ජනාධිපතිවරණය කේන්ද්‍ර කර ගත් සාකච්ඡා සඳහා එක්සත් ජාතික පක්ෂය විසින් ආරාධනා කර තිබියදීත්, ශ්‍රී ලංකා නිදහස් පක්ෂය ශ්‍රී ලංකා පොදුජන පෙරමුණ සමඟ සාකච්ඡා දිගටම කරගෙන යනු ඇතැයි ශ්‍රී ලංකා නිදහස් පක්ෂය පවසනවා.
අද කුරුණෑගල රැස්විමක් අමතමින් ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර මහතා කියා සිටියේ එක්සත් ජාතික පක්ෂ සංවිධානය විසින් ඊයේ දිනයේදී තමාට ලිපියක් යවා ඇති බවයි.
කෙසේ වෙතත්, ශ්‍රී ලංකා නිදහස් පක්ෂයේ අවධානය යොමු වී ඇත්තේ එක්සත් ජාතික පක්ෂ රජය පරාජය කිරීම බව ඔහු පැවසුවා.
