2024 පන්දුවාර විස්සයි 20 ලෝක කුසලාන ක්රිකට් තරගාවලිය සදහා ක්රීඩා කරන ශ්රී ලංකා සංචිතය නම් කර තිබෙනවා.
වනිදු හසරංගගේ නායකත්වයෙන් යුත් සංචිතයට ක්රීඩකයින් 15 දෙනෙකු ඇතුළත් අතර උප නායකයා ලෙස නම් කර ඇත්තේ චරිත් අසලංකයි.
ආබාධ හේතුවෙන් බංග්ලාදේශයට එරෙහි විස්සයි 20 තරගාවලියට ක්රීඩා නොකළ පැතුම් නිස්සංක හා දුෂ්මන්ත චමීර ලෝක කුසලාන සංචිතයට නම් කර තිබෙනවා.
අදාළ සංචිතය පහතින්.
ජාතික ඖෂධ නියාමන අධිකාරියේ හිටපු ප්රධාන විධායක නිලධාරී වෛද්ය විජිත් ගුණසේකරව එළඹෙන 20 වනදා දක්වා රක්ෂිත බන්ධනාගාරගතකර තිබෙනවා.
ප්රශ්නගත හියුමන් ඉමියුනෝග්ලොබියුලින් ප්රතිදේහ එන්නත් සිද්ධියට අදාළව ඒ මහතා අපරාධ පරීක්ෂණ දෙපාර්තමේන්තුව හමුවේ ප්රකාශයක් ලබාදීමෙන් අනතුරුව ඔහු අත්අඩංගුවට ගෙන තිබුණා.
ඒ අනුව ඔහුව මාළිගාකන්ද මහෙස්ත්රාත් අධිකරණයට ඉදිරිපත් කිරීමෙන් අනතුරුව මෙම නියෝගය ලබාදී තිබෙනවා.
2024 ජනාධිපතිවරණයේ ඡන්ද විමසීම සැප්තැම්බර් 17 වනදා සහ ඔක්තෝබර් 16 වැනිදා අතර කාලය තුළ පවත්වන බව මැතිවරණ කොමිෂන් සභාව පවසනවා.
ඒ අනුව ඊට අදාළ නාම යෝජනා කැඳවීම නියමිත කාලසීමාව තුළ සිදුකරන බවයි එම කොමිෂන් සභාව නිවේදනයක් නිකුත් කරමින් සඳහන් කරන්නේ.
අදාළ නිවේදනය පහතින්.
මේ දිනවල WhatsApp Group යොදාගනිමින් සිදුකරනා මුදල් වංචා වලින් ප්රවේශම් වන ලෙස FINCSIRT සහ LankaPay ආයතන මහජනතාව දැනුවත් කරනවා.
මෙවැනි වංචාවලදී ඔබව නොදන්නා අංකයකින් ව්යාජ නම්වලින් ඇති WhatsApp Group වලට එක්කර, සම්පූර්ණ කිරීම සඳහා යම් යම් කාර්යයන් ලබා දෙන බවද, එම කාර්යයන් සම්පූර්ණ කළ පසු ඒ සඳහා සුළු ගෙවීමක්ද ලබා දෙන අතර, එලෙස ඔබේ විශ්වාසය දිනාගත් පසු ඔබව Telegram වෙත යොමුකර නොයෙකුත් කූඨ උපක්රම හරහා ඔවුන්ගේ ගිණුමකට විශාල මුදලක් තැම්පත් කිරීම සඳහා ඔබව රවටා පොළඹවාගන්නා බවයි ඔවුන් දැනුවත් කරන්නේ.
WhatsApp යෙදුමෙහි Settings > Privacy > Groups වෙත ගොස් My Contacts තේරීමෙන්, නොදන්නා අයට ඔබව WhatsApp Group වලට එක් කිරීමට නොහැකි වන පරිදි සකසා ගැනීමෙන් මෙවැනි වංචාවලින් වැළකී සිටිය හැකි බවද ඔවුන් දැනුවත් කරනවා.
අද (09) දින විශ්ව විද්යාල වෘත්තීය සමිති නායකයින් රැස්වීමට නියමිතව තිබෙනවා.
ඒ අනුව මින් ඉදිරියට ගන්නා ක්රියාමාර්ග පිළිබදව තීරණය කිරීම සඳහා මෙම රැස්වීම කැඳවා ඇති බවයි විශ්ව විද්යාල වෘත්තීය සමිති ඒකාබද්ධ කමිටුවේ සම සභාපති ධම්මික එස්. ප්රියන්ත සඳහන් කළේ.
වැටුප් කප්පාදුව ඇතුළු ඉල්ලීම් කිහිපයක් මුල් කර ගනිමින් විශ්ව විද්යාල අනධ්යයන සේවකයින් ආරම්භ කළ අඛණ්ඩ වැඩ වර්ජනය අද 8 වන දිනටත් ක්රියාත්මක වනවා.
රු 800යට ගියපු බී ලූනු අද ඇල්පිටියේ රු 160යි,රු 200 රු 300 පන්නිපිටිය රත්මල්දෙනිය රු 160යි,දැන් කල යුත්තේ බී ලූනු පසුගිය කාලේ ඇරියස් එකත් එක්ක බුදින එක,වහාම හෙට සිට සිනි සම්බල් පාන් කාලට සීනි සම්බල් වැඩි කල යුතුය ,සිනි සම්බල් බන් එකට සීනි සම්බල් වැඩි කල යුතුය ,මාලු පාන් එලවලු රොටි,කොත්තු හාල් මැස්සෝ බැදුමට බී ලූනු වැඩි කල යුතුය ,මේ පිලිබද පාරිභෝගික යා හෝටල් බේකරි දැනුමෙන් සන්නද්ධ කල යුතුය ,චීනෙන් ගෙනාපු පොල් ගෙඩි සයිස් ලූනු කුනු වෙලා යන තැනට පිටකොටුවේ පත් වී ඇත ,ඒ ලූනු kg1ක් රු 60කටවත් අලෙවි කර ගත නොහැක ,අද ඇල්පිටියේ කුකුල් මස් රු 1100 යි,මේ මිල පහත හේලිම පිලිබද වෙලෙද අමාත්යාංශය ආනයනය කරුවන් තොග හා සිල්ලර වෙළෙඳුන්ට ගෞරවනීය ප්රණාමය,හෙට උදේ 9.30 මේ පිලිබද ගෞරවනීය මාධ්ය දැනුවත් කිරිම පන්නිපිටිය නිවසේදී ,,
අසේල සම්පත්
ජාතික පාරිභෝගික පෙරමුණ
ගල්පාත චන්දන පෙරේරා
පාහියන්ගල ගල්ලෙන් පිහිටි ස්ථානයේ බස්නාහිර පළාත් පුරාවිද්යා කාර්යාලය මගින් නව ජායාරූප සහිත සවිස්තරාත්මක පුවරු සවිකර යි.
මේ දිනවල රට තුළට ඇදී එන විදේශීය සංචාරකයන් හා දෙශීය සංචාරකයින්ට පාහියන්ගල ඉතිහාසය දැන ගැනීම සඳහා බස්නාහිර පළාත් පුරාවිද්යා කාර්යාලය මගින් පාහියන්ගල පුරාවිද්යා ස්ථානයට පිවිසෙන මාර්ගයේ සිට ලෙන දක්වා පිවිසුම් මාර්ගය දෙපස ප්රදේශයේ භාෂා තුනෙන් ම දිස්වන පරිදි සවිස්තරාත්මක පුවරු සවිකිරීම මේ දිනවල සිදුකෙරෙමින් පවතී.
මීට අමතරව මේ වන විට කැණීම් සිදුකර ඇති ප්රධාන ස්ථාන 02 ක සඳහා ආරක්ෂිත වැටක්ද ඉදිකර ඇත.
බස්නාහිර පළාත් පුරාවිද්යා දෙපාර්තමේන්තුවේ නිලධාරීන් සහ කලාප 06 නිලධාරීන් විසින් මෙම පුවරු සවිකිරීම මේ දිනවල සිදුකරනු ඇත
https://www.youtube.com/embed/R3iuEMFZN-Y?si=zcCGuZApAeFmm5Zx” title=
https://www.youtube.com/embed/_sl3rzwCukY?si=acmu6hRgh2lt1y1M” title=
https://www.youtube.com/embed/RE2yuWarg6E?si=AJl9DyNcnAVzWcJt” title=
