සයිටම් ආයතනය රැක ගැනීම සදහා කුමන්ත්‍රණයක් සිදු වෙමින් පවතින බව අන්තර් විශ්ව විද්‍යාල ශිෂ්‍ය බල මන්ඩලය පවසා සිටියි. එහි කැදවුම්කරු ලහිරු වීරසේකර විසින් 24 වන දා සවස පැවති මාධ්‍ය හමුවකදී මේ බව පවසා සිටියේය.
“ඉස්සරහට වෙන්න නියමිත කුමන්ත්‍රණය මෙන්න මේක. ඒ තමයි ලබන සදුදා මාලඹේ සයිටම් ආයතනය මගින් උද්ඝෝෂණ ව්‍යාපාරයක් සංවිධානය කිරීමට නියමිතයි.
ඒකෙදි අපිට රුසියාවෙ උපාධිය ලබා දෙන්න කියලා තමයි උද්ඝෝෂණය කරන්නෙ.ඒ උද්ගෝෂණයේ ප්‍රතිඵලයක් ලෙස සයිටම් එකට පළවෙනියට සහ දෙවනියට බදව ගත්ත කණ්ඩායම්වලට රුසියාවෙ විශ්ව විද්‍යාලයකට ගිහින් ඉගෙන ගන්න අවස්ථාව දෙනවා අවුරුද්දක්.
ඊට පස්සෙ එයාලට ලංකාවට ඇවිත් වැඩ කරන්න ප්‍රළුවන් තත්ත්වෙ හදලා දෙනවා. ඊළගට එන අයට ඒ රුසියානු සරසවියෙම ශාඛාවක් ලෙස මාලඹේ සයිටම් ආයතනය පවත්වාගෙන යමින් ඔවුන්ගේ උපාධි පාඨමාලාව සම්පූර්ණ කිරීමට අවස්ථාව දෙනවා.
දැන් මේ අනුව සයිටම් වහන්නෙ නෑ. නෙවිල් ප්‍රනාන්දු මහත්තයට කිසි ප්‍රශ්නයක් වෙන්නෙ නෑ. වෙන්නෙ එක්කො ඉස්සරහට රුසියාවෙ අදාල සරසවියෙ ශාඛාවක් ලෙස මාලඹේ සයිටම් හි නම වෙනස් වෙන එක විතරයි.
අපි මේ ආණ්ඩුවට කියනවා වෙන කව්රු ගොනාට ඇන්දුවත් අපිව ගොනාට අන්දන්න එන්න එපා.”
