අමරසිරි පීරිස් මහතාට සංගීත ප්‍රසංගයකට ආරාධනා කොට නියමිත මුදල් නොගෙවා වංචාකර සංවිධායකන් පැන යාමේ පුවතක් වාර්තා වේ.
පෙබරවාරි 11 දින අනුරාධපුර ස්වර්ණපාලී බාලිකා විද්‍යාලයේ ‘උන්මාද සඳ’ නමින් සංවිධානය කර තිබූ ප්‍රසංගයට විශාරද අමරසිරි පීරිස් මහතාටද ඇරයුම් කර තිබිණි.
නමුත් ප්‍රසංගයේ මුදල් ඒකතු කරගත් පසු සංවිධායකයෝ වංචනික ලෙස මූදල් නොගෙවා පැන ගොස් ඇත.
තත්ත්වය එසේ වුවද තමන් වෙනුවෙන් ඉතා දුර බැහැරින් මෙම ප්‍රසංගයට පැමිණි අහිංසක මිනිසුන් උදෙසා නොමිලයේ ගීත ගායනා කරමින් අදාළ ප්‍රසංගය පැවැත්වීමට තමා ඇතුළු සිය කණ්ඩායම කටයුතු කළ බව ද අමරසිරි පීරිස් මහතා මාධ්‍ය හමුවේ අදහස් දක්වමින් කියා සිටියේය.
එම වංචනික ලෙස කටයුතු කළ සංවිධායකයින් සම්බන්ධයෙන් අනුරාධපුර පොලීසියට පැමිණිලක් සිදුකළ බවද ඔහු පවසා සිටියේය.
එසේම නිල නොවන ආරංචිමාර්ග ලෙස වාර්තා වන්නේ අදාළ සංවිධායකයින් පොලීසිය මගින් අත් අඩංගුවට ගෙන ඇති බවයි.
අදාල සංවිධායකවරයා ප්‍රසිද්ධ සමාජසේවකයෙකු ලෙසින් අපූරු චරිතයක් රග දක්වන බවත් මීට පෙර පැල ව්‍යාපෘතියක් සම්බන්ධයෙන් ද වංචාවක් සිදු කොට ඇති බවත් වාර්තා වේ. එසේම පාසල් හදන මුවාවෙන් විදේශයන් හි ජීවත්වන ජනතාවගෙන් මුදල් වංචා කිරීම වැනි වංචාවන් රැසක් සිදු කකර ඇති බවද වාර්තා වේ.
