ශ්රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂගේ ජනාධිපතිවරණ ප්රතිපත්ති ප්රකාශය අද (02) එළිදැක්වීමට නියමිතව තිබෙනවා.
ඒ අනුව අද පෙරවරු 10.00 ට කොළඹ දී අදාළ ප්රතිපත්ති ප්රකාශය එළිදැක්වීමට නියමිතව ඇති බවයි වාර්තා වෙන්නේ.
Author: Supun
කළු ගඟ ආශ්රිත ප්රදේශ කිහිපයකට සුළු ගංවතුර තත්ත්වයක් ගැන අනතුරු ඇඟවීමක්
ඉදිරි පැය 24ක කාලය තුළ බුලත්සිංහල, මදුරාවල සහ පාලින්ද නුවර යන ප්රාදේශීය ලේකම් කොට්ඨාසවල පහත්බිම්වලට සුළු ගංවතුර තත්ත්වයක් ඇති විය හැකි බව වාරිමාර්ග දෙපාර්තමේන්තුව පවසනවා.
කළු ගඟේ කුඩා ගඟ උපද්රෝණියට අයත් ඉහළ ධාරා ප්රදේශවලට සැලකිය යුතු වර්ෂාපතනයක් ලැබී ඇති අතර තවදුරටත් වර්ෂාව ඇදහැළෙමින් පවතින බව එම දෙපාර්තමේන්තුව පෙන්වා දෙන්නේ.
මේ හේතුවෙන් බුලත්සිංහල, මදුරාවල සහ පාලින්ද නුවර යන ප්රාදේශීය ලේකම් කොට්ඨාසවල කුඩා ගඟ සහ මගුර ගඟ පිටාර තැන්නට අයත් පහත් බිම් ප්රදේශවලට සුළු ගංවතුර තත්ත්වයක් ඇතිවිය හැකි බවත් එම ප්රදේශවල අතුරු මාර්ග ජලයෙන් යට වීමේ අවධානමක් පවතින අතර ඒ හේතුවෙන් සැලකිල්ලෙන් කටයුතු කරන ලෙස වාරිමාරිග දෙපාර්තමේන්තුව එම ප්රදේශවල ජනතවෙගෙන් ඉල්ලා සිටිනවා.
මේ සම්බන්ධයෙන් නිකුත් කළ නිවේදනය පහතින්.
ලියාපදිංචි කිරීම ප්රතික්ෂේප කළ එකලස් කරන ලද වාහන කිහිපයක් ලියාපදිංචි කිරීමට පියවර ගන්නා ලෙස රිට් ආඥාවක්
ලියාපදිංචි කිරීම ප්රතික්ෂේප කරන ලද පුද්ගලයින් 41 දෙනෙකු විසින් මිලදීගෙන තිබෙන එකලස් කරන ලද වාහන ඔක්තෝම්බර් මස 31 වනදාට පෙර වහාම ලියාපදිංචි කිරීමට පියවර ගන්නා ලෙස දන්වමින් අභියාචනාධිකරණය විසින් මෝටර් රථ ප්රවාහන කොමසාරිස්වරයා වෙත රිට් ආඥාවක් නිකුත් කර තිබෙනවා.
ඊට අමතරව එක් එක් පෙත්සම්කරුට රුපියල් 10,000ක නඩු ගාස්තුවක් ගෙවන ලෙසත් අභියාචනාධිකරණය විසින් නියෝග කර ඇති බවයි සඳහන් වෙන්නේ.
බස් ගාස්තු සංශෝධනයක් සිදුවන්නේ නැහැ – ගමනාගමන කොමිෂන් සභාව
ඉන්ධන මිල පහළ දැමුවද බස් ගාස්තු සංශෝධනයක් සිදු නොවන බව ජාතික ගමනාගමන කොමිෂන් සභාව පවසනවා.
ඉන්ධන මිල සංශෝධනයට අනුව පසුගිය 01 වැනිදා මධ්යම රාත්රියේ සිට ක්රියාත්මක වන පරිදි ඉන්ධන මිල පහළ දැමීමට ලංකා ඛනිජ තෙල් නීතිගත සංස්ථාව පියවර ගෙන තිබුණා.
විදර්ශන සාහිත්ය ත්යාග ජයග්රාහකයින් ප්රකාශයට පත්කරයි
‘විදර්ශන සාහිත්ය ත්යාගය 2024’ සම්මාන උළෙල ඊයේ (01) රාත්රියේ බත්තරමුල්ල වෝටර්ස් එජ් පරිශ්රයේදී උත්කර්ෂවත් ලෙස පැවැත්වුණා.
මෙහිදී කාණ්ඩ 04ක් යටතේ කෙටි ලැයිස්තුගත වූ අත්පිටපත් අතරින්, හොඳම නවකතාව ලෙස යසස් සමන්ත වීරසිංහ ගේ ‘වැහිපීල්ලක අතරමංව’ ද, හොඳම කෙටිකතා සංග්රහය ලෙස අජිත් පැරකුම් ජයසිංහ ගේ ‘සූදුරු අබා’ ද, හොඳම කාව්ය සංග්රහය ලෙස උපුල් සේනාධිරිගේ ගේ ‘ඉඳුදුන්න නැමුණු තැන’ ද, හොඳම ඉංග්රීසි පරිවර්තනය ලෙස ලියනගේ අමරකීර්තිගේ අහම්බකාරක කෘතිය ‘The Maker of Accidents’ ලෙස පර්වර්තනය කළ අශාන්ති ඒකනායකද සම්මාන හිමි කර ගත්තා.
අධිකරණයට අපහාස කිරීමේ චෝදනාවකට මෛත්රිට එරෙහිව ගොනුකල පෙත්සමක් සලකා බැලීමට දින නියම කෙරේ
අධිකරණයට අපහාස කළේයැයි චෝදනා කරමින් හිටපු ජනාධිපති මෛත්රීපාල සිරිසේනට එරෙහිව ගොනුකර ඇති පෙත්සමක් සළකා බැලීම ලබන 27 වනදා කැඳවන ලෙස ශ්රේෂ්ඨාධිකරණය නියෝග කර තිබෙනවා.
මෙම පෙත්සම අද කැඳවනු ලැබූ අවස්ථාවේදී වගඋත්තකාර මෛත්රීපාල සිරිසේන වෙනුවෙන් පෙනී සිටි ජනාධිපති නීතිඥ මෛත්රී ගුණරත්න සඳහන් කළේ, තම සේවා දායකයා ශ්රී ලංකා නිදහස් පක්ෂයේ සභාපතිවරයා ලෙස කටයුතු කිරීම වළක්වමින් කොළඹ දිසා අධිකරණය අතුරු තහනම් නියෝගයක් නිකුත් කිරීමෙන් පසු ඔහු පක්ෂයේ සභාපති ධුරයෙන් ඉල්ලා අස්වූ බවයි.
ඒ අනුව ඔහු සභාපති ධුරයේ අඛණ්ඩව කටයුතු කිරීමක් නොකළ බවත් අධිකරණ නියෝග උල්ලංඝනය කරමින් අපහාසයක් සිදුකර නොමැති බවත් ජනාධිපති නීතිඥවරයා පෙන්වා දුන්නේ.
පෙත්සම්කරු වෙනුවෙන් පෙනී සිටි නීතිඥ ශාන්ත ජයවර්ධන අධිකරණය හමුවේ ඉල්ලීමක් කරමින් මෙම පෙත්සම කරුණු තහවුරු කිරීම සදහා දිනයක් ලබාදෙන ලෙස ඉල්ලා සිටි අතර ඒ අනුවයි අදාළ පෙත්සම ලබන 27 වනදා කැඳවන ලෙස අධිකරණය නියෝග කර ඇත්තේ.
මැතිවරණ පැමිණිලි 1745 ඉක්මවයි
ජනාධිපතිවරණයට අදාළව මැතිවරණ කොමිෂන් සභාව වෙත ලැබී ඇති පැමිණිලි තවදුරටත් ඉහළ ගොස් ඇති බව මැතිවරණ කොමිෂන් සභාව පවසනවා.
පසුගිය ජූලි 31 වැනිදා සිට අගෝස්තු 31 වනදා දින දක්වා ලැබී ඇති මුළු මැතිවරණ පැමිණිලි සංඛ්යාව 1745 දක්වා ඉහළ ගොස් ඇති බවයි එම කොමිෂන් සභාව සඳහන් කරන්නේ.
ඒ අනුව මැතිවරණ නීති උල්ලංඝණය කිරීම සම්බන්ධයෙන් පැමිණිලි 1676 ක්, ප්රචණ්ඩ ක්රියා සම්බන්ධ පැමිණිලි 10 ක් හා වෙනත් පැමිණිලි 59 ක් ද ලැබී ඇති බවයි වැඩිදුරටත් සඳහන් වෙන්නේ.
අදාළ වාර්තාව පහතින්.
යක්කල ප්රදේශයේ සිදුවූ රිය අනතුරකින් කාන්තාවක් මරුට
යක්කල ගම්පහ මාර්ගයේ යක්කල ප්රදේශයේ සිදුවූ රිය අනතුරකින් කාන්තාවක් ජීවිතක්ෂයට පත්ව තිබෙනවා.
ගම්පහ සිට යක්කල දෙසට ධාවනය වූ වෑන් රථයක් මාර්ගයේ ගමන් කළ පදික කාන්තාවකගේ ගැටී මෙම අනතුර සිදුව ඇති බවයි පොලීසිය සඳහන් කළේ.
අනතුරින් බරපතළ තුවාල ලැබූ කාන්තාව ගම්පහ රෝහලට ඇතුළත් කිරීමෙන් පසු මියගොස් ඇති අතර මියගොස් ඇත්තේ අවුරුදු 48ක් වූ යක්කල ප්රදේශයේ පදිංචිකාරියක් බවයි සඳහන් වෙන්නේ.
මාලිමාවේ හොරොව්පතාන වේදිකාවේදී රංගන ශිල්පී මහින්ද පතිරගේ කියපු අපූරු කතාව….
https://www.youtube.com/embed/-2m00ZKITvs?si=6jZASiTtA9BIqAfW” title=
නිළධාරීන් වගේ ආපු බදු හොරුන්ට අළුත්ගම ජනතාවගෙන් පාඩමක්…
https://www.youtube.com/embed/R3I5pZoaA1I?si=RyGL7-iV0R9aq08-” title=