීමට තමන් කැමැත්තෙන් පසුවන බවත් උන්වහන්සේ වැඩිදුරටත් පවසා තිබේ.
හෙට (04) දිනයේදී මුහුදුබඩ මාර්ගයේ ධාවනය වන දුම්රිය, කොළඹ නගරාසන්න දුම්රිය ස්ථාන කිහිපයක නතර නොකරන බව දුම්රිය දෙපාර්තමේන්තුව දැනුම් දෙනවා.
ඒ අනුව, හෙට පෙරවරු 05.00 සිට පෙරවරු 09.00 දක්වා කාලය තුල මහලේකම් කාර්යාලය දුම්රිය ස්ථානයත්, කොල්ලුපිටිය සහ බම්බලපිටිය යන දුම්රිය ස්ථානවලත් දුම්රිය නොනවත්වන බවයි එම දෙපාර්තමේන්තුව සඳහන් කරන්නේ.
හෙට (04) පැවැත්වෙන 76 වැනි නිදහස් සමරු උත්සවය සඳහා සහභාගි වන ප්රභූවරුන්ගේ සහ පෙළපාලිය සඳහා සහභාගි වන ත්රිවිධ හමුදා හා පොලිස් භට පිරිස්වල ආරක්ෂාව තහවුරු කිරීම සඳහා මෙලෙස දුම්රිය නොනවත්වා ධාවනය කිරීමට සැලසුම් කර ඇති බවයි වැඩිදුරටත් දැනුම් දෙන්නේ.
දේශිය හා ජාත්යන්තර විරෝධය මැද ආණ්ඩුව විසින් ගෙන එන ලද මාර්ගගත සුරක්ෂිතභාවය
පිළිබඳව කෙටුම්පත හරහා අගතියට පත්වන පාර්ශව හට නීති සහාය ලබා දීමට සමගි ජන බලවේගය සුදානම් බව විපක්ෂ නායකවරයා ප්රකාශ කර තිබේ.
සත්යවාදී තොරතුරු රටට හෙළි කිරිමට බිය නොවන ලෙසත් එසේ සත්යවාදී තොරතුරු රටට හෙළි කිරිම තුළින් අසහනයට පත් වන රාජ්ය මිලේච්ඡත්වය රාජ්ය හිරිහැරවලට අත්අඩංගුවට ගැනීම්වලට ලක්වන සියලුම ජනතාව වෙනුවෙන් නොමිලේ නීති සහාය ලබා දෙන බවයි විපක්ෂ නායක සජිත් ප්රේමදාස පවසන්නේ.
මාර්ගගත සුරක්ෂිතභාවය යනුවෙන් ජනතාවගේ ප්රජාතන්ත්රවාදී අයිතිය නැති කිරීම නිසා සමාජ මාධ්ය හරහා රටට තොරතුරු හෙළි කිරිමට මිනිසුන් බය වී ඇති බව විපක්ෂ නායකවරයා, පෙබරවාරි 2 වැනිදා කේවල සුහුරු පන්ති කාමර ලබා දීමේ වැඩසටහනේ 80 වැනි අදියර යටතේ කඹුරුපිටිය මහා විද්යාලයට රුපියල් ලක්ෂ 10ක් වටිනා සුහුරු පන්ති කාමර උපකරණ ලබා දීමට එක්වෙමින් පැවසීය.
ඇත්ත කතා කරන්න, චරිත ඝාතනය නොකර නිදහසේ සත්ය හෙළිදරව් කරන්න ජනතාවට අයිතිය ඇති බව පවසන සජිත් ප්රේමදාස මෙය හිට්ලර්ගේ හෝ මුසොලනීගේ හෝ ස්ටාර්ලින්ගේ රට නොවන බවත් ඇත්තේ ප්රජාතන්ත්රවාදී වැඩපිළිවෙළක් බව අවධාරණය කළේය.
රට විනාශ කළ පුද්ගලයන්ගෙන් බලය ලබා ගෙන හිට්ලර්ලා, මුසෝලනීලා වෙන්න උත්සාහ දරන්නේ නම් තව මාස 7, 8කින් ජනතාව රටේ වෙනසක් සිදු කරනු ඇති බවට විශ්වාස කරන විපක්ෂ නායක සජිත් ප්රේමදාස එම වෙනස පොදුජන වරම තුළින් සිදුවන බව තවදුරටත් කියා සිටියේය.
හිටපු සෞඛ්ය අමාත්ය සහ වත්මන් පරිසර අමාත්ය අමාත්ය කෙහෙළිය රඹුක්වැල්ල
අද (පෙබරවාරි මස 2 වැනිදා) අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනු ලැබීය.
අමාත්ය කෙහෙළිය රඹුක්වැල්ල අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබූ බව පොලිස් මාධ්ය කොට්ඨාසය තහවුරු කළේය.
අමාත්යවරයාව එලෙස අත්අඩංගුවට ගෙන ඇත්තේ ප්රශ්නගත ප්රතිදේහ එන්නත් සිද්ධිය සම්බන්ධයෙන් ප්රකාශයක් ලබා දීමට අපරාධ පරීක්ෂණ දෙපාර්තමේන්තුව හමුවේ අද පෙනී සිටීමෙන් අනතුරුවයි.
මාලිගාකන්ද මහේස්ත්රාත් අධිකරණය විසින් ඊයේ ( පෙබරවාරි 01 වෙනිදා) අමාත්ය කෙහෙළිය රඹුක්වැල්ලට නියෝග කළේ ප්රශ්නගත මානව ඉමියුනෝග්ලොබියුලීන් ප්රතිදේහ ඖෂධ සිදුවීම සම්බන්ධයෙන් අපරාධ පරීක්ෂණ දෙපාර්තමේන්තුව හමුවේ අද ( පෙබරවාරි 2 වැනිදා) උදෑසන 9.00 ට පෙනී සිටින ලෙසය.
ඒ අනුව අමාත්ය කෙහෙළිය රඹුක්වැල්ල අපරාධ පරීක්ෂණ දෙපාර්තමේන්තුව හමුවට අද පෙරවරුවේ පැමිණි අතර ඔහුගෙන් පැය 10 කට අධික කාලයක් ප්රකාශ සටහන් කර ගැනීමෙන් අනතුරුව මෙලෙස අත්අඩංගුවට ගෙන තිබේ.
හිටපු සෞඛ්ය ඇමති චුදිතයෙක් වෙන්නේ කොහොමද?
ප්රශ්නගත ප්රතිදේහ එන්නත් සිද්ධිය සම්බන්ධයෙන් හිටපු සෞඛ්ය අමාත්ය සහ වත්මන් පරිසර අමාත්ය අමාත්ය කෙහෙළිය රඹුක්වැල්ලට එරෙහිව සිවිල් සංවිධාන විසින් දිගින් දිගටම චෝදනා එල්ල කරමින් සිටියි.
එම මෙම සිද්ධිය සම්බන්ධයෙන් ප්රකාශයක් ලබා දීමට අපරාධ පරීක්ෂණ දෙපාර්තමේන්තුවට (CID) යට පැමිණෙන ලෙස දැනුම් දුන්නද පසුගිය ජනවාරි 31 වැනිදා ඔහු එහි නොගියේ තමන්ට වෙනත් කටයුත්තක් මෙන්ම මහාධිකරණය හමුවේ පෙනී සිටීමට ඇති බවට CID යට ලිඛිතව ලිපියක් යොමු කරමින් ය.
මෙලෙස අපරාධ පරීක්ෂණ දෙපාර්තමේන්තුව හමුවේ පෙනී නොසිටි අමාත්ය කෙහෙළිය රඹුක්වැල්ල අද (පෙබරවාරි 02) උදෑසන 9.00ට පමණ අපරාධ පාරීක්ෂණ දෙපාර්තමේන්තුව හමුවට පැමිණියේය. ඒ එම දෙපාර්තමේන්තුව වෙත ගොස් ප්රකාශයක් ලබා දෙන ලෙස මාලිගාකන්ද මහේස්ත්රාත් අධිකරණය විසින් (පෙබරවාරි 01 වැනිදා) නියෝග කරනු ලැබීමෙන් අනතුරුවය.
අධිකරණයේදී සිදුවුයේ කුමක්ද ?
මාලිගාකන්ද මහේස්ත්රාත් අධිකරණය විසින් කෙහෙළිය රඹුක්වැල්ල අමාත්යවරයාට එරෙහිව විදෙස් ගමන් තහනමක් පනවනු ලැබීය.
මෙහිදී සෞඛ්ය අමාත්යංශයේ වෛද්ය සැපයුම් අංශයේ තොග පාලක සුජිත් කුමාර නමැත්තා රුපියල් ලක්ෂ 10 බැගින් වූ ශරීර ඇප දෙකක් මත මුදාහැරීමට අධිකරණය විසින් නියෝග කරන ලදී.
එමෙන්ම සෞඛ්ය අමාත්යංශයේ හිටපු ලේකම් ජනක ශ්රී චන්ද්රගුප්ත ඇතුළු සෙසු සැකකරුවන් 6 දෙනා පෙබරවාරි 15 වැනිදා දක්වා තවදුරටත් රක්ෂිත බන්ධනාගාරගත කිරීමට ද නියෝග කෙරුණි.
හිටපු සෞඛ්ය ඇමති චුදිතයෙක් වෙන්නේ කොහොමද?
‘හදිසි සහ අත්යවශ්ය වුවමනා’ බව සඳහන් කරමින් හිටපු සෞඛ්ය අමාත්ය කෙහෙළිය රඹුක්වැල්ල අමාත්ය මණ්ඩල පත්රිකාවක් ඉදිරිපත් කර ඖෂධ වර්ග 183ක්, ඇගයීම් කමිටුවක් හරහා දින 4ක් තුළදී ඇගයීමකට ලක් කර ඇති බවත්, එලෙස ඇගයීමට ලක් කළ ඖෂධ අතර මෙම ප්රශ්නගත ඉමියුනෝග්ලොබියුලීන් ඖෂධය සහ චෝදනාවට ලක්වූ තවත් ඖෂධ 3ක් තිබී ඇති බවත් සෞඛ්ය වෘත්තීයවේදීන්ගේ සංගමයේ සභාපති රවි කුමුදේශ් බීබීසී සිංහල සේවයට පැවසුවේය.
ඔහු කියා සිටියේ අමාත්යවරයා විසින් කැබිනට් පත්රිකාව අමාත්ය මණ්ඩලයට යොමුකරන විටත් ඖෂධ මිලදී ගැනීම සඳහා වන ටෙන්ඩර් කැඳවීම සිදුකොට ඊට අදාළ කටයුතු සිදුකර තිබෙන අයුරු මෙහිදී පෙනී යන බවයි.
“උදාහරණයක් විදිහට කෙහෙළිය රඹුක්වැල්ල චුදිතයෙක් වෙන්නේ කොහොමද කියලා අහන කොට අපිට එතන තියෙන ප්රශ්නේ තමයි සෞඛ්ය ලේකම්වරයා කැබිනට් පත්රිකාව අනුමත වුණා කියලා හිතාගෙන ටෙන්ඩර් පළ කරද්දී කැබිනට් පත්රිකාව අනුමත වෙලා තියෙන්නේ ඊට සතියකට පස්සේ කියන එක.”
“මේ කාරණා කොහොමද නිල වශයෙන් ඇමතිවරයා විසින් ලේකම්වරයාට ලබා දෙන්නේ කියන එක ගැන රටේ ක්රමවේදයක් නැති නිසා එතැනදී ඇමතිවරයා අහුවෙන්නේ නෑ.”
“නමුත් ලේකම්වරයාගේ ඉදන් පල්ලෙහාට ඉන්න කණ්ඩායම අහුවෙනවා ඔවුන් ලිඛිත තොරතුරු පදනම්කර ගෙන වැඩකරන කණ්ඩායමක් නිසා.” ඔහු පැවසුවේය.
‘හුඟ දෙනෙක් වහලා කතා කරන්නේ – මමයි පළවෙනි පැමිණිල්ල කලේ’
ප්රශ්නගත මානව ඉමියුනෝග්ලොබියුලීන් ප්රතිදේහ ඖෂධ සිදුවීම සම්බන්ධයෙන් හිටපු සෞඛ්ය අමාත්ය සහ වත්මන් පරිසර අමාත්ය කෙහෙළිය රඹුක්වැල්ල බීබීසී සිංහල සේවයට අදහස් දක්වමින් කියා සිටියේ තමන් මෙය දකින්නේ දේශපාලන වැඩපිළිවලක් ලෙස බවයි.
“කවුරුත් මේක දැන ගෙන නෙමේ කතා කරන්නේ.මම මේක දකින්නේ දේශපාලන වැඩපිළිවෙලක් විදිහටයි.”
“මේ සම්බන්ධව මම සියලුම කැබිනට් පත්රිකා, ප්රසම්පාදන ක්රියාවලිය සිදුකළ ආකාරය ඇතුළු සියලුම කරුණු CID එකට භාරදීලා තියෙනවා.”
“ඊට අමතරව දැන් තියෙන කරුණු ටිකත් මම ඔවුන්ට භාර දෙනවා.”
“කවුරුත් අමතක කරපු, ඒ වගේම හුඟ දෙනෙක් වහලා කතා කරන දෙයක් තමයි මේ නඩුවේ පැමිණිලිකරු මම කියන එක.”
“මමයි පළවෙනි පැමිණිල්ල කරන්නේ.ඊට පස්සේ තමයි අනිත් අය ගිහින් පැමිණිලි කරන්නේ ගිහිල්ලා.”
“මට අඳුනගන්න ලැබුණා හොර බෙහෙත් ජාවාරමක් ක්රියාත්මක වෙනවා කියලා. පස්සේ මම ඒ ගැන පැමිණිල්ලක් කළා.”
“ඊට පස්සේ මට ඒ කොම්පැනියේ අයිතිකාරයා තර්ජනාත්මකව ලියවිල්ලක් එව්වා. මම ඒ ලියමන CID එකට භාර දුන්නා. ඒවා ගැන කවුරුවත් කතා කරන්නේ නෑ. ඕක තමයි ඇත්ත.” ඔහු පැවසුවේය.
ප්රමිතියෙන් තොර ඖෂධ ගැන එල්ලවූ චෝදනා සහ විමර්ශන කමිටු පත් කිරීම
සෞඛ්ය අමාත්යවරයා ලෙස කෙහෙළිය රඹුක්වැල්ල ඉන්දියාවේ ඖෂධ නිෂ්පාදනය කරන කර්මාන්ත ශාලා නිරීක්ෂණය කිරීමට යාමේ සිදුවීමක් පිළිබඳව ද සෞඛ්ය සේවාවන්ට අදාළ වෘත්තීය සමිති විසින් එවකට ප්රශ්න කරන ලදී.
රටේ පැවති ආර්ථික අර්බුදය හේතුවෙන් ඖෂධ මිලදී ගැනීමට ප්රමාණවත් විදෙස් මුදල් නොතිබීම නිසා හදිසි මිලදී ගැනීම් ලෙස මෙරට රෝහල් සඳහා අවශ්ය ඖෂධ ඇණවුම් කිරීම සිදුකරනු ලැබුවේ ඉන්දීය රජය විසින් ලබාදුන් ණය පහසුකම යටතේය.
වත්මන් පරිසර අමාත්ය කෙහෙළිය රඹුක්වැල්ල, සෞඛ්ය අමාත්යවරයා ලෙස කටයුතු කරන ලද සමයේදී රජයේ රෝහල් මගින් ප්රතිකාර සඳහා ලබාදුන් ඖෂධ ප්රමිතියෙන් තොර බාල ඒවා බවට අවස්ථා ගණනාවකදී චෝදනා එල්ල විය.
එහිදී ශල්යකර්ම සඳහා යොදා ගැනෙන නිර්වින්දන ඖෂධ සහ භාවිතයට ගැනුණු ප්රතිජීවක එන්නත් වර්ග ආසාත්මික වී රෝගීන් මිය යාමේ සිදුවීම් සහ ඇසේ සුද ඉවත් කිරීමෙන් පසු ශල්යකර්මයට ලක්වූ පුද්ගලයින්ට ලබා දුන් ඖෂධයක් නිසා පිරිසකගේ දෑස් නොපෙනී යෑම වැනි සිදුවීම් රැසක් වාර්තා විය.
ඒ අතර නිර්වින්දන ඖෂධයක් ලබාදීමෙන් පසුව පේරාදෙණිය ශික්ෂණ රෝහලේ ගැබිණි මවක ඇතුළු කාන්තාවන් දෙදෙනෙකු මියයාම මෙන්ම උදරාබාධයකට ප්රතිකාර ලබන අතරවාරයේ 21 හැවිරිදි තරුණියක මිය යාමේ සිදුවීම් රටේ මහත් ආන්දෝලනයක් ඇති කරනු ලැබූ සිදුවීම් විය.
අසාත්මිකතා හේතුවෙන් රෝගීන් කිහිපදෙනෙකු මියයාමේ සිද්ධීන් පිළිබඳ සොයා බැලීමට සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන විසින් සාමාජිකයින් 6 දෙනෙකුගෙන් සමන්විත කමිටුවක් පත් කළේ පසුගිය වසරේ ජුලි මාසයේදීය.
එම කමිටු වාර්තාව හිටපු සෞඛ්ය අමාත්ය කෙහෙළිය රඹුක්වැල්ලට ඉකුත් වසරේ අගෝස්තු 9 වෙනිදා භාර දුන් අතර එහිදී ආසාත්මිකතා හේතුවෙන් ඇති වූ සංකූලතා හා මරණ සම්බන්ධ වූ විශ්ලේෂණයන්ට අනුව වාර්තා වූ මරණ 6 යෙන් පහක්ම දරුණු ආසාත්මිකතා (Anaphylaxis) හේතු කොටගෙන සිදු වූ බවට සඳහන් කර තිබිණි.
හිටපු සෞඛ්ය ඇමතිට එරෙහිව එල්ලවූ චෝදනා සහ විශ්වාස භංගය
ඖෂධ හිඟය, ඇතැම් ඖෂධ භාවිතා කිරීමෙන් පසු රෝගීන් මිය යෑම ඇතුළු සෞඛ්ය ක්ෂේත්රයේ කඩාවැටීම් පදනම් කරගෙන එවකට සෞඛ්ය අමාත්ය කෙහෙළිය රඹුක්වැල්ලට එරෙහිව විපක්ෂය විසින් විශ්වාසභංග යෝජනාවක් පාර්ලිමේන්තුවට ගෙන එනු ලැබිය.
පුරා දින 3ක විවාදයෙන් පසුව පැවති ජන්ද විමසීමේදී අමාත්ය කෙහෙළිය රඹුක්වැල්ලට එරෙහිව ඉදිරිපත් කළ යෝජනාව වැඩි ඡන්ද 40කින් පරාජයට පත්කිරීමට ආණ්ඩුව සමත් විය.
‘තාක්ෂණිකව හොරකම් කරන්න පුලුවන් ක්රමයක් හැදිලා තියෙනවා’
සෞඛ්ය සේවයේ ප්රසම්පාදන ක්රියාවලිය තුළ තාක්ෂණිකව හොරකම් කිරීමේ ක්රමවේදයක් නිර්මාණය වී ඇති බව සෞඛ්ය වෘත්තීයවේදීන්ගේ සංගමයේ සභාපති රවි කුමුදේශ් පැවසුවේය.
බීබීසී සිංහල වෙත අදහස් දක්වමින් ඔහු පැවසුවේ මේ වනවිට සෞඛ්ය සේවයේ ප්රසම්පාදන ක්රියාවලියේ පවතින්නේ ගැටළු සහගත තත්ත්වයක් බවයි.
“මේ කතාව ආරම්භ වෙන්නේ සෞඛ්ය ක්ෂේත්රයේ ප්රසම්පාදන ක්රියාවලියේ පවතින ගැටළු සහගත තත්ත්වයත් එක්ක.”
“මේක කෙහෙළිය රඹුක්වැල්ලගේ කතාවට සම්බන්ධ වෙන්නේ මෑත කාලීනව. “
“සෞඛ්ය සේවාවේ ප්රසම්පාදන ක්රියාවලියේ ඉතා නරක විදිහට තාක්ෂණිකව හොරකම් කරන්න පුළුවන් විදි ක්රමයක් හැදිලා තිබෙනවා.”
“ඒ ක්රමයට අනුව සෞඛ්ය කේෂ්ත්රයට ඇවිල්ලා නියම ආකාරයෙන් ව්යාපාරයක් කරන්න විදිහක් නැහැ කොමිස්, අල්ලස් හෝ වෙනත් වරදාන ලබා නොදී.”
“ඒක වෙන්නේ ඖෂධ නියාමන අධිකාරියේ ඇතුලේ වැඩකටයුතු සිදුවන ක්රමවේදය, ඒ වගේම සෞඛ්ය අමාත්යාංශයේ තාක්ෂණික ඇගයීම් කමිටු, ප්රසම්පාදන කමිටු වැඩ කරන ක්රමවේදය හරහායි.”
“ඖෂධ සමාගමකට එක පැත්තකින් ඒකාධිකාරියක් හදා ගන්න පුලුවන් වගේම අනෙක් පැත්තෙන් තත්ත්වයෙන් උසස් කියන ලේබල් එක ගහ ගන්න පුලුවන් මුදල් වියදම් කරලා.” ඔහු කීයා සිටියේය.
මෙවැනි කටයුතු සිදුවන බවට වෘත්තීය සමිති කණ්ඩායම් ඒ පිළිබඳව පෙන්වා දුන්නද, ඒ පිලිබඳ විමර්ශනය නොකර ඒවා හෙළි කළ තමන් ඇතුළු කණ්ඩායම චෝදනාවන්ට ලක් කොට වැඩ තහනම් කිරීම දක්වා ගෙන යාමට සෞඛ්ය අමාත්යාංශයේ විශේෂ විමර්ශන කමිටුව උත්සහ දැරූ බව රවී කුමුදේශ් මෙහිදී පැවසුවේය.
“ඒ සියල්ලම සිදුකලේ දේශපාලන මැදිහත්වීමක් එක්ක. එතකොට ඒ දේශපාලන මැදිහත්වීම් එක්ක අපට පෙනී ගිය එකක් තමයි මේකේ තාක්ෂණික ක්රමවේදය හරහා හොරකම් කරන්න ඉඩ හැර තිබෙනවා කියන එක.”
“ආර්ථික අර්බුදය සහ කොවිඩ් වසංගතය එක්ක ඇතැම් සමාගම් මෙය ව්යාපාර මොඩලයක් බවට පත් කර ගැනීමට කටයුතු කළා.” ඔහු කියා සිටියේය.
“හිටපු සෞඛ්ය ඇමතිවරයා ඉන්දියාවට ගිහින් එක් සමාගමක් තෝරා ගෙන ඒ සමාගමෙන් විතරක් ඖෂධ මිලදී ගන්න, කැබිනට් පත්රිකාවක් දාලා ඉල්ලුම් නොකළ ලංසු කියන ක්රමවේදයට යන්න ගියා.”
“මේක ඇතුලේ අපිට පෙනුණා යම් ගැටළු සහගත තත්ත්වයක් තිබෙනවා කියලා. අපි ඉතා අසීරුවෙන් සමහර කාරණා ගැන අපරාධ පරීක්ෂණ දෙපාර්තමේන්තුවට පැමිණිලි කළා. ”
“එසේ කරද්දී සිවිල් සංවිධාන සමග එක්ව කටයුතු කරන්න වුණා; මොකද කියනවනම් සෞඛ්ය අමාත්යාංශයේ විමර්ශන ඒකකය කළේ ප්රශ්නය ගැන හොයන්නේ නැතුව ඒක ගැන හෙළි කරන සෞඛ්ය වෘත්තීය සමිතිවලට එරෙහිව කටයුතු කිරීමයි.” ඔහු පැවසුවේය.
‘ශ්රී ලංකාවේ සෞඛ්ය සේවාව පවතින්නේ හදිසි අපදාමය තත්වයක. ඒ බව ඖෂධ නියාමන අධිකාරිය හඳුනාගෙන ඇතිබවක් පෙනෙන්නට නැහැ’
“ඖෂධ නියාමන අධිකාරිය එයාලගේ ගැලවීම සඳහා මේ සමහර ගණුදෙනු කරලා තියෙන්නේ හොර සහතික වලින් කියලා කියන්න ගත්තා.”
“හොර සහතික ගැහුවේ ඖෂධ නියාමන අධිකාරියද , සමාගමද එහෙම නැත්නම් අධිකාරිය දැනුවත්ව ගහපු හොර සහතික ද කියලා තවම අපි දන්නේ නැහැ. “
“මෙතනින් අපි අවුරුදු 4-5ක් පුරාවට කිව්ව ලංකාවේ සෞඛ්ය සේවයේ සිද්ධ වෙනවා කියන තාක්ෂණික හොරකම කියන එක ගැන හෙළිදරව් වෙනවා.”
“ඒ එක්කම කියන්න ඕන මේ හියුමන් ඉමියුනෝග්ලොබියුලීන් කතාවෙන් අපි අදහසක් ගන්න හොද නැහැ ලංකාවේ සිද්ධ වුන එකම ගනුදෙනුව මේක කියලා හරි ඖෂධ වලින් ගසා කෑම හරි පගා ගත්ත කියන එකම සිදුවීම මේක කියලා.” ඔහු කියා සිටියේය.
අනුරාධපුර වනසත්ව අඩවි කාර්යාලයට ලද තොරතුරක් අනුව එම නිලධාරීන් සිදුකළ කළ සෝදිසියකදී එම ඇතාගේ මළ සිරුර සොයාගෙන ඇත. ඒ අනුව, රඹෑව අළුත්ගම ප්රෙද්ශයේ බඩඉරිගු හේනක වැටී සිටියදී එම දළ ඇතාගේ මළ සිරුර සොයා ගැනීමට වනජීවී නිලධාරීන්ට හැකිව තිබේ. මින් දිනකට පමණ ඉහතදී එම දළ ඇතා මිය යන්නට ඇතැයි යන ජීවී නිලධාරීහු පවසති.
මෙලෙස මිය ගොස් ඇති දළ ඇතා වයස අවුරුදු 35-40ක් පමණ වන හොදින් වැඩුනු දළ යුගලක් ද හිමි ඇතෙකි.
මෙම ඇතාගේ මරණයට නිශ්චිත හේතුව අනාවරණය කර ගැනීඹ සදහා වූ පශ්චාත් මරණ පරීක්ෂණය අද පස්වරුවේ පවත්වනු ලැබිණ. ඒ, අනුරාධපුර පණ්ඩුලගම වනසත්ව සෞඛ්ය කලමනාකරණ ඒකකයේ පශු වෛද්ය චන්දන ජයසිංහ ඇතුළු නිලධාරීන් කණ්ඩායමක් විසිනි. පැවැති එම පශ්චාත් මරණ පරීක්ෂණයේදී විදුලි සැර වැදීමකින් එම දළ ඇතා මිය ගොස් ඇති බව අණාවරණය විය. මිය ගිය දළ ඇතාගේ ශරීරයෙ ස්ථාන කිහිපයක තිබී විදුලි සැර වැදුනු බවට වන සාක්ෂි සලකුණු කිහිපයක්ද වනජීවී පශු වෛද්යවරු විසින් මෙහිදී හදුනාගැනින.
ඒ අනුව මෙම දළ ඇතා ගේ මරණය ස්වභාවික එකක් නොව ඝාතනයක් යන්න හෙළීව තිබේ. ඒ අනුව විදුලි සැර යොදා මෙම දළ ඇතා ඝාතනය සැකකරුවන් කවුරුන්දැයි යනන් අනාවරණය කර ගැනීමටත් එම ඇතාගේ ඝාතනයේ සැකකරුවන් වහා අත්අඩංගුවට ගැනීමටත් අනුරාධපුර වනසත්ව අඩවි ආරක්ෂක කාර්යාලය මගින් මේ වනවිට වැඩි දුර විමර්ශණ ආරම්භ කර තිබේ.
ඡායාරූප
60- විදුලි සැර වැදීමෙන් දළ ඇතා මිය ගොස් සිටි අයුරු
2023 වර්ෂයේ 5 ශ්රේණියේ ශිෂ්යත්ව ප්රතිඵල මත පාසල් සඳහා ඇතුළත්වීමේ කඩඉම් ලකුණු අද (02) දින නිකුත් කර තිබෙනවා.
පාසල් සඳහා තීරණය වු කඩඉම් ලකුණු පිළිබඳ තොරතුරු අධ්යාපන අමාත්යාංශයේ වෙබ් අඩවියට මෙතැනින් පිවිස ලබා ගැනීමේ හැකියාව පවතිනවා.
පෙබරවාරි මාසයේදී ලිට්රෝ ගෑස් මිල සංශෝධනය නොකරන බව ලිට්රෝ ගෑස් සමාගම පවසනවා.
ඒ අනුව දැනට තිබෙන මිල ගණන්ම පවත්වාගෙන යෑමට තීරණය කළ බව ලිට්රෝ ගෑස් සමාගමේ සභාපති මුදිත පීරිස් වැඩිදුරටත් සඳහන් කළා.
