ඒකාබද්ධ විපක්ෂය සංවිධානය කරන ආණ්ඩුවට එරෙහි විරෝධතා මාලාවේ මීළඟ ජන රැළිය මාර්තු මස 25 දා ගාල්ලේදී පවත්වන බව ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රී දිනේෂ් ගුණවර්ධන මහතා පවසයි.
මෙම ජන රැළිය සම්බන්ධයෙන් ආණ්ඩුවේ පාර්ශවකරුවන් සමඟ ද සාකච්ඡා කරමින් සිටින බව දිනේෂ් ගුණවර්ධන මන්ත්‍රීවරයා සඳහන් කළේය.
මේ අතර මැතිවරණය පැවැත්වීම පිළිබඳව රජයේ පාර්ශවයෙන් ප්‍රමාදයක් නොමැති බව එක්සත් ජනතා නිදහස් සන්ධාන මහ ලේකම් අමාත්‍ය මහින්ද අමරවීර මහතා පවසයි.
මන්නාරමේ පැවැති උත්සවයකින් අනතුරුව මාධ්‍යවේදීන් නැගූ ප්‍රශ්නවලට පිළිතුරු දෙමින් අමාත්‍ය මහින්ද අමරවීර මහතා මේ බව සඳහන් කළේය.
